محمدرضا شالگونی نین دئماقوژیک و عوامفریب گؤروشلرینه باخیش
بیلیندیگی کیمی فارس سول ایستعمار تشکیلاتلاری آراسیندا ایچی بوش دئیه یایقینلاشمیش "حق تعیین سرنوشت حق مسلم خلقهاست" شعاری انسان اوغلونون قولاقلارینی ائشیتمز (کر) دوروما دوشوردوگونه باخمایاراق بیر چوخ فارس تشکیلاتلاری نین قوروجوسو و ائله جه ده او تشکیلاتلاردا آیاقچیلیق (پادو) ائدن ائتنیک باخیمدان فارس اولمایان انسانلارین دا سایی آز دئییل.
فارس ایستعمار سولچولوق ادبیاتیندا مودا اولموش بو "حق تعیین سرنوشت حق مسلم خلقهاست" شعاری نین ندن ایچی بوش اولماسینا داییر سوروشولارسا، 21. عصیرین بیلگی سایار و تئکنیک عصیری اولدوغونو نظره آلار، سیاست آچیسیندان دا میللی ظولمه معروض قالمیش دوزنسیز و تشکیلاتسیز هئچ بیر میللی توپلوم و خالق اؤز دیل و مدنیتینی اساس گؤتورمدن میللی حاقلارینی الده ائده بیلمز مسئله سینی قبول ائدرسک، فارس ایستعمار تشکیلاتلاریندا وظیفه لنمیش یالانچی شعار قهرمانلاری نین یالانلاری اورتایا چیخار. دئمک، دیل و مدنیت باخیمیندان فارس ایستعمارچیلیغینا توتولموش میللی توپلوملاری، باشلاریندا آذربایجان تورکلرینی، ایستر دئموکراسی و ایسترسه ده میللی حاقلاری اوغروندا سفربر ائتمک اوچون بو توپلوملارین دیل و مدنیتی اساس گؤتورولمز، اجتماعی و سیاسی تشکیلاتلانمالارینا اهمیت وئریلمزسه، هانکی "حق تعیین سرنوشت حق مسلم خلقهاست" شعاری حیاتا کئچه بیلر مسئله سینی هر بیر آذربایجان آیدینی دریندن گؤتور قوی ائتمه لی، هارادا اولدوغونو، هانکی فارس تشکیلاتینا باغلی اولدوغونو نظره آلمادان اؤز میللی منلیک و کیملیگینی درک ائتمه لیدیر. فارس دیل و مدنیتی نین فارس اولمایان ائتنیکلر اوزره بیر ایستعمارچی قونوم و دورومدا اولدوغونو نظره آلارساق، فارسلیق اساسیندا تشکیلاتلانماق نئجه ایران ممالیکی محروسه سینده کی فارس ایستعمارچیلیغینا توتولموش توپلوملاری آزاد ائده بیلر خولیاسینا قاپیلانلارا جاواب وئره جک بیر یاناشما ساییلار. بو باخیمدان کئچمیش 90 ایلده فارس تشکیلاتلارینا فارس دیلی و مدنیتی اساسیندا گؤرونوشده و ظاهیرده باشچیلیق، عملده ایسه آیاقچیلیق (پادوچولوق) ائدن اوزدن ایراق آذربایجان آیدینلاری فارس اولمایان ائتنوسلاری باشلاریندا آذربایجان تورکلرینی تحمیق ائتمگه یول آچماقدا قاتقیدا بولوندوقلاری اوچون فارسلیق درگاهی نین باغیشلانماز قوللاری ساییلار. بو باخیمدان محمدرضا شالگونی نین ده گؤروشلری دیققت چکیجیدیر، اوخویوروق:
"3-... البته فدرالیسم به خودی خود نمی تواند دموکاسی را تقویت کند و حتی بعضی از اشکال فدرالیسم ممکن است نابرابری های موجود میان ملیت های ایران را گسترده تر سازند و هم گرایی و همبستگی آنها ر اتضعیف کنند. تلاش برای یافتن شکلی از فدرالیسم که بتواند ملیت مدنی و حق شهروندی برابر را در این کشور جا بیندازد و از شکل گیری پیش داوری ها ملی و قومی جلو گیری کند، یکی از مهم ترین وظایف طرفداران دموکراسی در این کشور است"[i].
اوسته گؤروندوگو کیمی، محمدرضا شالگونی نین ایران ممالیکی محروسه سینده کی میللتلر مسئله سی اوزره اورتایا قویدوغو گؤروشلر فارسلیق مفکوره سینه اساسلانمیش فارس دؤولتچیلیک آنلاییشی ساییلار. بو گؤروشه اساسن فارس ایستعمار دؤلتی مدنی دؤلت اولمالی و وطنداشلارینا دا وطنداشلیق حاققی تانیمالیدیر. اوسته لیک، فارس حاکیمیتی فارس اولمایان ائتنیکلر اوزره خالق آراسیندا یایقینلاشمیش دئدی قودولارین (سؤز و صحبت و جوک دئمه لرین) دا آرادان قالدیریلماسی اوچون چابا گؤسترمه لیدیر. گئنه ده اوخویوروق:
"4 - حق آموزش به زبان مادری و حق استفاده از آن در سطوح مختلف زندگی اجتماعی، طبیعی ترین حق ملیت های این کشور است هر نوع محدودیت تراشی برای این حق، در افتادن با شرایط و لوازم ابتدایی دموکراسی و شهروندی برابر است. تردیدی نیست که رابطه میان زبان های مختلف و تنظیم رابطه آنها با زبان واسط در کل کشور، نیاز به طرح ها و تلاش های سنجیده ای دارد تا زمینه مساعدی برای هم گرایی و همبستگی و گسترش ارتباطات و پیوندهای میان ملیت های ایران فراهم گردد"[ii].
مؤللیفین مقاله باشلیغی نین آدیندان دا بللی اولدوغو کیمی فارس تشکیلاتلارینا منسوب اولان بو اوزدن ایراق سول و سوسیالیست دئموکراتلارین ایران ممالیکی محروسه سینده کی میللیتلر مسئله سینه بئلنچی یاناشمالاری فارس ایستعمارچیلیغینی اساس گؤتورموش فارس دؤلتچیلیگی ایله ایضاح ائدیلجک مقام ساییلار. فارس دئموکرات مئاب دؤلتچیلیک آنلاییشینا اساسن ایران ممالیکی محروسه سی نین یوزده آتمیش بئش (65%) و یوزده یئتمیش (70%) اهالیسینی اولوشدوران فارس اولمایان ائتنوسلار سیاسی و اجتماعی باخیمدان دوزنسیز و تشکیلاتسیز قلمه آلیندیقلاری اوچون بو توپلوملارین انسانلاری فارسلیغا تمکین ائتمه لی، ایمکان داخیلینده اؤز دیللرینده یازماق و اوخوماق حاققی ایله یئتینمه لی (قناعت ائتمه لی) و فارس دؤلتی ده اونلاری فارسلیق توپلوموندا اریتمک اوچون لازیملی ایشلری (زمینه مساعد برای همگرایی و گسترش ارتباطات) اوستلنمه لیدیر. گئنه ده اوخویوروق:
"5- دفاع از برابری حقوق ملیت های ایران به معنای تقسیم کشور به مناطق ملی در خود بسته نیست و نباید باشد. در هم تنیدگی و آمیزش های گسترده کنونی ملیت های مختلف ایران شرط حیاتی پیشرفت و شکوفایی همه آنهاست. این آمیزش ها و درهم تنیدگی ها نباید مختل گردد ، بلکه هر چه بیشتر باید تشویق شود و شرایط لازم برای گسترش آنها فراهم آید. تنها از این طریق است که حق شهروندی برابر برای همه اقلیت های ملی ، فرهنگی ، مذهبی می تواند فراهم گردد"[iii].
اوسته گؤروندوگو کیمی فارس دیلی نین یانی سیرا باشقا دیللرین اؤیرنیلمه سیندن دولاییلی یوروم و تعبیر اورتایا چیخماسین دئیه مؤللیف بو توپلوملارین بیربیرلریندن آیریلمازلیقلارینی بیر شرط دئیه ایلری سورمگه چالیشار. دئمک، "حق تعیین سرنوشت حق مسلم خلقهاست" شعاری وئرن ذات عملده ایسه پاکئتلنمیش بیر فارس تمامیتچیسی کیمی خالقلارین سئچنکلری (انتخاب) نین قارشیسینا داش دیغیرلاتماغا چالیشار. گئنه ده اوخویوروق:
"اما در باره "حفظ تمامیت ارضی کشور" باید بگویم که هیچکس نمی تواند به حدود و ثغور خانه اش بی اعتناء بماند و طبیعی است که مردم ایران نیز نمی توانند از دفاع از تمامیت ارضی کشورشان و دفاع از حاکمیت مطلق سرزمینی شان غافل بمانند. اما دفاع از تمامیت ارضی در مقابل حق تعیین سرنوشت ملیت های ایران نیست و نمی تواند باشد ، مگر این که معتقد باشیم که بعضی از ایرانیان صاحبان اصیل این سرزمین هستند و دیگران شهروندانی درجه دوم و ناتنی. به عبارت دیگر ، تلاش برای حفظ تمامیت ارضی ایران بدون تکیه بر اتحاد داوطلبانه همه ایرانیان ، آب به غربال کشیدن است"[iv].
اوسته گؤروندوگو کیمی "حق تعیین سرنوشت حق مسلم خلقهاست" شعاری وئرن ذاتلار عملده ایسه هر هانکی فارس تمامیتچیسی کیمی چیخیش ائده رک ایران اهالی سی (مردم ایران) ایفاده سی نین دالیندا گیزلنمگه چالیشار. زامانیمیز دیل و مدنیت چاغی اولدوغو اوچون "مردم ایران" دئدیکده ده نه ایفاده ائتدیگیمیز اوزره داها آرتیق دوشونمه لی ییک. دئمک، مسئله هر هانکی بیر خالق اؤز گلجگینی، هانکی اساسدا اؤزو بلیرلمکده حاقلیدیرسا، بلوچ، عرب و ساییره ائتنوسلارین گلجکلرینی بلیرمکده هر هانکی آذربایجان تورکونون نه حاققی اولابیلر؟. مسئله 1925. ایلدن گونوموزه گلن فارس مملکتدارلیقدیرسا، میللتلره زیندان اولموش فارس ایمپریاسی نین کیچیک یوخسا بؤیوک اولماسی نین فارس اولمایان ائتنوسلار اوچون نه اهمیتی وار؟ گؤروندوگو کیمی "چو ایران نباشد، تن من نباد" شعاری اؤزلرینی دئموکرات قلمه آلان دونیا وطنلی آذربایجانلی نین دا جانینا هوپموش تخدیر ساییلار. مسئله ویلادیمیر ایلیچ لنیندن میللی مسئله لره قارشین آلینمیش دئماقوژیک (عوامفریب) یاناشما، تدبیرلر و فارس نئهیلیستلیگینه قایماقدیرسا (متمایل اولماقدیرسا)، بو یاناشما دا روسیه سؤیئتلیگینده اؤز سیناغینی (امتحانینی) وئرمیش گئریجی و ایستعمارچی بیر یاناشما ساییلار.
قایناقلار:
[i] محمدرضا شالگونی، ملت ایران ؟ آری ، اما به چه معنا ؟، وبلاگ راه کارگر برای همبستگی میلتهای ایران، "حق تعیین سرنوشت حق مسلم خلقهای ساکن ایران است"، تابستان ،1381: https://darbaremasahelemelli.wordpress.com/2012/10/07/mary-43/
[ii] محمدرضا شالگونی، باخ اورادا.
[iii] محمدرضا شالگونی، باخ اورادا.
[iv]
گفتگوی
احمد مرادی محمدرضا شالگونی، برخی دیدگاهها پیرامون مسئله ملی در ایران،
دوشنبه
۲٣
بهمن
۱٣۹۱
- ۱۱
فوريه
۲۰۱٣
:
http://www.akhbar-rooz.com/article.jsp?essayId=50942
ایشیق سؤنمز، 14.02.2013