فارس استعماری نین فیکیر ملغمه سی!
کئچمیش یازیلاریمیزدا ایران ممالیکی محروسه سینده یالنیز فارس شوونیسمی دگیل، فارس شوونیسم حاکیمیتینین یانی سیرا فیکیر باخیمیندان فارس استعماری نین دا حاکیم اولدوغونو، بئله لیکله بوتون ساحه لرده (دیل، مدنیت، سرمایه و یئر آلتی قایناقلاری سایره...) فارس ایستعمارینین حاکیم اولدوغونو اورتایا قویموشدوق. بیر چوخلارینا بو مسئله یوخوش گلمه سینه باخمایاراق فارس مفکوره لی تشکیلاتلار طرفیندن موختلیف پوزلار آلتیندا فارس ایستعمارینی و فارس ایستعمارچیلیق حاکیمتینی ایران ممالیکی محروسه سینده کی فارس اولمایان میللتلره یوکله مه یه چالیشمیشلار. بو ایستعمارچی فیکیر باستانگرایلیق فورماسیندا اؤرنک اولاراق زرتشت ستوده (اؤز یازدیغینا گؤره اردبیلده دوغولموش) آذربایجان ائتنیک اراضی بوتونلوگو علیهینه یؤنله رک، آذربایجانین تاریخی توپراقلارینین موستقیل اولموش بؤلومونو »اران« آدلاندیرماق واسیطه سی ایله ایران ممالیکی محروسه سینده میللی بیلینجین دیرچلمه سی علیهینه فارس ایستعمارچی و شوونیستی فیکیرلری تیکرار ائتمه گه چالیشیر (1).
باشقا بیر سیراسی سولچولوق عونوانیندا فارس تشکیلاتلاری واسیطه سی ایله آذربایجانداکی سولچولوق آخینلارینی بهانه ائدرک تهران مرکزیتی طرفیندن ایداره ائدیلمیش و فارس حاکیمت اینحیصاریندا اولان ایران ممالیکی محروسه سینده کی سرمایا قویولوشونا و سرمایانین دا حاکیمیت اویقون گؤردوگو یئرلرده یاتیریلماسینا باخمایاراق راه کاگر کیمی "کارگران و زحمتکشان هر ملیتی قاعدتا" وغاالبا" در ارتباط مستقیم با بهره کشان "خودی" مورد بهره کشی قرار می گیرند"(2) دئیه آذربایجان میللیت مسئله سی نی دیققتدن یاییندیرماغا چالیشیر. باشقا بیر سیراسی سلطنت طلبچیلیک عونوانیندا آذربایجان میللی حوکومتینین 21 آذر 1325 ده قانا بوغولماسینی »روز نجات آذربایجان« دئیه آذربایجان میللت مسئله سینی ایرانیت مسئله سینده و فارسچیلیق سیاستی آلتیندا خاطیره لردن سیلمک ایسته ییر. بو مسئله لرین بیر چوخوندا آذربایجانلی شخصلردن ده (فارس فیکیرلی تشکیلاتلار واسیطه سی ایله تحمیق اولدوقلاری و فارس تشکیلاتلاری طرفیندن یؤن وئریلمیش دونیا گرروشلری اساسیندا) فایدالانماغا چالیشیلیر. آشاغیدا بعضی پاسازلارینی بیرلیکده اوخویاجاغیمیز یازی دا بهرام رحمانی حضرتلری قلمیندن ایرانداکی حاکیم فارس دیل و مدنیت ایستعمار تشکیلاتلاری طرفیندن یوغرولموش فیکیرلر اساسیندا قلمه آلینمیش. بو تشکیلات و شخصلری بیر بیریندن آییرد ائدن دونیا گؤروشلری (ایدئولوژی) اولماسینا باخمایاراق حاکیمیت اوغروندا فارس و تمامیتچی و ایستعمارچی فیکیرلری اساس گؤتوردوکلری اوچون اؤزلرینی بیر بیریندن آییرد ائده بیلمیرلر. بهرام رحمانی قلمیندن اوخویوروق:
"در آن دوره، دیکتاتوری و هرج و مرج و فقر و فلاکت تمام ایران را فراگرفته بود، مطالبات فرقه دمکرات پیشرو و دمکراتیک و چپ بود. اما حکومت مرکزی، به جای توجه به این مطالبات، فرقه دمکرات و رهبران آن را به تجزیه طلبی «متهم» کرد."(5)
بورادا بهرام رحمانی جنابلاری ایران سولچوسو، بعضاً ده اؤز ایچینده میللی مسئله عمل ائدیر دیئه »آذربایجان دئموکرات فیرقه سی« نین تهراانا قارشین سیاسی حرکتلرینی دئموکراتچیلیق آدلاندیرماسینا باخمایاراق آشاغیدا گؤره جه گیمیز کیمی آذربایجان میللت مسئله سی نی دار گؤروشونه سیخیشدیرماغا چالیشا راق بو مسئله نی بیر میللت چاپیندا قیمتلندیره بیلمیر. او آذربایجان میللی فعاللارینی تهرانداکی فارس حاکیمتی و اونون موختلیف قوماشلاردا اولدوغو تشکیلات عامیللری دکی »ناسیونالیست« ایتتیهامی ایله گؤزدن سالماغا چالیشیر. بهرام رحمانی جنابلاری دیل و مدنیت چاپیندا بلکه ده ناسیونالیسمین نه اولدوغونو بیلمیر. بیلیندیگی کیمی فارس ادبیاتیندا »میللیگرا« مثبت و »ناسیونالیست« منفی قلمه آلینیر. بو دا فارس آیدینلارینین فارس دیلینه اؤنم وئرمه لریندن ایلری گلیر.
بونلارا باخمایاراق تهران حاکیمیتی نین دالینی تیترتمه گه سالان او زامانکی سولچولوق دگیل، آذربایجان میللی حوکومتی آذربایجان دیل و مدنیتینی اساس گؤتوردوگو اوچون تهران حاکیمیتی زامان گئدیشی ایله آذربایجانین موستقیل اولماسی فارس ایستعمارچیلیغینی ضعیفله در دیئه آذربایجانا موختاریت ده وئرمک ایسته مه دیگی بیر یانا، آذربایجان میللی حکومتی تهران حاکیمیت آرتشی و فیکیر باخیمیندان آذربایجاندا ایرانچیلیق فیکیرینه دایالی قالیقلاری واسیطه سی ایله بوغولارکن، ایران سول توده پارتیسی تهران مجلیسینه نماینده گؤندرمک اوچون رقابت اوغروندا باش سیندیریردی. اوخویوروق:
"اکنون مرتجعین آذربایجانی در تلاشند این تاریخ آزادی خواهی و انقلابی و سوسیالیستی آذربایجان را به یاد فراموشی بسپارند تا پرچم عقب مانده ناسیونالیستی را بلند کنند. همان طور که تاریخ نیز نشان داده است حل ستم ملی در ایران، بدون جنگ و خونریزی نه از طریق خزیدن به سنگر ناسیونالیسم «خودی»، بلکه از طریق شرکت در مبارزه سراسری کارگری کمونیستی بر علیه ستم و استثمار سرمایه داری و سرنگونی جمهوری اسلامی امکانپذیر است."(5)
بیلیندیگی کیمی آذربایجان میللی حوکومتینی هر بیر میللی بیلینجلی آذربایجانلی دونیا گؤروشوندن آسیلی اولمایاراق آذربایجان میللتی اوچون میللی حوکومت بیلیردی و ایندی ده بیلیر. فقط فارس تشکیلاتلاری طرفیندن فیکیر باخیمیندان ایغفال اولموشلار ازیلمیش میللت اوزره میللت اراده سی حاکیم اولمادیغینی نظره آلمایاراق فارس تشکیلاتلارینا اویونجاق اولموش گؤرونورلر. بونلار اؤزلرینی آیدین گؤسترمکلرینه باخمایاراق میللی بیلینج فورمالاشمادان و میللی تشکیلاتلار یارانمادان میللت اولا بیلمز مسئله سینی ده درک ائتمیش دگیللر. دئمک، تبریزده فیریدون ابراهیمی (میللی حکومتین عدلیه وزیری) نین مزاری اوسته گئدنلر ایران سولچولاری دگیل، دونیا گؤروشوندن آسیلی اولمایاراق آذربایجان میللت فعاللاریدیر. بهرام رحمانی نین دا فیکیرلریندن آیدین اولدوغو کیمی دیل و مدنیت ایستعماری حاکیم اولدوغو هر بیر توپلوملو دونیا گؤروشوندن آسیلی اولمایاراق ایسته نیلن دکی ایداره ائتمک اولار.
میللت کامپوتر چاغیندا یوخ اولمایاق دئیه اؤلوم قالیم ساواشی وئریرکن، کومونیسم آدی آلتیندا بویؤک روس ایمپریاسی و ایستعماری قیسمن ده اولسا داغیلمیش گؤرونورکن ایران سول تشکیلاتلارینا باغلی، آنجاق فارس اولمایان، روبوت کیمی هیدایت اولا بیلن اینسانلارین ذهنینده
" خانه از بن بست ویران است خواجه به فکر ایوان است" حکایه سی جانلانماغا باشلانیر. گئنه ده اوخویوروق:
"ستم ملی در ایران یک واقعیت غیرقابل انکار است و هر منطقه ویژگیهای خود را دارد. طبیعی است که باید حق تعیین سرنوشت مردم نقاط مختلف ایران و حق جدایی آن ها را به رسمیت شناخت و در عین حال نه مبلغ جدایی، بلکه مبلغ اتحاد داوطلبانه و آزادانه آن ها بود. همچنین به طور پیگیر بر علیه هرگونه سیاست های برتریطلبی و تبعیض و برای آزادی و برابری و رفاه و عدالت اجتماعی مبارزه کرد."(5)
بو اوسته کی کیلیشه راه کارگر علیه السلامین دا »آذربایجان فئدرال دئموکرات« تشکیلاتینا داییر آچیقلاماسیندا اؤزونو یانسیتمیشدی (2). بو عوامفریبلیک ایددعالارینا بیر باغ اوت دا وئریلمز. منطقه ویژه لیگیندن دانیشیلیرسا، فارس سلطنتچیلری ده اوستانلار چاپیندا میللی مسئله نی حل ائده جه ییک دیئه فارس اولمایان میللتلری آلداتماغا چالیشیرلار(3). اؤز گله جه گینه حاکیم اولما مسئله سینه گلدیکده میللتلری آلداتمانین زامانی کئچمیش، هر میللته اویقون میللی و سیاسی تشکیلاتلار او میللتلره یول گؤستره بیلر دیئه هر میللتین گله جه گینی بلیرله مک ده او میللته عاییددیر دئمه لی ییک، نه کیچیک فارس ایستعمار قوروپلاشمالارینا.
فارس ایستعماری و شوونیسمی طرفیندن ایداره اولونان تشکیلاتلار، فارس ویلایتلری اوزره فیکیر یئریتمه قابیلییتینه صاحیب اولسالار، فارسلار دا خوش گون گؤرر دیئه دوشونمه لی ییک. بیلیندیگی کیمی ایران ممالیکی محروسه سینده کی فارس اولمایان میللتلر فارس ایستعمارینا معروض قالدیقلاری حالدا فارس میللتی ده دالی قالمیش فارس ایستعمار سیستیمی آلتیندا خوش گونه چیخا بیلمه میشدیر.
گئنه ده اوخویوروق:
(1) راه حل هایی نظیر خودمختاری و فدرالیسم که گرایشات عقب مانده ملی و مذهبی، شوینیست های فارس و ناسیونالیست های آذربایجانی، کردستانی، خوزستانی و غیره برای حل ستم ملی ارائه می دهند، راه حلی نادرست و هولناک است که ستم ملی را از بین نمی برد".(5)
بو اوسته کی عیبارتده فارس ایستعماری اؤزونو آچیق بهرام رحمانی جنابلارینین دئموکرات مآب یازیلاریندا سرگیله میش اولور. دئمک، آذربایجان میللی حوکومتیندن دیفاع ائدن تقی رحمانی پیشیک دکی چوخ زامان کئچمه دن آلت اوست اولاراق بیر فارس شوونیستی کیمی آنجاق فارس شوونیسمینی ده ( باخ اوسته. شونیست های فارس...) قلمه آلاراق میدانا چیخمیش اولور. بئله لیکله تقی رحمانی بیر تمامیتچی دکی ایران ممالیکی محروسه سینده کی اسیر میللتره ایستیقلالیت دگیل، خودموختارلیق و فئدرال سیستیمده ایداره اولونما حاققینی دا چوخ گؤرموش اولور. دئمک، بو دا فارس ایستعمار گوجلرینین روس ایستعمارچیلیغیندان آلدیغی درسلردن ساییلمالیدیر. بهرام رحمانی کیمیلرین فیکیر قاریشیقلیغینی نظره آلارساق، راه کارگر و آذربایجان میللت مسئله سی (4) یازیسینی بیر داها اوخوماق فایدالیدیر دئمک قناعتینه گله ریک.
1) آران؛ چگونه نامِ آزربايجان يافت ؟ http://www.raasti.com/paazar01.htm
2) اعلامیه کمیته مرکزی سازمان کارگران انقلابی ایران (راه کارگر)، در باره جنبش دمکرات فدرال آذربایجان:
http://www.rahekargar.net/elamiye/122004/azar.pdf
3) حزب مشروطه ایران، قطعنامه در عدم تمرکز و حقوق اقوام و مذاهب ايران http://www.rahe-ayande.com/
4) راه کارگر و آذربایجان میللت مسئله سی! http://www.durna.info/sonmez_raheKareger.htm
5) بهرام رحمانی : 21 آذر 1325، روز کشتار مردم آذربایجان! http://www.tribun.com/2200/2284.htm
ایشیق سؤنمز 16.12.2004