فارس دئموکرات مئابلارین ماسکاسی گؤتورولدوکده پان ایرانیست اولدوقلاری بللی اولور!
بیلیندیگی کیمی کئچن 80 ایلده ایران ممالیکی محروسه سینده میللی وارلیقلارین تاپدانیلماسی و یئری گلدیکده دانیلماسی فارس آیدینلارینا مسئله اولمامیش. بوگونکو ایران ممالیکی محروسه سینده میللی مسئله آغیرلیق قازانماغا باشلادیقدا فارس سول تشکیلاتلاریندا بیر سیرا فارس اولمایان (تورک، کورد، عرب، بلوچ، تورکمن، لور و ساییره) آیدینلار میللی باخیمدان مسئله لی اولدوقدان سونرا ایران ممالیکی محروسه سینه اؤزلرینی بیر باشا قییم و ایران سراسری تشکیلات تانیتماغا چالیشان بو فارس تشکیلاتلاری ایران ممالیکی محروسه سینده میللی مسئله دگیل، مضاعف بیر سیخینتی و ظولمون اولدوغونو دیله گتیره رک سوسیالیست اینقیلابی اولدوقدان سونرا بو مسئله نی حلل ائده جکلر میش دئیه ساده لوح یانچیلارینا (طرفدارلارینا) خرمن وعده سی وئرمه گه باشلامیشلار. بو آرادا بیر سیراسی اؤزلرینه فارس تشکیلاتلاریندا رهبریت شانسی گؤردوکلری اوچون ایران ممالیکی محروسه سینده میللی مسئله نین وار اولدوغونو، آنجاق باسقی آلتیندا اولان میللتلرین ایشچیلری فارس ایستعماری خیدمتینده اولان سرمایه طرفیندن ازیلدیگی اوچون میللی ظولمون حلل اولماسینی ایشچی صینیفی نین آلت مجموعه سی کیمی توجیه ائده رک بیر عوامفریب کیمی میللی ظولمو گؤز آردی ائده رک اونون علیهینه ساواش آچمادان بویون قاچیرماغا چالیشیرلار(1) بیر سیراسی ایسه میللی مسئله نی بیر فرهنگی ساحه یه دوشوره رک ایران ممالیکی محروسه سی میللتلری آراسیندا اولان فرقی بیر فرهنگی فرقدیر دئیه میللی مسئله نی گؤزدن یاییندیرماغا چالیشیرلار(2).
بو آرادا اؤزلرینی فارس سولچوسو کیمی ایجتماعییته سونماغا (تقدیم ائتمه گه) چالیشان، آنجاق کئچمیش یازیلارینا باخدیقدا نژادپرستلیک ایگی وئرن عوامفریبلرین ایجتماعییتین گؤزونه کول سپمک و سولچولوق دالیندا گیزلنمه گه چالیشدیقلاری نین دا شاهیدی اولوروق. بو ذاتی عالیلردن بیری سعید کرامت حضرتلریدیر. ایران ممالیکی محروسه سینده عرب میللی مسئله سی مووضوعسونا دئگینمه دن بو حضرتین کئچن ایل (1383/03/26) یازدیغی مقاله سی نین بیر پاساژینی بیر داها گؤزدن کئچیرمه نی آشاغیدا یئنی فیکیرلرینی ده گرلندیرمک اوچون مقصده اویقون حئساب ائدیریک، اوخویوروق:
" توضیح آقای حسن پور در مورد بکار گیری صفات وحشی و خونخوار بر علیه عربها کاملاً درست است. این صفات معمولاً ثنای فکری جریانات ملی گراست... هرچه در مورد نقش ضد انسانی تفکرات ناسیونالیستی گفت و نوشت باز کم است"(3).
بورادا موألیف حسنپورون مسئله یه نئجه یاناشدیغینی و هانکی آشامادا (مجرادا) اونلا راضیلاشمادیغینی سرگیله مه دن کیلیشه بیچیمینده عربلره وحشی و خونخوار دییلدیگی ایفاده سینی وورقولایاراق راضیلاشدیم دئیه ایران ممالیکی محروسه سینده دیرچلمکده اولان میللی وارلیقلارا دوشمنجه یاناشاراق دولاییلی بیچیمده ناسیونالیسم ایتتیهامی ایله بو وارلیقلاری ازدیرمه گه چالیشیر و چیرکین صیفتلری ایجتماعییته عربلر علیهینه بیر پاکئت بیچیمینده یانسیداراق عربلره قارشین بو ایفاده لرین ضدیت حیسسی اویاتماسیندان دا چکینمیر. دئمک، اؤزونو آیدین و سولچو کیمی ایجتماعییته تقدیم ائدن موألیف عربلره قارشین بو چیرکین ایفاده لری هانکی ادبیاتدا و کیملر طرفیندن اورتایا آتیلدیغینی و هانکی حاکیم خلقین نوخبه لری طرفیندن بو چیرکین ایفاده لرین عربلره عنوانلادیغینا داییر معلومات دا وئرمیر. بیلیندگی کیمی عربلر علیهینه ضدییتلیک فارس ادبیاتیندا ایدئولوژی تانیماز اولموش. ایستر صادق هدایت، ایسترسه ده نادر نادرپورلاری اولسون، عربلری بو آشاغیلاییجی صیفتلر ایله ایجتماعییتین گؤزوندن سالماغا چالیشارلار. بو ذاتی عالی گؤرک یئنیلیکده عرب میللی مسئله سی اوزره هانکی مقامدا دایانمیش،» تاملی بر رويدادهای اخير خوزستان« آدلی مقاله سینده اوخویوروق:
"...رسانه های گروهی مدعی هستند که انگيزه حرکت مورد بحث مسائل و مطالبات قومی بوده است. واقعيت اين است که تاريخا مسئله ملی در خوزستان مسئله ملموسی نبوده است. اگر اکنون کسانی از شيخ خزعل قهرمان ملی ساخته اند، دارند همانکاری را ميکنند که ناسيوناليسم قومی در گوشه و کنار دنيا کرده است؛ دارند برای خود تاريخ ابداع ميکنند"(4).
دئمک، بورادا موألیف یا ایران ممالیکی محروسه سینده عرب میللتینین وارلیغینی گؤرمزدن گلیر، یا دا بیر چوخ پان ایرانیستلر کیمی عرب میللتینی بیر میللی وارلیق دگیل، فارس ادبیاتیندا تورک و عربلر علیهینه یایقینلاشمیش عرب میللتی یئرینه عرب زبان، تورک میللتی یئرینه تورک زبان دئیه کئچمیشده کی بؤیوک اسلافلاریندن درس آلمیش گؤرونور. دئمک، بو ذاتی عالیلرین پان گؤزلوکلرینده ایران ممالیکی محروسه سینده کی عرب و تورکلرین اصلی آریالیدیر(!!!)، دیللری ده فارسچا (!!)، عرب و مغوللارین هوجومو عوجوباتیندن بو میللتلرین دیللری عرب و تورکجه یه دؤنموش(!!!)، یا جللل خالیق (!!!).سورغو سوآل بو: - موغوللار نه اوچون تورکلری موغول ائتمه میشلر؟ دئمک، تمیز نژاددان اولان فارسلار(!!!) ایلک آشامادا (مرحله ده) فارس اولمایان میللتلرین کیملیگینی قارا یاخمالار ایله لکه له ییب، ترور ائده رک( عرب وحشی، عرب خونخوار، تورک غارتگر، تورک نادان و ساییره) اونلاری کؤله لیک فرهنگینه تسلیم اولماغا زورلامیشلار. گؤروندوگو کیمی موألیف بیر چوخ فارس باستانگرایلاری کیمی اؤزونو تاریخ باتلاغیندان قورولوغا چیخارا بیلمیر. بو دا »ایران مرز پر گوهر(!!!)« مقوله سیندن ایرلی گلن آنلاییشدیر. یئنی و مودئرن آنلاییشا گؤره میللت دیل ، مدنیتیت، گله نک و گؤره نکلر اساسیندا اؤزونو باشقا توپلوملاردان فرقلندیرن، یاشایاماق اوچون ایسه اؤزونه خاص بیر جغرافی آلانا یئر کوره سی اوزره صاحیب اولان توپلوم میللت ساییلمالیدیر. بو توپلومدا موختلیف اینانج و گؤروش صاحابلاری و ائتنیک آزلیقلار اولا بیلر، بو توپلومو بیر بیرینه باغلایان دیل بیرلیگی، مدنیت، گله نک، گؤره نکلردیر.
بیلیندیگی کیمی تاریخ بویو گوجلو و هژمون توپلوملار گوجسوزلره حکومت ائتمیش، بو حکومت ائتمه محکومون یوخ اولدوغو دگیل، اونا وارلیغینی سوردورمه و گله جکده حاکیم اولماغا زورلار دئسک، یانیلمامیشیق. بیلیندیگی کیمی فارسلارا 300 ایلدن آرتیق عربلر و 1000 ایلدن آرتیق آذربایجان تورکلری حکومت ائتمیشلر، هئچ زامان دا فارس وارلیغینی دانماق دگیل، تورک حاکیمیتلری تاریخ بویونجا فارس دیلی دیوان دیلی اولاراق گؤز ببگی کیمی قوروموشلار. دئمک، نه اوچون 1000 ایل دیل و مدنیت باخیمیندان آذربایجانلیلاردان عزت گؤرن فارسلار حاکیمیتی اله آلدیقدان سونرا شوونیستلیگی اینسانجا یاشاماغا اوستون حئساب ائدیرلر؟ بو مسئله بیر چوخ آذربایجانلیلارا عیبرت درسی اولمالیدیر.
گئنه ده اوخویوروق:
"... در مقايسه با جوامع مختلف ساکن ايران، نحوه نگرش حکومتهای پهلوی و جمهوری اسلامی به زبان و فرهنگ عربی بسيار بهتر بوده است. هر دو سيستم مشوق فراگيری زبان عربی بوده اند. ازنظر جمهوری اسلامی فراگيری زبان و فرهنگ عربی يک فضيلت محسوب ميشود. علاوه بر اين، فعالين ناسيوناليست بدون مخاطره زياد در ايران سمينار ميگذارند و آزادانه حرفشان را ميزنند. با اين تفاصيل سئوال اين است پس چرا اعتراضات به شيوه انفجاری بروز ميکنند؟ "(4).
اوسته گؤروندوگو کیمی عوامفریب فارس سولچولاری مجبور حالدا میللییتی دیل و فرهنگ ایله نوقطالاماغا چالیشیرلاراق اونلارین یاشادیقلاری تورپاق، یئر آلتی قایناقلاری، گله نک و گؤره نکلرینی ایراده صاحیبی اولماق ایستکلرینی گؤرمزدن گلیرلر. بو باخیش فارس سول تشکیلاتلاریندا او جومله دن فداییان خلق فارس (اکثریت) تشکیلاتیندا اؤزونو قاباریق گؤسترمکده دیر(2). گئنه ده اوخویوروق:
"...اعتراض انفجاری نشانه درجه خصومت مردم با جمهوری اسلامی است"(4).
بورادا موألیف هانکی باخیمدان عرب میللتی نین ایسلام جومهورسی حوکومتیندن ناراضی اولدوغونو، ان آزی فارس مطبوعاتیندا حاکیمیت مناسیبت بیلدیردیکدن سونرا بو مسئله اوزره یازیلان مطلبلره دایاناراق دا ایستر اولسون، ویجدان باخیمیندان آچیقلیق گتیرمک ایستمیر. بیلیندیگی کیمی محمد علی ابطحی آدینا جناب نجفی حضرتلرینه یازیلمیش یازی الدن اله گزدیکده فارس مطبوعاتی و سراسری تشکیلاتلاری بو مسئله نین قارشیسیندا سوسموشدولار. آنجاق محمد علی ابطحی بو یازینی یالانلاماغا چالیشدیقدان سونرا فارس مطبوعاتی محمد علی ابطحی بو نامه جعل دیر دئیه یازماغا باشلادیلار. دئمک، ایران آدینا حاکیمیته مخالیف و موافیق اویدورما سراسری فارس تشکیلاتلار عربلرین میللی مسئله سینه داییر بو یازینین محتواسی فارس ایستعمارینا خیدمت آماجی داشیدیغی اوچون بیر کلمه ده یازماق و دانیشماق ایسته مه دیلر. بلکه ده فارس مطبوعاتی بو مسئله اوزره دایانسایدی، عرب میللتی اؤزونو تک حیسس ائتمه یه رک، بیر قیصا زاماندا عوصیان ائتمزدی. دئمک، عرب میللتی یانیب قوورولان بیر قورقا کیمی ناچار قالاراق چیرتداماغا و عصیان ائتمه گه باشلادی. گئنه ده اوخویوروق:
".. آنچه که مسلم است اکثريت مردم در ايران از يک حکومت مذهبی بسته ای که بيشترين محصولات اجتماعيش فقر وبيکاری بوده است دلخوشی ندارند. اين حکومت، آزادي، شادی و خلاقيت فرهنگی را منع کرده است. هديه اين سيستم به جامعه، گسترش فقر، تن فروشی و اعتياد بود است. جوان در ايران غير از برنامه های تکراری ، خسته کنند و خرافي، انتخاب ديگری برای سرگرمی ندارد. اين مشکلات سبب شده اند که مردم تحت حکومت اسلامی احساس خفگی بکنند و به دنبال راه برون رفت از اين وضعيت بگردند. مردم در خوزستان ازاين وضعيت مستثنا نيستند. ساکنين خوزستان در طی سالهای متمادی در حالی که خود از رفا، شادی و آزاديهای اجتماعی محروم بوده اند، در عين حال دسترسی به تلويزيون کشورهای عربی داشته اند. يا به کشورهای عربی سفر کرده اند. کافی است که نوع موسيقی و آزادی پوشش رايج در کشورهای عربي، منهای عربستان، با ايران مقايسه کنند، تا مثلا حکومتی نطير امارات عربی را به جمهوری اسلامی ترجيح دهند. کسی که عربی متوجه ميشود گوش دادن به ديانا حداد مسلما هزاران بار برايش دلچسپ تر از نصايح کسل کننده آيات عظام خواهد بود. چنين فاکتور هايي، يعنی انزجار انباشته نسبت به جمهوری اسلامی در مقاطعی بصورت اعتراض های ناگهانی خود نمايی ميکند و عدم حضور ملموش بديلهای سياسی ديگر، منجمله چپ، در جامعه سبب گشته است که ناسيوناليسم چنين اعتراضاتی را به اسم خود ثبت کند"(4).
بو اوسته کی عربلر علیهینه یئریدیلن ایفاده لری اوخودوقدا و فارس آیدینلارینین گؤره جه گیمیز کیمی بو ایفاده لر اوزره موناسیبت بیلدیرمه دیکلرینده اینسان بو شوونیستلیکلره و تولکولوکلره نه آد قویا بیلر؟ دئمک، عرب مملکتلرینین تلویزیونلاری مسئله سینه گلدیکده فارس توپلومونون مسلمان کسیمینه ایران ایسلام جومهوریتی تلویزیونلاری رنگارنگ پروقرام یاییر. دینچی اولمایانلار اوچون ده آمریکادان لوس آنجلس محفیللری، میللی مذهبیلر اوچون ده آوروپادان مجاهیدین خلق پروقراملار یاییر. اوسته لیک لا ابالی شخصلر اوچون آوروپا کاناللاری سکس پروقرام دا یاییرلار. دئمک، نه اوچون عرب مملکتلرینین تلویزیون کاناللاری بو فارس شوونیستلری نین گؤزلرینی چیخارمیش اولور؟ فارس شوونیستلری عربلرین بو تلویزیونلار واسیطه سی ایله آنا دیللرینی قورومالاریندان اندیشه ائدیرلر می؟
فارس تشکیلاتلاری او جومله دن سول تشکیلاتلار مسئله سینه گلدیکده بو تشکیلاتلارین کئچمیشیندن بللی اولدوغو کیمی بو تشکیلاتلار فارس منافعی خیدمتینه دوشوندوکلری اوچون میللی باخیمدان فارس اولمایان آیدین اینسانلارین ایستکلرینه جاواب وئرمه قابیلییتینده دگیللر. بو تشکیلاتلاردا اولان تورک، کورد، تورکمن، لور، بلوچ، عربده و ساییره ده فارس ایستعماری خیدمتینده دیر. گئنه ده اوخویوروق:
".. غيبت چپ و مخاطرات در پيش ابراز وجود گروههای ناسيوناليستی در جريان اعتراضات اجتماعی ناشی از قدرت اجتماعی ناسيوناليسم قومی نيست بلکه ريشه در ضعف قطب چپ و سکولار جامعه دارد "(4).
اوسته ایشاره ائدیلدیگی کیمی فارس تشکیلاتلاری ایران ممالیکی محروسه سینده اؤزلرینی فارس ایجتماعیتی خیدمتینده گؤردوکلری و دوشوندوکلری اوچون تورک، کورد، عرب، بلوچ، تورکمن، لور و ساییره وارلیقلارین درد و مسئله لرینه اهمیت وئرمک ایسته میرلر. بوندان یانا دا بو میللتلرین ایستکلری فارس تشکیلاتلاری و مرکز حاکیمیت طرفیندن خاریجی عامیللره نیسبت وئریلیر و فارس اولمایان میللتلره ایران ممالیکی محروسه سینده طبیعتین تانیدیغی ایلکین و دوغال حاقلار اسیرگنمیش اولور. بئله لیکله بوگون اوپوزیسیون اولاراق دئموکراتلیق ایفاده سی گییرن فارس تشکیلات و شخصیتلری یئری گلدیکده ایران ممالیکی محروسه سینده کی فارس اولمایان میللتلره قارشین میللییتچیلیک و شوونیستلیک داورانیشلاری ایچینه قاپیلیرلار. بو باخیمدان تهران حاکیمیتینده ایسلامیتی فارس شوونیزمینه آلت ائدنلرین اینسانلیغا یاراشماز عمللرینین ده شاهیدی اولوروق. گئنه ده اوخویوروق:
"... فعالين ناسيوناليسم از اين ضعف استفاده کرده و با کمک رسانه های گروهی اعتراضات اين چنينی را به حساب خود ميريزند. غياب نيروهای سکولار و چپ اگر ادامه داشته باشد عتراضات مردم در خوزستان بر محور مسائلی قومی خواهد چرخد. اين چرخش اگر ادامه دار باشد فاجعه بار خواهد بود"(4).
اوسته گؤروندوگو کیمی بو حضراتلار اؤزلرینی ایلان یئمیش اژدها اولموش دوشوندوکلری اوچون عربلری ایجتماعییتده اؤز منافعلرینی باشا دوزمز و نالاییق دئیه تانیتماغا چالیشیرلار. دئمک، محمد علی ابطحی آدینا یازیلمیش یازیدا عربلری خوزیستاندان اوزاق ویلایتلره کؤچورمه، اونلاری سای باخیمیندان آزلیق دوروما سالما و آیدین- اوخوموش کسیمینی تهران، ایصفهان و تبریز شهرلرینه سورگون ائتمه عرب ایجتماعییتینین میللی مسئله سی دگیل می؟ فارس اولمایان میللتلری اؤز آنا تورپاقلاریندا بیر آزلیق کیمی دیل و مدنیتلریندن محروم و غریب یاشاماغا محکوم دوشونن پان ایرانیست و فارس شوونیستلری اؤز کیملیک و منلیگینه دوشونن اینسانلاردان نه اوچون دیسکینمه گه باشلامیشلار؟ فارس توپلومو اؤز کیملیک و منلیگینه دوشونمور مو؟
نیت ایران ممالیکی محروسه سینده کی فارس اولمایان میللتلری تحقیر، تزویر و اسلحه گوجو ایله فارس ائده رک یئر آلتی قایناقلارینی سؤمورمک، زالی کیمی قان سوراراق اؤزونو شیشیرمکدیرسه، فارس شوونیستلری و پان ایرانیستلر گره ک ده فارس اولمایان میللت اوولادلارینین میللی بیلینجه ییگه لنمه سیندن ناراحات اولسونلار. بو دا فارس میللتی ایله دوشمنلیک دگیل، بیر سایدا باستانگرایلارین سادیستی فیکیرلرینین خیال و یانلیش اولماسینین گؤسترگه سیدیر. گئنه ده اوخویوروق:
"... اگر رهبری جنبش اعتراضی دست ناسيوناليسم قومی بيفتد به دلايل متعددی فاجعه بار خواهد بود.
1- ناسيوناليسم
هميشه خواسته های فرهنگی را به پرچم اصلی تبديل و ساير خواسته های سياسی و مدنی
مردم را به حاشيه رانده است. فعالين اين جنبش با توسل به احساسات قومي، مردم را به
ميدان ميکشند اما محصول اين ميدان آمدنها تبديل به وسيله ای از جانب فعالين ملی
برای ساز وسودا با دولت و قدرتهای پيرامونی ميشود. نمونه اين جنبش ها در کوسوا،
چچن، لبنان و عراق ديده ايم.
2- گروههای قومگرا با توسل به اشاعه تنفر قومی و در شکاف بين دولتها رشد ميکنند.
ميداندار شدن اينها باعث سرازير شده کمک مالی و تسليحاتی از کشورهای ديگر
خواهد شد. اکنون امريکا، انگليس، پاکستان، ترکيه هرکدام بفکر اين هستند که در
آينده گروهی را تقويت کنند که منافع اقتصادی آنها را نمايندگی کند. به اين معنا
ناسيوناليسم قومی عنصر اصلی سناريو سياه و جنگ داخلی در ايران است.
3- اگر در خوزستان فعالين ناسيوناليست دست بالا را پيدا بکنند، بعيد نيست که
آنچه بر سر شهروندان فلسطينی در قدس آمد، در مقابل سرنوشت شهروندان آبادانی و
اهوازی پيک نيک به نظر برسد. ترکيب شهروندان شهرهای عمده خوزستان بسيار مختلط
است. شهری مثل آبادان بوسيله کارگرترک، عرب، اصفهاني، شيرازي، و لر بختياری ساخت
شده است. گسترش سريع صنايع در طول نيمه اول قرن بيستم در آن شهرها باعث شد که آن
شهرها از اقصا نقاط ايران شهروند جذب بکنند. اکنون بسيار مشکل است که هويت قومی اين
شهرها را تشخيص داد. رشد ناسيوناليسم در اين مناطق راه را برای دستجات فالانژيست
هموار و اين امکان را فراهم ميکند که مردم غير عرب خوزستان را "اشغالگر" بخوانند و
مثل اشغالگر با آنها رفتار کنند. دست بالا پيدا کردن ناسيوناليسم قومی ممکن است که
جامعه را به ورطه نسل کشی کشاند"(4).
اوسته گؤروندوگو کیمی بیرینیجی پاراگرافدا میللییت مسئله سینی سازمان فداییان خلق (اکثزیت) کیمی »فرهنگ« ( بوتون سیاسی و ایقتصادی زمینه لرده حاکیم اولان فارس دیل و مدنیت اساسیندا هانکی آیری فرهنگه اؤزونو یاشاتما شانسی گؤرمک اولار؟) اساسیندا یوروملادیغی، ایران ممالیکی محروسه سی میللتلرینی اولوشدوران آتریبوتلاری او میللتلری اولوشدوران وارلیقلار دگیل، فارس آتریبوتلاری باخیمیندان رسمی فارس دیلینه دایالی گؤردوگو اوچون ایران ممالیکی محروسه سینده حقوق برابرلیگینی قبول ائتمه نی بیر فاجعه کیمی قلمه آلیر. دئمک، هانکی اینسان حاقلارینا دایاناراق فارس دیلی تورکون، کوردون، عربین، لورون، بلوچون، تورکمنین و باشقالارینین میللی دیلینه قارشین اوستون ساییلمالیدیر؟ فارس اولمایان میللتلر بیر سیرا خیالاتچی پان ایرانیستلرین اویناداجاق میمونلاریدیرلار می؟ گئنه ده اوخویوروق:
"راه پيشگيری از فاجعه
نيروی چپ جامعه، جريانات سکولار طرفدار حقوق انسان و مدنيت جامعه بايستی اين وضعيت خطيررا درک کنند. لازم است اهميت اين واقعه را درک کنند که اگر ميدان برای جريانات قومی خالی باشد جامعه را بسوی يک مسير پرمشقت سوق خواهند داد. حرف اين نيست که تمام گروههای ناسيوناليستی الزاما طرفدار پاک سازی قومی هستند. اما ليبرال ترينشان راه را برای قوم ستيزی باز ميکنند. نمونه های تاريخی فراوانی است که نشان ميدهد که توهم نابجا منجربه فاجعه شده است. مثلا دفاع روشنفکرانی نظير علی شريعتی و جلال آل احمد از اسلام به معنای آرزوی آنها برای ساختن دورانهايی مثل 30 خرداد 60 و يا شهريور 67 نبود. اما داکترينی که آن روشنفکران ترويج ميکردند آن بلايی را برسر جامعه ايران آورد که امروز ميبينم. ظرفيت ويرانگری ناسيوناليسم قومی از داکترين مورد نظر شريعتی بسيار بالاتر است. هرگونه توهم به ناسيوناليسم قومی به مثابه قدم زدن بر روی يخ نازک سطح دريا است. نبايستی اجازه داد تجربه جوامع مسلمان، مسيحی و دروزی در لبنان اواخر دهه هفتاد ميلادي، در اهواز، آبادان و خرمشهر تکرار شود" (4).
اوسته گؤروندوگو کیمی شوونیست مفکوره سی حاکیم اولان میللتین ساغ و سولو اولماز. بیلیندیگی کیمی علی شریعتی و جلال آل احمد بونلار ایددعا ائتدیکلری کیمی نه آشیری (رادیکال) میللیتچی، نه ده قورو بئیین موسلمان ایدیلر. اونلار ایستعمار و ایستیبداد وورموش موسلمان ایران ممالیکی محروسه سی آیدینلاری اوچون بیر اؤرنک اولماغا چالیشیردیلار. جلال آل احمد میللی مسئله باخیمیندان فارس ایجتماعییتینین سولچوسوندان دا داها دا اومانیست ایدی. علیرضا نابدل فارس سول تشکیلاتی »سازمان چریکهای فدایی خلق ایران« آدلی تشکیلاتا قوشولمادان آذربایجان آمالینا دوشونن بیر شخصیت ایدی. او ایشیق آدلی شعر کتابیندا »ستارخان آتلیسی تهرانا دوغرو« شعرلرینده هانسی ایدیادا اولدوغونو آچیقجا اورتایا قویور. آنجاق او »سازمان چریکهای فدایی خلق ایران« تشکیلاتینا قوشولدوقدان سونرا فارس تشکیلاتلاریندا اولان بیر چوخ آذربایجانلیلار کیمی میللی و مدنی باخیمدان نئهیلیستلیگه اوغرایاراق ادبی زمینه ده فعالیت ائدن محمد حسین شهریاری شاهین آنتئنی آدلاندیریردی(5). او زامانلار صمد بهرنگی ایله رابیطه ده اولان جلال آل احمد تورک توپلومونون چکدیگی آغریلاری »روشنفکر ایرانی و مشکل زبان ترکی« آدلی مقاله سینده ایجتماعییته تقدیم ائتدی. دئمک، میللتلرین حقوق برابرلیگینی تانیماق ایسته مه گنلرین ایران ممالیکی محروسه سینده میللی ظولمو آرادان قالدیرماق، میللی و اینسانی فاجعه لرین قاباغینی آلماغا دا لیاقتلری یوخدور. اوندان یانا دا سراسری دئیه فقط حاکیمیت اوغروندا دوشونن و چالیشان تشکیلاتلارا زامان گئدیشی ایله بؤلونمکدن و یا حاکیم و هژمون خلقین خیدمتینده اولماقدان باشقا یول یوخدور. سعید کرامتین فارس سولچولاری کورکونه بورونمه سینه باخمایاراق »حزب دئموکرات ایران«(اوخو: فارس) تشکیلاتی نین بیر سؤزچوسو کیمی فارس سول تشکلاتلارینی ایران ممالیکی محروسه سینده میللتلر مسئله سینی فارس شوونیستلیگی کونتورولو آلتیندا توتماق ایسته گن پان ایرانیست پیر پاتاللاری ایله ایش بیرلیگه چاغیریر. حزب دئموکرات فارس پرویز ورجاوند جنابلاری ایمضالادیقلاری 565 نفرلیک بیاننامه دن یولا چیخاراق کئچمیش گونلرده پان ایرانیستلرین پیر پاتاللاری باشلیغی ایله »مقاومت تحت هدایت و رهبری شورایی (ائتلاف یا هماهنگی)« آدینا آلمانیانین کؤلن شهرینده یئنی تشکیلات یاراتماغا ایقدام ائتمیشلر. بو تشکیلاتین هدفی ایران ممالیکی محروسه سینده میللی مسئله لری فارس شوونیستلرینین کونترولوندا ساخلاماق اوچون » کنگره میللتهای فئدرال« آدی باشلیغی آلتیندا بیر آرایا گلمیش (6) تشکیلاتلارا آج تویوغا دن تؤکمک رویشی ایله ایران ممالیکی محروسه سینده کی جومهور باشقانی سئچگیلرینی بهانه ائده رک بو تشکیلاتی اؤز چترلری آلتینا آلماغی اؤز مقصدلرینه اویقون بیر وسیله حئساب ائدیرلر. بو مسئله دوغرولتوسوندا حزب دئموکرات ایران ایمضاسی ایله اوخویوروق:
"... .به همين دليل انتخابات پيش رو را تحريم نموده و برای احيای حقوق حقه همه مردم ايران شامل تمامی اقوام و طوايف (كنگره اقوام ايران كردستان، ،آذربايجان ، لرستان ، بلوچستان ،خوزستان (عرب) ، مازندران ، گيلان و فارس، در حوزه جغرافيای ايران دفاع نموده و، ضمن تاييد طروق مسالمت آميز تحول سياسی ( طرح رفراندوم و بيانيه 565 نفر و…) بر اشكال ديگر مبارزه و مقاومت ملی تحت هدايت و رهبری شورايی (ائتلاف يا هماهنگي) تاكيد مينمايد"(7).
دئمک، ایلکین هدفلر: بیز سیز (ایران ممالیکی محروسه سینده کی میللتلر) دئدیکلرینیزه عمل ائده جه ییک دئیه ایجتماعییتی اؤز چترلری آلتینا آلماغا دوشونه رک تهراندا بو مسئله اؤز عکسینی تاپاجاق وعده سینده گؤرونمک ایسته دیکلری بیر یاندان، باشقا یاندان ایسه خاریجی دؤولتلر بیزیم ایچ ایشلریمیزه قاریشماسین و بیزی ایران ایسلام جومهورسینه بیر آلتئرناتیو کیمی قبول ائتسین دئیه گئنه ده کهنه حامام کهنه تاس حکایه سینی تیکرار ائتمه گه دوشونورلر.
دئمک، شاه سیستیمینی دگیشمه دن، شاهپور بختیارلاری حاکیمیتی الده ساخلاماق اوچون شاها نخست وزیر ائتدیرمک، باشقا یاندان آیت الله طالقانی و مهندیس بازرگان باشچیلیغی ایله موخالیفت دونونا بورونه ره ک ایچریده کی هر هانسی بیر دگیشیکلیگی کونترول آلتیندا توتماق و ائشیکدن آیت الله خمینی عباسی آلتیندا بنی صدر و قطب زاده قیافتلرینده حاکیمیتی اله آلماق اوچون تهرانا گلمک فارس شوونیستلرینین قوردوقلاری تله تاولامالاردان عیبارت ایدی. بونلار تور آتان تورو کیمی هر یانی ساریدیقلاری و بورودوکلری اوچون شاهدان سونرا حاکیمت اوغروندا اولان بوتون چابالارا باخمایاراق و بیر چوخو ظاهیرده حاکیمیت کابینه سینده بؤیوک پوستلاردا گؤرونمه دیکلرینه باخمایاراق ایران ممالیکی محروسه سینده میللیتلر مسئله سی باخیمیندان بونلارین ایسته گی اؤز عکسینی تاپمیش اولاراق شاه سیستیمینین داغیلماسینا باخمایاراق فارس ایستعمار سیستیمی اولدوغو کیمی اؤزونو قورودو.
قایناق:
1 اعلامیه کمیته مرکزی سازمان انقلابی کارگران ایران (راه کارگر)، در باره جنبش فدرال دمکرات آذربایجان: http://www.rahekargar.net/elamiye/122004/azar.pdf
2 کمیته اجرایی سازمان فداییان خلق ایران اکثریت، http://www.iran-chabar.de/1384/01/30/002.htm
3 سعید کرامت، http://www.iran-chabar.de/1383/03/26/keramat830326.htm
4 سعید کرامت، تاملی بر رویدادهای اخیر خوزستان،
http://www.iran-chabar.de/1384/02/02/kramat840202.htm
(5) علیرضا نابدل، رازلیق، آذربایجان و مسئله ملی (کتابچه).
6 اطلاعیه كنگره ملیتهاى ايران فدرال : http://www.achiq.org/olaylar/konq%20melel%20bildirish.htm
7 حزب دمکرات ایران: http://www.iran-chabar.de/1384/02/02/008.htm
ایشیق سؤنمز 22.04.2005