آذربایجان میللی حرکتی و فارس تمامیتچیلری

بیلیندیگی کیمی آذربایجان میللی حرکتی نین آذربایجان تجددودلوک زامانیندان باشلاماسینی، شئیخ محمد خیابانی و سیدجعفر پیشه وری زامانلاری قان دنیزینده بوغولماسینی نظره آلاراق بیر سایدا باستایگرای و تمامیتچی گؤروش صاحابلاری آذربایجان میللی مسئله سی نین فاتیحه سی نی اوخونموش قلمه آلماغا چالیشمیشلار. بونلار کئچمیش 80 ایلده کی آذربایجان میللی حرکتی نی خاریجی اؤلکه لره باغلاماغا چالیشاراق آذربایجان میللی فعاللارینی "پان تورکسیت" دئیه ایتتیهام ماساسی نین قیراغیندا اوتورداراق  اونلارین نه ایسته دیکلرینه دیققت یئتیرمه دن اونلاری اؤز راسیستی فیکیرلری ایله حاقسیزلیغا محکوم ائتمگه چالیشمیشلار. بو آرادا آذربایجان اوغول قیزلاری نین صبیر قابی داشاراق مای آیی نین ایگیرمی ایکیسی (خورداد آیی نین بیری) ایکی مین آلتی ایلینده میللی تئرور ائتمه اساسیندا "ایران" آدلی فارس حاکیمیت اورقانی ساییلان قازئتده کاریکاتورلا یازیلمیش فارس راسیستلیگینه اساسلانمیش مقاله یه یانارداغ کیمی اؤز نیفرتینی پوسگوره رک فارس شوونیستلیگی و راسیستلیگینی آغزی آچیق (مات مهبوت) قویموشدور. اونلار اوچون بو حرکت بیر دئپرئم (زیلزیله) ماهیتی داشیمیش. ایچریده فارس راسیستلیگی آذربایجان میللی حرکتینی ازرکن خاریجده کی گوجلری بو مسئله نی ایلک اولاراق کئچمیشده کی کیمی خبر بایکوتو ایله قارشیلارکن ایچریده کی فارس شوونیست اورقانلاری و اونلارا آلت اولموشلار آذربایجان میللی فعاللارینی اووباش، خاریجی عامیللری کیمی قلمه آلماغا باشلامیشلار. بو آرادا راسیستلیکلری دونیا ایجتماعیتینه بللی اولموش حزب نژاد پرست "جبهه میللی فارس" آذربایجان میللی مسئله سینی اله کئچیرسین دئیه آذربایجانلیلارا فارس راسیستلیگی آدیندان عذر مساژی 27.06.2006 (06.0.1385) تاریخینده گؤندرمیشدیر. آذربایجان ایجتماعتینه بئله بیر مساژین گؤندریلمه سینی ائشیتدیکده بلکه ده  اینسان اوولادی بو فارس پوزیسیون تشکلاتینا احسن دئه بیلسین. آنجاق سید محمد  خاتمی فارس ایسلام جومهوریسینه جومهور باشقانی اولارکن وبو  راسیست تشکیلاتین ایران ممالیکی محروسه سینده میللیتلر مسئله سی علیهینه فارس معاریفلیک ایداره سی نین رئیسی  (رئیس اداره آموزش و پرورش) مرتضی حاجی جنابلارینا یازدیغی مکتوبون ایچریگینی نظره آلارساق بو ذات عالیلرین نیتلری آیدینلیغا قاویشمیش اولار (2). یئری گلمیشکن بو گؤنده ریلمیش مساژین دا بعضی پاساژلارینی گؤزدن کئچیرک:

"جبهه ملي ايران، شكوه نقش آفريني خطه آذرآبادگان را از كهن روزهاي تاريخ اين سرزمين اهورايي تا به امروز، در دورانها و بحرانهاي گوناگوني كه اين كشور به آنها دچار آمده بوده، بويژه قهرمانيها و مقاومتهاي بي بديل باشندگان آن در برهه هاي حساس كه ايران مورد تجاوز بيگانگان قرار گرفته بوده سپاس مي دارد. .... با توجه به حساسيت اوضاع ايران، چه از لحاظ سياست بين المللي و چه از نظر سياستهاي نابخردانه داخلي، ايجاب مي كند كه هم ميهنان آذربايجاني، همچون گذشته، هوشيارانه سكان را دردست داشته باشند و اجازه ندهند تا گروهكهاي سازمان يافته خاص ازحساسيت هاي صادقانه و گردهمايي هاي اعتراض آميز برحق توده مردم، بسود هدفهاي ضد ملي كه بر يگانگي ملت ايران و يكپارچگي كشور مي تواند آسيب برساند بهره برند. گردهمايي شكوهمند چند ده هزار نفري روز چهارشنبه در تبريز و شعار محوري آن: "آذربايجان بيدار است، پشتيبان ايران است"، روشنگر آن بود كه مردم آگاه تبريز، ضمن نشان دادن ناخشنودي شديد خود، نسبت به موارد انحرافي در تظاهرات روز دوشنبه نيز واكنش ميهن پرستانه نشان دادند "(1).

اوسته گؤروندوگو کیمی آذربایجان آدی یئرینه "آذرآبادگان" ایفاده سی ایشله دیلمیش. بو ذاتلار ایران ممالیکی محروسه سینده سیاست ایله مشغول اولماسالار، بلکه ده ایران ممالیکی محروسه سی نین تاریخینی بیلمیرلر دئیه اینسان ایستهزاء ایله بو مسئله نین اوستوندن کئچه بیلسین. بونلارین بیر چوخو ایسلام اینقلابیندان سونرا موقت دؤلتین کابینه سینده بؤیوک مقام و منسب صاحابلاری اولدوقلارینی نظره آلارساق، آذربایجان کلمه سی نین "آذرآبادگان" یازیلماسی بو تشکیلاتین فارس پان ایرانیست تشکیلاتی کیمی تانینان "حزب پان ایرانیست" تشکلاتی ایله بیر ایستراتئژی ایچریسینده اولدوقلاری اورتایا چیخمیش اولار. بیلیندیگی کیمی بو پان ایرانیست تشکیلات دا آذربایجان آدینی بوگونکو فارس ادبیات دیلینه اویقون یازماق ایسته مز. (3). ایکینجی دیققت چکن کلمه "سرزمین اهورایی" دیر. "اهورایی" کلمه سی نین کئچمیشی آذربایجانا عایید اولمادیغینا باخمایراق پان ایرانیستلر بو کلمه ایله آذربایجانین کئچمیش تاریخینی زردوشتلوگه باغلاماغا چالیشیرلار. اونلار بیر قدم داها ایلری گئده رک آذربایجانی "اهورامزدا" مملکتی آدلاندیراجاق گؤرونورلر. کئچمیش یازیلاردا ایشاره اولوندوغو کیمی زردوشتچولرین پیغمبر حئساب ائتدیکلری "زردوشت (قیزیللی دوه صاحابی)"  آلمان آراشدیرماجیسی Wolfdietrich von Kloeden گلدیگی قناعته اساساً تورکمنیستان جومهوریتی نین باکتئر و یا افغانیستانین بلخ اطرافیندا دونیایا گؤز آچمیش(4).  دئمک، آذربایجان مملکتینی "سر زمین اهورایی" آدلاندیرماق فارس ایستعماری اوچون ایستعمارچیلیق نیتی داشییان عامیللردن ساییلمالیدیر. بو ایستعمارچی قوروپلار آذربایجان مملکتی نین کئچمیش تاریخینی زردوشت دینینه عایید ائتمکله آذربایجانی اؤزلری نینکی و آذربایجانلیلاری بو مملکته اؤزگه گؤسترمگه چالیشیرلار. بیلیندیگی کیمی زردوشتون نه زامان یاشادیغی بللی دئییل، یالنیز 1300 ایل میلاددان سونرا بیر سیرا اؤزلرینی زردوشت یانچیسی آدلاندیرانلار اؤز آرالاریندا سینه دن سینه یه داشیمیش عیبارتلری کیتاب حالینا گتیره رک اونا اویستا آدی وئرمیشلر. دئمک، یازیلی اولاراق تقریباً 700 ایل زردوشت کیتابی آدلانان اویستا کیتابی نین قدیملیگی وار(4). حزب نژادپرست "جبهه میللی فارس"  آذربایجانلیلارا پان ایرانیست مقوله سینی آشیلاماغا چالیشاراق "آذربایجان بیدار است، پشتیبان ایران است" ایفاده سینی ایجتماعیت اوچون سرگیله میشدیر. بیلیندیگی کیمی آذربایجان شهرلرینده نماییشه چیخانلار ایران ایجتماعیتی نین گله جه گی اوچون دئییل، آذربایجانلیلارا فارس حاکیمیتی طرفیندن اعمال اولموش نژادپرستلیک مقوله سینه اعتیراض ائتمگه چالیشمیشلار. اونلارین آنا شعارلاریندان بونلاری سایماق اولار: (هارای هارای من تورکم. منیم دیلیم اؤلن دئییل، اؤزگه دیله دؤنن دئییل). دئمک، آذربایجان ایجتماعیتینده "ایران" کلمه سینه موخالیف یوخسا موافیق شعار وئریلمه میشدیر. گونئی آذربایجانلیلار ایران ممالیکی محروسه سینده یاشادیقلاری اوچون قانونلار چرچیوه سینده فارس شوونیستلیگی و راسیستلیگینه اعتیراض ائتمگه چالیشمیشلار. ایران ممالیکی محروسه سینده کی آذربایجانلیلار میللی و مدنی حاقلارینی فارس حاکیمیتیندن طلب ائدرکن و ایران خاریجی تهلوکه ایله اوزلشمه دیگی اوچون "آذربایجان بیدار است، پشتیبان ایران است" جبهه میللی فارس اوچون نه ماهیتی داشییا بیلر دئیه دوشونمه لی ییک! اؤزینه "جبهه میللی ایران" آدی قویموش فارس راسیست تشکیلاتی ندن یانا آذربایجان سیاسی مسئله لرینی تحریف ائتمگه چالیشیر دئیه دوشوندوکده کئچمیشده یئریتمگه چالیشدیغی راسیستلیک سیاستی اساسینده آذربایجان ایجتماعیتینده ال آیاغینی اوراغا وئرمیش و آذربایجان ایجتماعیتیندن ائشیگه آتیلماسی سرگیلنمیش اولار. مسئله نین اوزرینده بیر آز داها دوراقلادیقدا بو راسیست تشکیلاتین کثیف نیتی اورتایا چیخمیش اولار، اوخویوروق:

"آنها اقدامات خشونتبار و شعارهاي تفرقه افكن معدودي بيگانه پرستان سازمان يافته را كه براي تحريك تظاهركنندگان حق طلب و آزمايش تحريك پذيري عامه مردم، به اجرا درآمد، بشدت نفي كردند و بر لزوم تلاش براي حفظ يگانگي ملي و استقلال و يكپارچگي كامل ايران پافشردند"(1).

اوسته گؤروندوگو کیمی فارس حاکیمیت اورقانلاری طرفیندن  آذربایجان میللی فعاللاری علیهینه اعمال اولموش شیددت داورانیشلاری اؤزونو "جبه میللی ایران!!" آدلاندیران فارس راسیست تشکیلاتی طرفیندن آذربایجانلیلار آدینا یازیلمیش اولور. اوسته لیک آذربایجان میللتی نین میللی و مدنی ایستکلری خارجی عامیللره نیسبت وئریله رک آذربایجان ایجتماعیتی تحمیق ائدیلمه گه چالیشیلیر. مسئله اوزره بیر آز داها دوراقلاماقدا فایدا وار، اوخویوروق:

"در واقع، اعتراض گسترده مردم نه فقط به يك توهين ناشي از بي لياقتي مسئولان جمهوري اسلامي، بلكه به حاكميتي بود كه با انحصارگري، ... تبعيض هاي مذهبي و جغرافيايي جان آنها را به لب آورده است. "(1)

اوسته گؤروندوگو کیمی آذربایجان میللتی نین میللی و مدنی ایستکلری حزب نژادپرست جبهه میللی فارس طرفیندن  گؤز آردی ائدیله رک "مذهب آیری سئچکیلیگی" قاباردیلمیش اولور. بیلیندیگی کیمی آذربایجان ایجتماعیتی نین چوخو اینانج باخیمیندان شیعه دیرلر. اونلارین اختلافلاری فارس حاکیمیتی ایله شیعه لیک اساسیندا دئییل، اعمال اولموش تحمیلی دیل و مدنیت اساسیندادیر. آذربایجان ایجتماعیتی اؤز دیلی نین آذربایجان مدرسه لری، بیلیک یوردلاری، ایداره لرینده رسمی اولماسی نین طرفداری اولاراق فارس راسیستلیگی و شونیستلیگینه اعتیراض اولاراق آذربایجان شهر و کندلرینده خیابانلارا چیخمیشدیر. باشقا بیر یازی گئنه باستانگرایلیق باتلاغیندا ایلیشیب قالان و آذربایجان میللی حرکتی علیهینه "ایران امروز" سیته سینده (6) مزدک بامدادان ایمضاسی ایله قلم ووران ذات عالیدیر. مزدک بامدادان ذات عالی یازیر:

"رخدادهای هفته‌های گذشته در شهرهای آذربایجان بیش و پیش از هر چیزی نشانگر آن بودند که در نبود آزادی و نهادهای مردمی، آشوبگران و نژادپرستان به سادگی می‌توانند رهبری هر جنبشی را بدست بگیرند و آنرا به بیراهه بکشانند. در چنین روزگاری است که باید چشم امید به دست و دهان خردگرایانی دوخت که می‌توانند پادزهری بر زهر هستی‌سوز نژادپرستی باشند."(6)

تهرانداکی ایسلام دونونا بورونموش فارس شوونیستلیک سیستیمی نین مسئوللاری آذربایجان میللی فعاللارینی اوباش دئیه سیاست دونیاسینا اویقون اولمایان کثیف ایفاده لر ایله قارالاماغا چالیشارکن، خاریجده اوتورموش فارس دیل و ادبیاتینی اساس گؤتورموش باستانگرای و تمامیتچیTotaliter پوزیسیون گوجلر ده آذربایجان میللی فعاللارینی فارس حاکیمیتی ایشلتدیگی کلمه لره بنزر کلمه لر ایله آشوبگر و نژادپرست دئیه قارالاماغا چالیشارلار. بو عیبارتلری محمدرضا پهلوی و اونون رژیمی ده 1357 اینجی ایلی بهمن آیی نین ایگیرمی دوققوزوندا تبریز اهالیسی علیهینه ایشلتمگه چالیشمیشلار. آنجاق آذربایجان آیدینلاری او زامان تبریزده کی حادیثه نی ایجتماعیته بئله آچیقلامیش:

بهمنين ايگيرمی دوققوزو

دئديلر بير گؤر تبريزی            کؤينک گئيميشدی قيرميزی

آذربايجانيمين گؤزی  ظولمدن قورتارسين بيزی   

بهمنين ييرمی دوققوزو          

شنبه گونو سحرچاغی ائل اله آلدی چوماغی

تيتره‌دی قورخودان ياغی         گؤرن تک بره‌لدی گؤزو

         بهمنين ييرمی دوققوزو

دئديلر گلدی ستارخان                      نظميه چکدی الآمان

لچک اؤرتموشدو پاسيبان     دؤولتين عورضه‌سيز قيزی

بهمنين ييرمی دوققوزو              

دئديلر يالاندی يالان          خارجه‌لی دئييل اينان

تبريزلی ايدی کی قويدو جان           وطن اوغروندا اؤزی

            بهمنين ييرمی دوققوزو       

دئيين ياتانلار اويانا     ظولم اليندن گلديک جانا      

ظولمو بوياديق قانا    قوی هامی بيلسين بو سؤزو         

بهمنين ييرمی دوققوزو     

گوله سسی گورولدادی                  دئولر کيمی نريلده‌دی

ميلت باخيب گولومسه‌دی               ديش قيجيرتدی قوردا قوزو               

بهمنين ييرمی دوققوزو

دايانما دوغرولدو زامان                     ظاليمه وئرمه‌يين آمان         

خايينه ولوله سالان               بو خالقيمين اورک سؤزو     

بهمنين ييرمی دوققوزو (7)

دئمک، مزدک بامدادان ذات عالی کئچمیشده کی اسلافلاری ساییلان و آزقین دوشموش محمدرضا پهلوی و سلاله سیندن عیبرت درسی آلمامیش گؤرونور. بیلیندیگی کیمی تاپینماق (پرستش ائتمک) مقوله سی بیر شئین قارشیسندا بیر توپلومون یاشادیغی قورخو عجوباتیندان اورتایا چیخار. آرادا قورخولاجاق بیر شئی وارسا، تمامیتچی و باستانگرای قووه لر نه اوچون بو مسئله یه آچیقلیق گتیرمک ایسته میرلر؟ آذربایجان میللتی فارس راسیستلیگی و فاشیستلیگی قارشیسیندا اؤز کیملیک و منلیگینی قوروماغا چالیشماق ایسترسه، بو تاپینماق (پرستش) ساییلماز، بو مدنیتسیزلیک و بربرلیک قارشیسیندا اؤنلم آلماق ساییلار. آذربایجان میللی مسئله سینی "حزب کمونیست کارگری فارس" کیمی قوم پرست آدلاندیرماق ساوادسیزلیغین یانی سیرا اخلاقسیزلیق ساییلمالیدیر.  مزدک بامدادان گئنه ده یازیر:

" سخن گفتن از "رسمی شدن زبان فارسی در دوره پهلوی‌ها"، "پیرایش چهره فرقه دموکرات آذربایجان از همه کاستی‌ها"، "ساختن تاریخ هشتاد ساله برای آنچه که باستانگرائی خوانده می‌شود"، و بیش و پیش از هرچیز تهی بودن جای هواداری از حقوق پایه‌ای شهروندی مانند برابری زن و مرد، آزادی گفتار و نوشتار، آزادی اندیشه، برابری دینی، همان چون و چراهائی هستند که گفتمان آقای براهنی را به گفتمان نژادپرستان نزدیک می‌کنند، فروکاستن خواسته‌های مردم به رسمی شدن زبان ترکی و براه اندازی رسانه‌های ترکی زبان در کشوری که در آن فرمانروایان آشکار و بی‌پرده دست می‌برند و چشم در می‌آورند و زنان را خوار می‌شمارند و آزادی شهروندان را بی‌پروا می‌کشند و .... یک جنبش واپس‌گرایانه و همسو با آماجهای جمهوری اسلامی است."(6)

اوسته کی مقاملارا دیققت یئتیردیکده مزدک بامدادان ذات عالی نین فیکیرلری ایله اؤزونو "حزب کمونیست کارگری ایران" آدلاندیران فارس ایستعمار قوروپا حاکیم اولموش فیکیرلر آراسیندا پارالئللیک وار. بو فیکیر صاحابلاری فارس ایستعمارینی اساس گؤتوردوکلری اوچون دیل و مدنیت مقوله سینه گلدیکده عمومی و ایچی بوش فیکیر یئریتمه نی آنجاق فارس دیلینده "آزادی گفتار و نوشتار" مقوله سینی فارس ایجتماعیتی اوچون اویقون حئساب ائدیرلر. آنجاق آذربایجان دیل و مدنیتیندن سؤز صؤحبت اولارکن اؤلوم بوغازلاریندان توتاراق "نژژ-آآ-دید-پپ-ریر-سست"(نژادپرست) ویا "قووو-مم-پپ-ریر-سست"(قومپرست) دئیه تیتی پیتی ائده رک لال کام دانیشمازلار. دئمک، بونلار کئچمیش 80 ایلده ایلان ییه رک اژدها فارس شوونیستلری ساییلمالیدیرلار. بو تمامیتچیلرین نظرینجه آذربایجانلیلار دیل و مدنیتلری نین رسمی اولماسینی ایسترکن، "مردم" دئییل، فارس راسیستلیک قافیله سیندن گئری قالاجاقلاری اوچون "واپسگرایانه" قلمه آلینمالی و فارس راسیستلیگینه وسیله اولموش ایسلامچیلار ایله بیر مقامدا یئر آلمالیدیرلار. مزدک بامدادان ذات عالی گئنه ده یازیر:

"... از آنجائی که شما مرا نمی‌شناسید، ...  من حتا یک گام هم از شما پیشتر می‌روم و تابوی "تمامیت ارضی" را هم می‌شکنم و همانگونه که در همه نوشته‌هایم آورده‌ام ، "حق جدائی" را هم از حقوق پایه‌ای شهروندی می‌دانم و از آنجائی که خود را یک "شهروند ایرانی‌تبار جهان" می‌دانم ... ، بر آنم که اگر رسیدن به این آزادی و سربلندی و آسایش تنها و تنها در گروی تکه تکه شدن ایران است، پس خجسته و فرخنده باد این فروپاشی!"(6)

یوخاری پاساژلاردا اولدوغو کیمی اوسته کی ایفاده ده ضیددیتلی مقاملار گؤزه چارپماقدادیر. مؤللیف سؤزده تمامیت ارضی مقوله سینی قبول ائتمیرم دئیه ایران ممالیکی محروسه سینده کی میللیتلر مقوله سینی وطنداشلیق (شهروندی) مقامینا دوشوره رک جهان وطنلیک ایله راسیستلیک (ایرانی تبار!!) آراسیندا دیلئی-دیلئی چالماغا چالیشیر. بیلیندیگی کیمی بوگون آذربایجانداکی میللی حرکت تبار و نژادا اساسلانمیر. آذربایجانلی اؤز اوزاق کئچمیشینه باخمایاراق بوگون دونیا مدنی میللتلری آراسیندا اؤزونه لاییق یئرینی آلماق ایسته ییر. بو مسئله نی "نژادپرستلیک" ایله ایلسشگیده گؤسترمگه چالیشانلار عوافریب فارس راسیستلری و اونلارین قویروقلاری ساییلمالیدیرلار. مزدک بامدادان ذات عالی یازیر:

"با شگفتی بسیار در این نوشتار شما فرازهائی را دیدم که با حقوق بشر و حقوق شهروندی همخوانی نداشتند و رنگ و بوی گفتمان کسانی را گرفته بودند که من آنان را "نژادپرستان جدائی‌خواه" می‌نامم."(6)

میللیتلر اؤز گله جکلرینی سؤزده اؤزلری قبول ائده بیلر دئگن ذات عالی، گونئی آذربایجان ایستیقلالچیلارینا "نژادپرستان جدائی خواه" ایتتیهامی وورماغا چالیشیر. دئمک، اینسان بو ذاتلارین دئموکراسی مقوله سینه آند ایچدیکلرینه اینانسین، یوخسا اوغورلادیقلاری و قولتوقلاری آلتیندان گؤرونن خوروسون یئله گینه اینانسین. دئمک، بو ذاتلار "دوه تویوغو" کیمی، فارس دیل و مدنیتی سؤز قونوسو اولدوقدا ییغجام"تویوغ"، ایران ممالیکی محروسه سینده میللیتلر مسئله سی، تورک دیل و ادبیاتی سؤز قونوسو اولدوقدا ایسه قیزمیش، بویون بوغازلاری ایپه ساپا گلمز "دوه" کیمی داورانماغا چالیشارلار. بو ایکیلیک سیاستی بو ذاتلارین عوامفریب اولدوقلارینی اورتایا قویار. مزدک بامدادان ذات عالی گئنه ده یازیر:

".. هنگامی که در کشوری خواسته‌های گوناگون مردم بروی هم انباشته شوند و هیچ کسی از کمترین حق شهروندی خود برخوردار نباشد، همین یک واژه ترکی که بر زبان یک سوسک روان شود، بر زبان سوسکی که در همه آن نوشته به فارسی سخن گفته است، جرقه‌ای است که بشکه باروت را بس است. از دل آن نوشته و آن کاریکاتور "توهین سازمانیافته به ترک‌ها" بیرون کشیدن، هنری است که از هر کسی بر نمی‌آید"(6).
گؤروندوگو کیمی مزدک بامدادان ذات عالی دئموکرات مئابلیق ایددعاسیندا اولماسینا باخمایاراق وطنداشلیق مقوله سی دالنیدا گیزلنمگه چالیشاراق باشقا فارس پوزیسیون شخص و تشکیلاتلاری کیمی آذربایجان میللی حرکتیندن دهشته گلمیش. یئری گلمیشکن سوروشولمالیدیر: -21 اینجی عصیرده اؤز دیلینده یازیب اوخوماق وطنداشلیق حاققی دئییل می؟ نه اوچون فارس ساغ جریانلاری و سوسیال شوونیستلری ایران ممالیکی محروسه سینده کی میللیتلر مسئله سینی خبر بایکوتو ایله قارشیلاماغا چالیشیرلار؟ مزدک بامدادان ذات عالی گئنه ده یازیر:

"مشکل من با نوشته شما ولی این هم نیست. من در این نوشته شما همانندی‌هائی با گفتمان نژادپرستان "فارس ستیز" می‌بینم که نگرانم می‌کند؛ نوشته‌اید: «مي خواهم بگويم فضايي كه عليه مردم آذربايجان درست شده، به رغم آنكه جمعيت آذري‌هاي ايران، طبق آمار بين‌المللي (نگاه كنيد به Ethnologue.com در اينترنت) با ٣/٣٧ درصد جمعيت كل كشور، حتي سه درصد از جمعيت فارسي‌زبانان ايران بيشتر است، فضايي است سخت آلوده به نژادپرستي، ...»"(6)

گؤروندوگو کیمی مزدک بامدادان ذات عالی بیرلشمیش دؤولتلر تشکیلاتینا آذربایجان ایجماعسی اوزره یازدیغی بیلگیلر اوچون ائده بیله جک اعتیراضینی رضا براهنی حضرتلرینه سیز نه اوچون بو بیلگیلری ایجتماعیته تقدیم ائدیرسینیز دئیه اونا دا "نژادپرست" ایتتیهامی وورماغا چالیشیر. دئمک، پان ایرانیستلرین و تمامیتچیلرین بو  اعتیراضلاری دونیا بیرلشمیش دؤولتلری نین عالی کمیساریاسی نین ریاستینه اولمالیدیر. پان ایرانیستلرین منطیقلارینا اساساً او  مکتوب بو سایاق اولمالیدیر:

ریاست محترم دبیر کل سازمان ملل متحد،

ما بر آنیم تورکها را در ایران نابود گردانیم، در صورتیکه شما  3/37 درصد جمعیت کل کشور ایران را در سایتهای اینتئرنئتی به جهانیان تورک معرفی کرده اید. این واقعیت گویی شما به مزاج ما باستانگرایان و تمامیت خواهان فارسگرا خوش نمی آید. ما 80 سال گذشته سعی کرده ایم وجود ترکها را در ایران اهورایی انکار کنیم، به ظن خود تا اندازه ای هم موفّق بوده ایم. در صورت ممکن به مقامهای ذیصلاح دستور فرمایید، واقعیت را وارونه نشان دهند و مارا از نگرانی برهانند.

 با احترامات فائقه، باستانگرایان و تمامیتخواهان فارسگرا در داخل و خارج از کشور ایران باستان.نام و نام خانوادگی، ایمضا.

مزدک بامدادان ذات عالی رضا براهنی حضرتلرینه مراجعه ائده رک یازیر:

"... ولی گیرم که سخن شما راست باشد و «جمعیت آذریهای ایران ... سه درصد هم از جمعیت فارسزبانان بیشتر باشد» خوب که چه؟ یعنی می‌گوئید چون آذربایجانیها بر پایه همین آمار چندین برابر عربها و بلوچها هستند پس می‌توانند با آنها رفتار نژادپرستانه در پیش بگیرند و اگر هم کسی به پرخاش برخاست، به او نشانی سایت اتنولوگ دات کام را بدهند؟"(6)

اوسته مزدک بامدادان ایمضاسی ایله یازان ذات عالی نین یئریتدیگی منطیق و ایتتیهامنامه سینه باخینیز و قضاوت ائدینیز. بیلیندیگی کیمی بوگونکو ایران ممالیکی محروسه سینده آذربایجانلیلار دئییل، ایسلام آدی آلتیندا فارسلیق سیستیمی و فارس شوونیستلیگی ایران ممالیکی محروسه سینه حکومت ائدیر. آذربایجانلیلار بوگون ایران ممالیکی محروسه سینده سؤز صاحابی اولمالاری اوچون ایلک اولاراق باشقا میللیتلر ایله بیرلیکده فارس شوونیستلیک سیستیمینه سون قویمالیدیرلار. فارس شوونیست سیستیمی حاکیمیتدن اوزاقلاشدیقدان سونرا ایران ممالیکی محروسه سینده نئجه بیر حاکیمیت ترکیبی یارانابیلر یوخسا بیلمز بو اؤزو ده باشقا مسئله دیر. دئمک، ایلک اؤنجه فارس راسیستلری بو راسیستلیک مقوله لریندن گئری اوتوردولمالیدیرلار. فارس راسیستلری آذربایجان تورپاقلاریندان گئری اوتوردوقدان سونرا آذربایجانلیلار کئچمیش 80 ایلده ظولومون نه اولدوغونو تجروبه ائتدیکلری اوچون فارس و لور میللتلری نین اوزریندن کئچه رک عرب و بلوچلار علیه لرینه فارس راسیستلری کیمی رفتار ائده جک دئییل، ترسینه فارس و کوردلر ایله ده قارداشجاسینا قونشولوق ائتمک ایسترلر دئیه دوشونمکده فایدا وار. گؤروندوگو کیمی تورکلوک علیهینه اولان هیستری شوونیستلیک و فاشیستلیک مدنیتی ایله بؤیوموشلر ایچره سرحد تانیماز مقاما چاتمیشدیر. اوندان یانا دا آذربایجانلی نین "من اؤز دیلیمده یازیب اوخوماق ایسته ییرم دئمه سی"، فارس راسیستلری طرفیندن "پان ترکیست" قلمه آلینار! بئله لیکله "پان" کلمه سی نین ده آنلام و مفهومو  آلارادن قالدیریلمیش اولار. مزدک بامدادان باستانگرایلیق مقوله سینده رضا براهنی حضرتلری نین یازدیقلارینی قبول ائتمه یه رک یازیر:

" آقای براهنی! برایم باور کردنی نیست که شما حقیقف داستان را ندانید! اگر باستانگرائی را رویکرد به سده‌های درخشان پیش از اسلام می‌دانید، باید بگویم که در اینجا خواسته یا ناخواسته پر به بیراه رفته‌ايد. بگذارید از همان دودمان ترکزبان قاجار آغاز کنیم، می‌دانید در میان شاهزادگان این خاندان چند تا "سام میرزا" و "کامران میرزا" و بهرام میرزا" و "ایرج میرزا" و "فریدون میرزا" و میرزاهای دیگر داریم که همه نام‌های شاهنامه‌ای و "باستانگرایانه" داشته‌اند؟ بگذارید برای جلوگیری از دراز شدن سخن از هر خرواری مشتی بیاوریم؛ در همان دهه‌های پرتنشی که راه به جنبش مشروطه بردند، آخوندزاده (زاده نوخا و بزرگ شده در شکی قفقاز) در "مکتوبات" می‌نویسد: «سلاطين فرس در عالم مداری داشتند و ملّت فارس برگزيده ملل دنيا بود» میرزا آقا خان کرمانی در "سه مکتوب" می‌نویسد: «ای ایران! کو آن سعادت و شوکت تو که در عهد کیومرث و گشتاسب و انوشیروان و خسرو پرویز داشتی؟» پیشتر از آندو شاهزاده جلال‌الدین میرزا، پسر فتحعلیشاه و برادر کوچک عباس میرزا "نامه خسروان" را در باره شاهان پارسی و به گفته خود به "پارسی بی‌غش" می‌نویسد. نامه خسروان بسال ١٢٥٥ در اتریش به چاپ رسیده است و از زمان این شاهزاده تا روی کار آمدن پهلویها که شما آنها را آغازگر باستانگرائی می‌دانید، پنج پادشاه (محمد شاه، ناصرالدین شاه، مظفرالدین شاه، محمدشاه و احمدشاه) فرمانروائی کردند. پیشتر از آنها و در روزگار صفویان شاه اسماعیل، نام پسرانش را سام میرزا، بهرام میرزا و تهماسپ میرزا (شاه تهماسب) می‌گذارد و داستان بی‌بی شهربانو دختر یزدگرد و خون ساسانی روان در رگ‌های شاهان ترک‌زبان صفوی را هم خود بهتر از من می‌دانید. باز هم از آن پیشتر نوادگان چنگیز مغول چند روزی که در ایران می‌مانند و رام و شهر نشین می‌شوند، "الجایتو"شان می‌شود محمد خدابنده و واپسین پادشاه ایلخانی‌شان انوشیروان عادل! و خان تاتار از گرد راه نرسیده و در هوای ایران دم نزده نام پسرش را شاهرخ می‌گذارد! نگاهی به نام‌های پادشاهان ترک‌تبار و ترک‌زبان بیندازید آقای براهنی! ببینید نام‌هایشان بیشتر "ترکی- اوغوزی" است، یا "باستانگرایانه"؟... اینها را ولی برای آن ننوشتم که بگویم اگر تا کنون چنین بوده، از این پس هم باید چنین باشد. خواستم بگویم نژادپرستان به اندازه کافی تاریخ‌سازی و تاریخ‌بازی می‌کنند و شما دیگر در این آتش ندمید! کسی که پایبند به حقوق بشر باشد برای رسیدن به خواسته‌هایش نیازی به این نخواهد داشت که تاریخ را بدور سر خود بگرداند و چهره‌ای کژ و کول از آن را نشان جوانان این آب و خاک بدهد. "(6)

گؤروندوگو مزدک بامدادان ذات عالی آد قویما مقوله لرینی باستانگرایلیق مقوله سی ایله قاریشدیرمیش مقامدا یئر آلیر. ایران ممالیکی محروسه سینده کی شاه و شاهزاده لره وئریلن آدلار درباردا کی میرزه و منشیلر طرفیندن تکلیف اولموش و دگیشیکلیک اولسون دئیه بو آدلار شاه و شاهزاده لر طرفیندن قبوللوق گؤرموشلر. بو مقوله بوگون فارس ایجتماعیتی اوچون ده کئچرلیدیر. بوگون قدیم و اوستوره اولموش آدلارین یانی سیرا روس دیلیندن ده فارسچایا آلینمیش آدلار دا آز دئییلدیر، اؤرنک اولاراق: زاشا، نادیا، ویکتوریا، ویکتور، ائلمیرا و ساییره. یئری گلمیشکن ایران ممالیکی محروسه سینده باستانگرایلیق مقوله سی نین تاریخینه گؤز گزدیرک. ایرانداکی بوگونکو باستانگرایلیق "نهضت باز شناسی فارس و فارسیان" باشلیغی آلتیندا تقریباً 150 ایل بوندان اؤنجه میرزا آقا کمره ای طرفیندن "تاریخ مملکت فارس" باشلیغی ایله اورتا آتیلمیش، بو فیکیر جعفر خورموجی طرفیندن 140 ایل بوندان اؤنجه "نزهت الاخبار" آدلی کیتابدا بیر داها تیکرار اولموش، 120 ایل بوندان اؤنجه میرزا حسن فسائی طرفیندن "تاریخ مسعودی یا عبرت الناظرین" آدلی کیتابدا بیر داها تیکرارلانمیش، 110 ایل بوندان اؤنجه فرصت الدوله شیرازی طرفیندن "آثار عجم" آدلی کیتابدا بیر داها تیکرارلانمیش. بو آدی چکیلن کیتابلارا فیکیر زمینه سی هندوستاندا اولان اینگلیس ایستعماری طرفیندن اورتایا آتیلمیش و اونلاری اساسلاندیرماق اوچون تاریخ جعل ائتمک لازیم گؤرونموش. بئله لیکله اصلیتلری اینگلیس اولان لسترنج و نيکلسون آدلی شخصلر "فارسنامه" آدلی، مؤللیفی بللی اولمایان بیر کیتاب اورتایا قویموشلار. سونرا بو کیتاب ابن بلخی آدلی شخصه – گویا  5 اینجی یوز ایل هجریده یاشاییرمیش - نیسبت وئریلمیش. ناصر پورپیرار آلینتی اولاراق فارسنامه کیتابی نی تصحیح ائدن منصور رستگار فسایی قلمیندن نقل ائدیر:  

«در هيچ يک از منابع معتبر، نامی از مولف فارس‌نامه به ميان نيامده است... و نام مولف اين فارس‌نامه هنوز شناخته نيست، اما در ديباچه‌ی خود می‌نويسد که جد او از مردم بلخ بود و ابن بلخی لقب مناسبی است برای ناميدن مولف، تا زمانی که هويت او به‌تر ثابت شود». (ابن بلخی، فارس نامه، تصحيح منصور رستگار فسايی، چاپ بنياد فارس شناسی، صفحات ۱ و ۱۹)" (8)

ناصر پورپیرار آراشدیرمالاری نتیجه سینده گئنه گلدیگی قناعته اساساً یازیر:

"از ديدگاه آن‌ها، اساس اين تاليفات، انتقال قضايايی به ذهن خالی مانده‌ی ايرانيان و با هدف واداشتن ما به پارس کردن به ديگران بوده است، نه ارائه‌ی سندی تا جايگاه واقعی خويش را در ميان همسايگان و همراهان تاريخی‌مان بازيابيم.  «بنا برآن‌چه از مطالب کتاب و نحوه ی بيان ابن‌بلخی برمیآيد، او همچنان که پارسيان را بسيار عزيز می‌دارد، ‌اقوام و قبايل و ملت‌هايی را نيز نمی پسندد و از آنان به نکوهش ياد می‌کند. به عنوان مثال عرب ها را دوست نمی‌دارد: «عرب را کی محل ايشان محل سگان باشد، صورت نبندد کی به پيکار ايشان روم». (همان، ص۱۳)."(8)

اوسته کی خضبلات اوزره یاواش یاواش میرزاآقا کیرمانیلر و اونون آردیجیلاری دا گؤروشلرینی اورتایا قویموشلار. بئله لیکله رضا خان ایش اوسته گلدیگیندن سونرا اینگیلیس ایستعمارچیلاری طرفیندن اورتایا آتیلمیش پلانلار حیاتا کئچمگه باشلامیش. دئمک باستانگرایلیق مقوله سینی آد قویما و آد وئرمه مقوله لری ایله برابر گؤسترمگه چالیشماق منطیقدان اوزاق و عوامفریبلیک ساییلار. بوگونکو فارسچیلیق سیستیمی طرفیندن اورتایا آتیلمیش باستانگرایلیق مقوله سی دوشونمه طرزی (سیستم فکری) اولاراق بیر ایداره ائتمه سیستیمی حالینا یؤنلمیش بیر جریاندیر. بوگونکو فارس باستانگرایلاری نین فیکیرلرینه اساساً پیامبر اولاراق زردوشت (ایران ممالیکی محروسه سی نین بوگون  % 95 نوفوسو مسلمان اولدوغونو نظره آلمایاراق)، اونون کیتابی اوستا و توپراق اولاراق چین تا اینطاکیه آراسیندا یئرلشمیش دیل و مدنیتلری "ایران" آدی آلتیندا فارس دیل و مدنیتینده اریدیب فارس دیل و مدنیتی ایله عئینیلشدیرمگه یؤنلمیش مالیخولیایی بیر جریاندیر. باستانگرایلیق جریانی فیکیر و آیری سئچکیلیک اعمال ائتمک باخیمیندان رضا خان خاریجی عامیللر واسیطه سی ایله ایران ممالیکی محروسه سینده  ایش باشینا گلدیکدن سونرا  تظاهور ائتمیشدیر. بیلیندیگی کیمی اوندان اؤنجه تورک شاهلاری ایران ممالیکی محروسه سینه حاکیم اولدوقلاری موددتده فارسچا دیوان دیلی، عربچه ایسلام دین دیلی و تورکچه قوشون دیلی اولاراق پارالئل ایشله دیلمیشلر. بونلارین یانی سیرا باشقا دیللر ده هر توپلومون اؤزونده قورونوب ساخلانمیشدیر. مزدک بامدادان ذات عالی گئنه یازیر:

"... اگر از "جانبداري پادشاهان ترك از زبان و ادب فارسی" می‌نویسید، اینرا هم بنویسید که برخی از این پادشاهان ترک، و بویژه سردودمان‌هایشان با گویندگان این زبان چه می‌کردند، مگر جز این است که با بر افتادن هر خاندانی و برآمدن خاندانی دیگر همین فارس‌زبانها بودند که از دم تیغ بیدریغ می‌گذشتند و سربازان همان شاهانی که "از زبان و ادب فارسی جانبداری می‌کردند" در شهرهای بزرگ این آب و خاک از کله منارها برپا می‌کردند و انبان انبان چشم برکنده شده همین مردم را برای پادشاهشان می‌فرستادند؟ مگر نبود که رشته‌های دیوانیان و دبیران و مستوفیان در هر بار که تاج و تخت دست بدست می‌شد بدست سربازان همین پادشاهان پنبه می‌شد و کتابخانه‌ها در آتش نادانی می‌سوختند و فرهیختگان و دانشمندان و اندیشمندان سر به دار می‌سپردند؟ راستی چه کسی منت دار دیگری است؟ "(7)

اوسته کی ایفاده لره دیققت یئتیردیکده تورک ائتنوسونا اولان هیستری اؤزونو قاباریق بیچیمده مزدک بامدادان ایمضاسی ایله یازان ذات عالی نین ایفاده لرینده اورتایا قویور. بیلیندیگی کیمی بوتون شاهلار او جومله دن تورک شاهلاری تاریخ بویو حاکیمیت اوچون بیربیرلری نین علیه لرینه حاکیمیت چئوریلیشی اوچون طغیان ائتمیشلر. بو مسئله نی فارس راسیستلری او جومله دن ذبیح الله صفا یازمیش (9) یالانلارلا اساسلاندیرماق ایران ممالیکی محروسه سینده کی میللی مسئله سی نین حللینه کؤمک ائده بیلمز دئیه دوشونمه لی ییک. عربلرین ایرانا حمله سیندن و 300 ایل عربجه ایراندا حاکیمیت دیلی اولدوقدان سونرا فارس دیلینی ایران ممالیکی محروسه سینه گتیرنلر تورک شاهلاری اولموشلار. اونلار اؤزلری یئری گلدیکده فارسچا دا شعرلر دئمیشلر. بو تورک هیستریسی ایله ایران ممالیکی محروسه سینده میللیتلر مسئله سینی حلل ائتمگه دوشونمک ایمکان داخیلینده آدولف هیتلری اورتایا چیخارمیش اولار. مزدک بامدادان ذات عالی گئنه ده یازیر:

"... بخش کردن تاریخ ایران به پیش و پس از سوم اسفند ١٢٩٩ هم باز همان کژنمائی تاریخ است. زبان رسمی در ایران پیش از سوم اسفند مگر چه بود؟ مگر در همان هزار سال فرمانروائی شاهان ترک‌زبان در ایران درباریان به چه زبانی سخن می‌گفتند؟ فرمانها و نامه‌ها و تاریخ‌ها و سیاستنامه‌ها و ... به چه زبانی نوشته می‌شدند؟ در کشوری که بیش از نود درسد مردمانش خواندن و نوشتن نمی‌دانند، زبان رسمی همان زبانی است که دربار و دستگاه‌های دولتی به آن سخن می‌گویند و می‌نویسند. مگر مظفرالدین شاه دستنویس فرمان مشروطه را به چه زبانی نوشت؟"(7)

گؤروندوگو کیمی مزدک بامدادان ذات عالی بعضاً کئچمیش 80 ایلده کی ائتنوساید (نسل کشی فرهنگی) مسئله سیندن فیکیر اولاراق تبّری ائتمه سینه باخمایاراق یئری گلدیکده کئچمیش 80 ایلده کی ائتنوساید سیاستینی تأیید ائتمیش مقامدا یئر آلیر. بیلیندیگی کیمی کئچمیشده معاریفلیک سیستمی (ایداره آموزش و پرورش) اولمادیغی اوچون فارس دیلی خالق آراسیندا رسمی دئییل، دیوان ایشلرینده ایشله نیر و  بعضی شاعیرلیک طبعی اولانلار آراسیندا مداحلیق اوچون اؤیره نیلیردی. بو مسئله نی ایران ممالیکی محروسه سینده میللیتلر آراسی رسمی دئیه قلمه آلماق عوامفریبلیک اولاردی. رضا شاه خاریجی عامیللر واسیطه سی ایله ایران ممالیکی محروسه سینده حاکیمیت چئوریلیشینه باش ووردوقدان سونرا محمود افشار یزدی نین رضا شاه اوچون آینده مجلله سینده یازدیغی "بیر دیل، بیر میللت و بیر مملکت" تئوریسینی اساس گؤتوره رک فارس دیلی ایران ممالیکی محروسه سینده کی فارس اولمایان ائتنوسلارا تحمیل اولدو. بو مسئله نی "زبان رسمی کشور ایران فارسی" دئیه اله آلماق دئماقوژی سیاستی یئریتمک ساییلار. مزدک بامدادان گئنه ده یازیر:

"... چه کسی شاه ترک‌زبان ایران را وادار کرده بود سخنانش را برای ثبت در تاریخ به فارسی و با لهجه پررنگ ترکی بزبان بیاورد؟" (7)

گؤروندوگو کیمی مزدک بامدادان فارسچا متینلردن تورک شاهلاری نین لهجه لری نین ده نئجه اولدوغونو تشخیص وئرمیش مقامدا یئر آلیر. بو مسئله یالنیز مزدک بامدادان ذات عالیه عایید دئییل، بیر چوخ فارس مؤللیفلری ناصرالدین شاهین آوا گئتدیگیندن سونرا خاطیره سینی تورکچه یازدیغینی مسخره ائدرلر، اؤرنک اولاراق "رفتیم شکار، آرقالی زدیم و ساییره". "آرقالی" کلمه سی نین یئرینه "آهو" ایشلنمیشسه ایدی، بلکه ده فارس مؤللیفلری اوچون بو مسئله دیققت چکیجی اولمازدی. دئمک، تورک شاهلاری فارسچا یازارکن ده تورکچه دوشونورموشلر. بو دا فارسچانین کئچمیشده رسمی اولمادیغینی اورتایا قویار. بوگون تهراندا آذربایجانلی نین تورکچه لهجه سینی مسخره ائدنلر آذربایجانلیدان تورکچه دوشونمک منطقینی آلماغا چالیشانلار ساییلارلار. بو مسخره ائتمه لر اؤزو ایله ائتونساید مقوله سینی تکمیلشدیرمیش اولار. مزدک بامدادان گئنه ده یازیر:

" .. آقای براهنی! پیشه‌وری به گفته شما "دومين شهر بزرگ كشور، يعني تبريز را شبانه آسفالت كرد و دومين دانشگاه كشور را به وجود آورد‌" رضا شاه هم نخستین دانشگاه ایران را ساخت و راه آهن سراسری را که از زیرساخت‌های پایه‌ای یک کشور بشمار می‌روند کشید، او جوانان ایرانی را (از فارس‌زبان و آذربایجانی و ...) به اروپا فرستاد تا دانش نوین را به ایران بیاورند، با این همه من نمی‌توانم برای رضاشاه هورا بکشم و او را بستایم، چرا که او یک دیکتاتور خودکامه بود و نه تنها آزادگان و فرهیختگان را، که آزادگی و فرهیختگی را در سرزمین ما سرکوب کرد و کشت"(7)

گؤروندوگو کیم مزدک بامدادان کئچمیشده آذربایجان میللی حکومتی آذربایجان اوچون گؤردیگی ایشلر قارشیسیندا رضا شاه دا فارسلیق سیستیمی ایشلر گؤردو دئیه اونلاری سیرالاماغا چالیشار. دئمک، مزدک بامدادان ذات عالی مسئله دن اولدوقجا اوزاقدیر. بیلیندیگی کیمی رضا شاهین حاکیمیت دؤنمینده آذربایجان گونو گوندن گئریله میش، کئچمیشده ولیعهدنشین اولان تبریزین اوزرینه اؤلوم توزو قونموشوموش. بیر ایللیک آذربایجان میللی حکومتی دؤنمینده  آذربایجان تاریخینده تبریزده بیرینجی بیلیکیوردو قورولموش، رادیو ایستانسیاسی ایشه باشلامیش، خیابانلارین آسفالت ائدیلمه سینه تشثبوث گؤستریلمیش. فارس شاعیری دئمیش: "میان ماه من تا ماه گردون             فاصله زمین تا آسمان است".

دئمک، آذربایجان میللی حکومتی نین بیر ایلده تضییقلر آلتیندا آذربایجان اوچون ائتدیگی خیدمتلری رضاشاه بوتون حاکیمیت دؤورونده ایران ممالیکی محروسه سی و فارسلیق سیستیمی اوچون ائتمیش دئیه قبول ائتمک اولار. رضاشاه فارسلیق سیستیمی اساسیندا حاکیمیت ائتدیگی تهراندا اونیوئرسیته قورموشسا، بو مسئله نی آذربایجان میللی حکومتی نین آذربایجان اوچون ائتدیکلری ایشلری ایله مقایسه ائتمک منطیقدان اوزاق گؤرونر. خاریجه اؤیرنجی گلمه مسئله سینه گلدیکده بو مسئله رضا شاه ایله ایلگیلی دئییل، رضا شاه حاکیمیته گلمه میشدن اؤنج ده آوروپادا ایران ممالیکی محروسه سیندن اؤیرنجیلر گلمیشدیلر. بو مسئله نی آذربایجان و ایرانداکی تجددولوک حرکتی ایله علاقه دار گؤسترمک دوزگون اولاردی. بو مسئله نی رضا شاه ایله علاقه دار گؤسترمگه چالیشماق عوافریبلیک اولاردی. فارس فرهنگیستانی نین قورولماسینا داییر ادبی انجمنلرین یارادیلماسی دا قاجارلار زامانی حیاتا کئچمیشدیر(10). مزدک بامدادان گئنه یازیر:
"... جوان زنجانی گمان می‌برد چون زبانش ترکی آذربایجانی است، پس هموند قبیله بزرگ ترکان است و پس "قاراباغ بیزیمدیر، بیزیم اولاجاق! قره باغ از آن ماست، از آن ما خواهد بود!" و گمان می‌کند که بخشی از یک کشور بیگانه که مرزها و سامان سیاسی ویژه خود را دارد، از آن او است."(7)

گؤروندوگو کیمی تاریخی تورپاقلاری بؤلوشدوره رک اونلاری موختلیف آدلار آلتیندا ایداره ائتمک، اینسانلاردان تاریخ خاطیره سینی سیله رک عوامفریبلر اوچون ایجتماعیتی آلداتماغا شراییط یارادار. دئمک، فارسچی تمامیتجیلرین گؤروشلرینه اساساً زنجان تاریخی آذربایجان تورپاغی ساییلماز، قاراباغ دا تاریخی ائتنیک آذربایجان تورپاغینا عایید دئییل. بو گؤروشلره گؤرک محمد بلعمی سامانلیلارین وزیری طبری نامه کیتابیندا  نه یازیر:آذربایجان: "اوّل حد از همدان درگیرند تا به ابهر و زنگان بیرون شوند و آخرش به دربند خزران. و بدین میانه اندر هرچه شهرها است همه را آذربایگان خوانند"(11).

اوسته کی تاریخی فاکتا اساساً ایستر زنجان و ایسترسه ده قاراباغ تاریخی آذربایجان تورپاغی ساییلار. آذربایجان میللتی سیاست باخیمیندان ایکیه بؤلونموشسه ده دیل و مدنیت، گله نک و گؤره نک باخیمیندان بو ایکی توپلومو بیربیرلریندن آیری گؤسترمگه چالیشماق عوامفریبلیک اولاردی. دئمک، زنگانلی گومان ائتمیر، او کیم اولدوغونو یاخشی بیلیر. اینسانلاری بیگانه گوجلر، تحمیل ائتمیش فیکیرلری ایسارتینده ساخلایا بیلمزلر. بوگون قوزئی آذربایجان اؤزو اوچون جومهوریتدیر. سیاسی سرحدلری و قونشو دولتلر ایله دیپلوماتیک رابیطه سی وار. آنجاق بو اینسانلارین میللی بیلینج و کیم اولدوقلارینی قیسیتلایابیلمز. مزدک بامدادان گئنه ده یازیر:

"...  درد ما در همین است که "من" هنوز جای "ما" را نگرفته است و از همین رو است که خواسته‌های کسانی که شما آنان‌را ملت آذربایجان می‌نامید، از خواسته‌های سراسری مردم ایران، مردمی که همه همدرد و همرنج همند، جدا می‌شود و گناه سرکوب همین خواسته‌ها به گردن یک قبیله دیگر انداخته می‌شود. همه سختی کار ما نیز در واکاوی این پرسش است، شهروند یک کشوریم، یا هموند یک قبیله؟"(7)

گؤروندوگو کیمی مزدک بامدادان دا "حزب کمونیست کارگری ایران" آدلی فارس ایستعمار قوروپو کیمی وطنداشلیق (شهروندی) مقوله سی نین دالیندا گیزله نه رک ایجتماعیتی عوامفریبلیگه یؤنلندیرمگه چالیشیر. آنجاق شهروندلیک هانسی اساسدا اولمالیدیر مقوله سی آرخا پلانا قایمیش اولور. بیلیندیگی کیمی شهروندلیک موختلیف میللیتلرین دیل و مدنیتلری اساسیندا حقوق برابرلیگی، موختلیف میللیتلر اوچون موستقیل سیاسی و ایجتماعی تشکیلاتلارین یارانماسی و خالق ایجتماعیتینی تمثیل ائتمه لری واسیطه سی ایله حیاتا کئچه بیلر دئیه دوشونمه لی ییک. هر بیر آذربایجان میللی تشکیلاتینی "نژادپرست، پان ترکیست و ساییره" ایتتیهاملاری ایله چؤب قابینا آتماغا چالیشمالار بو داورانیش صاحابلاری نین اؤزلرینی چؤب قابینا آتار دئیه دوشونمه لی ییک. دئمک، حقوق برابرلیگی اولماسا، سن اوسان، من ده بو! محمد تقی زهتاب دئمیش:

سن او سان من ده بويام                               سن او سان، من ده بويام!
سوُ دئيبدير منه اوّلده آنام،آب کي يوخ                  يوُخو اؤيرتدي اوشاقليقدا منه،خواب کي يؤخ
ايلک دفعه کي چؤرک وئردي منه،نان دئمه دي                 ازليندن منه دوُزدانا، نمکدان دئمه دي
آنام، اَختر دئمه يبدير منه، اوُلدوز دئييب او              سوُ دوناندا دئمه ييب يخدي بالا بوُز دئييب او
قار دئييب،برف دئمه ييب،دست دئمه ييب،  اَل دئييب او منه هئچواقت بيا سؤيله مه ييب،گَل دئييب او
ياخشي خاطير لاييرام ياز گونو آخشام چاغي لار      باخچانين گون باتانيندا کي ايليق گون ياييلار
گَل ـ دئيه ردي ـ داراييم باشيوي اي نازلي بالام!      گلمه سن گَر،باجيوين آستاجا زولفون دارارام
او دئمزدي کي ـ بيا شانه زنم برسرتو                             گر نيايي بزنم شانه سر خواهر تو
بلي،داش ياغسادا گويدن ،سن اوسان من ده بويام  وار سنين باشقا آنان،واردي منيم باشقا آنام
اوزومه مخصوص اولان باشقا ائليم واردي منيم        ائليمه مخصوص اولان باشقا ديليم واردي منيم
ايسته سن قارداش اولاق ،بير ياشاياق ،بير ليک ائدک         وئريبن قول ـ قولا،بوندان سورا بير يولدا گئدک
اوّلا، اوزگه کولک لر له گرک آخماياسان                 ثانياً ،وارليغما ،خالقيما خور باخماياسان
يوخسا گر زور دئيه سن، ميلّتيمي خوار ائده سن            گون گلر،صفحه چؤنر،مجبور اولارسان گئدر سن (12)

قایناقلار:

1        جبهه ملي ايران : آذربايجان ، پاسدار يكپارچگي ملي ايران است:   http://www.tabriznews.com/news/n3182.htm

2        اعتراض جمعی از اعضای جبهه ملی ايران به يك تصميم وزارت آموزش و پرورش، پنجشنبه 23 بهمن 1382: http://news.iran-emrooz.de/more.php?id=3041_0_7_0_M

3        هوشنگ طالع (عضو هیئت اجرائیه حزب پان ایرانیست)، آذرپادگان: http://www.azarpadgan.com/

4       ایشیق سؤنمز، پان ایرانیستلرین دیل و مدنیت تحریف ائتمه مسئله لری!:

http://www.shamstabriz.com/sonmaz-paniranist.htm

5       ایران امروز سیته سی حزب نژادپرست "جبهه میللی فارس" تشکیلاتینا منسوبدور.

6        مزدک بامدادان، سایین براهنی بِی! لؤطفن سیز داها بوش وئرین

http://politic.iran-emrooz.net/index.php?/politic/more/8896/

7        ذولفقار کمالی، بهمنین ایگیرمی دوققوزو: http://www.tribun.com/28/64.htm

8        ناصر پورپیرار منشاء بیماری هموطن ستیزی و تجزیه طلبان فارس

http://www.shamstabriz.com/porpirar-bimary.htm

9        ذبیح الله صفا، تاریخ ادبیات در ایران

10      ایشیق سؤنمز، فارس فرهنگیستانی نین تاریخ و اساسنامه سینه بیر باخیش!

http://www.shamstabriz.com/sonmaz-farhangestan.htm

11      ابو علیمحمد ابن محمد بلعمی: تاریخنامه طبری، جلد 1، تهران 1366، خبر گشادن آذربایگان و دربند خزران صحیفه 529 (529-534).

12      محمد تقی زهتابی، تبریز

ایشیق سؤنمز 17.06.2006

استعمار