آج تویوغون یوخودا داری گؤرمه حئکایه سی!
بیلیندیگی کیمی 21 اینجی چاغ (عصر) بیلگیسایار (کامپیوتر) و اینتئرنئت چاغیدیر. بو چاغدا بیلگی و معلوماتین راحاتلیقلا آخین (جریان) ائتمه سی تمامیتچی و شوونیست گوجلری نین کثیف نیتلرینی دونیا ایجتماعیتی ها بئله باسقییا معروض قالان توپلوملارا اولدوقجا راحات یئتیرمیش اولور. دئمک، کئچمیشده ایران ممالیکی محروسه سینده کی فارس مئییللی باستانگرای، تمامیتچی و شوونیست قووه لر کثیف نیتلرینی "بنیاد موقوفات محمود افشار" آدلی وقفین جراییدی واسیطه سی ایله بللی بیر تمامیتچی داییره لره یئتیرمگه چالیشیردیلارسا، بوگون اینتئرنئت بو تمامیتچی فیکیرلری ایستر تمامیتچی شوونیست قووه لر، ایستر سه ده اونلارا موخالیف اوخوجولارا یئتیرمکده اولدوقجا اؤنملی رول اویناییر. بئله لیکله اونلار کثیف نیتلرینه دون گئیدیرمگه چالیشارکن، موخالیف گوجلر بو ذات عالیلرین کثیف نیتلرینی دونیا ایجتماعیتی و مظلوم توپلوملارا راحاتلیقلار تئیرمک اولاناغینا (ایمکانینا) یییه اولورلار. بو تمامیتچی، شوونیست و قارا قووه لردن بیری ده فارس جبهه میللی پارتیسی عووضو اولان علی راسخ افشاردیر. او کئچمیش یازیلاردا ایشاره اولوندوغو کیمی دئموکرات مئاب باشقا فارس تشکیلاتلارینی دا شوونیستلیک آچیسیندان قبول ائتمک ایسته مه یه رک(1، 1.1) اونلاری "جدائی طلبان پاسیو" آدلاندیریر (2). بئله لیکله بیز "جبهه میللی پارتی سی" عوضوو علی راسخ افشار حضرتلری نین گؤروشلری اوزره دئیینمه نی یئرلی حئساب ائدیریک، اوخویوروق:
".... مراد از جدائی طلبان پاسیو، ایرانیانی می‌باشند که خود را سوپر دمکرات می‌دانند و در عین حال که به حفظ و دفاع از تمامیت ارضی ایران پایبندند، می‌پذیرند که در ایران « ملتها و ملیتهای» گوناگونی زندگی می‌کنند، که از دیدگاه اینجانب زمینه ساز و آتش بیار تجزیه طلبان اکتیو می‌باشند." (2)
اوسته گؤروندوگو کیمی علی راسخ افشار تمامیت ارضی یانچی سی اولان، آنجاق فیکیر باخیمیندان راسیستلیگی آشکارا دستکلمک ایسته مه گنلری- اونلار بو دیل و مدنیت صاحابلارینی محللی دئیه قبول ائتمک ایسته دیکلری اوچون- تجزیه طلب (جدائی طلبان پاسیو) آدلاندیریر. علی راسخ افشارین گؤروشونه اساساً ایران ممالیکی محروسه سینده فارس دیل و مدنیتیندن علاوه دیل و مدنیتلرین وارلیغینی قبول ائتمک بیله تجزیه طلبلیک اوچون شراییط یاراداجاق گؤرونور. بو باخیمدان علی راسخ افشار راسیست محمود افشار یزدیلرین دوغرو و دوزگون سلفی اولدوغونو قبول ائتمیش اولور (محمود افشار اوزره باخ 3، 3.1). گئنه ده علی راسخ افشاردان اوخویوروق:
"... برای ما ایرانیان مقوله ملت به معنای همبستگی مردمیکه در محدوده جغرافیائی‌ای زندگی می‌کنند و با هم سرنوشت و تاریخ مشترکی دارند با انقلاب کبیر فرانسه شروع نمی‌شود. در شاهنامه فردوسی از ایرانیان در مقابل تورانیان و ترکان و یونانیان و رومیها و اعراب سخن بسیار رفته است. همچنین در ادبیاتی که پیش از هجوم اعراب به ایران تدوین یافته و به دست ما رسیده است شواهد بسیاری بر وجود این احساس همبستگی ملی میان مردم ساکن در حوزه شاهنشاهی ایران بسیار است " (2).
اوسته گؤروندوگو کیمی پان ایرانیست، شوونیست و تمامیتچی قووه لر هر بیر دئییم و ایصطلاحی بیلیم آچیسیندان دئییل، اؤز مذاقلارینا اویقون یوروملاماق ایسته ییرلر. دئمک، آذربایجان تجددودلوک حرکتی نین یئنیلمه سی نتیجه سینده فارس ایستعمارچیلری نین ایران ممالیکی محروسه سینه حاکیم اولماسی و کئچمیش 80 ایلده ایران ممالیکی محروسه سینده بیر دیل، بیر مدنیت و بیر میللت تئوریسینی ساوینماقلارینا باخمایاراق اونلار بوگون میللت مقوله سینی شاهنامه داستانلارینا اساسلاندیرماق ایسته ییرلر. بو یالانچیلار اؤز ایددعالارینی ساوینماق (دفاع ائتمک) اوچون ایرانیت مقوله سینی باشقا ائتنیکلر قارشیسیندا قابارتماغا چالیشیرلار. بو تئوری یه اساساً ایرانلی اولان فارس، فارس اولمایان ایرانلی اولابیلمز. دئمک، دولاییلی اولاراق گئنه ده محمود افشار یزدی تئوریزه ائتمیش راسیستی و فاشیستی تئوریلر داستان بیچیمینده ایران ممالیکی محروسه سینده کی میللتلره و دونیا ایجتماعیتینه تقویم ائدیلمیش اولور. علی راسخ افشار ذات عالیدن اوخویوروق:
"... همچنان که امروز در نوردیدن مرزها در اروپا و اتحادیه اروپا که یک جریان فراملی می‌باشد یک ضرورت تاریخی است. این اندیشه فراملی در همان دوران پس از انقلاب کبیر فرانسه در مغز یکی از سرداران بزرگ تاریخ اروپا، ناپلئون، اما به گونه‌ای دیگر تبلور یافت. او میخواست دولتی واحد از تمامی ملل اروپا زیر چتر حاکمیت فرانسه بوجود آورد که اندیشه اش پا نگرفت. هیتلر هم همین اندیشه جنون آمیز را داشت."(2)
دئمک، فارس شوونیستلری و تمامیتچی قووه لر اینسانلیق مقوله سینی ایمپیراتورلوق مقوله سی ایله دگیشیک توتموش مقامدا یئر آلیرلار. بو دگیشیک توتمالار اونلارین طبهکار اولدوقلارینی اورتایا قویموش اولور. بیلیندیگی کیمی ناپلئون بوناپارت بیر ایشغالچی گوج کیمی 1808 ایلینده ایسپانیانی ایشغال ائتدیره رک ایسپانیانین شاهی و ولیعهدینی شاهلیق سئوداسیندان واز کئچمگه زورلایاراق یوزئف بوناپارتی ایسپانیا بیر ال آلتی کیمی شاه ائتدی. ایسپانیا خالقی 1808-1814 ایللرینده فرانسه ایشغالچیلاری علیهینه چیریکی ساواش آچاراق اؤز آزادلیقلارینی گئری آلدیلار. یوزئف بوناپارت 12 مارس 1814 اینجی ایلینده حاکیمیتدن دوشدوکدن سونرا کادیز Cadiz شهرینده ایسپانیانین بیرینجی آنا یاساسی نین متینی یازیلدی (4). هیتلره گلدیکده او یالنیز بیر ایشغالچیلیق سئوداسیندا دئییل، آریا ایرقینا اساسلانمیش فاشیست ایدی. Anne Frank قلمیندن اوخویوروق:
"او خالقا یاخشی و خوش گلجک وعده سی وئریردی. آنجاق نه اوچون آلماندا بو قدر فقیرلیک و ایشسیزلیک وار دئیه سوروشدوقدا هیتلر بو مسئله نین گوناهینی آلمانداکی یهود آزلیغی بوینونا آتیردی. هیتلرین فیکرینه اساساً یهودلار آلمان توپلومو اوچون خطرلی موجود ساییلیردی. او یهودلاری پیس (گر کئچیSündenbock)، یالانچی آدلاندیریردی. زامان گئدیشی ایله هیتلر یهود مسئله سینه ضدسامیلیک و نژادپرستلیک مقوله سینی ده آرتیرماغا باشلامیشدی. بو مسئله کئچمیشده آلمان توپلوموندا اؤزونه یئر آچدیغی اوچون بیر چوخلاری اوچون ایناندیریجی گؤرونوردو. اونلار اؤزلری نین یاخشی اینسان اولدوقلارینا اینانیر و بوتون گوناه و بدبختلیکلری یهودلارین بوینونا آتماغا چالیشیردیلار. بئله لیکله چوخلاری هیتلرین فیکیرلرینی قبول ائده رک نازیست پارتیسی ان گوجلو تشکیلات و هیتلر آلمانیا دؤولتی نین بیرینجی صدری اولدو ( هیتلر حاکیمیته گلدیکدن سونرا وایمئر جومهوریسینا سون قویولدو. هیتلر دئموکراتینی آرادان قالدیراراق نازی (ناسیونال- سوسیالیست) پارتیسیندن باشقا بوتون تشکیلاتلاری قاداغان ائتدی. موخالیفلر تاپداناراق زیندانا سالیندیلار. زیندانلار دولدوقدان سونرا اینسانلاری محبوس ائتمک اوچون بؤیوک دوشرگه لر ترتیب وئریلدی. چوخلو آلمانلار قورخولاریندان آغیز یومماق زوروندا قالدیلار. بونلارین یانی سیرا آلمانلارین اکثریتی هیتلرین دئدیکلرینه دوشونمه دن ایناندیقلاری اوچون هر نه ایسترسه، یاپاجاقلار دئیه اونا اؤز رغبتلرینی بیلدیردیکده، بو مسئله هیتلری داها دا متعجبلندیریردی. بئله لیکله هیتلر یهودلار علیهینه اولان نیفرتینی گون موضوعسو ائده رک رادیولار، گونلوک درگیلر (روزنامه لر)، فیلملر واسیطه سی ایله بو مسئله نی خالق ایجتماعیتینه داها آشیلاتماغا (ترزیق ائتدیرمه گه) چالیشیردی. بئله لیکله نازیست آلمانیادا یهود کیشیلری گونوگوندن ایشسیز اولور و اوشاقلاری مدرسه لرده کثیف دیر دئیه آلمان اوشاقلاریندان آیری اوتوردولدولار. بو مسئله حاکیمیت باخیمیندان محکوم اولموش ائتنیکلره دوشمنجه یاناشمالارین باشلانقیجی ایدی (5).
دئمک، بو عمللره دلیلیک (جنون آمیز) آد قویان ذات عالیلر نه اوچون دولاییلی اولاراق بو فیکیرلری "فرا ملت" دئیه اینسان و توپلوملارا آشیلاماق ایسته ییرلر؟ بیلیندیگی کیمی بوگونکو آوروپا بیرلیگی نه ناپلئون بوناپارتین ایشغالچیلیغی، نه ده آدولف هیتلرین نازیستلیک و فاشیستلیک تئوریلرینی اساس گؤتورموش بیر بیرلیکدیر. آوروپا بیرلیگی ایشغالچیلیق، راسیستلیک و نژادپرستلیک تئوریلرینی نین ترسینه اینسان کرامتینه سایقی گؤستریر. اورادا هئچ بیر اینسانین کیملیک، منلیگینه توخونولمور. آلمان آنایاساسی نین بیرینجی بندینده Die Würde der Menschen ist untastbar اینسانین حورمت کرامتی توخونولمازدیر دئییلیر. دئمک، آوروپا بیرلیگی بو پرئنسیپلری نظره آلاراق قورولموش بیر توپلومدور. آوروپا بیرلیگی مجلیسینده رسمی دئیه بیر دیل یوخدور. اوراداکی عضو اولان بوتون مملکتلرین دیلی آوروپا بیرلیگی مجلیسینده رسمیته تانینمیشدیر. آوروپا بیرلیگی مجلیسینده رابیط دیل دئیه بیر مقوله یوخدور. اورادا بیر مملکت طرفیندن بیری دانیشارکن همان زاماندا باشقا آوروپا دیللرینه بو دانیشیق چئویریلر. اورادا نه مملکتلرین جمعیت سایی اؤنملی، نه ده بیر مملکتین وارلی و یوخسول اولماسی. آوروپا بیرلیگینه عضو اولان بوتون میللت و مملکتلر حقوق برابرلیگینه صاحیبدیرلر! گئنه ده علی راسخ افشار ذات عالیدن اوخویوروق:
"..بطور کلی نهادهای بین المللی حاکمیت ملی قدرتهای بزرگ و کوچک جهان را متزلزل و مِشَبَک کرده است و حالا در این شرایط میخواهند نظام ملوک الطوایفی را به ایران بازگردانند. خطری که اکنون کشور ما و دیگر کشورهای جهان سوم با آن روبرو هستند اتفاقاً همین گلوبالیزایسیون و ایجاد کشورهای فراملی است. تجربه‌های بشریت اروپائی آنان را به اینجا رسانیده است که مرزهای ملی را از میان بردارند و فراملی عمل کنند. این پروسه هر چند برای اروپائیان بسیار معقول و سودآور می‌نماید، اما برای ما آسیائی‌ها و جهان سومی‌ها میتواند بسیار خطرناک باشد." (2).
اوسته گؤروندوگو کیمی علی راسخ افشار بیر چوخلاری کیمی دوعانین ییرتیغینی ایتیرمیش مقامدا یئر آلیر. او بیر یاندان ایران ممالیکی محروسه سینده فئدرال بیر سیستیمین یارانماسینی "نظام ملوک الطوایفی" آدلاندیریر، باشقا یاندان "فراملی" مقوله سینی چئینر توپور ائتمگه چالیشیر. دئمک، بو ذات عالیلرین دردی فارس ایستعماری و ایمپئریاسی نین داغیلماسی نین قارشیسینی آلماق مسئله سی دیر. بو مسئله نی گؤز اؤنونه آلاراق علی راسخ افشارلار اؤز چیرکین نیتلرینی گیزله ده رک خالقی عوامفریبلیگه دوغرو یؤنتمگه و "زینب کبری" دئمه گه باشلامیشلار. دئمک، بو ذات عالیلرین "فرا ملی" دئدیکلری آسیا دؤولتلر بیرلیگی مسئله سینه اساسلانمیش اولابیلر. او دا آسیادا میللی دؤولت و مملکتلرین یارانماسیندان سونرا حیاتا کئچه بیلر. فارس ایستعمارچی سیستیمی داغیلمادان ایران ممالیکی محروسه سی مدنیت قطارینا قوشولابیلمز. 1925 اینجی ایلدن ایران ممالیکی محروسه سینده مدنیت دئییل، فارس شوونیستلیگی و فارس بربریتی حرکوم سورور. بو بربریت فارس اولمایان میللتلرین دیل و مدنیتلرینی یوخ ائتمگه و ایران ممالیکی محروسه سینده بیرینجی، ایکینجی و نئچنجی وطنداشلیق مقوله سینه یول آچمیش مقاودا یئر آلیر. گئنه ده علی راسخ افشار ذات عالیدن اوخویوروق:
".. و حالا سخنی با تجزیه طلبان اکتیو! که بایستی به آنان گفت:.. واقعیت این است که در کشور ما ایران مردمی زندگی می‌کنند که با زبانهای گوناگون صحبت می‌کنند در عین حال که فارسی را هم که زبان مشترک همه ما ایرانیان است می‌دانند. مردمی از اقوام و تیره‌های گوناگون که قرنهای قرن در نهایت صلح و آرامش در کنار هم زیسته‌اند. مردم ما همانگونه که در همین دهه‌های گذشته میلیونها افغانی پناهنده و مهاجر را بدون هیچگونه درگیری پذیرفتند، در طول قرنها نیز اقوام دیگری که به ایران هجوم آورده سکونت اختیار کردند، پذیرا شدند و در فرهنگ خویش آنان را هضم و جذب کردند و یکی گردیدند. همه می‌دانیم که بازار ایران و اقتصاد کشور به مقدار زیادی در تصرف آذریهاست که هیچگونه درگیری با آنان در هیچ کجای کشور مشاهده نشده است. ما در درون کشور دعوای ترک و فارس و عرب و عجم و شهری و دهاتی و شیعه و سنی و یهودی و مسیحی و مسلمان و زرتشتی نداریم."(2).
اوسته علی راسخ افشار واقعیتی قبول ائدیرم دئیه آشاغیدا گؤره جگیمیز کیمی عوامفریبلیک ائتمگه چالیشیر. دئمک، ایران ممالیکی محروسه سینده موختلیف دیللرین "زبانهای گوناگون" وار اولدوغونو قبول ائدن ذات عالیلر بو دیل و مدنیت صاحابلارینا دا اؤز منلیک و کیملیکلرینی یاشاتمالاری اوچون حق تانیمالیدیرلار. آنجاق گؤروندوگو کیمی محمود افشار خلفی اولان علی راسخ افشارلار ایران ممالیکی محروسه سینی فارس دیل و مدنیتی اساسیندا باشقا دیل و مدنیت صاحابلارینا تحمیل ائتمیش مقامدا یئر آلیرلار. بئله لیکله 1925 اینجی ایلدن ایران ممالیکی محروسه سینده فارس اولمایان میللتلره تحمیل اولموش فارسچانی اورتاق دیل "زبان مشترک" دئیه قلمه آلیرلار. دئمک، فارسچا ایران ممالیکی محروسه سی میللتلری اوچون "اورتاق دیل" دیرسه، فارسلارین آنا دیللری نه دیر؟ فارسچا فارسلارین آنا دیللری دیرسه، نه اوچون فارس شوونیستلری فارسچانی فارس اولمایان اینسانلارا میللی دیل دئیه تحمیل ائتمگه چالیشیرلار؟ آشاغیدا آذربایجانلیلارین آنا دیللرینی علی راسخ افشار آذربایجان میللتینه بیر تحمیلی دیل دئیه چئینر تووپر ائتدیگی نین تانیغی اولاجاییق. او قونویا کئچمه دن فارس حاکیمیتی نین آذربایجانلی و افغانیستانلیلار آراسیندا قوشا ایستاندارد ایشلتدیگینی سرگیلمک پیس اولماز دئیه دوشندوک. افغانستاندان گلن قاچقینلارا فارس شوونیستلری "همزبان و ملت برادر" دئیه قوجاق آچمالارینی نظره آلاراق ائرمنی باسقینینا معروض قالان قاراباغدان سورولموش قوزئی آذربایجانلیلاری آرازی کئچدیکلری زامان فارس حاکیمیتی اونلارا گونئی آذربایجان تورپاقلاریندا نفس آلمالاری اوچون ده ایستر اولسون فورصت تانیمادی. دئمک، فارس حاکیمیتی نین بو ایکی ایستانداردلیق سیاستی گونئی آذربایجان آیدینلارینا گون کیمی آیدیندیر. بوندان یانا دا فارس شوونیستلری نین زینب کلثوم حئکایه لرینه آلدانمازلار دئیه دوشونمه لی ییک. بیلیندیگی کیمی قاراباغدان قاچمیش آذربایجان قاچقینلاری هله ده قوزئی آذربایجانین موغان چؤللرینده قیشین سویوغوندا، قار یاغیش آلتیندا یاشاماغا محکوم قالمیشلار. دئمک، فارس حاکیمیتینه آذربایجانین میللی منلیک و کیملیگی دئییل، اونون سرمایاسی، یئر آلتی قایناقلاری و قولونداکی گوجو لازیمدیر. بونو دا هر بیر آذربایجانلی زامان و مکان ایچریسینده آنلامیش دئسک، یانیلمامیشیق. اینساندان ملزمه اولماز مقوله سینی نظره آلارساق، فارس ایستعمارینا یوخ دئمه نین آرتیق زامانی گلمیشدیر دئیه دوشونمه لی ییک. گئنه ده علی راسخ افشاردان اوخویوروق:
"... اصطلاح ممالک محروسه چیزی در حد ایالات و استانهای محروسه یوده است که حاکم و والی آن از سوی شاه و قدرت مرکزی تعیین می‌شود و فرمانبردار شاه است و از خود استقلال ندارد که هر از گاهی هم به فرمان شاه تغییر می‌کند و جابجا می‌شود." (2)
اوسته گؤروندوگو کیمی علی راسخ افشار مملکتین نه اولدوغونو بیله آنلاماق ایسته میر. دئمک، ایران ممالیکی محروسه سی دئدیکده سنتی بیر فئدرال سیستیم باشا دوشولمه لیدیر. بو مملکتلرده محلی ایشلر هامیسی یئرلی حاکیم و اورقانلارین ایختیاریندا. هر شئی تهراندان هیدایت اولونمور. فارس اولمایان میللتلرین دیل و مدنیتلرینه قاداغا قویولمور. رسمی دئیه فارس دیلی فارس اولمایان اینسانلارا تحمیل اولونمور. هر کس ایسته دیگی دیلده یازیب یارادیر. بوگونکو ایران ممالیکی محروسه سینه گلدیکده فارس ایستعماری هر شئیی اؤز جایناغینا آلمیش، فارس دیل و مدنیتینی رسمی دئیه فارس اولمایان میللتلره تحمیل ائتمه گه و بو میللتلری اؤز منلیک و کیملیکلرینه اؤزگه یاشاتماغا و اونلاری فارسلاتماغا چالیشیر. دئمک، بوگونکو اوستانلار کئچمیش ائتنیک ایالتلر اساسیندا دئییل، بو ائتنیک ایالتلر فارسچیلیق سیاستی اساسیندا یئنیدن بؤلونه رک ائتنیک ایالتلرین آرادان گئتمه سینه یول آچمیشدیر دئیه دوشونمه لی ییک. گئنه ده علی راسخ افشار قلمیندن اوخویوروق:
"... بنابراین در استانهای گوناگون محدوده فعلی ایران و اقوام و تیره‌های ساکن کشور، هیچگاه رابطه "دولت- ملت" وجود نداشته است و مردم هر منطقه خود را ایرانی می‌دانند، خواه ساکن منطقه فارس باشند یا خراسان و یا کردستان و یا آذربایجان و همینطور سایر نقاط دیگر." (2)
دئمک، فارس دیلی نین فارس اولمایان میللتلره فارس حاکیمیتی طرفیندن تحمیل اولماسی، فارس اولمایان ویلایتلرده فارس دیلی نین بیر ایستعمارچی دیلی اولاراق رسمی گؤستریلمه سی تهران حاکیمیتی نین فارس اولمایان میللتلر ایله ایلیشگی (رابیطه) لرینی اورتایا قویمور مو؟ فارس شوونیستلری آچیسیندان ایلیشگی و رابیطه نه اولمالیدیر دئیه داها آرتیق دوشونمه لی اولوروق. گئنه ده علی راسخ افشار قلمیندن اوخویوروق:
"...٣ – یاوه گویی شماری چند از ایرانیان خودفروخته و سفله و بی‌شخصیت که از ترکیه و آذربایجان شوروی و یا امارات متحده عربی و عربستان پول و رشوه می‌گیرند تا کوس جدائی‌طلبی سردهند، ربطی به اکثریت ایرانیان میهن پرست ساکن این نواحی ندارد. همچنین اینکه اینجا و آنجا جمعی ستم ملی فارس زبانان را بر دیگر نقاط مردم کشور، بخصوص کردستان و آذربایجان و خوزستان به رخ می‌کشند چیزی جز یاوه‌گویی نیست." (2).
اوسته گؤروندوگو کیمی فارس شوونیستلری ایددعا ائتدیکلری -همبستگی ایرانیان- فارس اولمایان میللتلر حق و حقوقلارینی ایستدیکلری زامان اؤز بویاغینی (رنگینی) ایتیرمیش اولور. دئمک، میللی ظولمو آرادان قالدیرماق یئرینه فارس شوونیستلری میللی ظولمه اعتیراض ائدنلری خاریجی دؤولتلرین عامیلی کیمی قلمه آلیر و اونلارا قارشین بیر دوشمن کیمی معامیله ائتمه گه چالیشیرلار. بو دورمو ایرانلی اولماق؟ میللی ظولوم دئدیکده بیر سیستیم نظره آلینیر. او سیستیم فارسلیغا دوشونمه اساسیندا قورولموش. فارس شوونیستلیک تئوریسینه اساساً ایران ممالیکی محروسه سی فارس دیل و فارس مدنیتی اساسیندا، بیر دؤولت و بیر مملکت بیچیمینده ایداره اولونمالیدیر. دئمک، میللی ظولم دئدیکده بیر شخصدن سؤز صؤحبت ائدیلمیر، فارس شوونیستلیگی و ایستمعارچیلیغینی اساس گؤتورموش بیر سیستیم نظره توتولور. بو سیستیم فارس حاکیمیتی الی ایله ایداره اولونور. گئنه ده علی راسخ افشار ذات عالیدن اوخویوروق:
"... نخست آن که زبان ترکی بر آذربایجان در طول چند قرن اخیر تحمیل شده است. زبان مردم آذربایجان آذری بوده است که لهجه‌ای ایرانی می‌باشد که با کردی و تاتی و طالشی مشترک است. مردم آذربایجان ایرانی هستند نه ترک و تکلم امروز آنان به زبان ترکی آذربایجانی تغییری در ایرانی بودن آنان نمی‌دهد. چنانکه تکلم به زبان انگلیسی امریکایی‌ها را انگلیسی نمی‌کند و بر عکس. و تکلم به زبان عربی مراکشی‌ها را یمنی و عراقیها را لیبیائی نمی‌کند." (2).
اوسته کی علی راسخ افشارین ایفاده لری فارسلار ایشلتدیگی مثلی اینسانا خاطیرلاتمیش اولور: "خر عیسی گر به کعبه رود، چون باز گردد، خر گردد". دئمک، آنا دیلی اوشاقلیقدان اوشاق اؤزو بو مسئله نی باشا دوشمه دن اوشاغا اؤیره دیلر. کیمسه نین آنا دیلینی اونا اؤزگه و تحمیلی سایماق، اونو اؤز منلیک و کیملیگینه اؤزگه یاشاتماق فاشیستی داورانیشلاردان ساییلمالیدیر. دئمک، علی راسخ افشارین آوروپانین آلمانیا مملکتینده یاشاماسینا باخمایاراق قولاغی توکلو رضا میرپنج ایله بو ذات عالی نین آراسیندا شوونیستلیک و فاشیستلیک باخیمیندان هئچ بیر فرق گؤرونمور. بو دا فارس شوونیستلری نین منطیق داییره سیندن اوزاق قالدیقلارینی سرگیلتمیش اولور. دئمک، آذربایجانلیلارین اوزاق کئچمیشدن بری تورک اولدوقلارینی نظره آلمایاراق بوگون تورک دیللی اولدوقلاری و اؤزلرینی ایجتماعیته تورک دیللی تقدیم ائتدیکلریندن یولا چیخاراق اونلاری هر بیر ایجتماعی موجود تورک تانیمالیدیر. بوگونکو آذربایجان دیلی فارس دیلی نین لهجه سی دئییل، گرامئر و سؤز داغارجیغی باخیمیندان ایسه فارس دیلیندن قات قات زنگیندیر. آذربایجان دیلینده فارسچادا "گذشته در آینده" دئییلن ایفاده لری آچیقلاماغا و آنلاتماغا چالیشماق اوچون 2 ویا 3 جومله ایفاده ائتمک لازیمدیر. اؤرنک اولاراق: علی راسخ افشارین مدنیتدن اوزاق اولدوغونو اونا یئرینده گؤستره جک ایدیک= "ما قرار بود به موقع به علی راسخ افشار بفهمانیم، که از مدنیت بدور است". اوسته گؤروندوگو کیمی آذربایجان دیلینده کی بیر فعلین ایشلنیمی فارسچادا ایکی جومله ایشلتمگی گرکدیریر. باشقا ساحه لره ده قیسا نظر سالماق اوچون باخینیز (6).
کیملیک و منلیک مقوله سینه گلدیکده اوسته گؤروندوگو کیمی علی راسخ افشارلار زیرنانی گئن باشیندان چالان بالابانچیلارا اؤزلرینی بنزتمیش گؤرونورلر. دئمک، بوگون آمریکا بیرلشمیش شتاتلاری نین بیر مهاجیر مملکت اولماسینا باخمایاراق اورادا اینگیلیس دیل و مدنیتی حاکیم اولدوغو اوچون دیل و مدنیت باخیمیندان آمریکالیلار دا اینگیلیسلر کیمی آنگلوساکسئن مدنیتینه عاییددیرلر. اوراداکی قیزیل دریلر دیل و مدنیت باخیمیندان تجرید وضعیته دوشموش بیر حاشیه قوروپ کیمی یاشام سورورلر. دئمک، دیل بیر چوخلاری خیال ائتدیکلری ارتباط وسیله سی دئییل، دیل بیر میللتین اؤلوب قالماسی اوچون حیاتی بیر مثله دیر. بوندان یانا دا فارسچا آذربایجانلیلارین میللی دیللری دئییل، اونلارا تحمیل اولموش ایستعماری بیر دیل کیمی قلمه آلینیر و فارس ایستعماریچلیغی ائتنیک آذربایجان تورپاقلاریندا سونا چاتدیغی آنا دک ایران ممالیکی محروسه سی نین باشقا ویلایتلرینده اولدوغو کیمی آذربایجان میللتی علیهینه ده فارس دیلی تحمیلی و ایستعماری بیر دیلدیر.
دئمک، بوگون مراکش، یمن، لیبی و ساییر مملکتلرده کی عربلر اؤزلرینی کیملیک و منلیک باخیمیندان هئچ ده سعودی عربستانداکی عربلردن آز عربدیرلر دئیه دوشونمورلر. گئنه ده اوخویوروق:
"... در سویس مردم به سه زبان آلمانی و فرانسوی و ایتالیائی در سه بخش کشور صحبت می‌کنند اما همه خود را سویسی می‌دانند نه آلمانی یا فرانسوی و یا ایتالیائی." (2)
بیلیندیگی کیمی سوئیسده کی ائتنیکلر یالنیز اؤز دیللرینده دانیشیر دئییل، اونلارین اؤز دیللری بیر میللی دیل اولاراق سوئیس مملکتی نین آنایاساسیندا قبول اولونموش، ایداره ایشلری ده اونلارین میللی دیللری ایله حیاتا کئچیر و هئچ بیر دیلین باشقا دیله اوستونلوگو یوخدور. بو دوغرولتودا ناصر ایرانپور فارسچایا چئویردیگی سوئیس مملکتی نین آنایاساسی نین بعضی پاساژلارینی اوخوماق و فارس شوونیستلرینه اوخوتماق یئرسیز اولمازدی دئیه دوشوندوک، اوخویوروق:
"..براي نمونه قانون اساسي سويس از زبانهاي ملي ـ كه عبارتند از آلماني، فرانسوي، ايتاليايي و رتوروماني ـ و همچنين زبانهاي رسمي ـ كه سه زبان نخست نامبرده مي‌باشند ـ سخن مي‌گويد. نتيجتاً در اين كشور هر سه زبان رسمي و تا اندازه‌اي هر چهار زبان ملي از رسميت و حقوق برابر در كل كشور برخوردار مي‌باشند. مضافاً اينكه به هيچ يك از سه زبان رسمي ارجعيت و اولويت ويژه داده نمي‌شود (اساساً «اقليت زباني» در سويس يك مفهوم حقوقي نيست كه بتوان از آن به زيان سخنوران آن استفاده نمود). پستهاي سياسي و مسئوليتهاي مهم دولتي و رسمي بر اساس نسبيت زباني زبانهاي رايج در سويس اعطا مي‌شوند و سنتاً هميشه تلاش شده همة گروههاي زباني و ملي اين كشور در سرنوشت سياسي و ادارة كل كشور دخيل داده شوند....."(7). "...بالاي تمام مقررات كانتونها در ارتباط با زبانها يك اصل فدرال و سراسري قرار دارد كه همه ملزم به رعايت آن هستند: آزادي و قابل ارج بودن تمام زبانها. اصل آزادي زبانها به همة شهروندان سويس اين امكان را مي‌دهد كه بتوانند در هر كانتون و شهري كه باشند و با هر زباني كه بخواهند، با ادارات فدرال ارتباط بگيرند، مشروط به اين كه اين زبان يكي از سه زبان رسمي كشور باشد. اصل فدرال البته به اين معني نيز است كه كانتونها بايد مناطق زباني خود را حفظ كنند، به اين معني كه مهاجرت كساني كه به زبان ديگري سخن مي‌گويند از كانتوني به كانتون ديگر، تغيير زبان رسمي اين كانتون را نبايد به دنبال داشته باشد، چه كه از كسي كه از كانتوني به كانتون ديگر (مئلاً از پايتخت كشور به كانتونها (ايالتهاي دوردست) كوچ مي‌كند، بايد انتظار داشت كه زبان آن كانتون را صحبت كند و يا بياموزد. .... نتيجتاً اينكه در سويس زباني كه تحت لواي «زبان رسمي كشور» همه ملزم به سخن گفتن به آن باشند وجود ندارد. همة زبانهاي رايج و مهم سويس (آلماني، فرانسوي و ايتاليايي) «رسمي» طلقي مي‌شوند و از اعتبار قانوني برابر برخوردارند. تمام قوانين و مقررات دولت فدرال با هر سه زبان پيشگفته انتشار مي‌يابند. اينجا قانون و دولت نمي‌گويد كه زبان رسمي در «سراسر كشور» فلان است و آموزش به زبان مادري مناطق مختلف «بلامانع» است، بلكه قانون، حاكميت فدرال و ايالتها تمام امكانات موجود را در خدمت آموزش به زبان مادري همة شهروندان خود قرار داده و اساساً اين امر پاية اصلي فدراليسم در سويس را تشكيل داده است. و تجربه ثابت كرده كه در پيشگيري چنين رويه‌اي نه تنها اين كشور چند مليتي را از هم نپاشيده، بلكه به شهادت تاريخ يكي از باثبات‌ترين، مردمي‌ترين، پيشرفته‌ترين و بااعتبارترين كشورهاي جهان مي‌باشد" (7).
اوسته گؤروندوگو کیمی حقوق برابرلیگی اساسیندا سوئیسده 4 میللی توپلوم یاشاییر. بونلار وطنداشلیق آچیسیندان سوئیسلی ساییلمالارینا باخمایاراق میللیتچه: آلمان، فرانسه، ایتالیا، رومان ساییلیرلار. بو میللتلرین اؤزلرینی تانیملامالاری (تعریف ائتمه لری) کیمسه نین قارنیندا – فارس شوونیستلری نین قارنینداکی کیمی- قورد دوغورمور. دئمک، حقوق برابرلیگی اساس گؤتورولورسه، ایران ممالیکی محروسه سینه تحمیل اولموش فارسچا رسمی دیل دئیه قلمه آلینماز. حقوق برابرلیگی اساس گؤتورولورسه، فارس شوونیستلری طرفیندن آذربایجانلیلارین میللی دیللری ائتنیک آذربایجان تورپاقلارینا تحمیل قلمه آلینماز. اوسته لیک ایرانلی اولماق فارس اولماق دئییل، ایران وطنداشی اولان هر کیمسه نین میللی منسوبیتیندن آسیلی اولمایاراق ایراندا یاشادیغی و بو ممالیکی محروسه ده بؤیویوب یاشا دولدوغو اوچون ایرانلی ساییلار. بو شخص ایستر میللیتجه فرانسه، آلمان، ایسترسه ده اینگیلیس و روس اولسون، ایرانلی ساییلار. دئمک، ایرانلی اولماق میللی منسوبیت دئییل، بو ممالیکی محروسه ده یاشادیغی هر کسین وطنداشلیق حاققی ساییلامالیدیر. گئنه ده علی راسخ افشار ذات عالیدن اوخویوروق:
" ... عربهای خوزستان بقایای مهاجرینی هستند که با یورش اعراب به ایران آمده‌اند. پاره‌ای از آنان مانند خاندانهای خزیمه و علم و نخعی و شیبانی و... جذب فرهنگ و تمدن ایران گشته و ایرانی شدند. اما هستند اعرابی که همچنان تحت تعصب عربی، عربیت خود را حفظ کرده و بر خلاف اصول مهاجرت، که مهاجر بایستی نه فقط تابعیت اسمی و حقوقی محل سکونت جدیدش را بپذیرد بلکه بایستی آداب و رسوم و حقوق و قوانین کشور جدیدش را نیز قبول کند، اینان همچنان گمان می‌کنند که عرب هستند و خواهان جدائی بخشی از میهن ما می‌باشند. و در این راستا از خیانت و نوکری خارجیان هم تا به امروز ابا ندارند که نمونه بارز آن شیخ خزعل و فتنه او را می‌توان نام برد." (2).
اوسته گؤروندوگو کیمی میللیتچه عرب اولانلار دا آذربایجان تورکلری کیمی فارس شوونیستلری طرفیندن ایرانلی حئساب ائدیلمیرلر. دئمک، آذربایجانلیلار سای باخیمیندان چوخلوقدا اولدوقلاری اوچون اونلار – فارس شوونیستلری نین عوامفریبلیک دئییشلری ایله- ایرانلی، آنجاق دیللری اؤزگه و تحمیلی حئسای ائدیلیرمیش. دئمک، آذربایجانلیلار دیلسیز اولاراق فارسلارا دوغما، دیللری ایسه اؤزگه ساییلیرمیش. ائله بوندان یانادیر، دیلی و مدنیتی یاساق اولموش آذربایجانلیلار و آذربایجان مملکتی فارس شوونیستلری طرفیندن ایرانین باشی حئساب ائدیلیرمیش! عرب مسئله سینه گلدیکده تاریخی فاکتلارا اساساً عربلر بوگونکو خوزیستاندا یاشادیقلاری زامان بوگون فارسی کیمی تانینان دری دیلی غزنه و افغانستاندا بیر کیچیک آزلیق قوروپ طرفیندن دانیشیلیرمیش. غزنه لی سلطان محمود حاکیمیتی اله آلدیقدان سونرا بخارا و سمرکند/سمرقند آراسیندا سامانلیلار طرفیندن حاکیمیت ساحه سینه قالدیریلمیش دری دیلینی غزنه لیلر حاکیمیت دیلی ائده رک بو دیل زامان گئدیشی ایله سلجوقلار واسیطه سی ایله ایران ممالیکی محروسه سینه گلمیشدیر (8). بو تاریخ آچیسیندان مسئله نین گؤرونومودور. مدنی توپلولار آچیسیندان مسئله یه یاناشیلیرسا، بوگون دونیا کوره سی نین دؤرت بیر بوجاغیندا یاشایان میللت و توپلوملار اؤزلرینی ایسته دیکلری کیمی تقدیم ائده بیلرلر و بو مسئله کیمسه نی راحاتسیز ائتمز، اؤرنک اولاراق بوگونکو عراق تورپاقلاریندا آذربایجانلیلارا یاخین ساییلان تورکلرین اؤزلرینی تورکمن آدلاندیرمالاری. بو مسئله اونلارین اؤزلرینی تانیملامالاری Selbst Determination مسئله سیدیر. دئمک، عربلرین اؤزلرینی عرب تانیمالاری، آذربایجانلیلارین تورک اولمالاری اونلارین اؤز مسئله سی ساییلمالیدیر. بو مسئله نین فارس شوونیستلرینه هئچ بیر دخلی خرجی اولابیلمز. آنجاق فارس شوونیستلری بو مسئله لره بورونلارینی نه اوچون سوخور مسئله سینه جاواب آختاردیقدا تمامیتچی قووه لر و ایستعمار گوجلری نین بو داورانیشلاری سیاست عالمینده تانینمیش بیر مسئله دیر. فرانسه طرفیندن ایشغال و ایستعمار اولموش آفریقا میللتلری ده کئچمیشده فرانسه ایستعمارچی گوجلر طرفیندن- اصیل فرانسه لی آدلانمیشلار. دئمک، آفریقالیلار فرانسه لی اربابلاری نین نؤکری ساییلیردیلارسا، بوگون ایران ممالیکی محروسه سینده کی فارس اولمایان میللتلر تاریخ بویو نؤکر اولموش فارس شوونیستلری و راسیستلری نین نؤکری ساییلیرلار. گئنه ده علی راسخ افشار ذات عالی قلمیندن اوخویوروق:
"... با این همه لازم به یادآوریست که بزرگترین ستم بر ما ایرانیان از جانب ترکان مهاجم از غزنوی و سلجوقی و خوارزمشاهی گرفته تا مغول و تاتار و آق قوینلو و قره قوینلو و صفوی و قاجار رفته است. هم چنین اعراب امویان و حجاج گرفته تا عباسیان و تا صدام حسین بزرگترین صدمه را به کشور و ملت ما زده‌اند که اگر شکایتی در این زمینه باشد از جانب ایرانیان به اقوام و حکومتهای مهاجم ترک و عرب است نه بر عکس." (2)
اوسته گؤروندوگو کیمی فارس شوونیست و راسیستلری کئچمیش تاریخین دره سینده ایلیشیب قالاراق گونلوک مسئله لر اورزه فیکیر یئریتمک یئرینه کئچمیش اوزره اقبال آشتیانی و ساییره لر یازدیقلاری تحریفلری یئنیله مگه چالیشیرلار. بیلیندیگی کیمی آذربایجان تورکلری نین آتا بابالاری ایسلامیتی قبول ائتدیکدن سونرا عرب حاکیمیتلرینی بوگونکو ایران ممالیکی محروسه سیندن اوزاقلاداراق فارس دیلینی دیوان دیلی دئیه یایماغا باشلامیشلار. دئمک، بوگون غزنوی، سلجوق و ساییره تورکلرینی ایران ممالیکی محروسه سینه مهاجیم آدلاندیرماغا چالیشانلار، اونلار دیوان دیلی ائتدیکلری فارسچانی دا مهاجیم آدلاندیرمالیدیرلار. بیلیندیگی کیمی فارس دیلی بوگونکو ایران ممالیکی محروسه سینه تورک سیلسیله لری ایله گلمیش و دیوان ساحه سینه یوکسلمیشدیر. دوزو یئییب دوز قابینی سیندیرماق ایسته گنلر فارسچادا "نمک به حرام" آدلانارلار. دئمک، ان یاخشی دفاع حمله دیر دئیه، فارس شوونیستلری مسئله سینی باشا دوشمه یه رک دوز چؤرک بیلمزلیک آچیسیندان یئر اوزره بیرینجی ساییلمالیدیرلار.
قایناقلار:
علی راسخ افشار: با كمونيست‌ها هم نمي‌توانيم: http://www.iran-chabar.de/1383/09/16/arash17.htm
1 ایشیق سؤنمز: فارس نژادپرستلری نین جبهه میللی ایران دئیه پان ایرانیست اولما مسئله لری!:
http://www.azadtribun.com/x296.htm
2 علی راسخ افشار: سخنی با جدایی طلبان اکتیو و پاسیو:
http://politic.iran-emrooz.net/index.php?/politic/more/6713/
3 ایشیق سؤنمز: پان ایرانیستلرین تمامیتچی و فاشیستی فیکیرلری:
http://www.azadtribun.com/x87.htm
3.1 ایشیق سؤنمز: فارس دیل و ادبیات قورومو مدنی و ادبی اینسانلارین یئری می یوخسا فارس ایستعماری خیدمتینده اولان شیّادلارین یئری؟: http://www.azadtribun.com/x194.htm
4 Die Napoleonische Zeit: http://www.kle.nw.schule.de/gymgoch/faecher/fahrten/torre_00/spangesc.htm#nap
5 Anne Frank: Adolf Hitler und seine Meinung:
http://mypage.bluewin.ch/kl-hagmann/bericht/6-02/vortrag1/hitler/02hitler.htm
6 ایشیق سؤنمز: آب یوخسا سو؟: http://www.azadtribun.com/x305.htm
7 ناصر ایرانپور: فدراليسم در سوئيس يك تجربة موفق تاريخي: http://www.azadegy.de/federal/Iranpoor/ir02.htm
8 پان ایرانیستلرین عوامفریبلیک و تمامیتچیلیک فیکیرلری : http://www.azadtribun.com/x311.htm
ایشیق سؤنمز 18.02.2006