فارس راسیستلری نین ایتتیهامنامه لری می، یوخسا فارس ایستعمار قوللوقچولاری نین عاجیزلیگی؟

بیلیندیگی کیمی آذربایجان میللی حرکتی ایلرلرکن بو مسئله ایستر فارس ایستعمارچیلاری، ایسترسه ده فارس مدنیت راسیستلرینه یوخونو حرام ائتمگه دوغرو ایلری گئده رک اونلاری تارتان پارتان دئمگه زورلار. بو تارتان پارتان ایچریکلی فیکیر صاحابلاریندان بیری ده حمید احمدی آدلی ذات عالیدیر. بو ذات کئچمیشده "پان ایرانیست" مقوله سینی دیفاع ائده رک پان ایرانیستلیک و فارس راسیستلیگی اوستونه تمیزلیک سویو تؤکمگه چالیشدیغینا باخمایاراق کئچمیش یازیلاریمیزدا بو مسئله نین گئرچکلیک ایله اوزلشمه دیگینی اورتایا قویدوق (1). بو یازیدا ایسه، گئنه مسئله نین هانکی آشامادا (مجرادا) ایلری گئتمه سینی اورتایا قویماغا چالیشاجاییق. حمید احمدی گونئی آذربایجان میللی مسئله سینی "پان ترکیسم" مقوله سینه دویونلمکله اؤزو باغلی اولدوغو "پان ایرانیسم" مکتبی نین اوستونه کول تؤکمگه واونون راسیستلیک یؤنلرینی اؤرت باسیر ائتمگه چالیشدیغی اورتایا قویار (2). حمید احمدی پان ایرانیست مکتبی نی دیفاع ائده رک اونون قونشو میللتلر اراضیسینده گؤزو اولمادیغینی ایددعا ائتمه سینه باخمایاراق پان ایرانیستلرین خریطه لر واسیطه سی ایله اؤنه سوردوردوکلری یوخو، ساییر و باییرلاری اونلارین قونشو میللیتلرین تورپاقلارینا گؤز تیکدیکلرینی اورتایا قویموش اولار (1). یئری گلمیشکن جمهوری اسلامی ایران حاکیمیتی نین رسمی خبر اورگانی اولان خبر گزاری جمهوری اسلامی ایران "ایرنا" دا قوزئی آذربایجان، ارمنیستان، گورجوستان و تورکیه شرق بؤلگه لرینی "ایران شمالی" دئیه یایینلادیغینی فارس ایستیلاچیلیغی آچیسیندان دیققت چکیجیدیر:

(3).

اوسته شکیلده پان ایرانیستلرین سیته سیندن آلینمیش بیر خیالی خریطه ساییلار (1). ایندیسه یئری گلمیشکن حمید احمدی نین فارس  مدنیت راسیستلری و ایستعمارچیلاری اوچون توخودوغو وارساییم (هئپوتئز) لارین اوزرینه گؤز گزدیرمگه چالیشاق:

"....  به سوي اجراي استراتژي «ختنه»:.... در سال‌هاي دهه 1980 كه موج اسلام‌گرايي تركيه را نيز در برگفت، تبليغات ضد ايراني حزب « اقدام ناسيوناليست» عليه ايران شدت گرفت و پان‌تركيست‌هايي نظير فاروق سومر و محرم ارگين به تلاش براي جذب عناصر ايراني اهل استان آذربايجان و تبديل ساختن آن‌ها به مهره‌هاي فعال پان‌تركيست تلاش كردند.  از اوايل دهه 1980 تعدادي از عناصر چپ‌گراي افراطي آذربايجان ايران به تركيه رفتند و نزد اين پان‌تركيست‌ها به فراگيري آموزه‌هاي رمانتيك پان‌تركي مشغول شدند تا بعدها به ترويج آن‌ها در ايران دست بزنند."(4)

حمید احمدی نین اوسته کی ایفاده لرینی گؤزدن کئچیردیکده نه یین نه ایله هانکی ایلگی و ایلیشگیسی اولابیلر سورقو و سوآلی اورتایا چیخار. دئمک، تورکیه ده 1980-اینجی ایللری سنی مذهب ایسلامچیلیق (شیعه لیک و علوی لیگی کفر سایان) آخینلارین حرکتلری نین گئنیشلنمه سی ایران و ایرانیت مقوله سی علیهینه هانکی ایلگی و ایلیشگیسی اولابیلر دئیه بو مسئله پیشمیش تویوخلاری بیله چؤلمکده گولدورمگه زورلار. اوسته لیک گونئی آذربایجان میللی حرکتی سیاسی و مدنی حاقلاری اساس گؤتوردوگونه باخمایاراق بیر مدنی آخین اولاراق ایران ممالیکی محروسه سینده بو گونکو نیظام و اینتیظامین چرچیوه سینده اؤزونو توپلوم و  ایجتماعیته  تانیتماغا و فعالیت ائتمگه چالیشدیغینا باخمایاراق اوسته کی تهمتلردن ده گؤروندوگو کیمی فارس ایستعمارچیلاری آذربایجان میللی مسئله سیندن قارین آغریسی کئچیرمگه باشلامیشلار. حمید احمدی گئنه ده توطئه مقوله سینه اساسلاناراق یازیر:

"... در سال‌هاي دهه 1990، به ويژه پس از فروپاشي شوروي و استقلال جمهوري آذربايجان، تعدادي از عناصر با سابقه پان‌تركيست‌ متعلق به فرقه دمكرات آذربايجان، كه پس از انقلاب اسلامي وارد ايران شده بودند به محافل سابق الذكر پيوستند تا در لحظه مناسب به كمك عناصر ماركسيست پان‌تركيست ايران (به ويژه چهره‌هاي فعال مسئول نشريه وارليق) آمده و فعاليت‌هاي سياسي و سازماني خود را در ايران آغاز كنند. باز شدن فضاي سياسي ايران در 1376 و جنگ قدرت ميان نيروهاي چپ و راست (موسوم به اصلاح‌طلبان و محافظه‌كاران) جمهوري اسلامي، فرصت مناسبي دست داد تا عناصر گوناگون پان‌تركيست ايراني (حلقه‌هاي باكو و استانبول) و هسته‌هاي فعال چپ و راست (در اروپا و آمريكا) با حمايت‌هاي مالي و سياسي تركيه و جمهوري آذربايجان، به انتشار نشريات گوناگون محلي در استان‌هاي آذربايجان ايران بپردازنند و ضمن تبليغات گسترده پان‌تركي به سازماندهي هسته‌هاي فعال در سطوح گوناگون (به ويژه در سطح دانشگاه‌ها) دست بزنند. استقلال منطقه مسلمان‌نشين قفقاز معروف به جمهوري آذربايجان نقطه عطف بسيار مهمي در سياست‌هاي پان‌تركيستي، به ويژه در رابطه با ايران محسوب مي‌شود. به اين خاطر از اوايل دهه 1990 به بعد دوره جديد و مهمي از تبليغات، تلاش‌ها و سازماندهي‌ها در رابطه آذربايجان ايران شروع شد كه در آن شعار « آذربايجان واحد» و هدايت تلاش‌هاي پان‌تركي جهت دامن زدن به احساسات تركي و طرح تضاد و كشمكش قومي ميان « ترك و فارس» به عهده جمهوري آذربايجان و عناصر افراطي پان‌ترك آن گذاشته شد."(4).

حمید احمدی نین اوسته کی دوشونجه باخیمیندان گونئی آذربایجان میللی مسئله سی علیهینه یئم دئیه چئینه دیگی و یوروملادیغی ایتتهاملار اساسسیز اولدوغونا باخمایاراق جمهوری ایسلامی حاکیمیتی سیرالارینا سوخولموش فارس ایستعمارچیلاری و مدنیت راسیستلری نین قارشی قارشییا دورماسیندان پرده گؤتورمه سی ده اولدوقجا اولوملو بیر مسئله ساییلار. دئمک، بوگون تهرانداکی حاکیمیت اوغروندا گئدن آنلاشمازلیق ساغ و سول دعواسی دئییل، فارس ایستعمارچیلیغینی نئجه اوچورومدان قورتارما گونون مسئله سی اولموش دئیه دوشونمه لی ییک. بو باخیمدان سید محمد خاتمی نین ایران ممالیکی محروسه سینده کی دیل و مدنیتلر آراسی دانیشیق دئییل، دونیا دؤلتلری ایله فارس حاکیمیتی نین دانیشیق ایچینده اولماق ایسته دیگی ایددعاسی "گفتگوی تمدنها" دئیه گؤزه سوخماسی دا ایران ممالیکی محروسه سینده کی میللی مسئله لره اوزره اؤرتوک چکمه سیندن و محمد خاتمی ذات عالی نین  دالدان، فارس ایستعمارچیلاری طرفیندن هدایت اولدوغوندان خبر وئریردی. فارس جبهه میللی راسیستلیک تشکیلاتی نین ایران ممالیکی محروسه سینده کی دیل و مدنیت لر علیه لرینه ایستر جمهور باشقانی سید محمد خاتمی یزدی یه، ایسترسه ده ایران ممالیکی محروسه سی نین معارف وزیری حاجی ذات عالیه یازدیقلاری مکتوبلار مسئله نین هانکی آشامدادا داوام ائتمه سیندن خبر وئرر (5، 5.1). دئمک، کئچمیشده کیراواتلی گؤرونومده دیل و مدنیتلری یوخا چکمک ایستگن فارس مدنیت راسیستلری بوگون عبا و عمامه آلیتینا سیغینماقلا کئچمیشده کی راسیستلیکلرینی یئریتمگه و ایجتماعیتی آلداتماغا چالیشارلار. محمد خاتمی و حکومت داییره لری (فارس اصلاحاتچی سی یوخسا  ساغ راسیست!!!) بیر مودئرات کیمی فارس راسیست تشکیلاتلاری نین بویوروقلارینی  دولاییلی یوللار ایله ایجرا ائتدیکلرینی قبول ائدرسک، فارس مدنیت راسیستلری نین جمهوری ایسلامی حاکیمیتینده سول دئیه اجتماعیته یئدیرمگه چالیشدیقلاری قوروملارین (تشکیلاتلارین) هانکی صیغه دن اولدوقلاری بللی اولار دئیه دوشونمه لی ییک. حمید احمدی گونئی آذربایجاندا میللی مسئله نین گلیشمه سی علیهینه یازیر:

".... فروپاشي اتحاد جماهير شوروي اين فرصت را فراهم ساخت تا پروژه پان‌تركيسم ضد ايراني، يعني برنامه‌ريزي گام به گام براي رواج ايدئولوژي و جريان پان‌تركيستي در مناطق ترك زبان ايران و زمينه‌سازي اجراي استراتژي «ختنه» مورد نظر طراحان نوين پان‌تركيسم به اجرا درآيد. وظيفه اين طرح ريزي عملياتي و اجراي آن به عهده جمهوري آذربايجان گذاشته شده و نخبگان و محافل پان‌تركيست و به طور غير مستقيم دولت باكو، به كارگزاران دولت تركيه جريان پان‌تركي / پان توراني آن تبديل شده‌اند."(4).

اوسته حمید احمدی نین "ختنه" دئیه ایشلتدیگی دئییمدن ده بللی اولدوغو کیمی فارس ایستعمارچیلاری و مدنیت راسیستلری کئچمیشده کی هپروت عالمینده یاشاماق ایسته دیکلری اوچون ایران ممالیکی محروسه سینی ختنه اولمامیش بیر اوشاغا بنزتمگه چالیشارلار.  دئمک، فرانسه بورژوازی اینقلابیندان باشلامیش میللی مسئله لر 1946-اینجی ایل گونئی آذربایجان اوزره غرب مملکتلری و روسیه کمونیستلیگی آرالاریندا چیخارلار اساسیندا سویوق ساواشین باشلانماسی ایله دونیا مملکتلری ساغ و سول دئیه ایکی یه بؤلونمه لرینه باخمایاراق 1990 – اینجی روسیه کمونیستلیگی نین غرب دونیاسی قارشیسیندا یئنیلمه سی ایله شرق و غرب آراسیندا اولان سویوق ساواش کؤلگه سی نی ده ازیلمیش میللیتلر مسئله سی اوزریندن قالدیراراق 1789- اونجو ایلدن باشلامیش میللیتلر مسئله سی بیر داها دونیا چاپیندا جانلانماغا باشلامیش. بو مسئله دن راحاتسیزلیق حیسسی کئچیرنلر، آذربایجان میللی حرکتی نی قونشو و قارداش دؤولتلره نیسبت وئرمک یئرینه آیاقلارینی اؤز پالازلارینا گئری چکه رک یئنی دونیا دوزنی نی قبول ائدرلرسه، ائرمنیستان جمهوریتی آذربایجان تورپاقلاری نین ایشغالینا سون قویار و ایران ممالیکی محروسه سینده دیل و مدنیتلره قویولموش قاداغالار دا آرادان قالدیریلار.  بوگون دونیادا تورک دؤلتلری و میللیتلری وار. بو مسئله نی اؤز فاشیستلیک عمللرینه الک ائتمگه دوشوننلر، اوزلرینه چکدیکلری الک و اؤرتوکلرین آرادان قالدیریلدیغی نین بیله فرقیندا اولماز گؤرونرلر. بو دا اونلارین زامان و مکانی درک ائتمدیکلریندن ایلری گلن بیر مسئله دیر. دئمک، بوگون پان ایرانیبستلر موختلیف دیل و مدنیتلری "ایران زمین" آدینا فارسلیق غسالخاناسیندا سیلیب فارس ائده جکلرینه دوشوندوکلرینه باخمایاراق، پشتونلار، کوردلر، بلوچلار و ساییره لر بیله اؤز  میللی چیخارلارینی قوروماق مجادیله سی وئرمک اوزره دیرلر. بللی اولدوغو کیمی فارس فاشیستلری و مدنیت راسیستلری درین یوخویا دالمیش مقامدا یئر آلارلار. حمید احمدی گئنه ده یازیر:

".. در واقع بايد بر اين نكته انگشت گذاشت كه اقدام حزب مساوات در سال 1918 براي گزينش نام «‌ آذربايجان» براي منطقه مسلمان‌نشين قفقاز (اران و آلبانياي تاريخي) يك اقدام حساب شده و سنجيده در راستاي برنامه‌هاي آينده پان‌تركيستي ترك‌هاي جوان بود"(4).

اوسته گؤروندوگو کیمی فارس ایستعمارچیلاری اؤز کئچمیش ادبیات تاریخلریندن بیله دوغرو و دوزگون بیلگیلری یوخ ساییلار. تاریخی قایناقلارا گؤره آذربایجان دربنددن باشلار و همدان ولایتینده سونا چاتار (6).  

قایناقلار:

1                             ایشیق سؤنمز، فارس ایستعمارچیلاری و مدنیت راسیستلری نین پیشیک اویونو مو، یوخسا عوامفریبلیکلری؟ http://www.azadtribun.net/x18918.htm

2                             حمید احمدی، زايش و پيدايش جريان‎هاي پان تركيسم و پان عربيسم، پان ایرانیست، فر ایران (سیته پان ایرانیست: سرپرست هوشنگ طالع): http://www.fareiran.com/no33/2.HTM

3                             خبرگزاری جمهوری اسلامی ایران، ایرنا: http://www2.irna.ir/fa/news/view/line-5/8701240738183129.htm

4                             حمید احمدی، استراتژي نوين پان‌تركيسم: استراتژي «ختنه»، آذرآبادگان (سیته پان ایرانیست، سرپرست هوشنگ طالع): http://www.azarpadgan.com/no29/3.htm

5                             پرویز ورجاوند به سید محمد خاتمی: به نام خداوند جان و خرد، جناب آقای خاتمی ریاست محترم جمهوری، تهران، تاریخ 12/ 07/ 1379 (2000): http://millishura.com/Farsi/azsav/mektub.htm

5.1                       اعتراض جمعی از اعضای جبهه ملی ايران به يك تصميم وزارت آموزش و پرورش، پنجشنبه 23 بهمن 1382: http://news.iran-emrooz.de/more.php?id=3041_0_7_0_M

6                             ابو علیمحمد ابن محمد بلعمی: تاریخنامه طبری، جلد ۱، تهران ۱۳۶۶، خبر گشادن آذربایجگان و دربند خزران صحیفه ۵۳۴-۵۲۹.

ایشیق سؤنمز، 16.04.2008

راسيستليک