فارس ایستعمارچی تشکیلاتلاری و مدنیت راسیستلری نین آرتیق گلنلیک ائتمه مسئله لری (دست پیش گیر تا پس نیفتی)!
بیلیندیگی کیمی ایران ممالکی محروسه سینده فارس اولمایان میللیتلرین میللی مسئله لری نین گون قونوسونا (موضوعسونا) داشینمالاری فارس شوونیستلری و تمامیتچی قوروپلارینی حددیندن آرتیق ناراحات ائتمیشدیر. بو آرادا کئچمیشده کومونیستلیگی میللتلر و اینسانیت اوچون بیر قورتولوش دونیا گؤروشو کیمی تقدیم ائتمه گه چالیشانلار ایران ممالیکی محروسه سی نین "تمامامیت ارضی" باتلاغیندا، ایران سراسری (یا فارس اثری!) تشکلیلاتلاری دئیه کیچیک قوروپلاشما و دونیا گؤروشلری نین ایسارتینده توتساق (دوستاق) اولاراق اؤزلرینی بیر آزاد اینسان کیمی ایفاده ائتمه گه جسارت تاپا بیلمه میشلر. بونلارین بیر چوخو اوجومله دن فداییان خلق فارس (اکثریت)، حزب توده فارس، راه کارگر فارس، اتحاد فداییان خلق فارس، حزب دئموکراتیک مردم فارس و ساییره فارس اولمایان میللتلرین میللی مسئله لرینی ایران ممالیکی محروسه سینده فارس دیل و مدنیتی نین آلت ترکیب حیسسه سی کیمی -اونو ایفاده ائتمه دن- قلمه آلاراق فارس دیلی رسمی اولماق شرطی ایله ایران ممالیکی محروسه سینده کی فارس اولمایان میللتلر، او جومله دن سایی فارسلاردان چوخ اولان آذربایجان تورکلری ده اؤز محللرینده (فارس دیلی رسمی اولماق شرطی ایله!) دیل و مدنیتلرینی یاشادا بیلر دئمه گه باشلامیشلار. بئله لیکله اورتاق دوشمن حئساب ائتدیکلری "حزب جومهوری اسلامی" علیهینه بیرلشمک اوچون یالوارماقدا دری قابیقدان چیخمیش دوروما گلمیشلر. مسئله بونلا دا یکونلاشمایاراق دوننه دک "ایران ممالیکی محروسه سینی" فارسلیق ایله بیر آنلامدا تانیتماغا چالیشان آمریکا و آوروپاداکی فارس تمامیتچیلری او جومله دن فرانسه دن حسین لاجوردی ده فارس دیلی رسمی اولماق شرطی ایله ایران ممالیکی محروسه سینده کی فارس اولمایان میللتلر ده اؤز دیل و مدنیتلرینی کئچمیشده کی دیل و مدنیتلرین قالیغی (Subkultur کیچیک مدنیت) و محللی کیمی یاشادابیلرلر دئیه فارس تمامیتچی کاناللاری اولان و لوس آنجلئسدن اؤز پروقراملارینی آذربایجانلیلارین منلیک و کیملیکلری علیهلینه یایماقدا و آذربایجان دیل و مدنیتی نی ناصر انقطاعلار و نادر پیماییلر واسیطه سی ایله تحریف ائتمه گه و آذربایجانی مملکتی نی آذرآبادگان ایران (اوخو: فارس) تانیتماغا چالیشان NITV کانالیندان فارس مدنیت راسیستلرینه سسله نه رک فارس اولمایان میللتلرین نماینده لرینی آلداتماغا گئدیله رک فارس تمامیتچیلیگینه ناییل اولماغا چالیشاجاقلارینی ایفاده ائدرلر. یئری گلمیشکن دئییلمه لیدیر: فارس ایستعمارچیلیغی خیدمتینده اولان و اؤز تورکلوگونه دوشمن کسیلمیش ضیا آتابای فارس تمامیتچیلیگینی قوروماغا چالیشان شخصلره اؤز تئلویزیونوندا شراییط یاراداجاغینا داییر سؤز وئرمیشدیر. بو آرادا مجاهیدین خلق فارس ایسه کئچمیشده کی کیمی "ارتجاع و مرتجع" باتلاغیدا ایلیشیب قالاراق "جامعه بی طبقه توحیدی" شعارلارینی فیردوسیچیلیک، آرش کمانگیرلیک و ایرانیت (فارسچیلیق) مقوله سینه چئویره رک گونون سیاستینه اویقون سیاست سرگیله مک یئرینه اؤز قوروپلاری اوچون خیالی حاکیمیت قوراراق مریم عضدانلو ذات عالینی ایران ممالیکی محروسه سینده میللتلر اوچون خیالی جومهور رئیسی دئیه تحمیل ائتمک آرزوسوندا گؤرونورلر. مسئله بونلا دا یکونلاشمایاراق کئچمیشده اؤزونو "حزب کمونیست ایران" کیمی تانیتماغا چالیشانلار سونرالار داها ایفلاسا اوغرایاراق اؤزلرینی "حزب کمونیست کارگری – حکمتیست" کیمی قلمه آلان و فارس ایستعمارچیلاری کیمی اؤزلرینی ایفاده ائتمه گه چالیشان بیر مارجینال بیر قوروپون آدی ایله شاهیدی اولوروق. بو قوروپ تمامیت ارضی باتلاغیندا اولان باشقا فارس کیچیک فارس قوروپلاشمالاری کیمی عوضوولری نین سایی ال بارماقلاریندان آرتیق اولمادیقلارینا باخمایاراق ایران ممالیکی محروسه سینده کی فارس اولمایان میللی فعاللاری دار آغاجینا آسماق ایسته دیکلری اوچون "گارد آزادی" دئیه اؤز بیلدیریشلرینده فارس ایجتماعیتی آراسیندا شوونیستی و فاشیستی فیکیرلر یایماغا و رضامیرپنج سایاغی اعدام جوخه لری یاراتماق اوچون تدبیر تؤکمه گه خیال آتلارینی مینه رک الی آیاقلاریندان آییرد ائتمه قابیلیتینده گؤرونمزلر. بو ذات عالیلرین "گارد آزادی" مقوله لری نین بعضی پاساژلارینی بیرلیکده اوخویوروق:
"...حزب کمونيست کارگری (حکمتيست) گروه مسلح تشکيل می دهد"[i].
اوسته کی ایفاده نی اوخورکن، ایلک اولاراق یئر کوره سی نین هاراسیندا و هانکی توپلوملار ایچره بو حزبین فیکیر یئریتمه و یایما مسئله سی اینسان اوغولونون ذهنی نی اؤزو ایله مشغول ائتمیش اولار. آنجاق ایجتماعیته یاناشما دیلی فارسچا اولدوغونو باشا دوشدوکدن سونرا هرحالدا بو مسئله نین بیر باشیندا فارس ایجتماعیتی نین یئر آلدیغی آنلاشیلمیش اولار. بونلارا باخماراق آیراچ () ایچریسینده حکمتیست ایفاده سی نی اوخورکن ایستر ایستمز گئنه یئر کوره سی اوزره هانکی بیر فیلسوفون قدم قویدوغونو و بئله لیکله اینسانیتی حئیوانیت مقوله سیندن آییرد ائدن "مدنیت" مقوله لری اوزره هانکی یاشادیچی تئوریلرین اورتایا چیخما فیکیرلری اینسانی اؤزونه چاغیرمیش (جلب ائتمیش) اولار. آنجاق –ایست/-ایسم مقوله لری ایله تانیش اولانلار بو دئیمین کؤکونده حکمت کلمه سی نین اولدوغونو اؤیرنمیش اولار.[ii] دئمک، حکمتیست دئییلدیکده بیر سیاسی آخین نظرده توتولور. حزب پان ایرانیست فارس و حزب نژادپرست جبهه میلی فارس، حزب میللت، نهضت آزادی فارس، مجاهدین خلق فارس و ساییره تشکیلاتلار فارس ساغ آخینلارینی نماینده لیک ائتدیکلری حالدا حکمتیست، حزب کمونیست کارگری تشکیلاتی، فارس ایستعماری نین دئموکرات مئاب سول آخینی نی نماینده لیک ائدیر دئیه دوشونمه لی ییک. بونلارا باخمایاراق حزب کمونیست کارگری ایران دئیه فارس تشکیلاتی نین اوتوروموندا (سیاسی پئلنوموندا) قبول ائتدیگی و ایجتماعیته بیلدیریش کیمی تقدیم ائتدیگی یازیسینی اوخوماغا داوام ائدیریک:
"..حزب کمونيست کارگری (حکمتيست)، در پلنوم سوم کميته ی مرکزی خود که در اکتبر 2005 تشکيل شد، قراری مبنی بر تشکيل يک نيروی مسلح تحت عنوان «گارد آزادي» به تصويب رساند. در قرار مربوط به تشکيل اين نيرو آمده است:پلنوم سوم کميته مرکزی اصول زير را به عنوان مبنای گارد آزادی تصويب ميکند: از آنجا که:
الف - خطر از هم پاشيدن بنياد های زندگی مدنی و "عراقيزه" کردن جامعه ايران در پروسه سرنگونی جمهوری اسلامی و يا بعد از آن توسط دار و دسته های مسلح اسلامي، قومی و گانگسترهای سياسی و همچنين توسط دخالت نظامی آمريکا و متحدين اش به يک خطر دائمی در ايران تبديل شده است٬
ب – بخش زيادی از نيروهای
سياسی اپوزيسيون جمهوری اسلامی و دارو دسته های قومی و مذهبی مسلح هستند و به
سياست در ايران بعد نظامی داده اند. همچنين بستر اصلی اپوزيسيون راست جمهوری
اسلامی و دولتهای غربی و آمريکا به تبليغ فدراليسم قومی در ايران روی آورده
و خطر "عراقيزه" کردن جامعه ايران و "سناريو سياه" را به شدت افزايش داده اند،
پ - بورژوازی اپوزيسيون و دار و دسته های مذهبی و قومی ميتوانند در رابطه ميان
خود با جنبش ها و احزاب سياسی ديگر٬ بويژه با طبقه کارگر و جنبش آزاديخواهانه٬
متوسل به نيروی نظامی شوند و تجربه در ايران و عراق و ساير نقاط جهان نشان
ميدهد که اين کار را خواهند کرد٬
ت - در کردستان رابطه ميان مردم با جمهوری اسلامي، بين احزاب سياسی با هم و با مردم
بـُـعد نظامی داشته و يا به سرعت پيدا خواهد کرد و هيچ نيروی سياسی بدون داشتن
پتانسيل و قدرت نظامی کوچکترين شانسی برای دخالت موثر در حيات سياسی جامعه را
ندارد،
ث- حزب بايد قادر باشد اين خطرات را با قدرت پاسخ گويد٬ امنيت و آزادی مردم و
بنيادهای جامعه را تضمين نموده و اشکالی از سازمان يابی مسلح را در پيش گيرد که با
زندگی مردم انطباق داشته و قابليت دخالت موثر در بعد سراسری ايران را نيز دارا باشد."[iii].
اوسته گؤروندوگو کیمی ایران ممالیکی محروسه سینده کی فارس اولمایان میللتلره فارسچانی تحمیل ائتمک اوچون ایران جامعه سی (اوخو: فارس جامعه سی) دئیه تهراندا حاکیمیت دگیشیکلیگی اولدوغو حالدا فارس مدنی جامعه سی (!!!) اؤز یئرینی ساواشا و آراقاریشیقلیغا وئرر دئیه فارس اولمایان دیل و مدنیت صاحابلاری علیه لرینه اؤز هیستیریلرینی اورتایا قویاراق فارس اولمایان میللی فعاللاری هولوقان و گانگسترلره بنزتمه گه چالیشاراق اونلارین اؤز دیل و مدنیتلریندن محروم قالاجاقلارینا داییر برائت آیه سی یونتاماغا چالیشیرلار. باشقا یاندان بو ذات عالیلر ایران ممالیکی محروسه سینده میللی منلیک و کیملیک مسئله لرینی کئچمیشده سؤویئتلر بیرلیگینه نیسبت وئردیکلری کیمی بوگون بو مسئله نی غرب و آمریکا دؤولتلرینه نیسبت وئرمک ایسته ییرلر. اونلار بو ایتتیهاملاری وورارکن هانکی خاریجی گوجلردن فایدالاناراق (ائرمنیستاندان می؟) ایران ممالیکی محروسه سینده میللیتلر مسئله سینی ازیب باسدیرماق ایسته دیکلرینی ده اورتایا قویماق ایسته مزلر- بو آرادا ائرمنی داشناکلاری ایله فارس شوونیستلری نین یاخشی موناسیبت ایچینده اولدوقلارینی دا اونوتمامالی ییق. بیلیندیگی کیمی آذربایجان تجددودلوک حرکاتی دؤنمینده ایران ممالیکی محروسه سینده "ایالتی و ولایتی انجمنلر" مسئله سینی فارس شوونیستلری و تمامیتچی گوجلری باسدیرماق اوچون اینگیلیس و روس ایستعماری گوجلریندن فایدالانمیش و 1945-1946 ایللرینده آذربایجان میللی حکومتینی ازیب باسدیرمادا شرق و غرب دؤولتلری آراسیندا باشلانان سویوق ساواش آشاماسیندان (مرحله سیندن) فایدالاناراق ایران ممالیکی محروسه سینده آذربایجان میللی مسئله سینی ازیب باسدیرماق اوچون اونلاری سؤویئتلر بیرلیگینه نیسبت وئرمه گه چالیشمیشلار. بونلارا باخمایاراق حاکیم و محکوم میللتلر و "ایشچی صینیفی (طبقه کارگر)" مسئله سینه گلدیکده بیلیندیگی کیمی محکوم بیر میللتین بوتون عوضوولری بیر بدن عووضولری کیمی حاکیمیت قارشیسیندا محکوم مقامدا یئر آلار. حاکیم، بیرکیمسه یه اؤلوم جزاسی وئررکن، باشینی کسینیز، آنجاق آیاغی دیری قالسین حؤکومو وئرمه دیگی دک (کیمی) فارس ایستعمارچیلاری دا آذربایجان آیدینلارینی اؤز خیدمتلرینده ایداره لرده ایشه آلار و اونلاری تحصیل سیستیمینده فارسلاشدیرارکن ایشچی صینیفی ایله اونلارین آراسیندا هئچ بیر فرق ده قویماز. اوسته لیک آذربایجان ایشچی صیفینی یئترینجه فارس دیل و ادبیاتی ایله تانیش اولمادیغی اوچون، اونلاری فارسلاتماق باخیمیندان فارس بؤلگه لرینه ایش آختارماغا و فارسلاتماغا چالیشارلار. دئمک، "حزب کمونیست کارگری" فارس ایستعمارچیلیغی و ایمکان داخیلینده فارس فاشیسمی اوچون بو قودرت و ایختیارلاری یونتاماغا چالیشارکن (باخ اوسته: حزب بايد قادر باشد اين خطرات را با قدرت پاسخ گويد...) آلمان ناسیونال سوسیالیستلری (نازیستلری) نین آوروپا میللتلری و بشریت علیهینه یئریتمک ایسته دیکلری جنایتلری و دونیا ایجتماعیتی طرفیندن آلدیقلاری درسلری اونوتموشلار می؟ گئنه ده اوخویوروق:
"... گارد آزادی نيروی مسلح حزب کمونيست کارگری – حکمتيست است و بعنوان بازوی نظامی حزب در خدمت اهداف، آرمانها و برنامه اين حزب سازمان ميابد. هدف فوری اين نيرو تضمين قدرت نظامی حزب، طبقه کارگر و و مردم انقلابی برای دفاع از آزادی و امنيت سياسی و اجتماعی در جامعه است."[iv]
اوسته گؤروندوگو کیمی پوپولیستی شعارلاردان باشقا هئچ نه بو فارس دئموکرات مئاب تشکیلاتی نین بیانیه سینده اؤزونو عکس ائتدیره بیلمیر. یئری گلمیشکن دئییلمه لیدیر: آزادلیق مقوله سی ایلک اؤنجه دیل و مدنیتلر آزادلیغیندان باشلامالیدیر. اؤز دیلینده یازیب اوخوماق ایقتیداریندا اولمایانلار نئجه آزاد ساییلا بیلرلر؟ اونلار اوچون آزادلیغین نه آنلامی اولابیلر (آزادی، به شرط اینکه فارسی فکر کنی، فارس بنویسی، فارسی صحبت کنی!!)؟ گئنه ده اوخویوروق:
"... در شرايط کنوني٬ با توجه به موقعيت حزب و شرايط خاص سياسی در کردستان٬ که از همان ابتدا احزاب بدون پتانسيل نظامی را فاقد هر شانسی ميکند٬ سازمان دادن گارد آزادی وظيفه عاجل حزب در کردستان است. اين نيرو، در کردستان، بعلاوه وظيفه حفاظت از رهبران کمونيست مردم و فعاليت های حزب (دسته های سازمانده و غيره) در مقابل تعرض و مزاحمت جمهوری اسلامی و يا دارودسته های مسلح سياسي، قومی و مذهبی ديگر را بر عهده دارد".[v]
دئمک، "حزب کمونیست کارگری فارس" کوردلر آراسیندا کئچمیش نفوذی عضوولریندن فایدالانماغا دوشونه رک کورد ایجتماعیتی علیهینه شراییطی اویقون گؤردوگو حالدا باشقا میللتلر آراسیندا حله لیک بئشینجی دیرک (ستون پنجم) رولو اویناما قابیلیتینده اولمادیغی نی اورتایا قویموش و بو مسئله نی گله جه گه بوراخیش گؤرونور. بئله لیکله فارس تمامیتچیلری آراسیندا ایلگی و ماراق قازانماغا چالیشار دئیه دوشونمه لی ییک. بو آرادا محمد امینی ایمضاسی ایله "بغرنج قومی و ملی در ايران از افسانه تا واقعيت" آدلی یازی اورتایا چیخمیش گؤرونور. بو یازیدا فارس مدنیت راسیستلری نین تورک دوشمنکلیکلری "پان" ایتتیهامی ایله اورتایا قویولور. اونون مقاله سینه دئیینمه دن پان کلمه سی اوزره تاریخی باخیمدان دئیینمه گی مقصده اویقون حئساب ائدیریک.
روسلارین کئچمیشده عثمانلیلار قارشیسیندا قیریم آداسیندا یئنیلمه لری (شیکست یئمه لری) ایقتیصادی باخیمدان روسیه نی زور دورومدا قویاراق روسلاردا میللی بیلینجه تکان وئرمیش ایدی. بئله لیکله روسیه توپلومو آراسیندا اؤزللیکله نیظامیلر و اوخوموش کسیم آراسیندا پان ایسلاویست آخین و مفکوره سی اؤزونه یئر آچماغا باشلامیش ایدی. ادبیات ماراقلیسی اولان روسیه داخیلی ایشلر ناظیریPjotr walujew ده پان ایسلاویستلر سیراسیندا یئر آلیردی[vi].
باشقا یاندان گونئی ایسلاو خالقلاری نین غرب دؤولتلر طرفیندن کیچیمسنمه لری (حیقارت اولمالاری) و عثمانلی ایمپراتورلوغونون آلتیندا یاشامالاری بو خالقلارین قورتولوشونو دونیا گؤروشو آچیسیندان روس میللیتچیلیگینه باغلامیش ایدی[vii]. بئله لیکله بالکانلارداکی اسلاو خالقلاری آراسیندا میللی اویانیش باشلارکن اونلارین میللی مسئله لری بیر سیرا روسیه ده کی روس میللیتچی کسیمی نی ده اؤزونه جلب ائتمه گه باشلامیش ایدی. اونلارین آراسیندا ژئنرال چئرنیایئو ده یئر آلیردی. چئرنیایئو 1876 ایللرینده سئربلر عثمانلیلارا اؤز مملکتلرینده ساواش آچارکن (اعلان ائدرکن) 4000 روس کؤنوللوسو ایله عثمانلی قوشونلارینا قارشین دؤیوشمک اوچون سئربیستانا یولا دوشدو[viii]. چئرنیایئو بو ساواشدا بیر کؤنوللو عسکر دئییل، اؤزونو سئرب ساواشچیلاری نین باشچیسی آدلاندیراراق اؤزونو گولمه لی (مسخره) دوروما (وضعه) دوشوردو. بورادا الی آیاغیندان اوزون یئره سریلمیش چئرنیایئو وضعیتی روس میللیتچیلیگینه اویقون گؤرمه یه رک و گلجک ایللرده اورتا آسیادا روس ایمپئریاسی نین بؤیومه سینه اولدوقجا باشاری ایله ماراق گؤستردی. بئله لیکله سئربلر آراسیندا پان ایسلاویسم[ix] دونیا گؤروشو سؤنمه گه و یوخلوغا اوغرادی. پان ایسلاویسمه پارالئل اولاراق پان گئرمانیسم[x]، پان ایسلامیم[xi]، پان تورکیسم[xii] ، پان عربیسم[xiii] و پان ایرانیسم[xiv] گؤروشلر ده اورتایا چیخماغا باشلادی.
ایندیسه محمد امینی آدلی مؤلیفین فیکیرلری ایله تانیش اولماق اوچون اونون یازیسی نین بعضی پاساژلارینی بیرلیکده اوخویاق:
" .» گروهی از پان ترکيست ها نيز پارا از اين فراتر نهاده و در جستجوی سيادت و يا دستکم برابری «ملت اکثريت ترک» بر سياست، اقتصاد و فرهنگ ايران اند. چاره جويان معتدل اين گفتمان نيز با اشاره به واقعيت های نابرابری اقتصادی و اجتماعی ميان ساکنان ايران و محروميت های مردم کردستان، بلوچستان، ترکمن صحرا و اعراب خوزستان، نظامی فدراليستی را برای اداره ايران پيشنهاد می کنند."[xv]
اوسته گؤروندوگو کیمی فارس شوونیستلری و تمامیتچیلری "پان" کلمه سی نین نه اولدوغونو بیله (حتی) قبول ائتمک ایسته میرلر. اوسته ایشاره ائتدیگیمز کیمی "پان" کلمه سی ایسلاو دیللرینده "آغا" آنلامی داشیماقدادیر. پان کلمه سی نین آرخاسیندا نه کیمی فیکیرلرین دایاندیغینی تاریخی فاکتلاری گؤزدن کئچیردیکده باشا دوشمک او قدر ده چتین دئییلدیر. آنجاق فارس تمامیتچی و باستانگرایلاری نه اوچون برابرلیک و مساوات مقوله سینی پان ایتتیهامی ایله باسدیرماق ایستیرلر دئیه دوشوندوکده آغالار اؤزلری ایستعمارچی فیکیرلرینه دون گئدیرمک و ایجتماعیتین نظرینی برابرسیزلیک و ائدیلن ظولملردن آزدیرماق اوچون بو جینایی ایتتیهاملارا باش وورورلار دئیه دوشونمه لی ییک (قارا منی باسمادان من قارانی باسیم حئکایه سی). دئمک، ایران ممالیکی محروسه سینده سایی فارسلاردان چوخ اولان آذربایجان تورکلری نین فارسلار ایله حقوق برابرلیگی، اؤزلرینی فارس ایستعماریندان اوزاق توتما ایستکلری "پان" مقوله سی می، یوخسا اؤزونو ایسارتدن "آزاد ائتمه" مقوله سی؟ اوسته گؤروندوگو کیمی تمامیتچی و تورک دوشمنلیگی مفکوره سی ایله بؤیوموش ذات عالیلر فئدرال مقوله سینده بیله آذربایجان ایجتماعیتی اوچون یئر تانیماق ایسته مزلر. گئنه ده اوخویوروق:
" يکی از پيش فرض های اين داوری ها، پذيرش وجود ملتی مفروض به نام ملت فارس است. اگرچه تاکنون کسی رنج تعيين مرزهای جغرافيايی و يا بررسی تاريخ و فرهنگ و پيشينه ساختاری اين ملت مفروض را به خود هموار نکرده است. گاه مراد هواداران انديشه ستم ملی از ملت فارس، رفتار دولت های مرکزی است و گاه ملت فارس به همه کسانی اطلاق می شود که زبان نخستين ايشان فارسی است."[xvi]
بورادا فارس مدنیت راسیستلری اؤز وار اولدوقلارینی دانماقلا ایرانیت مقوله سینده گیزله نه رک و بئله لیکله ایران ممالیکی محروسه سینی اؤز اللرینده ساخلاماق آرزوسوندا گؤرونرلر. بوندان یانا دا داریوش همایون[xvii] اورتایا آتدیغی "فارس میللتی یوخ ایران میللتی اولدوغونو" تیکرار ائتمک ایسترلر. دئمک، فارس میللتی یوخدورسا، آذربایجان، کوردوستان، عربیستان، تورمنصحرا، لوریستان، سیستان بلوچیستان، قاشقاییستان و ساییره فارس اولمایان بؤلگه لرده فارس دیل و ادبیاتی هانکی ایستعمارچی و فاشیستی اورگانلار واسیطه سی ایله تحمیل اولموش، او اینسانلارین میللی و طبیعی حاقلاری گؤز آردی ائدیلمیش؟ دئیه دوشونمه لی ییک. مرکزی دؤولت مسئله سینه گلدیکده ایران ممالیکی محروسه سینده محللی دؤولتلر اولمادیغی و رضامیرپنج حاکیمیت چئوریلیشی ائتدیگی گوندن باشلایاراق محللی اورگانلار فارس اورگانلاری ایله عئینیلشدیریلدیگی اوچون ایران ممالیکی محروسه سینده محللی حاکیمیتلر دئییل، فارس دیل و مدنیت حاکیمیتی وار گؤرونر! فارس دیل و مدنیتی نی اؤزونه وسیله ائدن، باشقا میللی و مدنی وارلیقلاری یوخلوق تهلوکه سی ایله اوز اوزه قویان ایستعمارچی فارس حاکیمیتی دیر دئیه دوشونمه لی ییک! گئنه ده اوخویوروق:
". من براين باورم که همه مردم ايران از هر تيره قومی و نژادی که باشند، بايد بتوانند با حفظ زبان فارسی که زبان مشترک فرهنگی و اداری بيش از هزارسال تاريخ ايران است، آزادانه و بدور از هرگونه بند و زوری به زبان ها و گويش های مادری خويش سخن بگويند، فرهنگ و سنت های خويش را ارج نهند و پاسداری کنند"[xviii].
اوسته گؤروندوگو کیمی فارس میللتی نین وار اولدوغونو دیلده بویونلارینا آلماق ایسته مه گن ذات عالیلر علمده ایسه فارس دیل و مدنیتینی "زبان مشترک فرهنگی و اداری" دئیه بو دیل و مدنیتی فارس اولمایان دیل و مدنیت صاحابلارینا گله جکده ده تحمیل ائتمک آرزوسوندادیرلار. دئمک، بو رسمیتی ایران ممالیکی محروسه سینده کیم قویموش؟ ایستعمار عامیلی رضامیرپنج طرفیندن تحمیل اولموش هانکی دیل و مدنیت رسمی گؤرونه بیلر؟ رضامیرپنج و محمدرضاشاهین تاج و تختی ایران ممالیکی محروسه سینده رسمی و قانونی تانینمادیغی کیمی اونلارین واسیطه سی ایله دیوان دیلی اولان فارسچانین میللتلر آراسی تحمیل اولماسی دا قانونی گؤرونه بیلمیز دئیه دوشونمه لی ییک. بونلارین یانی سیرا آنادیلی دئیه یئر اوزونده میللتلر آراسی موشتریک دئیه بیر دیل یوخدور. اینگیلیسچه دونیادا دؤولت آراسی رابیطه و سیاست دیلی اولماسینا باخمایاراق اینگیلیسچه دونیا میللتلری نین موشتریک دیلی دئییلدیر. اینگیلیسچه اینگیلیستان میللتی نین میللی دیل، آمریکابیرلشمیش دؤولتلری، کانادا، اوسترالیا دؤلتلری نین دؤولت دیلی، هیندوستان و پاکیستاندا ایداره دیلی اولاراق قبول ائدیلمیشدیر. فارس دیلی ده ایران ممالیکی محروسه سینده کی میللتلر آراسی موشتریک دیل دئییل، بو ممالکی محروسه یه حاکیم کسیلمیش فارس سیستیمی نین حاکیم دیلیدیر! گئنه ده اوخویوروق:
" مراد هواداران انديشه ستم ملی فارسها از سوی ملت مفروض فارس اين است که گروهی از مردمان با تاريخ و فرهنگی مشترک و متفاوت از ديگر ساکنان فلات ايران و برخاسته از سرزمين فارس، دولت ها و اميرنشينهای خويش را ايجاد کرده و با ستم فرهنگي، اقتصادی و زبانی و نظامي، روزگار را بر ملت ها و اقوام غيرفارس سياه کرده اند."[xix]
اوسته گؤروندوگو کیمی گئنه ده محمد امینی ذات عالی فارس میللتی نین وار اولدوغونو دانماغا چالیشار و فارسلارین وار اولدوقلارینی بیر وارساییم (فرضیه) کیمی قلمه آلار. آنجاق فارس دیل و مدنیتینه گلدیکده رضامیرپنج واسیطه سی ایله تحمیل اولموش دیل و مدنیتی "فرهنگ مشترک" دئیه قلمه آلار. میللی و مدنی و ایقتیصادی ظولم مسئله سینه گلدیکده بیلیندیگی کیمی سایی فارسلاردان چوخ اولان آذربایجان تورکلری نین آنا دیللری یازیب اوخوما، یایین، باسین اورگانلاری و ایداره ائتمه باخیمیندان قاداغان اولدوغو حالیندا اؤز اؤلوم قالیم حیاتینی سوردورر. ایقتیصادی باخیمدان ایسه آذربایجانین سونگون میس معدنی کرمان ویلایتینه داشینار. آذربایجانین کندلی و شهرلیلری محرومیتده ساخلانیلدیقلاری اوچون اؤز دوغما یوردلارینی فارس حاکیمیتی نین مرکز ویلایتلرینه دوغرو ترک ائتمک مجبوریتینده قالارلار. میللی و مدنی ییغینجاقلاریمیز پان تورکیست ایتتیهامی ایله نیظامی باسقیا معروض قالار، داها نه لر اولماز؟ گئنه ده اوخویوروق:
"در درازای سال های پس از سيادت خلفای بغداد تا سيادت سلجوقيان، کوشش های گسترده ای در گوشه و کنار ايران برای برپايی حکومت های ايرانی غير عرب و احياء فرهنگ و سنت های پيشين صورت گرفت که هيچ يک پايه در احيای سيادت و اقتدارنژادی پارت ها يا پارسايان نداشت، بيشتر براحياء استقلال از دست رفته و افتخار به سنت های غير عرب ايران پيش از اسلام استوار بود"[xx].
بیلیندیگی کیمی سلجوقلارین سیادت دؤنمینده فارس دیلی چیچکلنمه گه باشلامیش. خواجه نظام الملکلر ایران ممالیکی محروسه سینه تقدیم اولونموش. فارس دیلی دیوان دیلی اولدوغو حالدا تورک دیلی قوشون و عرب دیلی ده دین دیلی اولما مقاملارینی قوروماغا داوام ائتمیشلر. کئچمیش 80 ایلده ایسه فارس ایستعمارچیلاری نین حاکیمیت کؤلگه سی آلتیندا تورک و عرب دیللری علیهینه کولتور سوی قیریمی (نسل کشی فرهنگی) حیاتا کئچمه گه باشلامیش. ایران ممالیکی محروسه سی نین بیر چوخ اینسانلاری فارس اولمادیقلاری اوچون حاق ایستدیکلری زامان بو ممالیکی محروسه یه اؤزگه هارادان گلمه قلمه آلینمیشلار. کئچمیش ایران تاریخینده فارسلارین حاکیمیت قورمادیقلاری مسئله سینه گلدیکده بیلیندیگی کیمی فارس دیلی قزنه لی تورکلر و سلجوقلولار واسیطه سی ایله ایران ممالیکی محروسه سیه گلمیش بیردیلدیر. بیر اشیاء کیمی گلمیش دیل و مدنیت صاحابلاری (فارسلار) او دیل و مدنیتی قورویان تاریخی شخصیتلر و اونلارین تؤره مه لرینه (تورکلره) تشکور ائتمک یئرینه رضامیرپنج اینگیلیسلر واسیطه سی ایله ایش اوسته گتیریلدیکدن سونرا نانکورلوق ائتمه گه باشلامیشلار. تاریخده ایرانین ایستیقلال مسئله سینه گلدیکده بیلیندیگی کیمی فرانسه بؤیوک اینقلابیندن اؤنجه نه ایندیکی آنلاییشدا مملکت، اونون سرحدلری وار ایمیش، نه ده ایستیقلالیتین آنلام و مفهومو! هرکس قولو زورلو ایمیش، حاکیمیتینی قورور و ضعیفلرکن اؤز یئرینی باشقا گوجلو بیرینه تقدیم ائدیرمیش. قولو چوخ گوجلو اولانین ایستیقلالیتی داها آرتیق، قولو گوجسوز اولانین ایستیقلالیتی داها اسکیک و آز اولورموش. ایران ممالیکی محروسه سینده زرتشت و اهورامزدا یانچیلاریندان باشقا کیمسه نین ده عربلر ایله شخصی و دینی دوشمنلیکلری یوخ ایمیش. گئنه ده اوخویوروق:
".... تا ميانه قرن شانزدهم ميلادي، زبان ادبی دربار و ديوان عثمانی فارسی بود و نه عربی يا ترکي."[xxi]
گؤروندوگو کیمی ایلک اولاراق فارس میللتی نین وار اولدوغونو سؤزده قبول ائتمک ایسته مه گن فارس مدنیت راسیستلری عثمانلی ایمپراتورلوغونون دیوان دیلینی 16.اینجی عصره دک فارس دئیه ایددعا ائدیرلر. بیلیندیگی کیمی تورکجه عثمانلیلاردان اؤنجه ده محمد قارامان قونیه شهرینی سلجوقلولاردان اله کئچیردیکدن سونرا دیوان دیلی کیمی قبول ائتدیلمیش و عثمانلی ایمپراتورلوغونون قوروجوسو غازی عثمان آنادولو بگلیکلرینی اله کئچیردیکدن سونرا عثمانلی حاکیمیتی نین دیوان دیلی تورکچه اولاراق قبول ائدیلمیشدیر. محمد قارامان 13 مایس 1277 ایلینده دئمیشدیر: "شیمدن گیرو هیچ کیمسه نه قاپودا و دیواندا و مجالس و سیراندا تورکی دیلیندن غیری دیل سویله میه!"(قارامان اوغلو محمدبیگ). گئنه ده اوخویوروق:
"مناسبات قومی و تباری چه در فرمانروايی دولت های مستقل و نيمه مستقل ايرانی مانند سامانيان، صفاريان، زياريان و بوييان و چه در دولت های ايرانی ترک تبار غزنويان و سلجوقيان ونيزفرمانروايی های ترک و عرب تبار محلي، بر اين گواه است که سنت فرمانروايی در ايران اگرچه با خويشاوندی و مناسبات قومی و ايلياتی پيوند دارد، اما فرمانروايی متکی بر سيادت يک تبارنژادی بسيار محدود و پراکنده است. فخرجويی به عرب تباری که از سوی فاتحان مسلمان رواج داشت، به تدريج در ميان هزاران مهاجر عرب تبار به دوردست ترين نقاط ايران، از رونق افتاد"[xxii].
اوسته گؤروندوگو کیمی "ایران دیل قوروپو" نا عایید اولان حوکومتلری "دولتهای ...ایرانی" و تورک دیلینه منسوب اولان دؤولتلری "دولتهای ترک تبار ایرانی" دئمک ایله گیزلی توتولدوغو ایران ممالیکی محروسه سینده کی میللتلر مسئله سی اورتایا چیخمیش اولار. دئمک، ایران ممالیکی محروسه سینده فارس و تورک مسئله سی یوخدورسا، نه اوچون حاکیمیتلرین بیرسیراسی "ایرانی" و بیرسیراسی "ترک تبار ایرانی" دئیه قلمه آلینار. دئمک، بو عوامفریبلر اؤزلرینی ایران ممالیکی محروسه سی نین صاحیبلری و تورکلری بو ممالیکی محروسه یه اؤزگه و سونرادان گلمه حئساب ائتدیکلری اوچون بو ایفاده لری سرگیله مه گه چالیشار و یئری گلدیکده فارس دیلینی ایرانیت ایله = قلمه آلارلار. دئمک، کئچمیش 1000 ایلده ایران ممالیکی محروسه سینه حاکیم اولموش تورک شاهلاری نین دیوان دیللری فارسچا اولماسایمیش، اونلاری دا فارس میللتچیلری طرفیندن – ایراندا قورولموش عرب دؤولتلری کیمی - ایرانلی تانینمایاجاقلار ایمیش، داها دوغروسو بوگون فارس دئیه حاکیمیت دیلی اولمایاجاق ایمیش. بوندان یانا دا بو عوامفریبلرین ایپی نین اوزرینه اودون ییغماق دلیلیک اولار دئیه دوشونمه لی و اونلارین خرمن وعده لرینه اینانماق حیماقت اولار دئیه اینانجیندا اولمالی ییق. گئنه ده اوخویوروق:
" سوی ديگر اين فرايند اين است که خوارزم که سرزمين باستانی آرياييان بود، در حوزه اجتماعی و سياسی به تدريج سيمای ترکی يافت ولی همچنان در شمار يکی از کانون های مهم فرهنگ و ادب ايرانی باقی ماند. آخرين پادشاهان خوارزمشاهي، ترک تبار بودند و پرچم جدال نهايی در برابر لشگر مهاجم مغول به ماوراء النهر ايران را نيز همين فرمانروايان ايرانی ترک تبار برافراشتند که به کشته شدن جلال الدين منکبرنی (خال بر بيني) آخرين پادشاه خوارزمشاهيان و فروپاشی پادشاهی ايشان انجاميد."[xxiii]
اوسته گؤروندوگو کیمی فارس مدنیت راسیستلری نین مسئله سی هرزامان اؤز (خودی) و اؤزگه (غیر خودی) اوزرینده قورولموشدور. یالانچی آریا ایرقیندان یولا چیخدیقدا خوارزمشاهلار تورک و تورک نژاد قلمه آلینار. آنجاق اونلار موغوللار و خاریجی گوجلر ایله اوزلشدیکده "ایرانی ترک تبار" ایفاده سی سرگیلنمیش اولار. بئله لیکله فارس شوونیستلری ایران ممالیکی محروسه سینده کی تورکلرین اؤزلرینی، دیل و مدنیتلرینی باریش زامانی بو ممالیکی محروسه یه اؤزگه (بیگانه) قلمه آلارلار. ساواش زامانی ایسه "مردان غیور و غیرتمند آذربایجان". بیر چوخ آذربایجانلی تورکلر ده فارس ایستعمارچیلاری نین بو یئلله مه لری ایله هللنمه گه و فارسلارا اویونجاق اولدوقلاری اوچون اؤز دریلرینه ده سیغابیلمزلر. بودور بیزلرین دوزلوگو و ساده لیگی، فارسلارین شیادلیغی و تولکولوکلری! گئنه ده اوخویوروق:
" صحرانشينان مغول که در آغاز کارشمارشان از چهل هزارچادر بيشتر نبود، به فرماندهی تموچين (بعدها چنگيزقاآن يعنی خان عادل نام گرفت!) با سرکوب کردن ترکان ايغور و قراختايی و فتح کاشغر و ختن، با پادشاهان ايرانی ترک تبار خوارزمشاهی همسايه شدند. سرانجام نيز با قتل جلال الدين منک برني، خوارزمشاهيان برافتاده و ايران جزو قلمروی مغولان شد. ستيز ديرپای مغولان از هنگام آغاز لشگرکشی های ايشان نيز بيشتر با شاهان و اميران اقوام و قبايل ترک تبارمسلمانی است که از سرزمين ترکستان شرقی کنونی تا ترکيه کنونی و نواحی جنوب ارال و ماوراء قفقاز پراکنده بوده اند و نه با مردمی موهوم به نام ملت فارس!"[xxiv]
بورادا مؤلیف تاریخده اوز وئرمیش اولایلارین ماهیتی نی دگیشدیرمک اوچون بیلمه دیگی ساحه لرده ده اؤزونو ایفاده ائتمه گه چالیشار. بئله لیکله مغوللاردان اولان منفی تصویرلرینی اؤرتولو بیچیمده اورتایا قویماغا چالیشار. بو عیبارتلردن بیری ده "قاآن" کلمه سی نی مؤلیفین "خان عادل" ترجومه ائتمه مسئله سیدیر. یئری گلمیشکن دئییلمه لیدیر: "قاآن" قدیم تورکچه ده "قاغان" کلمه سی نین سورتولموش بیر واریانتیدیر. بئله لیکله "قاغان/قاآن" "خان عادل" دئییل، "خانلار خانی/شاهنشاه" آنلامینا گلمکده دیر. میللی مسئله باخیمیندان "تورک" مسئله سینه گلدیکده گئنه ده سوسیولوژی (جامعه شناسی) بیلیمده "بیزیم قوروپ و او بیری قوروپ (wir Gruppe und die Gruppe)" مسئله سی اورتایا چیخار. بئله لیکله خوارزمشاهلار کئچمیش ایران ممالیکی محروسه سینه حاکیم اولدوقلاری اوچون "پادشاهان ایرانی ترک تبار خوارزمشاهی" باشقا تورک توپلولوقلارینی ایسه، قبیله و یاشادیقلاری یئرلرین آدی ایله قلمه آلینارلار. دئمک، بو آنلاییشلا بیزیم قوروپ هرزامان یاخشی، مدنی او بیری قوروپ پیس و مدنیتسیز قلمه آلینار! هر حالدا باشقا شوونیست فارس مؤلیفلری نین ایددعا ائتدیکلری نین ترسینه بو مؤلیفین نظرینجه موغوللار ایران ممالیکی محروسه سینه گلدیکده فارسلار و اونلارین مدنیتلری ایله دئییل، تورکلر ایله اوز اوزه گلمیشلر ایفاده لری مؤلیفین عوامفریب قلمیندن سرگیلنمیش اولور (باخ: ستیز دیرپای مغولان ... با شاهان و اميران اقوام و قبايل ترک تبارمسلمانی است.... نه با مردمی موهوم به نام ملت فارس!). مؤلیف عوامفریبلیک ائتمه گه چالیشاراق فارس میللتی نین اولمادیغینا داییر گئنه ده یازیر:
".. به گفته ميرزا مهدی استرآبادی منشی الممالک نادرشاه در جهانگشای نادري، ندرقلی بيگ ازافشاران ساکن دره دستگرد در دره گز خراسان است. دراين دوره خراسان، قلمرو تيره هايی از اقوام تاجيک، افشار و اوزبک و ديگر اقوام ترک و مغول است. تاريخ نويسان اين دوره نيز ساکنان غير مغول و غير ترک تبار خراسان را تاجيک می خوانند و نه فارس!"[xxv]
یئری گلمیشکن دئییلمه لیدیر، تورکلر تاریخ بویو فارسلاری و اونلار ایله فامیللیگی اولان ائتنیکلری "تات و تاتجیک/تاجیک" آدلاندیرمیشلار. دئمک، تاریخچی مؤلیفلرین "تاجیک" کلمه سیندن منظورلاری بوگونکو فارس شوونیستلری نین اجدادلاری ساییلیرلار دئیه دوشونمه لی ییک. بونلارا باخمایاراق فارس دیلی افغانیستاندا "دری/ فارسی دری" و تاجیکیستاندا "تاجیکی/ فارسی تاجیکی" آدلانار. ایران ممالیکی محروسه سینده ایسه حافظ و سعدی نین فارس (> پرس، پرت) ایالتینده یاراتدیقلاری ادبی اثرلری و فارسلارین یالانچی اجدادلاری نین خارابالاری نین یئرلشدیگی فارس ایالتینده اولدوغونو نظره آلاراق ایران ممالیکی محروسه سینده کی تاجیکلرین دیلی فارسی دئیه قبول ائدیلمیشدیر. هر حالدا فارس دیل و میللتینه ایران ممالیکی محروسه سینده تورکلر دئییل، فارس آیدینلاری (پیش کسوتلری) اؤزلری بو آدی قویموشلار. هر میللتین اؤزونو نئجه آدلاندیرماسی دا اونون طبیعی حاققیدیر. داها آرتیق بیلگی و معلومات اوچون باخینیز. گئنه ده اوخویوروق:
".. انقلاب مشروطه به سنت فرمانروايی کهن در ايران پايان داد و زمينه تشکيل يک دولت مدرن ايرانی را فراهم ساخت. شايد اگر فرايند آميزش قومی و قبيله ای هزار و اندی ساله ايران صورت نگرفته بود، فرارسيدن انديشه های بازار و اقتصاد جديد می توانست به گونه ای که در اروپا به تشکيل ده ها دولت ملی متکی بر سيادت يک تيره ملی معين انجاميد، ايران را هم به چندين کشور که در هر يک تيره قومی و ملی معينی سيادت فرهنگی و اقتصادی دارند، تقسيم کند."[xxvi]
بیلیندیگی کیمی آذربایجان تجددودلوک حرکتی اینگیلیس عامیلی اولان رضامیرپنج و فارس شوونیستلری طرفیندن حاکیمیت چئوریلیشینه باش ووردوقلاری اوچون نتیجه سیز قالمیش. ایران ممالیکی محروسه سینده قانون و حقوق طرفداری نیظام و اینتیظام/ ایالتی و ولایتی انجمنلرین یارانماسی و مملکت ایالتلر واسیطه سی ایله ایداره اولماق یئرینه فارس دیل و مدنیتی اساسیندا مرکزیتچی و شوونیست نیظام و اینتیظام - احمد شاهی تورک اولدوغو اوچون ایش باشیندان گؤتوره رک- فارسلیق اساسیندا بیر سیستیم اولاراق ایش باشینا گلمیش. او سیستیمین تئوریلرینه اساساً فارسچا میللی دیل، فارس میللیتچیلیگی ایران میللتچیلیگیی و ایران ممالیکی محروسه سی نین آدی ایران مملکتی اولموش. بئله لیکله مودئرن مملکتلر کیمی ایران ممالیکی محروسه سینده نه فئدرال بیر سیستیم، نه ده خالقلارا بو ممالیکی محروسه ترکیبینده قالیب قالمایاجاقلارینا داییر سئچیم حاققی تانینمیش. بیر سؤز ایله دئسک: اینگیلیس ایستعمارینا ال آلتی اولاجاق فارس ایستعماری ایران ممالیکی محروسه سینه حاکیم کسیلمیش. اینگیلیس ایستعماری نین اتکی و تأثیری فارس ایستعمارچیلیغی اوزره نفت آمریکا کمپانیلرین الینه کئچن گونه دک داوام ائتمیش (29 اسفند 1329 = 1950 ). گئنه ده محمد امینی ذات عالی نین عوامفریبلیک ایفاده لریندن اوخویوروق:
" اما فرايند ايران و بيشتر کشور های شرق در تشکيل دولت ملي، از فرايند اروپا پيشرفته تر بود. اروپا، به دليل ساختار پيشرفته فئودالی اش، نتوانست به رقابت دائمی شاه نشين ها و سرزمين هايی که به ده ها زبان گوناگون سخن می گفتند پايان دهد. به همين دليل نيز در سرزمينی که تنها سه برابر مساحت ايران است بيش از چهل کشور و دوک نشين ايجاد شد."[xxvii]
گؤروندوگو کیمی قابیلیت و زیرکلیگی ایرانلیلارا خاص بیلنلر واقعیتلری ده گؤرمک ایسته مزلر. میللی مسئله نی آوروپا دؤولتلری کئچمیشده حلل ائتمیش، فارس ایستعمار یانچیلاری دک قارین آغریسینا دوشمه میشلر. اوندان یانا دا بوگون آوروپا دؤولتلر بیرلیگی یارانار. ایران ممالیکی محروسه سینده ایسه گؤیه وین و گؤرمه میش فارس شوونیستلری مین ایل تورک حاکیمیتلری الی آلتیندا اینله دیکلری اوچون آذربایجان تورکلری الیله یاراناجاق بیر فئدرال سیستیمی (انجمن ایالتی و ولایتی) فارس موستبیدلیگینه و ایستعمارچیلیغینا تحویل وئرمه گه چالیشمیشلار. بوگون ده او یانلیش عمللرینه اوسته گؤروندوگو کیمی ایفتیخار ائدر گؤرونرلر.
آوروپادا میللی منلیک و کیملیکلره سایقی گؤسترمک آوروپا دؤولتلری نین عاجیزلیکلری دئییل، آوروپا ایجتماعیتینده اینسانی و ایجتماعی بیلینج یوکسکلیگی اولدوغو اوچون باشقا ائتنیکلر بیر ائتنیک حاکیم قوروپون توتساق و اسارتینده قالماق ایسته مه میشلر دئیه دوشونمه لی ییک. بئله لیکله آوروپالیلار شاهلیق یئرینه زامانیندا جومهوریت سیستیملری یاراتمیشلار. ایران ممالیکی محروسه سینده ایسه تورکلر مین ایل حاکیمیت ائتمکلرینه باخمایاراق حاکیم کسیمین ائتنیک و ایجتماعی بیلینجی دوشوک اولدوغو و اؤز چیخارلارینی دوشونمدیکلری اوچون تورک دیلینی ایران ممالیکی محروسه سینده اؤزلرینه دیوان دیلی ائتمه میشلر. نتیجه ده بوگون سایی فارسلاردان چوخ اولان آذربایجان تورکلری فارس اسارتینده و ایستعماری آلتیندا قالمیشلار. ایران ممالیکی محروسه سی ایله آوروپا مملکتلری نین تورپاق بؤیوک و کیچیکلیگینی قارشیلاشدیرما مسئله سینه گلدیکده گؤروندوگو کیمی بو دا گؤیه وینلیگین (گؤرمه میشلیگین) نشانه لریندن بیریدیر. دئمک، میللی دؤولتلر ائتنیک و ایجتماعی دابانا دایانمالیدیر. جمعیت باخیمیندان بیر ائتنیک چوخ اولارسا، بؤیوک بیر ساحه ده اؤزونه ایش و یاشاییش دنگه لری یارادارسا، او ائتنیگین (میللتین) سایی دا چوخ، تورپاغی دا بؤیوک اولور. بیر چوخ حاللاردا بیر میللتین سایین چوخ اولماسینا باخمایاراق یاشاییش بؤلگه سی چیکیک ده اولار. اینسان کیمی یاشاماق تورپاق بؤیوکلوگونه دئییل، اینسانی دگرلری باشا دوشمک و اونلارا اؤنم وئرمکدن اورتایا گله بیلر دئیه دوشونمه لی ییک.
قایناقلار:
[i] گارد آزادی: http://www.iran-chabar.de/1384/07/29/004.htm
[ii] ایلک اؤنجه بو تشکیلاتین قوروجوسو اولان ائرمنی»ژوبین رازانی« (بوگونکو حزب کمونیست کارگری یانچیلاری آراسیندا »منصور حکمت« آدی ایله تانینمیش) ذات عالی اوزره معلومات صاحیبی اولماقدا فایدا وار. بو باخیمدان، بلکه ده بوگون ایران ممالیکی محروسه سینده آذربایجان تورکلرینین دیل و مدنیتی ایله دوشمنلیک ائتمه گه و ایجتماعیتی آلداتماغا چالیشان »حزب کمونیست کارگری ایران« آدلی قوروهون راسیستی هدفلری وار دئیه دوشونمه لی ییک. ژوبین رازانی (Zhoobin Razani) 1330(1951) ایلینده، خورداد آییندا تهراندا بیر ارمنی خانواده سینده دونیایا گؤز آچدی، اونیورسیته دن اؤنجه کی تحصیلینی (ایلک اوخول، اورتا اوخول و قیمنازیانی) تهراندا باشا چاتدیردی، شیراز اونیوئرسیته سینده ایقتیصاد بؤلومونده اونیوئرسیته نی قورتاردیقدان سونرا 1352 (1973) ایلینده یوکسک تحصیل آلماق اوچون انگلیستانا گئتدی. ژوبین رازانی اورادا مارکیسست مکتبی ایله تانیش اولدو. ایراندا ایسلام اینقلابی باش وئردیکدن سونرا »اتحاد مبازران کمونیست« آدلی فارس سول تشکلاتینین قوروجولاریندان بیری اولاراق اووللرده تاخما (مستعار) نادر آدی آلتیندا فعالیت ائتدی،. 1360 (1981) ایللرینده تهراندا تشکیلاتی فعالیت ائتمه نی چتین گؤردوگو اوچون کوردوستانا گئده رک کورد "کومه له" تشکیلاتی ایله منصوب اولدوغو (اتحاد مبارزان کمونیست) تشکیلات آراسیندا اورتاق باغلارین یارانماسینا چالیشدی،1361 (1982) اینجی ایلین فروردین آییندا کورد کومه له تشکیلاتی نین حمایت چتری آلتیندا کوردوستاندا اؤز ایدئولوژیسینی یایماق اوچون فعالیت ائتدی و کورد تشکیلاتلاری (حزب دئموکرات کوردوستان و حزب کومله کوردوستان) آراسیندا ایدئولوژی فرق لرینی اؤنه چکیب قابارداراق کوردلر آراسیندا قارداش قیرقینینا زمینه یاراتدی. ژوبین رازانی قوروهو سونرالار کوموله تشکیلاتی ایله بیرله شه رک »حزب کمونیست ایران« آدلی فارس تشکیلاتی نین یاراتماسینا چالیشدی. . 1989/1990 ایللرینده منطقه ده باش وئرمیش اولایلار و سؤیئتلر بیرلیگینین داغیلماسی نتیجه سینده میللی دوشونجه اونون ایصطلاحاً کمونیستی (اوخو: فاشیستی) فیکیرلرینه ترس دوشدوگو اوچون باشقا پان ایرانیستی و تمامیتچی (حزب نژادپرست جبهه میللی، حزب میللت، حزب پان ایرانیست، حزب پرگهر و سلطنت طللب...) تشکیلاتلار کیمی فارس اولمایان ایران ممالیکی محروسه سینده میللی و مدنی حرکاتلاری خاریجی عامیللره نیسبت وئرمه گه و میللت مسئله سینی خورافات بیر گؤروش کیمی ایجتماعیته تانیتماغا چالیشدی. سؤویئتلر بیرلیگی داغیلدیقدان سونرا کئچمیش کورد کومله چیلر یوللارینی بو ذاتی عالی و یانچیلاریندان (حزب کمونیست ایران تشکیلاتیندان) آییرماق ایسته دیکده ژوبین رازانی یئنی فورمالاشمیش تشکیلاتا »حزب کمونیست کارگری ایران« آدی وئردی. دئمک، ایران ممالیکی محروسه سینده تورک، کورد، عرب، لور، تورکمن، بلوچ و ساییره لر اوزره ژوبین رازانی یاراتدیغی »حزب کمونیت کارگری ایران« آدلی تشکیلات ایله باشقا پان ایرانیستی تشکیلاتلارین آراسیندا اینسانلیق مقوله سینده هئچ بیر فرق گؤرونمور. بونلار بیر چوخ شییادلار کیمی میللی مسئله نی شهروندلیک ساحه سینه دوشوره رک فارس اولمایان میللتلرین میللی مسئله لرینی خورافات دئیه و کمونیست مکتبینی دین و خورافاتین علیهینه باشا دوشدوکلری اوچون فارس اولمایالارین میللی مسئله لرینی خورافاتدیر دئیه ایران ممالیکی محروسه سینده فارس اولمایان میللتلرین میللی مسئله لری علیهینه ساواش آچماغا باشلامیشلار (ژوبین رازانی اوزره داها آرتیق معلومات باخ: http://www.m-hekmat.com/biographyTu.html ).
[iii] "حزب کمونیست کارگری ایران – حکمتیست" پلنوم سوم کمیته مرکزی، گارد آزادی: http://www.iran-chabar.de/1384/07/29/004.htm
[iv] حزب کمونیست کارگری ایران – حکمتیست" پلنوم سوم کمیته مرکزی، گارد آزادی، باخ اورادا.
[v] حزب کمونیست کارگری ایران – حکمتیست" پلنوم سوم کمیته مرکزی، گارد آزادی، باخ اورادا.
[vi] Dnewnik Walujewa, Moskau 1961, Bd. 2, S. 381 (4.8.1876).
[vii] Geyer, Dietrich: Der russische Imperialismus. Studien über den Zusammenhang von innerer und auswärtiger Politik 1860-1914, Göttingen 1977; Petrovich, Michael Boro: The Emergence of Russian Panslavism 1865-1870, New York 19582; Narochnitskaya, Natalia: Spiritual and Geopolitical Rivalry in the Balkans at the Brink of the XXI Century. in: Eurobalkans, No. 32, Autumn 1998 [www.eurobalkans.co.yu/324.htm].
[viii] Geyer, Dietrich ba
[ix] پان ایسلاویسم ایسلاو دیللی میللتلرین دیل و مدنیت بیرلیگینی اساس نظره آلیر.
[x] پان گئرمانیسم گئرمان دیللی میللتلرین دیل و مدنیت بیرلیگینی اساس نظرده آلیر.
[xi] پان ایسلامییسم ایسلامین سیادتی اوچون مسلمان مملکتلری نین بیرلیگینی و ایش بیرلیکلرینی نظره آلیر.
[xii] پان تورکیسم تورک دیللی میللتلرین دیل و مدنیت بیرلیگینی نظره آلیر.
[xiii] پان عربیسم، عرب دیللی میللتلرین دیل و مدنیت بیرلیگینی نظره آلیر.
[xiv] پان ایرانیسم فقط فارس میللیتچیلیگی و فاشیستلیگینی"ایران" کلمه سی قالیبینده اساس گؤتورموش بیر گؤروشدور. بو گؤروشه اساساً کورد دیلی ده فارس دیلی نین بیر لهجه سی ساییلیر. پان ایرانیسم گؤروشون تملی (اساسی) "قان و تورپاق (خاک و خون)" دئیه ایفاده اولونور. باخ: خاک و خون: آرمان ما برپایی دولتی بر دو عنصر "خاک" و "خون"، در سراسر پشته ی ایران است: http://khakokhoon.blogfa.com/
[xv] محمد امینی: بغرنج قومی و ملی در ايران از افسانه تا واقعيت http://www.iran-chabar.de/1384/08/04/amini840804.htm
[xvi] محمد امینی باخ اورادا.
[xvii] داریوش همایون محمدرضا شاهین سازمان امنیت وزیری ایدی.
[xviii] محمد امینی باخ اورادا.
[xix] محمد امینی باخ اورادا.
[xx] محمد امینی باخ اورادا.
[xxi] محمد امینی باخ اورادا.
[xxii] محمد امینی باخ اورادا.
[xxiii] محمد امینی باخ اورادا.
[xxiv] محمد امینی باخ اورادا.
[xxv] محمد امینی باخ اورادا.
[xxvi] محمد امینی باخ اورادا.