فارس نئوفاشیستلری و داریوش همایون

  بیلیندیگی کیمی آلمانیادا ناسیونال سوسیالیست حرکتی 1918 اینجی ایل، روسیه ایمپئریاسی 1917 ایل اوکتویابر دئوریمی سونوجو اولاراق داغیلدیقدان و یئرینده یئنی موستقیل جومهوریتلر یاراندیقدان سونرا باشلادی. آدولف هیتلر حاکیمیت چئوریلیشینه باش وورماغا چالیشیب و باشاریسیز اولدوقدان سونرا 1933 اونجو ایل حاکیمیتی سئچیملر یولو ایله اله آلدی. بونلارا باخمایاراق 1945 اینجی ایله دک دیکتاتورلوق و فاشیستلیک حؤکومتی حؤکوم سورمگه و دونیا ایجتماعیتینه مئیدان اوخوماغا باشلادی.

آلمانیادا ناسیونال سوسیالیست پارتیسی ایش اوستونه گلدیکدن سونرا او، غرب دؤولتلری نین یانی سیرا یئنی قورولموش سؤویئتلر بیرلیگی حؤکومتی ایله ده کئچمیشده کی رقابتی نی سوردورمگه چالیشاراق ان یاخشی سی روسیه نی ده اؤز ایسارتینه چکمک مقصدی گودوردو. بو آرادا باکی نین نفتی نی اله کئچیرمک ده آلمان دؤولتی اوچون بیر خیال اولاراق آرزو ائدیلیردی. بونلارین یانی سیرا آلمان دؤلتی آفریقادا دا مستملکه تورپاقلاری اله کئچیرمک اوچون پلانلار حاضیرلامیشدی. آنجاق بو نیتلری یئرینه یئتیرمک اوچون دونیا چاپیندا اؤزو اوچون آیاق باساجاق یئر حاضیرلاماغا دوشونور و متفقلر اولوشدورماغا چالیشیردی.

آلمان ناسیونال سوسیالیست پارتیسی نژادپرست اولدوغو اوچون عیرق تبلیغاتینی ایستر بیر دقیقه ده اولسون قیراغا قویاجاق دئییلدی. 1933-1936 ایللرینده قونشولوغونداکی مملکتلر او جومله دن هلند، دانمارک، انگیلتره و باسقا ایسکاندیناوی مملکتلرینده ایرق تبلیغاتی آپاراراق اونلاری ژرمن و آریا عیرقی ایفاده لری آلتیندا اؤزونه چکمک چالیشمالارینا باخمایاراق 1936 اینجی ایلدن باشلایاراق ایران ممالیکی محروسه سینه ده ایش قویماغا باشلامیشدی. بو آرادا ایستر ایسته مز  گئنل یایین و باسین اورقانلاریندا آریا عیرقی نین اوزانتیلاری ایراندا و ساییره وار دئیه تبلیغات کامپانیاسی یئریتمکدن یورولماق بیلمیردی.  فارس نئونازیستلری نین یازدیقلارینا گؤره 1936 ایلینده آلمان نازیستلری ایران و آلمان مملکتینده کی توپلومو بیر قارداش میللت کیمی تانیتماغا باشلادیلار[1]. بئله لیکله آلمان ایمپئراتورلوغونون ناظیرلیکلری ایرانلیلاری سیاسی تبلیغاتلاریندا خالیص آریا نژادی کیمی گؤسترمه گه باشلادیلار. دئمک، آلمان فاشیست حاکیمیتی گله جکده کی ایستعماری پلانلارینی آسیادا فارس رضاخان حؤکومتی نی بیر اویونجاق کیمی قوللاناراق حیاتا کچیرمک اوچون ایرانلیلاری عیرق و نژاد باخیمیندان خالیص آریالی (Arische Rasse) دئیه ایران ممالیکی محروسه سینده کی ایجتماعیتده اؤزو اوچون یئر آچماغا چالیشیردی. بونلارین یانی سیرا تهران دؤلتینه ایقتیصادی ایمکانلار دا وعده وئرمگه چالیشیردی. بو قارداشلیق ایددعالارینی عملده گؤسترمک اوچون آلمان نازیست حؤکومتی اؤز قامالی خاچ سمبولونو ایران و آلمان میللتلری آراسیندا اورتاق سمبول دئیه تانیتماغا چالیشیردی. کئچمیش یازیلاریمیزدا ایشاره ائتدیگیمیز دک رضاخان "ایران ممالیکی محروسه سی" یوخسا "ممالیکی محروسه قاجار" ی اله کئچیردیکدن سونرا اونا "فارسیستان" آدی وئرمگه چالیشمیشدی[2]. موختلیف متینلری گؤزدن کئچیردیکدن و  اوزرلرینده دوراقلادیقدان ,و حاکیمیت باشچیلاری نین دا او ایللرده کی یئریتدیکلری سیاستدن آنلاشیلدیغینا گؤره 1935 اینجی ایل بیر داها "فارسیستان" آدیندان "ایران" آدینا فارس حاکیمیتی نین کئچیشی فارس راسیستلری طرفیندن  ایران ممالیکی محروسه سی نین مولتی ائتنیک اولدوغونون قبول ائدیلدیگی دئییل (او زامانکی ایران خاریجه ایشلر ناظیرلیگی بو ایددعانی ائتمیش[3]، او زامانکی فارس راسیستلری نین آلمان نازیستلری ایله ایلیشگیلری اولدوغونو و آلمان نازیستلری "ایران" کلمه سی نی "آریا، آریان، آریئن" کلمه لرینه داها اویقون گؤروندوکلریندن ایلری گلن مسئله دیر دئیه فیکیر یئریتمک اولار. فارس نئوفاشیستلری نین یازدیقلارینا گؤره آلمان نازیست حؤکومتی او زامان تهران دمیر یولو تیکینتیسینی ایشلرکن، او تیکینتی نین تاوانی نی (سقفینی) قامالی خاچ سمبولو ایله گؤزللمگه چالیشمیشلار[4]. ایران ممالیکی محروسه سیندن ائشیکده ده ایصطلاحن ایرانلی یازیچیلار او جومله دن صادق هدایت و بزرگ علوی ده او زامان آلمان نازیستلیگینه بؤیوک ایلگی ایله یاناشیرمیشلار. صادق هدایت عربلری آشاغیلاماق ایسترکن یازیردی:

"... عرب‌ها مردمی بی‌استعداد هستند و بايستی قبول کرد يا باور کرد که آن‌ها استعداد فنی يا صنعتی يا علمی و هنری ندارند، چرا که جز شعر هيچ ارزش هنری ديگری به بشريت هديه نکرده‌اند.....  نگاه کردم به آدم متمدنی که گاو را می‌کشد، بعد پوستش را می‌کند، بعد تکه تکه گوشت‌اش را می‌خورد، از استخوان‌اش هم نمی‌گذرد. يا گوسفند را به همين ترتيب می‌کشد يا بز را ولی کشتن يک سوسمار را به يک عرب روا نمی‌دارد. عربی که در سرزمين‌اش گاو و گوسفند نمی‌تواند پرورش دهد و آن‌قدر گرسنگی کشيده است که مجبور شده سوسمار را هم بخورد."[5]. بیلیندیگی کیمی بو آشاغیلاییغی "عرب سوسمارخور!!" دئییمی بو گون ده عربلر علیهینه فارس ایجتماعیتینده راحاتجا ائشیتمک اولار. صادق هدایتدن گئنه اوخویوروق:

" خیام نماینده‌ی ذوق خفه‌شده، روح شكنجه‌دیده و ترجمان ناله‌ها و شورش یك ایران بزرگ، باشكوه و آباد قدیم است كه در زیر فشار فكر زمخت سامی و استیلای عرب كم‌كم مسموم و ویران شده."[6].

اوسته گؤروندوگو کیمی صادیق هدایتین یازیلاریندا فارس عیرقی نین (ایرانلی عنوانیندا) عربلره قارشی اوستون ساییلماسی گؤزه چارپماقدادیر .بیر داها نحس اولموش فاشیست آخین دئیه فارس نئوفاشیستلری  نین تاریخی اوزرینده دایانساق داها یاخشی اولار دئیه دوشونوروک. آلمان نازیست حکومتی، فاشیستلیگین یانی سیرا یئریتدیگی امپئراتورلوق تبلیغاتی نتیجه سینده اوسته ده ایشاره اولوندوغو کیمی راسیستلیک دوشونجه سی اوخوماغی بیلن، یازی و پوزو ایشلری ایله اوغراشان کسیملر آراسیندا آچماغا باشلامیشدی. بو آرادا داوود منشی زاده، سونرا فارس نئوفاشیستلری نین سروری اولاجاق شخص، شهریور آیی نین آلتیسی 1293 (1910) ایلینده تهراندا دونیایا گؤز آچیر. 1310 (1931) ایلینده رضاخان حاکیمیتی طرفیندن فرنگی (آوروپایی، مدنی) اولماق اوچون فرانسه یه یولا دوشور. 1316 (1937) ایلینده دیوژئن اونیوئرسیته سینده ادبیات بؤلومونده ماقیستریاسینی آلار آلماز آلمانیایانین مونیخ شهرینه گئده رک اورادا 1938 ایلینده ایسلام تانیما Islamkunde، ایران تانیما Iranistik  و هیند تانیما Indulogie  بؤلوملرینده اونیوئرسیته سی نی داوام ائتمه نین یانی سیرا آلمان آریاچیلیق و فاشیستلیک مکتبی ایله ده تانیش اولور. بئله لیکله اورادا افغانیستان و ایران بیرلیگی آدینا بیر درنک (جمعیت) یولا سالیر. 1039 ایلینده بهرام شاهرخ ایله آلمان رادیوسونون فارسچا بؤلومونده ایش بیرلیگی (همکارلیق) ائتمه گه باشلیر. اوسته لیکله تبلیغاتچیلیق باخیمیندان داوود منشی زاده آلمان فاشیستلیگی حکومت ائتدیگی ایللرده آلمان نازی تشکیلاتی نین آیریلماز بیر ترکیب حیصصه سی کیمی آلمان فاشیستلیک سیاستی نین تبلیغات آراچلاری نین وظیفه لریندن بیرینی اوستلنمیش اولور. 1940-1941 ایللرینده داوود منشی زاده آلمان فاشیستلیک کولتورونو یایمادا Deutscher Verlag و باشقا قوروملار ایله امداشلیق ائتمگه و تبلیغات آپارماغا باشلیر. بونلارین یانی سیرا داوود منشی زاده آلمان فاشیستلیک اورقانی اولان Das Reich قازئتینده سیاسی مقاله یازمانی دا اؤزو اوچون ایدئولوژیک بیر وظیفه حئساب ائدیر. ایرانا گئری دؤندوکدن سونرا اؤنجه محفیللشمیش و رهبریتی ائشیگه قاچمیش "ایران نازیستلر جمعیتی" نی امیر مکری، منوچهر فروتن، پرویز فروتن، حسین ضرابی  آدلی شخصلر ایله "سازمان سوسیالیست ملی کارگران ایران" (سومکا) آدی ایله اؤرگوتله مگه چالیشیر. داوود منشی زاده آدولف هیتلری داورانیش باخیمیندان اولدوقچا اؤزومسه مگه (اؤزونو اونا بنزتمگه) چالیشیرمیش. او باشینی هیتلر کیمی دارار و بوغلارینی دا هیتلر کیمی کسدیرر و هیتلر کیمی دانیشیقدا چیخیش ائدر و دیسیپلینلی اولمانی سرگیله مگه چالیشارمیش.

داوود منشی زاده فیکیرلرینی یایماق و قازئته چیلیک اوصولونو اؤیرنمک اوچون ایلک "مردان آهنین" و "شیر شرق" یئددیلیک (هفته نامه) لری ایله امکداشلیق ائتمگه باشلار. سونرالار "سومکا" آدلی یئددیلیگی اؤز تشکیلاتی اوچون یایینلاماغا باشلار[7].

فارس نئوفاشیست تشکیلاتینا عوضوو اولماق اوچون آند ایچه مراسیمی:

 شخص آند مکتوبونو الینه آلاراق بیر قوطو تورپاق اوزرینه او بیری الینی باساراق آشاغیداکی ایفاده لری اوخور:

"سومکا تشکیلاتی نین ایستکلرینه وفالی اولمالی، تشکیلات تصمیملریندن بویون قاچیرمامالی،

تشکیلات دوشمنلیلرینی موجازات ائتمک اوچون فیرقه بویوروغونا قولاق آسمالی، بو آندان (لحظه دن) بئله جان و گؤوده می "سوسیالیست ملی کارگران ایران" تشکیلاتینا باغلی (متعلق) بیلمه لی، سومکا بایراق و رهبرلیگینه جان و باش ایله وفالی اولمالییام[8].

 فارس نئوفاشیستلری نین گئییمی:

قارا کؤینک، ساغ قولوندا تشکیلات قولباغی (آئیننامه نین 10 اونجو بندینه اساسن).

تشکیلاتداکی کیشیلرین رسمی گئییمی: قارا کؤینک، یاخاسی باغلی، ایکی دؤشونون اوزرینده جیبی، ساغ چیگینینده آسقیسی (آویز)، کول (خاکستر) بویاغیندا شالواری و قارا پوتون.

تشکیلاتداکی خانیملارین رسمی گئییمی: اساسنامه نین 6 اینجی بندینه اساسن قادینلارین دونو کول بویاغیندا، قارا کؤینک، تشکیلات سیمگه لی (نیشان سی اولان) بؤرک.

اوسته کی گؤرونوملری (منظره لری) نظره آلدیقدا بو تشکیلات کئچمیشده گؤسترمگه چالیشدیغیمیز دک آلمان نازیستلری نین داورانیشلارینی عوضوولری اوچون کوپی ائتمیش بیر تشکیلاتدیر. یازیلی متینلره گؤره بوگون اؤزونو فارس سلطنتچیلری نین باشچیسی آدلاندیران داریوش همایون دا بو فاشیست تشکیلاتین ایکینجی روتبه لی عوضوو ساییلیرمیش، پان ایرانیستلرین سیته سیندن اوخویوروق:

"داریوش همایون به گمان من از ناسیونالیست ترین سیاست مداران ایران است. وی از "موئسسین مکتب ورجاوندا پان ایرانیسم" بوده و در سالهایی هم نفر دوم حزب سومکا پس از داوود منشی زاده بود. همایون هم اینک ریاست حزب مشروطه ایران را بر عهده دارد و اعتقاد راسخ او به به ناسیونالیسم ایرانی و اجرایی کردن این افکار در حزب مطبوعش سبب شده شخصی چون من که یک جومهوریخواه هستم  از هواداران و علاقه مندان به ایشان گردم. مشخصه اصلی همایون در این است که هیچگاه منافع ملی ایران را فدای مبارزه و مخالفت با جمهوری اسلامی نمی کند"[9].

اوسته کی پاراقرافدان بللی اولدوغو کیمی جومهوریتچیلیک مقوله سیندن ده فارس راسیستلری نین آنلاییشلاری سئودیکلری فارس راسیستلیگیدیر. بیر پان ایرانیست، باشقا میللتلرین میللی منلیگی و کیملیگینه تجاووز گؤزو ایله یاناشماشینا باخمایاراق اؤزونو "جمهوریخواه" آدلاندیریر. بو آرادا اؤزلرینی ایران دئموکراتلاری کیمی سو کیمی تقدیم ائتمگه چالیشان و "تلاش" آدیندا تئوریک درگی چیخاران بیر قوروپ داریوش همایون اوچون 2005 ایلینده عزیزلمه تؤرنی کئچیرمیش[10]. بو تؤرن اوچون ابراهیمی آدلی مؤللیفین یازمیش نقد مقاله سیندن یولا چیخاراق داریوش همایونون کئچمیشینی و گؤروشلرینی اله آلماغا چالیشاجاییق، سین. ابراهیمی آدلی مؤللیفین تنقیدینده اوخویوروق:

".. کسی او را با امیر کبیر ،کمال الملک،نیما و صادق هدایت همطراز کرده است، دیگری داریوش همایون را« الگویی برای آزاد اندیشی و مسئولیت روزنامه نگاری» می شمرد،و « نوگرایی در اندیشه ،جوانگرایی در تشکیلات » او نظردیگری را جلب کرده است. وآن یکی روی «قلم ،خرد و توانایی داریوش همایون در خشت خام دیدن آنچه بسیاری در آیینه هم نمی بینند » انگشت می گذارد . ... مسعود بهنود ، به ویژه این که نوشته بود :
"« داریوش همایون از همان زمان های دور که می نوشت ،نوشته هایش عاری از تملق رایج و سرشار از نکته هایی بود که خواب زدگان را خوش نمی امد ،این جمع به خواب خوش بی خبری راغب ترند تا بیداری مسئولیت آور و دشوار."

با خود گفتم حتما مساله جدی تر از آن است که من فکر می کردم ؛ این بار به " زمان های دور" رفتم. "[11].

اوسته گؤروندوگو کیمی باشدان آیاغا یزد دستمالی ایله داریوش همایونو سیلیب بیر آلما کیمی بوشقابا قویماغا چالیشماق و اونون ایجتماعی و سیاسی گؤروشلررینی اؤرت باسیر ائتمگه چالیشماق کئچمیش 100 ایلده اؤزلرینی دئموکرات کیمی تقدیم ائدن فارس راسیستلری نین ایشی اولموشدیر. ابراهیمی گئنه ده یازیر:

" داریوش همایون تا سال 32 و پایان "ماموریت تاریخی" حزب سومکا در یاری به کودتای 28 مرداد، سردبیری نشری هفتگی " سومکا " را داشته است ، هفت سال پس از پایان جنگ جهانی دوم و سقوط هیتلر ، کماکان این تشکل بر اساس ا لگوی احزاب فاشیستی قبل از جنگ اداره می شد"[12]. "خود داریوش همایون در باره این حزب می نویسد:

«سازمانی کوچک ولی بسیار پر تحرک و رزمجو بود ، و تقلیدی تمام عیار از حزب نازی آلمان در دوران جمهوری وایمار. » "[13].

دئمک، بو اوسته کی پاساژلارا اساسن و سومکا تشکیلاتی نین گؤروشلری ایله تانیش اولدوقدان سونرا داریوش همایون ذات عالینی بیر آزادلیق سئور اینسان دئییل، هیتلر کیمی فاشیست مئییللی بیر شخص آدلاندیرماق اولار دئیه دوشونمه لی ییک[14]. بیلیندیگی کیمی آدولف هیتلر ده حاکیمیته یئتیشمک اوچون زیندانا دوشدو و ایشکنجه لره ده معروض قالدی[15]. آنجاق حاکیمیته چاتدیقدان سونرا میلیونلار اینسانین اؤلومونه ندن اولاراق نئجه بیر فاشیست اولدوغونو دونیا ایجتماعیتینه گؤستردی. گئنه ده سین. ابراهیمی دن اوخویوروق:

" داریوش همایون که علاوه بر سردبیری نشریه ، رهبری گروه سیاهپوشان چماق به دست را به عهده داشت در روزنامه سومکا صریح می نویسد: « دمکراتیسم مولود هرج و مرج و موجد هرج و مرج ، به سخت ترین بحران های خود در کشور ما گرفتار شده است...ما همواره پیش بینی کرده ایم که با حکومت های دموکرات و با طرز تفکر لیبرال نمی توان این کشور را اداره کرد ... ما همیشه گفته ایم که از دمکراسی به جز هرج ومرج و نفاق ، به جز بی نظمی و بی نقشه گی و به جز اتلاف وقت گرانبهای ملت در این حساس ترین دوران های تاریخ ، هیچ انتظار دیگری نمی توان داشت"[16].  سین. ابراهیمی گئنه ده یازیر:

" بیژن جزنی که خود شاهد عینی این دوران بود ، در این باره می نویسد: « حزب سومکا اونیفورم سیاه با بازوبند و ساطور دست(می گرفتند) ، به سبک هیتلری های سلام می دادند. باشگاه (آن)در خیابان خانقاه ری ( بود ) که آن جا را با سنگ سیاه و محافظ به صورت قلعه ای در آورده بودند و حتی در چند مورد کسانی را ربوده و به آن جا بردند و شکنجه کردند"[17].

اوسته کی گؤرونوملر (منظره لر) سومکا آدلی فاشیست تشکیلاتین مرامنامه و اساسنامه لری ایله ده اوست اوسته دوشور. دئمک، اینسانلاری دوشونجه لرینه گؤره خاریجی گوجلره آرخالاناراق ساطور ایله اؤلدورمگه و آرادان گؤتورمگه چالیشماق هئچ ده اینسانلیق مقوله سی ایله باغلاشاجاق دئییلدیر. بو گؤرونوملرین باشقا واریانتینی غ. آذرخش "سبدچی حسن" کیتابیندا داها آرتیق داریوش فروهر، امیر موبور، احمد عشقی و ساییره لر اوزره دئیینمیشدیر[18]. گئنه ده اوخویوروق:

"داریوش همایون در چهاردهمین سال " پویش نوگرایی " خود در دوران دولت دکتر مصدق ، سه بار به جرم به آتش کشیدن دفاتر احزاب مترقی و صلح خواه ، از جمله حمله به یک دکان عکاسی در خیابان منوچهری تهران که محل قرار ملاقات روزنامه فروش های مترقی بود دستگیر و زندانی می شود."[19].

اوسته ایشاره ائدیلدیگی کیمی و آذرخشین یازدیغینا گؤره بو اووباشلار او زامان "سومکا"،" آریا" و "پان ایرانیست" قوروپولارینا باغلی اولاراق 1331 ایلینده جاوید شاه دئیه دئیه هر گون آخشام تهرانین شاه آباد خیابانیندان نادری خیابانینا طرف گلرمیشلر. اونلارین آرخاسینجا دا بیر ماشین حاکیمیت پولیسی اونلاری مشایعت ائدرمیش. داریوش فروهر بیر قازئته چینی هدایت مسجیدی نین قاباغیندا "جوانان دموکرات" درگیسی ساتدیغی اوچون دشنه ایله وورموش. اینقلابدان سونرا غ. آذرخش داریوش فروهره یاخینلاشاراق "آقای داریوش فروهر یادتان هست که در مقابل مسجد هدایت آن روزنامه فروش را با دشنه زدی؟ - داریوش فروهر : الان هم میزنم"(10) دئیه جاواب وئرمیش. بیلیندیگی کیمی بو ذات، داریوش فروهر، اینقلاب اولدوقدان سونرا مهدی بازرگانین کابینه سینده یئر آلیردی. اؤزونه ده باشقا بیر فاشیستلیگه مئییلیللی قوروپ "حزب ملت ایران" دئیه یاراتمیشدیر. 1377 (1998) ایلینده فارس راسیستلیگینی اعمال ائتدیرمگه چالیشدیغی سیستیمین گیزلی اورقانلاری طرفیندن اؤلدورولدو. گئنه ده اوخویوروق:

"... بی جهت نیست که داریوش همایون در مصاحبه با این مجله (احتمالا باعلی کشتگر) می گوید: « بی انصافی است اگر خدمتی که سپهبد زاهدی در آن لحظه تاریخی به نگهداری ایران کرد( منظور ایشان رهبری نظامی کودتای 28 مرداد) فراموش کرد.»"[20].

اوسته گؤروندوگو کیمی گئنه ده بو ذات تمامیتچیلیک و فاشیست مئییللیلیک فیکیرلریندن ال چکمیش دئییلدیر. بیلیندیگی کیمی 1332 ایلینده حاکیمیت چئوریلیشی اوچون میلیونلار پول خرجله گن آمریکا بیرلشمیش شتاتلاری دا او زامانکی حاکیمیت چئوریلیشی نین بوگون یانلیش اولدوغونو قبول ائتمیش مقامدا یئر آلیر. یالنیز او زامان اللری قانا باتمیش قاتیللر اؤز ائتدیگی جنایتلرینی قبول ائتمیش دئییللر[21]. داریوش همایون "یک کشور یک ملت" مقوله سینده فئدرالیسم اوزره یازیر:

"... آيا همه اين تلاش‌ها برای آن است که "مليت"‌های ايران هر کدام هر جا را که ادعا دارند بردارند و ببرند و به هر که خواستند بدهند و بر سر تکه پاره‌های کشور به جان يکديگر بيفتند؟"[22].

اوسته گؤروندوگو کیمی حقوق برابرلیگی اورتایا آتیلدیقدا فارس راسیست و فاشیستلری وطنپرستلیک دونونا بورونمگه چالیشاراق "وای ایران رفت، ایران از دست خواهد رقت!!" شعارلارینی کئچمیش 80 ایلده اولدوغو کیمی چئینر توپور ائتمگه چالیشاجاقلار. دئمک، موختلیف دیل و مدنیتلر سؤز قونوسو اولدوقدا ایلک اولاراق بو عونصورلارین وار اولدوقلارینی و وارلیقلارینی یاشاتماق اوچون حاق تانیماق سؤز قونوسودور. بو میللیتلر سؤز حاققینا صاحیب اولدوقلاریندان و یاشادیقلاری یئره حاکیم اولدوقدان سونرا اونلار ایسته دیکلری کیمی اؤز گله جکلرینی بلیرله مه لیدیرلر. قادین ایله کیشی اینسان اولاراق بیربیرلری ایله آنلاشدیقلاری گونه دک یاشاماق ایسته دیکلری کیمی موختلیف دیل و مدنیت صاحابلاری دا بیر بیرلرینی آنلادیقلاری گونه دک ایسته دیکلری خالق ایله بیرلیکده یاشار، ایسته مه دیکلری گون ده خالق سس وئرمه یولو ایله آیریلماق قراری آلار دئیه دوشونمه لی ییک. بیر فاشیست اولاراق دئموکرات مئابلیغا قاپیلماقلا باشقا دیل و مدنیت صاحابلارینی آلداتماغین واقتی سونا چاتمیشدیر دئیه دوشونمه لی ییک. گئنه ده اوخویوروق:

" نظام فدرالی که اين سازمان‌ها برای ايران پيش‌بينی می‌کنند فراورده تحولاتی است که بيرون از ايران روی داده است. تا امريکائيان در شمال عراق حکومتی در استان‌های کرد نشين برپا نداشته بودند خود مختاری شعار حد اکثری بود که از مهم‌ترين سازمان‌های قومی شنيده می‌شد. اکنون خود مختاری با دگرگونی اوضاع و احوال به يک گردش قلم فدراليسم شده است تا فردا به گردش قلم ديگری استقلال شود. حق تعيين سرنوشت مگر جز اختيار جدائی معنی می‌دهد؟ گرفتاری اين سازمان‌ها آن است که چشمان خود را بيش از اندازه به تحولات بين‌المللی می‌دوزند و از سه مشکل اصلی طرح خود غافل می‌مانند.
   نخستين مشکل آن است که برای درآوردن ايران به يک نظام فدرال نخست می‌بايد ايران را پاره پاره کرد. ايران مانند عراق سر هم نشده است و سه هزاره‌ای پيشينه دارد. هيچ گروه قومی در ايران به زور يا به اراده وزارت مستعمرات به ايران نپيوسته است. و آنگاه مشکل خود اين سازمان‌های قومی با هم است در تعيين سرزمين‌هايشان و خط و نشان پاکشوئی قومی که از هم اکنون برای هم و برای ديگران می‌کشند.
   دومين مشکل آن است که هيچ دولت خارجی قدرت آن را ندارد که با ايران مانند عراق رفتار کند. محافلی که از دشمنی با جمهوری اسلامی در امريکا يا کشور‌های ديگر به اين سازمان‌های قومی دلگرمی می‌دهند نه خواهند توانست ده دوازده سالی چتر هوائی خود را بر سر آنها بگسترانند نه با لشکرکشی به ايران هر تکه ميهن ما را به گروهی واگذارند.
   سومين مشکل آن است که با همه تاکيد‌ها بر ستم ملی و فارس‌های چنين و چنان، ما يک ملت ايران داريم با پيشينه دراز دفاع از يکپارچگی و استقلال ملی و اين ملت ايران می‌خواهد همچنان بماند و اجازه نخواهد داد. "[23].

اوسته کی دوشونجه لره گؤز گزدیردیکده تمامیتچیلیک دوشونجه سی بو ذات عالیلرین گؤزلرینی یومموش گؤرونور. دئمک، حاق و ایراده صاحابی اولمایان توپلوملار نئجه آزاد اولابیلر دئیه هر کیمسه بو دوغرولتودا دوشونمه لی و بو یالانچلارین موختلیف تیکدیکلری دونلارینی اؤز باشلارینا آتمالیدیرلار. اوسته "ما یک ملت ایران داریم" ایفاده سینده بیلیندیگی کیمی بو میللت اوچون نظره آلینمیش "دیل و مدنیت"، فارس دیل و مدنیتیدیر. مسئله بئله اولدوقدا، نه اوچون یازی نین دا باشلیغیندان دا بللی اولدوغو کیمی "یک کشور یک ملت" دئیه "ایران مینهای فارس برابر است با صفر!!" دئمک ایستمیرلر؟ گؤروندوگو کیمی لازیم اولدوغو زامان موختلیف دیل و مدنیت صاحابلاری نین آدلارینی خالا خاطیرین قالماسین دئیه سیرلاماغا چالیشارار، سونرا ایسه آتلارینی مینه رک دؤرت نالا چاپدیرماغا و مظلوم میللیتلرین اوولادلاری نین گؤز یاشلارینا باخماق دا ایسته میزلر! داریوش همایون گئنه ده یازیر:

" ما حق دمکراتيک سازمان های قومی را به داشتن باور‌ها و آرزو‌های خود می‌شناسيم. ولی نمی‌توانيم آسيب‌های آينده و از هم اکنون را يادآور نشويم. ما می‌بينيم که سازمان‌های قومی از مبارزه ملی برکنارند. بدين معنی که به آنچه در مناطق قومی‌شان نمی‌گذرد اعتنای چندان ندارند و تنها هنگامی به مسائل عمومی‌تر می‌پردازند که پيشاپيش برنامه سياسی‌شان پذيرفته شود. همکاری آنها در مبارزه تا جائی است که به پيشبرد ايده فدراليسم کمک کند. اندک اندک در بيرون به ايرانيانی می‌توان برخورد که ديگر خود را ايرانی معرفی نمی‌کنند و نام گروه قومی خود را به زبان می‌آورند."[24].

اوسته گؤروندوگو کیمی گئنه ده فارس محورلیلیک اساسیندا "مرکزی حاکیمیت" اوغروندا مباریزه دئمک یئرینه "میللت" کلمه سی اوتوردولاراق موختلیف دیل و مدنیت صاحابلاری سازمان فداییان خلق(اکثریت) ده قلمه آلدیغی کیمی "قوم و اقوام" دئیه قلمه آلماغا چالیشیلیر. دئمک، میللیتلر مسئله سی آچیسیندان فارس ساغی و سولو دئیه اورتادا بیر فرق گؤرونمور. یالنیز بو تشکیلاتلاری اولوشدوران توخوش (عوضوو ترکیب) اونلاردا میللیتلر مسئله سی اوزره موختلیف یاناشمالارا یول آچمیشدیر دئیه دوشونمک اولار. گئنه ده اوخویوروق:

".. جمهوری اسلامی با سياست‌های تبعيض آميز و تاکتيک‌های جنايت کارانه به گرايش‌های تجزيه طلبی ياری می‌رساند و سازمان‌های قومی با تلاش خود به حذف کردن ملت ايران (تا نوبت کشور ايران هم برسد) يک خط دفاعی تازه و بسيار استوار برای رژيم فراهم می‌دارند."[25].

اوسته گؤروندوگو کیمی کئچمیشده فارس نئونازیستلری نین باشچیسی اولان داریوش همایون ایران ممالیکی محروسه سینده میللیتلر مسئله سی بیر یانا دورسون، باشقا تورلو دوشونن فارس اینسانلاری اوچون ده حاق تانیماق ایسته میرلر. اوندان یانا دا تاریخین چؤبلوک قابینا آتیلمیش فارس شاهلیغینی بیر داها موختلیف فیکیر و دوشونجه صاحابلارینا یوکلمگه (تحیمل ائتمگه) دوشونورلر.

قایناقلار: