فارس مدنیت نژادپرستلری نین قارقا و ککلیک یئریشی یئریمه لری می، یوخسا دوه و هشترخان تویوغونون دوه گؤرونمه حئکایه سی می؟

 

بیلیندیگی کیمی فارس نژادپرستلرینه اویونجاق اولموش و اؤزلرینی "وطن پرستان آذری" کیمی تقدیم ائتمگه چالیشان "فارس مدنیت راسیستلری(1) سیاسی دوشونجه و فیکیر یئریتمک یئرینه کئچمیش سلفلری کیمی دوشونجه باخیمیندان دا تئرور ایشلری ایله مشغولدورلار. بو تئرور ائتمکلر بیر چوخ زامان لومپنلیگه یول آچاراق آسوسیال گؤروشلر کیمی اورتایا قویولار. بو دا نژادپرستلرین ایچ اوزلری نین گؤرستگه سی ساییلمالیدیر. دئمک، بو ذات اقدسلر قارشی طرفین دوشونجه و فیکیرلرینه یاناشارکن بیر مدنی اینسان کیمی او دوشونجه و فیکیری اورتایا قویاراق اوزرینده فیکیر یئریتمک دئییل، "کوروش منه کور دئدی، فارس مدنیت راسیستی اولمایانی وور دئدی" حئکایه سینی سرگیله میش اولارلار. آشاغیدا بعضی پاساژلارینی نظردن کئچیره جه گیمیز یازی پان ایرانیست محفلینه باغلی اولان "فرمان آریا" آدلی سیته مسئولونا عاییددیر. زامان کئچمه دن بو ذات اقدسین یازیلارا مناسیبت بیلدیرمه سایاغی ایله تانیش اولاق، اوخویوروق:

"... ولی اکنون پدیده ی اینترنت این نعمت را برای همه _ دانا و نادان _ برآورده کرده است. .... رواج استفاده از اینترنت و  بلاگ نویسی باعث شده تا دشمنان ایران نیز بتوانند با استفاده از این کانال، از پدیده ی اینترنت بر علیه ما استفاده کنند و گویا سردمداران دست و دل باز امریکا و برخی دیگر از کشورها منابع مالی زیادی جهت سرمایه گذاری بر روی فعالیت های اینترنتی ضد ایرانی کنار گذاشته اند..."(2).

اوسته گؤروندوگو کیمی موللیف قارشی طرفین دوشونجه سی اوزره دوشونجه و فیکیر یئریتمک یئرینه قارشی طرفی توپلوم و ایجتماعیته "نادان"، اؤزونو "دانا"، باشقالاری ایران ممالیکی محروسه سینه "دوشمن"، اؤزونو "ایران پرست/ خاک پرست" قلمه آلار. اوسته لیک باغلی شراییطده یاشادیغی یوخسا شارلاتانلیغی اوچون اؤز دوشونجه و فیکیر موخالیفلرینی آمریکا یانچیسی کیمی تقدیم ائتمگه چالیشار. فارس مدنیت نژادپرستی گئنه ده یازیر:

".... در این بازار شلوغ افراد کم مایه و بیسواد، ولی تشنه شهرت یافت می شوند که با دانشی اندک، خود را ملزم به نوشتن و اظهار نظر در مورد همه چیز می دانند. کسانی که در صورت امکان حتی یک نشریه نیمه معتبر نیز حاضر به چاپ نوشته هایشان نیست در جهان اینترنت هر هفته چندین و چند نوشتار و مقاله در مورد مسائل حساس سیاسی عرضه میکنند !!! و دیدگاه خود را به مثابه وحی منزل پنداشته حاضر به شنیدن صدای کسی جز خود نمی شوند و البته این نیز از دو شوند می تواند داشته باشد : یا این دسته از افراد مامور سرویس های جاسوسی اند و معذور یا افرادی بیسواد و در نتیجه مغرور به اندک دانسته خویش. در میان برخی عناصر نامطلوب و معلوم الحال ِ قومی نیز برخی که چه عرص کنم بسیاری هستند که شاید در زندگی شان به هیچ وجه پیرامون مساله ای ویژه به پژوهش و بررسی نپرداخته اند و چشم بسته به تجزیه و تحلیل رویداد ها و نوشته های سایرین می پردازند "(2).

اوسته کی گؤروشلر اوزره یورومو اوخوجولارا بوراخیریق. بو سؤزلر اوزره دوشونجه و فیکر یورماق دا یاخشی اولماز دئیه دوشونوروک. فارس مدنیت راسیستی گئنه ده یازیر:

"... فردی است به نام ایشیق سونمز ! این جناب سونمز در جهان اینترنت برای خود پدیده ای است که همانند ندارد....از شما چه پنهان سال پیش گام در جای پای قهرمان زندگی اش چنگیز مغول گذاشت و با آتش زدن سمبولیک دیوان حافظ و سعدی و فرتور فردوسی و چند کتاب درسی و اندکی دفتر مشق عقده های روانی اش خالی کرد. هر موقع هر من به علت گرفتاری مطلبی روی وبلاگ نگذاشته باشم به پاکمهر بی نوا گیرد سه پیچ می دهد و فتوای مرگش را صادر میکند"(2).

اوسته کی پاساژدا فارس مدنیت راسیستلری نین قارین آغریلاری اوزه چیخماغا باشلامیش. دئمک پان ایرانیست محفلی نین آذربایجان میللی حرکتی نی اعتیبارسیز ائتمک چابالاری و کیتاب یاندیرما دئیه اوینادیقلاری سیناریو عکس اولاراق  پیمان پاکمهر واسیطه سی ایله تبریز نیوز آدینا ایلک اولاراق فارس پان ایرانیست، نژادپرست و فاشیست صحیفه لرینده یاییملاندی (3،3.1،....). پان ایرانیست محفیلی نین آذربایجان ایجتماعیتی نی اؤز میللی منلیگی و کیملیگینه اؤزگه یاشاتما چابالاری بیزیم طرفیمیزدن آچیقلیغا قاویشدیریلدی (4). ائله اوندان یانا دا بو مسئله نین اوزریندن آیلار کئچمه سینه باخمایاراق فارس مدنیت راسیستلری نین قارین آغریلاری گئنه ده توختامیش گؤرونمور. بردیانیوز آدلی سیته، فارس راسیست محفلی نین تریبونو،  تبریز نیوز مسئولو "پیمان پاکمر" طرفیندن نقل ائده رک یازمیش:

" تجزيه طلبان از به آتش كشيدن كتاب هاي شاهنامه فردوسي ، ‌ديوان حافظ ، سعدي ، متون ادب فارسي و نيز كوروش ، توسط اين گروه در مناطق آذري نشين ابراز شادماني كردند. اخيرا عكس هاي متعددي از به آتش كشيده شدن كتاب هاي شاهنامه فردوسي ، ‌ديوان حافظ ، سعدي ، متون ادب فارسي و نيز كوروش توسط تجزيه طلبان در سايت هاي اينترنتي منتشر شده است. در اين تصاوير آرم و امضا سايت هايي كه از ارگان تجزيه طلبان به شمار مي روند در پشت زمينه و زير هر عكس ديده شده كه ابتدا توسط اين گروه منتشر شده است. ... چنين اقدامي از سوي تجزيه طبان خشم شهروندان آذري زبان در شمال غرب ايران را برانگيخته است. .... تحليل گران بر اين باورند، دامن زدن به اختلافات قومي و حمايت هاي وسيع و همه جانبه مالي و رسانه اي از تجزيه طلبان در دستور كار برخي از سرويس هاي جاسوسي كشورهاي بيگانه قرار دارد. پيشتر يك عضو كميسيون امنيت ملي و سياست خارجه مجلس، گفته بود:دستگاه هاي امنيتي ايران در به بازي گرفتن جاسوسان حوزه قوميت ها (به عنوان جاسوسان دو جانبه) نسبت به تشكيلات جاسوسي بيگانگان دست بالايي دارند. كارشناسان و تحليل گران تاريخي بر اين باورند كه ،‌ تجربه هاي تاريخي نشان داده است كه شهروندان مناطق آذري نشين از جمله وطن پرست ترين شهروندان ايراني به شمار مي روند. منبع:تبریزنیوز"(3)

بو مطلبلر پیمان پاکمهر گؤندردیگی عکسلر ایله "خبرگزاری جوانان آزادیخواه ایران" سیته سینده ده یاییلماسینا باخمایاراق (5) سیته مسئولو منصور یادگاری اؤز ائتدیکلری یانلیشلیغی باشا دوشه رک "پیمان پاکمهر" ی بو مسئله یه سهواً قاپیلمیش دئیه اونو  بیر"سیاسی انتحار"ا ال وورموش دئیه بو مسئله نی یوروملاماغا چالیشدی (6). بونلارا باخمایاراق پیمان پاکمهر ذات عالی نین ده فارس مدنیت راسیستی اولدوغو آذربایجان ایجتماعیتینه آیدیندیر. دئمک، آذربایجان ایجتماعیتی علیهینه جنایت یاراتماغا زمینه یارادانلارین آچیقلیغا قاویشدیریلماسی، بو ذاتلارین گلجکده  مسئولیته جلب اولوناجاقلاریندان خبر وئریر. بو دا تورک دوشمنلیگی ایله ایچلری و ائشیکلری ایگلنمیش آذربایجانداکی فارس مدنیت نژادپرستلری و راسیستلرینی اولدوقجا دوشوندورمه لیدیر. اونلار بوگون حسین پبر مراد واسپوهر و هر هانکی دونا بورونه رک آذربایجان میللی فعاللاری و آذربایجان ایجتماعیتی علیهینه جنایت ایشلتمک اوچون ذهنی شراییط یاراتماغا چالیشانلار صباح اونلارا آلدانمیشلارین یاتمیش میللی ویجدانلاری آییلارسا، بو مسئله نین هانکی آشامادا سئیر ائتدیگینی و فارس مدنیت راسیستلری نین اصلیتلری، آد و کیملیکلری نین کیملر اولدوقلارینی آذربایجان ایجتماعیتی و آذربایجان عدالت دیوانینا تانیتمالی اولاجاقلار. حسین پیر مراد واسپوهر آدلی فارس مدنیت راسیستی گئنه ده یازیر:

"....اول از همه بگویم که این فرد بارها به اشو زرتشت توهین کرده و آنرا پیامبر دروغین فارس ها نامیده.در حالیکه افزون بر نویسندگان ایرانی همه مورخان جهان به وجود زرتشت و اوستا و ایرانی بودن وی اذعان دارند. پاره ای از مورخان نیز  محل زندگی ابتدایی وی را در آذربایجان و حوالی دریاچه ارومیه دانسته اند"(2).

اوسته گؤروندوگو کیمی موللیف گئنه ده معده گوجو فیکیر یئریتمگه چالیشار. "زردوشت" قیزیللی دوه صاحیبی یا دوه چی آنلامینا (معنی سینه) گلرمیش. دئمک، زردوشت شخصین اؤز آدی دئییل. کئچمیشده ماردارلیق، حیوانچیلیق ائدنلرین و چوبانلارین (حیوان اوتارانلارین) و دوه چیلرین مسلکی زردوشت آدیندا (زردوشت کلمه سینده) ترسیم اولونارمیش. اهورا مزدا دئیه پاداش اولاراق زردوشته اون مادیان آت و بیر سایدا آیقیر، اؤرنک اولاراق ائرکک آت و دوه " وعد ائدیلرمیش. کئچمیش موناسیبتلری نظره آلاراق بو پاداشلاردان بؤیوک ثروت بیریکرمیش (توپلانیرمیش) دئیه دوشونمه لی ییک. زردوشتون دوغوم شهری کیمی قبول ائدیلن بلخ شهری ده قدیم عیبادت مرکزی و دوه ساخلاماق، دوه پروریش وئرمک مرکزی دئیه تانینمیش ایمیش. زردوشت بلخدن اوزاق یئرلره آیاق باسدیقدا (تازا گئتدیکده) اورالاردا یئرلی اهالی توپلوم، ائل و قبیله دینلرینه ایطاعت ائتدیکلری اوچون اورادا آتچیلیق و مالدارلیق، مال قاراچیلیق (اینک و اؤکوز ساخلاماق ایله مشغول اولماق) مسلکی  یایقین ایمیش. زردوشت اؤز فیکیرلرینی بو یئرلرده یایماق اوچون مصلحت اوزوندن سیاسی باخیشلا دئییلرسه، رئوزییونیستلیک و تجدیدنظر طلبلیک ائده رک اؤز آیینی دئیه سایاق و رویشینی دگیشه رک اورالادا او توپلوما اویقون دانیشماغا و اؤزونه آیاق یئری آچماغا چالیشارمیش. زردوشتون آیین آچیسیندان رئوزییونیستلیک  ائتمه سی (7) پیغمبرلیک مقوله سینه ضیدیت اولوشدورار. بو توپلوملاردا اؤکوز یئر سورمک و چؤرک قازانماق اوچون اؤنملی و اهمیتلی اولدوغو اوچون زردوشت ایددعا ائتدیگی اؤز آیینی دئییل، مصلحت اوزوندن نظرینی دگیشه رک اؤکوز قوربانلیق ائتمه گه موخالیفت ائده ر، حاکیم شاه دئییلن ویشتاسب (8) و اونون خانواده سی ده  بیرلیکده  اؤزلرینی ایجتماعیته یاخشی گؤسترمک اوچون اؤکوزو قوربان کسمه گه قارشی چیخارمیشلار (باخ بئشینجی گاتها!). بو دا اونلارین (زردوشت و ویشتاسب عائیله سی نین) توپلومدان یانلیش فایدالانما (سوء ایستیفاده ائتمک) ایستکلرینه اساسلانمیش بیر گؤروش اولاراق دگرلندیریلمه لیدیر. کئچمیش متینلردن الدن اولان قناعته اساساً زردشته وئریلمیش بوتون ارکک دوه و ارکک آتلار و باشقا هدیه لر ویشتاسب شاهین ایخیتارینا قویولارمیش "(9). بو مسئله اؤزو ده اؤزونو پیامبر آدلاندیران بیر شخصه یاراشماز بیر مسئله دیر. ایکینجی سی زردوشته نیسبت وئریلمیش "اوستا" کتابی نین یازیلیش مسئله سیدیر. زردوشته نیسبت وئریلمیش گاتلار ایلک اولاراق آغیز (شفاهی) یولو ایله قورونموشلار دئیه ایددعا ائدیلمیش. بونلاری کیتاب بیچیمینده اورتایا قویماق میلادین 13 اونجو یوز ایلیندن باشلامیش. گاتهالارین یاشلارینی بلیرله مک اولدوقچا چتین ایشدیر. ریگ وئدا (10) متینلری ایله اویستا متینلری نین قوهوملوغونو (دینی مفکوره آچیسیندان) نظره آلارساق، 1000 مسیحیتدن اؤنجه و یا سونرالار اویستاداکی فیکیرلرین اورتایا چیخماسینا داییر فیکیر یئریتمک مومکوندور. بو مسئله زردوشتون نه زامان یاشاماسینا داییر ده فیکیر یارادا بیلر دئیه دوشونمه لی ییک(vgl. Josef Wiesenhöfer, a.a.O., S. 142). دئییلن افسانه لره گؤره زردوشتون مقدس کیتابی شاه ویشتاسپ ذات عالیه تسلیم ائدیلمیش. اهورا مزدا 21 نسکس (قعطه کیتاب) تألیف ائتمیش. عربلرین گله نکلرینه اساساً الیازیلاری نین دؤرتدن اوچونون (سه چهارمی) ایتمه سی و یوخ اولماسینا باخمایاراق 12000 اؤکوز دریسی زردوشته نیسبت وئریلمیش مطلبلری یازماق اوچون ایستیفاده اولونموش (زردوشت اؤکوزلرین اؤلدورولمه سینی دینی باخیمدان یاساق ائتدیگینه باخمایاراق بو مسئله نین حیاتا کئچمه سی ایددعا اولونار). میلادین 13 اونجو یوز ایلینده یازیلمیش "اویستا" کتابینداکی حئکایه و روایتلر  اوزره فرانسه اوریئنتالیستلری، A.H. Anquetil-Dupperon باشچیلیغی ایله آوروپادا چالیشمالار آپارمیشلار (9).

اوسته گؤروندوگو کیمی زردوشته نیسبت وئریلمیش مطلبلرین دؤرتدن بیری نین یازیلماسی اوچون 12000 اؤکوز دریسیندن ایستیفاده ائدیلدیگی ایددعا اولونموش. بو دا زردوشتون تجدیدنظرلیک اساسیندا وئردیگی تعلیملره (اؤکوز اؤلدورمک و قوربان کسمگین یاساق اولما تعلیملرینه) ترس دوشن بیر مسئله دیر. آنجاق بوگون هیندوستاندا اینک و اؤکوزلرین مقدس ساییلدیغی دا بیلینن بیر گؤرونومدور (فئنومئندیر). دئمک، زرتشته نیسبت وئریلمیش مطلبلر اؤزلرینی مؤبد آدلاندیردیقلاری ذات عالیلر طرفیندن ایجتماعیتی تحمیق ائتمک اوچون ایفاده اولونموش دئیه دوشونمه لی ییک. بو مسئله نی ائشیدرکن بعضی فارس مدنیت راسیستلری کؤپمک دئییل، داها آرتیق فیکیرلشمه لی و اؤزگه لر خیدمتینه دئییل، آذربایجانلی و تورک ائتنوسوندان اولدوقلاری دورومدا اؤز خالقلاری نین خیدمتینه گئری دؤنمه لیدیرلر. فارس، یوخسا باشقا ائتنوسلاردان اولموش، آنجاق بیر موددت آذربایجاندا قالدیقلاریندان یانا تورکچه نی اؤیرنمیشسه لر ده گئنه آذربایجاندان غیدالاندیقلارینی خاطیرلایاراق نان کور اولماق یاخشی اولماز دئیه دوشونمه لیدیرلر. زرتشتون دوغوم یئرینه گلدیکده، یئری گلمیشکن متینی اولدوغو کیمی آلمان دیلینده یازیلمیش کتابدان اوخوجولارین حضورونا تقدیم ائتمکله فارس مدنیت نژادپرستلری نین زردوشتی آذربایجانا نیسبت وئرمه لری نین ایستعمار ماهیتلی بیر مسئله اولدوغونو آچیقلیغا قاویشدیرار دئیه دوشونوروک:

" ZARATHUSTRA (eigentlicher Familienname: Spitama) griech. Zoroaster, * um ca. 1000 v. Chr. südlich vom Aralsee, + wahrscheinlich in dem Gebiet von Baktrien/Turkmenistan; nach älteren Forschungsberichten mit Hinweis auf antike Schriftsteller wie Herodot, Xenophon, Plinius, Plutarch, * 630 in der Gegend von Balch, + 553 im Gebiet von Baktrien."(9).

متینین ترجومه سی:

"زردوشت (حقیقی خانوادگی آدی: سپیتاما)، یونانجا زوروآستئر، تقریباً میلاددان مین ایل اؤنجه آرال دنیزی نین گونئیینده، + احتمالاً باکتئر (مرو/ عشق آباد) بؤلگه سینده، اسکی و آنتیک زامانا دایالی یازیچیلارین نظرینه گؤره، اؤرنک اولاراق هئرودوت، خئنوپهون، پلینیوس، پلوتارش و ساییره نین نظرلرینه گؤره میلاددان 630 ایل اؤنجه بلخ بؤلگه سینده، + 553 ایل میلاددان اؤنجه باکتئر (مرو/ عشق آباد) بؤلگه سینده دونیایا گؤز آچمیش".

فارس مدنیت راسیستی نین یازیسینی گئنه ده نظردن کئچیرمگه داوام ائدیریک، اوخویوروق:

"...از کرامت دیگر این ذات عالی یکی دیگر این است که به تازگی کشف نموده اند میترا ( میثره/مهر) نیز از مادر-خدایان ترک بوده و در آناتولی ( دقت کنید که حتی عبارت آناتولی واژه ای یونانی است) زندگی میکرده ...."(2)

اوسته گؤروندوگو کیمی مؤللیف حتی ایشلتدیگی قلم علیهینه بیله خیانت ائتمگه چالیشار. بیلیندیگی کیمی قلمی جینایته بولاشدیرانلار جینایت ائدنلر ایله عئین گوناه داشییارلار. بیری دیلی ایله بویوروق وئرر، او بیریسی یازماقلا حؤکم صادیر اولار، اوچونجو بیریسی او حؤکمو عمله کئچیرر. بئله لیکله هر اوچ شخصین الی جینایته بولاشمیش اولار. ایندیسه یئری گلمیشکن بیر دها من یازدیغیم عیبارتی اوخوجولارین خیدمتینه چاتدیرماقلا کیمین جینایت پیشه اولدوغو اورتایا چیخمیش اولسون:

"فارس نئوفاشیستلری آلمان نازیستلری نین فاشیستلیک سیمگه سی ساییلان قامالی خاچ (صلیب شکسته) سیمگه سینه تمیزلیک سویو تؤکمکلری ایله اؤز فاشیستلیک سیمگه لرینی ده تمیزلیگه چیخارماغا چالیشارلار. اونلار بو مسئله نی کئچمیش زامانداکی هیند- فارس اسطوره سی ساییلان میترا مقوله سی ایله علاقه لندیرمگه Bild:Mithras-Kultrelief.JPGچالیشارلار. بیلیندیگی کیمی میترائیسم ایلک اولاراق آنادولودا، سونرالار روم ایمپراتورلوغوندا یاییلمیش بیر اینانج اولموش. بو اینانجا اساساً گونش شخص بیچیمینده اورتایا قویولاراق اونا سایقی ایله یاناشیلمیش. 20 اینجی عصرین باشلانقیجیندا غرب عالیملری روملارین گونش اللهی کیمی قبول اولونان میترانی، هیند - فارس اسطوره سینه باغلی بیلدیکلرینه باخمایاراق بو فیغورون هیند- فارس اسطوره سی ایله باغلی اولدوغو هله له ده آیدینلیغا قاویشمامیشدیر. بو دئدیکلریمیزی اسکی آنادولوداکی ایجتماعیت و روم ایمپراتورلوغونداکی اینسانلارین تاپیندیقلاری دینی اینانجلاری، هیند – فارس اسطوره سینه نیسبت وئریلمیش اینانجلار ایله هئچ بیر ایلگی و علاقه سی اولمادیغی نی ثبوت ائتمکده دیر. بونلارا باخمایاراق فارس باستانگرایلاری بو مقوله نی زردوشتچولوگه دویونلمگه چالیشارلار. زردوشت دینی نین اؤزونون ده بوگون قوشقو (شک) آلتیندا اولدوغونو نظره آلارساق، فارس باستانگرایلاری و نئوفاشیستلری نین سامان چؤپوندن داغ دوزتمه حئکایه لری اورتایا چیخمیش اولار(3)."(11).

اوسته گؤروندوگو کیمی تورک ائتنوسو دئیه بیر دئییم منیم یازیمدا ایشلنمه میشدیر. یالنیز تورکچه نین یازیلیشینا اساساً ایکی سسلی حرفلر آراسیندا بعضی سسسیز حرفلرین برک ایفاده اولدوغو و سس اویومو تورک دیلینده قوروندوغو اوچون عرب قرافیکاسی ایله یازیلمیش "آناطولی" کلمه سی "آنادولو" و فارسچادا "آناتولی" قرافیکچه عربچه دن آلینمیش "آناطولی" کلمه سینه دایالی یازیلارلار. گؤروندوگو کیمی موأللیف دئمگه سؤزو اولمادیغی اوچون باشقا دوشونجه و فیکیر صاحابلارینا دا چامور آتماغا چالیشدیغی کیمی ساییر باییر ائتمگه چالیشار. جغرافییا بیلیمینده کیچیک آسیا (آسیای صغیر) دئییلن کلمه آلمانجا «Kleinasien، لاتینجه Asia minor و یونانجا Μικρά Ασία (کیچیک آسیا) آدلانار. بئله لیکله آناطولی، آناتولی، و آنادولو کلمه لری یونان دیلیندن آلینمیش بیر سؤزجوک و کلمه دئییل، کیچیک آسیادا کئچمیشده یاشامیش و زامانلا یوخلوغا اوغرامیش بیر ائتنوس طرفیندن بو بؤلگه یه وئریلمیش بیر آد کیمی قبول ائدیلمه لی و دوزده یئریمگه باشارمادیقدا یاماجدا نزاکتدن اوزاق داورانمادان چکینمکده فایدا وار مسئله سینی مؤللیفه خاطیرلاتمالی ییق. فارس مدنیت راسیستی گئنه ده یازیر:

"... ایشان در تازه ترین اختراع خود در مقاله ای اعلام نموده اند واژه ی پان به معنی سرور و آقا است و در نتیجه پان ایرانیسم نیز به معنی آقایی ایرانی هاست در ادامه فرموده اند که به این علت من واژه ی پان را در معنی پیوند و باهمی و یکپارچی نوشته ام که به خیال ایشان ملیت های غیر فارس ایران فریب دهم و چه و چه ... : Pan سؤزجوگو (کلمه سی) لهیستانلی بیر کلمه اولاراق موغولجا “آقا” آنلامینا گلر. “آقا” کلمه سی فارس نژادپرستلری و فارس مدنیت راسیستلری نین خوشلارینا گلمه دیگی اوچون بو کلمه نین یئرینه اونلار “سرور” و “سرکار” کلمه لرینی ده ایشلتمگه چالیشارلار (بو کلمه لرین سؤز دوزلیشی اولاراق اوزرینده داها آرتیق دانیشماق اولار). دئمک، پان ایرانیست دئدیکده “ایرانلیلارین آغالیغی“نی ایسته گن شخص و تشکیلات نظرده توتولار. این فرد بیسواد هرگز در طول زندگی به خود زحمت نداده و نمی دهد تا با تهیه یک دانش نامه سیاسی بسیار پیش پا افتاده به مدخل پان سری بزند و مشاهده کند که پیشوند پان به چه معناست و مدعی می شود که پان واژه ای است لهستانی که در زبان اجداد بی شرمش به معنی آقا آمده... ظاهرا این دوست ما همه چیز را با محک مغولی آزمایش می کند و پیش از هر چیز علاقه دارد بداند در مغولستان مثلا به ماست یا گاو یا سنگ یا ایشیق و... چه می گویند !!!"(2).

اوسته گؤروندوگو کیمی فارس مدنیت راسیستی گئنه ده سویون درینلیگینی بیلمه دن اؤزونو بعضی فارس مفلوکلاری کیمی سویا وورماغا چالیشار. بیلیندیگی کیمی فارس فرهنگیستانیندا دا معده گوجو سؤز دوزتمه لره تانیغ اولماق او قدر ده چتین دئییل. "پان" مقوله سی نین هانکی بویوت و اؤلچولرده عمل ائتدیگی نی باشا دوشمک اوچون ایلک اولاراق "پان" مقوله سی نین هارادا و نه زامان اورتایا قویولدوغونو اؤیرنمک لازیم. بئله لیکله پان کلمه سی نین کؤکو هارالاردا اولابیلر دئیه موختلیف دیللرده اولان سؤزلوکلری قاریشدیراراق بو مسئله یه آیدینلیک گتیرمک لازیم. بونون ترسینه محمود افشار یزدیلر طرفیندن ایستعمار ماهیتلی آشیلانمیش تحریفلری "پان" دئیه ایران ممالیکی محروسه سی، تاجیکستان، ترکمنیستان، افغانیستان، آذربایجان جمهوریتی، ائرمنیستان، گورجوستان، تورکیه نین شرق بؤلومو و عراغین قوزئییی  و ساییره ده کی تورپاق و مملکت صاحابلارینا سیریماغا دوشونمک و بو مملکتلری "ایران (فارسیستان)" آدلاندیرماغا چالیشماق و اؤزلرینی "پان ایرانیست" قلمه آلماق یالنیز مالیخولیای خسته لیگینه توتولموشلارین گؤروشو اولابیلر.

پان کلمه سی نین سیاسیلشمه سی:

بیلیندیگی کیمی "پان" مسئله سی نین کؤکو ایلک اولاراق "پانگئرمانیست (آلمانلارین بیرلیگی و آغالیغی) مسئله سی" ایله باشلار. بو مسئله پان ایرانیستلر دوشوندوکلری کیمی معده گوجو اورتایا قویولمامیش. اون دوققوزونجو عصرین اووللرینده ناپلئون ساواشلاری نین نتیجه سی اولاراق بو مسئله بیر سیاسی دئییم اولاراق اورتایا قویولموش. فرانسه اینقلابی باش وئردیکدن سونرا آوروپادا بؤیوک گوجلرین بیربیرلرینه هئگمون و آغالیق اعمال ائتمک چابالاری، یئنی حرکتین باشلانماسینا شراییط یاراتمیش.  بئله لیکله "پان" مسئله سی میللیتچیلیک، میللی آغالیق دونوندا اورتایا قویولموش. زامان گئدیشی ایله اون دوققوزونجو عصیرده آوروپاداکی حاکیم داییره لر میللیتچیلیگی بیر هدف دئیه نظره آلمیشلار. بو دؤنمده مرکز و شرق آوروپادا بیر چوخ ائتنیک قوروپلار موختلیف بؤلگه و مملکتلرده بیربیرلریندن آیری یاشاماقدایمیشلار. مذهبی روما ایمپئراتورلوغو آلمان ائتنوسونو موختلیف مملکتلره داغیتدیغی اوچون آلمانلار اون بئشینجی عصیردن بری بیربیرلریندن آیری یاشامیشدیلار. بونلاری بیر آرایا گتیرمک اوچون آلمان ائتنوسو موختلیف مملکتلرین حاکیمیتی آلتیندا دئییل، میللی آغالیغینی الده ائتمک دوشونجه سی اورتایا قویولموش. بئله لیکله پان گئرمانیسم بیر سیاسی دئییم اولاراق اورتایا آتیلمیش. اون دوققوزونجو عصرین اورتالاریندا بو مسئله یه پیرؤیسلار Preußen و اؤتریش Österreich دؤلتی موثبت یاناشماغا باشلایاراق بیر آلمان میللی دؤولتی یاراتماغا یؤنلمیشلر. آلمان هابسبورق Habsburg  بگلیگی حکومت ائتدیگی اؤتریش امپئراتورلوغو چوخ ائتنوسلو بیر مملکت ایمیش. اونون (اؤتریش ایمپراتورلوغونون) اینسانلاری و خالقلاری دا اؤز میللی کیملیک و منلیکلرینه دوشونه رک قونشولوقلارینداکی قارداش توپلوملار ایله بیرلشمک و اؤز میللی آغالیق و اراده لرینی الده ائتمک و میللی دؤلتلرینی قورماق آرزوسوندا اولموشلار. بو گلیشمه نین یانی سیرا اوتو بیسمارک باشلیغیندا قوزئی آلمانیانین بگلیکلری بؤلگه ده گوج اولماق و میللی آغالیق و وارلیقلارینی قوروماق اوچون بیرلشمه لی اولموشلار. اوتو بیسمارک قورموش آلمان دؤلتی 1871 ایلیندن آلمان ایمپراتورلوغو آدلاناراق بیرینجی ویلهئلم قئیسر عنوانی ایله تخته اوتورموش.  بونلارا باخمایاراق بیر چوخ آلمان ائتنیگینه منسوب اولانلار آلمان ایمپراتورلوغوندان قیراقدا یاشامالی اولموشلار. اؤتریش- مجار ایمپئراتورلوغوندا اولان آلمانلار چوخ ائتنیکلی مملکتده قالماق ایسته مگه یه رک اؤز میللی دؤلت و آغالیقلارینی قوروماق و یاشاماق ایسته دیکلری اوچون آلمان ایمپئراتولوغونو آنا وطن سایاراق اونلا بیرلشمک ایسته میشلر. بو مسئله اؤتریش- مجار ایمپئراتورلوغوندا موخالیف و موافیقلر آراسیندا قارشی دورماغا یول آچمیش. بونلارا باخمایاراق پان گئرمانیسم گؤروشو آلمان توپلوملاری ایچره دولاشماغا داوام ائتمیش. ایکینجی دونیا ساواشیندا آلمان نازیستلری نین یئنیلمه سی پانگئرمانیسم آخینینا سون قویاراق اؤتریشده کی آلمانلار اؤز آغالیق و کیملیکلرینی آلمان میللی حکومتی آدی آلتیندا دئییل، اؤتریش آغالیغی، میللی حکومتی و سرحدلرینده قوروماغا چالیشمیشلار. بوگون ده اؤتریش جمهوریتینده اینسانلارین میللی بیلینجی برکیییب یئرینه اوتوراراق اونلار اؤزلرینی آلمان اؤتریشلیسی بیله گؤرمک ده ایسته مزلر. بو مسئله یه یول آچان آلمان نازیست حاکیمیتی نین آوروپادا تؤرتدیگی فاشیستلیک داورانیشلاری اولموش. آلمان فاشیست حاکیمیتی نین تؤرتدیگی جینایتلر و اوغرادیغی یئنیلگه (شیکست) لر بوگونکو آلمانیا، اؤتریش و ایسویچده کی آلمان توپلوملارینا فاشیستلیک ایله آغالیق اولماز مسئله سینی اؤیرتمیش. بو مسئله یالنیز بیر ایفاده دئییل، اؤتریشده FPÖ پارتیسی باشدا Heyder اولماقلا ایش اوسته گلدیکدن سونرا آلمان سوسیال دئموکراتلار حاکیمیتی اؤتریش دؤلتینی آوروپادا ایزوله ائتمگه چالیشمیش. بوگون ایسویچلی Schweizer، لوقزامبورقلیLuxemburger ، لیشتئنشیتانلی Liechtensteiner، گونئی تیروللو Südtiroler ، شرق بئلژیکلی Ostbelgier و ساییره اؤزلرینی آلمان دیللی خالقلار اولاراق تانیدارلار.

پانگئرمانیسم اورتایا قویولدوقدان سونرا پان ایسلاویسم (ایسلاولار حرکتی) مسئله سی گئنه ده اون دوققوزونجو عصیرین اووللرینده اورتایا چیخمیش. پان ایسلاویسم مقوله سینی پان ترکیسم، پان ایسلامیسم، پان عربیسم، پان آمریکانیسم و ساییره لر ایزله یه رک آمریکا ساققیزی کیمی بو دئییملری آغیزلاریندا گونوموزه دک چئینمیشلر. اونلارین سونونجوسو و مفلیسی "پان ایرانیسمفارس راسیسمی و فارس مدنیت راسیسمی اولموش.

دئمک، "پان" مقوله سی سیاسی گؤروش اولاراق بیرینجی دفعه آلمان توپلوملاریندا اورتایا قویولموش. آلمانیا (غربی آلمانیا و شرقی آلمانیا) و اؤتریش دیل قوروملاری نین اورتاقلیغی و ایش بیرلیکلری اساسیندا یازیلمیش سؤزلوکلره اساساً گؤرک "پان" کلمه سی سیاسیلشمزسه، هانکی آنلام داشییار و هانکی دیلدن آلینمیش بیر سؤزجوک و کلمه دیر، اوخویوروق:

"Pan: Herr [polnisch]"(12)

ترجومه:

پان: آقا ]لهیستانی کلمه دیر[.

"آقا" کلمه سی نین مغولجا اولماسینا گلدیکده تورک و مغول دیللری اوزره صاحیب نظر اولموش، ایرانشناسلیق و ایسلام شناسلیق ساحه لرینده ده تحصیل آلمیش و "موغوللارین گیزلی تاریخی" اوزره دوکتورا تئزینی یازان Gerhard Dörfer آدلی آلمان عالیمی نین دؤرد جیلیدلیک یازمیش -فارسچادا اولان تورکچه و موغولچا سؤزکوک- کتابلاری نین بیرینجی جیلیدی بو مسئله ده فارس مدنیت راسیستلری نین کؤپونو آلابیلر دئیه دوشونمه لی ییک (13).

بیر سیرا پان ایرانیستلر، فارس نژادپرستلری و فارس مدنیت راسیستلری "پان" کلمه سی نین یونانجا اولدوغونو دا ایددعا ائدرلر. آنجاق هر دیلده هر هانسی بیر کلمه نین اولما احتیمالی او کلمه نین او دیلدن اولماغینا دلالت ائتمز. کلمه لر داشیدیقلاری آنلام و معنیلر اساسیندا هر هانسی بیر دیلده اولدوقلارینا باخماراق اؤنم و اهیمیت قازانارلار. اوسته لیک بیر چوخ دیللردن قوناق گلمیش کلمه لر ده گلدیکلری یئرده آنلام دگیشیمینه اوغرادیقلاری اوچون او دیلین اؤز ثیروتی ساییلارلار. ایندیسه "پان" کلمه سی گؤرک یونانجا نه اولابیلر؟

پان: یونان متولوژیسینه اساساً "پان" (یونانجا Παν، یییه لیک حالیندا Πανος) "چوبانلار آللاهی" نین آدی اولموش. اینسانلارین اینانجینا گؤره پان دئییلن قاریشیق، - بدنی نین یاریدان یوخاریسی آدام و بدنی نین یاریدان آشاغیسی تکه و ائرکک کئچی دئیه،-  بیر موجود اولموش.

پان متولوژی سی نین یوناندا یارانیشی اوزره موختلیف دوشونجه و فیکیرلر وار:

بعضی گؤروشلره گؤره "پان" هئرمئس Hermes(14) و آیشئن نومپئه Eichennymphe (15) آدلی یونان آللاهلاری نین اوغلانلاری نین آدی اولموش. پانین آناسی اونو دوغدوقدان سونرا اونون آیاقلاری، بوینوزلاری و ساققالی کئچی نین کیلره بنزه دیگینی گؤردوکده قورخاراق اونو اؤزوندن اوزاقلاتمیش. هئرمئس اونو اولومپ Olymp (16) یا آپارمیش. باشقا بیر اینانجا گؤره دئس چؤیس (17) و کاللیستو (18) و یوخسا دئس چؤیس (19) و نومپه هیبریس  NympheHybris آدلی آللاهلارین اوغوللاری نین آدی "پان" اولموش. گؤروندوگو کیمی "پان" کلمه سی یونانجادا افسانه اولان بیر شخصه وئریلمیش آد ساییلار. یئری گلمیشکن بیر داها فارس مدنیت راسیستی یوروملاماغا چالیشدیغی "پان" کلمه سینی نظردن کئچیرک، اوخورویوق:

""...  پیشوند پان در دانش سیاسی در چم و معنای پیوند و باهمی و یکپارچی آمده است .تمامی جنبش های اصیل پان پیوند دهنده و سازنده و جنبش های استعمار ساخته ی پان ویرانگر و جنگ افروز می باشند.کلمه ی فارس یا پارس گرفته شده از پارسا می تواند در دانش تاریخ معانی ی زیادی داشته باشد، از جمله نام کهن کشور ایران در زبان های دیگر و در نزد بیگانگان که همواره  تا سال 1934از ایران با نام پارس/فارس/پرشیا و... نام برده اند"(20).

اوسته پان مقوله سی نین تاریخینی نظردن کئچیردیکدن و هانکی آنلام داشیدیغینی بیلدیکدن سونرا فارس تمامیتچیلری و ایستعمارچیلاری طرفیندن یوغورتلاری دادلیدیر دئیه فارس ایستعمارچیلیغینا یئنی دون گئیدیرمه لرینی باشا دوشمک او قدر ده چتین اولماز دئیه دوشونمه لی ییک. بئله لیکله آشاغیداکی سورقولار سرگیلنمیش اولارلار:

-          نژادپرستلیک، تمامیتچیلیک و فارس ایستعمارچیلیغینا اساسلانمیش فارسچیلیق مفکوره سی نئجه اصیل ساییلابیلر؟

- قان و مدنیت راسیستلری هانکی دیل و مدنیتلرین آزاد یاشاماسینی ایران ممالیکی محروسه سینده تحمل ائده بیلرلر؟

-          مرحله دن پرت، پرس و پارس و فارس اولموشوق دئیه اینسانیت کاروانی نین جیلوونو بو قان و مدنیت راسیستلرینه بوراخماق اینسانلیق مقوله سینه اویقون گؤرونرمی؟

فارس مدنیت راسیستی گئنه ده یازیر:

" به نظر می آید لازم نباشد یکبار دیگر باید به این عناصر یادآور شویم که هر چند ما آذری هستسم ولی:

نام زبان دیرین ما دری ست                         فارسی ما را زبان مادریست"(2).

اوسته کی عیبارتدن بللی اولدوغو کیمی فارس مدنیت راسیسمی و راسیستی دئیه ایجتماعیته تانیتماغا چالیشدیغیمیز دئییم (اصلاح) اؤزونو بو ذات عالی نین فیکیر و عمللرینده دوغروتماقدادیر. میللی بیلینجدن یوخسول اولانلار، اؤز دیل و مدنیتلرینه صاحیب چیخما بیلینجینه صاحیب اولمایانلار، حاکیم دیل و مدنیت قارشیسیندا بوز کیمیی سویا دؤنه رک اؤز میللی منلیگی و کیملیگینی اودوزان موجودلار دیلده اؤزلری نین"آذری/ آغزی اَیری" اولدوقلارینی ایفاده ائتسه لر ده، عملده میللی منلیک و کیملیک باخیمیندان فارس راسیستلیگی نی منیمسه یه رک فارس ایستعمار دیلینی اؤزلری اوچون "زبان مادری" دئیه قلمه آلارلار. یئری گلمیشکن مدنیت راسیسمی نی بیر داها آچیقلامالی ییق:

 مدنیت راسیسمی نه دیر؟- بعضیلری فیزیولوژی گؤرونوملردن باشقا (علاوه) مدنی باخیمدان دا اؤزلرینی باشقالاریندان فرقلندیرمگه و بعضیلرینه بنزتمگه چالیشارلار. زامان گئدیشی ایله هر هانسی بیر مدنیت،  او مدنیته آرتیق ذهنیتلرینی یورانلارین داورانیشلارینی شکیللندیره رک اونلاری نژادپرست قالیبینده اورتایا چیخارار. بئله لیکله، گؤز قاماشدیریجی (خیره ائدیجی) و دورقون (ساکت) مدنیت آنلاییشی ایله بیربیرلرینه بنزر سانیلان (احساس ائدیلن) مدنیتلر هر هانکی حاکیم مدنیتین ترکیب حیصصه سی کیمی گؤسته ریلمگه باشلار. اؤرنک اولاراق مین ایل ایران ممالیکی محروسه سینده یان یانا یاشامیش و بیربیرلری ایله مدنیت آلیش وئریشینده اولموش تورک و فارس میللتلرینی فارس مدنیت نژادپرستلری بیر میللت کیمی تقدیم ائتمگه چالیشارلار. بونلار هر میللتین مدنیتی نین اینجه لیک و چالارلارینی درک ائتمه یه رک یالنیز یئمکلرین بیربیرلرینه بنزه مه سی، اینسانلارین بیربیرلرینه بنزر گئییم گئیمه لری و هانسی شاعیرین فارسچا یازیب یاراتماسینی اؤزلرینه الک ائده رک بو گؤرونوملری (فئنومئنلری) میللی مقوله کیمی گؤسترمه گه چالیشارلار (داها آرتیق بیلگی و معلومات اوچون باخ: 1)

 

 

قایناقلار:

 

1        فارس مدنیت راسیستلری اوزره بو یازی اوخونمالیدیر: ایشیق سؤنمز، فارس نژادپرستلری و فارس مدنیت نژادپرستلری نین نالا و میخا دؤگمه حئکایه لری!:

http://www.farmane-ariya.blogfa.com/post-241.aspx

2        پان ایرانیست، فرمان آریا، پیش بسوی مرزهای سفاهت و نادانی:

http://www.farmane-ariya.blogfa.com/post-242.aspx

3        پان ایرانیست، شادماني تجزيه طلبان از به آتش كشيدن شاهنامه فردوسي، ‌ديوان حافظ ، ديوان سعدي و كوروش: http://www.bardianews.com/archives/1385/10/post_166.php

3.1     پان ایرانیست، کتاب سوزان تجزیه طلبان در آذربایجان:

http://mizanews.com/default.asp?exp=archive&nid=690

4        ایشیق سؤنمز، فارس راسیستلیگینه یالتاقلیق ائدنلر می، یوخسا اؤلولرینی قبیردن قبیره سوخانلار می؟:

http://www.azadtabriz.com/news/?p=1490

5        خبرگزاری جوانان آزادیخواه ایران، عکسهایی از آتش زدن کتابهای فردوسی و...

http://www.ijna-ir.com/tazeha/news_2473.htm

6        خبرگزاری جوانان آزادیخواه ایران: http://www.ijna-ir.com/

7        اسکی زامانلاردان باشلایاراق اؤکوز آزیغا (توشه)، گئییم و یئر شوملاماق و اکینچیلیک ایشلرینده اینسانلارین ایشینه گلرمیش. حئیوانلار اؤزل اولاراق (مخصوصاً) اؤکوزلرین اینسانلارلا دونیالاری بیربیرلرینه باغلی اولدوغو اوچون اؤکوز بیر چوخ مذهبلرده مقدس ساییلارمیش. بیلیندیگی کیمی کئچمیش گله نکلردن یولا چیخاراق بوگون ده هیندوستاندا اینگی قوروماق اولدوقجا اؤنملیدیر. هیندیلرین بیر چوخونا گؤره اینک مقدس ساییلار. اینگی مقدس تانیمایان، آنجاق اؤنملی سیمبول کیمی قلمه آلان هیندیلر ده اینگی عزیز توتاراق اونون اؤلدورولمه سینی ویجدان باخیمیندان اؤزلرینه سیغدیرابیلمزلر. گله نکلی (سنت و ترادیسیون باغلی) هیندیلره گؤره اینگی اؤلدورمک باغیشلانماز جینایت ساییلاراق اونون اتی بیله یئییلمز. ایسلام غازیلری هیندوستانا سالدیرارکن (هوجوم ائدرکن)، اینکلری قوشونلاری نین قاباغینا سالاراق هیندیلاری اونلارا قارشی سالدیرماغا مانع اولارمیشلار.

8        ویشتاسب بورادا پارسلارین شاهی کیمی تانینان داریوشون آتاسی نظرده توتولمور.

9        Biographisch-Biographisches Kirchenlexikon, Band XIV, 1998;Verlag Traugott Bautz Spalten 344-355

10      ریگ وئدا: وئدا- مدداحلیق قوشما و سرودلاری (هیند مذهبلرینده).

11      ایشیق سؤنمز، فارس نئوفاشیستلری نین راسیستلیک گؤروشلری اوزره باخیش:

http://www.azadtribun.net/x18451.htm

12      Wahrig Deutsches Wörterbuch, München, 1986, Seite: 966

13      Gerhard Dörfer, Türkische und mongolische Elemente im Neupersischen. Bad 1-4. Wiesbaden 1967.

14      یونان متولوژیسینده اولان آللاهلارین بیری نین آدیدیر.

15      یونان متولوژیسینده اولان قادین آللاهلاردان بیری نین آدیدیر.

16      یونان متولوژیسینه گؤره آللاهلار اولان یئرین آدیدیر.

17      دئس چؤیس des Zeus یونان متولوژیسینده اولان آللاهلارین بیری نین آدیدیر.

18      کاللیستو Kallisto یونان متولوژیسینده اولان آللاهلارین بیری نین آدیدیر.

19      نومپه هیبریسHybris  Nymphe  یونان متولوژیسینده اولان آللاهلارین بیری نین آدیدیر.

20      پان ایرانیست، فرمان آریا، پان فارسیست.پان فارسیسم.کلید .واژه های گفتمان تجزیه طلبی.پان ترکیسم:

http://www.farmane-ariya.blogfa.com/post-223.aspx

 

راسيستليک

 

ایشیق سؤنمز، 18.10.2007