شوونیستلیک و راسیستلیک فرهنگی ایله بؤیوموشلر

بیلیندیگی کیمی ایسلام جومهوریسی آدینا تهراندا حاکیم اولان نیظام و اینتیظامین "ایران" آدلی بیر گونده لیک (روزنامه) اورگانی وار (1). باشقا فارس شوونیست اورگانلاری کیمی بو گونده لیک ده ایران ممالیکی محروسه سینی فارسچا تقدیم ائتمه نین یانی سیرا فارس اولمایان دیل و مدنیتلری و اونلارین صاحابلارینی حق ایسته دیکلری دورومدا کیچیمسه مگه (تحقیر ائتمه گه) و الیندن گلدیگی قدر اونلارا توهین ائتمگه چالیشیر. بو گونده لیگین "جمعه آخشامی 21 اردیبهشت آیی نین گونده لیگینه علاوه ویژه نامه هفتگی دئیه جمعه گونو 22 ارديبهشت ۱۳۸۵ - ۸ ربيع الثانى ۱۴۲۷" تاریخی اوچون چاپ ائتدیگی ۳۴۶۹ نومره سینده آذربایجان تورکلرینی ایران ممالیکی محروسه سی ایجتماعیتینده میللی تئرور ائتمک اوچون اوشاقلارا عایید ائتدیگی "کودک و نوجوان" صحیفه سینده بیولوژیک متافئرلردن فایدالانماغا چالیشمیشدیر. بو بیولوژِک متافئرلر ایله ایجتماعیتلره یاناشما بیریجی یول (دفعه) آدولف هیتلر، آلمان نازیستلری نین باشچیسی طرفیندن یهود ایجتماعیتی علیهینه اورتا آتیلمیشدی. سونرا بیولوژیک مئتافئرلردن فایدالانماق یایقینلاشماغا باشلامیش. بوگون فارس راسیستلری و اونلارین قویروقلاری دا ایران ممالیکی محروسه سینده کی فارس اولمایان توپلوملارین میللی و مدنی ایستکلرینی اؤز دار گؤروشلرینه ترس گؤره رک بو مسئله نی ازیب ازدیرمک و یوخا چیخارماق اوچون بیولوژیک مئتافئرلردن فایدالانماغا چالیشیرلار (2، 3). بو مسئله یالنیز تهران حاکیمیتینه پوزیسیون اولان فارس قوروپلاری اوچون دئییل، تهران حاکیمیت داییره لرینه ده یاییلماغا باشلایاراق "ایران" قازئتینه ده یول آچمیشدیر.  او یازیدا دخل خرج ایمکانی وئریلمه سین دئیه اونون ایسکئن اولموشونو ایجتماعیتین دیققتینه یئتیره رک بعضی پاساژلاری اورزه دئیینمک ایستردیک:

اوسته کی متین و شکیلده ایران قازئتینین نه دئمک ایسته دیگینه داییر گؤروشلریمیزی اورتایا قویاق، گؤروروک و اوخویوروق:

گؤروندوگو کیمی فارس اینسانی ذات عالی مدنیت میزی نین یانیندا اوتوراراق اؤز خیالیندا داورانیشینی بیلمه گن تورک اینسانینی میزین اوزرینده علاوه بیر اوتوراق و میز ایله اوتورداراق اونو محکمه دیوانی نین آرخاسیندا اوتورتموشام دئیه اونا بیر اینسان کیمی داورانماق دئییل، کثیف یئرلرده اولان بؤجک ایله ائدیلدیگی موعامیله نی ائتمگه و پارازیت دیلینده اؤزونو ایفاده ائتمگه چالیشیمیشدیر:

فارس: سووسوو سووسکینگ سیسکو سووسکونگ!

تورک: نه مه نه؟

بو داورانیشی خالا خاطیرین قالماسین دئیه دانیشیق کئچیرمک و دانیشیق یولو ایله اولمازسا هانکی یول ایله ایران ممالیکی محروسه سینده تورکولوگون منلیک و کیملیگینی یوخ ائده بیلر دئیه فارس حاکیمیتی اوچون داها آرتیق ایضاحات وئرمگه سهیل ایمضاسی ایله چالیشیلمیشدیر، اوخویوروق:

"روش اول: گفتمان

بعضى ها معتقدن كه آدم نبايد از همون اول بره سراغ خشونت ورزى، چون كه حيفه، مزه اش مى ره. پس اول بايد سعى كنيم خيلى متمدنانه بشينيم سر يه ميز و با سوسك ها گفت وگو كنيم. اما مشكل اينجاست كه سوسك، زبون آدم حاليش نمى شه."(4).

اوسته گؤروندوگو مؤلیف ایران ممالیکی محروسه سینده میللیتلر مسئله سینی  آلمانیادا هیتلر یهودلار علیهینه سوی قیریم (نسل کشی) سیاستی یئریتدیگی و اونلاری گاز اوتاقلاریندا بوغماغا چالیشدیغی کیمی تهران حاکیمیتینه ایران ممالیکی محروسه سینده کی تورکلرین میللی و مدنی ایستکلرینه جاواب وئرمک یئرینه اونلاری وحشیجه سینه یوخلوغا اوغراتماق مسئله سی تکلیف ائدیلمیشدیر. آنجاق حاکیمیت پوستلاریندا بو مسئله اوزره سس بیرلیگی اولمادیغی و بو مسئله نین حیاتا کئچمه سی 21 اینجی عصیرده ایمکان گؤرونمه دیگی اوچون تورک ائتنوسو اوزره فارس حاکیمیتینه بیر مدنی پوز توتماغا و بئله لیکله تورکلره سیز هله اوتوروب دورمانی بلد دئییل و آدام اولمامیشسینیز، آدام اولمانیز اوچون فارسلار کیمی مدنی داورانمانیز، فارس اولمانیز و آریاپرستلر کیمی ایران مسئله سینی فارس گؤرمه نیز لازیمدیر دئیه تشبوث گؤسترمیشدیر. بو اساسدا بیر اینسان دیلی ایله دئییل، بیر بؤجک دیلی ایله آذربایجان تورکونه یاناشماق تشبوثو اورتایا قویولموش. تورک ائتنوسو پارازیت دیلینی باشا دوشمه دیکده و "نه اولموش؟ نه مه نه؟" ایله بو مسئله یه جاواب آختاردیقدا مؤلیف میمیک (نیشان و ایشاره) دیلینی ده لازیم گؤرمه یه رک خیالیندا تورک ائتونوسو بؤجک (سوسک) دیر دئیه فارس دیلی نین شیرین اولماسینی و تورک دیلینی نین چتین و ایرنج اولدوغونو اورتایا قویماغا چالیشمیشدیر، اوخویوروق:

"دستور زبان سوسكى هم آنقدر سخته (هنوز هيچ كى درست نفهميده كدوم فعل هاشون ing مى گيره) كه هشتاد درصد خود سوسك هام بلد نيستن و ترجيح مى دن به زبون هاى ديگه حرف بزنن. وقتى سوسكا زبون خودشونو نمى فهمن، شما چه جورى مى خواين بفهمين؟! واسه همين مذاكره به بن بست مى رسه و روش هاى شيرين خشونت آميز لازم مى شه!" (4)

اوسته گؤروندوگو کیمی بیر عؤمور تورکجه چتیندیر و فارسچا شیرین و شکردیر مسئله سی اورتایا آتیلمیش اولور. بئله لیکله اریتمه و کیچیمسه مک (تحقیر ائتمک) سیاستی نتیجه سینده بیر چوخ تورکون فارس حاکیمیتی آلتیندا اؤز دیلینده تورکچه اؤزونو ایفاده ائده بیلمه مه سینی قابارتماغا چالیشاراق تورکچه نی تورکلر اؤزلری ده باشارمیر و فارسچا شیرین و تورکجه دن داها دا اوستون توتولمالی مسئله سی ایددعا ائدیلیر. سونرا بو گلیشمه لردن نتیجه چیخاراراق تورکلر بیربیرلرینی باشا دوشمورلر دئیه فارس حاکیمیتی تورکلر فارسلاشمادیقلاری تقدیرده اونلار ایله هئچ بیر دیلده دانیشا بیلمز مسئله سی اورتایا قویولموش اولور. بئله لیکله تورکلر فارسین شیرین(!!) دیلینده دانیشمالی و فارسلاشمالی و عکس حالدا اونلاری سوی قیریم گؤزله ییر تهدیدلری اورتایا آتیلمیش اولور. اوخویروق:

"روش دوم: قطع منابع غذايى

.... مى دونين كه سوسك ها بيشتر توى چاهك توالت زندگى مى كنن و غذاى اصلى شون... آره ديگه، همونه! پس براى اينكه دستشون به غذا نرسه بايد يه مدت، توليدات خوراكى اونا رو تعطيل كنين." (4)

گؤروندوگو کیمی فارس ائتنیگی نین اوستون اولدوغو و تورک ائتونوسو فارسین مدفوعو ایله یاشاییر دئیه تورک ایجتماعیتی قویودا و فارس ایجتماعیتی ایسه ایران ممالیکی محروسه سینده "اشرف مخلوقات!!" دئیه قلمه آلینیر. اؤزلرینی اشرف مخلوقات آدلاندیرماغا چالیشان فارس راسیستلری اؤزلرینی شریف(!!) حئساب ائتدیکلری اوچون تورک ائتنوسونو ایران ممالیکی محروسه سینده فارس ائتنوسو ایله حقوق برابرلیگی اساسیندا قلمه آلماق دئییل، اونون یئر آلتی قایناقلارینی، اینسانی گوجونو چاپیپ تالایاراق یاخشی حالدا تورک ائتنوسونو فارس اولاجاقلاری گونه دک فارس ایستعمارچیلیغی نین مدفوعو ایله غیدالاندیریلماسی تکلیف ائدیلیر. بو مسئله گونئی آفریقاداکی نژادپرستلیک مقوله سینی اینسان اوولادینا خاطیرلاتمیش اولار. دئمک کئچمیش ایللرده تهران حاکیمیتینه آذربایجانلیلار طرفیندن یازیلمیش طومارلارین جاوابسیز قالدیقلاری بو مکتوبلار مسئول مقاملارا یئتیشمیر دئییل، آذربایجان تورکلری فارسلیق اساسیندا قورولموش حاکیمیت طرفیندن بیر اینسان دئیه جیددی قلمه آلینمادیقلاریندان ایلری گلن بیر مسئله دیر. گئنه ده اوخویوروق:

"يعنى طرف توالت نرين. دو ماه كه به جاش توى باغچه و پاى درخت ها كارتونو كردين، هم غذاى سوسكا ته مى كشه و از گشنگى منقرض مى شن، هم گل ها بهتر رشد مى كنند و باغچه تون سرسبز مى شه!"(4)

اوسته کی  ایفاده لرده و ایضاح اوچون چکدیکلری شکیلدن آیدین اولدوغو کیمی بو راسیستلیک مسئله سی فارس توپلوموندان سیلینمزسه، فارس توپلومو  "مدنّیت" یئرینه "بدویّت" مقوله سینی سئچمه گه و 21 اینجی عصیر ده اینسان کیمی دئییل، آرانقوتان مئیمونلاری کیمی آغاچلار آراسیندا توالئت ائتمگه، مالاریا و سیل خسته لیگی ایله گون کئچیرمه گه اوستونلوک وئرمیش اولاجاق گؤرونورلر.

مسئله بئله اولدوغو تقدیرده ایران ممالیکی محروسه سینده کی باشقا ائتنوسلار (آذربایجان تورکلری، تورکمن، بلوچ، عرب، لور، گیلک، کورد، مازندرانلی و ساییر) اؤز میلی و مدنی یوللارینی بو گئری قالمیش نژادپرست مئیمونجوقلاردان آییرمالی و اؤزلرینی 21 اینجی عصیرین مدنیت کاروانینا اویقونلاشدیرمالیدیرلار.

قایناقلار:

1                        ایران: http://www.iran-newspaper.com

2                        علی توفانی، مروری كوتاه بر ناسيوناليسم كور، پنجشنبه ٢۵ اسفند ١٣٨۴ – ١۶ مارس ٢٠٠۶

http://www.iran-chabar.de/1384/12/25/toofani841225.htm

3         علی اکبر حق پژوه: مرورى كوتاه بر ناسيوناليسم كور -1

http://www.shamstabriz.com/kar-nasionalism.htm

4                  سهیل (مانا نیستانی) تقدیم میکند:چه کنیم که سوسکها سوسکمان نکنند:

http://www.iran-newspaper.com/1385/850222/html/children1.htm#s614994

ایشیق سؤنمز 16.05.2006

راسيستليک