تولکونون قویروغو مو، یوخسا کؤر آدامین بویوروغو؟

بیلیندیگی کیمی فارس مدنیت راسیستلری آذربایجان میللی منلیگی و کیملیگینی یوخ ائتمگه چالیشارکن فارس راسیستلری نین اللرینی بیله خوش خیدمتلیک آچیسیندان دالدا باغلامیش مقامدا یئر آلارلار. بو مدنیت راسیستلری اؤزلری فارس کؤکنلی اولمادیقلارینا باخمایاراق فارس مدنیت راسیستی اولدوقلاری اوچون فارس راسیست و فاشیستلریندن داها دا فاشیست گؤرونمگه چالیشارلار. بو تیپلردن علی حصوری (1)، نورالدین مرعشی غروی (2)، پیمان پاکمهر (3)، اسماعیل نوری علا (4، 4.1)، فرمان آریا "پان ایرانیست (5- 5.5) سیته مسئوللاری و ساییره لر. بونلار فارس راسیستلرینی سوللامادا بیر چوخ فارس راسیستلرینی یئنیلگه یه اوغراتمیش مقامدا یئر آلارلار. بیلیندیگی کیمی فارس حاکیمیت تشکیلاتلاری  "سازمان تربیت بدنی استان آذربایجانشرقی" آدینا بیر گزمه سیاحتی تبریزین ائل گؤلو پارکیندان خالقا چاغیریش ائده رک اردیبشهت آیی نین اون اوچو، 1387 تاریخینده باشلاتمیش (6). بو آردا خولیاوی دوشونجه لرینی آذربایجانلیلار اوزره آشیلاماغا  و آذربایجانلیلاری کئچمیشده کی کیمی فارس راسیستلیگینه اویونجاق ائتمگه دوشونن بیر سیرا خولیاچیلار او جومله دن پان ایرانیست و فارس مدنیت راسیستلیگینه باغلی اولانلار دا- پیمان پاکمهر، فرمان آریا"پان ایرانیست" آدلی سیته مسئوللاری - بو گزینی اؤز کیچیک محفیللری آدینا مصادره ائتمک اوچون تولکو اویونو چیخارماغا چالیشمیشلار (7). بو گزی "سازمان تربیت مدنی استان آذربایجانشرقی" نین آفیشینده ساده جه بیر سیاحت گزیسی گؤستریلمه سینه باخمایاراق تبریز بلده یه سی نین ایکینجی بؤلگه (ناحیه) سی آدیندان بو گزی نین "خلیج فارس" آدی گونو ایله اوست اوسته دوشمه سی ایددعا اولونموش (باخ قارشیداکی آفیش 8). پیمان پاکمهر گئنه تبریز بلدیه سی طرفیندن یایینلانمیش آفیشین سول طرفده کی بؤلومونو (تیکینتی نی حذف ائده رک) بیر داها هانکی اللر واسیطه سی ایله (ایستر اؤزو مونتاژ ائتمیش، ایسترسه ده بلدیه ده کی نوفوذی کاناللار واسیطه سی ایله) بلدیه آدینا آفیش دئیه اؤز سیته سینه یئرلشدیرمیش (8).

بو مسئله قورباغا کیمی سوسموش فارس مدنیت راسیستلرینی بیر داها قورولداتماغا یول آچمیش. فارس مدنیت راسیستی کیمی تانینمیش اسماعیل نوری علا "سند مالیکت خلیج فارس در آذربایجان امضا شد" دئیه بیر یازی یازمیش. بو یازی فارس مدنیت راسیستلیگینه باغلی اولان "جنبش آذربایجان برای یکپارچگی... ایران...." آدلی محفیل طرفیندن ایشیق اوزو گؤرموش (9). آذربایجانلیلار اؤز شهر و کندلری نین یئرلی آدلارینی اولدوغو کیمی فارس ایستعمارچیلیق سیاستیندن اماندا ساخلایا بیلمه دیکلری و بو آدلار یئنی فارس آدلار ایله زورلا فارس حاکیمیتی طرفیندن دگیشیلمه سینی نظره آلارساق، اسماعیل نوری علا آذربایجان ایجتماعیتی نی تحقیر ائتمیش مقامدا یئر آلار. اؤز ائوینده اختیار صاحابی اولا بیله گن اؤزگه سینه نئجه آغالیق ائدر، و اونون حاققیندان نئجه دفاع ائده بیلر مسئله سی ده هر بیر آذربایجانلینی دوشوندورمه لیدیر.  یئری گلمیشکن بو یازی نین بعضی پاساژلارینی نظردن کئچیرمگه چالیشاق، اوخویوروق:

"...از مدت ها پيش، تقويم های رسمی چاپ ايران از يازدهم ارديبهشت به عنوان «روز ملی خليج فارس» ياد می کردند و سايت های دولتی حتی مطالبی دربارهء اين روز داشتند، بی آنکه معلوم شود چه کسی در اين روز «ملی» قرار است چه بکند."(9).

اوسته کی پاساژی اوخودوقدا ائله بیل نه اولموش! بو یاناشما سامان چؤپوندن داغ دوزتمک حئکایه سی تیکرارلامیش اولار. دئمک، فارس حاکیمیت داییره لری و فارس محفیللری اؤز آغالیقلارینی قوروماق اوچون شئیپورون گئن باشیندان پولمگه چالیشارکن تاریخی "خزر دنیزی (دریای خزر)" آدی اوزرینده یاس توتدوقلاری دا گلدیگی خبرلر آراسیندادیر. پیمان پاکمهرین پان ایرانیست سیته لرینه خبر دئیه گؤندردیگی گؤروشونو بو دوغرولتودا ائشیتمک پیس اولماز:

"دیروز دریای خزر، امروز خلیج فارس ، فردا کجا؟»، «وطن یعنی: خلیج تا ابد پارس» ، ‹‹ سكوت نهاد هابين المللي در برابر تعرض به تماميت ارضي ايران محكوم است"(10).

اوسته پیمان پاکمهرین خبرچی دئیه پان ایرانیست سیته لره مخابره ائتدیگی اراجیف "وطن یعنی: خلیج تا ابد پارس" دا تبریز اهالیسینه نیسبت وئریلمیش ایفترالار ایچینده یئر آلار "(باخ تبریزده پان ایرانیست محفیلدن چکیلمیش تصویر 11) . دئمک، کیچیک بیر راسیستلیک محفلین گؤروشلرینی مینلر اینسانا نیسبت وئرمک ژورنالیستلیک پیرینسیبلرینه اویقون گؤرونمز. بو مسئله دن کؤپنلر ایسه بؤرکلرینی اؤنلرینه قویاراق گؤردوکلری ایشلری نین نه حدده یانلیش اولدوغونو باشا دوشمگه چالیشمالیدیرلار.

بیلیندیگی کیمی "خزر دنیزی (دریای خزر) آدی دا تاریخ قدر قدیم اولموش. بو آدی بیر سیرا فارس راسیستی و مدنیت راسیستلری نین "مازندران" دئیه دونیا ایجتماعیتینه یئدیرمگه چالیشمالاری اونلارین نه اؤلچوده یازیق اولدوقلاری نین گؤرونتوسو ساییلار. گئنه ده فارس مدنیت راسیستی اسماعیل نوری علا ذات عالی نین محضرینه قولاق آساق، اوخویوروق:

".... تظاهرات تبريز بخصوص، که با نظم و آرامش اما با شرکت انبوهی از مردمان شهر انجام شده بود، چشم ها و دل های دوستداران ايران را روشن کرد و، با اينکه خبرهائی از ممانعت ها هم وجود داشت، در مجموع آن را بصورت تظاهراتی بی سابقه در تاريخ برقراری حکومت اسلامی معرفی کرد. تا اين زمان، و بخصوص پس از تظاهرات سرکوب شدهء اوائل انقلاب برای هواداری از آيت الله شريعتمداری، تبريز چنين جمعيت و تظاهراتی را بخود نديده بود و هيچ فشار دولتی نيز نتوانسته بود چنين جمعيت باسواد، امروزی و جوانی را از خانه ها بيرون بکشد. تبريزی ها، در طی تظاهرات آرام خود، بر ابقای نام «خليج هميشه فارس» تأکيد ورزيدند و می توانست بر شعارهائی که در دست دختران و پسران جوانشان ديده می شد شعارهائی از اين دست را بخوانی که: «وطن يعنی خليج تا ابد فارس"(9).

اوسته کی عیبارتلری مقاله دئیه ائشیتدیکده پیشمیش تویوق چؤلمکده گولمگه باشلار. دئمک، سازمان تربیت بدنی استان آذربایجانشرقی و حاکیمیت داییره لری طرفیندن سیاحت دئیه اقدام اولموش بیر یوروشه بئله دون گئیدیرمک عابیرسیزلیغین داها سون درجه سینی گؤسترمیش اولار. سیته لره گؤندریلمیش عکسلردن ده بللی اولدوغو کیمی بو یوروش خانوادگی و سیاحت یوروشو اولموش. بو مسئله نی سیاسیلشدیرمگه چالیشماق امیر بازارینی اودا چکه رک بیر دستمال الده ائتمک حئکایه سینی خاطیرلاتمیش اولار. فارس مدنیت راسیستی اسماعیل نوری علا گئنه ده یازیر:

"...کسانی که مدت هاست زمزمهء مخالفت با قوم موهوم و مجعول «فارس» را براه انداخته و در زير ردای «فدراليسم» بر آتش ضديت بين ترک زبان ها و فارس زبان ها (و نه ترک ها و فارس ها) دامن می زنند، در عين پذيرفتن اينکه «دويست هزار نفر» از اهالی تبريز در تظاهراتی در روز سيزدهم ارديبهشت شرکت داشته اند، کوشيده بودند تا ارتباط مردم تبريز را با خليجی که نام «فارس» بر آن بود قطع کنند..."(9).

اوسته کی عیبارتده اسماعیل نوری علا بیر یاندان فارس میللی مقوله سینی "موهوم" آدلاندیرار، باشقا یاندان ایسه "خلیج فارس" مقوله سینی دفاع ائتمگه چالیشار. بو یاناشما او خوروس اوغروسونو خاطیرلادار.

بیریسی بیری نین خوروسونو توتاراق گئییمی نین آلتیندا گیزلتمگه چالیشارکن خوروس یییه سی اونو اوغورلوق اوستونده یاخالار.

خوروس یییه سی اوغرودان سوروشار: - آی کیشی او ساققالینلا اوغورلوق ائتمدن اوتانمیرسان می؟

اوغرو جاوابلار: - حضرت عباسا آند اولسون من خوروس اوغورلامامیشام!!

خوروس یییه سی: - سنین یالاندان حضرت عباسا آند ایچدیگینه اینانیم می، یوخسا گئییمی نین آلتیندان ائشیگه باخان خوروس یئلکلرینه می؟ هانسی سینا اینانیم؟

قیسا سؤزله دئسک، آدام بو فارس مدنیت راسیتلری نین "فارس میلتی" یوخدور دئیه عوامفریبلیکلرینه اینانسین می، یوخسا فارس راسیستلیکلرینه می؟

بیلیندیگی کیمی کئچمیشده آوروپادا  لاتین دیلی بیر چوخ میللتلره بیر گلنک (سنت) دئیه تحمیل اولموشدو. سونرا بیر چوخ میللتلر او جومله دن آلمانلار مارتین لوترین لاتینجه دن آلمانجایا چئویرمیش اینجیل کیتابی نی آلمان ادبیات دیلینه تمل گؤتوره رک، آلمان توپلومو اوچون رسمی ادبیات دیلی قبول ائتمیش، لاتین دیلینی تاریخ آرشیوینه گؤندرمیشلر. لاتین دیلی بوگون یالنیز بیر کیلاسیک دیل اولاراق خالق طرفیندن دئییل، طیب و کیلیسا ساییره ساحه لرینده ایشلنمکده دیر. دئمک، فارس آدلی بیر قوم و میللت یوخسا، بو جانلی یاشایان دیل و مدنیتلری و اونلارین صاحابلارینی نه اوچون فارس ایستعمارچیلاری و فارس مدنیت راسیستلری قیرقینینا معروض قویماغا چالیشارلار؟ اسماعیل نوری علا گئنه ده یازیر:

".. اين آقای پيمان پاکمهر ترک زبان اهل تبريز، رئيس سايت مستقل «تبريز نيوز» است که تا جائی که من می دانم ارتباطی با مقامات دولتی ندارد و نيز ـ باز تا آنجا که شنيده ام ـ آدمی ايراندوست و خواهان حفظ يکپارچگی ايرانی است که در آن از ستم های قومی و زبانی و فرهنگی خبری نباشد"(9).

اوسته کی پاساژدا تولکونون تانیغی (شاهیدی) قویروغو اولار حئکایه سی اسماعیل نوری علا قلمیندن سرگیلنمیش مقامدا یئر آلار. پیمان پاکمهرین فارس اطلاعات داییره لری ایله ایشلدیگی  بیر چوخلارینا او جومله دن انصافلی هدایت ذات عالیه آیدین اولموش. انصافعلی هدایت بو مسئله یه اوست اؤرتولو اولاراق پالتاق اوتاغیندا آچیقلیق گتیرمیش، بیر یول دا تئلفون باغلانتیسی ایله گوناز تئلویزیونوندان بو مسئله نی آغزیندان قاچیرمیش. مسئله بئله اولدوقدا، سورقو و سوآل بو: -  فارس مدنیت راسیستلری نین مستقللیکدن آنلاق و درکلری بو قدر می؟  گؤروندوگو کیمی تولکونون تانیغی (شاهیدی) قویروغو اولارمیش. بو دا خالق ایچریسینده قویون قوزو آیاغی باسماز (قویون قوزونون آیاغینی آیاقلاماز) مثلینی بیر داها وورقولامیش اولار.

اوسته گؤروندوگو کیمی فارس مدنیت راسیستلری بیربیرلرینه فیته توتماغا چالیشارلار. بو آرادا اونلارا اویقون مشهدی عباد ایله حمّالین یئرلری اؤزونو بوش گؤستریر. الی آداقلیسیندان اوزولموش مشهدی عباد و حمّاللیق پولونو آلمامیش حمّال دا توی دئیه او مفتخورلار ایله بیرلیکده حماما گئده بیلسه ایدیلر، آشاغیداکی گؤرونوم سرگیلنمیش اولاردی. "انشاالله کی توی اولاجاق!!! بس نمنه، نمنه؟ توی اولاجاق! نمنه، نمنه؟ توی اولاجاق!!" سسی حمامی باشینا آلاراق حمام پولو وئرکن، هرکس بیر یانا قاچاراق گئنه ده مشهدی عباد یالنیز قالاردی.

قایناقلار:

1                    ایشیق سؤنمز، فارس راسیستلرینه قویروق اولموشلارین دری قابیقدان چیخمالاری:

http://www.achiq.org/yazi/Quyruqlar.htm

2                    ایشیق سؤنمز، فارس راسیستلیگینه یالتاقلیق ائدنلر می، یوخسا اؤلولرینی قبیردن قبیره سوخانلار می؟: http://www.mytabriz.com/news/?p=1490

3                    ایشیق سؤنمز، شوونیست قویروغو مو، یوخسا بالتا ساپی: http://www.azerses.org/613.htm

4                    ایشیق سؤنمز، فارس مدنیت راسیستی اسماعیل نوری علانین جمعه گزمه لرینه باخیش: http://www.achiq.org/olaylar9/xeber71.htm

4.1            ایشیق سؤنمز، اؤلو قویونون سوتلو اولما  حئکایه سی: http://www.turkiran.com/y37.varjavand,sonmez.htm

5                    ایشیق سؤنمز، فارس نئوفاشیستلری نین راسیستلیک گؤروشلری اوزره باخیش:

http://www.11007.baybak.com/2169.azr

5.1                  ایشیق سؤنمز، فارس مدنیت راسیستلری و پان ایرانیستلری نین “دولتِ ملت” حئکایه لری:

http://www.11007.baybak.com/2735.azr

5.2                  ایشیق سؤنمز، آلمان نازیستلری و پان ایرانیست فاشیستلر:

http://www.baybak.com/Baybak/?p=3568

5.3                  ایشیق سؤنمز، پان ایرانیسم، پان فارسیسم یوخسا خولیاچیلیق راسیسم؟:

http://www.azadtribun.net/x18355.htm

5.4                  ایشیق سؤنمز، فارس مدنیت نژادپرستلری نین قارقا و ککلیک یئریشی یئریمه لری می، یوخسا دوه و هشترخان تویوغونون دوه گؤرونمه حئکایه سی می؟:

http://www.azgala.com/ishiqsonmez24.htm

5.5                  ایشیق سؤنمز، فارس مدنیت راسیستلری نین “خطر زرد” حئکایه لری:

http://urmu.birolmali.com/?p=3002

6          اداره کل تربیت بدنی آذربایجانشرقی:  http://e-a-sport.ir/includes/gallery3.aspx?picadr=http://e-a-sport.ir/uploads/1_2115.jpg

7       ایشیق سؤنمز، فارس مدنیت راسیستلری نین آشدان ایسی کاسا اولما حئکایه لری می، یوخسا پاپدان داها دا پاپ اولما مسئله لری! http://www.azadtribun.net/x19004.htm

8       پیمان پاکمهر، تبریز نیوز، عکس های منتشر نشده از پیاده روی تبریزی ها در دفاع از خلیج همیشه فارس، 17 اردیبهشت 1387:

http://tabriznews.ir/fa/index.php?option=com_content&task=view&id=490&Itemid=1

 9      اسماعیل نوری علا، سند مالکيت خليج فارس در آذربايجان امضا شد، جمعه 20 اردیبهشت، 1387: http://www.iranazar.net/seite6.html

10     پیمان پاکمهر، تبریز نیوز:سرویس سیاسی: پان ایرانیست: تجمع دانشجویان و فعالین مدنی مشهد در اعتراض به گوگل و ادعای کذب بر جزایر سه‌گانه ایرانی ، 04 ارديبهشت 1387:

http://activistchat.com/phpBB2/viewtopic.php?p=32321

11      پیمان پاکمهر، تبریز در دفاع از خلیج همیشه فارس به پا خاست3:

http://tabriznews.ir/fa/index.php?option=com_content&task=view&id=473&Itemid=1

ایشیق سؤنمز، 10.05.2008

راسيستليک