ایران آدی نین دالیندا گیزلنمگه چالیشان فارس باستانگلرایلاری، راسیستلری و اونلارا قویروق اولموشلار
بیلیندیگی کیمی میللت مقوله سی دیل، مدنیت، گلنک و گؤرنکلره اساسلانماسینا باخمایاراق میللی ایراده حاکیم اولمادان هئچ بیر میللت اؤز میللی منلیگی و کیملیگینی یاشادا و سوردوره بیلمه دیگی نین یانی سیرا میللی تورپاقلارینی دا بؤلونمک و دوشمنلر سالدیریسینا معروض قالماق قارشیسیندا قورویابیلمز. بو باخیمدان فارس باستانگرایلاری و راسیستلری نین ایران ممالیکی محروسه سینده کی باشقا میللی وارلیقلاری فارسلیق باتلاغیندا یوخ ائتمه چابالاری اونلارین تمامیتچی و ایستعمارچی پلانلارینا اساسلانیر دئیه دوشونمه لی ییک. بئله لیکله ایستعمارچی گوجلره ائدیلن معامیله نی فارس ایستعمارچی گوجلری علیه لرینه ده سفربر ائتمه نی گؤزدن قاچیرمامالی ییق. یئری گلمیشکن یازیلاریندا فارس ایستعمارچی سی، باستانچی و راسیست کیمی دوشونجه لرینی ایجتماعیته تقدیم ائدن مزدک بامدادان ذات عالی نین فیکیرلری نین بعضی پاساژلارینی بیر داها نظردن کئچیرمگه چالیشاق. مزدک بامدادان ایمضاسی ایله یازیلمیش یازیدا اوخویوروق:
".. . کيستی ملی و بازشناسی آن، برای کشوری چون ايران که از ديرپای‌ترين و کهن‌ترين کيستی‌های ملی جهان برخوردار است هميشه بجا و سزاوار است، ولی اگر چنين واکاوی و کنکاشی بروزگارانی ديگر، دغدغه‌ای دانشگاهی باشد و سرگرمی پژوهشگران، اکنون که دشمن از درون و برون کمر به نابودی آن بسته است، در جايی که جهانخواران فروپاشی ايران از درون را و تکه تکه کردنش را به دهها کشور خُرد و کلان، بجای جنگ رودررو و لشکرکشی برگزيده‌اند و در جايی که نژادپرستان جدائی‌خواه آب در آسياب امپرياليسم می‌ريزند، بايد گفت و نوشت و فرياد برآورد که ايرانيان! آنکه بنام رهائی از چنگال شوينيسم شما را به خيزش فرامی‌خواند، خاک در چشمتان می‌پاشد تا دشمن راستين خود را که همانا ولايت مطلقه فقيه و رژيم برخاسته از آن – جمهوری اسلامی – است نبينيد و از چاله‌ای بدرآئيد و در چاهی چنان ژرف بيفتيد به سرنوشتی چنان شوم دچار شويد که سياهچالهای جمهوری اسلامی و تازيانه دينفروشان را بجان آرزو کنيد"(1).
اوسته کی پاساژا دیققت یئتیردیکده ایلگینج صحنه لر گؤز اؤنونه چیخمیش اولار. بیر یاندان جغرافی اراضی کیمی تانینان "فلات ایران" میللی کیملیک کیمی اورتایا قویولار. باشقا یاندان بو ممالیکی محروسه ده کی موختلیف دیل و مدنیت صاحابلارینی "نژادپرستان جدائی خواه" ایفاده سی قارالاماغا چالیشیلارلار. دئمک، ایران ممالیکی محروسه سینده بوگون موختلیف دیل و مدنیتلر سؤز قونوسودورسا، ایران ممالیکی محروسه سی بیر میللی کیملیک اساسیندا دئییل، بو مسئله موختلیف دیل و مدنیتلرین اولدوغونون بیر گؤرستگه سیدیر. بو باخیمدان بیر شارلاتانیسم کیمی ایران آدی نین دالیندا گیزلنمگه چالیشان فارس باستانچیلاری و راسیستلری اؤز چیرکین نیتلری نی گیزلتمگه چالیشیرلار دئیه دوشونمه لی ییک. اونلار بو نیتلرینی گیزلتمگه چالیشارکن فارس راسیستلیگی آرخا پلانا قایسین دئیه بو مسئله نی یالنیز "ولایت فقیه" مسئله سینه دویونلمگه چالیشارلار. گؤروندوگو کیمی فارس باستانچیلاری کوروش و داریوشا گئری قایماق اوچون فارس راسیستلیگینه اویونجاق اولموش "ولایت فقیه" مقوله سینی اؤز آماجلارینا بیر مانع کیمی قلمه آلماغا و ولایت فقیه حاکیم اولموش نیظام و اینتیظامین آدی آلتیندا فارس راسیستلیک سیاستی نین یئریدیلمه سینه گؤز یومماغا چالیشاراق بو مسئله نی ایسلامیته نیسبت وئرمگه چالیشارلار. مزدک بامدادان گئنه ده یازیر:
"... درست هم امروز بايد از کيستی ملی سخن گفت، چرا که جهانخواران تبهکار نشان داده‌اند سرنوشت ملتها را پشيزی نيز ارج نمی‌نهند و برای نابودی فرمانروايانی که با آنان از در دشمنی بدرآيند، ميليونها انسان بيگناه را به قربانگاه می‌فرستند و همانگونه که در نمونه يوگسلاوی نشان دادند، برای سرنگونی رژيمی که از نگر آنان فرمانبردار نبود و چموشی می‌کرد، جنگی پليد و ناجوانمردانه برافروختند که در آتش آن سدها هزار انسان بيگناه سوختند و خاکستر شدند و همسايگان ديواربديواری که تا ديروز به ميهمانی هم می‌رفتند بيکباره خنجر برکشيدند تا سر يکديگر را از تن جدا کنند."(1).
اوسته گؤروندوگو کیمی مزدک بامدادان سیلابودان میلاسوویچلرین مزارینا گؤز یاشی تؤکمگه چالیشار. بو مسئله اؤزونو دیلده سوسیالیست کیمی تقدیم ائدن، عملده ایسه آدولف هیتلر سایاغی (نازیست کیمی) "هر یئرده بیر سئرب وارسا، اورا سئربیستاندیر" ایفاده سینی سئرب ائتنوسونا آشیلاماغا چالیشان سئرب راسیستی میلسوویچین توتدوغو یولو خاطیرلاتمیش اولار. دئمک، فارس راسیستلری ده تمامیتچی اولدوقلاری اوچون یئری گلدیکده میلاسوویچلرین باشلارینا نه گلدیگیندن عیبرت درسی آلماق دئییل، اونلارین ائتدیکلری و ائتمگه شراییط یاراتدیقلاری دوغرولتوسوندا حرکت ائده جک گؤرونورلر. بیلیندیگی کیمی کئچمیش یوگوسلاویده کی مسئله لر ائتنوس دابانا اساسلانیردی. کئچمیشده سؤیئتلربیرلیگی نین داغیلماسی و اوراداکی آددا "بیرلشیک جمهوریتلرین (اتحاد جماهیر شوروی نین)" بیربیرلریندن قوپاراق موستقیل جمهوریتلرین یارانماسی فئدرال داباندا ایداره اولان یوگوسلاویده کی ائتنوسلاری دا موستقیل اولما آرزوسونا دوغرو سوروکلمیش. بئله لیکله کئچمیش یوگوسلاویانین قوزئی باتیسیندا و اؤتریش مملکتی نین قونشولوغوندا یئرلشن و یوگوسلاویاداکی میللیتلرین بیرلیک سمبولو و بیرلیک میللی مارشی نین آدینی داشییان ایسلوونی جمهوریتی کیمسه نین بورنو قانامادان موسقیل اولارکن (2)، خورواتلار ایستراتئژیک اولاراق بعضاً بوشناقلارلا سئرب تمامیتچیلری علیهلرینه ووروشار، بعضاً ده اؤز دینی چیخارلارینی نظره آلاراق بوشناقلارلا قارشی دورما یارادارکن، سئرب راسیستلری بوشناق و خورواتلار علیهلرینه وار گوجلری ایله ووروشاراق کئچمیشده کی دوستلوق و قارداشلیق باغلارینی دوشمنلیگه چئویرمگه چالیشمیشلار. دیل و مدنیتلر مسئله سی فارس راسیستلری و تشکیلاتلارینا گنه کیمی یاپیشان ایدئولوژی قوللوقچولاری نین ایددعا ائتدیکلری کیمی امپیریالیست گوجلرین یئریتدیکلری سیاسته دایالی دئییل، میللی کیملیک و میللی بیلینجین گلیشمه سی و سویوق ساواشین سونا ارمه سی و گئدریلمه سی ایله دیل و مدنیتلر اوچون ده گئچیت اولاراق حلل ائدیجی بیر یول هامارلامیش ساییلار. مزدک بامدادان ایران ممالیکی محروسه سینده کی میللیتلر مسئله سینی "آمریکا بیرلشمیش شتاتلارینا" نیسبت وئرمگه چالیشاراق گئنه ده یازیر:
"... برندا شفر امريکائی به سفارش دانشگاه حيفا برای آذربايجانيان "کيستی" می‌تراشد و بناگاه همين امريکائی که بی‌شرمانه چشم بر سنگسار و بريدن دست و بدار زدن مردم بر سر چهارراهها فروبسته است، چهره‌ای چنان انساندوستانه می‌يابد که نمی‌تواند بر تيره روزی "ملتهای" دربند و زير ستم فارسها اشک نريزد، و اين سخن شوم اريل شارون نيز هنوز در گوشهای شنوا نشسته است که: «ايران بدون بمب اتم هم بيش از اندازه بزرگ است!» آری بايد کور باشيم، اگر که نبينيم جهانخواران برای براندازی جمهوری اسلامی چگونه برآنند که دودمان ما را بباد دهند و بهای خيره سری‌ها و ديوانگيها و بلندپروازيهای کودکانه دينفروشان را از ما ملت ايران بستانند."(1).
اوسته گؤروندوگو کیمی مزدک بامدادان گئنه ده اؤزونو سامانلیغا ووراراق ساماندان داغ دوزتمک تئوریسینه قاپیلمیش مقامدا یئر آلار. آذربایجانلیلارین میللی کیملیکلری براندا شفرین گونئی آذربایجانلیلار اوزره یازدیغی عئلمی آراشدیرمالارینا اساسلانماز (3). گونئی آذربایجانلیلار اؤز میللی منلیک و کیملیکلری اوزره آذربایجان تجددودلوک حرکاتینا گؤز یومارساق، شئخ محمد خیابانی باشدا اولماقلا آذربایجان "آزادیستان حرکاتی" و سونرالار "آذربایجان میللی حکومتی" حرکاتینا قان وئریله رک میللی حرکت گله جک نسیللره سوغات اولونموش. آذربایجان میللی مسئله سینی خاریجی عامیللره نیسبت وئرمگه چالیشانلار بعضاً اؤزلرینی آذربایجانلی تقدیم ائتمه لرینه باخمایاراق دوشمن بالتاسینا ساپلانمیش ساپلار ساییلارلار. اسراعیل مقاملاری نین تهرانداکی حاکیمیت باشچیلاری نین یئریتدیکلری سیاست مسئله لرینه یاناشما مسئله سینه گلدیکده بو یاناشما "قولونجا یئل آییرد ائتمک ایله داوا درمان ائتمک" مسئله سینی خاطیرلاتمیش اولار. بیلیندیگی کیمی قولونج مسئله سی سویوق دگمه مسئله سینه اساسلانان بیر مسئله اولدوغو کیمی تهران - تئلاویو حاکیمیتلری آراسینداکی آنلاشمازلیق دا آذربایجان مسئله سی ایله ایلگیلی دئییل، بو مسئله تهران حاکیمیتی نین یاخین دوغودا (اؤزللیکله لبنان، سوریه و ساییر بؤلگه لرده ) یئریتدیگی سیاست ایله ایضاح ائدیلمه لیدیر. باشقا سؤزله تهران حاکیمیتی ائرمنستان و قوزئی آذربایجان جمهوریتی اوزره یئریتدیگی سیاستلر سؤز قونوسو اولوردوسا، بلکه ده اونون یانقیلاری نین گونئی آذربایجان میللی منلیگی و کیملیگی نین دیرچلمه سی اوزره دوشونجه و فیکیر یئریتمک یانلیش اولمازدی دئیه دوشونمه لی ییک. مزدک بامدادان گئنه ده یازیر:
"... درست هم امروز بايد از کيستی ملی سخن گفت و از دروغ‌هايی که قبيله‌گرايان برای برانگيختن جوانان بيگناه و ناآگاه به هم می‌بافند، از دروغهايشان در باره شاهنامه، درباره زبان پارسی و "تحميل اجباری آن بدست رضاشاه" و از دهها دروغ ديگر درباره آمار ترکزبانان و درونمايه واژه ملت و آن درغهای ديگر که در اين جُستار بدانها پرداخته ام"(1).
اوسته گؤروندوگو کیمی کؤر توتدوغوندان ال چکه جک دئییل. بو اساسدا موألیف توپلومبیلیمی (سوسیولوژی) عالمینده باغلی اولان دئییملری بیربیرلرینه قاریشدیراراق "جامعه شناس" اولدوغو ایددعاسینی سرگیله مگه چالیشار. ایرج میزرا دا بعضاً اراجیفی دالی قاباق ائده رک زامانی نین بیرینجی شاعیری اولماق ایسترمیش. او شعرلری نین بیرینده یازیر:
"قافیه ها را میکنم پس و پیش---- تا شوم شاعر دوره خویش"
ائله بو اساسدا مزدک بامدادان ایمضاسی ایله اؤزونو ایجتماعیته تقدیم ائدن ذات دا سایی میلیونلاردان آشقین، مختلیف دیل و مدنیتلره باغلی اولان ائتنوسلاری فارس "طایفه و قبیله"لری و ایران میللتی نین ترکیب حیصصه سی کیمی تانیتماغا چالیشار. ابولقاسم فردوسی سؤز قونوسو اولدوقدا بو مسئله مزدک بامدادان ذات عالی نین ائتدیگی خیاللاری اساسیندا دئییل، مؤبدلر واسیطه سی ایله یازدیریلمیش ابولقاسم فردوسی نین شعر دئدیکلری یاوه لر بو گؤروشلرین اساسینی اولوشدورار. فردوسی نین عرب و تورکلر علیهینه یازدیغی یامان یوووز و خرافاتلار (دئییلن داستانلار) دئییل، مؤبدلره داییر یازدیغی ایفاده نی اوخوماق بو دوغرولتودا یئرلی اولار دئیه دوشونوروک، اوخویوروق:
" يکی پهلوان بود دهقان نژاد، دلير و بزرگ و خردمند و راد
پژوهنده‌ی روزگار نخست، گذشته سخن ها همه باز جست
ز هر کشوری موبدی سال خورد، بياورد کين نامه را گرد کرد
بگفتند پيش‌اش يکايک مهان، سخن‌های شاهان و گشت جهان
چو بشنيد از ايشان سخن پهلوان، يکی نامور نامه افکند بن. "(4).
فارس دیلی نین ایران ممالیکی محروسه سینده پهلوی زامانیندا اجباری اولما مسئله سینه گلدیکده بو مسئله قدیم تاریخ دئییل، ایران ممالیکی محروسه سینده کی فارس اولمایان ائتنوسلارا عایید اولان اینسانلار بو مسئله نین جانلی تانیغی اولموشلار. آنا دیلینده دانیشماق اوچون ایکی ریاللیق جریمه صندوقلاری حله ده فارس اولمایان اینسانلارین ذهنیتلریندن سیلینمه میش. تورکلرین ایران ممالیکی محروسه سینده چوخلوق اولما مسئله لرینه گلدیکده گئنه بو مسئله دونیا دیل و مدنیت صاحابلاری اوزره بیلگی و معلوماتلار وئرن ائتنولوژی سیته سینه اساسلانیر (5). بو مسئله نی بیر فاجیعه کیمی تقدیم ائتمگه چالیشماق فاجیعه یاراتماق ایستگن ذات عالیلرین ایشی اولمالیدیر. مزدک بامدادان گئنه ده یازیر:
"... آنکه گناه همه نابسامانيهای کشور را بگردن فارسها و "حاکميت شوينيست" می‌اندازد، نه تنها دروغی بزرگ می‌بافد، که ارمغانی ارزشمند و درخور به پيشگاه ولايت فقيه می‌برد، راستی را جمهوری اسلامی چرا بايد از اين ناشاد شود که گناه سياهکاريها و تبهکاريهايش بگردن ديگری بيفتد و کسانی به نام هويت‌طلبی بی‌هيچ دستمزدی رنج پاک کردن دامان انديشه سرکوبگر و کيستی کُش ولايت مطلقه فقيه را بجان بخرند و گناه اين همه بزهکاری را بگردن ديگرانی بيفکنند که خود قربانی همين رژيم آدمخوارند"(1).
اوستکی پاساژدا ایجتماعیتی آلداتماغا چالیشان ذات گؤروندوگو کیمی عوامفریبلیک ائتمگه چالیشاراق بو مسئله نی فارس شوونیستلیک و راسیستلیک سیستیمینه باغلی دئییل، فارسلیق سیستیمینه اویونجاق اولموش بعضی مهره لرین بوینونا آتاراق الی آیاقدان اوزون دئیه واقعیتی قبول ائتمکدن بویون قاچیرمیش مقامدا یئر آلار. ایران ممالیکی محروسه سینده فارسلیق مفکوره سینه اساسلانمیش هر بیر شخص و قوروپون ایش باشینا گلدیگینه و گله جه گینه باخمایاراق فارس تمامیتچیلیگینی گؤزدن قیراغا بوراخمادیقلاری اوچون بو شخص و قوروپلارین دونیا گؤروشلریندن آسیلی اولمایاراق اونلار فارس اولمایان ائتنوسلارا فارس تمامیتچیلیگی و راسیستلیگینی یوکله مگه چالیشدیقلاری اوچون فارسلیق سیستیمی نین الینده اویونجاق ماهیتینده داورانمیش (عمل ائتمیش) اراده سیز قوللار ساییلار دئیه دوشونمه لی ییک. "نه نه من غریبم" دئمکله فارس راسیستلیک مقوله سینی گونجللیکدن اوزاقلاتماغا چالیشان ذات عالیلر دوشونجه باخیمیندان فاسق و تبهکار اولدوقلارینی سرگیله میش اولارلار. دئمک، ایستر شاه دیکتاتورلوغو و ایسترسه ده ایدئولوژی اساسیندا ایران ممالیکی محروسه سینه حاکیم اولموش تهرانداکی نیظام و اینتیظام دونیابیرلشمیش دؤلتلر تشکیلاتی نین نیظامنامه سینه اساسالانمیش فارس اولمایان ائتنوسلارا وئریلمیش قانونی حاقلارا رعایت و عمل ائتمدیکلری تقدیرده فارس شوونیستلیک و راسیستلیک سیستیمی نین آیریلماز ترکیب حیصصه سی ساییلارلار. مزدک بامدادان ذات عالی فارس دیلی نین عرب دیلی نین بیر لهجه سی اولدوغونا داییر ماشالله رزمی آدرئسینه یازیر:
"... گو اينکه آقای رزمی هنوز نيازی به اين نديده است منبع نوشته‌اش درباره اينکه يونسکو زبان پارسی را سی و سومين لهجه عربی می‌داند، به خوانندگان نشان دهد"(1).
بیلیندیگی کیمی گئرامئر آچیسیندان فارس و عرب دیللری ایکی بیربیرلریندن آیری دیل قوروپلارینا باغلی (فارسچا ایرانلی آدلانان دیللره باغلی؛ اؤرنک اولاراق: سئریلانکا، بنگلادش، نپال و عربچه سامی دیللرینه باغلی؛ اؤرنک اولاراق: اؤلموش آکادچا، آرامیجه، عئبریچه دیل قوروپونا باغلی) اولمالارینا باخمایاراق سؤز داغارجیغی و سؤز ایشلکلیگی موضوع اولارسا و فارس دیلی نین گئرامئری بیر قاب (ظرف) دئیه نظرده توتولارسا، بو قابین ایچینه ییغیلاجاق سؤزجوک و کلمه لرین % 70- 75 عربجه دیرلر. دئمک، فارسچانی عرب دیلی نین لهجه سی قلمه آلانلار بو مسئله نی گئرامئر آچیسیندان دئییل، سؤز داغارجیغی و سؤز ایشلنمه باخیمیندان نظره آلمیشلار. بو مسئله یه آیدینلیق گتیرمک اوچون فارسچا "فرهنگ عمید" سؤزلوگونو گؤزدن کئچیرمک کیفایت ائدر. عرب مملکتلری نین یازی دیلی قرآن کریمه اساسلاندیغی اوچون عرب دؤولتلری و میللیتلری بیر یازی دیلینه صاحیب اولدوقلارینا باخمایاراق عرب میللیتلری نین دانیشیق (محاوره) دیللری، عرب مملکتلری نین ساییندان داها دا آرتیقدیر. بئله لیکله میصیر عربچه سی، سوریه عربچه سی، عراق عربچه سی، اوردون عربچه سی و ساییره دئیه عرب دیل و لهجه لری اورتایا چیخار و عرب خالقلاری یالنیز ادبی دیلده بیربیرلرینی باشا دوشر دئیه فیکیر یئریتمک اولار. دئمک، فارسچانین سؤزجوک و کلمه لری نین ده % 70 – 75 اینی عربچه دئیه نظره آلارساق، فارسچا سؤز داغارجیغی و کلمه ایشلکلیگی باخیمیندان عربچه نین بیر لهجه سی کیمی نظره آلینار. بو مسئله دن راحاتسیز اولانلار بیر مدنی اینسان کیمی اؤزلرینی فارسچادا ایفاده ائتمک قابیلیتینده اولمادیقلارینی حله ده باشا دوشموش دئییللر. اونلار "خداحافظ" یئرینه "به درود! ( سوال اولونار: به که؟ به کجا؟)"، "نقطه" یئرینه "بگذار نمان (تعریف ریاضی نقطه)"، "خط" یئرینه "بکش و برو (تعریف ریاضی خط)" دئیه بربریته سوروکلنمیش اولارلار (6). مزدک بامدادان فارسچانین بیر الکن دیل اولدوغونو قبول ائتمه یه رک یازیر:
"... بديگر سخن اگر ما نيز به آن دو زبان برتر ياد شده در اين نوشته – ترکی و عربی – سخن می‌گفتيم، اکنون درست بمانند ازبکها و باشقيرها و قاراقالپاقها هزارارن هزار فيلسوف و انديشمند به جهان پيشکش کرده بوديم و يا بمانند عربستان و سعودی و يمن و کويت و قطر، جهانی را به تماشای دستآوردهای خود در دانش و فن‌آوری فراخوانده بوديم! دکتر قابوسی ريشه همه واپسماندگيهای ما را يافته است و اکنون زمان آن است که آستينها را بالا بزنيم و تيشه بر ريشه اين زبان نهيم، تا وارسته و رستگار شويم، آيا هنوز هم بايد از اينکه نژادپرستان جدائی خواه جشن کتابسوزان براه می‌اندازند و سعدی و حافظ و فردوسی را به شراره‌های سوزان آتش می‌سپارند، در شگفت شد و آنرا نيرنگ مأموران امنيتی رژيم دانست؟"(1).
بیلیندیگی کیمی اینسانلار، دیل و مدنیتلر آراسیندا اوستونلوک مقوله سی دئییل، باشاریق مقوله سی ایفاده اولونار. بو مسئله اؤزلوگونده توپلومدان توپلوما فرق ائدر. عربلرده دوه یه و ایسی هاوالارا (محلدن محله فرق ائدر) سایسیز آد وئردیکلرینه باخمایاراق "قار" و "سویوق" سؤز قونوسو اولدوقدا عربچه بو زمینه لرده فقیر ساییلار. زنگین گئرامئره و سؤز داغارجیغینا مالیک اولان دیللر ایفاده ائتمک آچیسیندان الکن دیللردن (اؤرنک اولاراق: فارسچادان) قات قات باشاریقلی ساییلار. بو مسئله اوزره احمد کسروی فارسچانی باشاریقلی بیر دیل ائتمک اوچون "زبان پاک!!!" آدلی کیتابیندا لازیملی ایضاحات وئرمیش، اوخویوروق:
"گونه های گذشته و اکنون و فرمایش.... چنانکه گفتیم از این سیزده گونه در فارسی تنها پنج گونه را میشناختند (گونه های 1، 2، 4، 7، 10) و در دستور زبان فارسی که گرگانی برای دبستانها و دبیرستانها نوشته و از سالهاست که درس از روی آنهاست، تنها چهار گونه را یاد میگیرند (گونه های 1، 2، 4 و 7) و بهر یکی نام غلطی گزارده است..... چون بیشتر اینگونه ها در ترکی آذربایجان هست و بکار میرود، برای اینکه شناساندن آن زبان، این گونه های نو را در زبان پاک نیک فهمند"(7).
دئمک، دیللرین گئرامئر، سؤز قورولوشو آچیسیندان یئتنکلی و زنگیم اولمالاری فارس راسیستلری خیال ائتدیکلری کیمی بو دیل و مدنیت صاحابلاری نین اوستون عیرق و نژاددان اولدوقلارینا اساسلی دئییل، کئچمیش زامانین و خالق ایجتماعیتی نین احتیاجلارینا گؤره بو دیللر گئنیشلنمک مجبوریتینده اولموشلار دئیه دوشونمه لی ییک. یئری گلمیشکن فارس شوونیستلیگی نین توتساغیندا اولموش آذرباجان تورکچه سیندن فارسچایا چئویرمک ایله اؤرنک سرگیلمگه چالیشاق:
تورکچه: فارسلاشدیردیقلاریمیزدان سینیز می؟
فارسچا: آیا شما در زمره کسانی هستید، که ما آنها را فارسی زبان کرده ایم؟ و یا:
تورکچه: آسدیراجاق ایدی.
فارسچا: قرار بوده است، که او کسی را مأمور کند تا اورا به پای دار برساند.
اوسته کی ایکی اؤرنکدن گؤروندوگو کیمی تورک دیلی گئرامئر آچیسیندان فارس دیلیندن باشاریقلی و یئتنکلی بیر دیلدیر. سؤزجوک (کلمه) دوغورما و سؤز منطیغی آچیسیندان مسئله یه یاناشدیقدا فارس دیلی داها آغیر وضعیتده یئر آلمیش اولار. فارسلارین منطیغینا گؤره تئلفون بیری نین وسیله سی ایله دؤیولر (تلفن زدن)، یئر یئییلر (زمین خوردن) و ساییره. دیللرین گئرامئر و ایفاده ائتمک باشاریق و باشاریق سیزلیغینی هضم ائده بیلمگن ذات عالیلر نئجه اؤزلرینی اینتئرنئت و بیلگی سایار دونیاسینا اویقونلاشدیرابیلر سورقو سوآلینا جاواب آختاردیقدا فارس باستانچیلاری نین ذهنیت باخیمیندان گئریجی اولدوقلاری اورتایا چیخمیش اولار. فارس راسیستلری و اونلارین قویروقلاری نین کتاب یاندیرما دئیه سرگی (نمایش) بیچیمینده ایجتماعیته گؤرستدیکلری عکسلر اوزره کئچمیشده لازیملی بیلگی و معلومات وئریلمیش (8). مزدک بامدادان گئنه ده یازیر:
"... آنکه دشمن مردم ايران را شوينيسم می‌داند، پزشک ناکارآمدی را می‌ماند که به يک بيمار دچار سرطان بدخيم (ولايت فقيه) می‌گويد همه درد تو از اين سرما خوردگی ساده (شوينيسم) است. چنين پزشکی يا فريبکار است و يا ناآگاه از دانش پزشکی، آيا می‌توان خاموش نشست و سرنوشت چنين بيماری را بدست چنان پزشکانی سپُرد؟"(1).
اوسته گؤروندوگو کیمی فارس شوونیستلری و تبهکارلاری "فارس شوونیستلیک مقوله سی" نی ایلکل (ابتدائی) بیر مسئله حئساب ائتمگه چالیشاراق بو مسئله نی ایجتماعیت دیققتیندن یاییندیرماغا چالیشارلار. شوونیستلیک مقوله سی بیر خسته لیک اولاراق باشقا دیل و مدنیتلری آشاغیلاماق و یالاندان خیالاتلا ایجتماعیتی ایچی بوش سؤزلر ایله مشغول ائتمک مقوله سیدیر. بو مسئله نی ایجتماعیتین دیققتیندن یاییندیرماغا چالیشانلار یالنیز اؤز خیالی خسته لیکلری نین سوره و داوامینی ایسته گن ذات عالیلر اولمالیدیرلار. دئمک، یورقون و خسته بیر توپلوم دوزگون دوشونجه و فیکیر یئریتمگه عاجیز اولدوغو اوچون فارس شوونیستلیک مقوله سینه توتولموش اینسانلاردان دا فارس اولمایان دیل و مدنیتلره اینسانجا یاناشما و مدنی اولمانی گؤزلمک اولماز. مزدک بامدادان "فارس شوونیستلیک مقوله سی" نی ایجتماعیتین دیققتیندن یاییندیرماق اوچون نسخه سینی یازماغا چالیشار. او نسخه نین بعضی پاساژلارینی نظردن کئچیرمک پیس اولماز دئیه دوشونوروک، اوخویوروق:
".. ۱. در برابر ما رژيمی با همه توان ايستاده است که سرسوزنی به حقوق انسانی پايبند نيست و برای نگاهبانی از جايگاهش از هيچ بزهگری و ددخوئی فروگذار نمی‌کند، رژيمی که نابرابری را در ايران نهادينه کرده است ... نابرابری زبانی و قومی تنها يکی از اين دردها است و نه جانکاهترين آنها، ..."(1).
بیلیندیگی کیمی فارس اولمایان دیل و مدنیتلرین ایران ممالیکی محروسه سینده مخالیف و دوشمنلری یالنیز و یالنیز فارس مفکوره لی راسیست و فاشیستلردیرلر. تهرانداکی حاکیمیتلر فارسلیق مفکوره سینه اساسلاندیقلاری اوچون اونلار فارس شوونیستلیگینی بیر ایپ اوجو دئیه اللرینده توتماغا چالیشارلار. کئچمیش 82 ایلده مدرسه و اونیوئرسیته لرده فارس شوونیستلیک مفکوره سی ایله تربیه ائدیلمیش و فارس شوونیستلیگی نین دوغرو اولدوغونا اینانمیشلار بوگون ایران ممالیکی محروسه سینده کی فارس اولمایان موختلیف دیل و مدنیتلرین قولاغی توکلو بالفعل دوشمنی حئساب ائدیلرلر. اوندان یانا دا ایران ممالیکی محروسه سینده یئنی بیر دوزن یاراتماق اوچون فارس راسیستلری و شوونیستلری ایله دیل و مدنیتلری ازیلمیش خالق اوولادلاری نین ایش اورتاقلیغی اولابیلمز دئیه دوشونمه لی ییک. مزدک بامدادان گئنه ده یازیر:
"... ۳. نژادپرستان جدائی خواه بوی کباب شنيده‌اند و با نگاه به نقشه زير از شادی در پوست خود نمی‌گنجند و امريکا و اسرائيل را نيز همپيمان خود می‌بينند. آنان که خود و حجت الاسلام‌هايشان دلی با اسلام بنيادگرا دارند و تنها ستيزشان با جمهوری اسلامی در "ترکی" نبودن آن است، با فريب مردم و "پان‌فارسيست" ناميدن جمهوری اسلامی همه گناهان اين رژيم واپسگرای سرکوبگر را بر گردن دشمنی پنداری بنام شوينيسم فارس می‌اندازند و تنها راه رهائی از ستم چندلايه‌ای را که بر سر مردم میرود، جدا کردن راه خود از ديگر ايرانيان و پيوستن به همزبانان آنسوی مرزها می‌دانند. اين که کُنشگران چنين گرايش‌هائی بر آتش جدائی و ستيز در ميان ايرانيان دامن می‌زنند تنها يک سر داستان است. سوی ديگر آن پاک کردن دامان "ولايت فقيه"، "پان اسلاميسم" و "پان شيعيسم" واپسگرا از همه گناهان است. سردمداران جمهوری اسلامی اگر کسانی را بکار می‌گرفتند تا با هزينه فراوان چهره آنان را از همه بزهکاريهايشان بزدايد و دامانشان را از اينهمه سرکوب و کشتار و شکنجه و تاراج دارائی‌های ملی ايرانيان و بخشيدن آنها به بيگانگان و گريزاندن سرمايه‌های انسانی از کشور بپيرايد، هرگز نمی‌توانستند چنين پيروز شوند، و چرا بايد برای اينکار پولی بپردازند، در جايی که نژادپرستان جدائی خواه بی مزد و از دل و جان به چنين کاری می‌پردازند؟"(1).
مزدک بامدادان ذات عالی نین پریشان فیکیرلریندن ده بللی اولدوغو کیمی تهرانداکی حاکیمیت باشیندا اولانلار فارس شوونیستلیک سیستیمینه توتولموش قوللار ساییلارلار. حاکیمیتده قالماق اوچون ایسلام دئیه بیر مقوله سؤز قونوسو اولمادیغی اوچون ایسلام دیلی ساییلان عربجه یه و ایران ممالیکی محروسه سینده کی عرب خالقینا اوخول و اونیوئرسیته لرده آنا دیلی اولاراق یاساق ائدیلر. اوسته لیک ایسلام دینی نین یاییلماسیندا تاریخ بویو بؤیوک ساواشلار آپاران تورکلرین آنا دیللری فارس شوونیستلیک سیستیمینه اساساً اوخول و اونیوئرسیته لرده پهلوی شاهلاری زامانی اولدوغو کیمی گئنه ده یاساق اولونار. بونلار هامیسی فارس تمامیتچیلیگی آدینا حیاتا کئچر دئیه دوشونمه لی ییک. ائله بوندان یانا دا میللی منلیک و کیملیگینی بیر اینسان کیمی سئون بعضی آذربایجان روحانیلری اؤزلرینی فارسلیق سیستیمی نین عیرقچیل داورانیشلاری نین یانیندا دئییل، خالق ایجتماعیتی نین یانیندا گؤرمک ایستر دئیه دوشونمه لی ییک. مزدک بامدادان گئنه ده یازیر:
".. ۴. آشوبهای خردادماه سال پيش زنگ خطر را برای خوشبين‌ترين تلاشگران راه مردمسالاری و آزادی نيز به صدا درآوردند. کسانی که تا به آنروز پرداختن به چالشهای قومی-زبانی را کاری بيهوده و بزرگنمايی می‌خواندند، بيکباره دريافتند که انباشته شدن خواسته‌های گوناگون و سرکوب دامنه‌دار و گسترده و بويژه نهادينه شدن نابرابری و ژرف شدن نگاه "خودی-ناخودی" در يک جامعه بسته و خاموش گاه تنها نيازمند آن است که سوسکی در روزنامه‌ای واژه‌ای ترکی بر زبان براند تا استانی در آتش خشم و کينه بسوزد. اينرا ديگر امروز همه می‌دانند که سوسک بهانه‌ای بيش نبود و قبيله‌گرايان و نژادپرستان از آن دست‌آويزی ساختند ..."(1).
اوسته گؤروندوگو کیمی آذربایجان شهرلرینده فارس شوونیستلیگی علیهینه 1385 اینجی ایلین خورداد آییندا باشلمیش میللی منلیک و کیملیک حرکتی فارس باستانگرایلاری، راسیتلری و فاشیستلری نین قارانلیق یوووالارینا سو آخیتمیش مقامدا یئرلشیر. فارس تمامیتچیلری آذربایجانلیلارین دیل و مدنیت آزادلیغی حرکتلرینی آزادلیق مقوله سی ایله باغلی دئییل، بیر آراقاریشیقلیق (آشوب) دئیه قلمه آلماغا چالیشارلار. تورک دیلینه رسمی اولاراق یازیلیب اوخونما حاققی تانیمایان فارسلیق سیستیمی نه اوچون تورک ائتنوسونون میللی کیملیگی و منلیگینی تئرور ائتدیرمک اوچون بعضی ژورنالیست دئیه معلوم الحال شخصلر واسیطه سی ایله دؤولتین رسمی تریبونو ساییلان "ایران" گونده لیگینده تورکلرین دیلینی پیسپیسلی موجودلارین دیلینه بنزتمگه چالیشار مقوله سینه ده بو "مردمسالار" ایفاده لری نین دالیندا گیزلنمگه چالیشان فارس راسیستلری، باستانگرایلاری و اونلارین قویروقلاری جاواب وئرمه لیدیرلر. مزدک بامدادان عوامفریبلیک ائتمگه چالیشاراق یازیر:
"۵. .... هواداران راستين حقوق قومی-زبانی بايد با راندن قبيله گرايان و نژادپرستان از ميان خود به ديگر شاخه‌های جنبش مدنی نشان دهند و بياموزند گفتن اينکه کُردها "مرزداران غيور" و "صاحبخانه اصلی ايران و آريائی اصيل" هستند، برای زندگی فرهنگ و زبان يک "کُرد" نه نان می‌شود و نه آب، اگر آذربايجانی را هزار سال ديگر هم "تاج سر ايران" و "ايرانی‌تر از هر ايرانی" بخوانند، هيچ گلی بر سرش نزده‌اند، آذربايجانی به پيوندهای خود و نياکانش با خاک اهورائی ايرانزمين بخوبی آگاه است و اکنون در پی آنست که بداند آيا ديگر ايرانيان نيز به اين اندازه از آگاهی رسيده‌اند تا آن بدانند، يا تنها برای شيرين کردن دهان اوست که چنين ستايشهائی را بر زبان می‌آورند..."(1).
اوسته گؤروندوگو کیمی فارس راسیستلری و باستانچیلاری قاپیدان قاویلان اوغرو دک باجادان سوخولماغا چالیشارلار. اونلار کوردلرین دیل و مدنیتلرینی یاساق ائتدیکلرینه باخمایاراق اونلاری "آریائی اصیل" قلمه آلارکن آذربایجانلیلارین میللی کیملیک و منلیکلرینی داناراق اونلاری "اهورالی (خاک اهورائی)" و خیالی موجودلارا بنزتمگه چالیشارلار.
قایناقلار:
1 مزدک بامدادان، زبان مادری و کیستی ملی، 11. سخنی در میان راه:
http://www.iran-emrooz.net/index.php?/politic/more/13853/
2 1945 اینجی ایلدن 2003 اونجو ایله دک "یاشاسین ایسلوونی" یوگوسلاویا میللیتلر دؤولتی" نین ایصطیلاحاً میللی مارشی ساییلیردی. بو مارش 1848 اینجی ایل پراگ شهرینده ایسلاولارقورولتاییندا "پان ایسلویستلر" طرفیندن قبول اولاراق ایسلاولارین میللی مارشی دئیه قبول اولموشدو. اصلی ایسلوواکلی اولان ساموئیل توماشیک بو متینی ایلک اولاراق "یاشاسین ایسلوواکلار Hey, Slovaci" دئیه قلمه آلمیش. ایسلوواکدا بو مارش بوگون ده اوخونماقدادیر.
ایسلوونی دیلی ایسلاو دیللری نین گونئی قولونا (هیندو ژئرمن) باغلیدیر. 2 میلیون اینسان آنا دیلی دئیه بو دیلده دانیشار. مای آیی نین بیری، 2004 اونجو ایلدن باشلایاراق بو دیل ایسلوونی مملکتی نین ایداره دیلی ساییلار. بو دیل اؤتریشین بعضی بؤلگه لرینده (20.000 نفر) و ایتالیادا دا آنا دیلی اولاراق دانیشیلار. بو دیلده دانیشانلار اؤزلرینی Slovenci، اؤز دیللرینی Slovenščina آدلاندیرارلار.
3 ,Brenda Shaffar, THE FORMATION OF AZERBAIJANI COLLECTIVE IDENTITY IN IRAN, Nationalities Papers, Vol. 28, No. 3, 2000
4 ناصر پورپیرار، ردیّه ای بر شاهنامه ابوالقاسم فردوسی http://www.azerses.org/775.htm
5 Languages of Iran
http://www.ethnologue.com/show_country.asp?name=Iran
6 رضا شاه باشچیلیغیندا فارس دیلیندن عربچه سؤزجوکلری آریتماق اوچون بیر کمیسیون قورولموش. بو کمیسیون نقطه و خطدن باشلایاراق اونلاری ریاضی یولو ایله ایضاح ائتمکله یئرلرینه فارسچا معادیل سؤزجوک قویماق نظرده توتولورموش. رضاشاه فارس فرهنگیستانی نین سؤزجوک یاراتماق اوزره بو باشاریق سیزلیغینی نظره آلاراق بو مسئله نین دوردورولماسینی آنجاق ایمکان داخیلینده یئنی سؤزجوکلر باشقا ساحه لرده یارادیلماسینا راضیلیق وئرمیش. بو مسئله او کمیسیونا قاتیلان بعضی اینسانلار طرفیندن ایجتماعیته یول آچمیش.
7 احمد کسروی، زبان پاک، صحیفه 20-24.
8 ایشیق سؤنمز، نورالدین غروی مرعشی و علی حصوری نین گؤروشلرینه باخیش: http://www.yenises.org/?p=994
ایشیق سؤنمز، 13.08.2007