آذربایجان آیدینی و فارس تشکیلاتلاری

هر بیر نسنه (شئی) نین آدی اولدوغو کیمی هر بیر حرکتین ده اینسانلار کیمی آدی و کیملیگی اولمالیدیر. اوندان یانا دا  ائتنیک گونئی آذربایجان تورپاقلاریندا باشلانمیش حرکت ده "میللی" کلمه سینی آذربایجانا آرتیراراق "آذربایجان میللی حرکتی" آدینی اؤزو اوچون قبول ائتمه سی اولدوقجا دوغال و طبیعیدیر. دئمک، بیر سیرا فارس قوروپلاشمالاری و تشکیلاتلاری نین آذربایجان میللی حرکتی آدیندان راحاتسیز اولمالاری اونلارین آذربایجانلیلاری سئویب و سئومه دیکلریندن ایلری گلن بیر مسئله دئییل، بو اونلاردا فارس ایستعمارچیلیق مفکوره سی حؤکوم سوردوگوندن ایلری گلن بیر مسئله دیر. اخبار روز سایتی نین تحلیلچی سیندن اوخویوروق:

"اعتراضاتی که علیه چاپ کاریکاتور و مطلبی طنزآمیز و توهین کننده، در یک هفته ی گذشته روی داد، تا زمانی که در چارچوبه دانشگاه ها محدود مانده بود، حکومت را نه به فکر توقیف روزنامه و دستگیری روزنامه نگاران انداخت و نه به فکر دل سوزاندن برای «هموطنان آذری». اما وقتی شهر بزرگ تبریز به اعتراض برخاست و بیم گسترش اعتراضات به سایر شهرهای آذربایجان تقویت شد، حکومت خود را در برابر یک بحران ملی یافت. ساده ترین روشی که برای مقابله با این بحران و فرو نشاندن آن به ذهن حکومت گران رسید، آسان ترین و آشناترین روش بود: توقیف روزنامه و دستگیری روزنامه نگار."(1)
بیلیندیگی کیمی آذربایجان میللی مسئله سی ایران آدلی فارس روزنامه سی نین باغلانیب و باشقا فارس روزنامه سی نین آچیلماسی ایله حل اولوناجاق مسئله دئییل. دئمک، بو فیکیرلری "اخبار روز" سیته سی اورتایا آتماقلا "آذربایجان میللی مسئله سینی آنلامیش و درک ائتمیش مقمدا یئر آلمیر. آذربایجان میللی مسئله سی بیر میللتین 21 اینجی عصیرده ،بیلگیسایار و کامپیوتئر چاغیندا اؤلوم و قالیم مسئله سی دیر. آذربایجان میللی مسئله سینی بیر فارس روزنامه سی نین آچیلیب باغلانماسی ایله علاقه لندیرمگه چالیشانلار آذربایجان میللی مسئله سی نین اولدوغونو دانماق ایسته مه گه چالیشانلاردیرلار. فارس جراییدینده بو تحقیر ائدیجی و راسیستی سیاست (تورک خر و ساییره) کئچمیش 90 ایلده آز چوخ داوام ائتمیشدیر (بو تحقیرلری مشروطه حرکتینه قاتیلمیش محمد تقی ملک الشعرای و عاریف قزوینی نین ده اثرلرینده گؤرمک اولار). دئمک، آذربایجان میللی فعاللاری خالق ایجتماعیتینی قودورقان فارس راسیستلیک مفکوره سی ایله "ایران" آدلی قازئته ده دال با دال چاپ اولموش مقاله لرده ایله تانیش ائتمکله خالقی کیتله سی نی میللی حرکته داها دا آرتیق  قازانابیلمیشلر.(2، 2.1). مؤلیف گئنه ده یازیر:

" دوم: حکومت می خواهد اعتراض مردم آذربایجان را که متوجه بی حقوقی های طولانی ناشی از حاکمیت رژیم جمهوری اسلامی و حتی حکومت های پیشین ایران است بر سر این روزنامه و آن روزنامه نگاران خالی کند."(1).

مؤلیف اوسته ضیمنی آذربایجان ایجتماعیتینه ظولم اولدوغونو قلمه آلماسینا باخمایاراق بو مسئله نی بیر شهروندلیک مقامینا دوشورموش مقامدا یئر آلیر. بیلیندیگی کیمی فارس حاکیمیتلری طرفیندن آذربایجان میللتی علیهینه اویقولانمیش حاقسیزلیقلار یانیز شهروندلیک مقوله سینه قیسیتلاناجاق دئییل، میللی آتریبوتلاری ایچره جک بوتون مقوله لر باخیمیندان آذربایجان میللتی فارس شوونیستی نین باسقینینا معروض قالمیشدیر. بوگون ایستر فارس دیل و مدنیتی نین ایران ممالیکی محروسه سینه حاکیمیت ائدیلمه سی، ایسترسه ده ایداره ائدیجیلیک باخیمیندان فارس ایستعمارچی سیاستی ایران ممالیکی محروسه سی و ائتنیک آذربایجان تورپاقلارینا حؤکوم سورمکده دیر. گئنه ده اوخویوروق:

" نمی توان تصور کرد ده ها هزار نفری که در تبریز و سپس ارومیه به خیابان ها آمدند تا اعتراض خود را به وضعیت موجود اعلام دارند، نسبت به افزایش فقر و فساد، نبود آزادی های دموکراتیک، نقض حقوق زنان و کارگران، سرکوب و دیکتاتوری و سیاست های ماجراجویانه خارجی جمهوری اسلامی که امنیت همه مردم ایران را در خطر قرار داده است، معترض نبوده اند... این نقطه ی پیوند میان آن چه کل ایران می خواهد با آن چه آذربایجان علاوه بر آن می خواهد، ..."(1).

اوسته ایشاره اولدوغو کیمی "ائتنیک  آذربایجان" ایجتماعیتی میللی مسئله باخیمیندان فارس ایجتماعیتی ایله قارشیلاشدیریلاجاق دئییل، فارس ویلایتلرینده فارس دیل و مدنیتی حاکیم اولدوغو حالدا آذربایجان ویلایتلرینده آذربایجانلیلار اؤز دیل و مدنیتلریند محروم و فارس راسیستلیگی نین الینده فارس اولوناجاق بیر ملزمه دوروموندا یئرلشمیش مقامدا اؤلوم یوخسا قالیم گونلرینی کئچیرمک اوزره دیرلر. سای باخیمیندان بو مسئله یه یاناشارساق، آذربایجان تورکلری ایران ممالیکی محروسسینده فارس ائتونوسدان آز دئییل، چوخ ساییلارلار، فارسلار: 22,000,000 in Iran (1997).، آذربایجانلیلار: 23,500,000 in Iran (1997)..(باخ:3). 

دئمک، فارس تشکیلاتلاریندا آذربایجانلیلارین پادوچولوق ائتمه لری آذربایجانلیلاری محللی بیر قووم، طایفا و فارسلاری ایران آدی آلتیندا بیر میللت ائده جک مقوله، هئچ ده دئموکراتیک پرینسیبلره اویوشاجاق مقوله دئییل. دئمک، فارس ائتنوسو اوچون دیکتاتورلوق گونون مسئله سیدیرسه، آذربایجان ائتنوسو فارس راسیستلیگی اساسیندا قورولموش ایستعماری بیر سیستیم ایله اوز اوزه دیر. دئمک، فارس ائتنوسو دیکتاتورلوقدان قورتارماق و آزاد یاشاماق اوچون ایلک اؤنجه بو ممالیکی محروسه ده کی میللیتلرین میللی وارلیقلارینی رسمیته تانیمالی و اؤز گله جکلرینی اؤز اللری ایله بلیرله مکلرینی قبول ائتمه لی و کوروش و داریوش رؤیالاریندان ال چکمه لیدیرلر. بیلیندیگی کیمی آذربایجانلیلار کئچمیش 1000 ایلده ایران ممالیکی مجروسه سینه حاکیم اولدوقلاری حالدا بوگون اؤز اللری ایله دیوان دیلی ائتدیکلری، دیلی نین قالخانلاری آلتیندا یوخ اولماق اوزره دیرلر. آذربایجانلیلارین یوخ اولماسی عادی فارس اینسانینا هئچ نه گتیرمه یه جک، یالنیز بیر سیرا اویدورما تاریخلردن خسته لیگی گونوموزه گتیرن فارس سادیستلری نین بو مسئله کؤنوللرینی راضی ائده بیله جک گؤرونور. بونلار اؤزلری اوچون اویدوروچو پیامبر (زردشت)، فارسی باستان  دئیه باشقا قدیم متینلری فارس دیلی نین قدیم بیر واریانتی کیمی تقدیم ائتمگه چالیشیرلار. گئنه ده اوخویوروق:

" در شعارهایی که در جریان حرکات اعتراضی اخیر، مطرح شد و به گوش رسید، کمتر نشانی از خواست های عمومی مردم ایران – صرف نظر از آن که به کدام زبان و ملیت تعلق دارند – شنیده و دیده می شد. تاکید افراطی بر «خصلت ملی» این اعتراض، این خطر را تقویت کرد که چنین حرکاتی چه بسا، به راهی جدا از روند عمومی جنبش دموکراتیک در ایران منجر شود. درد بزرگ و مشترک همه ی مردم ایران وجود استبداد و دیکتاتوری در کشور است و تا این درد درمان نشود، .."(1).

اوسته ایشاره ائتدیگیمیز کیمی سراسری دئدیکلری فارس تشکیلاتلاری میللیتلر (آذربایجان، فارس، کورد، عرب، لور، بلوچ، تورکمن و ساییره میللی تشکیلاتلارا میللی منلیک و کیملیکلرینی اساس گؤتوره رک دوشونجه لری اساسلاریندا) تشکیلاتلارینا بؤلونمه لیدیرلر. دئمک، بو میللیتلر اؤز دیل و مدنیتلری اساسیندا تشکیلاتلانمادان فارس تشکیلات و شخصلری نین چاغری و دعوتلری واقعیتلره اویقون گؤرونمور. بیر داها بو مسئله نی وورقولامالی ییق: فارس ائتنوسو دیکتاتورلوق مسئله سی علیهنه اولدوغو حالدا باشقا ائتونسلار فارس راسیستلیگیدن جانا گلمیش مقامدا یئر آلیرلار. دئمک؛ خوش نیتلی اولان فارس آیدینلاری تشکیلاتلاری قیدیاتیندا ساخلادیقلاری ایدئولوژی قوللارینی آزاد ائتمه لی، اونلاری اؤز دیل و مدنیتلرینه اویقون تشکیلاتلاری یاراتماقلارینا تشویق ائتمه لی و خالق رغبتینی بو میللیتلره اساسلانمیش تشکیلاتلار قازاندیقلاریندان سونرا موختلیف جبهه لر اساسیندا ایران ممالیکی محروسه سی ایجتماعیتلری ایستر دیکتاتورلوق، ایسترسه ده میللی ظولملردن آزاد اولابیلر دئیه دوشونمه لی ییک. اؤز ائولرینده آزاد بیر فضا یاراتما قابیلیتینده اولمایانلار ذاتلار، قونشولارینا دا بو آزادلیغی تقدیم ائده بیلمز دئیه دوشونمه لی ییک. مشروطیت حرکاتی نین بؤیوک ضعیفلیکلریندن بیری ده میللتلر اساسیندا تشکیلاتلارین یارانمادیغی اولموشدور. بئله لیکله ایران اوچون مشروطیت و دئموکراسی دئیه باغیران آذربایجان دئموکراتلاری تهرانا چاتدیقلاریندان سونرا فارسلیق دیکتاتورلوغو و ایستعمارینا قوربان اولموشلار. گئنه ده اوخویوروق:

" .. درد بزرگ و مشترک همه ی مردم ایران وجود استبداد و دیکتاتوری در کشور است و تا این درد درمان نشود، هیچ کدام از مشکلات جامعه ی ما – از جمله خواست های به حق مردم اذربایجان، کردستان، بلوچستان، ترکمن ها و عرب ها نیز سامانی دموکراتیک نخواهد یافت. گروه های افراطی «هویت طلب» که به جای تاکید بر مشکلات مشترک و منافع مشترک همه ی مردم ایران، کوشیدند و باز هم می کوشند مردم آذربایجان را در برابر سایر مردم ایران و به ویژه «فارس»ها قرار دهند و جنگ ترک و فارس ایجاد کنند و شمشیر نبرد علیه «فارسیسم» را تیز کنند. و نه تنها فارس ها."(1).

بیلیندیگی کیمی هر بیر هدف اوچون ایستکلر بللی اولمالیدیر. دئمک، بوگون آذربایجانلیلارین فارس اساسلی تشکیلاتلاردان آیریلمالارینی طلب ائتمک، اونلاری اؤز دیل و مدنیتلری اساسیندا تشکیلاتلارین یارانماسینا ترغیب ائتمک هئچ ده فارس دوشمنلیگی دئییلدیر. یالنیز عوامفریب فارس تشکیلاتچیلاری ایران ممالیکی محروسه سینی اؤز یاراتدیقلاری تشکیلاتلاری نین دارچرچیوه سینده ایضاح ائتمه گه چالیشدیقلاری اوچون سولچوسو بو مسئله نی "ناسیونالیست کور، پان ترکیست و پان عربیسم" (4، 4.1،4.2، 4.3، 4.4) و ساغچیلار "پان ترکیست و پان عربیست" (5، 5.1، 5.2) دئیه  ایران ممالیمکی محروسه سینده کی میللتلر علیهینه قلمه آلارلار. گؤروندوگو کیمی، فارس شوونیستیلیگی ایران ممالیکی محروسه سینده فارسلار آراسی ساغ و سول تانیماز مقامدا یئر آلار. دئمک، آذربایجالیلارین اؤز دیل و مدنیتلری اطرافیندا میللی و مدنی و سیاسی تشکیلاتلار یاراتماغا جان آتمالاری دئموکرتلیق پوزو توتان ذات عالیلر طرفیندن ده ایفراتچیلق قلمه آلینار . مسئله بئله اولدوقدا بو مسئله نین تاریخی کؤکلرینی آختارماق لازیم گؤرونور(6). اوسته گؤروندوگو کیمی ایران ممالیکی محروسه سینده کی میللیتلرین دردی یالنیز حاکیمیت مسئله سی دئییل، فارس دیل و مدنتینه اساسلانمیش سیستیم مسئله سیدیر. ایران ممالیکی محروسه سینده دیل ومدنیتلر برابرلیگی اساسیندا کونفئدرال (کؤنوللو موستقیل دؤولتلر بیرلیگی) بیر وضعیت یارانمازسا، بو ممالیکی محروسه سینده کی حاکیمیتلر ایش اوسته قالمالاری اوچون یالنیز فارس شوونیستلیگینی اساس گؤتوره رک دیکتاتورلوق و ایستعمارچیلیق اساسیندا ایداره اولونابیلرلر.

دئمک، آذربایجان میللی حرکت دئدیکده،  بو حرکته قوشولاجاق هر بیر شخص و تشکیلات آذربایجان میللی مشخصه لرینی اؤزو اوچون قبول ائتمه لیدیر. بوگون ایران ممالیکی محروسه سینده موختلیف ائتنیکلری نظره آلاراق هر کس اؤنوزو باغلی بیلدیگی میللتله تعریف ائتمه لی و ایسنان حاقلارینی نظره آرالاراق اؤز میللی منلیگی و کیملیگینی مودا اولموش سراسری دئیه فارس تشکیلاتلاری چرچیوه سینه قاپیلمامالیدیر. هر میللتین اؤزونه مخصوص تشکیلاتلاری اولدوغو کیمی فارس دیل و مدنیتی نین ده اؤزونه خاص تشکیلاتلاری واردیر. دئمک، فارس تشکیلات و ایداره لرینده مشغول اولان ذات عالیلر ایستر ایستمز اؤزلرینی فارس ماراقلارینا تقدیم ائتمیش اینسانلار ساییلمالیدیرلار.  

قایناقلار:

1                    پیرامون اعتراضات اخیر مردم آذربایجان، درد بزرگ و مشترک همه ی مردم ایران استبداد و دیکتاتوری است: http://www.iran-chabar.de/news.jsp?essayId=3187

2         سهیل (مانا نیستانی) تقدیم میکند:چه کنیم که سوسکها سوسکمان نکنند:

http://www.iran-newspaper.com/1385/850222/html/children1.htm#s614994

2.1     یک فاجعه دردناک: چنگیز میمیرد:

http://www.iran-newspaper.com/1385/850229/html/children1.htm#s618276

3        Languages of Iran: http://www.ethnologue.com/show_country.asp?name=IR

4      علی اکبر حق پژوه: مروری کوتاه بر ناسیونالیسم کور بدون هویت تاریخی - ۳

http://www.akhbar-rooz.com/article.jsp?essayId=2632،

http://www.kar-online.com/melli/melli-natiokur-a-haqpeZuh-070285.html

4.1   علی اکبر حق پژوه: مرورى كوتاه بر ناسيوناليسم كور : پان تركيسم و پان عربیسم-1

http://www.shamstabriz.com/kar-nasionalism.htm

4.2          علی اکبر حق پژوه: مروری کوتاه به ناسیونالیسم کور (۲) : ناسیونالیسم کور بدون هویت تاریخی. http://www.akhbar-rooz.com/article.jsp?essayId=2468

4.3   علی توفانی، مروری كوتاه بر ناسيوناليسم كور، پنجشنبه ٢۵ اسفند ١٣٨۴ – ١۶ مارس ٢٠٠۶

http://www.iran-chabar.de/1384/12/25/toofani841225.htm

4.4   حزب کمونيست کارگری (حکمتيست) گروه مسلح تشکيل می دهد: گارد آزادی:

http://www.iran-chabar.de/1384/07/29/004.htm

5               اعتراض جمعی از اعضای جبهه ملی ايران به يك تصميم وزارت آموزش و پرورش، پنجشنبه 23 بهمن 1382: http://news.iran-emrooz.de/more.php?id=3041_0_7_0_M

5.1   امیر حسین خنجی: پان‌توركيستها ‌و آرزوی پاره‌پاره شدن ايران:

http://politic.iran-emrooz.net/index.php?/politic/more/7657

5.2   کردستان: مصاحبه رادیوفردا با محسن پزشکپور و هوشنگ طالع

http://www.radiofarda.org/iran_article/2005/1/3bf70519-f259-450e-90ec-5707551f2e00.html    

6               ناصر پورپیرار، منشاء بيماری هموطن ستيزی و تجزيه طلبان فارس:

 http://www.shamstabriz.com/porpirar-bimary.htm

ایشیق سؤنمز 25.05.2006

فارسچی گؤروش