آذربایجان میللی مسئله سی و حزب کمونیست کارگری فارس (1)

 

21. اینجی عصیرده میللی کیملیک آچیسیندان هر بیر میللت اؤولادی اؤلوم یوخسا قالیم مسئله سینی درک ائدرسه، اؤز میللی وارلیغی نین نئجه یاشایابیلمه سی اوچون دوشونمه لی و تدبیر تؤکمه لیدیر. میللی مسئله یالنیز ظولم آلتیندا یاشایان و وارلیقلاری یوخلوق ایله اوز اوزه قالان میللتلر آچیسیندان دئییل، اؤز ایستیقلالیتی نی قازانمیش میللتلر اوچون ده بو یاناشما کئچرلی ساییلار. ایستیقلالیتی اولان میللتلر بو مسئله نی میللی ماراقلار دئیه قلمه آلارلار. بو دئدیکلریمیزه اؤرنک "کنگر کؤرفزی" اوزره اؤنه سورولموش آد مسئله سیدیر. کنگر کؤرفزینه فارسلارین "خلیج فارس/ خلیج همیشه فارس" و عربلرین ایسه "خلیج عرب" دئمکلری اونلارین بو آدلارا عاشیق اولدوقلارینا دایالی دئییل، بؤلگه ده کی فارس و عرب میللتلری نین میللی ماراقلارینا دایانمایش و اساسلانمیبش بیر یاناشما ساییلار. آذربایجانلیلارا گلدیکده ایسه، میللی و جغرافی باخیمیندان اونلار بو کؤرفز (خلیج) اوزره ماراق دویمادیقلاری اوچون ایستر "فارس خلیجی"، ایسترسه ده "عرب خلیجی" آدی نین بو کؤزفزه بیر آد اولاراق وئریلمه سی آذربایجان میللتی نین میللی ماراقلاریندا اتکیلی اولمادیغی اوچون آذربایجانلیلار آراسیندا بو آدلارا قارشین مقاومت یارانماز[i]. اؤزونو "حزب کمونیست کارگری ایران" آدلاندیران فارس تشکیلاتی نین "فارس ایستعمار یانچیلاری و شوونیستلری"نی "نیروهای عظمت طلب" آدلاندیرماغا چالیشماسی دا فارس دؤلتچیلیک ماراقلاری آچیسیندان اولدوقچا اؤنملی ساییلار. دئمک، "فارس شوونیستلیگی"نی "عظمت طلب" آدلاندیرماقلا حزب کمونیست کارگری بیر اوخ ایله ایکی هدف وورموش اولار:

1- ایران ممالیکی محروسه سینده فارس ایستعمارچیلیغی و شوونیستلیگی دانماق. بئله لیکله "ایرانیت" آدینا یالنیز بیر سایدا انسانلارین اوستون اولماق ایستکلری ظاهیرده پیسلنمیش اولار. 2-ایران ممالیکی محروسه سینده ازیلمیش میللیتلرین میللی مسئله لری باشدا دیل و مدنیتلرینی دانماق.

اؤزونو حزب کمونیست کارگری نین رهبری کیمی تقدیم ائدن حمید تقوایی میللیتلر مسئله سی نین وار اولدوغونو دانماق اوچون New Channel آدلی تئلویزیونلاریندا منلیک و کیملیک مسئله سینی "طبقه کارگر" آچیسیندان دگرلندیرمگه چالیشاراق "کارگر سنندجی" دئدیکده منلیک و کیملیک مسئله نین وار اولمادیغینی ایفاده ائتمگه چالیشار[ii].

اوسته گؤروندوگو کیمی ایستعمارچی شخص و تشکیلاتلار بیر مسئله نین وار اولدوغونو دانماق اوچون یئری گلدیکده ایجتماعیت قارشیسیندا اؤزلرینی جاهیللیگه وورماق ایسترلر. بیلیندیگی کیمی میللی مسئله دئییلدیکده هر هانکی توپلومداکی صینیفلردن بیری نظرده توتولماز، هر میللی توپلومو اولوشدوران بوتون صینیفلر نظرده توتولار. فارس ایستعمارینا پادوچولوق ائدن و اؤزونو تئلویزیون پروگرامیندا آذربایجانلی کیمی تقدیم ائدن "محسن ابراهیمی" آدلی ذات عالی نین فیکیرلری ایله تانیش اولماق بو ایستعمارچی فیکیرلرین نه بویوتلارا واردیغینی اؤیرنمک اوچون پیس اولماز دئیه دوشونورم، محسن ابراهیمی آذربایجان اولایلاری اوزره یازیر:

"مندرجات روزنامه حکومتي "ايران" صاف و ساده لجن پاشي راسيستي به روي بخشي از مردم ايران است.  حرکت روزنامه "ايران" تعجب آور نيست.  ... اين حرکت بخشي از يک جداسازي و تبعيض و راسيسم و فاشيسم و سرکوب سيستماتيک ۲۷ ساله توسط حکومت اسلامي است."[iii]

گؤروندوگو کیمی محسن ابراهیمی ایران ممالیکی محروسه سینده کی شوونیستلیک و راسیستلیک مقوله سینی تهراندا حاکیم اولان ایسلام جومهوریتیندن قایناقلانان بیر مسئله کیمی قلمه آلماغا چالیشار. بئله لیکله مسئله نین اساسیندا فارس دیل و مدنیتینه اساسلانمیش بیر سیستیم نظردن قاچیریلمیش و یاییندیریلمیش اولار. ایران ممالیکی محروسه سینده دیل و مدنیت باخیمیندان آیری سئچگیلیک رضا میرپنج خاریجی عامیللر واسیطه سی ایله ایش اوستونه گلن گوندن باشلامیش بیر گؤرونوم ساییلار. بو مسئله نی ایسلام جومهوریتینه باغلاماق ظاهیرده مؤلیفین دونیا گؤروشوندن قایناقلانان بیر مسئله اولدوغونا باخمایاراق فارس نئهیلیستلیگینه قاپیلدیغینی دا سرگیلمیش اولار. دئمک، آذربایجانداکی اعتیراض حرکتلری یالنیز بیر کاریکاتورا اساسلانمیش مسئله دئییل، کاریکاتور بهانه اولاراق کئچمیش 80 ایلده میللی تئرور و میللی ایستعمارین علیمینه باش قالدیرمانین قاباریق گؤسترگه سی ساییلمالیدیر. گؤروندوگو کیمی فارس ایستعمار تشکیلاتی ساییلان حزب کمونیست کارگری بو ذات عالیه مسئله نین هانکی بویوتلاردا عمل ائتمه ائتدیگینه داییر فیکیر اولوشدورماغا ایمکان وئرمه میش. حزب کمونیست کارگری دورمادان ایران ممالیکی محروسه سینده کی میللیتلر مسئله سینی "قوم پرستی، هویت کاذب و ساییره" آدلاندیراراق محسن ابراهیمی لری اؤز منلیک و کیملیگینه اؤزگه یاشاتمیش. محسن ابراهیمی گئنه ده یازیر:

".. ايران مدتهاست صحنه اعتراض است. اعتراض به حکومت اسلامي به هر بهانه اي. نفرت عليه حکومت اسلامي گسترده و عميق است. مردم منتظرند از هر اتفاقي استفاده کنند و نفرت و انزجار خودشان عليه حکومت اسلامي و ارگانها و نهادهاي اين حکومت را ابراز کنند. دقيقا به همين دليل، نفرت پراکني راسيستي روزنامه "ايران" عليه بخشي از مردم به سرعت به يک حرکت اعتراضي در ابعاد بسيار گسترده تبديل شد."[iv]

گؤروندوگو کیمی ماللا لوغاتی اولاراق "حزب کمونیست کارگری" اورگانیندا ایفاده اولونانلاری مؤلیف بیر آذربایجانلی اولاراق تیکرارلاماغا چالیشار. بیلیندیگی کیمی بو اعتیراضچیلارین اکثریتی اینانج باخیمیندان مسلمان اولاراق فارس شوونیستلری طرفیندن اعمال اولموش میللی تحقیرلره و میللی ظولملره اعتیراض ائتمک نیتی ایله خیابانلارا چیخمیشلار. بئله لیکله بو اعتیراض آخینلاری ایسلام علیهینه دئییل، ایسلام دونونا بورونموش فارس ایستعمارچیلیی و شوونیستلیگی علیهینه یؤنلمیش بیر حرکت ساییلار. بو اعتیراضلارین آردینجا خالق ایجتماعیتی طرفیندن آذربایجان میللی مسئله سی نین دستکلنمه سی بو دئدیکلریمیزه بیر گؤسترکه ساییلار. محسن ابراهیمی گئنه ده یازیر:

"... اعتراض به راسيسم و تبعيض حکومتي جزوي از اعتراض بحق مردم ايران عليه حکومت اسلامي است. اعلام نفرت و انزجار از نفرت پراکني حکومتي است. اعتراض به فاشيسم و راسيسم حکومت اسلامي يک اعتراض بر حق و انساني است. از اعتراض به تحقير و تبعيض و راسيسم و فاشيسم بايد قاطعانه دفاع کرد."[v]

اوسته گؤروندوگو کیمی مؤلیف فارس شوونیستلیگی و ایستعمار حاکیمیتینی هدف آلمادان شعار وئرمگه چالیشار. دئمک، بو راسیستلیک داورانیشلاری فارس دیل و مدنیتی نی اساس گؤتورموش بیر حاکیمیت اورگانی طرفیندن حیاتا کئچمیش. ایران قزئتی عرب دیلینده یازیلسایمیش، ایسلام دینی عرب کؤکنلی اولدوغو اوچون بلکه ده بو مسئله نی ایسلامیته نیسبت وئرمک اولارمیش. آنجاق نه اوچون مسئله ایسلامیته نیسبت وئریلر، مسئله سینه گلدیکده فارس تشکیلاتلاریندا پادوچولوق ائدنلرین بیر چوخو میللی کیملیک آچیسیندان میللی تئرورا معروض قالدیقلاری و حمیق دوروما دوشدوکلری اوچون مسئله نین ماهیتینی درک ائتمکدن عاجیز گؤرونرلر. محسن ابراهیمی گئنه ده یازیر:

"... اما اين اعتراض برحق را بايد از تحرکات فاشيستي جريانات قوم پرست و پان ترکيست تميز داد. اعتراض به راسيسم حکومت اسلامي برحق است اما تحرک راسيستي و فاشيستي باندهاي خود گمارده پان ترکيست و فاشيست محکوم است."[vi]

گؤروندوگو کیمی تهران حاکیمیتینه اعتیراض اولما مسئله سینه گلدیکده مؤللیف بو مسئله نی ایسلام حاکیمیتینه اولموش بیر اعتیراض دئیه قلمه آلار. آنجاق آذربایجانلیلارین میللی منلیک و کیملیکلری سؤز قونوسو اولدوقدا مؤللیف بو منلیک و کیملیک مقوله سینی "فاشیستی، قوم پرست، پان ترکیست و فاشیست" دئیه قلمه آلار. مؤللیف بو آتدیغی ایتیهاملار اوزره دوراقلاماق ایستردیک:

فاشیستی/ فاشیست: میللی کیملیگی و منلیگی ازیلمیش بیر توپلوما فاشیست و اونون راسیستلیک علهینه اولان اعتیراضلارینی فاشیستلیک بیر عمل دئیه قلمه آلماق هانکی موجود و اینسانلارا یاراشار؟ بو ایفاده لری فارس ایستعمار یانلیسی تشکیلاتیندان بیر طوطو کیمی آلاراق مسئله نین ماهیتینه دوشونمه دن مظلوم میللت اوولادلاری علیهینه  ایشلتمک مئیموندان باشقا داها هانکی موجودلارا لاییق گؤرونر؟

قوم پرست:  انسانلاردا بیر شئی یه تاپینما (پرستش) مقوله سی قورخو عجوباتیندان، آدی چکیلن قورخونو گئدرمک اوچون گوجلو و شفاعتچی کیمی قبول ائدیلن هر هانسی بیر شئی و یا اللها عایید ائدیلمیش مقام ساییلار. قوم مقوله سی ایسه بیر بیرلری ایله قان باغلیلیغی اولان بیر نئچه ائوین (خانواده نین) بیر آرایا گلمه سی ایله آنلام تاپابیلر. تاپینما (پرستش) مقوله سی نین نه اولدوغونو بیلدیکدن سونرا 21 اینجی عصرده میللی منلیک و کیملیکلرینی فارس ایستعمارچیلاری و راسیستلری قارشیسیندا یاشاتماق ایسته گنلره قوم پرست آدی وئرمک جهالتدن و عوامفریبلیکدن باشقا داها نه اولابیلر دئیه محسن ابراهیمی بو دوغرولتودا داها آرتیق دوشونمه لیدیر!! گؤروندوگو کیمی ذهنیت و دوشونجه باخیمیندان فارس شوونیستلیک و ایستعمارچیلیغینی منیمسه میش ذات عالیلر میللی کیملیک و منلیک باخیمیندان دا اینسانلیق مقام و منزلتینی ایتیرمیش ساییلارلار. انسانلیق مقامیندان اوزاقلاشمیش ذاتلارا دوشونجه باخیمیندان خط وئرمک فارس راسیستلری و ایستعمارچیلاری اوچون اولدوقچا راحات ساییلار. اوندان یانا دا میللی منلیک و کیملیکلرینی سئونلرین غورورلارینی قیرماق اوچون فارس ایستعمارچیلاری اونلاری "پان ترکیست" ایتیهامی ایله آذربایجان ایجتماعیتینده تکله مگه و ایزوله ائتمگه چالیشار دئیه دوشونمه لی ییک.

پان ترکیست:"پان" ایسلاو کؤکنلی بیر کلمه ساییلار. پان کلمه سی " لهیستان دیلینده "آقا" آنلامینا گلر. بو کلمه بیرینجی دفعه یوقوسلاویده عثمانلیلارا قارشین ایسلاو خالقلاری نین بیرلشمه سی اوچون ایشلنمیشدیر. "پان" دئییمی سونرالار عثمانلی ایمپراتورلوغوندا گنج تورکلر طرفیندن تورک خالقلاری نین بیرلشمه سی اوچون ده بیر تئوری اولاراق منفی معنادا دئییل، مثبت معنادا ایفاده ائدیلمیش. بو تئوری یه اساساً تورک خالقلاری نین بیرلیگینی یاراتماق ایسته گنلر و بو دوغرولتودا چالیشانلار "پان ترکیست" حئساب اولونارلار. پان ترکیستلر بو دئییمی اؤزلری اوچون ایفتیخارلا ایراد ائدرلر (پان ایرانیستلر اؤزلرینی پان ایرانیست تقدیم ائتدیکلری کیمی: باخ محسن پژشکپور، هوشنگ طالع و ساییره)[vii].  گؤروندوگو کیمی پان کلمه سی اؤزلوگونده بعضیلری خیال ائتدیکلری کیمی بیر خوخو دئییل. هر هانکی دیل قوروپونا باغلی اولان خالقلار اؤز بیرلیک ایچریسینه قاپیلماق ایستکلرینی "پان" کلمه سی ایله ایفاده ائتمگه چالیشارلار. بوگونکو آذربایجان میللی مسئله سینی نظره آلدیقدا آذربایجان تورکلری باشقا ائتنوسلار کیمی اؤز دیل و مدنیتلرینی اؤز یاشادیقلاری ولایتلرده حاکیم ائتمک ایسته ییرلر. بو میللی منلیک و کیملیگی نی سئونلری "پان ترکیست" دئیه آدلاندیرماغا چالیشماق دا آذربایجان میللی مسئله سینه جاهیلجه و دوشمنجه یاناشماق دئمکدیر. بو دا فارس ایستعمارچیلارینا خیدمت ائده جک نئهیلیستلیک بیر مقام ساییلار. فارس ایستعمار تشکیلاتی ساییلان "حزب کمونیست کارگری" ده بو مقصدله آذربایجان میللی مسئله سی علیهینه دوشنملیک ائدیر دئیه دوشونمه لی ییک. محسن ابراهیمی گئنه ده یازیر:

".... تبعيض و راسيسم دولتي حکومت اسلامي ذره اي به تبعيض و راسيسم باندهاي قوم پرست آذري و ترک حقانيت نميدهد. اينها به اندازه فاشيسم اسلامي براي امنيت و آرامش و سعادت بشر مضر و خطرناک هستند. اينها زمينه براي ميدانداري همديگر ميدهند. هم فاشيسم و راسيسم دولتي حکومت اسلامي و هم قوم پرستي جريانات قوم پرست ترک و آذري، پايه هاي براه انداختن يک سناريوي خونين و نسل کشي هستند که نمونه هايش هنوز در مقابل چشمان ما قرار دارد: يوگسلاوي، رواندا و عراق!"[viii]

گؤروندوگو کیمی محسن ابراهیمی بورادا بیر آذربایجانلی کیمی دئییل، بیر فارسچی کیمی فیکیر یئریتمگه چالیشار. بو فیکیر یئریتمه لره علمی بیر اساسلارا دایانارسا، بلکه ده آذربایجان توپلومو اوچون یارارلی اولا. آنجاق اوسته محسن ابراهیمی ذات عالی یئریتدیگی فیکیرلر اوزرینده دوراقلادیقدا فارس ایستعمارچیلیغی و راسیستلیگی یئرینه ایسلام دینی نین اوتوردولدوغونو گؤروروک. بو آدرئس یانلیش وئرمه لر کئچمیش 80 ایلده آذربایجان ایجتماعیتی اوچون فاجعه لردن باشقا هئچ نه گتیرمه میش. بو فیکیرلره اساساً آذربایجان دیلی و مدنیتی نی سئونلر اؤز میللی منلیک و کیملیکلرینی اساس گؤتوردوکلری اوچون فارس راسیستلری و تمامیتچی قووه لر باخیشیندان یولا چیخیلاراق راسیست، قوم پرست آدلاندیقلاری حالدا فارس شوونیستلری و راسیستلری ایسه "عظمت طلب" ("وطن پرست" و "میللی") آدلانارلار[ix]. مسئله نین اوزرینده بیر آز داها دورواقلادیقدا آذربایجان میللی منلیگی و کیملیگینی سئونلر "حزب کمونیست کارگری ایران" آدلی فارس ایستعمارچی تشکیلاتی نین ایستعمارچی تئوریلرینه اساساً فارس ایستعمارچیلیغی، شوونیستلیگی و راسیستلیگی اوچون بیر خطر دئیه قلمه آلینارلار. فارس راسیستلری نین بو خطر مقوله لری یئنی بیر تاپینی دئییل، آوروپادا تحصیل آلمیش و راسیستلیک تئورسیندن اتکیلنمیش محمود افشار یزدی ده ایران ممالیکی محروسه سی علیهینه اوچ خطردن سؤز آچمیش: خطر زرد: تورکلوک، خطر قرمز: کمونیستلیک، خطر سبز: ایسلامیت! سونرالار بو تئوریلردن آدولف هیتلر ده فایدالانماغا چالیشمیش. آلمان نازیستلری ده آلمان فاشیستلیگینی گوجللندیرمک اوچون Rote Gefahr خطر قرمز (کمونیسم) و  Juden Gefahr خطر یهودیت ایفاده لرینی دورمادان ایجتماعیت ایچره تبلیغ ائتمیشلر. آلمان راسیستلری نین بو یانلیش تبلیغاتلاری نین نتیجه سینه دونیا ایجتماعیتی تانیغ اولموش (دئمک، 6 میلیون اینسانین زهرلی گاز اوتاقلاریندا بوغولماسی، کوره لرده یاندیریلمالاری، بیر چوخ اینسانلارین آلمان نازیستلری الیندن قاچاراق اسیر و سورگون اولمالاری، ایکینجی دونیا ساواشی نین اوز وئرمه سی و آلمان ایجتماعیتی اوچون فلاکت و آلمان میللتی و تورپاغی نین ایکیه بؤلونمه سی و ساییره). بو فاشیستلیک و دئماقوژیک یاناشمالاری اؤزلرینی "حزب کمونیست کارگری ایران" آدلاندیران فارس ایستعمار تشکیلاتی نین رادیو تئلویزیونوندان ائشیتمک (باخ: New Channel TV) و اینتئرنئت سیته لرینده اوخوماق اولار. بو اؤرنک وئردیگیمیز و وئره جه گیمیز اؤرنکلر ده او دئماقوژیک، ایستعمارچیلیق و فاشیستلیک فیکیر یئریتمه لردن یالنیز اؤرنکلر ساییلمالیدیر. محسن ابراهیمی گئنه ده یازیر:

" فاشيسم اسلامي و فاشيسم قوم پرست، دو روي يک سکه! جريانات ناسيوناليستي به تحرک وسيعي دست زده اند تا اين اعتراض بحق مردم آذربايجان عليه رسانه حکومتي و حکومت اسلامي را به حرکتي قوم پرستانه تبديل کنند. اينها تلاش ميکنند اين حرکت و اعتراض به سياست تبعيض و تحقير و زير پا گذاشتن حرمت مردم را به سنگري براي پيش بردن دستور سياسي ارتجاعي خود تبديل کنند. .... قوم پرستان تلاش ميکنند اين اعتراض بر حق مردم عليه حکومت اسلامي را به پله اي براي اهداف سياسي قوم پرستانه خود تبديل کنند.... شعارها و مطالبات باندهاي  ناسيوناليسست وفاشيست و قوم پرست عموما و اينجا باندهاي پان ترکيست و فاشيست آذري مشخصا به همان اندازه تبعيض و شوينيسم حکومت اسلامي نفرت بر انگيز است. برنامه سياسي اين باندها به اندازه خود حکومت اسلامي براي رفاه و سعادت بشريت مضر و خطرناک است."[x]

گؤروندوگو کیمی محسن ابراهیمی ذات عالی فاشیسم مقوله سی ایله ده تانیش دئییلدیر. دئمک، محسن ابراهیمی ایستعمارچی فیکیرلر داشییان فارس تشکیلاتچی یولداشلاریندان دالی قالماسین دئیه آیی اویونو چیخارماغا باشلامیش گؤرونر. بیلیندیگی کیمی ائتنیک آچیدان فاشیسم، شوونیسم میللی (برتر شماری میللی) مفکوره سیندن  حرکت ائدیله رک شوونیستلیک مکفوره سینی حیاتا کئچیرمه آشاماسیندا فاشیسمه یؤنلنمیش مقامدا یئر آلار و بو عمل اعمال ائدیلدیکدن و حیاتا کئچیردیکدن سونرا فاشیسم مقوله سی اؤز یئرینی تاپمیش اولار. شوونیسمین فاشیسمه یوکسلیشینی نظره آلاراق گؤرک ایران ممالیکی محروسه سینده هانکی ائتنیک اوچون فاشیسمه دوغرو یؤنلمه و فاشیست اولما ایمکانی داها آرتیقدیر. بیلیندیگی کیمی 1925 اینجی ایلدن ایران ممالیکی محروسه سی فارس دیل و مدنیتی اساسیندا ایداره اولونماغا باشلامیش. بئله لیکله تاریخدن گونوموزه گلن ایران ممالیکی محروسه سینده کی قوشون دیلی (تورکچه)، ایسلامیت دیلی (عربچه) ایداره لرده و اؤیرتیم سیستیمینده قاداغان ائدیله رک فارس دیل و مدنیتی اساس گؤتورولموش. دئمک، بو دئموکرات مئاب فارس ایستعمار تشکیلاتلاری نین"قوم پرست، پان ترکیست" دئیه های کوی ائتمگه چالیشمالاری ایران ممالیکی محروسه سینده کی اینسانلار اوچون یانلیش آدرئس وئرمه لریندن حئکایت ائدر. بو مسئله بیراوغرونون اؤز عملینه برائت قازاندیرماغا چالیشدیغینی خاطیرلاتمیش اولار. دئمک، دوغرونون باغری چاتلاسین دئیه اوغرو قیشقیریرماغا و باغیرماغا باشلار!! گئنه ده محسن ابراهیمی ذات عالیدن اوخویوروق:

"قوم پرستي و راسيسم حکومت اسلامي زمينه ابراز وجود قوم پرستي متقابل شده است. در فاصله اي کوتاه، رهبران و باندها و فرقه هاي خودگمارده اي سر برآوردند و با وقاحت خيره کننده اي تلاش کردند اعتراض به نفرت پراکني يک ارگان حکومتي و انفجار خشم عليه حکومت اسلامي را به خصومت ميان ترک از يکطرف و فارس و ... از طرف ديگر تبديل کنند. جاي تعجب نيست که باندهايي که يک دستشان در دست دولت آذربايجان شمالي (يک حکومت سر به نظم نوين قوم پرست آمريکا) و دست ديگرشان در دست "گرگهاي خاکستري" فاشيست و سازمان امنيت ترکيه است تلاش کردند در متن اين اعتراض بحق تدارک يک قوم کشي خونين را راه بياندازند."[xi]

گؤروندوگو کیمی محسن ابراهیمی ذات عالی فارس ایستعمارینی و فاشیستلیگینی تبرعه ائتمک اوچون اللی دره نین سویونو بیر یئره ییغماغا، بئله لیکله ده فارس راسیستلیگینی تمیزلیگه چیخارماق اوچون دئموکراتیک پوزلار توتماماغا چالیشار. محسن ابراهیمی نین فیکیرلرینه اساساً بیریاندان آذربایجان میللی حرکتی ایسلام آدی آلتیندا اولان فارس حوکومتی نین داوامینا کؤمک ائدیر، باشقا یاندان گئنه فارس دیل و مدنیتینی اساس گؤتورموش تهران حاکیمیتی علیهینه موباریزه ائدر و آیری بیر یاندان آذربایجان جومهوریتی و آمریکا مقاملاری ایله فارس راسیستلیگینی اساس گؤتورموش حاکیمیت علیهینه موباریزه ائدر. بو چلیشگه لی (متضاد) فیکیر یئریتمه لر یالنیز بیر مسئله دن حئکایت ائدر: آذربایجان میللی حرکتی فارس ایستعمار تشکیلاتلاری توخودوقلاری معادیله لرین هامیسی نین اوزرینه باطیللیک دامغاسینی باساراق اونلاری جنون حالینا گتیرمیش. بو جنون اولمالار اونلارا گله جکده باش وئره بیله جک جنایتلره ال وورمالاری اوچون شراییط یارادا بیلر. دئمک، دونیا ایجتماعیتی بو جنایتلرین قارشیسینی آلماق اوچون حاضیرلیق گؤرمه لیدیر. محسن ابراهیمی گئنه ده یازیر:

".. اين جريانات قوم پرست که ذره اي براي انسان و هويت انساني ارزش قائل نيستند؛  اين جرياناتي که هيچ اعتراضي به ۲۷ سال زن آزاري و سرکوب و شکنجه و اعدام  توسط جمهوري اسلامي ندارند؛ اين جريانات که تمام هويتشان زير پا گذاشتن حرمت انسان است؛ اين جريانات که انسان منتسب به مليتهاي ديگر را انسان حساب نميکنند و ريختن خونش را برحق ميدانند؛ اين جريانات که از طريق رسانه هايي مثل تلويزيون فاشيست "گوناز" به طور سيستماتيک به اشاعه نفرت و کينه قومي دست ميزنند دشمنان آشکار امنيت و سعادت مردم هستند. اينها هيچ ربطي به رفع ستم ملي ندارند. اينها خودشان به همان اندازه جمهوري اسلامي دشمنان انسانيت و رهايي انسان هستتند. حرکات اعتراضي مردم از يکطرف و مواضع و سياستها و تلاشهاي قوم پرستان از طرف ديگر در نقطه مقابل هم هستند. مردم پايگاه بسيج مقابل دانشگاه تبريز و استانداري و بانکها و کميته ها را هدف  خشم و نفرت خود قرار دادند؛ اينها گفتند دشمن ما سپاه و بسيج و ارتش و استانداري نيست، دشمن ما فارس زبانها هستند. ."[xii]

اوسته کی هئذیانلار اوزره یوروملاری اوخوجولارا بوراخماق داها یاخشی اولار دئیه دوشونمه لی ییک.  محسن ابراهیمی ذات عالی گئنه ده یازیر:

"مردم دستگاه سرکوب حکومت اسلامي را - که در آذربايجان همان شبکه قضات و پاسداران اسلامي هستند که به زبان ترکي حرف ميزنند -  ... مردم به طور قطع ميخواهند مجسمه ها و تمثالهاي جهالت و سرکوب و جنايت ۲۷ ساله حکومت اسلامي يعني مجسمه وتمثال خميني و خامنه اي را به زير بکشند، اينها گفتند بايد مجسمه فردوسي را پايين کشيد. مردم به تلويزيون فاشيست "گوناز" زنگ زدند و گفتند بايد مساجد و سپاه و بسيج را آتش زد، برنامه سازان اين تلويزيون قوم پرست مرتج گفتند: نه، نه، اينها را لازم داريم، بايد نگه شان داريم که فردا مورد استفاده قرار خواهند گرفت."[xiii]

اوسته گؤروندوگو کیمی ایسلامیت علیهینه اولان هیستریک دوشونجه لر محسن ابراهیمی ذات عالی نین یازیلاریندا اؤز عکسینی تاپار. ایران ممالیکی محروسه سینده فارس دیلی تحمیلی اولدوغو اوچون زیندانلارینداکی اعداملار دا فارسچا یازیلار. بو مسئله نی دانماق و فارس شوونیستلیگینه برائت قازاندیرماغا چالیشماق کیمسه یه اینسانیت باخیمیندان محبوبیت قازاندیرا بیلمز. بونلارا باخمایاراق فارس ایستعمار تشکیلاتلارینا باغلی اولانلارین دوشونجه سینه اساسن قادین منزلتینی ایت منزلتیندن آشاغی قلمه آلان ابولقاسم فردوسینی (زنان را ستایی سگان را ستای- یک سگ به از هزار زن پارسای) آذربایجان ویلایتلرینه فارس دیل و مدنیت ایستعماریچیلیغی نین تحمیل سیمگه سی و علامتی دئییل، انسانلیق سیمگه سی دئیه فیردوسی هئیکلینه گؤز یاشی تؤکمه گه چالیشارلار.  دئمک، فیردوسی هئیکلی نین آذربایجان شهرلری نین مئیدانلاریندان گؤتورولمه سی و یئره سالینماسی فارس شوونیستلیگینه اعتیراض ائتمک دئمکدیر. محمد رضا شاه هئیکلی ده بیر ایستیبداد نمادی ساییلاراق 1357 اینجی ایلی ایلک اولاراق آذربایجان مئیدانلاریندا بوینونا زینجیر آتیلاراق یئره سالیندی و خیابانلاردا سوروکلندی. آذربایجانلیلارین بو حرکتی اؤرنک گؤتوروله رک باشقا ویلایتلر ده سونرالار بو ایش حیاتا کئچمگه باشلاندی. دئمک، سیمینددن دوزلمیش تحمیلی هئیکللره مقدسلیک وئرمک بوتا تاپینماغین (بت پرستلیگین) قاباریق گؤسترگه سی و نمونه سی اولماسینا باخمایاراق کیمینکی یئره چکیلسین، کیمینکی چکیلمه سین دئیه دوشونجه و فیکیر یئریتمک ده گولونج ساییلار. دئمک، محسن ابراهیمی لر اؤزلرینی آیدین گؤسترمه لرینه باخمایاراق ذهنیت باخیمیدان اولدوقجا گئریجی و مرتجع ساییلمالیدیرلار. مسجیدلرین اودا چکیلیب چکیلمه مه سی مسئله سینه گلدیکده بو مسجیدلر ایسلام جومهوریتی نین ایران ممالیکی محروسه سینده گلمه سی ایله قورولمامیش. اینسانلار دا بو نیظام و اینتیظام واسیطه سی ایله مسلمان اولمامیشلار. دئمک، مسلمانلیق مقوله سی باشقا دینلر کیمی ایران ممالیکی محروسه سینده سنت حالینا گلمیش. بو سنت و مدنیتلر دگیشیلمه دن مسجیدلری خراب ائتمک  و اونلاری خراب ائتمک اوچون فتوا وئرمگه چالیشانلار دا دئموکراسی سورجی باخیمیندان گئریجی و مرتجع حئساب ائدیلمه لیدیرلر. محسن ابراهیمی گئنه ده یازیر:

".. باندهاي قوم پرست پان ترکيست به همان اندازه باند اسلامي حاکم در ايران براي رفاه و امنيت و آسايش و سعادت بشر مضر و خطرناک هستند و بايد در مقابلشان ايستاد. اينها همپالکيهاي توجمانها و کاراديجها و ملاديچها هستند که جامعه يوگسلاوي را در فاصله اي کوتاه به صحنه سربريدن و تجاوز و اردوگاههاي مرگ و نسل کشي تبديل کردند... اينها مانع رهايي مردم ايران هستند. اينها سد مهمي در مقابل مبارزه مردم ايران براي رهايي از نکبت حکومت اسلامي هستند "[xiv]

گؤروندوگو کیمی فارس شوونیستلیک مفکوره سی ایله یوغرولموشلار گئنه ده یالنیش آدرس وئرمگه چالیشیرلار. بیلیندیگی کیمی یوقوسلاویده کی اولایلارا زمینه یارادان یوقوسلاویایا حاکیمیت ائدن، اؤزونو سوسیالیست پارتیسی باشچیسی قلمه آلان، میلوسوویچ سئرب فاشیستی ایدی. سیلابودان میلوشوویچ دئییردی: "هر یئرده بیر سئرب وارسا، اوراسی سئربیستان دیر". بو فاشیستلیک فیکیرلر اصلیتی قورولوشچوسو (بانی) خوروات کؤکنلی اولان تیتو یاراتدیغی فئدرال بیر ممالیک محروسه نین وارلیغینا قان تؤکمک ایله سون قویموش. بو فاشیستلیک داورانیشلارین ترسینه چئکوسلاواکای مهوریتینده براسلاو هاوئل ایسلاولارین میللی ایراده لرینه سایقی ایله یاناشمیش و هئچ بیر کیمسه نین بورونوندان دا قان آخماسینا یول وئرمه میش. سونرا بیر داها ایسلاولار چئکلر ایله فئدرال بیر سیستیمده یاشاماق ایسته دیکلرینه باخمایاراق چئکلرین اونلارا وئردیکلری جاواب بئله سسلنمیش: "بوگون بیرلشمه میز اولا بیلمز، گلجکده بیرلشیک آوروپادا گؤروشمک اوزره"! دئمک، ایران ممالیکی محروسه ده ائتنیک پارتلاییشلاری گؤره بیله جک گوجلر فارس ایستعارچی فیکیرلر اساسیندا فیکیر یئریتمک دئییل، ائتنیک مسئله لرین حللی اوچون دئموکراتیک یوللار تقدیم ائتمه لیدیرلر. بو ائتنیک مسئله لری باسدیرماغا چالیشانلار، فارس ایستعمارچیلاری، شوونیستلری و راسیستلری یانیندا یئر آلاجاق و جنایت ائده جک شخصلر کیمی گؤرونه جکلر.

گؤروندوگو کیمی ایدئولوژی قوللوغوچولوغو، نؤکرچیلیگی و فارس تمامیتچیلیک مفکوره سی محسن ابراهیمی ذات عالیلری جنون مقامینا قالدیرمیش گؤرونر. دئمک، فارس ایسلام حاکیمیتی علیهینه وورموشماق ایسته گن ذات عالیلر نه اوچون آذربایجان تورکلرینی اؤزلری اوچون بیر مانع حئساب ائدیرلر؟ آذربایجانسیز بو مسئله نین حلل اولمایاجاغی نی بو ذات عالیلر فرقینده دیرسه لر، نه اوچون آذربایجانلیلارا میللی منلیک و کیملیکلرینی یاشاتما شانسی قبول ائتمک ایسته مزلر؟ محسن ابراهیمی گئنه ده یازیر:

"... اگر حکومت اسلامي به نام مذهب و اسلام، هويت انساني مردم را زير پا له کرده است، اينها ميخواهند به نام مليت و قوميت، هويت انساني مردم را پايمال کنند. .. قوم پرستان علي العموم، قوم پرستان فاشيست ترک به طور مشخص به همان اندازه حکومت اسلامي براي زندگي مردم خطرناک هستند. اينها سد و مانع مهمي در مقابل مبارزه مردم عليه حکومت اسلامي و رهايي مردم از شر اين حکومت و رسيدن مردم به يک زندگي انساني هستند."[xv]

محسن ابراهیمی نین وورقولادیغی "هویت انسانی مردم" مقوله سی بو ذات عالی منسوب اولدوغو تشکیلاتا باشچیلیق ائدن حمید تقوی نین فیکیرلرینه اساساً "طبقه کارگر" مقوله سینه اساسلانار. دئمک، محسن ابراهیمی داها آرتیق پوپولیست گؤرونمک ایسته دیگی اوچون "طبقه کارگر" مقوله سینی "هویت انسانی مردم" دئیه قلمه آلمیش گؤرونر. بو دئییمین اوزرینده دوراقلادیقدا اکتیسابی و غریزی مقوله لر اورتایا چیخمیش اولار. غریزی مقوله ده اینسان و حئیوان آراسیندا هئچ بیر فرق اولماز. اکتیسابی مقوله ایسه اینسانی باشقا موجودلاردان آییرد ائتمک ایمکانی یارادار. بونلارین یانی سیرا اینسانی باشقا موجودلاردان فرقلندیرن اونون مدنیلشه بیلمه سی دیر. اؤزلرینی حزب کمونیست کارگری ایران آدلاندیران قوروپ دا دیل و مدنیت مقوله لرینی "هویت کاذب" دئیه قلمه آلارکن مدنیت قاوراملارینی درک ائتمدیکلرینی سرگیلتمیش اولارلار. بو دوغرولتودا دئییلمیش: "باشچیسی گولوم اولانین باشینا کولوم اولار". بئله لیکله سوروشولمالیدیر: - دیل و مدنیتلرین نه اولدوقلارینی درک ائتمک ایسته مه گنلر نئجه اینسان توپلولوقلاری اوچون یول گؤسترمک ایسترلر؟ یئری گلمیشکن بیر داها سوروشولمالیدیر: - هر بیر اینسانلیق توپلومو اؤز دیل و مدنیتینه صاحاب اولاجاقسا، نه اوچون حزب کمونیست کارگری، ایران ممالیکی محروسه سینده دیل و مدنیتلرین یوخ اولماسی اوچون فارس ایستعمار یانچیلاری و راسیستلری نین یانیندا یئر آلماق ایسته ییرلر؟

 

 

قایناقلار:d5658281-4158-427c-96a1-9afb48079ef2

Y2:d5658281-4158-427c-96a1-9afb48079ef2

 


 

[i]     یالنیز فارس مدنیت راسیستلیگینه باغلی اولان آذربایجانداکی بعضی محفللر اؤزلرینی فارسلاردان داها دا آرتیق فارس گؤسترمک اوچون "خلیج فارس/ خلیج همیشه فارس" دئیه دری قابیقدان چیخماغا چالیشارلار.

[ii]     حمید تقوایی، توضیحی در مورد برنامه حزب کمونیست کارگری ایران.

     [iii]محسن ابراهيمي، نفرت پراکني قومي محکوم است: http://www.wpiran.org/farsi1/maqalat/2006/05may/2905_mohsen.html

     [iv]محسن ابراهيمي،  باخ اورادا.

[v]     محسن ابراهيمي، باخ اورادا.

[vi]     محسن ابراهيمي، باخ اورادا.

[vii]   پان ایرانیست: http://www.paniranist.org/

[viii]     محسن ابراهيمي، باخ اورادا.

[ix]    دفتر سیاسی حزب کمونیست کارگری، علیه فدرالیسم و مخاطرات ناشی از تنشهای قومی در جامعه  http://www.wpiran.org/farsi1/maqalat/2005/1112_federalism.html

[x]    محسن ابراهيمي، باخ اورادا.

[xi]    محسن ابراهيمي، باخ اورادا.

[xii]     محسن ابراهيمي، باخ اورادا.

[xiii]     محسن ابراهيمي، باخ اورادا.

[xiv]     محسن ابراهيمي، باخ اورادا.

[xv]     محسن ابراهيمي، باخ اورادا.

 

 

ایشیق سؤنمز 07.06.2006