شوونیست قویروغو مو، یوخسا بالتا ساپی؟

گونلرین بیر گونونده اورمانداکی مئشه آغاجلاری اؤز گله جکلری اوزره فیکیر یئریدرکن هر هانکی بیر تهلوکه اوزره فیکیر یورماغا باشلادیلار. بیریسی قوراقلیغی و سوسوزلوغو اؤز وارلیقلاری اوچون بیر تهلوکه حئساب ائدیردی. بیریسی یاغینلیق ایللرده قارا بولوتلارین بیر بیر ایله توققوشماسی نتیجه سینده ایلدیریم چاخاراق بؤیوک آجاقلارین بیرینی یاندیریب یاخماق وسیله سی ایله اورمانا اود دوشه جه گیندن اندیشه ائدیردی. بیریسی کئچی و دووشانلاری اورمانداکی کیچیک آغاجلار اوچون بیر تهلوکه کیمی قلمه آلیردی. بونلار هامیسی قبول اولوناجاق بیر ائحتمال کیمی اورمانداکی مئشه آغاجلاری نین فیکیرلرینی اؤزو ایله مشغول ائتمیشلر ایدی. گونلرین بیر گونو بالتا دئیه ال ایچی بؤیوکلوکده اولان بیر دمیر بوتون بیزی قیرابیلر دئیه مئشه آغاچلاری آراسیندا بیر فیکیر کیمی دولاشماغا باشلادی. بئله لیکله اورمانداکی مئشه آغاجلاری آراسیندا بو بالتا مسئله سی آغیرلیق قازانماغا باشلادی. بو مسئله نی دونیا گؤرموش یاشلی پالیت آغاجینا آپاردیلار. او ایلک اولاراق بو بالتا نین نه اولدوغونو اؤیرنمک ایسترکن، »بیر ال ایچی بؤیوکلوکده دمیر تیغه  دیر« دئیه ایضاح ائتمه گه چالیشدیلار.

بو بؤیوک دوینا گؤرموش پالیت آغاجی باشینی ییرغالاراق بو کیچیک ال ایچی بؤیوکلوکده تیغه نین بیزجه بؤیوک اورمانا هئچ نه ائده بیلمز دئیه اورمانداکی آغاچلاری فیکیر باخیمیندان راحاتلیغا چاغیردی. آنجاق بالتا قورخوسو ایله یاشایانلار بو ایشی بالتا اؤز باشینا دگیل، بیز آغاچلاردان اولان ساپلار (دسته لر) کؤمگی ایله حیاتا کئچیریر دئیه اونا داها آیرینتیلی بیلگی وئردیلر. دونیا گؤرموش آغاچ بالتانین ساپی اورماندان کسیلن آغاچلاردان اولدوغونو اؤیرندیکده داها آرتیق فیکیره دالاراق دئدی: دئمک »ساپی اؤزوموزدندیرسه، قیرار، هامیمیزی قیرار. بالتانین ساپی یئری گلدیکده من ده آغاجام دئیه ره ک مئشه آغاچلارینی آلداتماغا چالیشار، باشقا آغاچلارا سؤیکنه ره ک اونلارین کؤمگی ایله تیغه (بالتانین تیغه سی) باشارمایان ایشلری تیغه اوچون بیر خوش خیدمتلیک دئیه گؤرمه گه چالیشار«. دئمک، بالتایا بیزدن اولان ساپلار ایکی یؤندن (بیر یاندان گوجو تیغه اوزره اعمال ائتمک واسیطه سی ایله و باشقا یاندان آغاچلاری آلداتماق واسیطه سی ایله) بیز مئشه آغاچلاری اوچون تهلوکه لی ساییلمالیدیر دئیه قوجا دونیا گؤرموش پالیت آغاجی اؤز فیکیرینی یکونلاشدیرماغا چالیشدی.  بو موناسیبت ساپلاری آغاچلاردان اولان بالتالار ایله آغاچلار آراسیندا حؤکوم سورمکده دیر. ایندی گؤرک آذربایجان تورکو دئیه فارس شوونیسمینه قویروق اولانلار ایله آذربایجان میللی فعاللاری آراسیندا هانکی مناسیبت حؤکوم سورور.

قیسسا ایپ اوجو الیمیزه گلسین دئیه کئچمیشده کی فارس حیرانلیغینا اؤز دیل و مدنیتینی قوربان وئرنلردن بعضیلرینین آدلارینی سیرالاییریق. ساغ گؤروشلو شخصلردن سید حسن تقی زاده، سید احمد کسروی، یحیی ذکا، .... کاوه بیات و سول گؤروشلولردن تقی ارانی، خلیل مکی، محمد ارسی (کئچمیش سول و بوگون جبهه میللی فارس یانچیسی) و ساییره. بونلار بیر سیاستچی کیمی آذربایجانلی لیق، آذربایجان دیل و مدنیتی علیهینه قلم وورموشلاردیرلار. بونلارین یانی سیرا ژورنالیستلیک دئیه فارس شوونیستلیگینه قویروق اولان پیمان پاکمهرلرین ده شاهیدی اولوروق. بیلیندیگی کیمی ژورنالیست بیر ایجتماعیت خادیمی اولسا، اینسانی و ویجدانی باخیمدان اؤز گؤردوکلرینی و ایجتماعیت اوچون باش وئرن اولایلاردان دوزگون بیر تصوور یاراتماغا چالیشمالیدیر دئیه دوشونمه لی ییک. دئمک، ژورنالیست اؤز مسلکیندن آسیلی اولاراق نه حاکیمیت اوچون، نه ده بیر موخالیف قووه و تشکیلات اوچون اویونجاق اولونمامالیدیر. بو باخیمدان گؤرک پیمان پاکمهر آدلی ذات عالی ژورنالیست اؤز ژورنالیستلیک وظیفه سینی دوزگون یئرینه یئتیره بیلیرمی؟ بیلیندیگی کیمی یاخین کئچمیشده ربع رشیدی و ایلخانلار آدلی تبریز اونیوئرسیته سینین قورولتاییندا پیمان پاکمهر اؤز ژورنالیستلیک اخلاق داییره سیندن اوزاقلاشاراق پرویز ورجاوند کیمی ایران ممالیکی محروسه سینده فارس اولمایان دیل و مدنیتلرین علیهینه اولان ذاتی (1) بیر یانلی دستکله یه رک آذربایجان میللی فعاللاری اوزره منفی نظرلرین یاییلماسینا داییر الیندن گلنی ائتمه گه چالیشمیشدیر(2). او اؤز یایدیغی بیر یانلی معلوماتلارا یئتینمه رک (کیفایت ائتمه یرک) باشقا پان ایرانیست گؤروشلوشخصلردن ده آذربایجان میللی فعاللاری علیهینه دانیشیقلار یایماغا چالیشمیشدیر (3). مسئله بونلا دا سونا چاتمایاراق 9-10/4/1384 (31.06-01.07.2005) تاریخینده بابک قالاسینا حرکت ائدن آذربایجان آذربایجان میللی فعاللاری و آذربایجان میللی مسئله سی ایله مشغول اولانلار علیهینه ژورنالیستلیک پرئنسیبلرینی تپیک آلتینا آتاراق فارس شوونیستلرینه خوش خیدمتلیک اولسون دئیه بیر قویروق کیمی یانلیش معلوماتلار سرگیله مه گه چالیشمیشدیر. بو ذاتین »موج سواري در بزرگداشت تولد بابک در آذربايجان«(4) آدلی مقاله سینین بعضی پاساژلارینی بیرلیکده اوخوماغی مقصده اویقون حئساب ائدیریک، اوخویوروق:

"...:مردم ايران به پاس رشادت هاي بابک خرمدين در دفاع از کيش و آيين خود در سالروز تولد وي در قلعه بابک گرد هم آمده و به شادي و سرور مي پردازند. به گزارش خبرنگاران تبريز نيوز که درهشت  منطقه قلعه بابک در شهرستان کليبر مستقر هستند جوانان و نوجوانان از ديروز 5 شنبه  نهم تير دسته به دسته به اين قلعه مي آيند"(4).

اوسته گؤروندوگو کیمی آذربایجان میللی مسئله سینی پیمان پاکمهر جنابلاری »ایران و ایرانیت« مسئله سینه اویقونلاتماغا چالیشاراق آذربایجان میللی مسئله سینی دونیا ایجتماعیتی نظریندن یاییندیرماغا چالیشیر. دئمک، فیکیر باخیمیندان بو ذات کیم و هارالی اولماسیندان آسیلی اولمایاراق فارس شوونیسمینین خیدمتینده یئر آلمیش گؤرونور. بیلیندیگی کیمی آذربایجان میللی حرکتینی ایزله مک (تعقیب ائتمک) اوچون آلمانیا، فرانسه، سوئد، کانادا دؤولتلریندن و بیر چوخ آدلاری بیزه معلوم اولمایان اؤلکه لردن او جومله دن الجزیره تلویزیونوندان ژورنالیستلر خبر حاضیرلاماق و دونیا ایجتماعیتینه یایماق اوچون منطقه یه گئتمیشلر. دئمک، بو مسئله ایرانلی (بو ذاتلارین نظرینجه فارس) مسئله سینه عاییداتی اولمایان بیر مسئله دیر. هر ایل یای فصلی گیریشینین ایکینجی هفته سی نین سونو (جمعه آخشامی و جمعه گونلری) سایی میلیونو آشان آذربایجان دیل و مدنیتینی سئون اینسانلار میللی قهرمانلاری بابک ایله اؤز کیملیک و منلیکلرینی قوروماق اوچون یئنیدن آند ایچه رک فارس شوونیسمینه و ایستعمارینا قارشی قویماق اوچون »منیم دیلیم اؤلن دگیل، فارس دیلینه دؤنن دگیل«  شعارلارینی یئنی له یه رک بیر داها اؤز کیملیک و منلیکلرینی الده ائتمک اوچون ایران ممالیکی محروسه سینده، ائتنیک گونی آذربایجان تورپاقلاریندا فیکیر موباریزه سی آپارماغا باشلارلار. دئمک، ژورنالیستلیک اخلاقی باخیمیندان بورادا پیمان پاکمهر کئچمیشده کی آریامهر دکی آذربایجان منلیک و کیملیگینی فارس دیل و مدنیتی ایچره »ایران« آدی آلتیندا  دونیا ایجتماعیتینین گؤزوندن یاییندیرماغا چالیشیر. بیلیندیگی کیمی بابک قالاسی حرکتینه پیمان پاکمهر جنابلاری نین»ایران« دونو گئییندیرمه گینه باخمایاراق هئچ بیر سراسری دئیه فارس تشکیلاتی بو حرکتده ایشتراک ائتمه دیکلرینین یانی سیرا ایستر حاکیمت اورقانلاری، ایسترسه ده موخالیفت تشکیلاتلاری بو مسئله نی خبر بایکوتو.ایله قارشیلامیشلار. دئمک، بو بایرام پیمان پاکمهر ایدعا ائتدیکلری ایران مراسیمی( مردم ايران به پاس رشادت هاي بابک خرمدين در دفاع از کيش و آيين خود...) دگیل، آذربایجان قهرمانی نین عرب خلیف لیگی و ایشغالچیلیغی علیهینه یئریتدیگی مسئله نی، دیل و مدنیت باخیمیندان فارس ایشغالچیلیغینا یوخ دئمه نین بیر گؤسترگه سیدیر. میلیونلار اینسانی اؤز میللی قهرمانلارینی عزیزله مه گه تهران حاکیمیتی نین مانع اولماسی دا بو مسئله نین ایکینجی گؤسترگه سیدیر. (5).  گئنه ده اوخویوروق:

"..به گزارش خبرنگاران تبريز نيوز که درهشت  منطقه قلعه بابک در شهرستان کليبر مستقر هستند جوانان و نوجوانان از ديروز 5 شنبه  نهم تير دسته به دسته به اين قلعه مي آيند. بسياري از خانواده ها که با اتومبيل هاي شخصي از روز 5 شنبه به کليبر آمده اند با خود چادر ، وسايل پخت وپز و ابزارهاي نواخت موسيقي به همراه دارند تا در کنار ساير اقوام و دوستان روز خوب و آرامي را  در کنار طبيعت و جنگل هاي ارسباران سپري کنند. خبرنگاران نيز به راحتي به تهيه خبر و عکس ا زاين مراسم مي پردازند"(4).

بابک قالاسینا حاکیم اولان شراییطی گؤرمزلیکدن بو اوسته کی مطلبلری قلم آلان پیمان پاکمهر جنابلاری نین نئجه بیر ژورنالیست اولدوغونا اینسان اوغلو  حیران قالماسین نه ائتسین؟ بو مسئله نی هر بیر آذربایجانلی اؤزوندن سوروشمالیدیر و دونیا ایجتماعیتینین آییق ویجدانلارینی دا بو مسئله اوزره جلب ائتمه گه چالیشمالیدیر. بودور پان ایرانیستلرین ژورنالیستلیک ایش و خیدمتلری. دئمک، پیمان پاکمهر ژورنالیست اولدوغو اوچون الجریزه تلویزیونو ژورنالیستینین بسیجیلر طرفیندن پیس معامیله اولونماسیندان و کامراسینین سیندیریلماسیندان.خبری یوخ ایمیش. دئمک، خبرنگارلار چوخ راحاتلیق ایله خبر تهیه ائدیر و فیلملر چکیرمیشلر!!!. گئنه ده اوخویوروق:

"...در اين ميان عده اي تلاش مي کنند فضاي آرام و فرهنگي قلعه بابک را پليسي و امنيتي نشان دهند آن ها با ارسال پيام کوتاه به تلفن هاي همراه يا ايميل اخبار و آمار هاي  غير واقعي  به رسانه هاي خبري ارسال مي کنند .اين عده که از افراد شناخته شده نزديک به قوم گراهاي افراطي تجزيه طلب هستند آمار شرکت کنندگان تا ساعت 12 امروز را يک صد و هشتاد هزار نفر و بازداشت شدگان را 20 نفر اعلام کرده  و مي گويند نيروهاي پليس و بسيج  کليه جاده ها به سمت قلعه بابک را مسدود کرده اند. حال اگر جاده ها مسدود شده  يک صد و هشتاد هزار نفر!!! چگونه در قلعه بابک تجمع کرده اند؟ گزارش ها حاکيست از تعداد افرادي که از آن ها  مشروبات الکلي يا تعداد متنابهي پيشاني بند قرمز رنگ منقش به تصوير توامان بابک وماه و ستاره که به پرچم يک کشور همسايه ترک زبان  شبيه  است   و اعلاميه هايي با رسم الخط ترکي لاتين آذربايجاني  کشف شده  از حضور در قلعه ممانعت به عمل آمده است"(4).

اوسته گؤروندوگو کیمی پیمان پاکمهر جنابلاری ایددعا ائتدیکلری کیمی ده  آرام شراییط حؤکوم سورمورموش. آنجاق بیر ژورنالیست اولاراق پیمان پاکمهر نه اوچون اخلاقی دگرلری آیاق آلتینا آتیر و اونو بو ایشه هانکی مرام و مسلکی زورلاییر مسئله سی هر بیر اینسانی دوشوندورمه لیدیر!!!.  بیلیندیگی کیمی ایران ایسلام آنایاسالارینا گؤره مسلمان ایجتماعیتینده الکل ایچیگیلری یاساق ساییلیر. پیمان پاکمهر ایددعا ائتدیکلری افراطی و تجزیه طلب (!!!!) گروهلارا الکلی ایچگیلر نیسبت وئرمک هانکی مقصد اوزره اولمالی بو دا آذربایجان ایجتماعیتینی دوشوندورمه لیدیر؟؟!!.  بیلیندیگی کیمی ایران ایسلام جومهوریتینده الکل ایچگیلرینی تظاهور ائتمک اؤزو ده شلاق جریمه سی ایله جزالانیر. بو ایتتیهاملاری بیر ژورنالیست اولاراق پیمان پاکمهر ایران ممالیکی محروسه سی ایجتماعیتینه تحویل وئررکن، کیملره بو شللاقلار وورولاجاغینا داییر دوشونموشمو؟  گؤروندوگو کیمی بو ایتتیهاملار سیاسی بیر کاراکتر داشیمیر. اوسته لیک بو ایتتیهاملار ایجتماعیتدن اوزاق دوشموش (آسوسیال) شخص و گروهلارا عایید ائدیلمه لیدیر. بو دا آذربایجان میللی فعاللارینا ووردوغو تجزیه طلب ایتتیهامینین یالان اولدوغونو اورتایا قویور. آنجاق مسئله یه سیاسی و جنایی دون گئیدیرمک اوچون الکلی ایچگیلیرینین یانی سیرا شخصلرین آلینلارینا قیرمیزی باغلامالارینی آرتیراراق ایسلامیتین علامتی اولان آی و حرکت علامتی اولان اولدوز دا بیر اجنبی علامتی دئیه خاریجی مملکتلره نیسبت وئریلیر. دئمک، شیرخورشید یوخوسو ایله یاتیب قالخانلار شیرین الینده کی قیلینیجین حیرانلیقیندان اؤزلرینی نجات وئره بیلمه دیکلری اوچون باشقا اینسانلارین فرضی عمللرینی خاریجی مملکتلره نیسبت وئرمه گه چالیشیرلار. لاتین الیفباسینا گلدیکده بیلیندیگی کیمی اینگیلیسجه پلاگاردلار یالنیز اینگیلتره و اینگیلیس دیلی رسمی اولموش مملکتلر دگیل، دونیا مملکتلری ایچره سیاسی پیاملار بو دیلده یازیلار و کیمسه ده  اینگیلیسلره و انگیلیستان دؤولتینه نیسبت وئریلمز. دئمک، نه اوچون بؤلونموش بیر خالق اوولادی اولاراق گونی آذربایجانلی نین لاتینجه یازدیغی شعاری اوستو اؤرتولو آذربایجان دؤولتینه نیسبت وئریلیر؟ بو مسئله اؤزو ده دوشوندوروجودور! بونلارا باخمایاراق پیمان پاکمهرین آلدیغی نتیجه نی اوخویوروق:

" ...جريان افراطي قوم گرا نزديک به تجزيه طلبان قصد دارند تا با چنين رفتاري فضاي حاکم بر قلعه بابک  را سياسي امنيتي کرده و چنانچه موفق شدند افرادي را که در اثر چنين اقداماتي دچار مشکل شده اند به نفع خود مصادره کرده و وانمود کنند که جريان تجزيه طلب هزينه هاي سنگيني مي پردازد. حتي عده اي که قصد دارند خود را افرادي مهم جلوه دهند بواسطه اي اعلام کرده اند که دستگير شده ايم.اين افراد شناخته شده بارها دست به چنين اقداماتي زده اند تا آمار دستگير شده ها را بالا ببرند.«(4)

اوسته گؤروندوگو کیمی بو بیر ژورنالیست یازی سایاغی (سبک و روش) دگیل، بیر ایتتیهامنامه دیر. بو باخیمدان گونی آذربایجانداکی ژورنالیستلری پیمان پاکمهر دکی ژورنالیست نمالاردان اوزاق دورماغا چاغیرماق لازیمدیر. گئنه ده اوخویوروق:

"....در چنين فضايي هيچکدام از احزاب ، گرو ه ها و سازمان هاي سياسي و دانشجويي در ايران در اين مراسم شرکت نکرده اند"(4).

دئمک، آذربایجان ایجتماعیتینه عایید گوروه و تشکیلاتلار پیمان پاکمهر جنابلارینا اؤزگه گؤروندوکلری اوچون، یازینین اوولینده بابک قالاسینی ایرانلیلارا (اوخو: فارس لارا) نیسبت وئردیگینه باخمایاراق فارس گوروه و تشکیلاتلارینین بو قورولتایا قاتیلمادیقلارینی دولاییلی بیچیمده قبول ائتمیش اولور. بئله لیکله پیمان پاکمهر جنابلارینین آذربایجان میللت مسئله سینی ایرانیت مسئله سینده یوخ ائتمه سی نین اوستو آچیلمیش اولور. گئنه ده اوخویوروق:

"... پس از تلاش چند کشور خارجي بر لزوم  سرمايه گذاري در بين ناراضيان قومي ، يک شبکه تلويزيوني ماهواره اي تازه تاسيس  که خود را مدافع آذري ها دانسته ولي خط تجزيه را دنبال کرده و مروج افکار ناراضيان قومي و پان ترک هاست ، با انتشار اخبار غير موثق سعي دارد جو قلعه بابک را کاملا سياسي و پليسي نشان دهد .اين گروه تلاش مي کند وانمود سازد حاضرين در قلعه بابک با هدايت آن ها به آن محل سرازير شده اند. تجزيه طلبان خارج نشين که از اختلافات داخلي و عدم موفقيت در سياست هاي خود به شدت رنج مي برند تنها در چنين روزهايي  قصد موج سواري دارند"(4).

اوسته گؤروندوگو کیمی پیمان پاکمهر ژورنالیستلیک ساحه سینی آشاراق ایران ممالیکی محروسه سینده کی میللتلر مسئله لرینی خاریجی عامیللره نیسبت وئرمه گه چالیشیر. دئمک، سوئیس کیمی کیچیک بیر مملکتده ایتالیان، آلمانیا، فرانسه و روما میللیتلر مسئله سی دئیه هر باخیمدان ایمکانی اولان قونشو دؤولتلر (آلمان، فرانسه و ایتالیا) نه اوچون مداخیله ائتمیرلر؟ دئمک، سوئیس مملکتینده میللی مسئله بؤیوک اؤلچو ده حل اولموش. ایران ممالیکی محروسه سینه گلدیکده ایسه،  اؤزلرینی مدنیتیلی بیلن و ایران ممالیکی محروسه سینی فارس دیل و مدنیتی ایله عینیلشدیرمه گه چالیشانلار فارس اولمایان میللتلرین حاق سسلرینی بوغماق اوچون خاریجی مملکتلری بیر خوخو کیمی ظولم آلتیندا یاشایان میللت اوولادلارینا گؤسترمه گه چالیشیرلار.  بیلیندیگی کیمی وئرگی و خیدمت باخیمیندان فارسلاردان دالی قالمایان میللتلرین دیل و مدنیتلری ایران ممالیکی محروسه سینده فارس دیل و مدنیتی ایله عینیلشدیریلیر و اونلارین بیر سیراسی ایش و ایقتیصادی چتینلیکلردن یولا چیخاراق مجبوریت قارشیسیندا اؤز تاریخی و میللی تورپاقلاریندان کؤچمه لی اولورلار. بئله لیکله میللی کیملیک و منلیکلری فارس اولماق تهلوکه سی ایله اوز اوزه قالیر. بو حاقسیزلیقلارا گؤز یومماغا چالیشانلار اؤزلرینی هانکی صینیف موجودلاردان حئساب ائتدیرمه گه دوشونورلر دئیه پیمان پاکمهرلرین دوردوقلاری مقام ایضاح ائدیلمیش اولور.

قایناقلار:

1        اعتراض جمعی از اعضای جبهه ملی ايران به يك تصميم وزارت آموزش و پرورش،

http://news.iran-emrooz.de/more.php?id=3041_0_7_0_M

2        پیمان پاکمهر، پرتاب تخم مرغ به سر و صورت "دکتر ورجاوند"در کنگره بين المللي در دانشگاه تبريز:          http://www.tabriznews.com/sub/news/n2479.html

3.1     پیمان پاکمهر، دبير کنگره بين المللي طرح  احياي ربع رشيدي، از حرکات زشت عليه "دکتر ورجاوند" شرمنده ام:   http://www.tabriznews.com/sub/news/n2480.html

3.2     پیمان پاکمهر، دکتر نعمت احمدي در خصوص حمله به دکتر ورجاوند:          http://www.tabriznews.com/sub/news/n2483.html

3.3     پیمان پاکمهر، سخنگوي کانون مدافعان حقوق بشر ايران: حمله به دکتر ورجاوند طليعه يک فاشيست فکري است: http://www.tabriznews.com/sub/news/n2481.html

4        پیمان پاکمهر، موج سواري در بزرگداشت تولد بابک در آذربايجان:          http://www.tabriznews.com/siasicon.aspx?id=24

5.1     سایت شمس تبریز، گزارش از قلعه بابک، http://www.shamsnews.com/gozaresh_babak.htm

5.2     سایت شمس تبریز، گزارش از قلعه بابک، http://www.shamsnews.com/gozaresh3.htm

ایشیق سؤنمز  01.07.2005

فارسچی گؤروش