ایران ایجتماعییتینده میللیتلر مسئله سی
بیلیندیگی کیمی میللتلرین چوخ اولماسی سیاسی باخیمدان بیرسیاسی نیظام و اینتظام اوچون عیب ساییلماز. عیب بو توپلوملار ایله گونوموزه اویقون اینسانی و مدنی رفتار ائده بیلمه ینلرده آختاریلمالیدیر. دیلماج درگیسینین اوچونجو ساییندا «قومیتها و میلتها فرست یا چالش» آدلی بیر یازی چاپ اولموش. بو یازیدا اؤزلرینی »جبهه میللی ایران« آدلاندیران حزبین سؤزجوسو کوروش زعیمین گؤروشلری دیققت چکیجیدیر. بیرلیکده بو ذات عالینین گؤروشلرینی نظردن کئچیرمگی مقصده اویقون حئساب ائدیریک. کوروش زعیم میللیتلر مسئله سی اوزره دئییر: »ببینید ما در ایران تا کنون مسئله قومی (بخوان میلی) نداشتیم. بجز در مواردی که کشورهای خارجی و بیگانگان بدلایلی )که اگر مایل باشید من اینها را شرح خواهم داد) سعی کردند بوجود بیاورند، ما تا بحال موردی نداشتیم که گروهی از ملت ما به عنوان قوم درخواست تجزیه بکنند یعنی ما مسئله قومی نداریم. ما مشکل تبلیغات تحریک آمیز قومگرایی در میان ملتمان داریم«(1)
کوروش زعیم جنابلاری بو اوستکی یازیدا ایرانین کثیرالمیلله اولدوغونو و بو میللتلرین وارلیغینی دانیر، باشقا یاندان ایسه میللی مسئله نین وار اولدوغونو خاریجی عامیللره نیسبت وئره رک بو میللتلری تجزیه طلبلیک ایله دامغالاماغا و قورخوتماغا چالیشیر. »حزب جبهه میللی« و باستانگرایلارین گؤزلوگونده میللی حاقلاردان دانیشماق ایران تورپاق بوتونلوگونو خطره سالاجاق گؤرونور. دئمک ایران ممالیکی محروسه سیندکی فارس اولمایان ائتنیکلر اؤز دیل و مدنیتلرینی فارس ائتیگینه صدقه وئرسه لر، داها ایرانلی، داها غیرتلی اولارلارمیش. بئله لیکله ده ساواش زامانی ایران تورپاق بوتونلوگونو یاد ائللردن قورور، ایران و ایرانیته (اوخو فارس و فارسیستانا) باشی اوجالیغی اولارلارمیش. آنجاق بیز ده اینسانیق، بیزیم ده دیلیمیز وار، مدنیتیمیز وار، کؤل دیبیندن تکه ساققالی دکی چیخمامیشیق دئدیکده خاریجی و قونشو دؤولتلر ماراغینا خیدمت ائتمکده متهیم اولماقدان قورخمالیدیرلار. بونلارا باخمایاراق زعیم جنابلاری اؤز قارشیسیندا اوتوران توکل غنیلو جنابلارینین سؤزونو آلاراق اونا یئنیدن فورم وئره رک بیر داها ایجتماعیته تازه مبحثدیر دئیه تحویل وئرمگه چالیشیر، اوخویوروق:
"... ایشان گفتند که چون استبداد هست و هر جا که استبداد هست و دولت مرکزی حقوق مردم را ضایع میکند اینجا قوم ها حقوق خودشان را میخواهند. من میگویم که واقعاً همه ما حقوقمان ضایع میشود مثلاً اگر در کشور ما حقوق همه ما ضایع میشود، حقوق هر 70 میلیون ما هم ضایع میشود. ما حقوقمان را میخواهیم پس باید دست به دست هم بدهیم نه اینکه من چون این زبان را صحبت میکنم و شما آن زبان را صحبت میکنید. یا من از این شهر هستم، شما از آن شهر هستید. همه ما ایرانی هستیم و بهتر است که همه ما دست به دست بدهیم که حقوق خودمان را بگیریم و کشور را به سوی دموکراسی ببریم.... مسلماً وقتی یک دولت ملت خودش را رعایت نمیکند و اقتصادی بیمار است، به ما رفاه نمیدهد، به ما کار نمیدهد و ما در مضیقه هستیم، مسلماً ما از آن فرار میکنیم"(2).
بورادا »ملحد همه را به کیش خود پندارد« مثلی اینسان اوغلونون ذهنینده جانلانمیش اولور. دئمک آذربایجانلی اؤلوم قالیم مجادیله سی وئررکن کوروش زعیم جنابلارینین تشکیلاتی ایران معاریفلیک وزیری(وزیر آموزش و پرورش) حاجی جنابلارینا، ایران جومهور باشقانی محمد خاتمی یه فارس اولمایان ائتنیکلره اونلارین محل و ولایتلرینه اویقون درسلیک کتابی حاضیرلاتمالارینا قارشین امر نهی درسی وئریر. بو دا کوروش زعیم نیابت ائتدیگی تشکیلاتین ایرانداکی فارس اولمایان میللتلری ده ایش بیرلیگه چاغیرماسیندان و اونلاری دا بیرینجی درجه لی و حقوق برابرلیگی اساسیندا وطنداش تانیماسیندان ایلری گلیرمیش.(3)
دئمک، کوروش زعیم حضرتلری بیر عوامفریب اولاراق بوگون ایراندا ایستر میللیت، ایسترسه قومیت اولسون، فارس دیل و مدنیتی نین حوکوم سورمه سینی و کئچمیش 80 ایلده کی اعدام بویوروقلاری نین دا فارس دیلینده صادیر اولماسینی قبول ائتمک ایستمیر. اولمایا، کوروش زعیمین 7-8 یاشیندا فارس اولمایان اوشاقلاری مدرسه لرده نژادپرست پهلوی مأمورلاری طرفیندن فارس دیلی اؤیرنمکلری اوچون جانلارینی قارا دالاغ ائدیلمه سیندن خبری یوخدور، یا دا فارس دیلینی کؤتک بهشتدن گلیب دئیه شیرینله ده رک فارس اولمایان گوناهسیز و معصوم اوشاقلارا تحمیل ائتمک ایستیرمیشلر؟ دئمک، ایران ممالیکی محروسه سینده میللی ظولوم حل اولمادان ایستیبداد مقوله سینه اولدوقجا اوزاق یولوموز وار. فارس قومیت و یا میللیت خولیاسینی فارس اولمایان ائتنیکلر اوچون اعمال ائتمه گه چالیشان قوروپلاشمالار و باستانگرایلار اوچون بلکه ده ایسلام و ایسلام حاکیمیتینی ایستیبدادچیلیق عامیلی کیمی قلمه آلینسین. فارس اولمایان ائتیکلر فارس شوونیسمی و باستانگرایلار اوچون توتوقلانمیش قوللاردان آرتیق اهمیته مالیک دییللر. دئمک بوگون ایراندا فارس اولمایان ائتنیکلرین گؤزلویونده فارس شوونیسمی حاکیم گؤرونور. بو شوونیستی یاناشما هانکی آد آلتیندا ایستر اولسون باغیشلانمازدیر.
دئمک ایستیبداد گونون مووضوعسودورسا، ایراندا ایلک آشامادا (مرحله ده) دیل و مدنیت ایستعماری و ایستیبدادیندان سؤزو صحبت ائدیلمه لیدیر. سونرا مرکزیت و فئدرالیسم مووضوعلاری اوزره دایانیب دارتیشماق و ایران کیمی چوخ میللتلی بیر جامعه اوچون هانکی مودئل اویقوندور دئیه دوشونمک اولار. بیلیندیگی کیمی تهراندا اولان ایمکانین اللیدن بیری تبریزده، اهوازدا، زاهیداندا، سنندجده و حتی مشهدده ده یوخدور. دئمک »حزب جبهه میللی و باستانگرایلار« فارس شوونیسم آتینی میندیگی حالدا ایرانداکی باشقا ائتنیکلر(تورک، عرب، بلوچ، کورد و ساییره) بو مقوله ده آتین نه کیمی موجود اولدوغونو دا بیلمیرلر.
گؤروندوگو کیمی فارس شوونیسمینین دردی باستانگرایلیق، افراسیاب اؤلدورمکدیرسه، تورک، کورد، بلوچ، عرب، تورکمن، لور و گیلک توپلوملاری آنادان دوغولدوغو دیللرینی حاکیم گؤرمک، او دیل و مدنیت ایله بویا باشا چاتماق، اؤز کیملیک و منلیکلری ایله یاشاماق، اؤز دیل و مدنیتلرینی گله جک نسیللرینه تحویل وئرمک آرزوسوندادیرلار. بودور تمامیتچی و باستانگرایلار ایله آرادا اولان فرقلر.
گئنه ده اوخویوروق: »مردم اوروپا چه آلمانی چه فرانسوی و ایتالیایی و لهستانی دارند بهم نزدیک میشوند. یک دولت و یک اقتصاد تشکیل میدهند. بنابراین اروپاییان منافع خود را در جهانگرایی تشخیص داده اند و همگرایی میکنند. حال در کشورهایی مثل ما که نه اقتصادمان براه است و نه دموکراسی حاکیم است و حقوقمان ضایع میشود و هم هدف مطامع کشورهای قدرتمندتر دیگری هستیم. ما داریم واگرایی میکنیم.«(2).
بورادا کوروش زعیم جنابلارینین، ایران جامعه سی ایچریسینده اولان ائتنیک دیل و مدنیت موناسیبتلرینی آوروپا دؤولتلری موناسیبتلری ایله مقایسه ائتمه سی سفسطه و مغلتنی ده اؤتوب کئچمیش گؤرونور.
بیرینجی سی - آوروپا مملکتلرینین بیر بیرینه یاخینلاشماسی سیاسی ایقصادی بیرحرکتدیر. دئمک آلمان دؤولتی اؤز فئدراللیغینی و آلمان فئدرال ایالتلری آلمان موشتریک حاکیمیتی، برلینه قارشین اؤز رقابت ائتمه حاقلارینی قورویاراق آلمانین سیاسی، ایجتماعی، دیل و مدنیت موستقیللیگی ده باشقا آوروپا دؤولتلری قارشیسیندا قورویور.
ایکینجیسی - آوروپا مجلیسینده ده دونیادا قبول اولموش رسمی دیل اینگیلیسی یئرینه هر میللتین نماینده لری اؤز آنا دیللرینده مطلب و مقصدلرینی ایضاح ائدیر و دیلماچ واسیطه سی ایله باشقا میللتلرین دیلینه بو مطلب و مقصدلر چئوریلیر و ترجومه ائدیلیر.
» حزب جبهه میللی« ایددعا ائتدیگی ایرانا گلدیکده ایسه فارسی بیلمه ین ایرانلی دییل، ایرانلی اولماق فارس اولماقدیر. ایرانداکی تورک و عربلرین اصلی فارسدیرلار(!!!)، فارس اولماییب اؤز آنا دیللرینی سئون و ترویج وئرنلر تجزیه طلبدیرلر(!!!) و سایره . گئنه ده اوخویوروق: "...هموطنهای آذریمان دهها سال است که کشور را اداره میکنند خوب ما که فارس هستیم حقوق حقه ای داریم که باید به ما بدهند و چون حقوقمان ضایع شده بیاییم و در اداره کشور سهمی نداریم، بگوییم که به ما ظلم شده است ....ما همه ایرانی هستیم ما باید از خانواده گرائی، قوم گرایی، ایل گرایی و قبیله گرایی بیرون بیاییم و باید ملت گرایی را پیشه کنیم"(2).
اوسته گؤروندوگو کیمی آذربایجان و ایران تورکلرینین دیل و مدنیتلری فارس شوونیسمینین تپیک تاپداغی آلتیندا یوخلوغا محکوم اولماسینا باخمایاراق »حزب جبهه میللی و باستانگرایلار« یانیندا آذربایجان و ایران تورکلری آلاجاقلی دییل، بورجلو دا گؤرونورموشلر. ایرمینجی عصرین ایران تاریخینه باخدیقدا کوروش زعیمین بو مظلوم نمالیغی بیر چوخ ساده تورکلرین اورکلرینی آغریداجاغینا و فارس شوونیسمینه ساپ اولاجاقلارینا هئچ ده شک یئری بوراخمیر. میرزا علی معجز شبستری باشقا بیر مضموندا دییر:
جاهیلین جانی جهالت شمعینه پروانه دیر
اؤز الی ایله اؤز ائوین ویران ائدن دیوانه دیر!(4)
دئمک، محمود افشار، ایرج افشار،احمد کسروی، تقی ارانی، ناصح ناطق، منوچهر مرتضوی، فیروز منصور و یحیا ذکالار قلم سیویره رک تورک دیل و مدنیتی علیهینه دعوا آچماقلاری اونلارین بیلگیلی اولماسیندان دییل، بو ذات عالیلرین حمیقلیغی و شوونیسمینین شیادلیغی 1000 ایل ایران ممالیکی محروسه سینه.حاکیم اولان تورکلری دیزه چؤکورموشدو.
قایناق:
1
1 کوروش زعیم: قومیتها و ملیتها فرست یا چالش، دیلماج نمره 3، ص. 46/47، 1383.
2 آدی کئچن اثر ص. 50
3 اعتراض جمعی از اعضای جبهه ملی ايران به يك تصميم وزارت آموزش و پرورش پنجشنبه ٢٣ بهمن ۱۳۸۲
http://news.iran-emrooz.de/more.php?id=3041_0_7_0_M
4 میرزه علی معجز شبستری، دیوان.
ایشیق سؤنمز 08.12.2004