ایران ممالیکی محروسه سینده میللی مسئله، شوونیست مئییللی و تمامیتچی قووه لرین بو مسئله یه یاناشمالاری!

 

ایران ممالیکی محروسه سی نین چوخ میللتلی اولدوغونو آرتیق دونیا ایجتماعیتی دویموش و باشا دوشموش دورومدادیر. بو آرادا فارس شوونیستلری و تمامیتچی قووه لری کئچمیشده کی کیمی زیرنانی گئن باشیندان دار باشینا دوغرو پوفلمگه و ایران ممالیکی محروسه سینی تک دیل و مدینتلی (فارس دیل و مدنیتلی) گؤسترمگه چالیشدیقلاری نین آراسی کسیلمه دن داوام ائدیر. اونلار اؤز عوامفریب گؤروشلرینی ایران ممالیکی محروسه سی و دونیا ایجتماعیتینه یانسیتماق اوچون شهروندلیک مقوله سینی بیر میللیت مقوله سی کیمی اورتایا قویماغا چالیشیرلار. کئچمیشده سیدضیا صدرالاشرافی ده شهروندلیک مقوله سینی میللیت مقوله سی عئینی گؤسترمگه چالیشمیشدی. بونلارا باخمایاراق صدرالاشرافی فارس شوونیستلری و تمامیتچی قووه لری نین ترسینه ایراندا دیل و مدنیت باخیمیندان موختلیف ائتنیکلرین وار اولدوقلارینی آنجاق اونلار بیر دؤولت ایداره سینده یاشادیقلاری اوچون بو توپلوملاری بیر میللتی اولوشدوران قومیتلر کیمی تقدیم ائتمه گه چالیشمیشدی (1، 1.1). فارس شوونیستلری ایسه ایران ممالیکی محروسه سینده فارس دیل و مدنیتی نین یئرلی و باشقا دیل و مدنیتلری ایسه خاریجی عامیللر واسیطه سی ایله بیر اشیاء کیمی بو ممالیکی محروسه یه یوکلنمیش دئیه ایددعا ائتمگه داوام ائتمیشلر. بو ایددعالار نژادپرستلیک تئوریسینه قاپیلمیش محمود افشار یزدی نین بیر دیل، بیر مملکت و بیر دؤولت تئوریلینه اساسلانیر(2، 2.1). بو ذات عالیلر ایران ممالیکی محروسه سینی رضاشاهین خاریجی عامیللر واسیطه سی ایله اله کئچیردیگینی، بیر دیل، بیر مدنیت اساسیندا اولوشدوران سیاسی سیستیمی اساس گؤتوره رک "ایران میللتی" ایفاده سینی "فارس میللتی" یئرینه ایشه آپارماقلا بیر یاندان ایران ممالیکی محروسه سینده فارس اولمایان میللی وارلیقلاری "ایران" کلمه سی ایله فارس قالیبیندا ازیب یوخ ائتمه گه، باشقا یاندان فارس دیل و مدنیتی نی "ایران میللتی" قالیبیندا ایران ممالیکی محروسه سی و دونیا ایجتماعیتینه تقدیم ائتمه گه چالیشمیش و چالیشیرلار. فارس شوونیستلری و تمامیتچی قووه لری نین"ایران ممالیکی محروسه سی" نی "ایران" و فارس دیل و مدنیتی ایله یؤنه دیلمیش (ایداره ائدیلمیش) توپلومو "ایران میللتی" آدلاندیرمالاری ایران ممالیکی محروسه سی نین کثیرالملله اولدوغونو دانماقدان عیبارتدیر. زامانی قاچیرمادان "نامه" درگیسی طرفیندن یووارلاق ماسا اطرافیندا ایران ممالیکی محروسه سی اوزره بیر دانیشیق آپاریلمیش- و ماسادا حزب نژادپرست جبهه میللی فارس نماینده سی نین ده گؤروشلری دیققت چکیجیدیر - بو گؤروشلری گؤزدن کئچیرمگه چالیشاق. حزب نژادپرست جبهه میللی فارس مسئولو کوروش زعیم ایفاده ائدیر:

" زعيم: به‌عقيده‌ی من، ما در ايران مسأله‌ای به نام قوميت به‌طوری‌كه مجزا از بدنه‌ی ملت و مسأله‌ی ملی باشد، نداريم؛ هرچند اخيراً واژه‌ی قوميت و مليت را خيلی با هم جابه‌جا می‌كنند. از ديدگاه من مليت يك تعريف بين‌المللی دارد يعنی Nation، يعنی مردمی كه زبان، قانون‌اساسی، مرزهای مشترك و دولت مشترك دارند."(3).

اوسته گؤروندوگو کیمی کوروش زعیم بورادا سؤزلر ایله اویناماغا چالیشیر. او ایران ممالیکی محروسه سینده میللتلر مسئله سینی "قومیت" ساحه سینه دوشوره رک ایران (اوخو: فارس) میللتیندن آیری بیر میللی مسئله نین اولمادیغینی ایددعا ائدیر. بو گؤروشه اساساً ایران ممالیکی محروسه سینده کی میللیتلره فارس دیل و مدنیتی حاکیم اولدوغو اوچون بو میللتلر ایران (اوخو: فارس) میللتی نین آیریلماز (بدنه ی ملت) بؤلومو کیمی نظره آلینمالی، بئله لیکله "میللیت" مسئله سی نین ایران ممالیکی محروسه سینده یوخ اولدوغو قناعتینه گلینمه لیدیر. کوروش زعیم میللیتلر مسئله سینی "شهروندلیک" ساحه سینه دوشوره رک تحمیل اولموش فارسجانی "زبان مشترک"، تهران حاکیمیتی اوچون یازیلمیش قانون اساسی نی "قانون اساسی مشترک"، تهران حاکیمیتی و دونیا دؤولتلر طرفیندن دؤولتلر آراسی تانینمیش سرحدلری "مرزهای مشترک" و فارس دیل و مدنیتینه اساسلانمیش دؤولتی "دولت مشترک" دئیه قلمه آلیر. بئله لیکله چوخلو مباحیثه لی مقاملار اورتایا چیخیر.

1-      اورتاق دیل (زبان مشترک): بیلیندیگی کیمی اینسان اوغلو آنا نطنینده آناسی نین سسی ایله تانیش اولور و یئری گلدیکده او دیلده اؤز چئوره و موحیطینی تانیماغا باشلاییر. بو اینسان توتساق (اسیر) و سورگونلوکده دوغولورسا، اؤزگه بیر دیلده دونیا گؤز آچار. بئله لیکله اؤز کیملیک و منلیگینه اؤزگه لشمیش اولار. دئمک، آزاد اینسان و آزاد میللتلرین هر بیری نین اؤزونه اؤزل (خاص) دیللری اولار. فارس توپلومو اوچون فارسچا دوغما و آنا دیلیدیرسه، تورک توپلومو اوچون تورک دیلی، عرب توپلومو اوچون عرب دیلی و ساییره دوغما و میللت اوولادلاری نین آراسیندا بو دیل اورتاق (مشترک) ساییلابیلر. آنجاق بیر سایدا تمامیتچی، باستانگرای و  خاریجی عامیللر واسیطه سی ایله ایران ممالیکی محروسه سینده کی میللتلره تحمیل اولموش فارسجانی اورتاق (مشترک) دیل گؤسترمگه چالیشماق بو توپلوملار آراسیندا اؤگئی و دوغما مسئله سینی اورتایا قویماغا یول آچار. دئمک، سایی تورکلردن آز اولان فارسلارین دیلی نه اوچون اورتاق (مشترک)، سایی فارسلاردان چوخ اولان تورکلرین دیلی نه اوچون اؤزگه و خاریجی عامیل کیمی قلمه آلینمالیدیر؟ اوسته کی یاناشمالارا دیققت یئتیردیکده فارس شوونیستلری و تمامیتچی قووه لر طرفیندن تورک دیل و مدنیتی نین ایران ممالیکی محروسه سینه اؤزگه (بیگانه) ساییلدیغی و عوام خالق کیتله سی نین ده بو شارلاتانلیقلارا ایناندیقلاری اورتایا چیخمیش اولار. اینسان و میللتلری اؤز کیملیک و منلیکلرینه اؤزگه یاشاتماغا چالیشماق یالنیز باشقا بیر دیلی بو توپلوملارا تحمیل ائتمک و بو توپلوملاری ایستعمار ائتمک واسیطه سی ایله حیاتا کئچه بیلر. بو سایدیغیمیز ندنلری نظره آلاراق بوگونکو فارس دیل و مدنیتی ایران ممالیکی محروسه سینده کی فارس اولمایان میللت و ائتنوسلار اوچون ایستعمار ماهیتی داشییر دئیه دوشونمه لی ییک.

2-      آنا یاسا (قانون اساسی): آنا یاسا بیر مملکتین نئجه ایداره اولونماسینا داییر قانون وئریجی اورقان طرفیندن یازیلماسینا باخمایاراق مملکتین ایجرا ائدیجی اورقانی بو قانونلاری ایجرا ائدر و قهریه اورقانی دا بو قانونلارین حیاتا کئچمه سینه کؤمک ائدر.

دئمک، بیر ممالیکی محروسه اوچون آنا یاسا یازیلمادان توپلوملار آراسی ایلیشگی و رابیطه نین هانکی دیلده، یوخسا دیللرده اولماسی بو توپلوملارین باشچیلاری نین بیر آرایا گلمه سی نتیجه سینده و خالق سس وئرمه یولو ایله بلیرلنمه لیدیر. بو مسئله رضاخانین حاکیمیت چئوریلیشی، یوخسا ایسلام جومهوریسینه "آری" یا "نه" دئمک واسیطه سی ایله دئییل، میللتلر آراسی خالق سس وئرمه یولو ایله و میللتلرین ایستکلری ایله اؤز عکسینی تاپمالیدیر. میللتلر اؤز صلاح و مصلحتلرینی بیر ممالیکی محروسه ده باشقا توپلوملار ایله بیرلیکده یاشامادا گؤرورسه لر، اؤز دیل و مدنیتلرینی نظره آلاراق هانکی دیل، یوخسا دیللری اساس گؤتورمه لری سؤزقونوسو (موضوع) اولابیلر. باشقا حالدا هر میللتین اؤز گله جگینی موستقیل بلیرله مه سی او میللتین دوغال و طبیعی حاققیدیر. بئله لیکله بو توپلوملار بیلینجلی اولاراق اؤز گله جکلرینی و حاکیمیتلری نین هانکی سیستیم اساسیندا (فئدرال می؟ کون فئدرال می؟) اولماسینی خالق سس وئرمه یولو ایله بلیرله میش اولارلار. بو اینسانی و ایجتماعی مسئله لر نظره آلینمادان فارس دیل و مدنیتی نی اساس گؤتورموش قانون وئریجی اورقان فارس دیل و مدنیتیندن اوزاق دوشمک ایسته مز دئیه دوشونمه لی ییک. بوندان یانا دا فارس حاکیمیتی نین ایسلام آدینا یازیلمیش آنا یاساسینا میلتلر اوزره چیندیرقاز اکلنمیش حاقلار 15 و 19 بندلر دئیه حیاتا کئچمه دیگی نین یانی سیرا فارس حاکیمیت سیستیمی نین مصلحت گؤرمه دیگی عجوباتیندان یئری گلدیکده بیر داها قانون وئریجی اورقانا "مجلیس شورای ایسلامیه" سس وئرین دئیه بو مسئله حاللاندیریلیر. بو یاناشمالار مجلیسدن سس آلما دئییل، مسئله نین حل اولمادیغینا داییر شرعی دون گئیدیرمکدن عیبارتدیر. بیلیندیگی کیمی آنایاسا ایلک اولاراق قانون وئریجی اورقان (فارس میللت مجلیسی) طرفیندن قبول اولونموش. مملکتلرده نظره آلینمیش قانونلارا اساساً آنایاسایا ترس اولان شخص و قوروپلار میللتین ایستگینه سایقی گؤسترمزلر دئیه میللی مجلیسه یول وئریلمزلر. دئمک، موختلیف دیللرین یازیلیب اوخونمالاری فارس حاکیمیت سیستیمی نین ایشینه گلمه دیگی اوچون ایجرا ائدیجی اورقانا گرکلی بویوروقلار وئریلمه دن بو قانونلار آسقییا آلینیر دئیه دوشونمه لی ییک. بئله لیکله قهریه اورقانی نین ایجرا ائدیجی اورقانا بو مسئله لرین حیاتا کئچمه سینه کؤمک ائتمه سینه داییر بیر گرک ده قالمیر. دئمک، فارس دیلینی اساس گؤتورموش آنایاسا فارس شوونیستلری و تمامیتچیلری ایددعا ائتدیکلری "قانون اساسی مشترک" دئییل، بو آنایاسا فارس میللتی و حاکیمیتی نین آنایاساسی قلمه آلینمالیدیر.

3-      اورتاق سرحدلر (مزهای مشترک): هر بیر میللتین دیل و مدنیتینی اساس گؤتورموش نیظام و اینتیظام او میللتین حاکیمیتی ساییلمالیدیر. دئمک، فارس دیل و مدنیتی نی اساس گؤتورموش ایران ممالیکی محروسه سینه حاکیم کسیلمیش نیظام و اینتیظام "فارس نیظام و اینتیظامی"، او مملکتین ده سرحدلری دیل و مدنیت حاکیم اولما باخیمیندان فارس ایستعماری نین حاکیم اولدوغو سرحددات، یوخسا "فارس ایمپئریاسی" ساییلمالیدیر. دئمک، فارس حاکیمیتی طرفیندن اینسانی نورمالار دیققته آلینمادیغی تقدیرده "مرزهای مشترک!" دئیه بیر مقوله اورتادا گؤرونمور.

4-      اورتاق دؤولت (دولت مشترک): بیر دؤلته ائتنیک قوروپلارین و میللتلرین اورتاق اولوب اولمادیقلاری، او دؤلتی اولوشدوران آتریبوتلاردان آسیلیدیر. دئمک، ائتنیک قوروپلار و میللتلر اؤزلرینی ایداره ائتمک اوچون میللی حاکیمیته مالیک اولمالیدیرلار. بو میللی حاکیمیتلرین اؤزلری اوچون موستقیل آتریبوتلاری اولمالیدیر (میللی مارش، میللی بایراق و ساییره). اوسته کی آتریبوتلاری نظره آلاراق بو ائتنیک و میللی حاکیمیتلر بیر-بیرلری ایله اؤز موناسیبتلرینی گلیشدیره رک اورتاق دؤولتین، یوخسا قورومون یارانماسینا یول آچمالیدیرلار. دئمک، بوگونکو تهران حاکیمیتی ایران ممالیکی محروسه سینده کی میللتلرین اورتاق دؤولتلری اولسایدی، تهران حاکیمیتی موختلیف ائتنیک حاکمیتلرین بیر قرارا وارماسی ایله قورولان حاکیمیت اولاردی. او حاکیمیت رضاشاهین و خاریجی گوجلرین حاکیمیت چئویریلیشلری ایله دئییل، بو میللتلرین ایستکلرینی تمثیل ائده جک حاکیمیتلرین اولوشدوردوقلاری اوست قوروم کیمی اورتایا چیخابیلردی. بئله لیکله بو اوست قوروم، یوخسا حاکیمیت فارس اولمایان میللتلره اؤگئی موناسیبت بسله مزدی. اؤرنک اولاراق او مملکتده کی میللتلرین آنا دیللری و مدنیتلری حاکیمیتلرینه وئرگی وئردیکلری اوچون حاکیمیت طرفیندن حیمایت اولوناردی. بو حیمایت اولونما یالنیز سؤزد ه دئییل، بو میللتلرین آنا دیللرینده ایلک اوخولدان اونیوئرسیته لره قدر یازیب اوخوماغا کؤمک اوچون حاکیمیتلری وساییط آییرمانی اؤزو اوچون بیرینجی آددیم حئساب ائدردی. بو میللتلرین تاریخی آبیده لری نین قورونماسی اوچون دؤولتلری موستقیل موزه تیکینتیلر قورمانی اؤزلری اوچون بیر بورج بیلردی. بو موزه لر بو میللتلرین کئچمیش مدنیتلری نین بیر بؤلومونو تمثیل ائتمه لی اولاردیلار. بو میللتلرین آنا دیللری نین قورونماسی و گلیشمه سی اووچون بو دیللره اؤزل (مخصوص) دیل قوروملاری نین یارادیلماسینا داییر حاکیمیتلری میلی خزینه دن کؤمک آییراردی. گؤروندوگو کیمی "فارس حاکیمیتی" نی "اورتاق دؤولت" دئیه قلمه آلماق گولونج اولاردی. گئنه ده کوروش زعیم حزب نژادپرست جبهه میللی فارس مسئولوندان اوخویوروق:

" اما قوميت يا Ethnicity شامل اقوام مهاجری است كه كاملاً در فرهنگ يك ملت ذوب نشده‌اند و البته به‌نظر من در ايران چنين پديده‌ای وجود ندارد."(3)

 

دئمک، کوروش زعیمین گلدیگی قناعته اساساً ایران ممالیکی محروسه سینده کی فارس اولمایان ائتنوسلار هامیسی فارس دیل و مدنیتینده اریمیش مقامدا یئر آلیرلار. دئمک، ایران ممالیکی محروسه سینده کی میللی آخینلار فارس شوونیستلیگی علیهینه دئییل، کوروش زعیملر ده محمدرضا پهلوی ایددعا ائتدیگی کیمی سرحدلرین او طرفیندن گلن خاریجی عامیللرایمیشلر!! بو ذات عالیلرین شوونیستی و فاشیستی گؤروشونه اساساً ایران ممالیکی محروسه سی بیر دیل و بیر مدنیتلی بیر اؤلکه دیر. دئمک، اینقلابین اوولینده بو ذات عالیلرین (حزب جبهه میللی، نهضت آزادی، میللی مذهبی ها، حزب میللت تشکیلاتلاری) فارس حاکیمیت پوستلارینی  اله کئچیرمه لرینه باخمایاراق چیلقین فارس شوونیستلیگینی حیاتا کئچیرمگه جهد گؤستردیکلری اوچون آیت الله خمینی الیله مسجید ترک ادبلیک یئری دئییل دئیه، چؤله آتیلدیقلارینا تانیغ اولدوق. گئنه ده کوروش زعیم ایفاده سیندن اوخویوروق:

"... ما مثل يك خمير شيرينی هستيم كه هزاران سال است همه‌ی اجزای آن، درهم آميخته است. اين چند تيره‌ی آريايی كه وارد ايران شده‌اند، مادها، پارس‌ها و پارت‌ها به‌عنوان تيره‌های اصلی و نيز كُردها و آذری‌ها از همان تيره‌ها هستند كه همگی چند‌هزار سال است در اين سرزمين به‌سرمی‌برند و با هم آميخته شده‌اند." (3)

اوسته گؤروندووگو کیمی دیل و مدنیت فرقلیکلری فارس نژادپرستلیکلری نین عوامفریبلیگینه قوربان وئریلمگه چالیشیلیر. بونلار ایران ممالیکی محروسه سینده کی فارس اولمایان توپلوملاری فارس دیل و مدنیتینه بوروندوره رک اونلاری یییه جک شیرینی خیال ائدیرلر. بیلیندیگی کیمی ایران ممالیکی محروسه سینده 3 دیل قوروپونا عایید میللتلر یاشاییرلار.

1-      تورک دیل قوروپو: آذربایجان تورکلری و تورکمنلر

2-      هندژرمن دیل قوروپو: فارسلار، بلوچلار، لورلار، گیلکلر، کوردلر و ساییره

3-      سامی دیل قوروپو: عربلر.

مسئله بئله اولدوقدا سورقو سوآل بو: - بوگون ایران ممالیکی محروسه سینده کی فرقلیکلری گؤز آردی ائده رک 20 اینجی یوز ایلین اوولینده خاریجی عامیللر واسیطه سی ایله قوراشدیریلمیش یالانچی گؤروشلری تاریخ دئیه بو ممالیکی محروسه ده کی اینسانلارا سیریماغا چالیشماق بو اینسانلاری تحمیق ائتمک دئییل می؟ 21 اینجی عصیرده یاشادیغیمیز اوچون توپلوملارا سایقی ایله داورانمانی هر کیمسه دن گؤزله مه لی ییک. تاریخ بوتو آذربایجانلی و ایران ممالیکی محروسه سینده کی تورکلر اؤزلرینی تورک تانیمالارینا و آدلاندیرمالارینا باخمایاراق بوگون ده گونئی آذربایجانلی و ایران ممالیکی محروسه سی نین باشقا یئرلرینده یاشایان تورکلر اؤزلرینی تورک آدلاندیردیقلاری اوچون اونلارا دیل قوروپو باخیمیندان تورک میللتلری سیرالاریندا یئر وئرمک هر بیر چاغداش و مدنی اینسانین بورجودور. هر بیر مدنی اینسان Selbst Determination (اؤزونو باشقالاریندان آییرد ائتمه، اؤزونو ایضاح ائتمه) دوغرولتوسوندا دوشونمه لیدیر. بو دئدیکلریمیزه باخمایاراق فارس شوونیستلری، ایستعمارچیلاری و تمامیتچیلریندن اؤزونو تانیملاما دوغرولتوسوندا اولان گؤزلنتیلر ده یئرسیز اولاردی قناعتینه گلمک زورونداییق. گئنه ده کوروش زعیم ذات عالیدن اوخویوروق:

"... البته ما اقليت مذهبی داريم ولی اقليت قومی نداريم؛ مگر اقليت‌های زبانی مثل قوم تركمن. آخرين قومی كه به ايران مهاجرت كرده است، تركمن‌ها بودند كه شايد تاحدی بتوان به آن‌ها قوم تركمن اطلاق‌كرد. هر‌چند آن‌ها هم در فرهنگ ايرانی كاملاً ذوب شده‌اند. قشقايی‌ها قبيله‌ای بودند كه صدها سال پيش وارد ايران شدند و شما نمی‌توانيد آن‌ها را از فارس‌ها جداكنيد." (3)

ایران ممالیکی محروسه سینده فارسلارین بیر میللی آزلیق اولدوغونو قلمه آلانلار بلکه ده کوروش زعیم جنابلارینا حاق وئرمیش اولسونلار. بو گؤروشه اساساً ایران ممالیکی محروسه سینده نه میللی دؤولت وار، نه ده میللی مملکت! آنجاق کوروش زعیم جنابلاری نین تورکمنلری دیل باخیمیندان قوم قمله آلما مسئله سی عئین حالدا میللتلر مسئله سی یئرینه دینی اینانجلاری قابارتما مسئله سی هئچ ده تعجوب دوغورمامالیدیر. محمود افشار یزدی 80 ایل بوندان اؤنجه توپوردوکلرینی حزب نژادپرست جبهه میللی فارس مسئوللاری ایندی یالاماغا باشلامیشلار. بو عملین گئجیکمه سی بو نژادپرستلرین تنبیل اولدوغوندان ایلری گلمیر، بو گون زامان بو مسئله نی گرکدیریر. رضاشاه خاریجی عامیللر واسیطه سی ایله قاجارلاردان حاکیمیتی چئوریلیش واسیطه سی ایله اله آلدیغی زامان دا ایران ممالیکی محروسه سینده ارمنی و یهودولار بیر دینی آزلیق کیمی قلمه آلینیردی. شاهلیق سیستیمی نین آنایاساسیندا شیعه اثنی عشری رسمی مذهب تانینماسینا باخمایاراق سایی میلیونلاری آشقین سنی لر مذهبی آزلیق دئیه قلمه آلینمیردی. دئمک، زامانین ایلریلمه سینه باخمایاراق فارس ایستعمارچی سیاستچیلری نین ذهنیتی کئچمیشلرده ایلیشیب قالمیشدیر دئیه دوشونمه لی ییک. بیلیندیگی کیمی تورکمنلر ده ایران ممالیکی محروسه سینده باشقا میللتلر کیمی بؤلونموش تورکمن میللتی نین ترکیب حیصصه سی دیرلر. ایران ممالیکی محروسه سی نین تورکمن صحرا دئییلن بؤلگه لرینده یاشایان تورکمنلر موختلیف قوم، طایفا و عشیرت لره بؤلونور. بو قوم و طایفالار تورکمن میللتی نین ترکیب حیصصه سی دیرلر. بو دانیشیغا قاتیلانلاردان بیری ده اؤزونو آراشدیرماجی و سیاسی فعال قلمه آلان عبدی جنالاریدیر، اوخویوروق:

"عبدی: اين‌كه ما مسأله‌ای به‌نام قوميت داريم يا نه‌، از دو زاويه قابل بررسی است؛ يكی زاويه‌ی پوزيتيو يا تحصلی و ديگری زاويه‌ی تفهمی. از زاويه‌ی پوزيتيو می‌توان با صحبت‌های آقای زعيم موافق بود كه اين تيره‌ها با هم درهم آميخته‌اند كه بايد در مورد آن بررسی و تحقيق صورت بگيرد. حتی بعضی‌ها، مسأله‌ی زبان را تا حد لهجه پايين می‌آورند يا در مورد آذری‌ها گفته می‌شود با ايرانی‌ها هيچ فرقی نمی‌كنند و تنها زبان‌شان تغيير كرده است. بحث آريايی‌ها كه بگذريم، تازه پنج، شش، درصد از مردم ما سیّد هستند و در ساخت قدرت هم نفوذ دارند كه از اقوام سامی هستند و عرب به‌حساب می‌آيند؛ ... در مسأله‌ی نژاد، ما فقط كمی با تركمن‌ها آن‌هم در حدّ خيلی‌خيلی‌كم تفاوت داريم. ميان ما و ساير قوميت‌ها مرز چندانی وجود ندارد. اما در ميان همه‌ی متغيرها مسأله‌ی مذهب فوق‌العاده جدی است."(3)

بورادا عبدی جنابلاری دا ام+ الکلثوم= ام الکلثوم دئیه کوروش زعیم ذات عالی نین چئنر توپور ائتدیکلری ایفاده لری بیر داها ایفاده ائتمگه چالیشمیش گؤرونور. عبدی نین گؤروشونه اساساً یالنیز "سید" مقوله سی عربلیک سام دیل و مدنیتلرینه مرحمت ائتمیش مقامدا یئر آلیر. دئمک، کئچمیشده پیغمبر اوولادی ساییلان حضراتلارین اوشاقلاری نین ایران ممالیکی محروسه سینه گله رک بو خالقلار ایله ائولنیب ایچ ایچه یاشامالاری بو توپلوملار ایچریسینده دیل و مدنیت باخیمیندان فارس، تورک، کورد، گیلک و ساییره اولمالاری اونلارین عرب اولدوقلاریندان هئچ نه دگیشمه میش، بو داغینیق و عرب دیل و مدنیتیندن اوزاقلاشمیش اینسانلار عربلر دئیه ایران ممالیکی محروسه سینده قودرت نوفوذونا صاحیب ایمیشلر!!!. ایران ممالیکی محروسه سینده میللیتلر مسئله سینه بئلنچی یاناشانلاری سیاستچی دئییل، یالنیز شارلاتان آدلاندیرماق اولار. بونلار خوزیستانداکی عربلرین میللی مسئله لرینه گلدیکده لام کام دئیه دوداغی دوداق اوستونه گؤتور قوی ائتمک ایسته مزلر. گئنه ده عبدی ذات عالیدن اوخویوروق:

".. بنابراين ما چون فارس هستيم نمی‌توانيم واقعيت مسأله را ناديده بگيريم. اما چرا چنين اتفاقی روی می‌دهد؟ چرا در ذهنيت كسانی كه كرد، ترك، عرب و ... هستند، اين موضوع مطرح است كه به آن‌ها اجحاف می‌شود؟ چون اوست كه منشأ اين تمايز هويتی است. از سوی ديگر می‌توانم بگويم كه با همه‌ی اين‌ها، در اين مقطع مسأله‌ی قومی و زبانی مسأله‌ی اول ما نيست. مسأله‌ی اول ما دموكراسی است و البته مقّدم بر دموكراسی، حاكميت قانون است. ... در بحث قوميت، چون من فارس هستم نمی‌توانم عليه آن ساختار تبعيض‌آميز موضع قومی بگيرم. و بنابراين ناچارم از بُعد دموكراسی به مسأله بپردازم..." (3)

دئمک، ایران ممالیکی محروسه سینده کی فارس اولمایان میللیتلرین مسئله سی اوزدن ایراق فارس آیدینلاری نین مسئله سی دئییل. بو مسئله نی فارس اولمایان میللیتلرین میللی بیلینجلی اینسانلاری دا آنلامیش مقامدا یئر آلیرلار. یالنیز ایدئولوژی باتلاغیندا ایلیشیب قالمیش آذربایجان دینچیسی، سولچوسو و ایرانچیسی فارس کؤر ائدرلریندن امامزاده دئیه شفاعت گؤزله ییرلر. فارسلارا گؤره فارسچیلیق اساسیندا قبول اولموش قانونلاری ایجرا ائتمک دئموکراسیدان داها یاخشی اولاردی. دئمک، میللیتلر مسئله سی حلل اولمادان دئموکراسی ایران ممالیکی محروسه سینده اولامایاجاغی اوچون ایلک اولاراق فارسچیلیق اساسیندا قبول اولموش قانونلارین عمل ائدیلمه سی گرکلی گؤرونور. ایران ممالیکی محروسه سینده میللیتلر مسئله سینه داییر عبدی جنابلاری فارس اولدوغو اوچون میللی ظولمون علیهینه چیخیش ائتمک ایسته میر. دئمک، قودرت، وار دؤولت دوزلو سو کیمیدیر. قودرت صاحیبی اولان توپلوم و اونون عوضوولری اؤزلرینی قودرتدن آشاغی دوشورمک ایسته مزلر دئیه دوشونمه لی و هر میللت اوولادی اؤز میللتی نین موستقیل یاشاماسی اوچون  گون آغلامالیدیر. بئله لیکله فارس ایستعمارچی تشکیلاتلاری (ایستر ساغ، ایستر سول) دئیه اونلاردا پادوچولوق ائدن آذربایجانلیلار، تورکمنلر و ساییره لر فارس تشکیلاتلارینداکی تحمیق اولموش دورومدان اؤزلرینی نجات وئرمه لیدیرلر دئیه دوشونمه لی ییک. گئنه کوروش زعیم ذات عالیدن اوخویوروق:

"زعيم: اين درست نيست كه تمايز قوميتی ايجادكنيم. هزاران سال است كه زبان فارسی، زبان رسمی است و مثلاً زبان بلوچی يكی از زير شاخه‌های آن است." (3)

کوروش زعیم ذات عالی نین فارس دیلینی 1000 رسمیت وئرمه سی هانکی خالق سس وئرمه سینه (رئفراندوما) اساسلانیر دئیه دوشونمه لی ییک! فارس دیلینی قزنه لی و سلجوق تورکلری 300 ایل عربلر ایران ممالیکی محروسه سینه حاکیم کسیلدیکدن سونرا دیوان دیلی دئیه بوگونکو ایران ممالیکی محروسه سینه گتیرمیشلر. بو دیل تورک شاهلاری واسیطه سی دیوان دیلی اولدوغو حالدا، تورک دیلی قوشون دیلی، عرب دیلی ایسه دین و فلسفه دیلی اولاراق 20 اینجی یوز ایلین اووللرینه دک ایران ممالیکی محروسه سینه حؤکوم سورموشلر. یالنیز رضا میرپنج خاریجی عامیللر واسیطه سی ایله حاکیمیت چئوریلیشینه قول چکدیکدن سونرا فارس دیلی ایران ممالیکی محروسه سینده کی فارس اولمایان ایجتماعیتلره فارس ایداره لری طرفیندن تحمیل اولموش بیر دیلدیر. بلوچ دیلی نین فارسچا ایله هانکی موناسیبتیندن آسیلی اولمایاراق بوگون بلوچلار اؤزلرینی بیر میللت کیمی تانیملاییر. 21 اینجی عصرین Selbst Determination مقوله سیندن یولا چیخاراق بلوچ توپلومونو فارس شوونیستلری و تمامیتچیلری دئییل، بلوچلار قونشولارینا قارشین اؤزلری تعریفله مه لی و هانکی توپلوما داها یاخین اولدوقلارینی اونلار اؤزلری بلیرله مه لیدیرلر. گئنه ده کوروش زعیم ذات عالیدن اوخویوروق:

"..امروزه حتی در يزد كسانی وجوددارند كه به زبان تاتی صحبت می‌كنند و ما زبانشان را نمی‌فهميم. آيا می‌توان گفت كه آن‌ها غيرايرانی هستند؟" (3)

گؤروندوگو کیمی فارسلارین بو ایرانلی اولوب اولماماق مقوله لری ایرنج بیرمقاما چاتمیشدیر. دئمک، تاتی دیلینی بیر فارس آنلامیر و باشا دورمورسه و فارس شوونیستلری فارسچانی تاتا تحمیل ائتمگه چالیشیرسالار، بو تات توپلومو علیهینه فارس شوونیستلری طرفیندن یئریدیلن ظولم دئییل می؟ کوروش زعیم و سیستیم اولاراق فارس شوونیسمی تاتی توپلومونو آنادیلینده یازیب اوخوماقدان محروم ائتمه گه چالیشارسا، کوروش زعیم و فارس حاکیمیتی شوونیست دئیه دونیا ایجتماعیتی طرفیندن قلمه آلینمازمی؟ گئنه ده کوروش زعیم ذات عالیدن اوخویوروق:

"... مسأله‌ی خوزستان و آذربايجان و كردستان مربوط به زمانی است كه انگليس و شوروری از ايران خارج شدند و تلاش‌كردند نارضايتی‌ها را به رنگ قومی در آورند و از آن برای پايگاه نفوذ خود استفاده‌كنند. اگرچه اين مشكل در دهه‌ی سی حل‌شد، اما امروز اين مشكل دوباره ايجاد و تشديد شده است."(3)

گؤروندوگو کیمی فارس شوونیستلری و تمامیتچی قووه لری سویوق ساواشین باشلانیشی نتیجه سینده آذربایجان میللی مسئله سینین فارس شوونیستلرینه قوربان اولدوغونو بیر حل دئیه قلمه آلیرلار. میللی مسئله 1325 ایل حل اولموشسایدی، بوگون چیبان کیمی یئنیدن باش آچماغا حاضیرلاشمازدی. اوگون بؤیوک قودرتلرین باشلاتدیغی سویوق ساواش نتیجه سینده آذربایجان دئموکرات فیرقه سی نین باشچیسی و آذربایجان میللی حؤکومتی نین رئیسی سید جعفر پیشه وری یه مظفر فیروز طرفیندن تحمیل اولموش 10 مادده لی ایستمعاری آنلاشمایا دا فارس حاکیمیتی احتیرام ایله یاناشمادی (4). نتیجه ده مسئله بؤیوک اؤلچوده چیبان کیمی ایرینله ییب گونوموزه داشیناراق بوگون فارس شوونیسمی و ایستعماری، ایران ممالیکی محروسه سینده کی یئریتدیگی مدنی سوی قیریم (Kultur Genozid ) اوچون حئسابات وئرمه لیدیر دوشونمه لی ییک.  گئنه ده کوروش زعیم ذات عالیدن اوخویوروق:

"مثلاً زرتشتيان بيش از همه‌ی ما حق آب‌وگِل دارند اما حق ندارند فرمانده‌ی نظامی، رييس‌جمهور، استان‌دار و حتی بخش‌دار شوند. بنابراين، نبايد فكركنيم ايرانيان عرب‌زبان می‌خواهند جدا شوند. ...اگر كردهای عراق يا تركيه می‌خواهند جداشوند، به‌اين‌علت است كه خودشان را ترك يا عراقی نمی‌دانند بلكه ايرانی می‌دانند و ما می‌توانيم آن‌ها را جذب‌كنيم." (3)

زردوشتلرین مافوق بشر اولدوقلارینی و ایراندا داها آرتیق تورپاق حاققینا مالیک اولمالارینی فارس باستانگرایلاری دؤنه دؤنه اؤنه سورمه لرینه باخمایاراق زردوشت دینی نین بوگونکو ایران ممالیکی محروسه سی ایله هئچ بیر علاقه سی یوخ ایمیش. زردوشت کیتابی "اویستا" میلادین 13 اونجو یوز ایلینده اویدورما ناغیللارین متینه کؤچورولمه سی ایله گئرچکلشمیشدیر؛ داها آرتیق معلومات اوچون باخ (5، 5.1).

کورد و عرب مسئله سینه گلدیکده پان ایرانیستلرین میللی مسئله یه یاناشماسی بعضیلرینه گؤره ایکی ایستانداردلی، بعضیلرینه گؤره ایستاندارسیز معده یئلی بوراخماق کیمی قلمه آلینیر. دئمک، پان ایرانیبستلرین شوونیستی گؤروشلرینه اساساً ایران ممالیکی محروسه سینده کورد و عرب دئیه میللی مسئله یوخ ایمیش! عربلر "ایرانیان عرب زبان"، کوردلر ایسه آذربایجانلیلار ایله بیرلیکده اصیل ایرانلی (فارس!!) قمله آلینیرلار. آنجاق قونشو دؤولتلر مسئله سینه گلدیکده کوردلرین تورکیه دن و عیراقدان آیریلمالاری کوردلر تورک و عرب اولمادیقلاری اوچون پان ایرانیستلر طرفیندن اونلارا ایرانلی دئیه تورکیه و عیراق دؤلتلری ترکیبیندن آیریلمالاری اوچون برائت حؤکمو یازیلیر. نتیجه ده تورکیه و عیراقداکی کوردلرین چوخوردان چیخیب پان ایرانیستلرین قویولارینا دوشمه لری آرزو ائدیلیر (باخ اوسته: ما می توانیم آنها را جذب کنیم). گئنه ده کوروش زعیم ذات عالیدن اوخویوروق:

"... مشكل ما تبعيض مذهبی است؛ كردها و بلوچ‌ها از ما ايرانی‌تر هستند اما به‌دليل مذهبشان در تبعيض قرار‌گرفته‌اند. ما در ايران تبعيض‌نژادی نداريم اما تمايز مذهبی داريم و اين مسأله، به نوعی احساس تفاوت منجرشده كه سرچشمه آن، احساس مورد تبعيض واقع‌شدن است." (3)

واقعیتلری گؤرمک ایسته مه گن، یوخسا گؤره رک اؤزونو کؤرلوگه ووران ذات عالیلر یئنی دونیا دوزنینه اساساً عیبرت درسلرینی آلاجاق گؤرونورلر. دئمک، مسئله بیر مملکتین تابعیتی اولوب اولماماق دئییل، مسئله او مملکتده اینسانجاسینا بیر توپلوملا معامیله اولوب اولمادیغی سؤز قونوسو اولمالیدیر. ایران ممالیکی محروسه سینده فارس نژادپرستلیگی و باستانگرایلیغی حاکیم اولدوغو اوچون 1000 فارس دیلینی دیوان دیلی ائتمیش، ایران ممالیکی محروسه سینی عرب خلافتیندن قورویان تورک میللتی بوگون اؤز تاریخی تورپاقلاریندا، اؤز ائو ائشیکلرینده تحقیر آلتیندا اؤزگه لیک حیسسی کئچیریر دئیه دوشونمه لی ییک. بو مسئله فارس نژادپرستلیگی ایله علاقه دار دئییل می؟ نه اوچون اساسسیز ساری نژاد دئیه فارس فاشیستلری ایران ممالیکی محروسه سینده کی تورک ایجتماعیتلرینی کوچومسه مگه چالیشیر و اونلاری میللی تئرورا معروض قویورلار؟ ایران ممالیکی محروسه سینده میللی تبعیض یوخدورسا، نه اوچون میللتلرین اؤز دیللرینده یازیب اوخوماسی راسیست حزب جبهه میللی باشچیلاری طرفیندن ایران ممالیکی محروسه سی نین تورپاق بوتونلوگونه بیر خطر کیمی قلمه آلینیر (6)؟ گئنه ده کوروش زعیم ذات عالیدن اوخویوروق:

"...در زمان دولت عثمانی، چون نتوانستند شمال غربی ايران را تصرف‌كنند. نخستين كاری كه كردند، آن‌بود كه برای گسترش زبان تركی در شمال غرب ايران بودجه اختصاص دادند و كتاب‌هايی با مضمون هويت‌های مصنوعی مغولی و تاتاری ساختند." (3)

گؤروندوگو کیمی بورادا کوروش زعیم آتالاری کوروش کبیرلرین خاطیره سینده یاشاییر. بیلیندیگی کیمی اوزون حسن آق قویونلو زامانیندان آذربایجان حاکیمیتلری و عثمانلیلار آراسیندا ساواش اولماسینا باخمایاراق عثمانلی ایمپراتورلوغونا قارشین آذربایجان تورکلری صفوی سلاله سینی ایش اوستونه گتیردیلر. شاه اسماعیل باشدا اولماقلا آذربایجان اوغوللاری، قیز و گلینی آتلاناراق دونیا گؤروشلری و مذهب اینانجلاری اساسیندا آذربایجان مملکتینی قوروماق اوچون اؤز دیلداشلاری عثمانلی قوشونو باشلاریندا سلطان سلیم عثمانلی اولماقلا امانسیز ساواش آپاردیلار. بو ساواش چالدیران دؤیوشونده آذربایجان قوشونلاری نین یئنیلمه سی ایله نتیجه لندی. باشقا یاندان تاریخ بویو تورک سلاله لری چوخلو مملکتلره حاکیمیت ائتمه لرینه باخمایاراق هئچ بیر خالقی تورکلشدیرمگه چالیشمامیشلار. بونا اؤرنک عرب مملکتلرینی و بالکانداکی میللتلری گؤسترمک اولار. عثمانلیلار 1400 اینجی ایللردن بالکانلارا و عرب مملکتلرینه حاکیم کسیلدیکلرینه باخمایاراق او تورپاقلاردا باشقا ائتنیکدن کیمسه نی تورکلشدیرمگه دوشونمه میشلر. آذربایجانا گلدیکده آذربایجانین کئچمیشده خزر تورکلریندن باشلایان تاریخینی نظره آلاراق تورکیه دن داها اؤنجه آذربایجان تورکلرین مملکتی اولموش. تورک مملکتینی تورکلشدیرمک اوچون موغول کیملیگینی اونا یونتاماق هئچ ده عقل و منطیغا سیغماز گؤرونور. یالنیز عوامفریبلر، عقل و منطیق باخیمیندان گئری قالمیشلار آتماجا سؤزلر ایله اؤزلرینی یورماغا چالیشارلار. کئچمیشده بو گئری قالمیشلار آذربایجانلیلارین مغوللار الی ایله تورک اولدوقلارینی ایددعا ائدیردیلر. بوگون ایسه تورک آذربایجانلیلاری عثمانلی تورکلری موغول کیملیگی ایله تورک ائتدیکلرینی ایددعا ائدیرلر. غرب تاریخچیلرینه گؤره عربلره نهاونده حمله ائتدیکلری زامان (642 میلاد ایلینده) آذربایجاندا تورکلر یاشاماقدایدیلار(7).  بئله لیکله فارس شوونیستلری و تمامیتچیلری نین موغوللار و عثمانلی تورکلری واسیطه سی ایله آذربایجانلیلارین تورک اولدوقلاری ایددعاسی یالانلانمیش اولور. گئنه ده کوروش زعیم ذات عالیدن اوخویوروق:

"... اگر شما به‌هركسی كه گويش خاصی دارد بگوييد آن‌را آموزش‌بده كه تخم تجزيه پاشيده می‌شود. اگر به آن‌ها اجازه دهيم زبان خود را آموزش دهند تا ده سال ديگر بچه‌های ما همديگر را درك نخواهندكرد و ارتباط‌ها قطع خواهد شد. اين خود يك تجزيه‌ی غير فيزيكی است. در آن صورت اگر به هر منقطه‌ی كشور برويم، بايد يك مترجم همراه داشته باشيم تا زبان همديگر را بفهميم. ...." (3).

گؤروندوگو کیمی حزب نژادپرست جبهه میللی مسئوللاری دیل و مدنیتلرین دوشمنی ساییلاجاق موجودلاردیر. بونلار سؤز ده ایسه دئموکرات معابلیق ایددعاسینا قاپیلاراق گه ییرمگه چالیشیرلار. بونلار کئچمیش 80 ایلده موختلیف تشکیلاتلار حزب دئموکرات ایران، حزب میللت ایران آدی آلتیندا دیل و مدنیت باخیمیندان قالمامیشین جینایتینی ائتمیش گؤرونورلر. رضا میرپنجلری ایران ممالیکی محروسه سینده میللتلرین کوره گینه میندیرنلر ده بو ذاتلار اولموشلار. آنجاق جیبلری فرقلندیکلری اوچون منه وئر حرکتینه قاپیلاراق حاکیمیته پوزیسیون اولماغا چالیشمیشلار. بوگون ده بو ذاتلار کئچمیشده جومهور باشقانی سید محمد خاتمی یه یازدیقلاری مکتوبلاری نظره آلارساق،  جمهوری ایسلامی حاکیمیتی ایله ائوجیک ائوجیک اویناماغا چالیشیرلار. بعضاً ده فارس پوزیسیونوندان اوزاق دوشمه سینلر دئیه موخالیفت دونونا بورونمگه چالیشیرلار. بودور مصدقچی حزب نژادپرست جبهه میللی فارس فاشیستلری نین داورانیشلاری! گئنه ده حزب نژادپرست جبهه میللی مسئولو کوروش زعیم ذات عالیدن اوخویوروق:

"زعيم: زبان ما در زمان هخامنشيان فارسی پهلوی بود. زبان پهلوی دو شاخه داشته، يكی پهلوی جنوبی كه فارسی است و ديگری پهلوی شمالی كه آذری است. زبانی كه در آذربايجان صحبت می‌شود، پهلوی شمالی است. بعد از حمله‌ی مغولان و سلجوقيان، واژه‌های مغولی و تاتاری وارد آن زبان شد و بخشی از دستور زبان خود را به آن تحميل‌كرد. تا ٣٠٠سال پيش، زبان دربار امپراتوری عثمانی، فارسی بوده است. ..... شما اگر به آذربايجان كه امروز يك استان است نگاه كنيد، نام شهرها، رودها و ... همه چيز فارسی است." (3)

گؤروندوگو کیمی حزب نژادپرست جبهه میللی فارس عووضو اولان کوروش زعیم ذات عالی ممه نی پپه دن آییرد ائتمک قابیلینده اولماق ایستمه یه رک ایکی آیاغینی باشماغی نین بیر تایینا سوخاراق "تویوق بیر قیچلیدیر بیر قیچلی" دئمه گه چالیشیر. بوگونکو آذربایجان دیلی ایستر گئرامئر، ایسترسه ده سؤز داغارجیغی باخیمیندان فارسجادان قات قات زنگین اولماسینا باخمایاراق کوروش زعیم آذربایجان دیلی نی "پهلوی شمالی از نوع فارسی" آدلاندیریر. بو جفنگیات یالنیز کوروش زعیم ذات عالی ایله یکونلاشمیر. کئچمیشده تهران اونیوئرسیته سی نین رئیسی اولان محمود افشار یزدی نین اوغلو ایراج افشار سیستانی دا بو کیمی ایفاده لری عئلمی دئیه "ایرانشناسلیق آدینا" یازدیغی کیتابلاریندا ایشلتمکدن چکینمه میشدیر، اوخویوروق:

"آذری ها اصیل ترین افراد ایرانی و از نژاد آریایی هستند. این قوم از نژاد قدیم آرین است که زبان و خصوصیات کلی ایرانیان دوره هخامنیشی، اشکانی . ساسانی را حفظ کرده است." (8).

تورکیه ده حاکیمیت دیلی مسئله سینه گلدیکده عثمانلی ایمپئریاسی قورولمادان اؤنجه قارامان بگی محمد قارامان 13 مای 1277 تاریخینده تورکچه نی رسمی دیل ائده رک اؤز بگلیگی اوچون قبول ائتمیش (9) و سونرا عثمانلی ایمپئراتورلوغو بو عنعنه نی یاشاتمیش. دئمک، سلطان سلیملرین فارسچا بیلمه سی فارس دیلی نین رسمی اولماسی دئییل، عثمانلی سلطانلاری اؤز ولیعهدلری، گله جگین سلطانلارینا قونشو دؤولتلرین دیللرینی اؤیرنمگی بیر تکلیف کیمی تقدیم ائتمیشلر. دئمک، کوروش زعیم ذات عالی نین بو ایددعاسی دا اساسسیز گؤرونور. آنجاق آذربایجان شهر و کندلری نین آدلاری نین فارس اولما مسئله سینه گلدیکده آذربایجان میللتی نین شهر، کند، داغ داش، چای و آدالاری نین آدلارینین تورکچه دن فارسچا دگیشدیریلمه سی محمود افشار یزدی نین وئردیگی بویوروقلار اساسیندا 80 ایل اؤنجه دن باشلامیش و بوگون ده ایسلام جومهوریسی اورقانلاری طرفیندن ایسلام آدینا حیاتا کئچیریلمکده دیر. بونا تانیغ اورمیه گؤلونون شاه زامانیندان اماندا قالمیش آدلاری نین کئچن ایلده (2005 ده) تورکچه دن فارسچایا یئنی آدلاری دئیه مکتب و مدرسه مسئوللارینا اونلاری اؤیرنجیلره اؤیرتمک اوچون تکلیف ائتمه مسئله لری و ساییره نی گؤسترمک اولار. دئمک، فارس شوونیست سیستیمی ایستر تورک، ایسترسه ده عرب کیملیگیندن بو میللتلرین تاریخی تورپاقلاری اوزره بیله آدلاری تحمل ائتمه قابیلیتینه مالیک دئییلدیر دئیه دوشونمه لی ییک

 

 

قایناقلار:

 

1                   سید ضیاالدین صدرالاشرافی: كثرت‌ قومی‌ و هویت‌ ملی‌ ایرانیان‌، تریبون 2.

http://www.tribun.com/nr2/tr204.PDF

1.1            سید ضیاالدین صدرالاشرافی: تعریف‌ از ملت‌ ایران‌ و هویت‌ ایرانیان، تریبون 3:

http://www.tribun.com/nr3/tr312.pdf

2        ایشیق سؤنمز، پان ایرانیستلرین نژادپرستلیگی: http://www.azerses.org/666.htm

2.1   ایشیق سؤنمز: پان ایرانیستلرین میللی کیملیک دئیه ایران مقوله لری!

http://www.shamstabriz.com/sonmaz-iran.htm

3        ايستادن روی زمين ايرانی: ميزگرد ماهنامه‌ی نامه:

http://politic.iran-emrooz.net/index.php?/politic/more/7538/

4        موافقنامه نمايندگان اعزامی آذربايجان به تهران با دولت: http://www.adf-mk.org/F/af.html

5        ایشیق سؤنمز: پان ایرانیستلرین دیل و مدنیت تحریف ائتمه مسئله لری!: http://www.shamstabriz.com/sonmaz-paniranist.htm

5.1  ایشیق سؤنمز: اویستانین یازیلیشی: http://www.azadtribun.net/x123.htm

6        اعتراض جمعی از اعضای جبهه ملی ايران به يك تصميم وزارت آموزش و پرورش، پنجشنبه 23 بهمن 1382: http://news.iran-emrooz.de/more.php?id=3041_0_7_0_M

7        Haussig, Hans W. Die Geschichte Zentralasien und der Seidenstraße in islamischer Zeit; Darmstadt 1988, sehife 117.

8   ایرج افشار سیستانی، آذربایجانشرقی (مجموعه ایرانشناسی 11)، جلد 2، صحیفه 801.

9   TÜRKÇE’NİN YENİDEN DEVLET DİLİ OLUŞUNUN 728. YILI: http://www.milliegemenlik.gov.tr/karaman_dilbayrami.htm

 

 

ایشیق سؤنمز 20.3.2006

 

فارسچی گؤروش