میللی و مذهبیلرین عوامفریبلیگی

بیلیندیگی کیمی حزب نژادپرست جبهه ملی ایران و حزب ملی مذهبیها (نهضت آزادی) عرامفریبلیگه داوام ائدره ک ایران مماالیکی محروسه سینده کی ایجتماعییتی آلداتماغا داوام ائدیرلر. بونلار ده وه تویوغو دکی بعضا اؤزلرینی تویوق، بعضا ایسه ده وه گؤسترمه گه چالیشاراق آذربایجان و ایران ایجتماعییتینده بونلار اوزره فیکیر فورمالاشماسینا مانع اولورلار. ایندیسه میللی و مذهبیلرین رهبری ابراهیم یزدینین تبریزده دانیشیغینین بعضی پاساژلارینی بیرلیکده گؤزدن کئچیررک اونلاری یوروملاماغا چالیشاجاییق، اوخویوروق:

"يزدی افزود: اين حقوقی که به عنوان حقوق بشر شناخته شده دو بخش دارد. بخشی که مربوط است به بيانيه حقوق بشر که ايران آن را امضا کرده است.اما بخش مهم تر همين قانون اساسی در فصل سوم اصولی را ذکرمی کند که اگر بخواهد جمهوری اسلامی ايران دوام بياورد و ادامه يابد بايستی حقوق بشر اجرا شود در غير اين صورت موقعيت ايران همچون ميز دو پايه ای خواهد بود که سقوط خواهد کرد"(1).

بورادا ابراهیم یزدینین اهمیتلی سایمادیغی بیانیه حقوق بشر مقوله سیدیر. بو مقوله یه محمد رضا شاه زامانی ایران حاکیمیتی طرفیندن ایمضا آتیلمیش. بو بیانیه ده اوخویوروق:

"بیرینجی مادده
بوتون اینسان اوولادلاری آزاد دوغولور. حییثیت و کرامت باخیمیندان برابردیلر. هامیسینین عقلی و وجیدانی وار. گره ک بیر بیرلریله قارداشجاسینا رفتار ائده لر.

مادایکینجی مادده
هر شخص اونون میللیت، رنگ، اینانج و سیاسی گؤروشوندن و دوغولدوغو یئریندن و میللی منسوبیتیندن  آسیلی اولمایاراق بشر حقوقلاری بیاننامه سینده قبول اولونموش حاقلاردان فایدالانا بیلمه لیدیر. .....

یئددینجی مادده

قانون قارشیسیندا هامی برابردیرلر و حاقلاری وار فرق قویولمادان قانون قارشیسیندا حمایت اولالار. هر آیری سئچگیلیک و بشر حقوقلارینی نقض ائدن داورانیشلار مقابیلینده  هامی حقوق برابرلیگینه تابع توتولمالی و قانون حمایتینه آلینمالیدیر".

گؤروندوگو کیمی بو ابراهیم یزدیلرین اهمیت وئرمه دیگی حاقلار قددار پهلوی سیلسیله سی طرفیندن، تهران حاکیمیتی نین رضایتی ایله  بیرلشمیش دؤولتلر تشکیلاتیندا قبول اولونموش.و اورادا ایران طرفی بیرلشمیش دؤولتلرتشکیلاتینین بیانیه سی و قرارلارینا اعتیناسیز یاناشان دؤولتی بیرلشمیش دولتلر تشکیلاتینین تحریمی و مجازاتی ایله اوزلشه جه گینی قبول ائتمیشدیر.  دئمک، بیرلشمیش دؤولتلر تشکیلاتینین قبول ائتدیگی بشر حاقلاری بیاننامه سی و قرارلارینا اعتیناسیز یاناشانلار نئجه  سیاستدن، اینسانلیقدان و دئموکراسیدن سؤز ائدرک ایجتماعییت قارشیسیندا و حاققی ازیلمیش توپلوملار قارشیسیندا چیخیش ائده بیلرلر؟  دئمک عوامفریبلیگین ده حددی و حودودو وار. گئنه ده اوخویوروق:

"در ادامه پرسش و پاسخ دکتر يزدی در مورد فدراليزم و فروپاشی گفت: فدراليزم پيش شرط دموکراسی نيست و در برخی کشورها منتهی به فروپاشی می شود .ما به عنوان گروهی ملی با هرگونه گرايشی که بخواهد به يک پارچگی ايران لطمه بزند مخالفيم"(1)

بورادا ملی و مذهبی دییلن فارس شوونیستلرین ایچ اوزو آچیلمیش اولور. دئمک مرکزده کی سیاسی گوجو بؤلوشک دئدیکده  ائشیدیریک: ائله اولارسا، ایران تمامیت ارضیسی خطره دوشر. بو عوامفریبلردن فارس اولمایان ائتنیکلر داها نه اوما بیلر؟ بو شییادلارا  پادوچولوق ائدن آذربایجانلیلار  آذربایجان ایجتماعییتیندن اوتانمیرلار می؟

اؤزگه بالتاسینا ساپ دئدیکده بو شییادلارا پادوچولوق ائدنلر، اؤز کیملیک و منلیکلرینین قیدینه قالمایانلار  نظرده توتولور. گئنه ده اوخویوروق:

"وی افزود:....ملا مصطفی بارزانی گفته هرکردی که خود را ايرانی نداند کرد نيست. کردها خودشان را نه ترک می دانند نه عرب و لی ايرانی می دانند."(1)

یوخاریدا گؤروندوگو کیمی پان ایرانیسمین قویروغو ائشیگه چیخماغا باشلیر. دئمک تورک و عرب دئدیکده ایکی مملمکت دییل، ایکی ائتیک توپلوموم و دیل  نظرده توتولور. بیلیندیگی کیمی تورک و عرب دولتلری و مملکتلری وار.  ایران ممالیکی محروسه سی ایسه اوچ دیل قوروپونا: سام (عربلر)، تورک (آذربایجان تورکلری: گونی آذربایجان و ایران ممالیکی محروسه سینه سپه لنمیش آذربایجانلیلار، خلج و تورکمنلر) ایران (فارس، کورد، بلوچ، گیلک، لور، تات و ...) عاییدیر. دئمک، پان ایرانیستلر هر زامانکی کیمی  دیل بیلیمینده یانلیش دا اولسا، قبول اولموش «ایران آدی» نین دالیندا گیزله نرک فارس اولمایان ایران ممالیکی محروسه سینده کی میللتره اوخ آتماغا و اونلارین منلیک و کیملیکلرینی دانماغا چالیشیرلار. بو دا اونلارین عوامفریبلیگیندن ایلری گلن بیر داورانیش کیمی گؤرونمه لی و رد اولونمالیدیر.

قایناق:

1                    پیمان پاکمهر، مراسم نهضت آزادی ايران، به مناسبت بعثت پيامبر بزرگوار اسلام در تبريز:

 http://www.iran-chabar.de/1383/06/24/001.htm

ایشیق سؤنمز.

فارسچی گؤروش