فارس دیل و مدنیتینه اساسلانمیش حاکیمیتین ایران ممالیکی محروسه سینده کی جمهور باشقانی سئچیمی اویونلاری
فارس دیل و مدنیتی نی اساس گؤتورموش راسیست مئییللی رئژیم و سیستیملردن و بو رئژیم و سیستیملرده کی خادیملردن پای اومماق منطیق و عاغیل داییره سیندن اوزاق گؤرونمه سینه باخمایاراق بیر چوخلاری اؤزلرینی مطرح ائتمک اوچون خالق کیتله سی نین کؤنلونو اوخشاغا (نوازش ائتمگه) چالیشارلار (1). بو سؤزلری یازارکن هدف اونلاری کوچومسمک (تحقیر ائتمک) دئییل، فارس مدنیت راسیستلیگی سیستیمینده اونلارین توتولدوقلارینی اورتایا قویماق و مسئله نین هارادان سو ایچدیگینی گؤسترمک مقصدی گودر. بو دئدیکلریمیزی فارس شورای ایسلامی مجلسینده اکبر اعلمی، تبریز و آذرشهر طرفیندن خالق میللت وکیلی اولارکن ایصطلاحا "ایران ایسلام اینقلابی" نین حاکیمیتی نین اساسینی اولوشدوران "آنایاسا (قانون اساسی)"دا قبول ائدیلمیش 15 و 19 اونجو اصیللرین فارس حاکیمیتی طرفیندن گؤز آردی ائدیلمه سی و حاکیمیتچیلیک باخیمیندان ایستر ایران ممالیکی محروسه سی نین اکثریتی نی اولوشدوران شیعه لرین دین اینانجلاری نی فارس دیل و مدنیت راسیستلیگینه قربان ائتدیکلری و ایستر قانون وئریجیلیک و حاکیمیتچیلیک آچیسیندان، ایستر مجلیس و ایسترسه ده جمهورباشقانی نین هئچ بیر اؤنم و اهمیت داشیمادیقلارینی اورتایا قویموش اولار. بیلیندیگی کیمی ایستر مجلس، ایسترسه ده جمهور باشقانلاری و اونلارین حکومت کابینه سی آنایاسادا دگیشیکلیک ائدیلمه دن آنایاسانی گؤز آردی ائده بیلمک حاق و حقوقونا یییه دئییللر. یئری گلمیشکن "مجلس شورای اسلامی" دئدیکلری مکاندا 1383 (2004) اونجو ایل اکبر اعلمی نین 15 و 19 اونجو اصیللر اوزره قالدیردیغی مسئله یه "فارس جمهوری ایسلامی مجلیسی" نین بیلدیردیگی مناسبتلری گؤزدن کئچیرمکله مسئله نین هانکی آشامادا اولدوغونو اؤیرنمگه چالیشاق، خبرچی نین مجلیسدن وئردیگی خبردن اوخویوروق:
"پيشنهاد اكبر اعلمي مبني بر عملياتي كردن اصل 15 قانون اساسي با 56 راي موافق به تصويب مجلس نرسيد
اكبر اعلمي با قرائت آيه‌اي از قرآن گفت: اسلام نه تنها با مساله قوميت ها مخالفت نكرده بلكه به آن اعتراف كرده و آن را يكي از لوازم پيشرفت جوامع ذكر مي‌كند. عضو كميسيون امنيت ملي افزود: اصل 15 قانون اساسي يكي از پيشرفته ترين و مترقي‌ترين اصول قانون اساسي است كه متاسفانه ظرف 15 سال گذشته به دلايل واهي مورد بي‌مهري قرار گرفته است، تا آنجا كه هيئت پيگير و نظارت بر اجراي قانون اساسي نهاد رياست جمهوري طي گزارشي كه در مجلس ششم قرائت شد اعلام كرد اين اصل يكي از اصول متروك قانون اساسي است. نماينده تبريز گفت: اين نوع بي‌مهري‌ها به مصداق اصلي الانسان حريص علي ما منع باعث پديد آمدن حساسيت‌ها منفي تبديل شدن اين اصل به يك تابو شده است و همين امر موجب بهره‌برداري برخي افراد مفرض و بهره‌برداري‌هاي تبليغاتي بعضي از جريانات شده است. اعلمي يادآور شد، بي‌توجهي به اين اصل فرصت‌ها را تبديل به تغذيه مي‌كند در حالي كه با هدايت قانوني ايرادي به سوي دستگاه‌هاي رسمي كشور و عملياتي كردن اصل 15 مي‌شود از قوميت‌هاي مختلف كه نيمي از ملت ايران را تشكيل مي‌دهد به عنوان يك فرصت و وحدت ملي استفاده كرد. اعلمي تاكيد كرد: ما نبايد فراموش كنيم كه ميل به گفتن و نوشتن به زبان مادري از غرايز بشري است و نمي‌توان آن را سركوب كرد به همين سبب وقتي پيشنهاد بنده در كميسيون امنيت ملي و سياست خارجي مطرح و استدلال‌هاي اينجانب ارائه شد اين كميسيون با اكثريت قريب به اتفاق به آن راي مثبت داد . لذا ملت ايران اكنون دل در گرو عملكرد مجلس هفتم دارند و انتظار دارند بر اساس سوگندي كه ياد كرده‌ايم مبني بر دفاع از حقوق ملت و قانون اساسي به عهد خود عمل نماييم و اجازه ندهيم بيش از اين سوگند شكني شود"(2).
اوسته گؤروندوگو کیمی فارس مجلیسیندن خبر یایان خبرچی ده دولاییلی اولاراق باشلانقیجدا ایفاده اولونموش دوشونجه و فیکیرلری وورقولامیش ساییلار. بونا باخمایاراق بیر وطنداش اولاراق اکبر اعلمی لردن سوروشمالی ییق: - بیر مملکت اوچون قبول اولونموش آنایاسانین ماده و اصیللرینی حیاتا کئچیرک یوخسا کئچیرمه یک دئیه بو ماده و اصیللرین ایجراسینا باشلامادان بیر داها مجلیسده بو ماده و اصیللری سس وئرمگه قویماق هانکی مقوله و پرئنسیبلره اساسلانار (3)؟ باشقا سؤز ایلله دئسک، 1358 اینجی ایل یاسال و قانونی دئیه تحمیل اولموش فارس دیل و مدنیتی نین بو تحمیللیک و قاتیللیک رولونو آرادان قالدیرماق اوچون مجلیسده سس وئریلمه سینه گئتمک لازیم می، یوخسا فارس اولمایان ائتنوسلاری آلداتماق اوچون آنایاسانین ماده و اصیللری دئیه اونلارین ایجرا اولونمادیغینا داییر قانون دونو گئییندیرمک چاباسینا قاپیلماق، یوخسا دا محدود آنایاسایا اکلنمیش حاقلارین گئنیشلنمه سی اوچون چالیشماق؟
15 و 19 اونجو اصیللرین فارس اسلام جمهوریتی آنایاساسینا اکلنمه سینه و اونلارین حیاتا کئچمدیگینه باخمایاراق فارس اولمایان ائتنوسلار اوچون هر هانگی بیر مستقیل مدنی و سیاسی جمعیتلری نین یارانماسی آچیسیندان ایران (اوخو: فارس) آنایاسیندا ایضاحات وئریلمه میش. آچیق و قاباریق مسئله گؤز اؤنونه آلینارسا، "قانون اساسی" دئدیکلری آنایاسا ایستر ایسلام حاکیمیتی، ایسترسه ده ایران ممالیکی محروسه سی نین چوخ ائتنیکلی میللی و مدنی حاقلاری آچیسیندان مدنی آنایاسا دئییل، هر هانکی آد وئردیکلری و وئره جکلری "فارسنامه" ساییلمالیدیر. اوستکی سونقولامالار (ملاحظه لر) بیر یانا دورسون، گؤرک عباس عبدی فارسلیک حاکیمیت سیستیمینه اساسًا دیل و مدنیتلری توتساق ائدیلمیش فارس اولمایان ائتنوسلارین گلجکلده اللرینی باغلاماق اوچون هانکی یوخویونو فارس حاکیمیت داییره لرینه آشیلاماغا (تزریق ائتمگه) چالیشار، اوخویوروق:
".. نكات مثبت آقاي مهندس موسوي به نظر من يك موردش اين است كه موسوي سابقه اش نشان مي دهد آدم با مرامي است و اين براي من مهمتر از هر چيز ديگري است اما اين رو هم مي دونم و بايد از همين جا بهشون بگويم با مرام بودن در دهه 60 خيلي سخت نبود شايد هم بي‌مرامي سخت بود!! اما در دهه 80 مرام داشتن فوق العاده سخت است چون واقعاً اين جامعه از خيلي جهات فروپاشيده است و در چنين جامعه اي با مرام بودن خيلي سخته. در آن زمان وقتي كسي مي آمد با هات كار كنه شايد حقوقش رو نصف انتخاب مي كرد اما الآن هركي مي آيد براي خودش و 60 تا اعضاي خانواده اش مي خواهد چيزي رو بدست بياره"(4).
عباس عبدی نین اوستکی دوشونجه و فیکیرلری اله آلیندیقدا اونون بیر اوخ ایله ایکی هدف وورماغا چالیشدیغی اورتایا چیخار. عباس عبدی بیر یاندان ایران ممالیکی محروسه سینده کی مختلیف دیل و مدنیت صاحابلارینی گؤز اؤنونه آلاراق بوگون فارسلیق آدینا حاکیمیت ائتمه نین راحات اولمادیغینی و باشقا یاندان ایسلامیتی داها دا قابارتماغی فارس حاکیمیت سیاستینه اویقون گؤردوگونو وورقولایاراق هر هانکی فارس اولمایان میرحسین موسوی یوخسا مهدی کروبی لرین کئچمیشده ایسلامیتی فارسلیق سیستیمینه اویونجاق ائتدیکلری کیمی بوگون ده مقام و منصب اوچون بئلنچی یاناشمالارین قوشول و شرط اولاجاغی و فارسلیق حاکیمیت سیستیمی نین گله جگی اوچون اویقون گؤرونه جگی نین آلتینی چیزماغا چالیشار (5). عباس عبدی گئنه ده آرتیرار:
"... براي من آقاي موسوي يك اهميت ديگري هم داره و آن اينست كه ايشان فارس نيست آقاي كروبي هم لر است، من خودم فارس هستم ولي براي من خيلي مهمه رئيس جمهور فارس نباشه چون تا به حال تمام رئيس جمهور ها فارس بوده اند اقاي خامنه اي هم بيشتر مشهدي بودند و فارس محسوب مي شوند. براي من اين مساله خيلي مهم است و دليلي ندارد از مناطقي محدود تمام رئيس جمهور ها انتخاب شوند. اگرچنين شود معرف وجود نوعي تبعيض است چون بصورت احتمالي رخ دادن اين پديده احتمال بسيار اندكي دارد"(4).
اوسته کی ایفاده لر عباس عبدی نین دئموکرات اولدوغونو دئییل، فارسلیق اساسیندا سیستیملنمیش حاکیمیت مفکوره سینه عوامفریبلیک دونو گئییندیرمک مقصدی داشییار. بیرینجی بؤلومده عباس عبدی اؤزو ده دولاییلی اولاراق ایفاده ائتدیگی کیمی بوگونکو ایران ممالیکی محروسه سینده کی میللی و مدنی ایستکلره یالخی (عریان، لخت) فارس راسیستلیگی ایله جاواب وئرمک بو توپلوملار طرفیندن یاخشی آلینماز و ایناندیریجی ساییلماز. ائله اوندان یانا دا فارسلیق مسئله سی قاباردیلمادان فارس اولمایان توپلوملاری فارسلاتماق فارس سیاستچیلری نین بیرینجی مسئله سی ساییلارمیش (6).
قایناقلار:
1 اکبر اعلمی، دیدار جمعی از گروههای فکری و سیاسی مردم آذربایجان:
http://azarturkfound.com/index.php?newsid=370
2 خبرنگار خانه ملت، پيشنهاد اكبر اعلمي مبني بر عملياتي كردن اصل 15 قانون اساسي با 56 راي موافق به تصويب مجلس نرسيد، نوزدهم اسفندماه هزار و سيصد و هشتادو سه: http://mellat.majlis.ir/archive/1383/12/19/eweekprogram.htm
3 آدی کئچن قانونلار اؤنجه فارس حاکیمیتی نین صلاحیتلی شخصلری طرفیندن سس وئرمگه قویولاراق قبول ائدیلمیش و بیر داها خالق سس وئرمه سینه سونولموش (جمهوری اسلامی آری یا نه؟؟). ترس دورومدا بوگون فارس حاکیمیتچیلیگی ایسلام جمهوریسی آدی آلتیندا دئییل، هر هانکی باشقا بیر آد ایله اؤز ایستعمارچیلیق سیاستینی سوردورمگه چالیشارمیش.
4 عباس عبدی، رئيس‌جمهور غيرفارس مناسب است، مارچ 2009: http://www.roozonline.com/archives/2009/03/post_12045.php
5 میرحسین موسوی 1360- 1368 (1981- 1989) ایللرینده ایران ممالیکی محروسه سینه دؤلت باشچیسی اولماسینا باخمایاراق آنایاسا (قانون اساسی) نین 15 و 19 اونجو اصیل و ماده لرینی گؤز آردی ائده رک فارس مدنیت راسیستلیگینه الیندن گلدیگی قدر خوش خیدمتلیک ائتمگه چالیشمیش.
6 بو مسئله تاریخ بویو ایران ممالیکی محروسه سی نین تورک حاکیمیت داییره لرینده فارس دیلینی دیوان دیلی ائتمکله حیاتا کئچیریلمیش. بو تاریخی گلیشمه لر فارس اوزاق گؤرنلرینی داها دا بو دوغرولتودا دوشونمگه شیرنیکدیرمیش.
ایشیق سؤنمز 17.03.2009