فارس سوسیالیست مئابلارین بیانیه یازماسی می یوخسا ننه قمرلرین گئجه ناغیلی دئمه سی؟
بیلیندیگی کیمی بیر مسئله اوزره بیانیه وئردیکده ایستر حاکیمیت، ایسترسه بیر تشکیلات و سیاسی گروه اؤز مناسیبتینی بیلدیرمه گه چالیشار. بو باخیمدان گؤرک منصور بیات زاده ایمضاسی ایله »سازمان سوسیالیست های ایران« آدینا بیانیه وئرن ذاتی عالی ایران ممالیکی محروسه سینده عربلرین میللی مسئله لری اوزره نئجه یاناشمیش دئیه بیانیه آدلاندیردیغی یازیسینین بعضی پاساژلارینی بیرلیکده اوخویوروق:
"…طرفداران تماميت ارضی ايران بهيچوجه نمی توانند با تجزيه ی سر زمين ايران ، صرفنظر از اينکه اين خواست تحت چه نام و هدفی مطرح شود ، توافق داشته باشند. روی اين اصل نيروهای وطن دوست، خود را در مقابل نيروهای تجزيه طلب داخلی و نيروهای متهاجم و اشغالگر خارجی قرار داده و خواهند داد"(1).
اوسته گؤروندوگو کیمی منصور بیات زاده حضرتلری »سازمان سوسیالیست های ایران« آدینا وئردیکلری بیانیه دگیل، بو موختلیف فارستشکیلاتلاری طرفیندن بیان اولموش و کیلیشه حالینا گلمیش بیر ایفاده دیر. بیلیندیگی کیمی »تمامیت ارضی« مقوله سی ایران ممالیکی محروسه سینده ایدئولوژی تانیماز بیر فیکیردیر. او جومله دن پهلویلرین قالیقلاری سلطنتچیلر، حزب پان ایرانیست، حزب میللت، حزب پرگهر، حزب نهضت آزادی، سازمان مجاهدین خلق، حزب نژادپرست جبهه میللی، حزب توده، سازمان فداییان خلق اکثریت و بوتون ایران آدینی یئدک چکن فارس تشکیلاتلاری بو مسئله نی دورمادان چئینمکده دیرلر. دئمک، بو باخیمدان بو بیر تشکیلات بیانیه سی دگیل، ایران باشلیغی آلتیندا اولان بوتون شخص و تشکیلاتلار طرفیندن اورتایا قویولموش فیکیردیر.
وطن مقوله سینه گلدیکده اینسان گؤز آچیب تانیدیغی و اونسییت تاپدیغی چئوره و محیط اونون وطنی ساییلمالیدیر. دئمک، بیر آذربایجانلی نین وطنی سیستان بلوچیستان دگیل، آذربایجاندیر. دئمک آذربایجانلی و سیستان بلوچیستانلی نی بیر آرایا گتیرن اونلارین موشتریک دوغولمادیقلاری یئر دگیل، سیاست زمینه سینده اعمال اولان عمل و عکس العمللردن اورتایا چیخان و سیاست گؤزو ایله ده گر قازانان اورتاق (موشتریک) زرر زیان، مصلحت و منفعت آنلاییشلاری بیر آذربایجانلی ایله سیستان بلوچیستانلینی بیر آرایا گتیره بیلر. بو باخیمدان عرب و تورک مدنیتینی کثیف ایفاده لر ایله ترور ائتمه گه چالیشانلار ایران ممالیکی محروسه سینده کی عرب و تورکلره وطنداش »هموطن« دئمه گه ده حاقلاری یوخدور. اوسته ایفاده ائتدیگیمیز کیمی عرب، تورک، فارس، کورد، بلوچ، تورکمن، لور، گیلک و ساییره … اورتاق چیخار و منفعت اساسیندا بیربیرلرینه یاخین اولا بیلر و بیر بیرلرینه کؤمک الی اوزاتمالیدیرلار. بو باخیمدان بیر ائتنیگین باشقا ائتنیکلره اؤز دیل و مدنیتینی یوکله مه گه چالیشماسی، موشتریک منفعتلر اساسیندا دگیل، او ائتنیکده اولان بیر سیرا دار گؤروشلو (تنگ نظر) شخص و گروپلارین خولیالارینی حیاته کئچیرمه آماجی داشیان گؤرونوم ایچریسینه قاپیلماسی گونون موضوعسو ااولا بیلر. گئنه ده اوخویوروق:
"..چون دفاع از " تماميت ارضی ايران " همچون دفاع از " استقلال و حاکميت ملی " و محترم شمردن " اصل فرديت " و " حاکميت ملت ( حاکميت مردم ) " ، يکی ديگر از " ارزش های هويت سياسی " ما سوسياليست ها می باشد ـ ارزشهائی که متأسفانه برای بخشی از نيروهای طيف چپ نه تنها ارزش و اهميتی ندارند ، بلکه برخی از اين نيروها تا کنون آشکارا عليه آنها موضع گرفته و عمل کرده اند ـ ، در اين رابطه نظری و فکری است که ما خود را بخشی از نيروهای سياسی " طيف مليون " ايران ـ نيروهای طرفدار راه مصدق ـ ، می دانيم!"(1).
اوسته گؤروندوگو کیمی منصور بیات زاده حضرتلری نین »سوسیالیست« ایددعالاری میللت مقوله سینه گلدیکده بویاغینی الدن وئره رک، شوونیستلیک ماهیتی قازانمیش اولور. بیلیندیگی کیمی میللی حاکیمیت، میللی دیل و میللی مدنیتده اؤز عکسینی تاپا بیلر. بو باخیمدان ایران ممالیکی محروسه سینده کی فارس اولمایان میللتلره، فارس دیل و مدنیتینی یوکله مه گه و اونلاری فارس ائتمه گه معروض قویانلار دیل و مدنیت باخیمیندان ایستعمارچی گوجلر ساییلمالیدیرلار. دئمک، منصور بیات زاده لرین هدفی میللی حاکیمیت دگیل، حاکیمیتی اعمال ائتمه و تحمیل ائتمه دیر. بو باخیمدان تورک قاجار سلاله سیندن اولان محمد مصدق کؤلگه سینده دالدالاناراق تورک دیل ومدنیتینه دوشمن کسیلنلر دئموکرات اینسالار دگیل، فارس دیل و مدنیتینی بیر ایستعمار عامیلی کیمی ایران ممالیکی محروسه سینده فارس اولمایان اینسانلار یوکله مه گه چالیشان ایستعمار عامیلی ساییلمالیدیرلار. بو مسئله نی اورتایا قویولماسی راحات اولسون دئیه، فارس شوونیسمی (شوونیسم فارس) بیچیمینده بو مسئله اورتایا آتیلمیشدیر. گئنه ده اوخویوروق:
"… تاريخ سياسی ايران بيانگر اين واقعيت است که تمام اقوام ساکن سر زمين ايران ، حتی آن اقوامی که تبار ايرانی نداشته و اجدادشان روزی به سرزمين ايران مهاجرت کرده اند و سرزمين ايران را برای اقامت دائمی خود برگزيده اند ، هميشه خود را تبعه کشور ايران دانسته و به سرزمين ايران بعنوان ميهن و سرزمين پدری نگريسته اند و از تماميت ارضی و استقلال ايران دفاع کرده اند"(1).
اوسته گؤروندوگو کیمی ایصلاحاًً ایران وطنلی سوسیالیستلر (= آلمانیانین نازیستلری، ناسیونال سوسیالیستلری) ، ایران ممالیکی محروسه سینده بیرینجی و ایکینجی درجه لی وطنداشلیق مقوله سینی ایجتماعیت اوچون مطرح ائتمک ایسته ییرلر. بیلیندیگی کیمی آلمان ناسیونال سوسیایستلری ده هانریش هاینئ (Heinrich Heine ) کیمی آلمان ادبیاتیندا یئری اولان شاعیرلری و بیلگینلری (متفکرلری) یهودی اولدوقلاری اوچون ایکینجی درجه لی وطنداش یئری گلدیکده گناهکار کئچی لر دیئه قلمه آلیردیلار. مسئله بئله اولدوقدا، سورقو سوآل بو: - ایران ممالیکی محروسه سینه کیم مهاجرت ائتمه میش؟ بیلیندیگی کیمی پهلویلر زامانی یهود ایجماعسی نین تاریخچیلری اویدوردوغو سیاسی تاریخ کیتابلارینا اساساً بو حضراتلارین اجدادلاری(پارسلار) سیبریدن بوگونکو ایرانین پارس (عرب دیلینده فارس) ویلایتینه آخین ائتمیشلر.
ایرانلی نژاد (تبار ایرانی) مسئله سینه گلدیکده بو دئییم (ایرانلی نژاد) آوروپالیلار طرفیندن هندو ژرمن (هندو آوروپا دگیل، آوروپادا اوچ دیل گروپو وار) دیلینین بیر قولونا عایید اولان دیللره وئریلمیش آددان (ایران دیل گروپوندان) آلینمیش بیر دئییمدیر. دئمک، مملکت اولاراق ایران ممالیکی محروسه سی بو ذاتی عالیلر خیال ائتدیکلری کیمی فارسلارا عایید دگیل، دری (فارسی) دیلینی ایران ممالیکی محروسه سینده ایسلام و عرب دیلی حاکیم اولاندان سونرا بیرینجی دفعه سلطانی محمود غزنلی (تورک سلطانی) بوگونکو ایران ممالیکی محروسه سینه گتیرمیشدیر. دئمک، بو حضراتلارین بوگون تورکلره فضل ساتماغا چالیشدیقلاری اونلارین نان کورلوغونون نیشانه سیدیر، نه مدنی اولمالارینین گؤسترگه سی!
اوسته کی پاراگراف اوزرینده دوراقلادیقدا بو ناسیونال سوسیالیستلر وطنداشلیق مقوله سینی بیر مملکته تابع اولماق (تبعه کشور ایران) حددینه دوشوردوکلرینین شاهدی اولوروق. فارس ناسیونال سوسیالیستلرینین تابع اولما مقوله سی (باخ: آن اقوامی که تبار ايرانی نداشته و اجدادشان روزی به سرزمين ايران مهاجرت کرده اند و سرزمين ايران را برای اقامت دائمی خود برگزيده اند ، هميشه خود را تبعه کشور ايران دانسته و به سرزمين ايران بعنوان ميهن و سرزمين پدری نگريسته اند و از تماميت ارضی و استقلال ايران دفاع کرده اند ) آوروپا دا خاریجدن گلیب شهروندلیک حاققینی قازانان شهروندلره وئریلمیش حقوقلار مقوله سی ایله ایضاح ائدیلمه لیدیر. بیلیندیگی کیمی میللی مسئله بیر شخصه تانینان شهروندلیک مقوله سینده اؤز عکسینی تاپا بیلمز. میللی مسئله ده بیر میللت اؤز حاکیمیتینی قورما و اؤز مقدراتینی بلیرله مه گوجونه صاحیب اولمالیدیر. دئمک، ایران ممالیکی محروسه سینده میللی باخیمدان فارس اولوب، اولماماق دگیل، میللتلرین حقوق برابرلیگی گونون موضوعسو اولمالیدیر.
گؤرونور، بو فارس ناسیونال سوسیالیستلری ایران ممالیکی محروسه سینه حاکیم اولسایدیلار، فارس حاکیمیتینه موخالیف ائتنیکلر بونلارین حاکیمیت داییره سیندن اوزاق تورپاقلارا سوروله جکلر میش یا دا سوساراق یوخلوغا محکوم اولاجاقلارمیش. گؤروندوگو کیمی تمامیتچیلیک مقوله سی فارس تشکیلاتلاریندا ساغ و سول تانیماز اولموش. گئنه ده اوخویوروق:
"...در تظاهرات و ناآرامی های اهواز و ديگر شهرهای خوزستان ، نيروهای تجزيه طلب که اکثرأ از سوی دستگاه تبليغاتی پرزيدنت بوش ، سناتورهای محافظه کار و جنگ طلب آمريکائی و ديگر نيروهای استعمارگر تغذيه می شوند، نقش داشته اند. اين نيروها ، پخش نامه منتسب به آقای سيد محمد ابطحی معاون سابق آقای سيد محمد خاتمی رئيس جمهور و ترتيب تظاهرات عليه آن نامه جعلی را همزمان با هشتادمين سالگرد حذف شيخ غزئل از صحنه سياسی ايران بدست رضا شاه بپا کرده و با عمل خود قصد داشتند از حضرت شيخ ، بدون توجه به مدارک و اسناد تاريخی موجود يک " قهرمان ملی " بسازند ..."(1).
اوسته گؤروندوگو کیمی ایران ممالیکی محروسه سینده فارسچیلیغا اساسلانمایان هر بیر میللی و مدنی حرکتلر خاریجی دؤولتلره، اونلارین عامیللرینه نیسبت وئریرلر. بو حضراتلار بئله لیکله اورتامی زهرله یه رک الی بوش اینسانلارین اوستونه توپ تانکلار اوچون قورشون آچما بویوروغو وئریلمه گه چالیشیرلار. سونرا ایسه پیشیم توشوم ایله ایران ممالیکی محروسه سینده کی میللتلرین یئر آلتی قانیاقلاری و وار گوجلری فارس ایستعماری خیدمتینه قازانیلمیش اولور. گئنه ده اوخویوروق:
"...و در افکار عمومی چنين جلوه می دهند که استان خوزستان در زمان رضا شاه اشغال نظامی شده است ، بدون اينکه به افکار عمومی توضيح دهند، قبل از حذف شيخ خزئل توسط ارتش و رضاشاه ، ايران درچه وضعيت سياسی بسر می برده است و قبل از آن تاريخ باصطلاح اشغال ، استان خوزستان جزو سرزمين کدام کشور بوده است. و يا اينکه آن خطه، احيانأ کشوری مستقل بوده است .اصولا در آن مقطع تاريخی دولت استعمارگر انگليس چه نقشی را در ايران ايفا می کرده است و " ارتش جنوب " وابسته به دولت انگليس در خاک ايران بچه خاطر مستقر بوده است؟ رابطه شيخ خزئل با دولت انگليس و شرکت نفت انگليس بچه صورتی بوده است ؟"(1).
اوسته گؤروندوگو کیمی سوسیالیست عنوانی داشییان ذات عالی منصور بیات زاده دیل و مدنیت ایشغالینی نظره آلمایاراق ایجتماعیت اوچون یالان پالان یایماغا چالیشیر. بیلیندیگی کیمی رضا شاه حاکیمیت چئوریلیشینه ال وورمادان اؤنجه ایران ممالیکی محروسه سی بیر مرکزیتچی سیستیم دگیل، فئودال (سنتی فئدرال) سیستیم ایله ایداره اولونوردو. بئله لیکله ده شیخ خزعل او منطقه نین خانی کیمی اورادا حاکیمیت ائدیردی، دیل و مدنیت باخیمیندان دا عربلر اوزره فارس دیل و مدنیتی حاکیم دگیلدی. دئمک، رضا شاه ایش اوستونه گلدیکدن سونرا فارس دیل و مدنیتی »فارس ایداره ائتمه اوصولو« اساسیندا فارس اولمایان توپلوملارا یوکلنمیش اولدو. بو باخیمدان فارس اولمایان ویلایتلره فارس دیل و مدنیتی ایشغالیندادیر دئمک اولار.
بو دیل و مدنیت ایشغالینین اؤرنگی اینگیلیس ایستعماری طرفیندن هیندوستان و پاکیستاندا دا حیاته کئچیریلیردی. گاندی و لعل نهرولارین یئریتدیکلری سیاست نتیجه سینده اینگیلیستانین هیندوستان و پاکیستاندان چیخماسینا و اورادا ایکی موستقیل دؤولتین و فئدرال بؤلگه لرین یارانمالارینا باخمایاراق اینگیلیسجه گئنه ده بیر ایداره دیلی اولاراق هیندوستان و پاکیستاندا قالمالی اولدو. دئمک، اینگیلیس ایستعمارینی باشا دوشن ذاتی عالی بو ایستعمارا عامیل اولانلارین (رضا شاه و فارس میللیتچیلری نین) و زامان گئدیشی ایله ایستعماری سیاست ایران ممالیکی محروسه سینده اویقولاماغا دوشونن لرین ماهیتینی ده باشا دوشمه لیدیر. بلکه ده باشا دوشور، بعضاً لای لای سسی ایله اویماق ایسته مه گن اوشاقلار کیمی اؤزونو ائشیتمزلیگه وورموش اولور(!!!). گئنه ده اوخویوروق:
"... حتی احمد شاه قاجار که قبلا با دريافت پول از سفارت انگليس با نخست وزيری وثوق الدله موافقت کرده بود و در واقع شغل نخست وزيری ايران را برای مدتی به انگليسها فروخته بود، حاضر نشد بر آن قرارداد ننگين صحه بگذارد، اگر چه بايشان گوشزد شده بود که اگر با آن قرارداد توافق نکند از سلطنت خلع خواهد شد. سرانجام مخالفت با قرارداد تحت الحمايگی ايران سبب شد که انگليسها از تحقق آن قرارداد ، که ماهيتش بر همگان آشکار شده بود صرفنظر کنند، اما بجای آن قرارداد، کودتای سوم اسفند 1299برهبری سيد ضياء طباطبائی و رضاخان ميرپنج ( رضا شاه بعدی ) را طرح ريزی و بمرحله اجرا در آوردند"(1).
اوسته کی پاساژین ایچریگیندن گؤروندوگو کیمی »پادشاهان ایران غلامان ترک بودند« مفکوره سی منصور بیات زاده حضرتلری ذهنیتینه حاکیم دورومدادیر. بو مفکوره دن یولا چیخاراق احمد شاهی اینگیلیسلردن پول آلدی دئیه متهم ائدیر. بیلیندیگی کیمی احمد شاه دئموکراسی باخیمیندان مشروطه نی قبول ائتمیش بیریسی ایدی. او زامان بؤلگه ده پارلامئنتار بیر سیستیمین یارانماسی اینگیلیس ایستعمارینین ایشینه گلمه دیگی، اینگلیستانین دیکته ائتمه شرطلرینه احمد شاه بویون اگمه دیگی اوچون و ایکی بؤیوک تورک ایمپریاسینی (قاجار و عثمانلی) اینگیلیس و روس چارلیغی اؤز منافعلرینه اوزون مدتلی اویقون گؤرمه دیکلری اوچون چئوریلیش واسیطه سی ایله احمد شاهی تختدن گؤتوره رک یئرینه رضا میر پنجی گتیردیلر. دئمک، فارس شوونیستلیگی تاریخی حادیثه لری ترسه گؤسترمه باخیمیندان دا بو ذاتی عالیلره آزاد فیکیر یئریتمک اوچون ایمکان وئرمیر. بیلیندیگی کیمی قاجار شاهلارینین حکومت دؤنمینده (دؤورونده) بوگونکو ایران »ممالیکی محروسه ایران « آدلانیردی، نه ایران. باخینیز:
گئنه ده اوخویوروق:
". با توجه به محترم شمردن خواست دفاع از تماميت ارضی ايران ، نمی توان و نبايد سرکوب مردم استان خوزستان ، تلفات جانی و خسارات مالی که اين تهاجم با خود بهمراه داشت را تحت عنوان دفاع از تماميت ارضی ايران صحه گذاشت و محکوم نکرد!"(1).
اوسته گؤروندوگو کیمی منصور بیات زاده عرب میللتی نین میللی ایستکلرینی بیر ائتنیکلی اولان مملکتین ویلایتینده اولان شهروندلر (اوخو: فارس) کیمی نظره آلاراق اوراداکی اینسانلارین میللی و مدنی ایستکلرینی گؤزدن قاچیریر. بئله لیکله آشاغیداکی ایشاره ائتدیگی ایفاده لر ده یالانلانمیش اولور. بیلیندیگی کیمی خوزیستان ویلایتینده کی اینسانلار خوزیستانلی اولدوقلاری اوچون دگیل، میللی و مدنی حاقلارینی مطرح ائتدیکلری، او بؤلگه ده بیر آزلیغا دؤنمک (تبدیل اولماق) ایسته مه دیکلری اوچون معتریض اولاراق فارس شوونیسمی نین غضبینه دوچار اولموشلار:
"...هيئت حاکمه جمهوری اسلامی ايران ، در ظرف 26 سالی که بر ايران حکومت می کند ، قانون شکنی نمی کرد و حاضر شده بود حتی به حقوق مردم ايران ، حداقل همان حقوق ناقص و محدودی که قانون اساسی جمهوری اسلامی برای ملت ايران در نظر گرفته است از جمله اصول 15 و 19 قانون اساسی ، احترام بگذارد و انها را پايمال ننمايد و در چارچوب قانون عمل کند و طبق اصل 48 قانون اساسی ،(4) آنهمه ثروتی که از فروش ذخائر نفتی و گازی همان استان خوزستان در ظرف اين 26 سال بدست آمده ـ 550 مليارد دلار ـ، ( 5 ) حيف و ميل نمی کرد و بخشی از همان درآمد 550 مليارد دلاری را صرف آبادانی کشور و بهزيستی مردم ايران از جمله ساکنين خوزستان و قوم عرب می نمود ، و به آزادی بيان و قلم شهروندان ايرانی و مخالفين سياسی احترام می گذاشت و به اصول 8 و 9 قانون اساسی جمهوری اسلامی خود را مقيد می دانست ، هرگز يک نوشته حتی "جعلي" ، از طريق دستگاههای راديوئی و تلويزيونی بيگانگان، همچون تلويزيون "الجزيره" ، نمی توانستند وضع را آنچنان آشفته کنند!"(1).
اوسته گؤروندوگو کیمی منصور بیات زاده نین بیانیه آدلاندیردیغی یازیسی نین ایچریگی عربلرین میللی و ازیلمه مسئله لری دگیل، تهران حاکیمیتی ایله نرخ تعیین ائتمکدن سؤز صحبت گئدیر. دئمک، بو ایسلام قیلینجیندان خاریجه قورخوب قاچانلارا فورست وئریلسه ایمیش، بو حضراتلارین نظرینه اساساً عرب میللتینی یوخ ائتمه سندی ده هئچ بیر ایش گؤره بیلمز ایمیش (!!!!). گئنه ده اوخویوروق:
"...اما در رابطه با محتوی " سند جعلی " منتسب به آقای سيد محمد علی ابطحی ، ضروريست خاطر نشان کرد که تنظيم کنندگان اين نوشته جعلی ، آنقدر نسبت به قوم فارس و زبان فارسی ـ زبانی که هيچگاه منحصر به ساکنين منطقه فارس و قوم فارس نبوده ـ کينه و دشمنی دارند و آنقدر از واقعيات حاکم بر کشور و اتفاقات رخ داده در اين 26 سالی که در ميهنمان ايران گذشته است بی خبرند و نسبت به مسائل تاريخی کم اطلاع هستند و با مشکل معرفتی روبرويند که در سند مزبور ، رژيمی که 26 سال تمام با " ايرانيت " و سنت های ايرانی دشمنی کرده و بخشهائی از نيروهای مخالف ، تا کنون بر اين نظر بوده اند که جناحهائی از اين هيئت حاکمه ، در جهت " عربيزه کردن فرهنگ ايرانی " عمل می کند را ، طرفدار " فارسی زبانان " معرفی می کنند و می نويسند " ترتيبی اتخاذ گردد که جمعيت اعراب خوزستان نسبت به فارسی زبانان بومی و مهاجر در ظرف و در حد اکثر ده سال به 1/3 برسد."(1).
اوسته گؤروندوگو کیمی بورادا منصور بیات زاده حضرتلری بیر حاکیمیت آدامی کیمی اؤزونو ایفاده ائتمه گه چالیشیر. بیلیندیگی کیمی جبهه مشارکت ایران ایسلامی و محمد علی ابحطی حضرتلری ده خوزیستانلیلار خاتمی حضرتلرینه سس وئردیکلری اوچون خاتمی اؤز سئونلری (عربلرین) علیهینه بئله تشبوث ائتمز دئیه اؤزلرینی برائت ائتمه گه چالیشیرلار. فارس دیلینه ایسلام جومهوریسی داییره لرینده رغبت و کدورته گلدیکده »عامیلی وحدت ملی ایرانیان اسلام و زبان فارسی« دئین شوونیست حاکیمت داییره لرینی او جومله هاشیمی رفسنجانیلری بو منصور بیات زاده نین بایاتلامیش گؤزلری نه اوچون گؤرمور؟
قایناق:
1 منصور بیات زاده، سازمان سوسیالیستهای ایران: http://www.iran-chabar.de/1384/02/08/007.htm
2 جمعي از اساتيد، دانشجويان، روشنفكران و فعالان فرهنگي و سياسي و روزنامه نگاران عرب ايراني: http://www.tribun.com/2600/2630.htm
ایشیق سؤنمز 30.04.2005