فارس جبهه میللیچیلری، سلطنت طلبلر و باشقا فارس تشکیلاتلاری

خیالاتا یول وئرمک کمالاتدان اوزاق گؤرونور!

بیلیندیگی کیمی زنگان بیلیم یوردو (اونیوئرسیته سی) اؤیرنجیلیرینین چاباسی ایله بیر سایدا اینسان آذربایجان، کورد و فارس دیل و مدنیت نمابنده لریندن اولان اینسانلارین ایشتراکی ایله ایران ممالیکی محروسه سی اینسانلاری اوچون «قومیت، چالش یا فورصت» مووضوسوندا بیر یووارلاق ماسا دوزنله میشلر. بو یووارلاق ماسا اطرافیندا فارس ایجتماعیتی طرفیندن حزب نژادپرست «جبهه میللی» نماینده سینی کوروش زعیمی فارس میللت نماینده سی کیمی دعوت ائدیلمیشدیر. دئییلدیکلره گؤره اوراداکی ایشتراکچیلارین اینتظارلارینین عکسینه فارس میللی جبهه چی سی نین سؤزجوسو کووروش زعیمی اؤزونو بیر فئدرالچی کیمی تقدیم ائتمیشدیر. بو دا حزب نژادپرست جبهه میللی و نهضت آزادی باشچیلارینین قددارجاسینا ایراندا فارس اولمایان ائتنیکلرین دیل و مدنیتلرینه تهران سیاستلرینه موناسیبت بیلدیردیکلری زامانا مصادیف ائدیر، یووارلاق ماسانی ترتیب وئرنلردن ائشیدیریک:

"نکته اصلی در این مراسم تغییر 180 درجه ای موضع مهندس زعیم (عضو شورای مرکزی جبهه ملی ایران ومسئول روابط عمومی این جبهه)در ساعت پایانی جلسه ودفاع ایشان از فدرالیزم ولزوم دادن حق  تعیین  سرنوشت برای اقوام در ایران بود .حال سوال واقعی این است که "آیا به واقع در مواضع جبهه ملی تغییر ایجاد شده است یا جناب آقای مهندس زعیم فقط تغییراتی راکه در موضع شخصیشان بوجود آمده است را بر زبان آورده اند؟ "این سوال همه ما ازجبهه ملی ایران وتشکلهای همسوبااین جبهه در مجموعه نیروهای ملی ومذهبی است."(1)

دئمک یا زنگان بیلیم یوردونداکی انجمن ایسلامی توپلومو فئدرال بیر سیستیمین نه اولدوغونو بیلمیر یا دا خوش باورلیغا قاپیلاراق پان ایرانیست قوروپلارین شییادلیغی کؤلگه سینه دوشه رک آلدانمیش گؤرونورلر.

دئمک ایران آدی باشلیغی آلتیندا اولان پارتی و تشکیلاتلار بیز فئدرال سیستیمه اینانیریق دئدیکده ایلک نوبه ده فارس تشکیلاتلاری اسیرلیگینده کی فارس اولمایان اینسانلاری اؤز میللی و ایجتماعی تشکیلاتلارینی یاراتماق اوچون وظیفه لریندن ترخیص ائتمه لی و اونلارا اؤز دیل و مدنیتلرینه اویقون میللی و ایجتماعی تشکیلاتلارینی یاراتماغا ایمکان وئرمه لیدیرلر. بو بیرینجی آددیم ایران ممالیکی محروسه سینده دیل و مدنیتلر آراسی بیر بیرینین دیل و مدنیتلرینه ائحترام قویما و بیر بیرینه قارشی رغبت گؤسترمه عامیلی کیمی گؤرونه بیلر. ایکینجی مرحله ده هر تشکیلات اؤز میللی منسوبیتینه عایید اولان اینسانلار آراسیندا اؤز فیکیر و دوشونجه لیرینی یایماغا چالیشمالی، اؤزو منسوب اولدوغو ائتنیگین  تشکیلاتلاری ایله بیرلیکده میللی و مدنی حاقسیزلیغا چاره یولو تاپماق اوچون فیکیر مبادیله سی آپارمالیدیر. بو آرادا چیخیش یولو اولاراق ایلک مرحله ده فارس اولمایان ائتنیکلر ایله فارس شوونیسمینه قارشین جبهه اولوشدورمالی و بیرلیکده  فارس شوونیسمینی گئری اوتوردماغا جان آتمالیدیر. باشقا حالدا فارس شوونیستلری ایلان ییه رک افعی اولموش دورومدادیرلار. بونلار دومانلی هاوادا اولان قوردلار دگ قویون دریسینه بورونه رک گئنه ده اؤز آقالیقلارینی ایران ممالیکی محروسه سینده کی فارس اولمایان ائتنیکلره تحمیل ائتمکدن واز کئچمک نیتینده دگیللر. بو دئدیکلریمیزین یانی سیرا فئدرال شعاری دالیندا گیزلنمک ایسته ین یالنیز حزب نژاد جبهه میللی، نهضت آزادی، حزب ملت، حزب پان ایرانیست دگیل، آشاغیدا گؤره جه گیمیز کیمی شاهین قالیقلاری دا »حزب مشروطه ایران« آدینا ایران ممالیکی محروسه سینده کی فارس اولمایان میللتلری بیر داها تاریخین چوبلوگونه آتیلمیش پهلوی سلاله سینه تابع ائتمک و اونلارین دیل و مدنیتلرینی یوخلوغا سوروکله مک ایسته ییرلر.

کوروش زعیمینین (حزب نژادپرست جنهه میللی سؤزجوسو)  دئموکرات پوزو توتماسی، حزب نژادپرست جبهه میللی دعوت اولونموش شاهچیلارین 5 اینجی قورولتاییندان ایلری گلیر. بو قورولتایدا ایران ممالیکی محروسه سینی اله کئچیرمک اوچون ائله بیل (گویا) فئدرال و یا موختاریت بیچیمینده ایران ممالیکی محروسه سینی ائده جکلر دئیه ایجتماعییتی آلداتماق اوچون بعضی ایفاده لر اؤز عکسینی تاپیر. بو دا شاهچیلار  فارس اولمایایان میلتلره اؤزلرینی یوکله مک و بیر آلداتما وسیله سی کیمی ده یرلندیریلمه لیدیر. دئمک حزب نژادپرست جبهه میللی و او قماشلاردان اولان طئیفلرین فئدرالچی اولماقلاری  پرده آرخاسیندا شاهچیلار ایله اؤز آقالیقلارینی ایران ممالیکی محروسه سینده کی فارس اولمایان ائتنیکلره یوکله مک نیتلریندن عیبارتدیر. ایندی ایسه شاهچیلارین فئدرال ویا موختاریت مووضوعسوندا قطعنامه لرینی بیرلیکده گؤزده کئچیرک. بئله لیکله کئچمیشده پهلویلر سلاله سینه ایطمینان سوپاپی اولان حزب نژادپرست جبهه میللی و فارس شوونیستلرینین شاهچیلار ایله نا مقدس پلانلاریندان آذربایجان ایجتماعیتی نین خبری اولسون، اوخویوروق:

" قطعنامه کنگره پنجم حزب مشروطه ايران: ... ‏‏ از آنجا که دمکراسی يا مردمسالاری و حقوق بشر به يکديگر بسته‌اند و يکی بی ديگری معنی ندارد؛ از آنجا که رعايت حقوق مدنی و فرهنگی اقوام و مذاهب گوناگون، در مقوله دمکراسی و حقوق بشر هردو می‌گنجد؛ و از آنجا که حزب مشروطه ايران مردمسالاری و اعلاميه جهانی حقوق بشر و ميثاقهای حقوق اقوام و مذاهب پيوست آن را (که در سالهای پيش از انقلاب به امضای دولت ايران رسيد) پايه برنامه سياسی خود قرار داده است،.."(2).

بیلیندیگی کیمی اؤزونو >حزب مشروطه ایران< آدلاندیران فارس تشکیلاتی رضا یاریم پهلوی باشلیغی آلتیندا قورولان بیر تشکیلاتدیر. بو تشکیلات ایندیدن رضا یاریم پهلوینی ایران ممالیکی محروسه سینی ایداره ائتمک و آقالیق حؤکمو سوردورمک اوچون آمریکادان یاییلان تلویزیونلار واسیطه سی ایله کئچمیش محمد رضا شاهین واریثی و قانونی شاهی کیمی تانیتماغا چالیشیر . باشقا یاندان ایسه دئموکراتلیق پوزوندان دا واز کئچمک ایسته میر. بیلیندیگی کیمی بو تشکیلاتدارضا پهلوی و داریوش همایون (کئچمیش شاهین ایططلاعات وزیری) باشدا اولماقلا شاه زامانینداکی بؤیوک پوست و مقام صاحیبلری اولموش جللادلار وار.  بونلار حاکیمیتده اولارکن دئموکراسی مووضوسو و بشر حقوقلاری بیاننامه سی بونلارین تصدیقینه یئتیشدیکدن سونرا بیرلشمیش دؤولتلر تشکیلاتینداکی نماینده لری واسیطه سی ایله ایمضالانمیش دئسک یانیلمامیشیق. بونلار حاکیمتده اولدوقلاری زامان شاهین نماینده سی مظفر فیروزون آذربایجان نماینده لری ایله باشدا پیشه وری اولاراق  ایمضا ائتدیکلری سؤزلره عمل ائتمیشلر کی، اوپوزیسیوندا اولدوقلاری زامان وئردیکلری سؤزلرینه اینانماق اولسون؟ بیلیندیگی کیمی 1946 دا آذربایجان نماینده لری ایله تهران آراسیندا دا آذربایجانا مختاریت وئریلمه سینه دایر آنلاشما (قرارداد) ایمضا اولونموشدو. او موافقتنامه نین اؤزو ده تهران اوچون بیر مستملکه چیلیک ماهیتینده اولماسینا باخمایاراق تهران حاکیمیتی طرفیندن نقض ائدیلمیشدیر(3).

شاهچیلار ین ایران ممالیکی محروسه سینده کی میللت لری آلداتماق اوچون اؤز اساسنامه لرینه علاوه (پیوست) ائتدیکلری ایفاده لرینی اوخویاراق اونلار اوزره دئیینمه گی مقصده اویقون حئساب ائدیریک: »کنگره پنجم، کنگره همبستگی ملی، اصول زير را به عنوان پيوست منشور حزب تصويب می‌کند:

" ۱ ــ ما مردمسالاری را به معنی حق برابر همه ايرانیان در حکومت بر خود توسط نهادهای انتخابی آنان می‌دانيم. هيچ تبعيض جنسيتی يا مذهبی يا قومی در ميان ايرانيان نيست. همه ساختار حکومتی و سازمان بندی اجتماعی بايد به اراده و در خدمت مردم و برای دفاع از حقوق افراد جامعه باشد. ما هيچ اقليتی جز در رای گيری نمی‌شناسيم. اقليت به معنی تمايز و تبعيض می‌بايد از قاموس سياسی ايران حذف شود."(2).

بورادا حکومت مقامیندا اولماغی بوتون ایران ممالیکی محروسه سینده کی اینسانلار اوچون برابر ایددعا ائتدیکلرینه باخمایاراق سونوندا بو حکومت هانکی میللتین دیل و مدنیتینه خدمت ائده جه گینی ایجتماعییته بیر عوامفریب کیمی آچیقلاماق ایسته میرلر. دئمک فارس دیلی (فارس دیل و مدنیتی) نین آشاغیدا گؤره جه گیمیز کیمی رسمی اولماسی (باشقا دیل و مدنیتلرین غیر رسمی اولماسی) فارس اولمایان دیل و مدنیتلر علیهینه بیر آیری سئچگیلیک (تبعیض) ساییلماز می؟ دئمک فارس دیل و مدنیتی بویوندوروغونا قانونی بیچیمده بویون اگیلدیگیندن سونرا «اقلیت» و  «میللی آزلیق (اقلیت قومی)» مووضوعلاری اوزره سؤز صحبت ائتمک اولماز.  گئنه ده اوخویوروق:

" ۲ ــ ملت ايران از اقوام و مذاهب گوناگون تشکيل شده است که در طول هزاره‌ها با هم زيسته و از سرزمين ملی با خون خود نگهداری کرده‌اند. نيرومندی ملی و غنای فرهنگی ايران از اين تنوع قومی و مذهبی بوده است و نگهداری ويژگی‌های اقوام و مذاهب گوناگون جامعه ايرانی نه تنها يک حق دمکراتيک بلکه يک ضرورت ملی است. ملت ايران بهر بها و مانند هميشه در يک تاريخ هزاران ساله، از استقلال و يکپارچگی سرزمين ملی دفاع خواهد کرد و سياست ايران بر پايه احترام به حقوق مدنی و فرهنگی شهروندان يک جامعه دمکراتيک خواهد بود."(2).

اوسته گؤروندوگو کیمی بورادا شاهچیلار و فارس شوونیستلری گؤزلوکلرینده شهروند مقوله سی ایله میللیت مقوله سی آراسیندا اولان فرق گؤز آردی ائدیله رک ایران کیمی دیل و مدنیت باخیمیندان کثیر الملله بیر ممالیکی محروسه نی بیر ائتیکلی (تک میللیتلی)  کیمی قلمه آلماق نتیجه اعتیباری ایله فارس اولمایان میللتلرین تاریخلرینی دیل و مدنیتلرینی گئنه ده کئچمیشده کی کیمی، آنجاق بو دفعه قانون آدی آلتیندا سیرادان چیخارتماق دئمکدیر. گئنه ده اوخویوروق:

" ۳ ــ حقوق اقوام و مذاهب در يک نظام مردمسالار مبتنی بر اعلاميه جهانی حقوق بشر و ميثاقهای آن با اصل يک کشور، يک ملت منافاتی ندارد و همه اقوام و مذاهب ايران می‌توانند زير يک حکومت مرکزی با يک قانون غير مذهبی و عرفيگرا بسر برند و فرهنگ و هويت ويژه خود را نيز در پناه همان قانون نگهداری کنند. زبان رسمی ايران زبان ملی يعنی فارسی است ولی مردم در هرجا می‌توانند به زبان مادری خود آموزش ببينند و سخن بگويند و رسانه‌های همگانی داشته باشند؛ رسوم خود را نگهدارند و از هر مذهبی پيروی کنند "(2).

بو اوسته گؤروندوگو کیمی بیر دیل و مدنیته رسمیت وئرمک و باشقا دیل و مدنیتلری قلمدن سالاراق - ایفاده ائدیلمه سه ده - غیر رسمی گؤسترمک هئچ ده حقوق برابرلیگینه اساسلانمیر. دئمک دیل ملت و مدنیتین اساسی عونصورلاریندان بیریدیر. ایران ممالیکی محروسه سینده کی میللتلر ایسلام دینینی قبول ائدرکن ایسلام مدنیتینی ده قبول ائتمیشلر. بو دا یالنیز ایسلام دینینین آدی ایله باغلی دگیل، دین دیلی کیمی قبول اولونموش عرب دیلی واسیطه سی ایله ایسلام مدنیتی ایران ممالیکی محروسه سینده کی میللتلره اؤز تأثیرینی باغیشلامیشدیر. دئمک فارس شوونیستلرینین بوگون ایسلامیته تپیک آتماسی و عربلره خور باخمالاری فارسلارین آدام خوار اولدوقلاریندان دگیل، باستانگرایلیق مدنیتی نین ایسلامیت مدنیتی واسیطه سی ایله خطره دوشمه سیندن ایلری گلیر. بو دا ایسلام و عربلرین گناهی دگیل، ایدئولوژی و اینانج مسئله سیدیر. گئنه ده اوخویوروق:

" ۴ ـ عدم تمرکز به معنی تقسيم اختيارات ميان حکومت مرکزی و حکومتهای محلی برای کارائی و دمکراسی بيشتر ضرورت دارد. تصميم گيری امور محلی در هر محل بايد تا پائين ترين واحد تقسيمات کشوری توسط مردم محل انجام گيرد. حزب ما در ادامه سنت انجمنهای ايالتی و ولايتی قانون اساسی مشروطه، حکومتهای محلی را در سطح استان و شهرستان و دهستان و روستا پيشنهاد می‌کند. حکومتهای محلی بر اصل تجزيه ناپذير بودن حاکميت sovereignty و تقسيم پذير بودن حکومت government استوار است. کشور ايران يکپارچه خواهد ماند و مردم ايران زير يک قانون خواهند زيست. اما ايران از يک مرکز اداره نخواهد شد و واحدهای تقسيمات کشوری، امور محلی را از اجرای قانون تا خدمات اجتماعی مانند آموزش و بهداری و امور شهری و اجرای طرحهای توسعه و مانندهای آن که در صلاحيت حکومت مرکزی نيست با ارگانهای انتخابی خود اداره خواهند کرد"(2).

اوسته گؤروندوگو کیمی آقالارین دئوکرات مآبلیغی ائتنیک اساسیندا غیر متمرکزلیکدن عبارت دگیل، بونلار رضا شاه  واسیطه سی قویولموش بیدعتلری اوستان و شهریستان اساسیندا داوام ائتدیرمه گه  رضا یاریم پهلوینی ده شاهلیق تاج تاختینا اوتورتماغا چالیشیرلار. بو عمللر هامیسی اینسانلیق و دئموکراتلیق نامینه اولاجاق دئیه دوشونولورسه، عجب باطیل خیاللاردا سئیر ائدرلر!! اوت یئیه رلر، سو ایچرلر!!

دئمک بو گؤروش آسیا مملکتلرینده اؤرنک اولاراق فارسلار اوچون ال وئریشلی و اویقون اولا بیلر. پایتخت ایصفهاندا اولماقلا کیرمان، یزد و باشقا فارس ویلایتلرینه اؤزلرینی ایداره ائتمک اوچون محلی ایختیارات وئریلر. بئله لیکله پاسپورت آلماق اوچون کیرمان کندلریندن ایصفهانا دگیل، ولایتین پایتختی کیرمان و یا اوندان کیچیک شهرلرینه کندلی گئده رک ایشینی یولا سالار و راحاتجاسینا ایشینه و ائوینه دؤنر. دئمک، بو  گؤروش بیر دیل و مدنیته اساسلانان بیر جامعه اوچون یاخشی ایداره سیستیمی گؤرونه بیلر. آنجاق بو فیکیر ایران ممالیکی محروسه سی کیمی چوخ میللتلی توپلوملارا مستملکه چیلیک ماهیتی داشییار گؤرونور. بو مسئله ایسه برابرلیک مووضوعسوندان اولدوقجا اوزاقدیر. گئنه ده اوخویوروق:

" ۵ ــ در تقسيم بندی استانهای ايران که بطور سنتی جنبه جغرافيائی داشته است علاوه بر نظر مردم هر محل، ملاحظات مربوط به توسعه اقتصادی بايد در نظر گرفته شود. ايرانيان و کسانی که اجازه اقامت در ايران دارند می‌توانند آزادانه در هر جای کشور سکونت کنند. در تخصيص منابع ملی ميان استانها به آنها که از امکانات کمتری برخوردارند بايد بيشتر داده شود تا به ميانگين ملی برسند. در ادامه سياست عدم تمرکز، يک مجلس سنا با نمايندگان برابر از همه استانها در کنار مجلس ملی در قانونگزاری شريک خواهد بود"(2).

شاهچیلارین ایران ممالیکی محروسه سینی ولایتلره بؤلرکن سنتی >بطور سنتی<  فیکیری اؤنه سورمکلری اینسان اوولادیندا عدالتلی اولماسا دا ایران ولایتلرینی قاجار زامانینداکی کیمی سنتی ایداره ائتمک حالیندا بیر لحظه ده اولسا گؤرمک ایسته گینی جانلاندیریر. او زامانین تقسیماتینا اساسا ایران ممالیکی محروسه سی 4 ویلایتدن عبارت ایمیش: 1 ) آذربایجان، 2) خوراسان، 3) کیرمان، 4) فارس ویلایتی.

یوخاریدا گؤروندوگو کیمی فارس تشکیلاتلاری او جومله دن حزب نژادپرست جبهه میللی، میللی مذهبیلر (نهضت آزادی)، حزب میللت، حزب پان ایرانیست، حزب مشروطه و حتی فارس سولچو تشکیلاتلار مجبوریت قارشیسیندا دئموکرات مآب گؤرونه بیلرلر. بو دا ایران ممالیکی محروسه سینده کی فارس اولمایان میللتلرین زامان گئدیشی ایله یوخ اولماسی ایله نتیجه له نه بیلر.

 دئمک هر بیر فئدرالیست فارس تشکیلاتی بیز ایران ممالیکی محروسه سینده فئدرالیست طرفداری ییک دئمه دن اؤنجه او تشکیلاتداکی انجام وظیفه ائدن قوللوقچولاری (فارس اولمایان اینسانلاری) اؤز میللی و ایجتماعی تشکیلاتلارینی قورماق اوچون آزاد ائتمه لی، سونرا بیر فارس تشکیلاتی کیمی اؤز فئدرال پلاتفورمونو ایران ممالیکی محروسه سی اوچون تقدیم ائتمه لیدیر.

 

 

قایناقلار:

 

1        میزگرد:  «قومیت؛ چالش یا فرصت» در دانشگاه زنجان  برگزار شد.

http://www.azadtribun.net/899.htm

2                    حزب مشروطه ایران، قطعنامه کنگره پنجم حزب مشروطه ايران:

      http://www.rahe-ayande.com/

3        حزب دموکرات آذربایجان، دولت و آذربايجان نماينده لری آراسيندا موافقت اولونموش قراردادين متنی:

http://www.adf-mk.org/T/at.html

 

ایشیق سؤنمز 26.10.2004

 

فارسچی گؤروش