یالانچی نین ائوینه اود دوشسه، هئچ کیم اینانابیلمز مسئله سی!

 

 

بیلیندیگی کیمی گونئی آذربایجان میللی مسئله سی فارس مدنیت راسیستلرینه یامان درد اولموش. اونلار دورمادان 1918 اینجی ایلین مای آیی نین 28- اینده روسیه ایمپئریاسیندان آیریلمیش و 1920 اینجی ایلی قیزیل اوردو تجاووزونه معروض قالمیش و 1991 ایلینده گئنه اؤز مستقیللیگینی دونیا ایجتماعیتینه بیلدیرمییش "قوزئی آذربایجان جمهوریتی" نی اؤزلری نین بیرینجی دوشمنلری حئساب ائدرلر. بو دوشمنلیک ده فارس دوستاغیندا قالمیش "ائتنیک گونئی آذربایجان" توپلوموندان ایلری گلن مسئله دیر. ائله بو دوشمنلیک اساسیندا دا داشینی دؤشلرینه ووردوقلاری ایسلام و ایسلامیت دین قارداشلیغی اورزینده دئییل، پان ایرانیستلرین ایفاده لری ایله دئییلرسه، "خاک و خون" مسئله سینه چئوریلمیش اولار(1). بو خون مسئله سی ده بیلیندیگی کیمی فارس ایستعمارچیلیغینا بیر اؤرتوک ماهیتی داشییار گؤرونور، یوخسا گئری گوریان ائرمنی سی ایله افغانیستاندان تورکلرین قولتوغونا بارینا بارینا ایران ممالیکی محروسه سینه گتیریلمیش فارسلارین هانکی قانداشلیغی اولابیلر مسئله سی هرهانسی بیر اوشاغی آلداتماق اوچون ده یئترلی ساییلابیلمز. آذربایجان جمهوریتی، قونشولوغوندا اولان و آذربایجان منلیگی و کیملیگی و تورپاق بوتونلوگونو هدف آلمیش بوتون قووه لرین گؤزلرینه بیر اوخ اولاراق ساچیلماقدادیر. کئچمیشده قوزئی آذربایجان تورپاقلارینی  "اران و قفقاز" دئیه دونیا ایجتماعیتی نین قولاقلارینی کار ائتمگه چالیشان فارس مدنیت راسیستلری بوگون مصلحت اوزوندن آذربایجان جمهوریتی نی "ایران شمالی" آدلاندیرماغا باشلامیشلار. بیلیندیگی کیمی بو مفکوره نی بوگون یئدک چکنلرین اسلافلاری آذربایجان جمهوریتی نی کئچمیشده ایران ممالیکی محروسه سی یوخسا قاجار ممالیکی محروسه سی نین ترکیبب حیصصه سی دئییل، فارس ایمپئریاسی نین "مستملکه" سی حئساب ائدردی. بو دوغرولتودا محمود افشار یزدیدن اوخویوروق:

"هئچ بیر زامان بو ویلایته (آذربایجان جومهوریتینه) "آذربایجان" دئییلمه میش و تاریخی کئچمیشی ده یوخ. من بو سطیرلرین یازاری آلمانیانین بئرلین شهرینده اولارکن، مارکوآرت (Marquart)ین دئدیکلریندن بو قناعته گلدیم"(2) و یا:

وحشت ما از این پیش آمد آنقدر هم خیالی نیست: … راست است که بین اهالی “اران” یعنی نواحی گنجه و بادکوبه که بتصنع و برای سوء قصد نام آذربایجان بر خود نهاده اند. با اهالی آذربایجان این فرق کلی هست که آذربایجانیان ایرانی الاصل و آذربایجان جزو قسمت طبیعی ایران و همیشه عضو لاینفک این مملکت بوده، بعکس قفقاز در حقیقت جزو مستعمرات ما محسوب میشده است. معهذا وقتی بنابر مغلطه کاری شد خطر مسلم و جلوگیری از آن واجب است”(3).

اوسته اؤز دئدیکلرینی نظره آلارساق بوگون گونئی آذربایجان میللی مسئله سینه کؤلگه دوشورمک اوچون آذربایجان جمهوریتی نی "ایران شمالی" آدلاندیرماق او یالانچی چوبانین "قورد گلدی، قورد گلدی!!" حئکایه سینه بنزر. بونلار منطیقلا دوشونجه و فیکیر یئریتمه قابیلیتینه یییه اولمادیقلاری، فارس مدنیت راسیستلیگی گؤزلرینی توتدوقلاری اوچون ایستر دیل و مدنیت قونوسو اولسون، ایسترسه ده ایکی ایله ایکی دؤرت ائدر مسئله سینی آنلامیش گؤرونمزلر. فارس مدنیت راسیستلری نین سیته لری نین بیری ساییلان "ایران شمالی" آدلی سیته ده بو مسئله لر اوزره شانتاژ ماهیتلی یازیلارلا تانیش اولوروق. اونلاری ایشیغا قویماقلا نه دئدیکلرینی ایجتماعیته چاتدیرماق داها فایدالی اولار دئیه دوشونوروک، احمد کاظمی قلمی ایله یازیلمیش یازیدا اوخویوروق:

" هلال محمداف رئيس كميته دفاع از حقوق « نوروز علي‌اف » سردبير زنداني نشريه توقيف شده «صداي تالش» (توليشي صدو) در ديدار با كارشناسان امور قومي شوراي اروپا، در مورد وضعيت سردبير اين نشريه در زندان وزارت امنيت ملي و نيز تعهدات دولت اين كشور در قبال شوراي اروپا در مورد تامين حقوق اقليت‌هاي قومي توضيحاتي داد. هلال محمداف پس از اين ديدار افزود: «به كارشناسان شوراي اروپا اعلام كردم كه هيچ يك از شهروندان ساكن در جمهوري آذربايجان [ايران شمالي] مشكلي براي ديگر اقوام نيستند اما دولت باکو سیاستهای اقتصادی ، فرهنگی شدیدی علیه تالش زبانان اتخاذ کرده است ». سردبير نشرية «صداي تالش» بعد از انتشار شماره اوّل اين نشريه در سال گذشته دستگير و زنداني شده است. «صداي تالش» به زبانهاي تالشي و آذري منتشر شد. صداي تالش تنها نشريه‌اي بود كه مطالبي به زبان تالشي منتشر كرد. اما بعد از انتشار شماره اول توقيف و سردبير و كاركنان آن زنداني شدند. با وجود اينكه ايران شمالي منطقه ای كثيرالمله مي‌باشد و غيرآذريها، تركها، ارامنه، لزگي‌ها، تالش‌ها، آوارها، اودين‌ها، تات‌ها و كردها در اين كشور زندگي مي‌كنند، اما پس از استقلال اين كشور نه تنها سياستهاي داخلي بلكه سياست خارجي دولت باكو نيز در مقطعي براساس رويكرد شوونيستي بوده است"(4).

بیلیندیگی کیمی آذربایجان جمهوریتی علیهینه تالیش مسئله سینی اورتایا سورمگه چالیشان فارس مدنیت راسیستلری اؤزلری حاکیم اولدوقلاری ممالیکی محروسه ده کی تالیشلاری بیر شخص ده حئسابا قویمازلار. فارس ایستعمارچیلاری بیر یاندان آذربایجان بؤلگه و منطقه لریندن اؤرنک اولاراق، لنکران، جیلیل آباد و بیله ساواردا فارس مکتبلری آچماغا چالیشارکن آیری بیر یاندان ایران ممالیکی محروسه سینده کی مدافعه چی اولدوقلاری تالیشلارین، آذربایجان تورکلری، تورکمن، کورد، بلوچ، لور، گیلک، لور، عرب و ساییره ائتنوسلارین دیل و مدنیتلرینی یوخ ائتمگه چالیشار و اونلاری فارسلیق اریتمه سیته تابع توتارلار. آذربایجان جمهوریتینده کی تورک ائتنوسونو "آذری" قلمه آلارکن اوراداکی رسمیته تانیمادیقلاری تورکلرین مدافع چیلری گؤرونمه لری ده ایلگینج قونولاردان بیریدیر. بیلیندیگی کیمی آذربایجان جمهوریتی آغیرلیقلی اولاراق تورک دیللی بیر توپلوم اولدوغونا باخمایاراق اورادا باشقا ائتنیک قوروپلار دا یاشاماقدادیرلار. بو ائتنیک قوروپلار میللت اولوشدوراجاق ائلئمئنتلره صاحیب اولمادیقلاری اوچون آذربایجان قانونلاری اونلارین آزلیق حاقلارینی محترم تانیمیش و اورادا فارسلیق سیستیمینده اولدوغو کیمی میللی و دینی منسوبیت آچیسیندان هئچ بیر آیری سئچگیلیک یوخدور. احمد کاظمی قلمی ایله یازیلمیش یازیدان گئنه ده اوخویوروق:

".. از اين‌رو نيز دولت‌هاي حاكم بر اين كشور در اوايل استقلال خود به ويژه در سالهاي 1992 (1371) تاوان سنگيني به خاطر اين سياست داد و اساساً اشغال شدن بيست درصد از خاك كشورِ ارتباط مستقيم با بحران‌هاي قومي در اين كشور داشت و اين بحران را جبهه خلق و كساني ايجاد كردند كه مدعي بازگرداندن قره‌باغ به باكو بودند"(4).

اوسته قالین یازیلمیش ایفاده لرین اوزرینده دوراقلادیقا فارس مدنیت راسیستلری و شوونیستلری نین چیرکین یوزلری اورتایا چیخمیش اولار. دئمک، دولاییلی اولاراق گونئی آذربایجان تورکلری نین میللی مسئله لری 1992 ایللرینده باکی نین رسمی تریبونلاری طرفیندن سسلنمه سی فارس تمامیتچیلری و حاکیمیتینی ائرمنی داشناقلارینا قوجاق آچماغا و اونلارا مادی و معنوی کؤمک ائتمگه تشویق ائتمه سی دونیا ایجتماعیتینه آیدین بیر مسئله دیر. اؤز وطنداشلارینا اینسان معامیله سی ائده بیلمگن ذات عالیلر باشقالارینا حجت درسی وئرمگه باشلایاندا کوچه بازار سؤزلری سرگیلنمیش اولار" گؤزون یوخسا ....، الین نه گزیر قورشاغیمدا". دئمک، ایلک اولاراق فارس راسیستلری اوچون دری قابیقدان چیخماغا و فارس راسیستلرینه قویروق اولماغا چالیشانلار گوزگو قارشیسینا کئچره رک 21 اینجی عصیرده هانسی اینسان تیپیندن اولدوقلارینی اؤزلری باشا دوشمه لی، سونرا فارس مدنیت راسیستلیگینه شوربا قیزدیرماغا دوشونمه لیدیرلر.  "اؤزونه اوماج آوا بیلمگنلر، اؤزگه لره حالوا بیشیره بیلمزلر!". بو مسئله نی هر کیمسه اؤز قولاغینا سیرقا ائدرسه، ایلک اولاراق اؤز میللی منلیگی و کیملیگینه دوشونمه لی، سونرا باشقالارینا ایشچیلیک، یوخسا مزدورلوک ائتمه لیدیر. احمد کاظمی قلمی ایله یازیلمیش یازیدان گئنه ده اوخویوروق:

" در اين ميان نكته ديگري كه جالب به نظر مي‌رسد، اقدامات برخي احزاب و عناصر افراطي غربگرا در باكو عليه ملت ايران به خصوص آذريهاي ايران است. افرادي مانند عيسي‌قنبراف (فرزند يونس قنبراف از اعضاي سازمان ك.گ.ب) ، اعتبار محمداف همكار سياسي صهيونيست‌ها، و صابررستم خانلي (از وابستگان سفارت اسراییل در باکو) كه از سوي بيگانگان و دشمنان ايران تأمين مالي مي‌شوند، هر از گاهي به بهانة «دفاع از حقوق آذريهاي ايران!» عليه ملت ايران اقدامي انجام مي‌دهند. اين افراد از سوي ديگر با دولت باكو در همكاري نزديك هستند و مجري سياست غيررسمي رژيم باكو مي‌باشند. "(4).

اوسته فارس راسیستلیگینه قویروق اولموش موالیفین ایفاده لری بیر سیاسی و ایجتمای گؤروش دئییل، تانینمیش شانتاژ ماهیتیلی گؤز بویامالاردیر. بیلیندیگی کیمی عیسی قنبر آذربایجان جمهوریتینده یئنی مساوات پارتی سی نین باشقانی، اعتبار محمدوو آذربایجان استقلال پارتیسی نین باشقانی، صابیر رستمخانلی ایسه آذربایجان وطنداش پارتیسی نین باشقانی ساییلارلار. دئمک، فارس مدنیت راسیستلری و اونلارا قویروق اولموشلارین سانجیلاری فارس ایسارتینده میللی منلیگی و کیملیگینه محروم ائدیلمیش گونئی آذربایجان تورکلرینی فارسلیق ایسارتینده ساخلاماقدان عیارتدیر. ائله بودان یانا دا حتی فارس دینچیلرینی ده آذربایجان جمهوریتی علیهینه سفربر ائتمگه چالیشاراق ایستر دین و ایسترسه ده دیل و مدنیت باخیمیندان هئچ بیر اورتاقلیقلاری اولمایان ائرمنی داشناقلارینی حیمایت ائتمکده باشی آیاقدان تانیماز گؤرونرلر. احمد کاظمی ایمضاسی ایله یازیلمیش یازیدان گئنه ده اوخویوروق:

"در ايران آذريها، كردها و عربها و اقوام ديگر داراي نشريات مختلف، شبكة راديويي ـ تلويزيوني، مؤسسات فرهنگي و ... بوده و در رأس جمهوري اسلامي يك شخصيت آذري قرار دارد، اما در ايران شمالي و در قلمروي تحت سلطة‌ رژيم باكو، يك نشريه حق ندارد، به زبانهاي قومي مطلبي منتشر كند، چه رسد به اختصاص شبكه‌هاي راديويي ـ تلويزيوني به اقوام."(4).

اوسته کی پاساژی اوخودوقدا اینسان بو قلم صاحابلاری نین اوتانمازلیغینا دا حئیران قالار. بیلیندیگی کیمی ایران ایسلام آنایاساسی نین 15 اینجی بندیده میللیتلره مدرسه لرده اؤز دیللرینی اوخویوب یازما، اؤز تاریخی شخصیتلرینی تانیییب تانیتمالارینا ایمکان وئریلدیگینه و 19 اونجو بنده اساساً ایران ممالیکی محروسه سینده کی میللیتلرین حقوق برابرلیکلری نین تانینماسی قئید اولدوغونا باخمایاراق کیمسه، اؤرنک اولاراق محمدرضا عوضپور، 15 یاشلی تبریزلی "من تورکم" یازماقلا فارسلیق سیستیمی طرفیندن تحصیلدن محروم اولاراق دوستاغا آتیلارکن(5) بو شیادلار هانکی اوز ایله بو یالانچی ایفاده لری سرگیلمگه چالیشارلار؟ بیلینلیگی کیمی یئنیلیکده وزارت بازرگانی جمهوری اسلامی ایران (فارس) طرفیندن مغازه و اجناسلارین آدلاری نین تورکچه یازیلماسینا یاساق قویولموش(6،7). بو آرادا یئنی گلن خبرلره مسئله پان ایرانیستلرین "ایران شمالی" مقوله سی ایله ده بیتجک گؤرونمور. ایسلامیتی فارسلیق سیستیمینه اویونجاق ائدن ذات عالیلر ایران ممالیکی محروسه سینی فارس ایمپئریاسی دئییل، "ممکلت امام زمان" آدلاندیردیقلاری و امام زمان اوچون ده سپاه مهدی آدلی ایستعمار یؤنلو  پارا میلیتئر قوروپلار یاراتدیقلاری اوچون بیر یاندان فدائیان ایسلام آدلی فارس تشکیلاتی نین رهبری عبدخدائی قوزئی آذربایجان جمهوریتی و نخجوانی فارسلیق ایمپئریاسینا الحاق ائتمک اوچون یوخولار گؤررکن (8)، باشقا یاندان "سپاه مهدی شمالی" آدلی تروریست و مزدور قووه لر آذربایجان جمهوریتی نی سیلاح واسیطه سی ایله فارسلیق ایمپئریاسینا باغلاماق یوخولاری دا تازا گلن خبرلر ایچینده دیر، اوخویوروق:

" خبرگزاری توران همچنین از وزارت امنیت ملی جمهوری آذربایجان نقل کرده که متهمان گروهی با عنوان "سپاه مهدی شمالی" تشکیل داده بودند و هدفشان مبارزه برای برقراری حکومت اسلامی در جمهوری آذربایجان بوده است. آن گونه که این وزارتخانه اعلام کرده، یکی از متهمان در شهر قم در ایران با یکی از افسران سپاه پاسداران ایران دیدار کرده و این افسر برای مبارزه مشترک با آمریکا، اسرائیل و برخی کشورهای خارجی به وی پول پیشنهاد کرده است"(9).

 

 

قایناقلار:

 

1        پان ایرانیست، فرمان آریا، خاک و خون: آرمان ما برپایی دولتی مبتنی بر دو عنصر "خاک" و "خون"،در سرتاسر ایران بزرگ است: http://khakokhoon.blogfa.com/

2        محمود افشار یزدی، مجله آینده، چاپ تهران، 1352، صحیفه 922

3        محمد افشار یزدی، محمود افشار یزدی، آینده، جلد دوم، تهران، چاپ دوم 1351، صحیفه 562.

4        احمد کاظمی، "ایران شمالی"، سیاست شوونیستی رژیم باکو و مسله ی اقوام:

http://www.iraneshomali.blogfa.com/

5        محمد رضا عوضپور٫ يک نوجوان هويت طلب آذربايجاني منع تحصيل شد:

http://tabriz.supersized.org/archives/329-unknown.html

6        سئوال اعلمی از وزیر بازرگانی درباره منع استفاده اصناف از واژگان آذری:

http://web.peykeiran.com/vs2005/iran_news_body.aspx?ID=437216    

7        شكايت اکبر اعلمي و رسول صديقي‌بنابي به كميسيون اصل نود: چرا شوراي تأمين تبريز اجازه نمي‌دهد اصناف از زبان‌مادري خود استفاده كنند؟

http://www.11007.baybak.com/?p=2830

8        محمد مهدی عبد خدایی (رهبر فداییان ایسلام فارس)، تلاش دولت برای الحاق باکو و نخجوان به ایران، 27 اردیبهشت 1386: http://www.aftabnews.ir/vdcdfj0ytf0f9.html

9        BBC: محاکمه "سپاه مهدی شمالی" در جمهوری آذربایجان:

http://www.bbc.co.uk/persian/iran/story/2007/09/070929_mf_turan.shtml

 

 

ایشیق سؤنمز، 30.09.2007

 

فارسچی گؤروش