فارس تمامیتچیلری نین یوبازلاشمالاری!
آدیندان بللی اولدوغو کیمی "تمامیتچی گؤروش" دئدیکده هر شئیی اؤزونه تابع توتماق، اؤزومسه مک و بیر سؤزله دئییلرسه، فارس دیل و مدنیتی ایله عئیینیلشدیرمک فارس تمامیتچیلری نین اساس گؤروشلرینی اولوشدورار. بو یوبازلاردان بیری ده مزدک بامدادان ایمضاسی ایله ایجتماعیتی آلداتماغا چالیشان ذات عالیدیر. یئری گلمیشکن بو عوامفریب ذات عالی نین گؤروشلری اوزره فیکیر یئریتمگه چالیشاق، اوخویوروق:
".. برای ساختن کیستی ملی نوین، باید کیستی تاکنونی را نابود کرد. ملت سازان در کنار پیشینه سازی، ساختن آمار و دزدیدن چهره های نامدار همزمان سه گفتمان دیگر را نیز با همه توان به پیش می برند. نخستین گفتمان قبیله گرائی، ستیز با زبان پارسی است."(1)
اوسته گؤروندوگو کیمی فارس تمامیتچیلری فارس کیملیگینی ایران ممالیکی محروسه سینده کی موختلیف دیل و مدنیت صاحابلاری اوچون "میللی کیملیک" (کیستی ملی) دئیه قلمه آلماغا چالیشاراق ایران ممالیکی محروسه سینده فارس اولمایان دیل و مدنیت صاحابلاری نین (تورک، کورد، عرب، لور، بلوچ و ساییره ائتنوسلارین) میللی کیملیکلرینی دانماغا و اونلاری دیققت مرکزیندن یاییندیرماغا چالیشارلار. بو تمامیتچی و عوامفریبچیلیک گؤروشلره اساساً ایران ممالیکی محروسه سینده کی موختلیف دیل و مدنیت صاحابلاری "پارس" اولموش، موغوللار آذربایجان تورکلرینی موغول دئییل، تورک ائدرکن کورد، لور، بلوچ و ساییره ائتنوسلار دا موغوللارین اللریندن قاچاراق فارس گؤرونمه سینلر دئیه باشقا بیر ائتنوس کیمی ایران ممالیکی محروسه سینده گؤرونمگه باشلامیشلار (!!!). بئله بیر خولیاچیلیق گؤوشلر ایرمی بیرینجی یاشادیغیمیز بیلگیسایار دونیاسی ایله اویوشماز دئیه بو خولیاچیلیقلاری نقده چکدیکده فارس راسیستلری و تمامیتچیلری "ستیز با زبان پارسی" دئیه دوننه دک "زبان ایرانی" آدلاندیردیقلاری دیلی پارس باسمیش"زبان پارسی" دونونا بورویه رک بیر گلین کیمی کوره کن اوتاغینا گؤندرمگه حاضیرلاشیرلار. بو بوروندورولموش پارس آدلی گلینی یوخسا خوخونو فارس تمامیتچیلری نین اره وئرمک چابالارینا باخمایاراق اونلا ائولنجک آریالی بیر دیل و مدنیت صاحابینا مالیک اولانلار بیله بو تمامیتچیلیک و فاشیستلیک گؤروشلری ایله بیر یئرده یاشایاجاق ایسته گینده اولمادیقلاری خبری ده موختلیف ائتنوسلار آراسیندا دولاشماق اوزره دیر. مزدک بامدادان ایمضاسی ایله گئنه ده اوخویوروق:
" این ستیز با این دروغ بزرگ آغاز می شود که زبان پارسی تنها پس از بروی کار آمدن رضاشاه پهلوی زبان رسمی و سراسری مردم ایران شده است و تا پیش از آن جایگاهی در کیستی ملی ما نداشته است" (1).
اوسته گؤروندوگو کیمی فارس تمامیتچیلری کئچمیشده "دیوان دیلی" کیمی اورتا چیخان و خالق یاشاییشیندا هئچ بیر اتکی و تأثیری اولمایان فارس دیلینه ایران ممالیکی محروسه سینده بیر "میللی" دون گئییندیرمک خولیاچیلیغینا قاپیلمیش گؤرونورلر. ائله مسئله ده بورادان باشلامیش. فارس تمامیتچیلری، خولیاچیلیقلاریندان ال چکمک ایستمیه رک اجتماعیتی آلداتماق اوچون بشر حقوقلاری مدافعه چیسی اولماغا و ایجتماعیتی آلداتماغا چالیشارلار(2). اونلارین دوشونجه و فیکیرلرینی الکله رک اللری نین آیاقلاریندان اوزون اولدوغونو ایجتماعیته آچیقلادیقدا داها دئیه جک سؤزلری اولمادیغی اوچون "ستیز با زبان پارسی" کلمه سی پارت دئیه اورتایا چیخمیش اولار. مزدک بامدادان گئنه ده یازیر:
" در اینکه با آغاز آموزش و پرورش اجباری در ایران و بروزگار رضاشاه هر آنکه خواندن و نوشتن آموخت، آنرا به این زبان فراگرفت، سخنی نیست. ولی زبان آموزش و پرورش پیش از آن نیز زبان پارسی بود. واگرنه چه نیازی می بود که حسن رشدیه - پدر آموزش و پرورش نوین - سالها پیش از بروی کار آمدن پهلویها در دبستانهای دو و سه زبانه اش در شهرهای آذربایجان به آموزش زبان پارسی بپردازد؟ بهترین و درستترین گزینه برای ایران به گمان من پی روی از همان روش رشدیه می بود، که شوربختانه مانند سدها خواسته درست انقلاب مشروطه بدست فراموشی سپارده شد، ولی سخن گفتن از اینکه ایرانیان تا به آنروز بزبانی دیگر می نوشتند و می خواندند و رضا شاه زبان پارسی را به همه مردم ایران "بزور تحمیل کرد"، یک دروغ بزرگ است"(1).
اوسته گؤروندوگو کیمی فارس تمامیتچیلری عوامفریب اولاراق "دیوانچیلیق" مسئله سی ایله میللت و میللیتلر مسئله سینی بیربیریندن آییرد ائتمک ایستمیرلر. بئله لیکله اونلار دولاییلی یوللارلا فارس دیلی رسمی دئیه اونو فارس اولمایان ایجتماعیتلره سیریماغا چالیشارلار. بیلیندیگی کیمی کئچمیشده بوگونکو آنلاییش اساسیندا ایران ممالیکی محروسه سینده اؤیرنیم سیستیمی اولمامیش. عربلر ایران ممالیکی محروسه سینه ایسلام آدی آلتیندا حاکیم اولدوقدان سونرا 300 ایله یاخین یالنیز بوتون دیوان و دین ایشلری عرب دیلی اوزرینده حیاتا کئچمیش. سلجوق اوغوللاری (اوغوز تورکلری) ایران ممالیکی محروسه سینی اله کئچیردیکدن سونرا فارسچا دیوان و عربچه مسلمان توپلوملار اوچون دین دیلی دئیه اویقولانماغا باشلامیشلار. بو مسئله ائتنوس دابان اوزرینده دئییل، یالنیز دیوان داییره لری و دین خادیملری اوچون رضاشاه ایران ممالیکی محروسه سینی خاریجی عامیللر واسیطه سی ایله اله کئچیردیگی گونه دک داوام ائتمیشدیر. بئله لیکله تورکلر ایران ممالیکی محروسه سینه حاکیم اولدوغو سوره ده هرکس ایسته دیگی دیلده یازیب یاراتما شانسینا دا یییه (مالیک) اولموشدور. اؤرنک اولاراق میرزه مهدیخان استرآبادلی، نادیرشاه افشارین میرزه سی (منشی الممالک)، تاریخچیسی،چاغاتای تورکجه سی نین قرامئر کتابینی یازان و فیزیک عالیمی اولموش. میرزا مهدی خان 1747 میلاد ایلینده موصطفی خان بگدیلی ایله بیر دیپلومات کیمی ایستانبولا یولا چیخمیش، بغدادا یئتیشدیکده نادیر شاهین اؤلومونه داییر بیلگی و معلومات آلاراق اورادان ائوه دؤنه رک سیاستدن گئری اوتورموش. میرزا مهدیخان سیاستدن گئری اوتورماسینا باخمایاراق علمی فعالیتینی سوردوره رک کتابلیغینی بؤیوک اوغلونا(نسیلدن نسیله) وصیت ائتمیش. اونون یازدیغی «سنگلاخ» آدلی چاغاتایچا-فارسچا سؤزلوک ده بو ایددعانی دوغرولاییر. او بو کتابدا بیر چوخ کتابلارین اؤرنک اولاراق «برهان قاطع»،«تاریخ بابری»، «حیرت ال ابرار»، «حبیب السیر»، «محبوب القلوب»، و بیر چوخ عثمانی ادبیاتیندا تانینماز کتابلارین و یازیچیلارین آدلارینی دئیه میرزا جلیل ناصری، نادرعلی (متنده ندرعلی) ... و دیل دئیه «موغول»، «قالماق»، «هند» و «بربر» دیللرینین آدلارینی قلمه آلیر. محمد علی تربیت یازدیغی «دانشمندان آذربایجان» کتابینین گیریش یازیسینا اساساً میرزا مهدیخان رحمتلیک کئچمیش نسیللره دوغرو سایارساق، محمدعلی تربیتین 4 اونجو جددی ایمیش. ابن یوسف مدرسه سپهسالار کتابلیغینین ثبت دفترینده محمد علی تربیت طرفیندن جددی میرزا مهدیخان اوزره آلدیغی معلوماتا اساساً نادیر شاهین اؤلوم گونلرینه یاخین میرزا مهدیخان بیر هیئت ایله ایستانبولا یولا دوشموش و نادیر شاهین اؤلوموندن سونرا تبریزه دؤنموش. بونلارا باخمایاراق میرزا مهدیخان یازدیغی «نادیرشاهین گونلوک شخصی یاشاییش تاریخی» آدلی کیتاب بوگونه دک ایشیق اوزو گؤرمه میش و الیازماسی دا الیمیزه چاتمامیش. اوسته ایشاره اولموشلار کئچمیشده کی فاکتلاردیر. ایران ممالیکی محروسه سینده کی تورکلر، باشلاریندا آذربایجانلیلار اولاراق آذربایجان تجددودلوک زامانی بیله فارس دیل و مدنیتینی کوچومسه مک ایسته میشلر. فارسچا دیوان دیلی اولدوغو اوچون اونلار فارسچانی مرحمت اللری ایله اوخشاماغا چالیشمیشلار. بیر سؤزله دئییلرسه، تاریخ بویو تورکلر ایران ممالیکی محروسه سینه حاکیم اولدوقلاری سوره ده هئچ بیری دیلی رسمی، یوخسا غیر رسمی دئیه قلمه آلمامیشلار. اونلار حاکیمیتلرینه دوشوندوکلرینه باخمایاراق باشقا دیل و مدنیتلری یوخ ائتمک چاباسینا دا قاپیلمامیشلار. یالنیز خاریجی عامیللر واسیطه سی ایله ایش اوستونه گتیریلن رضاخان خاریجی گوحلرین بویوروقلارینی یئرینه یئتیرسین دئیه فارس ایستعمارچیلیغی بیر سیاسی سیستیم دئیه ایران ممالیکی محروسه سینده کی فارس اولمایان ائتنوسلارین دیل و مدنیتلری علیهینه اویقولاماغا چالیشمیش. یالانچی نین اونودقان (فراموشکار) اولدوغونا داییر مزدک بامدادان ذات عالی نین اؤز قلمیندن اوخویوروق:
" سال هزارو دویست و هشتاد و پنج نمایندگان مجلس نخستین قانون اساسی ایران و متمم آنرا – باز هم به پارسی – نوشتند. در متمم این قانون اگر چه "مذهب رسمی"، " الوان رسمي بيرق " و "پایتخت" ... بروشنی نامیده شده اند، ولی سخنی از زبان رسمی در میان نیست"(1).
قاجارلار زامانیندا یئنی قبول اولموش آنایاسادا بیر دیوان دیلی کیمی فارس دیلی نین اؤز عکسینی تاپمادیغینا و بو مسئله نی فارس عوامفریبلری بیلدیکلرینه باخمایاراق فارس تمامیتچیلری گئنه ده ایران ممالیکی محروسه سینده میللیتلر مسئله سینی دانماغا چالیشارلار. بو دا اونلارین بیر داها عوامفریب اولدوقلارینی وورقولامیش اولار. مزدک بامدادان گئنه ده یازیر:
" او همچنین نمونه ارزشمندی نیز به این بررسی می افزاید که قبیله گرایان را چندان خوش نخواهد آمد، سخن از گزارش محمد امین رسولزاده، نخستین رئیس جمهوری آذربایجان است که می نویسد: « در اینجا [ارومیه]نمی توانید غیر از چند مشترک حبل المتین روزنامه خوان دیگری پیدا بکنید. روزنامه های ترکی قفقاز نیز در اینجا خریدار و خواننده ندارند. اصلا در اینجا ترکی خواندن متداول نیست. اگرچه همه ترک هستند ولی ترکی نمی خوانند. همه جای آذربایجان چنین است. حتی چنان تیپهائی وجود دارند که این حال را برای قفقاز نیز پیشنهاد می کنند و خیال می بافند که باید همه عالم اسلام زبان فارسی یاد بگیرند و به فارسی بخوانند. ... در عرض پانزده روزی که در ارومیه بودم هرچه جستجو کردم بلکه یک نفر خریدار روزنامه ترکی پیدا کنم ممکن نگردید (یا مرگ با تجدد، م. آجودانی، برگ 222 تا 225)"(1).
اوسته ایشاره اولموش ناغیللار اوزره هئچ بیر ناراحاتچیلیق یوخدور. اوسته لیک فارس تمامیتچیلری اوچون بوگون ایران ممالیکی محروسه سینده کی میللی و مدنی آخینلاری کئچمیشده کی بعضی دئییلمیش و آنلاتیلمیش ناغیللار اساسیندا اؤرت باسیر ائتمگه چالیشماق و فارس ایستعمارچیلیق سیستیمی نین قورونماسی اوچون عاغیلا سیغاجاق بیر وسیله گؤرونورسه ده، بو مسئله میللی کیملیک و منلیک ساواشی وئرنلرین کؤنوللرینی اوخشایاجاق بیر عامیل دئییل، کئچمیش یانلیشلیقلاردان عیبرت درسی آلماق اوچون بو گئرچکلیکلری ده بیلمک پیس اولماز دئیه دوشونمه لی ییک.
قایناقلار:
1 مزدک بامدادان، 8. گفتمان پارسی ستیزی، زبان مادری و کیستی ملی:
http://www.iran-emrooz.net/index.php?/politic/more/13355/
ایشیق سؤنمز 01.07.2007