ایران ممالیکی محروسه سینده کی فارس اولمایان میللیتلرین دیل و مدنیت دوشمنلری کیم اولابیلر؟
ایران ممالیکی محروسه سیندکی دوستاق اولموش میللیتلر فارس دیل و مدنیتی اساسیندا قورولموش بیر حاکیمیت سیستیمی ایله طرفدیرلر. بو مسئله یالنیز خیالی دئموکرات مئابلیق ایله چؤزوله بیلر دئیه یوروم یاپماق کئچمیش دئنَه دیکلریمیزی (تجروبه ائتدیکلریمیزی) گؤرممک و ایجتماعیتی فارس شوونیستلیگی نین عوامفریبلیگینه اویونجاق ائتمک آنلامینا گلر دئیه دوشونمه لی ییک. بیلیندیگی کیمی ایران ممالیکی محروسه سینده میللی مسئله نین گونجللشمه سی (آکتواللاشماشی) کئچمیشده کی گنه کیمی فارس تشکیلاتلارینا یاپیشمیش فارس ائتنوسونا باغلی اولمایان اینسانلاری دا بو دوغرولتودا دوشوندورمگه باشلامیشدیر. ایندیسه بو ذاتلاردان عبدالستار دوشوکی، میللیتجه بلوچ، اولان شخصین بو مسئله لر اوزره گؤروشلری ایله تانیش اولاق، اوخویوروق:
"...از يكسو عده اي متعصب و بعضا مشكوك تلاش مي كنند كه خواسته هاي بر حق اقوام سركوب شده ايراني را از چهارچوب دمكراتيك و بنياد هاي مبتني بر منشور جهاني حقوق بشر منحرف ساخته و آن را تبديل به تضادي بين قوم و يا "مليت" خود از يك طرف و "شوونيسم فارس" از سوي ديگر بكنند."(1).
میللی شوونیسم (برتری طلبی میللی) و میللی فاشیسم (تحمیل زبان و مدنیت یک میللت بر دیگر میللتها) مقوله لرینی دانماقلا (اینکار ائتمکله) ائتنیک ظولمدن دانیشماق اؤزو ده عوامفریبلیک اولار دئیه دوشونمه لی ییک. دئمک، ایران ممالیکی محروسه سینده فارس اولمایان ائتنوسلار اوزره آسقی و باسقی نین حیاتا کئچمه سی فارس دیل و مدنیتی نی اساس گؤتورموش فارس شوونیسم سیستیمی ایله ایضاح ائدیلمه لیدیر. بو مسئله نی گیزلی توتماغا چالیشاراق "همه باهم" شعاری وئرمک ایران ممالیکی محروسه سینده کی فارس اولمایان ائتنوسلاری چوخوردان قویویا سالماق آنلامینا گلمه لیدیر. عبدالستار دوشوکی اؤزونو دئموکرات گؤرستمگه چالیشدیغینا باخمایاراق اونون دئمکراتلیق گؤروشلری فارس دیل و مدنیتی نی اساس گؤتورموش "ایرانیت" مقوله سی ایله ایضاح ائدیله بیلمز. مسئله بونون ترسینه دیرسه، نه اوچون عبدالستار دوشوکیلر ایران ممالیکی محروسه سینده کی ائتنوسلارین ایستکلرینی قلمه آلارکن اونلارین میللی منلیک و کمیلیکلری نین هانکی دیل و مدنیته اساسلانمیش حاکیمیت سیستیمی طرفیندن دانیلدیغینی آچیقلیغا قاویشدیرماق ایستمیرلر؟ دئمک، ایران ممالیکی محروسه سینده کی میللی ظولوم یالنیز شاهلیق و شئیخلیق ظولومو دئییل، فارس دیل، مدنیتی و فارسلیق مفکوره سینه اساسلانمیش حاکیمیت سیستیمی نین فارس اولمایان ائتنوسلارا دیکته ائتدیکی و اونلاری میللی کیملیکلریندن آییریب قوپارماغا چالیشدیغی بیر ظولوم ساییلمالیدیر. بو ظولوم زامان گئدیشی ایله بو دیل و مدنیتلرین کؤکونه وورولاجاق بالتا ماهیتی داشییار گؤرونور. گؤروندوگو کیمی مسئله نین هانکی بویوتلاردا اولدوغونو آنلاییب باشا دوشمدیکده آتالار دئمیشکن "ائشگی دئییل، اونون پالانینی دؤیمک" ایله ایران ممالیکی محروسه سینده کی میللی ظولومو آرادان قالدیرماق و میللیتلرین قارشی قارشییا دوراجاغینی آرادان قالدیرماق اولماز دئیه دوشونمه لی ییک. عبدالستار دوشوکی گئنه ده یازیر:
"... يعني بجاي تضاد حي و حاضر فعلي كه بين مردم ستمديده ايران و بخصوص اقوام ايراني از يك طرف و رژيم ضد مردمي جمهوري اسلامي از طرف ديگر، سعي مي كنند كه تضاد عمده را بين "شوونيسم فارس" و "قوميت ها" مطرح كنند."(1).
اوسته ایشاره ائتدیگیمیز دک میللی ظولومون هانکی آشامالاردا حیاتا کئچدیگینی باشا دوشمه گنلر خالق ایجتماعیتینه دوزگون گؤروجو و یول گؤرستیجی اولابیلمزلر. دئمک، "مردم ایران" مقوله سی "مردم کره زمین" مقوله سی کیمی گؤز قوماشدیریجی و کؤنول اوخشایان (نوازیش وئرن) بیر ایفاده دیر. عبدالستار دوشوکی نین بو یاناشماسینی نظره آلاراق "مردم" دئدیگی ایران ممالیکی محروسه سینده کی موختلیف ائتنوسلار و توپلوملار دئییل، بیر عوامفریب گؤزو ایله مسئله یه یاناشارساق، "فارس دیل و مدنیتینه اساسلانمیش ایران ائتنوسو!!!؟؟" ایفاده سینی ایچرمیش بیر دئییمدیر. دئمک، بوندان یانا دا عبدالستار دوشوکیلر ایران ممالیکی محروسه سینده کی میللی ظولومو فارس دیل و مدنیتینی اساس گؤتورموش حاکیمیت سیستیمینه دئییل، یالنیز ایسلام جمهوریتینه نیسبت وئرمگه چالیشارلار. اونلار بو نسبت وئرمه نی ایفاده ائدرکن ایسلام جمهوریسی هانکی دیل و مدنیتی اساس گؤتورموش مقوله سینی ایفاده ائتمکدن ایستر مصلحت اوزوندن چکینر، ایسترسه ده دوشونجه باخیمیندان بو مقوله نی درک ائتمکدن عاجیز گؤرونورلر. گئنه ده اوخویوروق:
"... بعضي از اينان براي توجيه تضاد ديالكتيكي خود ناچارند بعنوان مثال آيت الله خامنه اي، موسوي اردبيلي، آيت الله مشكيني را فارس جلوه داد و هزاران هموطن فارس زبان زنداني را ترك آذري جلوه دهند. اينان بجاي درك علمي و واقعبينانه از واقعيت موجود، غرق شده در آمال و آرزوهاي خود مي باشند."(1).
اوسته گؤروندوگو کیمی عبدالستار دوشوکی ایپین اوجونو الدن قاچیرمیش مقامدا یئر آلیر. دئمک، حاکیمیت سیستیمی دئدیکده بیر حاکیمیت طرفیندن اویقولانمیش (اعمال اولموش) بیر سیاست نظره آلینمالیدیر. بو باخیمدان اوسته آدلاری سیرالانمیش حضراتلار اؤزلری تورک اولدوقلارینا باخمایاراق خیدمت ائتدیکلری سیاست، دیل و مدنیت باخیمیندان تورک و تورچولوک اساسیندا دئییل، فارسلیق سیستیمینه اساسلانمیش بیر سیاستدیر. بیلیندیگی کیمی بیر چوخ تمامیتچی قووه لر ایسلام جمهوریتینی او جومله دن اونا باشچیلیق ائدن ماللاری فارس دئییل، عرب تانیتماغا چالیشارلار. یئری گلمیشکن سید محمد خاتمی نین نه اؤلچوده عرب یوخسا فارسچی اولدوغونا داییر تیر آیی نین اون آلتی سی مین اوچ یوز سکسان آلتی ایلینده شیرازدا ائتدیگی دانیشیقلاری نین بعضی پاساژلارینی نظردن کئچیرک، اوخویوروق:
"ایران از فارس بزرگتر است اما می بینیم ایران با آن معنویت و عظمتی که دارد عنوان بلند پارس را برخود دارد. وی افزود؛ در خارج از کشور هم ایران را به عنوان پرشیا می شناسند و زبان رسمی ما فارسی است که عامل اساسی هویت یک جامعه است و با توجه به تحولات معرفتی که در روزگار ما پدید آمده است اکنون انسان با زبان زندگی می کند؛ اینها همه درخور توجهند."(5).
اوسته گؤروندوگو کیمی ایران ممالیکی محروسه سینده کی فارسچی و تمامیتچی گؤروشلره اساساً ایستر اینسان، ایسترسه ده دیل (زبان) سؤز قونوسو اولدوقدا فارس دیل و مدنیتی نظرده توتولار. 1935 اینجی ایلدن (قصب ائدیلمیش ایران ممالیکی محروسه سی نین ایران آدلاندیریلماسیندان) یئتمیش ایکی ایل کئچمه سینه باخمایاراق خاتمی گئنه ده ایران ممالیکی محروسه سینی پرشیا (فارسیستان) دئیه فارس ایجتماعیتینه آشیلاماغا (تزریق ائتمگه) چالیشیر(6). سید محمد خاتمی گئنه ده آرتیریر:
"... با اینکه به لحاظ مادی ایران بزرگتر از فارس است شاید بتوان گفت عنوان فارس و فارسی که برای ایران انتخاب شده حکایت از آن دارد که روح ایران و روح تمدن فاخر و پرعظمت ایران در فارس شکل گرفته و فارس تاثیر بسزایی در هویت ایرانی و اسلامی داشته است؛ چه قبل از اسلام که پایگاه تمدن های بزرگ بوده و چه بعد از اسلام که مردم آغوش خود را به روی اسلام عزیز گشودند و اسلام خود را در جان و استعداد مردم نشو و نمو داد. وی افزود؛ ایرانی با آغوش باز از آفتاب هدایت اسلام بهره گرفت و اسلام نیز از ظرفیت ممتاز ایرانی بهره گرفت ... خاتمی .... گفت؛ فارس روح تاریخ و فرهنگ ماست"(5).
محمد خاتمی کیمی تمامیتچلری و راسیستلری عرب سایماق عرب ائتنوسونا و ایسلامیته توهین ساییلمالیدیر (بیلیندیگی کیمی ایسلامدا نژاد مقوله سی دئیه بیر آنلاییش اولمامیش). دئمک، "سید" عنوانی نی داشیماقلا، کیمسه نی عرب ائتنوسونا باغلاماق دا دوزگون گؤرونه بیلمز. سید محمد خاتمی اؤزونو روح و جیسم باخیمیندان دا فارس اولاراق ایجتماعیته تقدیم ائتدیگینه و ائتدیکلری عمللر ده بونا تانیق اولدوغونا باخمایاراق اونو گئنه ده عرب دئیه تقدیم ائتدیرمک و گؤرمزلیکدن گلمک ایکینجی بیر عوامفریبلیک ساییلار دئیه دوشونمه لی ییک. اوسته کی محمد خاتمی نین تمامیتچی گؤروشلری بیر یانا دورسون، عبدالستار دوشوکی نین ده گؤروشلرینی نظره آلاراق، تمامیتچی گؤروشه صاحیب اولان اینسانلارین میللی منسوبیتلریندن (تورک، کورد، بلوچ، عرب، لور و ساییره) آسیلی اولمایاراق "ایران" کلمه سینه تاپیندیقلارینا تانیق اولوروق. آنجاق "دئموکراسی و جمهوریتچیلیک" مقوله لری آچیسیندان مسئله یه یاناشیلارسا، ایران ممالیکی محروسه سینده کی فارس اولمایان ائتنوسلارین دیل و مدنیتلرینه دوشمن کیمی تانینمیش و اونلارین آزاد اولاجاقلاری آغریسیندان اورک آغریسینا یاخالاناراق دونیاسینی دگیشن پرویز ورجاوند کیمی فاشیست بیری نین اؤلومونه داییر اؤزلرینی دئمکرات شخص و تشکیلاتلار کیمی ایجتماعیته تقدیم ائتمگه چالیشانلارین وای نفسا سسی بیر چوخ یوخوداکیلاری دا یوخودان اویاتمیش اولدو (2). بونلارا باخمایاراق عبدالستار دوشوکی "اینسانیت" مقوله سی دئییل، "ایرانیت" مقوله سینه قاپیلاراق کئچمیشده "سومکا (سازمان سوسیالیست ملی کارگران ایران)"، فارس نئوفاشیست تشکیلاتی نین ایکینجی شخصی و سونرا محمدرضا شاه زامانی اونون ایططلاعات وزیری اولان داریوش همایونا بابک امیر خسروی و حشمت رئیسی ایله ایران ممالیکی محروسه سینده کی فارس اولمایان ائتنوسلار علیه لرینه بیر جبهه ده یئر آلدیقلارینا داییر راحاتسیز اولدوقلارینی ایفاده ائئمگه چالیشاراق یازیر:
"... بايد بگويم كه بنده انتظارات بيشتري از اين رجل سياسي و با تجربه كه مورد احترام بنده است، داشتم. هرگز فكر نمي كردم كه ايشان با افتخار به داس و چكش و سندان آقاي بابك امير خسروي وارد اين جاده فرعي بشوند و از مسير اصلي مبارزه نه تنها عدول بلكه ديگران را نيز دلسرد و مايوس كنند. حال چرا و چگونه وزير سابق شاه و رايزن حزب مشروطه در انتهاي اين جاده فرعي به گردهمايي جمهوريخواهان مي رسد و به عقل هاي سليم در آن جمع افتخار مي كند، شايد "دانستن هاي" بسياري باشد، ليكن من نمي دانم. تعريف و تمجيد ايشان از فردي بنام حشمت رئيسي كه اينك دكاني در كنار دكان متروكه سعيد سكويي در پالتاك باز نموده و با همسايه مجاور خود به رقابت در تجارت فحش و ناسزاگويي مشغول است، براي من قابل هضم نيست. آيا آقاي داريوش همايون سابقه اين افراد را نمي داند؟ وقتي آقاي دكتر داريوش همايون صحبت از تضاد بين حقوق شهروندي و حقوق سياسي اقوام مي كند، مورد خطاب وي آن لبه ديگر "قيچي" است و لذا بنده لزومي به پاسخگوئي نمي بينم. متاسفانه فرضيه فكري و زمينه و شالوده بحثي كه دكتر همايون در آن درگير هستند توسط كساني پايه ريزي شده هست كه هدف اصلي خويش را در تشديد تضاد هاي كاذب مي بينند؛ يا وگرنه اگر همه به تماميت ارضي ايران التزام داريم، تمام حقوق چه فردي و يا گروهي در چهارچوب قانون تعريف و تجلي خواهند يافت. اين حقوق ( فردي، شهروندي، سياسي و يا قومي) در چهارچوب قانوني ( قانون اساسي آينده ايران) معرفي و ارائه مي شوند كه چه بخواهيم يا نخواهيم توسط مجلس موسسان منتخب مردم تدوين خواهد شد؛ و مسلماء با اصل تماميت ارضي ايران در تضاد نخواهد بود."(1).
گؤروندوگو کیمی عبدالستار دوشوکی بلوچ اولدوغونو نظره آلاراق اؤز دیل و مدنیتی دئییل، ایران آدی آلتیندا فارسلیق مفکوره سینه توتولاراق بابک امیر خسروی (فارسلیق حئیرانی اولموش آذربایجان تورکو) و حشمت رئیسیدن (لور اولدوغو ایددعا ائدیلیر) بلکه ده اومابیله جگینی داریوش همایون کیمی مارجینال و فاشیست بیر شخصدن اومماغا چالیشاراق اونا رغبت بسلمکده دیر (3). دئمک، عبدالستار دوشوکی ایرانچیلیق، شاهچیلیغی یوخسا فارس جمهوریتچیلیگینی ایران ممالیکی محروسه سینده کی فارس اولمایان میللیتلرین باشینا دؤیمکله اونلاری فارسلیق توتساغیندا ساخلاماق اوچون لازیم گؤرور!! عبدالستار دوشوکی فارس جمهوریتچیلیگی اوزره یازیر:
".. در مورد مبحث "حقوق شهروندي و حقوق سياسي اقوام" كه زائيده بنده 9 منشور برلين است،... اسناد مبتني بر اينكه اين بند با اصرار بنده در آن گنجانيده شده است، موجود مي باشد و در نتيجه اين را وظيفه خود مي دانم ، تا بر خلاف تبليغات سوء مخالفان اين بند كه آن را پيراهن عثمان كرده اند، توضيح مفصل بدهم. حقوق سياسي اقوام كه بر گرفته از حقوق شهروندان است هيچگونه تناقصي با يگپارچگي و تماميت ارضي ايران نداشته و ندارد. همانگونه كه كارگران مختارند در چهارچوب قانون اساسي يك كشور اتحاديه كارگري تشكيل بدهند و خواهان حقوق اقتصادي ، رفاهي و سياسي خود شوند. همانگونه كه حتي همجنس بازان مختارند كه حزب سياسي تشكيل دهند و براي كسب حقوق سياسي خود در چهار چوب قانون مبارزه كنند. همانگونه كه در دنياي دمكراتيك و پيشرفته امروزي احزاب مدرن بر اساس قوميت و زبان ... بوجود مي آيند و براي خود و قوم خود حقوق سياسي كسب مي كنند.. آيا تك تك افراد بلوچ اين حق را ندارنند كه مثلاء يك حزب بلوچي ( بر اساس قوميت) تشكيل داده و در انتخابات شركت كنند و اگر راي آوردند مي توانند استاندار و ديگر مقامات سياسي محلي را تائين كنند. حتي مي توانند در مجلس استاني يا شوراي ايالتي قوانين سياسي محلي وضع كنند؟ اگر اين حق سياسي نيست ، پس چيست؟... آقاي دكتر داريوش همايون مي گويند كه نه ! حق ندارنند، در حاليكه ما علناء شاهد هستم اينگونه نيست كه دكتر همايون مي خواهد به ما تحميل كند. "(1)
اوسته گؤروندوگو کیمی عبدالستار دوشوکی نین گؤروشلری "حزب مشروطه ایران" آدلی فارسچی و شاهچی تشکیلاتین گؤروشلریندن میللیتلر مسئله سینه گلدیکده یوخاری یوکسله بیلمیر (4). دئمک، بو ذات عالیلرین جمهوریتچی اولمالاری دا فارسلیق سیستیمی اساسیندا نظره آلینمیشدیر.
اوسته گؤروندوگو کیمی کیمسه نین میللی منسوبیتیندن آسیلی اولمایاراق فارسلیق مفکوره سینی اساس گؤتورموش شخص و تشکیلاتلار فارسلیق سیستیمی نی قوروماق اوچون ایران ممالیکی محروسه سینده کی میللی ظولومون حؤکوم سورمه سینده اورتاقلیق ائدرلر. دئمک، ایران ممالیکی محروسه سینده کی میللیتلر مسئله سی باسق آلتینا آلمیش فارسلیق سیستیمی ایله ایضاح ائدیلمه لیدیر. فارسلیغا اساسلانمیش هر بیر دونیا گؤروشو ایران ممالیکی محروسه سینده اؤز حاکیمیتینی سوردورمگه دوشونرسه، بو گون سؤزده دئموکرات گؤرونمه سینه باخمایاراق صاباح عملده شوونیست و فاشیست سیستیمین آیریلماز ترکیب حیصصه سی اولاجاقدیر. دئمک، بوگون تهران حاکیمیتینه نؤکرچیلیک ائدن شخصلاری (تورک، کورد، عرب، بلوچ، ترکمن و لورلاری) قینایارکن اونلاری اولان ظولملر اساسیندا دئییل، ظولم اساسیندا قورولموش فارسلیق سیستیمینه اویونجاق اولدوقلاری اوچون اونلاری داها آرتیق قیناماق لازیم گؤرونور دئیه دوشونمه لی ییک. بیلیندیگی کیمی اونلار یالنیز حاکیم اولموش فارسلیق سیستیمینه امیر قولو اولاراق اؤز قوللوچولوقلارینی و نؤکرچیلیکلرینی یئرینه یئتیرمگه چالیشارلار. ائله بوندان یانا دا دئییلیر: اسیر بیر میللتین هر کسی اسیر!
سوروشدوم: آدین نه؟
ائشیتدیم: اسیر!
دئدیم: کیملیگین نه؟
ائشیتدیم: اسیر!
دئدیم: مملکتین، وار دؤولتین؟
ائشیتدیم: اسیر! اسیر بیر میللتین نه یی، وارلیغی اسیر!
قایناقلار:
1 عبدالستار دوشوکی، آیا خطر تجزیه ایران جدی است؟:
http://www.iranglobal.info/emtyseite3.php?news-id=2856&nid=haupt
2 ایشیق سؤنمز، اؤلو قویونون سوتلو اولما حئکایه سی:
http://www.azadtribun.net/x18298.htm
3 ایشیق سؤنمز، فارس نئوفاشیستلری و داریوش همایون، پنجشنبه,۱۶ آذر ۱۳۸۵:
http://www.azadtabriz.com/news/?p=1218
4 قطعنامه کنگره پنجم حزب مشروطه ايران، قطعنامه در عدم تمرکز و حقوق اقوام و مذاهب ايران (لوس آنجلس ۲ و۳ اکتبر ۲۰۰۴) :
http://www.rahe-ayande.com/K_5/K_5_Ghatname_Aghvam.htm
5 حائری شیرازی، خاتمی افتخاری بزرگ است:
http://www.aftab.ir/news/2007/jul/07/c1c1183799805_politics_iran_mohammad_khatami.php
6 Wipert v. Blücher (ehemaligem deutschen Gesandten in Teheran), Zweitenwende in Iran (Erlebnisse und Beobachtungen), Biberach an der Riss, 1949, S. 322-325.
7
ایشیق سؤنمز 11.07.2007