فارس سول تشکیلاتلاری نین ساققیزلاری نین چورومه مسئله سی-3
میللی مسئله میللی آتریبوتلاری (اورتاق دیل، مدنیت، گله نک و گؤره نکلری) ایچردیگی اوچون میللی مسئله اوزره فیکیر و دوشونجه یورماغا چالیشان ذاتلار دئماقوژیک (عوامفریبلیک) بیچیمده ایران ممالیکی محروسه سینده کی میللیتلر مسئله سینه یاناشمالی دئییل، ایلک اولاراق مدنی دئییملر ایله تانیش اولمالیدیرلار. بو باخیمدان ایران ممالیک محروسه سینده تورک میللی کیملیک و منلیگی اوزره دوشوننلری "ناسیونالیسم کور بدون هویت، پان ترکیسم و ساییره..." دئیه فارس راسیستلیگی و پان ایرانیستلیک گؤروشلرینی سولچولوق آدینا ایجتماعیته بیر آیه کیمی تقدیم ائتمه گه چالیشانلارین داورانیشلاری اولدوقجا ایلگینج گؤرونور(1). بو ذاتلار مدنی داورانیشین الیفباسی ایله بیله تانیش دئییلر. بو ذاتلاردان بیری ده علی اکبر حق پژوه ایمضاسی ایله اؤز نئهیلیستی و فارس راسیستلیک گؤروشلرینی ایجتماعیته تقدیم ائتمگه چالیشان ذات عالیدیر (2، 2.1). کئچمیش یازیمیزدا دیلچیلیک باخیمیندان علی اکبر حق پژوه ایمضاسی ایله یازان ذاتِ عالی اؤزونو منوچهر مرتضوی ذات عالییه ایکیز تای کیمی گؤسترمگه چالیشیر دئیه بیر گؤروش اورتایا قویموشدوق (3). بو یازیدا علی اکبر حق پژوه ذات عالی نین گؤروشلرینی باشقا بیر یازیسیندان یولا چیخاراق اله آلماغا چالیشاجاییق. علی اکبر حق پژوه یازیر:
"گـــلی
خوش بوی در حـــمام روزی رســـید از دست محبوبی به د سـتم
نقد ُگلی را ماند و نهایت جفا نمودن برُگل نقد، آن است که آنرا باید فقط به وی
ِگلی پَرپَرش نمود که در دل آن کمتر از دانه ی ُگلی نهفته نباشد. اما گاهی درلایه
های زیرین سنگلاخی نه دانه ی ُگل،بلکه روح یک ُگلِ انارِ مقدس احساس
می گردد و ناقد جبار(منتقد) ُگل نقد را بر روی سنگلاخ پَرپَر می سازد و در دفتر
نسیه اش سیاهی یک نقد را ترسیم می کند.و بدینسان شیره ی جفاکار بودن را بر تن خود
می مالد. آخر «انار خون است،خون مسیح متجلی . » ) ۱٣۷۹ "(1)
سولچولوق ایددعاسیندا اولان ذات اوسته نقد مقوله سینه دئگینمک ایسترکن مسیحیتچیلیک روحونو سرگیله مگه چالیشمیش گؤرونور. دئمک، علی اکبر حق پژوه مئتافئر آلمینه قاپیلاراق کئچمیش یازیلاریندا ایران ممالیکی محروسه سینده کی تورک میللی حرکتینی لکه لمک اوچون هیتلر کیمی بیولوژیک مئتافئرلریندن فایدالانماغا چالیشدیغی کیمی بو یول (دفعه) دا "نقد اولونموش" و منتقد آرالاریندا اولان موناسیبتی سرگیله مک اوچون بیتگی ("گول" و "نار") مئتافئرلریندن فایدالانماغا چالیشاراق مسیحیتچیلیک افکارینی سرگیله میش اولور. بونلار مسئله نین حللی اوچون دئییل، باساجاغی آیاقلاری اوچون خوش گلدین ایفاده سی داشیمالیدیر. بیلیندیگی کیمی نارین قیرمیزی اولماسینا باخمایاراق هر قیرمیزی قان دئییل و اینسانلارین بیر چوخو قان گؤردوکده یالنیز عیسی مسیحین مصلوب اولدوغونا دئییل، باشقا بیر نسنه لری و مادده لری تصوور ائده بیلرلر. بیر چوخلاری اوچون قان گؤردوکده عیسی مسیحین دارا چکیلمه تصوورو عاغیلا سیغماز گؤرونر. آنجاق aborigine و گئری قالمیش توپلوملاردا "قان" ایله "روح" آراسیندا ایلیشگی یاراتمالار هئچ ده آز دئییلدیر. عیسی مسیح یانچیلاری نین قان و روحو مقدس سایدیقلاری توتمچیلری خاطیرلاتمیش اولار. موألیف نقد اولونموش و منتقد آراسینداکی موناسیبتی قان ایله ایضاح ائتمگه چالیشدیغی اوچون "قان و روح" مقوله سینه "توتئمیسم" گؤروشوندن یولا چیخاراق دئیینمک عیسی مسیح یانچیلاری نین قان مقوله سی نین درینلیگی و کؤکلرینی اؤیرنمک اوچون پیس اولمازدی.
aborigine توپلوملار بیر اینسانین گوجلو و گوجسوز اولماسینی توتئم حئیوان یوخسا توتئم اوت ایله ایضاح ائتمگه چالیشارلار. اونلارین اینانجلارینا اساساً میقناتیس و میقناتیس داییره سینده اولان ایلیشگی کیمی روح دا قان ایله ایلیشگی ایچریسینده اولار. قان اؤزو ایله میقناتیسه بنزر بیر توتوم و داورانیش داشییار. بو یانقی (عکس العمل) اینسانلاری روحی قوهوملارینا و موختلیف توتئم کیملیکلرینه صاحیب ائدر. روح ساحه سیندن انریژی نین آخیش ائتمه سی نتیجه سینده اینسان توتئمی ایله ایلیشگی ایچریسینده اولار. توتئمچیلیک اینانجینا اساساً توتئملشمیش مووجودون اتینی یئمک و قانینی ایچمک حئیوانلا روح آراسیندا اولان ایلیشگی نین ضیددینه اولدوغو اوچون وحشیلیک ساییلار. بو اینانجلاشمیش گؤروشلر یالنیز aborigine توپلوملاردا دئییل، میفولوژلارین نظرینجه تانریلیقلار یوخسا ائنئریژئتیک (4) مووجودلار اؤز بلیرگین قیافت و شکیللرینی حئیوانلار بیچیمینده ایفاده ائدرلر. تانریلیقلارین وارلیغی مقدس ساییلان ایستر حئیوانلار و ایسترسه اوتلاردا تمثیل اولونار. بئله لیکله بعضی میفلره گؤره بیر زامان تانریلیقلار (Gottheiten) یاریم حئیوان و یاریم اینسان ایمیش دئیه آنلاتدیقلاری (نقل ائتدیکلری) آچیقلیغا قاویشدیریلمیش اولار. بو دئدیکلریمیز قدیم میصیر تانریلیقلاری اوچون عومومیتله کئچرلیدیر (میصیر تانریلیقلاری اوزره بو ایکیلیک (یاریم حئیوان و یاریم اینسان) مقوله سی کئچرلیدیر).
عیسی مسیحین ات و قانی قارشیسیندا مسیحیلرین ائتدیکلری سایقی و حؤرمت اوزون کئچمیشده یونانلار طرفیندن تانریلاری Dionysos اوچون مراسیم کئچیردیکلری Dionysosfest مسئله سینه اساسلانیر.
اوسته گؤروندوگو کیمی علی اکبر حق پژوه ذات عالی نین " انار خون است، خون مسیح متجلی" مقوله سی ده نقد ماهیتیلی بیر دئییم دئییل، ایلک اولاراق توتئمیست و سونرا عیسی مسیح اوچون دوشونولموش بیر ایفاده دیر. علی اکبر حق پژوه ذات عالیدن اوخویوروق:
"در طی این سالها هجوم نوشتارهایی را در وب گاهها و روزنامه ها و کتابها مشاهده کرده و می کنیم که به طور گسترده ای از طرف ناسیونالیست های کور بی هویت تاریخی تبلیغ می شوند، با اندکی ژرف بینی و دقت نظر در می یابیم که سیاهی های نوشته شده بر روی این کاغذها، بریده هایی ازپرده ی سیاهی هستند که برای کتمان حقیقتی بس روشن،بر سپپدی کاغذ کشیده شده باشند. این حقیقت روشن چیزی جز ناسیونالیسم کور(بی هویت تاریخی) نیست. " (1)
اوسته گؤروندوگو و کئچمیش یازیلاریندان دا آیدین اولدوغو کیمی علی اکبر حق پژوه ذات عالی ناسیونالیست دئیه کؤرلوک مقوله سینی قابارتماغا چالیشاراق ایران ممالیکی محروسه سینده میللیتلر مسئله سینی فارسلیق قازانیندا اریدیب یوخ ائتمگه چالیشیر. دئمک، میللت مقوله سی یاخشیدیرسا، بو مسئله نه اوچون فارس دئدیکده یاخشی، تورک، کورد، عرب، تورکمن و ساییره میللتلر دئدیکده پیس اولور؟ کیملیک (هویت) مسئله سینه گلدیکده هر میللتین کیملیگی نین تمل داشلاریندان بیری اونون دیلیدیر. دیلسیز هئچ بیر توپلوم اؤزونو دوغرو و دوزگون یاشادا بیلمدیگی کیمی میللی توپلوملار دا دیلسیز اؤزلرینی بیر میللت اولاراق یاشادابیلمزلر. دئمک، تاریخی هویت دئدیکده 1925 اینجی ایلدن ایران ممالیکی محروسه سینه تحمیل اولموش فارسچا سؤز قونوسودورسا، ایران ممالیکی محروسه سینده کی فارس اولمایان میللتلرین دیلی کئچمیش 80 ایلده فارس ایستعماری طرفیندن تضییقه معروض قالدیقلارینا باخمایاراق بوگون ده تورک و عرب دیللری فارسچادان قات قات زنگین ساییلارلار. دئمک، بو دیللر گؤبه لک کیمی فارس شوونیستلرینه یوخ ائدیلمک اوچون بوراخیلمامیشلار. بو دیللر ایران ممالیکی محروسه سی نین ایداره لرینده و بیلیم اوجاقلاریندا یاساق اولمالارینا باخمایاراق میللی کیملیک (هویت) ساییلدیقلاری اوچون خالق اوولادلاری طرفیندن گؤز ببگی کیمی قورونماقدادیرلار. قورونماجاق هر بیر شئیین یوخلوغا محکوم اولدوغونو نظره آلارساق، تاریخ بویو ایران ممالیکی محروسه سینده کی دیل و مدنیتلر بو میللتلرین اوولادلاری طرفییندن قورونوب گونوموزه چاتمیشدیر دئیه دوشونمه لی ییک. دئمک، بو خالقلارین کئچمیش تاریخلرینی فارس شوونیستلری و ایستعماری گوجلری کیمی سورقو سوآل آلتینا آلماق دوغرو و دوزگون اولماز دئیه دوشونمه لی ییک. علی اکبر حق پژوه ذات عالی گئنه یازیر:
" ولی شگفتا! کسانی آگاهانه یا ناآگاهانه مفاهیم و مقولات متفاوتی همانند ناسیونالیسم، ملی گرایی و میهن دوستی را با دو مسئله ی پان ترکیسم و ناسیونالیسم کور بی هویت تاریخی را که به دلیل ضرورت بقاء پان ترکیسم بوجود آورده شده است، به هم می آلایند و میان آنها هیچ تفاوتی نگذاشته در نوشتار های خود به کار می برند." (1)
گؤروندوگو کیمی علی اکبر حق پژوه ذات عالی نین قارین آغریسی فارس شوونیزمی و ایستعماری نین ایران ممالیکی محروسه سینه حاکیم اولدوغو اوچون دئییل، اونون قارین آغریسی نی اینسانلارین دیل و مدنیت باخیمیندان بیر قول دئییل، آزاد یاشاماق ایستدیکلری اولوشدورور. دئمک، حزب نژادپرست جبهه ملی فارس تشکیلاتی نین ایران ممالیکی محروسه سینده کی فارس اولمایان ائتنیکلر علیهینیه "اداره آموزش و پرورش"ه یازدیغی مکتوب بیر اینسان اولاراق علی اکبر حق پژوه ذات عالیلری کدرلندیریر دئییل، اوسته لیک اونو داها دا خیالی "ایران باستان" تورپاقلارینی فارس ایستعماریندا ساخلایاجاقلار دئیه خوشبخت و مسعود ائدیر" (5). علی اکبر حق پژوه ذات عالی "ملی گرایی" دئدیکده فارس دیل و مدنیتی ایران ممالیکی محروسه ده کی میللیتلره تحمیل ائده رک فارس دیل و مدنیتی نی اساس گؤتوره رک اونلاری "ملت ایران" دئیه نظرده توتور. بئله لیکله فارس دیل و مدنیتی اطرافیندا "نژادپرستلیک و راسیستلیک" ده "ملی گرایی" دئیه قلمه آلینار. فارس نژادپرستلیک و راسیستلیکلرینه باخمایاراق ایران ممالیکی محروسه سینده کی تورکلرین اؤز دیللرینده اوخویوب یازماق و اؤز مدنیتلری ایله بؤیویوب باشاچاتماق ایسته دیکلری "پان ترکیسم" دئیه قلمه آلینار. بو آرادا علی اکبر حق پژوه اؤز شوونیستلیک و فاشیستلیک گؤروشلرینه دون گئدیرمک اوچون آذرباجانلیلارین تاریخی کیملیکلری فارسدیر(!!) دئیه دونیا ایجتماعیتلری و بیلیم اوجاقلارینی اؤزونه گولدورموش اولار. علی اکبر حق پژوه ذات عالی گئنه ده یازیر:
"... و این حق کشی در مورد اقوام ایرانی (آذری ،کرد، عرب بلوچ و ..) به همراه زیر پا گذاشته شدن دیگر حقوق مسلم مردم ایران موجب شده است که با مرور زمان به دلیل نارضایتی مردم ازحکومت بنیادگرایان، طیفی از نیروهای انرژی دار جامعه به دلیل عدم حضور احزاب سیاسی غیر دولتی و اندیشمندان سیاسی، به شیوه ها ی اعتراض پارازیتی و لومپنیستی روی بیآورند. شکلی از این اعتراضات،ناسیونالیسم کور می باشد." (1)
اوسته گؤروندوگو کیمی فارس شوونیستلری و اونلارین قویروقلاری "ایرانیت" مقوله سی نین دالیندا گیزلنمگه چالیشاراق ایران ممالیکی محروسه سینده کی میللیتلرین، میللی مسئله لرینی سیاسی ماهیتی نی فارسلیق چؤپلوگونه (اشغالخاناسینا) بوشاتماق ایسترلر. سیاسی بیریم (واحید) اولاراق میللی و مدنی ایستکلری ایفاده ائتمک ایسته گن فارس اولمایان تشکیلاتلار علیهینه فارس شوونیستلری و اونلارین قویروقلاری آدولف هیتلر جوهود ائتنیگی علیهینه ایشلتدیگی پارازیت و کارل مارکسین Lumpenproletariat دئیه قاچاقچی، اوغرو، فاحشه و ساییره لر علیهینه ایشلتدیگی ایفاده و دئییملری چئینر توپور ائتمگه چالیشمیش گؤرونرلر. 1848 اینجی ایل ناپلئوون بوناپارت جومهوریت علیهینه حاکیمیت چئوریلیشی ائتمک اوچون بیر سیرا صینیفلره سؤیکه نیردی. کارل مارکس بو صینیفلری Lumpenproletariat آدلاندیریردی. کارل مارکس یازیردی:
"دییوثلار ایله اصلیتی بللی اولمایانلار، فاحیشه لر و جانیلیگی تثبیت اولموش بورژوازیلرین یانی سیرا آوارا، خیدمتدن بوراخیلمیش عسگرلر، دوستاقدان بوراخیلمیش جانیلر، یوک آتدان قاچمیش کؤله لر، عوامفریبلر، شییادلار، اوغرولار، جیب کسنلر، شارلاطانلار، ناموسلارینی باشقالارینا ساتانلار، گئنل ائولرده (فاحشه خانالاردا) قاپیچیلیق ائتمک واسیطه سی ایله قارین دویورانلار، حماللار، پیس شئیلر ایله اوغراشانلار، قایچی ایتیلدنلر، قالایچیلار، گئدالار، نیظام و اینتیظاما اویمایان خالق کیتله سی، فرانسه لیلر طرفیندن "la boh譥 " آدلانانلار... بو مو صینیفلرین چاغریشی، سوپورونتو و تؤکونتوسو؟" (6). کارل مارکس کاپیتال آدلی اثرینده گئدالاری، جانیلری، فاحیشه لری گئرچک آنلامدا Lumpenproletariat آدلاندیریر (7). کارل مارکس صینیف ساواشی مقوله سینده Lumpenproletariat اوزره یازیر: "بؤیوک شهرلرده صنعتی ایشچیلردن فرقلی اولاراق Lumpenproletariat فرقلی کیتله لری اولوشدورار. بو کیتله موختلیف اوغرولار، جانیلردن اولوشار. بونلار توپلومون آشغالیندان تغذیه ائدرلر. بونلار بللی بیر ایش ساحه سینه مالیک اولمایان، آوارا، آیدین یاشاییشا مالیک اولمایان اینسانلاردیرلار. Lumpenproletariat لار باغلی اولدوقلاری میللتین مدنیتیندن آسیلی اولاراق موختلیفدیرلر و اونلارین اوغرولوق خاراکتئلری دانیلمازدیر"(8)
اؤزلرینی کارل مارکس موریدی بیلن علی اکبر حق پژوه ذات عالیلرین آذربایجان میللی فعاللاری، آیدینلاری و سیاسی تشکیلات منسوبلارینا "لومپنیست" ایفاده سینی نیسبت وئرمگه چالیشماسی مسئولیتسیزلیگین یانی سیرا سؤز آزادلیغی و قلم آزادلیغی باخیمیندان دا اخلاقسیزلیق ساییلابیلر دئیه دوشونمه لی ییک. علی اکبر حق پژوه ذات عالیدن اوخویوروق:
".. گسترش این پدیده به دلیل ویژه گی های آن جاذبه هایی دارا می باشد.که منجر به تحلیل رفتن انرژی هایی می شود که اصولا می باید و می تواند برای برداشته شدن گام های اساسی در افرازش و تسریع پروسه ی رَسش به محیطی عادل و دموکراتیک بکار برده شود." (1)
گؤروندوگو کیمی علی اکبر حق پژوه فارس سولچومئابلیغینا قاپیلاراق کارل مارکسین ایشچی صینیفی دئیه بیر سیرا صینیفلره "لومپن/ Lumpenproletariat " دئیه ایشلتدیگی ایفاده یه فارس ایستعمارچیلیق دونو گئیدیرمگه چالیشاراق اونو ایران ممالیکی محروسه سینده کی میللیتلر مسئله سینه نیسبت وئرمگه چالیشمیشدیر. بو مسئله اوزره آرتیق دوراقلادیقدا کئچمیش یازیمیزدا ایشاره ائتدیگیمیز کیمی فارس ایستعمارچی تشکیلاتلاری نین داغیلما قورخوسو بو ایستعمار عامیللری نی چابالاماغا زورلامیش گؤرونور (9). بونلار واقعیتلرین قارشیسیندا دیزه چؤکمک یئرینه عوامفریبلیک ائتمگی داها اوستون حئساب ائدیرلر. بیلیندیگی کیمی دئموکراتیک و عدالتلی موحیط فارس دیل و مدنیتی نین باشقا دیل و مدنیتلره اوستون ساییلماسی ایله دئییل، حوقوق برابرلیگی ایله حیاتا کئچه بیلر دئیه دوشونورسک، ایران ممالیکی محروسه سینده کی میللیتلر هر بیری اؤز میللی کیملیکلری و تشکیلاتلاری ایله اؤزلرینی گئرچک آنلامدا ایفاده ائده بیلرلر. فارس ایستعمار تشکیلاتلارینا "سراسری" آدی قویماقلا ایران ممالیکی محروسه سینده دئموکراتیک و عدالتلی موحیطلر یاراتماق آرزوسو "کویر لوت و کویر نمک" چؤللرینده "سو" دئیه "سراب" دالینجا قاچماقدان آرتیق بیر شئی ایفاده ائده بیلمز دئیه دوشونمه لی ییک. علی اکبر حق پژوه ذات عالی آذربایجان میللی حرکتینی خاریجی عامیللره نیسبت وئرمگه چالیشاراق یاریز:
".. ولی نکته اساسی که از اهمیت ویژه ای برخوردار می باشد؛ این است که چرا این معضل در آذربایجان با دیگر نقاط ایران متفاوت است؟ ... الف ) نیم گذری به چشم انداز ژئو پلتیکی ناسیونالیسم کور :1): حکومت جمهوری آذربایجان : دولت باکو به دلیل احساس عدم امنیت سیاسی که از عوامل زیر ریشه گرفته است:۱ـ عدم توانایی در باز پس گیری منطقه ی قره باغ کوهستانی، که حدوداً بیست و پنج درصد از اراضی این جمهوری را شامل می شود.۲ـ وابستگی های تاریخی و فرهنگی با کشور ایران.٣ـ رویا رویی با بحران هویت تاریخی ،...از طرفی دیگر دولت باکو به دلیل چند پاره گی جغرافیایی با مشکلات طبیعی همانند: عدم وجود مرز مشترک جغرافیایی میان نخجوان و باکو و هم چنین با خاک ترکیه روبرو می باشد. ترکیه که اینک در عدم حضور دولت بنیادگرای ایرانی به کشوری که با دولت باکو روابط و مناسبات دیپلماتیک و اقتصادی و فرهنگی نزدیکی دارد، تبدیل شده است. ... بدین جهت دولت باکو، رها شدن از این گرفتاری ها را در چنگ انداختن به خاک ایران می بیند"(1).
گؤروندوگو کیمی علی اکبر حق پژوه ذات عالی آذربایجان میللی حرکتینی فارس ایستعمارچیلیغی و شوونیستلیگی اوچون بیر آچیلماز دویون (معضل) حئساب ائتمه سینه باخمایاراق بو مسئله یه حلل یولو گؤسترمک یئرینه بو مسئله نی قوزئی آذربایجان جومهوریتی و تورکیه دؤلتلرینه نیسبت وئرمگه چالیشیر. دئمک، دونیا دوزنی نین دگیشمه سینه و سویوق ساواشین سونا ارمه سینه باخمایاراق فارس شوونیستلری و عامیللری پهلوی شاهلاری زامانی چالدیقلاری هاوالارین کؤهنلمه سی نین فرقیندا دئییللر. بیلیندیگی کیمی بیرلشمیش دؤولتلر تشکیلاتی نین ایران ممالیکی محروسه سی اوزره وئردیگی ائتنیک معلوماتینا اساساً آذربایجان تورکلری سای باخیمیندان ایران ممالیکی محروسه سینده کی باشقا ائتنیکلردن او جومله دن فارسلاردان داها چوخ اولدوقلارینا باخمایاراق (10) میللی، مدنی، ایقتیصادی و سیاسی باخیمدان فارس ایستعماری نین سؤمورگه سی آلتیندا یاشایاراق اؤلوم قالیم مسئله سی ایله اوز اوزه دیرلر. دئمک، سای باخیمیندان فارس توپلوموندان آرتیق اولان گونئی آذربایجان توپلومو کئچمیش 100 ایلده ایران ممالیکی محروسه سینده ثبوتا یئتیردیگی کیمی بو ممالیکی محروسه ده تعیین ائدیجی گوجه مالیکدیر. آذربایجان میللتی نین تعیین ائدیجی گوج ایله مدنی بیچیمده حئسابلاشمادان فارس توپلومو ایستعمارچی سیاستی دئییل، اؤز وارلیغینی دا یاشاتما قابیلیتینده اولمایاجاقدیر. باشقا بیر یاندان علی اکبر حق پژوه ذات عالی ایددعا ائتدیگی " وابستگی های تاریخی و فرهنگی با کشور ایران" سؤز قونوسودورسا، نه اوچون فارس شوونیستلری و اونلارین قویروقلاری آذربایجان جومهوریتینی "ایران ممالیکی محروسه سینه" مئییللی گؤسترمک یئرینه بو جومهوریتی ایران ممالیکی محروسه سی اوچون بیر دوشمن کیمی تقدیم ائتمگه چالیشارلار؟ دئمک، کئچمیش 1000 ایلده تورکلر و آذربایجان تورکلری باشدا اولماقلا ایران ممالیکی محروسه سینه حاکیمیت ائتدیکلرینه و فارس دیلینی دیوان دیلی ائتدیکلرینه باخمایاراق بوگون دیل و مدنیت باخیمیندان فارس میللتینه باغلیلیقلاری دئییل، هئچ بیر اورتاق آنلاشاجاق ایپ اوجلاری دا یوخدور. یالنیز تورک سلاله لری تورک دیلینی قوشون، فارس دیلینی دیوان و عربچه نی دین دیلی ائتمکله بو ممالیکی محروسه سه ده سنتی فئدرال سیستیم اساسیندا راحاتلیقلا حاکیمیت ائده بیلمیشلر دئیه دوشونمه لی ییک. علی اکبر حق پژوه تهران حاکیمیتینه توتدوغو پوزیسیوندان یولا چیخاراق تورکیه و آذربایجان جومهوریتی ایلیشگیلرینی" ترکیه که اینک در عدم حضور دولت بنیادگرای ایرانی به کشوری که با دولت باکو روابط و مناسبات دیپلماتیک و اقتصادی و فرهنگی نزدیکی دارد، تبدیل شده است" دئیه قلمه آلمیشدیر. بو یاناشمانین گؤز بویامادان آرتیق سیاسی چکیسی یوخدور. بیلیندیگی کیمی آذربایجان جومهوریتینده فارس دیللی کیلاسلارین قورولماسی و فارسلیغین تبلیغ ائدیلمه سی ایسلام جومهوریسی اورقانلاری واسیطه سی ایله کئچمیش 15 ایلده حیاتا کئچمیش و بوگون ده حیاتا کئچمک اوزره دیر. دیپلوماتیک باخیمدان ایسلام جومهوریسی نماینده لیکلری آذربایجان موستقیل اولدوغو گوندن باکی و نخجوان شهرلرینده اولمالارینا باخمایاراق تبریزده آذربایجان قونسوللوغونون آچیلماسی کئچن ایل حیاتا کئچمیشدیر. دئمک، فارس پوزیسیون شخص و تشکیلاتلاری نین یالانچی ایددعالارینا باخمایاراق آذربایجان جومهوریتینده فارس منافعینی قوروماق اوچون داواملی ایران ایسلام جومهوریسی نین حوضورو اولموشدور. تورکیه و آذربایجان جومهورسی ایلیشگیلرینه گلدیکده دیل و مدنیت باخیمیندان بو دؤلتلر قارداش توپلوملاری ایچرمکده دیرلر. آذربایجان و تورکیه دیلی تورک دیللری نین اوغوز دیل قوروپونا عاییددیرلر. دیل و مدنیت باخیمیندان کئچمیشده اورتاق باغلارا یییه اولان توپلوملارین سیاسی و مدنی ایلیشگیلری نین یاخین اولماسی اولدوقچا طبیعی حالدیر. بو مسئله تهران فارس حاکیمیتی و تاجیکیستان جومهوریتی اوچون ده کئچرلیدیر. علی اکبر حق پژوه ذات عالیدن اوخویوروق:
"... دولت باکو، خلاء تاریخی و فرهنگی ای که از پروسه ی زدایش فرهنگ و تاریخ ایرانی بوجود آورده است با تزریق کردن تاریخ و فرهنگ جعلی و پر نمودن آن با دروغ و فریب بر مردم جمهوری خود، این خلاء تاریخی و فرهنگی را که یکی از مشکلات اش محسوب می شد رفع نموده است"(1)
اوسته گؤروندوگو کیمی علی اکبر حق پژوه سولچولوق ایددعاسیندا اولماسینا باخمایاراق پان ایرانیستلیک و عوامفریبلیک آچیسیندان محمد افشار یزدی، ایرج افشار سیستانی، محسن پژشکپور، هوشنگ طالع، منوچهر یزدیلرین قوللارینی دالدان باغلامیش مقامدا یئر آلیر. علی اکبر حق پژوه ذات عالی نین "خلاء تاریخی و فرهنگی" دئدیگی ایفاده ده فارس دیلی، مدنیتی و تاریخی نظرده توتولور دئیه دوشونمه لی ییک. بو مسئله اوزره یوروم و تفسیری اوخوجولارا بوراخماق ایستردیک. آنجاق علی اکبر حق پژوه ذات عالی نین اوسته ایددعا ائتدیگی"دؤولت باکو .... با تزریق کردن تاریخ و فرهنگ جعلی و پر نمودن آن با دروغ و فریب بر مردم جمهوری خود، این خلاء تاریخی و فرهنگی را که یکی از مشکلات اش محسوب می شد رفع نموده است" مسئله سینه گلدیکده بیلیندیگی کیمی قوزئی آذربایجان جومهوریتی 1918 اینجی ایل اؤز موستقیللیگینی اعلان ائتمیش، 1920 اینجی ایل بو جومهوریتی روسیه بولشویکلری قیزیل اوردو واسیطه سی ایله ایشغال ائده رک سونراکی ایللرده باشقا جومهوریتلر کیمی بو جومهوریته نیسبی دیل و مدنیت آزادلیغی وئرمک زوروندا قالمیشدیر. 1990 اینجی ایل آذربایجان جومهوریتی اؤز موستقیللیگینی یئنیدن الده ائتمیش و بوگون دونیا دؤولتلر تشکیلاتیندا آذربایجان جومهوریتی نین میللی بایراغی دالقالانماقدادیر. دئمک، علی اکبر حق پژوه ذات عالی نین یالاندان قوراشدیردیغی "تزریق... تاریخ و فرهنگ جعلی" مقوله سی اساسسیز گؤرونور. آنجاق "دروغ و فریب" مقوله سینه گلدیکده بو مسئله گونئی آذربایجانلیلارین میللی منلیک و کیملیکلری علیهینه "بنیاد موقوفات محمود افشار یزدی" و فارس راسیستلیگی و فاشیستلیگینی اساس گؤتورموش فارس تشکیلاتلاری و شخصلر طرفیندن اعمال اولموش و علی اکبر حق پژوه کیمی شوونیست قویروقلاریندان دا دستک گؤرموش دئسک، قلمه صاحیبی اولاراق اؤز ویجدانیمیزا بورجلو قالماریق. علی اکبر حق پژوه ذات عالی سیاست زمینه سینده الی آیاقدان داها آرتیق اوزاتدیقدان سونرا آذربایجان آدینی اویستا کیتابی ایله علاقه دار گؤسترمگه چالیشیر، اوخویوروق:
" آثروپاتگان از ریشه / araTa / آ ثر / athra اوستایی + /پات/ به معنی نگاهبان و پاینده )+ گان پسوند محل،ش ک ل گرفته است(که در زبان امروزی آذری به همان معنی / اُت/ : آذر، آتش) است (قابل ذکر است که واژه ی "اوت" به معنی آتش در زبان آذری که در ترکی نیز رایج شده است به هیچ وجه ترکی نیست." (1).
بیلیندیگی کیمی زردوشت اوچون نیسبت وئریلن اویستا/اوستا دیل دئییل، کیتاب آدیدیر. بو کیتابین یازیلیشی 1300 میلاد ایللرینه عاییددیر(11). اوندان اؤنجه کی تاریخلره عایید اویستا دئیه زردوشت کیتابی بوگونه دک تاپیلمامیشدیر. دئمک، بیر کلمه نی دیلچیلیک باخیمیندان نیسبت وئررکن "اوستایی" دئمک دیلچیلیک مقوله سیندن اوزاق گؤرونور. بونلارا باخمایاراق "آثروپاتگان" کلمه سی نین arata /آثر کلمه لریندن دوزلیشینی ایددعا ائدن ذات عالیلر مورفولوژیک باخیمدان arata / آثر کلمه لری نین آرالاریندا نئجه دگیشیم اولدوغونا داییر آچیقلیق گتیرمه لیدیرلر. معده گوجونه هر هانکی بیر کلمه نی اورتایا آتماقلا بیر مطلبی دئمگه چالیشماق بیلیم ساحه سیندن اوزاق گؤرونر. آنجاق "اوت"(آتش) کلمه سینه گلدیکده بو کلمه تورکچه دیر. بوگون آذربایجان ادبیات دیلینده "اود" کیمی قبول اولموش کلمه آذربایجان دیلی نین لهجه لرینده "اوت و اود" بیچیملرینده ایفاده اولونار. آنجاق بو کلمه موختلیف تورک دیللرینده هانکی آنلام داشییار و نئجه ایفاده اولونار و مسئله سینه گلدیکده تورک دیللری نین سؤزلوکلرینی واراقلامالی اولاریق.
اوت: آذربایجان ادبیات دیلینده "اود"(آتش)، تورکمنجه "اووت"(آتش)، اؤزبکچه "اوت"(آتش)، قیرقیزچا "اوت"(شعله آتش)، تاتارچا "اوت"(آتش، نور، تیراندازی)، یاقوتچا "اووت"(آتش)، اسکی تورکچه "اوت"(آتش).(12)
گؤروندوگو کیمی "اوت و اود" کلمه لری هر ایکیسی تورکچه دیر. یالنیز تاتارچادا "اوت" بیر نئچه آنلام و معنی داشیماقدادیر. دئمک، دیللر و مدنیتلر اوزره بیر مطلب ایفاده ائتمگه دوشونرکن علی اکبر حق پژوه و اونون ایکیزتایی منوچهر مرتضوی کیمی دئییل، بیلیم پیرینسیبلرینه اؤزن (دیققت) گؤسترمک یارارلی گؤرونر دئیه دوشونمه لی ییک. علی اکبر حق پژوه ماشالله رزمی بگین "مسئله ملی آذربایجان"(13) آدلی یازیسیندان حیددتله نه رک یازیر:
"هرچندکه به نظر نگارنده آقای رزمی به درستی بربعضی نکات انگشت گذاشته اند که درخور تامل و اندیشه هستند؛اما بی رو دربایستی عرض نمایم که از قلم این گونه نگاره گری ها بوی شدید برتری قومی احساس می شود. به یکی ازجمله های این نوشتار که در مقایسه با دیگر جملات بیان خیلی ملایم تری دارد دقت کنید : « زبان ترکی یکی ازکامل ترین زبانهای دنیا است وحکومت مرکزی حاضر نیست طبق قانون خودش عمل کند.!!» تنها دراین جمله دو سوء درک از مفاهیم واژه ها و برتری جویی قومی و تحقیر دیگر اقوام ایرانی و ملتهای جهان نهفته است" (1).
گؤروندوگو کیمی فارس شوونیستلری نین ترسینه ماشالله رزمی نین تورک دیلینی کامیل بیر دیل آدلاندیرماسی فارس شوونیستلری و اونلارین قویروقلارینی راحاتسیز ائده جک مقاما چاتیر. بو دوغرولتودا امیر حسین خنجی ده خضبلاتی نی اورتایا قویماغا چالیشمیشدیر (14). کئچمیش 80 ایلده آذربایجان دیلینی فارس دیلی نین بیر شیوه سی آدلاندیرماق، آذربایجانلیلار مدنی اولماق اوچون اؤز تورلوکلریندن واز کئچمه لیدیرلر، باشقا حالدا ائششک قالاجاقلار(!!)" ایفاده لری علی اکبر حق پژوه ذات عالیلر اوچون لای لای حئساب ائدیلیرمیش. بللی اولدوغو کیمی ایران ممالیکی محروسه سی نین فارس ایجماعلاریندا تورک دیلی نین بیر دیل کیمی مطرح اولماسی فارس شوونیست قویروقلارینی ناراحات ائتمیش اولار و تورک دیلی نین یئتنک و قودرتیندن سؤز صؤحبت آچماق دولاییلی اولاراق نژادپرست قلمه آلینار. علی اکبر حق پژوه ماشالله رزمی بگه اینسانلیق درسی وئرمگه چالیشارکن یازیر:
".. تمامی زبانهای ایرانی جزو خانواده ی زبانی بزرگی که هند اروپایی خوانده شده اند از سوی زبان شناسان جهان تقسیم بندی گردیده اند. اصولا زبان ها را برای قراردادن آنها دریک گروه خانواده ی زبانی با متدهای تاریخی و تطبیقی یعنی مقایسه همانندی ها از نظر ساختاری و واژه های بنیادی آنها و زبان منبا ی آنها و آثار به جامانده ی از دیرینه گان آن و ذخیره ی اصلی واژه گان زبانها تقسیم بندی می کنند . نه برای خاطر همسایه بودن آن با کشوری یا داشتن دین و مذهب مشترک گویشوران دو زبان متفاوت".(1)
اوسته قالین بلیردیگیمیز عیبارتلر اوچون فیکیر اورتایا قویماق پیس اولماز دئیه دوشوندوک. فارس شوونیستلری نین "هند ژرمن" دیل قوروپونا "هند اوروپایی" آد وئرمه لری اونلارین "فرنگ" حئیرانی اولدوقلاریندان ایلری گلن مسئله دیر. بیلیندیگی کیمی آوروپادا موختلیف دیل قوروپلاری وار، اؤرنک اولاراق: ایسلاو، ژرمن، لاتین و ساییره. فارس دیلی نین اوزون کئچمیشده قرابتی لاتین و ایسلاو دیل قوروپلاری ایله دئییل، ژرمن دیل قوروپو ایله دیر.
اوسته گؤروندوگو کیمی مسئله آذربایجان تورکچه سینه گلدیکده بو دیلین تورک دیل قوروپونا عایید اولماسی نین آیدینلاشماسی دا قونشو مملکتلره نیسبت وئریلزسه، بیر سایدا راسیستلرین نظرینجه میدان فارس شوونیستلری و اونلارین قویروقلارینا آذربایجان دیلینی فارس دیلی نین بیر شیوه سی کیمی گؤسترمک اوچون ایمکان یاراتماز. بو نیسبت وئرمه لر و عوامفریبلیکلر اؤز یئرینده دورسون آذربایجان دیلی نین التصاقی و فارس دیلی تحلیلی دیل قوروپلارینا عایید اولماسینا داییر بو راسیستلر هانکی جاوابی وئره بیلرلر؟
فارس دیلینده "نوشتن" فعلی صرف اولارکن "نویسم، نویسی، نویسد، نویسیم، نویسید، نویسند" حالینی قبول ائتمک مجبوریتینده قالار. آذربایجان دیلینده ایسه "یازماق" صرف اولارکن "یازام، یازاسان، یازا، یازاق، یازاسینیز، یازالار" حالینی اوستلنمیش اولار. گؤروندوگو کیمی فارس دیلینده فعل مجبوریت قارشیسیندا بیچیمینی کامیلاً دگیشمک زوروندا قالار. تورک دیللرینده ایسه فعلرین کؤکو دگیشمز قالاراق شکیلچیلر آرتماقلا موختلیف زامانلار اوچون صرف اولونار. بو مسئله لری گؤزدن کئچیررکن، تورک دیللری اوزره نظر وئرمک نژادپرستلیک ایتتهامی دئییل، بیلگی و معلومات طلب ائدر. بو دا فارس راسیستلری و اونلارین قویروقلاری نین آرزو و ایستکلرینه جاواب وئرمز. علی اکبر حق پژوه گئنه یازیر:
"۲ـ آنچه و آنکه موجب جلو گیری از آموزش زبان آذری (نه ترکی) شده و می شود. اولا سیستم دیوانی است که از قبل وجود داشته و در برهه های مشخص زمانی از طرف تمامی اقوامی که به ایران حکومت کرده اند بوجود آمده که اکثرا هم بعد از فرو پاشی دولت ساسانیان، اعراب و ترک ـ مغول ها بوده اند و تنها گاهی ایرانیان بر مسند حکومت بوده اند. یعنی هیچ پارسی یا هیچ آذری و لر و کردی یا بلوچی به دلایل زیاد که یکی از آنها زرتشتی بودن و شیعه بودن ایرانیان بود و از نظر شرعی و سیاست جاری آن زمان فرصت و امکان بدست آوردن قدرت دولتی و یا حکومتی نداشتند ـ تا به غزنویان، سلاجقه، و مغول ها و تیموریان و قراقویونلوها ، و قاجارها دستور صادر کنند که شما باید به زبان پارسی سخن بگویید." (1).
اوسته گؤروندوگو کیمی آچیقجا علی اکبر حق پژوه آذربایجان دیلینی تورک دیللری سیراسیندا قبول ائتمک ایسته مه یه رک "ایرانیت" آدی نین دالیندا گیزلنمگه چالیشاراق آذربایجانلیلاری جعلی اویدوردوقلاری "پارسی"(حاشیه/ کنار) قلمه آلماغا چالیشار(15). بیلیندیگی کیمی بوگون فارسچا آدلانان دیل کئچمیشده "دری" آدلانیردی و بوگون ده افغانیستاندا "دری" آدلانار. علی اکبر حق پژوه ذات عالی نین عوامفریبلیگینه اساساً بو "ایرانیان پارسی زبان"(آذربایجان تورکلری، لور، کورد و بلوچ) حکومتی اله کئچیرمک و فارس شوونیستلری 20 اینجی عصیرده ائتدیکلری کیمی غزنه لیلری، سلجوقلولاری، مغوللاری، تئیمور اوغوللارینی، آق قویونلو و قارا قویونلو و قاجار حاکیمیتلرینی سیلاح گوجونه فارسلاشدیرما ایمکانینا مالیک اولمامیشلار. فارس دیلی نین غزنه لیلر و سلجوقلار واسیطه سی ایران ممالیکی محروسه سینه گتیریلدیگینی و دیوان دیلی ائدیلدیگینی نظره آلارساق، "اؤلو دؤنموش دیرینی یویور" ایفاده سی سرگیلنمیش اولار. زردوشتلوک و شیعه لیک مسئله سینه گلدیکده کئچمیش یازیلاردا ایشاره ائتدیگیمیز کیمی زردوشتون پیغمبر اولماسی دا شک و شوبهه آلتیندادیر. زردوشتلوک دئیه بیر دین ایران ممالیکی محروسه سینده رسمی بیر دین اولسایدی، زردوشته نیسبت وئریلمیش متینلر و آیینلر هندوستانا قاچمیش یالانچی زردوشتلر طرفیندن قورونوب ساخلانار و 1300 ایل میلاددان سونرا بیر سایدا کیملیکلری بللی اولمایان ذاتلار طرفیندن اوستا دئیه زردوشت آدینا کیتاب یازیلمازدی. شیعه لیک مسئله سینه گلدیکده ایلک اولاراق قاراقویونلولارین حاکیمیت دؤنملرینده شیعه لیک آذربایجاندا یاییلماغا باشلامیش و صفویلر زامانی باشدا شاه ایسماعیل اولماقلا شیعه ایران ممالیکی محروسه سینده حاکیمیت دینی اولموشدور. بوگون "ایرانیت" و "شیعه لیک" آدلاری نین دالیندا گیزله نه رک فارس شوونیستلیگی و فاشیستلیگینی تبلیغ ائتمک ایستر تاریخی باخیمدان، ایسترسه ده اینسانی و مدنی باخیمدان هئچ کیمسه یه باشی اوجالیق گتیره بیلمز دئیه دوشونمه لی ییک. علی اکبر حق پژوه ذات عالی گئنه ده یازیر:
" البته در رابطه با تحقیقات تورکولوژی و زبان شناسی که فرموده اند. درآنها زبان آذری به عنوان شاخه ای اززبان ترکی به اثبات رسیده مسئله ای است که نگارنده شخصا با دلایل علمی که نیاز افتد می توانم ارائه دهم ، این نظرات را قبول ندارم." (1)
گؤروندوگو کیمی پان ایرانیستلر او جومله دن علی اکبر حق پژوه لار عئلیم و بیلیم ایله ده موخالیفت ائتمک ایسته ییرلر. بئرتولت بئرئشت بو دوغرولتودا یاخشی دئمیش:
"گئرچکلیگی و حقیقتی بیلمه گه جاهیل، بو مسئله نی بیله رک اینکار ائدن ایسه فاسیقدیر". گالیله کشفیاتی ایله موخالیفت ائدنلر کیمی عئلیم و بیلیمه قارشی چیخان ذات عالیلر دا زامانین چرخی آلتیندا بوغولاجاقلار. دئمک، علی اکبر حق پژوه ون آذربایجان دیلینی تورکچه تانیمادیغی آذربایجانلیلارین تورک اولدوقلاریندان هئچ نه اسکیک ائتمز. "دگیرمن دارتدیغینی دارتار، چاق چاغا گورولتو قالار". علی اکبر حق پژوه ماشالله رزمی بگه گئنه یازیر:
"... نوشته اید: دوران طلایی آذربایجان! شما کدام دوره ها را منظور نظر دارید مغول ها را ،قرا قویونلو ها را ، آق قویونلو ها را یا قاجار ها را که بیشتر از یک سوم خاک میهن مان را در نتیجه بی لیاقتی ها به روس ها واگذار کردند. حال اینها چگونه به مردم آذربایجان ارتباط خونی پیدا می کنند از چه زمانی اینها آذربایجانی بوده اند؟ غیر از دو سلسله زندیه و صفویان که بنیاد گزار آن شاه اسماعیل هم نیمه ایرانی نیمه ترکمن بود تاریخ درآن هفت صد هشت صد سال، ایرانی دیگری را که بر تخت سلطنت نشسته باشد بخود ندیده است." (1)
گؤروندوگو کیمی علی اکبر حق پژوه ذات عالی یالنیز آذربایجان دئییل، ایران ممالیکی محروسه سینه حاکیم اولموش و بو ممالیکی محروسه نین تقدیرینی بلیرله میش سیلسیله لرین تاریخینی دانماغا چالیشیر. ایران ممالیکی محروسه سینده آذربایجان تجددودلوک حرکتینی، او زامان آذربایجاندا یئنیلنمگه دوغرو فیکیر یوکسه لیشینی نظره آلارساق و او زامانلا بوگونکو گونئی آذربایجانین دورومونو قارشیلاشدیرارساق، او زامان ایران ممالیکی محروسه سی نین باشقا یئرلری ایله موقایسه ده آذربایجانین دورومو قات قات ایلریده اولدوغو اورتایا چیخار. تبریز ایران ممالیکی محروسه سی نین پایتختی و ولیعهدنشین شهری اولارکن، آذربایجان ایران ممالیکی محروسه سی نین بوغداسینی تأمین ائدرکن، تبریزده چاپ دستگاه لاری و گئنیش یایین باسین اورگانلاری اولارکن آذربایجانین ایلریده اولدوغوندان سؤز آچماق او قدر ده یالنیش اولمازدی. آنجاق بو مسئله پان ایرانیستلرین نه اوچون زورلارینا گئدیر دئیه دوشوندوکده، آذربایجان ایجتماعیتینی فیکیر باخیمیندان کئچمیش 80 ایلده کی کیمی قیسیر ساخلاماغا چالیشماق پان ایرانیست، شوونیست و فارس ایستعماری گوجلری نین بیرینجی هدفلریندن حئساب ائدیلر. علی اکبر حق پژوه گئنه ده ماشالله رزمی بگه یازیر:
" نوشته اید ملت آذربایجان! بر تمام ایران حکومت می کرد! دوست عزیز ! واقعا متوجه می شوید که چه نوشته اید! یعنی می فرمایید که از چند صد سال پیش ، ملت ـ دولت در ایران ، به توسط چنگیزها و تیمورلنگ ها، اوزون حسن ها، آقا محمد خان ها و فتحلی شاه ها بوجود آمده بوده است.کدام یک از نهادها و عناصر سازنده ای که در ساختار ملت ـ دولت باید وجود ملموس داشته باشند، در آن زمان حتی وجود ذهنی وآبستراکت داشتند؟ دولت ـ ملتی که هنوز مقوله ای ذهنی است و شکل عینی کامل به خود نگرفته است. ما هنوز حکومت کردن نه از جنس طلایی هیچ ملتی را بلکه حتی نقره ای اش را هم در این جهان متمدن معاصر کاپیتالیسی نمی بینیم ، چه رسد به دوران فئودالیسم و خان خانی آن سده ها ." (1)
اوسته گؤروندوگو کیمی فارس شوونیستلری و اونلارین قویروقلاری خلع سیلاح ائدیلدیکده میللت مقوله سی نین یئنی بیر مقوله اولدوغونو قبول ائتمیش اولارلار. عکس حالدا ایران میللتی دئیه بو ممالیکی محروسه نی کوروش و داریوشا باغلاماغا چالیشاراق بو ممالیکی محروسه سی نی ده ده لری نین شخصی مولکو، فارس اولمایان باشقا ائتنوسلاری ایسه سونرادان گلمه قلمه آلماغا چالیشارلار. آنجاق ایران ممالیکی محروسه سینی نئجه گونوموزه گتیرمک مسئله سی اوزرینده دایاندیقدا کئچمیشده خان خانلیق و سولطانلیق مسئله سی وار ایمیش دئیه 2500 ایل بوندان قاباق کوروش کبیر و داریوش بزرگ وار ایمیش دئیه توپوردوکلرینی بیر داها سو یئرینه ایچمگه چالیشارلار، بودور فارس عوامفریبلری و قویروقلاری نین منطیقلاری!! تاج الملوک فارس تشکیلاتلاری نین ایکی اوزلولوکلری اورزه یاخشی دئمیش:
"خدمت شما عرض كنم مردم ايران وايرانی جماعت گوسفند امام رضا را تا صبح نمی‌چرخاندند! اين حرف را من نمی زنم واين يك ضرب المثل قديمی است وبه قول معروف تا نباشد چيزكی مردم نگويند چيزها! وقتی خودشان اين ضرب المثل‌ها را درباره خودشان ساخته اند مسلم است كه خودشان را بهتر ازمن وشما می‌شناسند! نه می‌شود روی مخالفت اين مردم حساب كرد و نه روی حمايت آنها!!"(16).
مملکت فورماسی اولاراق بوگونکو ایران ممالیکی محروسه سی نین قوروجوسو شاه ایسماعیل صفوی اولدوغونو و شیعه مذهبی نی ایران ممالیکی محروسه سینده رسمی ائتدیگینی آرتیق هامی بیلیر. دئمک، آذربایجان توپلومو کئچمیشده ایران ممالیکی محروسه سینده تعیین ائدیجی رول اوینامیشدیر. بو مسئله نی دانماغا چالیشماق حیماقتدن آرتیق کیمسه یه نصیب ائتمز.
قایناقلار و اتک یازیلار:
1 مروری کوتاه بر ناسیونالیسم کور بدون هویت تاریخی - ۳
http://www.akhbar-rooz.com/article.jsp?essayId=2632
http://www.kar-online.com/melli/melli-natiokur-a-haqpeZuh-070285.html
2 علی اکبر حق پژوه: مرورى كوتاه بر ناسيوناليسم كور : پان تركيسم و پان عربیسم-1
http://www.shamstabriz.com/kar-nasionalism.htm
2.1 علی اکبر حق پژوه: مروری کوتاه به ناسیونالیسم کور (۲) : ناسیونالیسم کور بدون هویت تاریخی. http://www.akhbar-rooz.com/article.jsp?essayId=2468
3 ایشیق سؤنمز: فارس سول تشکیلاتلاری نین ساققیزلاری نین چورومه مسئله سی:
http://www.shamstabriz.com/sonmaz-fars22.htm
4 ائنئریژئتیک: بیر فلسفی گؤروش. بو گؤروشه اساساً ائنئریژی بوتون وارلیقلارین اساسی ساییلار.
5 اعتراض جمعی از اعضای جبهه ملی ايران به يك تصميم وزارت آموزش و پرورش، پنجشنبه 23 بهمن 1382: http://news.iran-emrooz.de/more.php?id=3041_0_7_0_M
6 Karl Marx, 18. Brumaire, MEW 8, S. 160f
7 Karl Marx, Kapital I, MEW 23, S. 673.
8 Karl Marx, Klassenkämpfe 1848,1850, MEW 7, S. 26.
9 ایشیق سؤنمز: فارس سول تشکیلاتلاری نین ساققیزلاری نین چورومه مسئله سی-2: http://www.shamstabriz.com/sonmaz-fars22.htm
10 Languages of Iran: http://www.ethnologue.com/show_country.asp?name=Iran
11 ایشیق سؤنمز: اویستانین یازیلیشی: پان ایرانیستلرین دیل و مدنیت تحریف ائتمه مسئله لری! http://www.shamstabriz.com/sonmaz-paniranist.htm
12 آذربایجان دیلی نین ایضاحلی لوغتی، جیلید 1- 4، باکی 1966. تورکمنچه- روسچا سؤزلوک، موسکوا، 1968. اؤزبک تیلینینگ ایضاحلی لوغتی، جیلید 1 – 2، موسکوا 1981. قیرقیزچا- اوروسچا سؤزدوک، موسکوا 1965. تاتارچا- آلمانچا سؤزلوک، ویسبادئن 1989(یازار: تاموربک داولئت چین). اوتتو بوتلینگک، یاقوت دیلی، هاگوء 1964. اورحون یازیتلاری (تالات تکین) ایستانبول 1995. اسکی تورک یازیتلاری (حسین نامیق اورکون) آنکارا 1987.
13 ماشالله رزمی: مسئله ملی آذربایجان:
http://politic.iran-emrooz.net/index.php?/politic/more/7612
14 امیر حسین خنجی: پان‌توركيستها و آرزوی پاره‌پاره شدن ايران:
http://politic.iran-emrooz.net/index.php?/politic/more/7657/
15 ناصر پورپیرار، منشاء بيماری هموطن ستيزی و تجزيه طلبان فارس: http://www.shamstabriz.com/porpirar-bimary.htm
16 خاطرات تاج الملوک: ايرانی گوسفند امام رضا را تا صبح نمی چراند!
http://hafteh.peiknet.com/04azar/hafteh_page/63taj.htm
ایشیق سؤنمز 03.05.2006