فداییان خلق فارس تشکیلاتینا پادوچولوق ائدنلرین قورولتای تکلیفلری
بیلیندیگی کیمی ایران ممالیکی محروسه سینده میللی مسئله نین گوجلنمه سی فارس (ایستر ساغ و ایسترسه ده سول مئاب) تشکیلاتلاری نین کورکونه بیره سالمیش مقامدا یئر آلیر. اونلار کئچمیشده ایران ممالیکی محروسه سینده میللی ظولمو اؤرت باسیر ائتمکلری نین یانی سیرا یئری گلدیکده بو مسئله دن اؤز گؤروشلری (ایدئولوژی لری) اوچون ده فایدالانماغا چالیشمیشلار. بو دوغرولتودا بهزاد کریمی، فارس اکثریت تشکیلاتی نین سیاسی کمیته سی نین عوضوو یازیر:
"عامل نخست، ناشى از ديدگاه چپ بود که طبق آن آزادى ملى بايد سکويى براى رهايى از ستم طبقاتى باشد و بهمين دليل هم انديشه ناظر بر سياستگزارى و نيز ساختمان تشکيلاتى بايد بر حفظ "وحدت پرولترى“ استوار گردد. مطابق اين اصل راهنما، هر فرد چپ صرفنظر از تعلق مليتى خود مى بايد در حزب سراسرى عمل کند و در درون حزب هم، نبايد هيچ ويژگى ملى وارد ساختار شود. در حزب سراسرى چپ حتى اين تمايل نيز عمل مى کرد – و البته هرچه به گذشته دورتر برويم شديدتر عمل مى کرده است – که تشکل‌هاى ملى مترقى را به نوعى اندامواره خود بکنند تا مبارزه براى آزادى ملى، در خدمت آزادى از ستم طبقاتى سير نمايد."(1).
بو گؤروشلره اساسن هر بیر میللی حرکت "ایشچی صینیفی نین قورتولوشو" خیدمتینده بو ذاتلارین گؤروشونده قلمه آلینماسایدی، بورژوا عامیلی و امپیریالیست یانچیسی حئساب ائدیله رک بو تشکیلاتلار و اونلارین یانچیلاری نین قضبینه توش گله رک مرکزی حاکیمیت کؤمگی ایله باسدیریلاردی. بهزاد کریمی نین ایفاده سینه اساسن آذربایجانداکی خالق مسلمان حرکتی ده فارس سول مئاب تشکیلاتلارینا حاکیم اولموش بو گؤروشون قوربان ساییلمالیدیر. بو اوسته کی سؤزلر بهزاد کریمی نین اورتایا آتدیغی فیکیرلردیر. مسئله نین اوزرینده آرتیق دوراقلادیقدا بو سؤزلر هامیسی باهانه ساییلمالیدیر. هر هانکی بیر میللته عایید تشکیلاتلار یارانمادان نئچه میللی مسئله سؤز قونوسو اولابیلر دئیه داها آرتیق دوشونمه لی ییک. بیلیندیگی کیمی بوگون ده فارس تشکیلاتلارینا آلت اولموشلار ایران ممالیکی محروسه سینده کی میللی و مدنی حرکتلری پان ترکیست و پان عربیست و یئری گلدیکده اونلاری امپیریالیست یانچیسی آدلاندیریرلار(2، 2.1، 2.1.1). میللی اؤزللیک (ویژه گی) مسئله سینه گلدیکده بیلیندیگی کیمی بوتون فارس تشکیلاتلاری ایران ممالیکی محروسه سینده کی فارس اولمایان دیل و مدنیتلری محلی (خرده فرهنگ)، فارس دیل و مدنیتی نی ایسه "زبان و فرهنگ ملی" دئیه دونیا ایجتماعیتینه سرگیله مه گه چالیشمیشلار. بوگون ده اونلار فارس موسیقی سینی "موسیقی "اصیل ایرانی" آدلاندیرماقدان اوتانمازلار. دئمک، فارس موسیقی سی و دیلی "اصیل ایرانلی" ساییلدیقدا باشقا موسیقیلر ودیللر سس سیزجه "بدل ویا غیر ایرانلی" ساییلارلار. اوندان یانا دا بو تشکیلاتلارین رسمی اورقانلاری فارسچا، آذربایجانلی یانچیلاری نین سیاسی دانیشیق و اوتوروم دیللری و اؤزلری تورک اولدوقلارینا باخمایاراق %90 اوشاقلاری نین بیرینجی دیللری فارسچا اولاراق آذربایجان دیل و مدنیتی بو ذاتلار طرفیندن اونوتقانلیق (فراموشکاری) آرشیوینه آتیلمیش اولار. بئله لیکله، وئریلن بیلگیلره اساسن سایی فارسلاردان چوخ اولان تورکلرین دیلی ایران ممالیکی محروسه سینده محللی ساییلار و ائتنیک باخیمدان بیر آزلیق کیمی بیلینن فارس توپلومونون دیلی بو ذاتلار طرفیندن رسمی و سراسری آدلانار (3). بودان یانا دا آتالار یاخشی دئمیشلر: اوغرونو سفره باشیندا آختارماق لازیم". آذربایجانلی نین دیل و مدنیتی نی کیچیمسه مه گه و یئری گلدیکده کیچیک سایماغا شراییط یارادانلار اؤز منلیک و کیملیکلرینه اؤزگه یاشامیش آذربایجانلیلار اولموشلار(4). بونلار نئهیلیست اولدوقلاری اوچون اؤز گؤروشلرینه اویقون تشکیلات یاراتماق یئرینه فارس تشکیلاتلاریندا پادوچولوق ائتمه نی اؤزلری اوچون شرف حئساب ائتمیشلر. اوسته لیک اؤز یانلیش داورانیشلاریندان برائت ائتمک یئرینه بوگون ده فیکیر یئریدرکن ایکی دره بیر سره دئیه مختلیف واریانتلاری گؤتور قوی ائدیریک دئیه گئنه ده فارسچیلیق سیاستینی داها اوستون توتماغا چالیشیرلار. بو مسئله اوزره بهزاد کریمی ذات عالیدن اوخویوروق:
"
اگر نقطه عزيمت اين باشد که دموکراسى در ايران مستقر شود، ايران دموکراتيک واحد
بماند، و در آن برابرحقوقى ملى و حق شهروندى تأمين گردد آنگاه ساماندهى به يک اتحاد
گسترده ميان مدافعان اين باورها، نياز ضرور همگان، وظيفه مشترک عمومى و زمينه عمل
دستجمعى ما خواهد شد.
اگر بخواهيم در اين مسير پيش برويم، پاى پلاتفرم مشترکى بايد رفت که بر اشتراکات
تکيه دارد و اين اشتراکات را در چند موضوع مضمونى و با بيان صريح مبناى توافق قرار
مى دهد. توافق‌کنندگان مى پذيرند که ترم‌هاى حساسيت‌برانگيز را در پلاتفرم نياورند،
از اصرار بر آوردن " حق تعيين سرنوشت " و " تماميت ارضى " در آن خوددارى
کرده و تنها" ايران واحد و دموکراتيک" را وفق مشترک خود قرار دهند.
پلاتفرم مشترک بر اشتراک ساختار غيرمتمرکز براى ايران آينده مى ايستد ولى از ورود
به نوع مشخص چنين ساختارى اجتناب مى کند. پلاتفرم مشترک تصريح مى کند که در ملت
ايران، مليت‌هاى آذربايجانى، کُرد، ترکمن، بلوچ و غرب از تبعيض و تحقير ملى رنج
مى برند و بر اراده متحد براى برچيدن چنين تبعيض و تحقيرهايى تاکيد مى ورزد.
کارپايه مشترک، رسميت همه زبان‌هاى متفاوت در کشور را مى پذيرد و زبان فارسى را
زبان مشترک همه ايرانيان براى ايران واحد دموکراتيک مى داند"(1).
اوسته ایشاره ائتدیگیمیز دک ایکی دره بیر سره فیکیر یئریتمه سیاستی بهزاد کریمی نین یازیسی نین تملینی اولوشدورور. بیر یاندان دمکراسی مقوله سینی اؤنه چکیر، باشقا یاندان میللتلرین اؤز گله جکلری نی بلیرله مک قارشیسیندا "ایران واحد" مسئله سینی شرط قویور. بئله لیکله بیر عؤمور "حق تعیین سرنوشت حق مسلم خلقهاست" دئیه چئینه دیکلری ساققیز چوروموش اولور. بیر یاندان ایران ممالیکی محروسه سینده مختلیف میللیتلردن آد آپاریر، باشقا یاندان "ایران میللتی" ایفاده سی نی ده یئدک چکمه گه چالیشیر. بیر یاندان بوتون دیللرین رسمی اولماسینی ایسته ییر، باشقا یاندان فارس دیلینی بو میللیتلر اوچون اورتاق دیل دئیه فارسلیق سیاستی یئریتمکدن ده چکینمیر. بو چلیشگه لی پوزیسیونلار فیکیر باخیمیندان بهزاد کریمی جنابلاریندان ساغلام فیکیر یئریتمک مقامینی آلمیش اولور. دئمک، فارس ائتنوسو باشقا دیل و مدنیتلری اؤیرنمک ایسته مه دیگی دورومدا باشقا دیل و مدنیت صاحابلاری هانکی برابرلیک اساسیندا فارس دیلینی اؤیرنمگه مجبوردورلار؟ بو فارس تشکیلاتیندا اؤزونو دئموکرات کیمی تقدیم ائدن بهزاد کریمی ذات عالی نین ایران ممالیکی محروسه سینده کی میللیتلر اورزه گؤروشلریدیر. باشقا اؤزلرینی دئموکرات سایان و فارسلیق اوچون دری قابیقدان چیخانلارین بیری ده علی اکبر حق پژوه آدلی ذات عالیدیر. بو ذات بو سیرا فارس تمامیتچیلریندن داها دا تمامیتچی اولاراق اؤز منلیک و کیملیگینه اؤزگه لشدیگی اوچون فداییان خلق ایران (اکثریت) آدلی تشکیلاتدا آذربایجان میللی مسئله سی علیهینه بیر فارس باستانگرایی کیمی تیلوو تیلوو ائتمه گه چالیشیر (2، 2.1، 2.1.1). بو ذات تاپینتی خیال ائتدیگی مقاله سینه سیاسی دون گئیدیرمگه چالیشاراق ایران ممالیکی محروسه سینده میللی مسئله یه قارشی قویماق اوچون گؤروشلرینی اکثریت تشکیلاتی نین اونونجو قورولتایینا بیر تکلیف کیمی سونماغا (تقدیم ائتمگه) چالیشاجاق گؤرونور. کار آنلایندا یایینلانمیش بو تکلیفین بعضی پاساژلارینی گؤزدن کئچیرمک پیس اولماز دئیه دوشونوروک:
"مسئله قومى و زبان مادرى: ايران كشورى است تاريخى با پيشينه چندين هزار ساله؛ به دليل موقعيت خاص جغرافياى آن مركز گذر و سكونت اقوام مختلف بوده است؛ به دليل ويژگى‌هاى خاص خود و بافت در هم تنيده آن از نقطه نظر فرهنگى و اقتصادى و... اين اقوام به طور مشترك ملت واحدى را به نام ملت ايران ساخته‌اند"(5).
اوسته کی پاساژا دیققت یئتیردیکده بورادا علی اکبر حق پژوه طرفیندن اورتایا آتیلمیش گؤروشلرده میللیتلر و اونلارین دیللری مسئله سی دئییل، فارس تمامیتچیلیگی و عوامفریبلیگی گؤزه چارپماقدادیر. دئمک، کئچمیش تاریخی اؤزلرینه گوزگو (آینا) ائتمگه دوشوننلر تاریخ مقوله سینی سیاسی گؤوشلره یئم ائتمک دئییل، تاریخده کی حاکیمیتلرده خالق ایجتماعیتی نین اویناییب و اوینایامادیقلاری روللاری ده نظره آلمالیدیرلار. بو باخیمدان کئچمیش حاکیمیتلرده میللیتلرین کؤنوللو بیربیرلری ایله یاشاییب یاشامادیقلاری دئییل، حاکیمیت باشچی سی ائل (عشیرت) واسیطه سی ایله اؤزونو بو ایجتماعیتلره تحمیل ائتمیش دئیه دوشونمه لی ییک. بو تحمیل ائتمه لر چوخ واقتلار قانلی چاتیشمالارا یول آچمیش زامان گئدیشی ایله ایلیملاناراق (ملاییمله شه رک) بیر حاکیمیت چاتیسی آلتیندا ممالیکی محروسه دئییمی نین یارانماسینا یول آچمیشدیر. بو ممالیکی محروسه دئییمی یالنیز "ایران ممالیکی محروسه سی (ممالک محروسه قاجار)" دئییل، کئچمیشده عثمانلیلار حاکیم اولموش توپراقلار اوچون ده "عثمانلی ممالیکی محروسه سی" دئیه ایفاده اولونموش. عثمانلی حاکیمیتی مراکئش، الجزایر و لیبی تورپاقلاری نین بیر حیصصه سینی، میصیر، سعودی عربیستان، عیراق، سوریه، فیلیسطین، یونانیستان، بولغاریستان، رومانیا، کئچمیش یوقوسلاویا، مجاریستان و ساییره تورپاقلاری ایچینه آلیرمیش. بونلارا باخمایاراق میللتلشمه سورجی اورتایا آتیلدیقدان سونرا ایلک اولاراق آوروپاداکی توپراقلار او جومله دن یوقوسلاویا، یونان و سونرا عرب تورپاقلاری عثمانلی ایمپیراتورلوغوندان آیریلاراق ائتنیک دابان اوزره میللی و یاریم میللی دؤولتلرین یارانماسینا یول آچمیش. دئمک، تاریخی گلیشمه لری گؤزدن کئچیررکن اونو توتو قوشو کیمی ازبرلمک دئییل، آنالیز ائتمک یئرلی اولاردی. ایران ممالیکی محروسه سینده کی میللیتلرین کولتولورونون علی اکبر حق پژوه ایددعاسینا گؤره بیربیرلرینه توخونما مسئله سینه گلدیکده (باخ اوسته) بیلیندیگی کیمی بوگونکو ایران ممالیکی محروسه سینده دیل و مدنیت باخیمیندان فارس دیل و مدنیتی حاکیمدیر. فارس دیل و مدنیتینی ایران ممالیکی محروسه سینده حاکیم ساخلاماغا دوشونن ذات عالیلر، اؤزلری اؤز میللی منسوبیتلریندن آسیلی اولمایاراق اؤزلرینی میللیت باخیمیندان فارس حئساب ائده رک فارس دیل و مدنیتینی بو میللیتلرین آنا دیللری و مدنیتلری نین یئرینه رسمی دئیه سوخماقلا زامان گئدیشی ایله کئچمیش 82 ایلده کی کیمی شوونیستلیک سیاستی دستکله مه گه، فارس اولمایان دیل و مدنیتلری ایران ممالیکی محروسه سینده اریدیب آرادان آپارما حیماقتی نی یاشاتماغا چالیشان ذات عالیلردیرلر (6). دئمک، ایران ممالیکی محروسه سینده کی موختلیف میللیتلری "ایران" مقوله سی آلتیندا بیر میللت کیمی سونماغا چالیشماق فارس باستانگرایلیغینا و فارسچیلیق سیستیمینه خیدمت ائده جک بیر گؤروش ساییلمالیدیر. بو گؤروش بوتون فارس تشکیلاتلاریندا یایقین بیر مسئله دیر. گئنه ده علی اکبر حق پژوه ذات عالیدن اوخویوروق:
"..اما، پروسه‌ى درازمدت تاريخى مشخص اين شكل‌گيرى و گستردگى پهنه جغرافيايى سبب شده است كه در كنار اشتراكات فرهنگى اقتصادى و احساس يكپارچگى معنوى، هر يك از اين اقوام داراى زبان‌ها و گويش‌هاى به نسبت متفاوتى را براى خود داشته باشند "(5).
اوسته کی پاساژا دیققت یئتیردیکده علی اکبر حق پژوه و رفیقلری نین عوامفریبلیکلری اورتایا چیخمیش اولار. بیلیندیگی کیمی کولتورون تمل و اساسینی دیل اولوشدورار. بو ذاتلارین ایددعالارینا گؤره ایران ممالیکی محروسه سینده کی میللیتلر اورتاق (موشتریک) دیل و مدنیته صاحیب اولموشسالار، بو میللیتلر ده آلمان توپلوملاری (بایئرن، شیواب، کؤلش و ساییره) کیمی بیر دیل و مدنیت اساسیندا اؤزلرینی ایضاح ائده رک بوگون ایران ممالیکی محروسه سینده میللی مسئله دئیه سؤز قونوسو اولابیلمز گؤرونردی. دئمک، کئچمیشده کی حاکیمیتلر هانکی مصلحتلردن یولا چیخاراق دیوان دیلی دئیه اؤز ایداره ایشلرینده اساس گؤتوردوکلری دیل موختلیف میللیتلرین آنا دیللری حئساب ائدیله بیلمز دئیه دوشونمه لی و علی اکبر حق پژوه و رفیقلری ایمضاسی ایله اورتایا آتیلمیش گؤروشلری بیر عوامفریبلیک مقوله سی کیمی قلمه آلمالی ییق. علی اکبر حق پژوه و رفیقلری فئدرال قونوسوندا گئنه ده یازیر:
" در اين فدراليسم اداره‌كنندگان منتخب مردم، در هر منطقه، از آزادى لازم در امور مالى برخوردار هستند ولى منابع زيرزمينى كه در هر يك از منطقه‌هاى ميهنمان وجود دارند (همانند نفت گاز و طلا و ديگر كانى‌ها) ثروتى ملى هستند و متعلق به تمامى ايرانيان ايرانى است. بدين جهت اين منابع و اموال ملى در اختيار دولت منتخب مردم است. و قوانين و نحوه‌ى بهره‌بردارى و مصرف آن را مجلس ملى تعيين مى‌كند. و مجرى قوانين تنها و تنها دولت مركزى منتخب مردمى خواهد بود."(5)
اوسته گؤروندوگو کیمی فئدرال دئیه علی اکبر حق پژوه و رفیقلری تکلیف ائتدیکلری گؤروش فارس سلطنت طلبلری تکلیف ائتدیگی گؤروشلرین بنزر کوپیسیدیر(7). بو گؤروشه اساسن فارس تشکیلاتلاری نین منطیغیندا میللیتلر آچیسیندان فئدرال دئیه بیر مقوله یوخدور. اونلار آذربایجان، تورکمن، کورد، لور، عرب، بلوچ و ساییره توپلوملاری نین گؤزونو بویاماق اوچون بیر کئچید فاز اولاراق بو قونولاری اورتایا آتمیش گؤرونورلر. مرکزده حاکیمیت اؤز یئرینی آلدیقدان سونرا "من بورادا بغداددا کؤر خلیفه" حئکایه سی گئنه ده یئنیلنمیش اولار. گئنه ده محللی ایداره چیلر دئیه مرکزی حاکیمیتدن دیکته اولموش سیاستلر اونون عامیللری و فارسچیلیق سیستیمی نین ترکیب حیصصه سی و قویروغو دئیه امیر قولولارین واسیطه سی ایله خالق ایجتماعیتینه تحمیل اولار. گئنه ده علی اکبر حق پژوه و رفیقلری یازدیغی گؤروشلردن اوخویوروق:
"- در هر منطقه در كنار آموزش ربان سرتاسرى مشترك كشور، كه زبان فارسى مى‌باشد زبان مادرى افراد نيز تا آخرين مراحل تحصيلى آموزش داده خواهد شد.
- دولت موظف است به افرادى كه خواستار و دوستدار آموزش دانش به زبان مادرى هستند امكانات لازم براى ايجاد اين گونه مدارس فراهم كند در اين گونه مدارس تنها يك كتاب درسى زبان فارسى در اختيار دانش آموزان قرار داده خواهد شد. و ديگر كتاب‌هاى درسى به زبان مادرى خواهد بود."(5).
گؤروندوگو کیمی علی اکبر حق پژوه و رفیقلری رسمی دیل فارس دئیه، فارس اولمایان دیللری "غیر رسمی" قلمه آلاراق بو دیللرین اوخونماسی نی بیر سیاسی عوامفریب اولاراق شخصلرین اؤزونه بوراخیرلار. بیلیندیگی کیمی جومهوری ایسلامی نین 27 ایل بوندان اؤنجه یازیلمیش آنا یاسا دئیه گؤزو بویامالاریندا دا بو مسئله اؤز عکسینی تاپمیشدیر. عملده ایسه "آدیم واردیر، اؤزوم یوخ" حئکایه سی 27 ایلدیر دورمادان یئنیله نیر (تیکرار اولور). دونیا مملکتلریندن آلینان تجروبه یه اساسن هئچ بیر سیستیمده هئچ بیر میللتین دیلی نین اوخونوب و یازیلماسی شخصلره بوراخیلماز. هر هانکی بیر ائتنیگین (خالقین) تشکیلاتلاری اؤز دیل و مدنیتلرینی قوروماق و اؤز توپلوملارینا ایستکلرینی راحات یئتیرمک و اؤز دیللری ایله ایداره اولونماق اوچون تشبوث گؤسته ررلر. یالنیز نئهیلیستلر، وظیفه نین دادیندان ال چکمک ایسته مه گن قول و نؤکرلر اؤز شخصی چیخارلاری حئسابینا و یا اسکیکلیک کومپلئکسینه قاپیلدیقلاری اوچون ایستعمارچیلیق دیلی و مدنیتینی خالقین میللی منلیگی و کیملیگینه اوستون توتدورماغا و ایجتماعیتده میللی کیملیک و منلیک اوزره فیکیر اولوشماسینا مانعچیلیک تؤرتمگه چالیشارلار. گئنه ده اوخویوروق:
"- بدليل پرهيز و پيش‌گيرى از هرگونه فاجعه انسانى و تنش بين اقوام و به دليل مشخص نبودن خطوط مرزى دقيق بين منطقه‌هاى مختلفى كه اقوام ايرانى در آن زندگى مى‌كنند هيچ گونه تغيير و بازتعيين در استان‌هاى كشور در جهت تفكيك مردم ميهمنان و اختلاف انداختن ميان آنها پذيرفته نيست."(5)
اوسته کی پاساژدا "اقوام ایرانی" ایفاده سی ایله اوزلشدیکده ائله بیل هانکی یئر کوره سی سؤز قونوسودور دئیه بیر ایزله نیم (تأثیر) اینساندا اؤزونه یئر آچمیش اولار. بئله لیکله بو ذات عالیلرین فئدرال دئیه چئینه دیکلری "آمریکا ساققیزی" دا چوروموش و سازمان فداییان خلق اکثریت کئچمیش قورولتاییندا محلی و سراسری دئیه قبول ائتدیگی تمامیتچی گؤروشلری بیر داها وورقولانمیش اولار: " ۳-۶) ما حق جريان های ملی در ايجاد تشکل های فرهنگی و سياسی محلی را محترم می داريم و همزمان هر انديشه و اقدامی که بخواهد سياست و برنامه در ايران را صرفاً با معيارهای ملی تعيين کند، به نقد می کشيم" (8). علی اکبر حق پژوه و رفیقلری گئنه یازیرلار:
" - زبان مادرى زبانى است كه فرد از مادر خود آموخته مى‌آموزد، نه آن زبانى كه به آنها تلقين مى‌گردد؛ بدين جهت در اين راستا بايد دولت از متخصصين امر بخواهد كه براى يكدست قرار دادن انتخاب زبانى ادبى با توجه به متون تاريخى فرهنگ فلكلوريكى كه در هر منطقه به جا مانده و با در مقياس قرار دادن زبان چند شهر از هر منطقه زبانى، زبان ادبى آنجا را به عنوان زبان ادبى انتخاب كنند... براى انتخاب زبان ادبى واحد هر قومى، زبان شهرهاى مهمى همچون تبريز، اردبيل، اروميه، و زنجان براى آذربايجان... ) مقياس و مد نظر قرار داده مى‌شود."(5)
اوسته کی پاساژدا علی اکبر حق پژوه و رفیقلری ایفاده ائتدیکلری مقاملار کئچمیش زاماندان بری فورمالاشمیش آذربایجان ادبیات دیلینی اؤزگه بیر دیل کیمی یانسیتما ایزله نیمی بوراخماق مقصدی داشیار. بو ذات "تلقین" دئدیکده بوگونکو آذربایجان ادبیات دیلینی نظرده توتور. آنجاق آذربایجان ادبیات دیلی قارشیسیندا تحمیلی فارس دیلینه شفقتله یاناشیر. اوسته لیک ادبی فورمالاشمیش آذربایجان دیلینی گؤز آردی ائده رک بیر داها دره بگلیک مسئله سینی اورتایا آتاراق هانکی شهرین دیلی فارس ایسارتینده قالاجاق توپلوم اوچون ادبی دیل اولاجاق دئیه خرمن وعده سی وئرمگه چالیشیر دئیه دوشونمه لی ییک. بیر سؤزله دئسک، بونلارین بوتون ناراحاتلیقلاری قوزئی و گونئی آذربایجان آراسیندا اولان دیل و مدنیت باغلارینی قوپارماق مقصدی گودور دئیه دوشونمه لی ییک. علی اکبر حق پژوه و رفیقلری گله جک قورولتای اوچون تکلیف ائتدیگی تئزلرینده یازیرلار:
" ما و نيروهاى سياسى (احزاب و سازمانها)
....
2 ـ ناسيوناليست‌هاى افراطى، که هويت تاريخى ندارند؛ اينان جاعلان تاريخ و ايادى امپرياليسم و ابزار جهان سرمايه هستند؛ و برای هيچ فردى غير از هم‌نژادان ساخته و پرداخته‌ى خيالى خود حق حيات قائل نيستند، چه رسد به هم‌زيستى در فضايى دموکراتيک"(5).
اوسته کی پاساژداکی علی اکبر حق پژوه و رفیقلری نین تکلیفلری ایران ممالیکی محروسه سینده کی میللیتلر مسئله سی نی کیملیکسیز (بدون هویت تارخی) قلمه آلماقلا بیر داها سازمان فداییان خلق ایران (اکثریت) تشکیلاتیندا میللیتلره دوشمن کسیلمیش ذاتلارین باریندیقلارینی اورتایا قویولموش اولار. بو ذاتلار ایران ممالیکی محروسه سینده کی میللیتلر مسئله سینی دانماقلا یئتینمه یه رک بو میللیتلر مسئله سینی خاریجی و امپیریالیسم عامیللرینه نیسبت وئرمگه چالیشیرلار.
قایناقلار:
|
|
1 بهزاد کریمی، گفتاری پیرامون مسئله ملی: گفتارى پيرامون مسئله ملى
2 علی اکبر حق پژوه، مرورى كوتاه بر ناسيوناليسم كور(1) پان تركيسم و پان ایرانیسم (پان عربیسم): کار آنلاین:
http://www.kar-online.com/melli/melli-nationalism-alirezA-haqpeZuh-b2-200185.html
2.1 علی اکبر حق پژوه، مرورى كوتاه به ناسيوناليسم كور (٢) ناسيوناليسم كور بدون هويت تاريخى: کار آنلاین:
http://www.kar-online.com/melli/melli-nationalism-alirezA-haqpeZuh-b2-200185.html
2.1.1 علی اکبر حق پژوه، مرورى کوتاه بر ناسيوناليسم کور بدون هويت تاريخى (٣)
انژکتاسيون فرهنگى ـ تاريخى، کار آنلاین:
مرورى
کوتاه
بر
ناسيوناليسم
کور
بدون
هويت
تاريخى
(٣)
انژکتاسيون
فرهنگى
ـ
تاريخى
3
Languages of Iran:
http://www.ethnologue.com/show_country.asp?name=Iran
4 ایشیق سؤنمز، فارس راسیستلیگی نین بالتا ساپلاری:
http://www.azadtribun.net/x1053.htm
4.1 ایشیق سؤنمز، فارس راسیستلیگینه یالتاقلیق ائدنلر می یوخسا اؤلولرینی قبیردن قبیره سوخانلار می؟
http://www.baybak.com/Baybak/wp-print.php?p=3969
5 علی اکبر حق پژوه و رفقا (12 نفر از رفقای داخل): اوضاع ميهنمان در برهه كنونى، نگرش ما و پيشنهادها، کار آنلاین:
http://www.kar-online.com/siasat/siasat-aliakbar-haqpeZuh-201085.html
6 علی حصوری، آتشی بر جان فرهنگ:
http://politic.iran-emrooz.net/index.php?/politic/more/11501/
7 قطعنامه کنگره پنجم حزب مشروطه ايران، قطعنامه در عدم تمرکز و حقوق اقوام و مذاهب ايران (لوس آنجلس ۲ و۳ اکتبر ۲۰۰۴) :
http://www.rahe-ayande.com/K_5/K_5_Ghatname_Aghvam.htm
8 ایشیق سؤنمز، فارس تشکیلاتی سازمان فداییان خلق ایران (اکثریت) و آذربایجان میللت مسئله سی!: http://www.azadtribun.net/1095.htm
ایشیق سؤنمز 02.02.2007