کئچمیشیمیزدن گلجگیمیزه ایشیق توتان صمد سردارنیا دونیاسینی دگیشدی

 

 

آذربایجان میللتی و یاشاییش یئرلری تاریخ قدر اسکی و قدیم اولماسینا باخمایاراق آذربایجان تاریخی کئچمیشده بؤیوک قدرتلرین تضییقی آلتیندا قالاراق بیر چوخ آذربایجان اوولادلاری ایستر یئنی، ایسترسه ده اسکی (قدیم) تاریخلریمیزدن خبرسیز یاشاماق مجبوریتینده قالمیشلار. بو آجیناجاقلی دوروم آذربایجانلیلاری دؤنه دؤنه سوی قیریم ایله اوزلشدیرمیش. بو دؤزولمز دورومو نظره آلان صمد سردارنیا کئچمیش 30 ایلده آذربایجان تاریخی ایله اوغراشاراق، وارلیق آذبایجان ادبی ژورنالی نین داواملی عضولریندن بیری اولماقلا بیرلیکده چوخ سایلی یازیلارین موأللیفی اولموش و تاریخی باخیمدان کئچمیشلردن عیبرت درسی آلماق اوچون آذربایجانلیلارین گلجکلرینه ایشیق توتماغا چالیشمیش.  صمد سردارنیا آشاغیداکی کتابلارین موأللیفی اولموش:

- آراز چایی نین هر ایکی طرفینده آذربایجانلیلارین سوی قیریما معروض قالمالاری (قتل عام مسلمانان در دو سوی ارس)، 

- "قارا باغ

- قاراباغ ساواشی (جنگ قره باغ)

- آذربایجان آدلیملاری (مشاهیر آذربایجان)

- ماللانصرالدین ژورنالی تبریزده (ملانصرالدین در تبریز)

- باقرخان میللت باشقانی (باقر خان سالار ملی)

- آذربایجان گونده لیک، یئتدیلیک و آیلیق درگیلری نین تاریخی (تاریخ روزنامه ها و مجلات آذربایجان)

- آذربایجان اویقار توپلومون اؤنجولو (آذربایجان پیشگام جامعه مدنی)

- تیریز اسکی شهرلردن بیری (تبریز شهر اولین ها)

- آذربایجان چاپ صنعتی نین بئشیگی (آذربایجان مهد صنعت)

- ایروان مسلمان ویلایتی ایدی (ایروان یک ولایت مسلمان نشین بود)

- تبریز بلدیه سی ایران نین بیرینجی بلدیه سی (بلدیه تبریز نخستین شهرداری ایران) آدلی فارسجا اثرلرین مؤلیفی و

 - باکی نفت و موسیقی شهری (باکو شهر نفت و موسیقی) آدلی کتابین فارسچایا چئویرچیسی (مترجمی) اولموش.

 ایچریدن گلن آجی خبرلره گؤره بو آذربایجان آغریلارینی اؤزو ایله داشییان مدنیت خادیمی و اونودولماز شخصیت قان خسته لیگینه توتولاراق فروردین آیی نین 22 سی 1387 تاریخینده، تبریز شهرینده دونیادان الینی اوزمک مجبوریتینده قالمیش. بو آجیناقلی ایتکیتی نی آذربایجان مدنیت دونیاسینا و اونون عائیله سینه باش ساغلیغی وئره رک اؤزوموزو آغریلارا اورتاق بیلدیرمک ایستردیک. 

 

سایقی لار ایله ایشیق سؤنمز 11.04.2008 (22.01.1387)

 چیخیشلار