ایستعمار گؤروشونو یایماغا قاپیلماق می، یوخسا آزادلیق و برابرلیک اوزره دوشونجه یئریتمک می؟

بیر چوخلاری آزادلیق مقوله سی دئدیکده باشقا توپلوملار طرفیندن اورتایا قویولموش گؤروشلری بیر شابلون دئیه اورتایا قویاراق بو شابلونلا هانکی حرکتین دوغرو و هانکی حرکتین یانلیش اولدوغونو ایفاده ائتمگه چالیشارلار. آشاغیدا دنیز ایشچی ایمضاسی ایله یازیلمیش مقوله ده بو دوغرولتودا دگرلندیرمه لیدیر. یئری گلمیشکن بو ذات عالی نین گؤروشلری نین بعضی بؤلوملرینه دئیینمکله واریلاجاق سونوجون نه اولدوغونو اورتایا قویماغا چالیشاق، اوخویوروق:

"ولتر" وقتی که از آلمان و از ترس "فردریک شاه" فرار کرده بود تا به فرانسه برود، و او را از شهروندی فرانسه هم محروم کرده بودند، تا مجبور شد در شهر کوچکی در سویس اقامت کند، در جواب رفتاری که با او شده بود گفت "من اوّل انسان هستم بعد فرانسوی". میدانیم که "ولتر" مظهر "آزادی" و "ژان ژاک روسو" مظهر "برابری" در انقلاب کبیر فرانسه بودند. برابری بدون آزادی میتواند فاجعه آمیز باشد و همچنین آزادی بدون برابری"[1].

یئری گلمیشکن فرانسه ده ائتنیک آچیدان نئجه بیر آزادلیق و برابرلیق ساواشی نین گئتمه سی اوزره دوشونجه و فیکیر یئریتمگه چالیشاق. فرانسه بگلیکلری(ایالتلری) 18 اینجی عصیرده یئرلی خانلیقلارا (ویلایتلره) و جهان وطن مسیحی لره غالیب گلمیش. بئله لیکله فرانسه ده بیر مرکزیتچی شاهلیق حاکیمیتی اولوشاراق میللت مفکوره سی ده مرکز حاکیمیته اساسلانماغا باشلامیش. فرانسه لیلرین "میللت" آنلاییشی ائتنیک فرانسیز دیلی و سرحدلرینه محدودلاشاجاق دئییل، فرانسیز دیل و مدنیتینی اساس گؤتورموش فرانسه تورپاقلارینداکی باشقا دیل و مدنیت صاحابلارینی فرانسیز دیل و مدنیتینه تابع توتموش بیر وطنداشلیق توپلومو یاراتماق مقوله سی اولموش. بیر چوخلاری، او جومله دن "کمون پاریس" یانچیلاری فرانسه توپلومونداکی ملت آنلاییشینا فرانسه ده کی دئموکراسی گؤزو ایله یاناشدیقلارینا باخمایاراق بو مقوله فرانسه ده کی ائتنیک فرانسیز اولمایانلار آراسیندا فرانسیز دیل و مدنیت ایستعمارچیلیغی نین یووا سالماسی و اونلارین دیل ومدنیتلری نی یوخ ائتمه سی ایله ایضاح ائدیلمه لیدیر. دئمک، 1789 اونجو ایل فرانسه اینقلابی نین آنا تملی فرانسه ده کی ائتنیک وارلیقلارین میللی و مدنی آزادلیغی دئییل، فرانسیز دیل و مدنیتینی اساس گؤتوره رک فرانسه وطنداشی  دئیه بیر هموگئن توپلوم یاراتماق اولموش. بو تمله اساساً عموم عسگرلیک، خالق قوشونو و عسگرلیگین گره گینجه (مجبوراً) سراسری دئیه فرانسیز دیلی فرانسه ده یاشایان باشقا یئرلی ائتنوس و میللی آزلیقلارا بیله تحمیل اولموش. بئله لیکله، فرانسه وطنداشی ساییلماق مقوله سی فرانسه ده کی باشقا یئرلی ائتنوسلارین میللی وارلیقلارینی - ایراندا ایستر پهلویلر و ایسترسه ده بوگونکو جمهوری ایسلامی دؤنمینده اولدوغو کیمی- هئچ سایمیش[2]. بو گلیشمه اؤزلوگونده ایچ ایستعمار ساییلار. فرانسیزلارین خاریجی ایستعمارچیلیق سیاستلری ایسه داها دا کئچمیشلردن باشلامیش. ایسپانیا و پورتغال ایستعمارچیلیغی ایله قارشیلاشدیردیقدا فرانسیز ایستعمارچیلیغی گنج ساییلماسینا باخمایاراق 1608 اینجی ایل فرانسیزلار کانادانین گونباتان و گونئی بؤلوملرینه دوغرو اؤز اتکینلیک و تأثیرلرینی آرتیرماغا چالیشاراق آلوئرچیلیک یئرلری و قوشون دوراجاقلارینی (پایگاه) اورالاردا یاراتماغا چالیشاراق مئکزیک کؤرفزینی (Lousiana) بیله اله کئچیرمیشلر. فرانسیز ایستعمار گوجلری و بیرلیکلری اینگلیس بیرلیکلری ایله یئدی ایل ساواشدیقدان سونرا 1763 اونجو ایل گونئی بؤلگه لردن قوزئی یه دوغرو گئری اوتورمالی اولموشلار. فرانسیزلارین ایکینجی و سورکلی (دائمی) ایستعمارچیلیق حاکیمیتلری 17 اینجی یوز ایلین اورتالاریندان آفریقانین گونباتان بؤلگه لری اوزره باشلامیش. فرانسیزلار 1830 – 1847 اینجی ایللر آراسی الجزاییری اؤز ایستعمارچیلیقلاری نین آلتینا آلمیشلار. باشقا یاندان ایسه سئنئگال و هیندوچین بؤلگه لرینده بیله فرانسیز ایستعمارچیلیغی یاییلماغا باشلامیش.

اوسته گؤروندوگو کیمی آزادلیق و برابرلیک آدینا 1789 اونجو ایل سونوجلانمیش دئوریم و اینقلابین باشچیلاری فرانسیز دیل و مدنیتینی اساس گؤتورمکله  اوراداکی یئرلی دیل و مدنیتلری فرانسیز دیل و مدنیتی واسیطه سی ایله سیرادان چیخاراراق و دولایی یول ایله اونلاری یوخلوغا اوغراتمیشلار. بو مقوله یالنیز فرانسه دئوریم و انقلابی اوچون دئییل، 1979 اونجون ایل ایران ممالیکی محروسه سینده شاهلیق علیهینه اولموش انقلاب و اونون سونوج و نتیجه سی اولان حاکیمیت جمهوری ایسلامی- فارس و اونون آنایاساسی "قانون اساسی جمهوری ایسلامی-فارس"  دا فارس دیلی نی داها دا رسمی دئیه آنایاسیندا رسمی گؤسترمه گه چالیشمیش. دئمک، آزادلیق و برابرلیک رمزی کیمی تانینان فرانسه دئوریمی فرانسه وطنداشی،  پارتی و تشکیلاتلارینا سئچیب، سئچیلمک حاققی گتیرمه سینه باخمایاراق  دیل و مدنیت حاکیمیتچیلیگی باخیمیندان فرانسیز دیل و مدنیتی نی اساس گؤتورموش فرانسه انقلابی ایله ایران ممالیکی محروسه سینده فارسلیق مفکوره سی اساسیندا قورولموش "انقلاب ایسلامی ایران" (اوخو: فارسلیق حاکیمیت سیستیمی) نین هئچ بیر فرقی گؤرونمز. دنیز ایشچی ایمضاسی ایله آذربایجان فئدرال دئموکرات تشکیلاتی اوزره یازیلمیش گؤروشدن اوخویوروق:

"مقدمه: نگاهی کوتاه به کردار سیاسی ( ج ف د آ) در بکساله اخیر و خصوصا از آغاز جریانات انتخابات ریاست جمهوری نشانگر نه یک استراتژی ثابت، بلکه کش و قوسهای چند پهلویی در اتخاذ استراتژیک بوده است. ... ویژگی بعدی مواضع با عدم همکاری با سازمانهای سیاسی سرتاسری و ارگانهای سرتاسری "سکولار دموکراتیک"، یا بقول دوستان محکمکار مان "لائیک و دموکراتیک" میباشد که این برخورد حتّی با همکاری جدّی با "کنگره ملیّتهای ایران" هم همراه نبود. اخرین موضعگیری استراتژیک بر اساس شعار "یاشاسین آذربایجان" در مسابقه فوتبال تیم تراکتورسازی بنیانگذاری میشود که آذربایجان باید مستقّل حرکت بکند. بر اساس چنین استراتژیی در دامان "داک" آرامش میگیرد تا خلاُ حمایت مشروط ترکیّه از آذربایجان شمالی در کنار آنها پر کرده باشد"[3].

اوسته کی مقامدان گؤروندوگو کیمی فارس ایستعمار تشکیلاتلاری آذربایجان میللی مسئله سینه اؤگئی یاناشدیقلاری اوچون آذربایجان فئدرال دئموکرات حرکتی تشکیلاتی بو آخینلار ایله کئچری ده اولسا، ایش بیرلیگی ائتمدیگینی مؤللیف قابارتماغا چالیشمیش. او بو مقوله نی قاباردارکن میللی مقوله و ایران ممالیکی محروسه سینده میللیتلر مقوله سی نین نه اولدوغو اوزره بیر جومله بیله یازماق ایستمه میش. مؤللیفین ایکینجی یاناشدیغی مسئله "کنگره ملیتهای ایران" مقوله سیدیر. بیلیندیگی کیمی بو آدی داشیان قوروم اصلینده موختلیف میللیتلرین یاراتدیغی کنگره و قورومو دئییل، بیر سیرا میللیتلره عایید اولان تشکیلات و شخصلردن اولوشموش بیر قوروم ساییلار. بو قوروما آذربایجان تشکیلاتی دئیه ایلک باشلانقیجدا گاموح و آذربایجان فئدرال دئموکرات حرکتی تشکیلاتی  قاتیلسالار دا، چوخ زامان کئچمه دن خزر دنیزینی بؤلوشدورمه مسئله سینده بو قورومدا اولان آذربایجان دوشمنلیگی گاموح تشکیلاتینی بو قورومدان اوزاقلاشماغا زورلامیش[4]. آذربایجان فئدرال دئمکرات تشکیلاتی ایسه داها دا اؤنجه بو قورومدان آیریلمیش[5]. سون گونلرده آذربایجان فئدرال دمکرات حرکتی تشکیلاتی نین یئنی آلدیغی قرارا اساساً بیر داها آدی کئچن تشکیلات بو قوروما قوشولماغ و عضو اولماق ایسته میش[6]. فارس تشکیلاتلاریندان ایسه بو قورومدا هئچ بیر عضو یوخدور.

اوسته گؤروندوگو کیمی "کنگره ملیتهای ایران فئدرال" اصلینده ایران ممالیکی محروسه سینده کی میللیتلرین کنگره سی دئییل، داغینیق تشکیلاتلاردان اولوشموش بیر قوروم ساییلار. بونا بنزر چابالار اورتاق بیلدیریش وئرمک آچیسیندان کورد تشکیلاتلاری (حزب دئموکرات کردستان و کولوله) و بعضی فارس سولچو مئاب تشکیلاتلار (سازمان فداییان خلق – اکثریت و اتحاد فداییان خلق و باشقا...) آراسیندا دا وار. "کنگره ملتهای ایران فدرال" آدلی قورومون دا اصلی قوروجولاری اوسته آدی چکیلن کورد تشکیلاتلاری اولموش. دئمک، هر هانکی دوزگون میللیتلر قورولتایی یوخسا "کنگره ملیتهای ایران فدرال" آدلی قورومون یارانماسی بو میللتلرین هر بیرینه باغلی اولان تشکیلاتلارین اورتاق بیر قرارا گلمه لری و ضد ایستعمار جبهه سی یاراتمالاریندان ایلری گله بیلن بیر گؤرونوم اولابیلر دئیه دوشونمه لی ییک. ترس دورومدا بئلنچی بیر قورومدا هرهانکی بیر آلیناجاق قرار بو قوروما عضو اولموش بعضی تشکیلاتلارین ائتنیک چیخار و منافعینی سورقو و سوآل آلتینا چکر، بئله لیکله ده بو قوروم و تشکیلاتین عضولری آدی کئچن قورومو بوراخمالی اولارلار. دنیز ایشچی ایمضاسی ایله یازیلمیش یازیدا گئنه ده اوخویوروق:

"... الف) آیا میتوان ماهیّت یک خیزش مردمی را با شعارهایی که در آن طرح میشود تعیین کرد؟
مولانا جلالالدین رومی چه زیبا گفت "هر کسی از ظّن خود شد یار من. از درون من نجست اسرار من". خیزش ملیونی مردم و سینه سپر کردن زنان و جوانان در مقابل گلوله های دژخیمان بخاطر چه بود؟ درد دل این مردم که تا این حّد جانشان به لبشان رسیده بود که حاضر شده بودند جانشان را فدا کنند چه بود؟ آیا ما تلاش لازم را کرده ایم که نه مواضع سازمانهای سیاسی، بلکه به درد دل دختران و پسران جوانی که جانشان را از دست دادند توجّه بکنیم؟ آیا علّت جانفشانیهای آنها شعارهایی مثل "نه غزه، نه لبنان، جانم فدای ایران" و شعارهایی از این قبیل بود؟ تحلیل تاریخی، اجتماعی، افتصادی، ملّی، سیاسی ما از خیزشهای مردمی اخیر تا این حّد نزول میکند که با شعارهای مطرح شده در مسابقه فوتبال موضعگیریهای ما بصورت استراتژیک عوض میشود؟ ایا متدولوژی صحیح آنالیز ماهیّت این خیزش نباید بر این پایه باشد که به علّتهای این پدیده بنگریم که "چرا میلیونها نفر در طول زمان بیشتر از یک هفته به خیابانها ریخته و در مقابل گلوله ها سینه سپر کردند؟ این مردم کی ها بودند و چی میخواستند؟ ریشه های اجتماعی، فرهنگی، اقتصادی، سیاسی، و.......... این خیزش در چیست و در کجاها میباشد؟ اینکه شخصیّتها و سازماهای سیاسی از "چپهای افراطی" گرفته تا "پان ایرانیستهای شونیست"، از قصابان ارتجاعی اسلامی گرفته تا اسلامّیون متمایل به لیبرالیسم از سیاسیّون فسیل شده زمان قاجارها گرفته تا دستمالچیان درگاههای قدرتهای بزرگ با تمام قوا وارد گود شدند تا از آب گل آلود ماهی بگیرند یک امر طبیعی بود. چه کسانی در پیشبرد آمال شخصی خود درستترین تاکتیکها را اتخاذ کردند و بیشتر ازهمه از آب گل آلود ماهی گرفتند و میگیرند. اینجاست که دوباره لازم میدانم بخش دوم بیت مولانا را تکرار کنم که میگوید " از درون من نجست اسرار من". همه به ماهیگیری از آب گل آلود مشغواند و کسی از درد واقعی میلیونها مردمی که به خیابانها ریخته و جانفشانیها کردند صحبت نمیکنند از زمین تا آسمان فاصله موجود است میان آمال کسانی که "مرگ بر دیکتاتور" میگفتند، و کسانیکه شعار "نه غزه نه لبنان – جانم فدای ایران" را آگاهانه به اندرون حرکت مردم میبرند تا از آب گل آلود ماهی بگیرند. اشتباه استراتژیک به این فاحشی در بنیانگذاری اساس و پایه های تحلیل محوری نه بر بنیانهای حرکتهای مردمی، بلکه بر پایه های شعارهای من در آوردی و تزریقی اوپورچونیستها ادامه خطرناک استراتژی کش و قوس و چند پهلویانه میباشد.حقوق بشر ماورای مرزهای جغرافیایی و مّلی قرار گرفته و از آن فراتر میزند. حقوق ملیّتها در اندرون "حقوق بشر" جا میگیرد، نه بر عکس"[7].

اوسته گؤروندگو کیمی دنیز ایشچی ایمضاسی ایله دوشونجه و فیکیرلرینی توپلوما آشیلاماغا چالیشان ذات خالق دیلینده "نه تؤکسن آشینا، چیخار قاشیغینا" دئییمی ایله دئییل، مولانا جلاالدین رومی نین صوفیچیلیک (صوفیگری) و ایچچیلیک (باطنیگری) مفکوره سی ایله توپلوم و سیاست مسئله لرینه یاناشماق ایسته میش. بو یاناشما سیاسی فلسفی گؤروش اساسیندا دئییل، دین فلسفه سینه اساسلانمیش بیر گؤروش ساییلار. دئمک، مؤللیف سیاست و توپلوم قونولاری ایله اوغراشماسینا باخمایاراق بو قونولارا الهیات دوشونجه و مفکوره سی ایله یاناشمیش مقامدا یئر آلار. ائله اوندان یانا دا قیلیق (عمل) و ترس قیلیق (عکس العمل) مسئله سینی اونوتموش گؤرونر. دئمک، ایران ممالیکی محروسه سینده کی آجیناجاقلی دوروم و قیلیق (عمل) بوتون توپلوملار اوزره بیر اؤلچوده اویقولانمیر. هر توپلوم اوزره بللی بیر قیلیق (عمل) بللی اؤلچوده اویقولاندیغی اوچون اونا ایستر قارشی قویما و ایسترسه ده یاناشما آچیسیندان اونلار بیربیرلریندن فرقلنر. ایران ممالیکی محروسه سینده فارس توپلومونون دیلی آزاد، رسمی و باشقا دیللر غیر رسمی و یاساق قلمه آلینارکن فارس توپلومونون حاکیم دیل و مدنیتی ایران ممالیکی محروسه سینده کی فارس اولمایان میللی وارلیقلار علیهینه قاتیللیک رولونو اوستلنمیش ساییلار. بو قاتیل ملزمه نی دیله آلاراق بیر داها "همه با هم، زنده باد یوخسا مرده باد" دئمک اؤزو ده مسئله نین هانکی سونوجا واراجاغیندان خبر وئرر. خالق قالخیشی و حرکتی مسئله سینه گلدیکده ظولوم و عدالتسیزلیگه قارشین هر زامان دیرنیش و قالخیش اولموش و اولاجاق. آنجاق بوگون خالق قالخیشی کیمی گؤرونن اصلینده ایستر فارس حاکیمیت قانادلاری نین آراسیندا اولان قارشی دورما و ایسترسه ده اونلارا قارشین اؤز شخصی و تشکیلاتی چیخارلاری اوچون قارشی دوران فارس مئییللی آخینلارین او جومله دن فارس جبهه میللی، نهضت آزادی، حزب ملت، حزب پان ایرانیست و باشقا سول مئاب فارس تشکیلاتلاری نین حاکیمیتی اؤز اللرینه آلما چابالاریندان اورتایا چیخان بیر گؤرونوم ساییلمالیدیر. بو آخینلارین سیرالاریندا میللی بیلینجدن یوخسول فارس اولمایان عادی انسانلار دا وار.  آنجاق بو آخینلارا یئم اولموش فارس اولمایان انسانلار کیم اولدوقلارینی باشا دوشمدیکده و درک ائتمدیکده یالنیز دوشمن بالتاسینا ساپ اولابیلرلر. اوندان یانا دا خالقی اؤز میللی چیخارلارینا تانیش ائتمدن خیابانا سوروکلمک فارس اولمایان توپلوملار اوچون خوشبختلیک گتیره بیلمز. اوسته اوزرینی قالینلادیغیمیز چیزقیلاردا ایفاده اولونموش دوشونجه لر اوزره دوراقلادیقدا مؤللیفین اولدوقجا ساده دوشوندوگو اورتایا چیخمیش اولار. دئمک، خالقی باشا سالماق اوچون آراقاریشیقلیق زامانی تالاشا قاپیلیب دؤیونمزلر. ایلک اؤنجه خالق نه ایسته دیگینی و نه اوچون حرکت ائتدیگینی، دوست و دوشمنی نی باشا دوشمه لیدیر. سونرا خیابانا چیخاراق سؤزونو دئمه لیدیر. ترس دورومدا مؤللیف اؤزو ده ایشارت ائتدیگی کیمی لیل سودان بالیق توتماغا چالیشان فارس اسارتچی گوجلری سازلارینی چالاراق فورصتی یاخالاماغا و ایران ممالیکی محروسه سینده کی ائتنوسلاری بیر یوللوق ایسارته چکمکده باشاریلی اولارلار. دئمک، فارس ایسارت یانچیلارینی توتولموش بو بوغومدان کئچیت یولو دئیه اونلارا یول ساهمانلاماق عاغیلسیزلیق اولار دئیه دوشونمه لی ییک. ائله اوندان یانا دا فارس ایستعمار گوجلرینه اویونجاق اولماق ازیلمیش میللتلره خوش باغیشلامایاجاق قونوسونو بری باشدان دؤنه دؤنه وورقولاماغا چالیشمالی ییق.

دئمک، بشر حاقلاری هر کسین اؤز ائویندن، اؤز شهریندن، اؤز ولایتیندن باشلانمالیدیر. اؤزونه اون اله مگی باشارمایان اؤزگه سینه اوماج دا آوابیلمز. بیر آز ساده دئییشله دئمک دوغرو ایسه، "دوزده یئریمه گی بیلمگن یاماجدا شیللاق دا آتابیلمز". دئمک، توتساق اولموش میللت اوولادلاری اؤز میللتلری نین آزادلیغنی ساوینمادان و اؤزلرینی توتساقدان آزاد ائتمه دن، اؤزلری کؤله لیک دورومدا یاشادیقلاری اوچون باشقالارینا بشر حاقلاری درسی وئره ده بیلمزلر. بوگون ایسلام جمهوریتی آدی آلتینداکی فارسچی شوونیست، فاشیست و ایستعمار یانچیلاری ایله دیل و مدنیتی یوخلوغا اوغرامیش فارس اولمایان میللت اوولادلاری نین اورتاق بشر حاقلاری دئییل، زامان ایجابیندا بیربیرلرینه قارشین چوروده جک حئسابلاری وار. بو مسئله نی درک ائتمگن ذاتلار اؤزلری بیلمه دن فارس کؤله لیگینه توتولموش قوللار و توتساقلار ساییلار. ائله اوندان یانا دا میللی مسئله خالق ایچره اؤزونه گئنیش یئر آچمادان و میللی تشکیلاتلار یارانمادان تؤکولون ائشیگه اماندیر شعاری وئرمک بو قوللار طرفیندن اورتایا آتیلمیش ایچی بوش شعار ساییلار. دنیز ایشچی ایمضاسی ایله یازیلمیش یازیدا گئنه ده اوخویوروق:

" در حالیکه سازمانهای سیاسی ملّی منطقه ای سر در گم بحثهای درونی خود بودند و یا تحت تنگ نظریهای ناسیونالیستی افراطی خود در کنار حکومت کودتا قرار گرفته بودند، بهترین استفاده "ماکیاولیستی" از فرصت را "پان ایرانیستها" و سلطنت طلبها کردند. آ نها از یک طرف بدرستی مطالبات "دموکراتیک و سکولار" مردم را که خواهان جدایی دین از سیاست همران با خواسته های زنان و جوانان میباشند، تشخیص دادند. از طرف دیگر چون همزمان از اوجگیری حرکتهای ملّی منطقه ای مردمی وحشت داشتند، شعارهای دموکراتیک خود را با رنگ و لعاب "پان ایرانیستی" مخلوط کردند. اینها که غالبا هنوز به تظاهرات و مبارزات خود ادامه میداده و میدهند، نه فقط با شعارهای دموکراتیک، بلکه با شعارهای پان ایرانیستی به فعاّلیتهای خود ادامه میداده و میدهند. البّته از نظر اکثریّت مردمی که آگاهی سیاسیشان کم است، طرفدار عظمت و شوکت ایران بزرگ بودن به مفهوم ضدّیت با ملّیتهایی که در چهارچوبه جغرافیایی ایران زندگی میکنند نمیباشد. آنها "ایران" بزرگ را متشکّل از "اقوام" مختلف میدانند که نباید گذاشت "دشمنان" موجب چند پارچگی آن بشوند. سیاستهای "پان ایرانیستها" از یکطرف بر خواسته های دموکراتیک مردم اتکّا میکنند، از طرف دیگر بر کم آگاهی مردم از تاریخ و هویّت ملیّتها ساکن چهارچوب جغرافیایی سوار میشوند"[8].

اوسته ایشاره اولدوندوغو کیمی بو ذاتلار اؤزلرینی بیر بشر اولاراق تانیمادیقلاری اوچون هر شئیه اوزاقدا آنلام وئرمک و اونو  یورومساماق ایسترلر. یئری گلمیشکن سوروشولمالیدیر: - ناسیونالیست افراطی کیم اولابیلر؟ اؤز دیل ومدنیتی نین قیدینه قالان می، یوخسا بو دیل و مدنیتلره بیر ایستعمارچی گوج اولاراق دوشمنلیک ائدن می؟ یوخسا ایدئولوژی اتکی و تأثیری آلتیندا هر هانکی بیر فارس تشکیلاتینا بیر قول کیمی پادوچولوق ائدنلرمی؟ دئمک، خالقین سیاسی ساوادی آزدیرسا، اونو اؤز میللی منلیگی و کیملیگی اساسیندا باشا سالماق لازیم. فارس تشکیلاتلاریندا پادوچولوق ائده رک میللی منلیک و کمیلیگی ایله اوغراشانلاری "ناسیونالیست افراطی" شعاری ایله دامغالاماق بو میللی و مدنی انسانلارا خاریجی عامیلی آد وئرمکدن هئچ ده فرقلنه بیلمز. اوسته گؤروندوگو کیمی بو ذاتلارین دئموکراتیک مقوله لری و ظاهیرده  پان ایرانیستلره قارشین آغیز بوزدوکلری هئچ ده "پان ایرانیست"لردن فرقلنمز. ایران ممالیکی محروسه سینده تورک و عربلری وحشی قلمه آلماق پان ایرانیستلرین هانکی دئموکراتیک مقوله لری ایله باغلاشار مقوله سینه بو ذات عالیلر جاواب وئرمه لیدیر[9].