م. ائینالی ایمضاسی ایله یازیلمیش "جنبش سبز و حرکت ملی آذربایجان" آدلی یازییا باخیش

نه اوچون انسانلاریمیز آذربایجان میللی مسئله سینی درک ائتمکدن عاجیزلیک چکرلر؟

ایلک اؤنجه ائینالی ایمضاسی ایله یازیلمیش یازینی گؤزدن کئچیرمه دن بیر گیریش اولاراق بعضی مقاملاری آچیقلاماق یئرلی اولار دئیه دوشونورم. کئچمیش یازیلاردا ایشاره ائتدیگیمیز دک حاکیمیت ائتمک و فارس اولمایان ائتنوسلاری ایچ ایستعمارا تابع توتماق آچیسیندان  بوگونکو ایران ممالیکی محروسه سی، فارس ایمپیریاسی ساییلار[1].  فارس ایستعمار گوجلری 1925 اینجی ایل خاریجی دؤلتلر واسیطه سی ایله قاجارلاردان تحویل آلمیش ایمپراتورلوغو اؤزلری نین دئیه الده ساخلایابیلمه لری اوچون فارس کیملیگینی فارس اولمایان ائتنیکلر اوچون ده بیر میللی کیملیک دئیه بو ائتنیکلره آشیلاماغا چالیشاراق فارس مدنیت راسیستلیگی نین تملینی قویماغا چالیشمیشلار. بو مدنیت راسیستلیگی نین پیغمبری زرتشت، مقدس کتابی "شاهنامه"، میللی کیملیگی ایسه عوامفریبلیک آچیسیندان دولاشیق بیچیمده تابعیت ایله برابر گؤستریله رک ایرانلی (ایرانی) دئیه سسسیزجه فارسلیق مقوله سینه تابع توتولموش. ائله بو اساسدا دا بیر سیرا اؤز دیل ومدنیتلری نین فرقیندا اولمایان، اؤز دیل و مدنیتلرینه دوشمن کسیلمیشلر او جومله دن اؤزلرینی "جنبش آذربایجان برای دمکراسی و تمامیت ارضی ایران" یانچیسی آدلاندیران آزقینلار دا فارس مدنیت راسیستلیگی ائتمگه چالیشالاراق آذربایجان میللی منلیگی و کیملیگینی دونیا اجتماعیتینه فارسچا گؤسترمک اوچون آذربایجان میللی مسئله سی نی ده خبر تحریمینه اوغراتمانین یانی سیرا گونئی آذربایجان شهرلرینده میللی مسئله اوزره  باش وئرن اولایلاری دا فارسلیق آخینی دئیه ایرانچیلیق (اوخو: فارسلیق) مقوله سینه دویونلمگه چالیشمیشلار[2]. گونئی آذربایجانین باش شهری کیمی تانینان تبریز شهرینده خالق توپلومو اؤز دیل و مدنیتینه هر بیر یئردن داها دوشگون اولدوغونو نظره آلمایاراق بو ذاتلار تبریز شهرینی فارسلاشمیش گؤسترمگه چالیشار، اوخویوروق:

" از تبریز خبر می‌رسد که از ظهر امروز با خروج دستجات عزاداری سنتی درگیری در اغلب تکیه‌های تبریز شروع شده‌است. مردم بعد از خروج از تکیه‌های میدان سامان، تکیه بازار، بازار امیر، راست کوچه، زعفرانیه و ولی‌عصر در حالی‌که چوب دستی حمل می‌کنند، شعار می‌دهند: "هرگل که تو پرپرکنی، ما بکاریم و صد چندان کنیم"[3].

بو آرادا آیت الله منتظری نین اؤلمه سی ایله ایصطلاحاً اؤزلرینی یاشیل حرکت "جنبش سبز" آدلاندیران ذاتلار آیت الله بیات زنجانی نین قولتوغونا سوخولاراق منتظری یه تغزیه توتولسون[4] دئیه زنگان شهرینده یاس توتماق آدینا "میر حسین یا حسین" اویونو یولا سالماقلا آذربایجان ایجتماعیتینی فارس تمامیتچیلری نین توزاغینا و تله سینه سالماغا چالیشمیشلار، اوخویوروق:

"گزارش های کوتاه از درگیری های زنجان و مراسم آیت الله العظمی منتظری

راز سربه مهر:ساعت سه بعداز ظهر: نیروهای پلیس و گارد ویژه که مجهز به لوازم ضد شورش هستند، مانع ورود مردم به مسجد سید جهت شرکت در مراسم بزرگداشت آیت الله منتظری شده اند و از مردم حاضر در محل خواسته اند پراکنده شوند. مردم هنوز در محل حضور دارند ولی سخنران مراسم، دکتر شکوری؛ استاد دانشگاه و از شاگردان آیت الله منتظری، محل را ترک کرده ... گفته شده ساعت هشت شب مراسم در منزل آیت الله اسدالله بیات برگزار خواهد شد
ساعت سه و نیم: مردم برای شادی روح آیت الله منتظری صلوات می فرستند و آیاتی از قرآن مجید هم خوانده شد؛ برگزارکنندگان مراسم خواستار پراکنده شدن مردم شده اند ولی این درخواست مورد توجه قرار نگرفته ... گارد ویژه حمله به مردم را آغاز کرده ... از گاز اشک آور استفاده شده ... دسته های عزاداری در مسیر حرکت معمول خود به مسجد سید، نزدیک می شوند ... مردم شعار "الله اکبر"، "یا حسین میرحسین" سر داده اند ... برخی راهپیمایان عکس های آیت الله منتظری را در دست دارند ... برخی مجروح شده اند

ساعت چهار: پلیس مانع نزدیک شدن مردم به نماینده اصلاح طلب زنجان، انصاری، شد که در محل حضور یافته بود ... مردم یک پارچه شعار "الله اکبر" سر داده اند ... چند نفر بازداشت شدند

ساعت پنج: مرکز شهر، محل تجمع، آرام تر شده ولی مردم پراکنده نشده اند ... حضور لباس شخصی ها ملموس است"[5].

اوسته گؤروندوگو کیمی مسئله یالنیز تعزیه توتماق دئییل، تعزیه آدینا فارس حاکیمیت ساواشینی آذربایجان شهرلرینه آشیلاماق (تزریق ائتمک) فارسچی ایصلاحاتچی و تمامیتچیلری نین ایچ نیتلری ساییلار. آذربایجان میللی مقوله سینی فارسلیق اساسیندا یوخ ائتمگه چالیشانلار اؤز یوللاریندا اولسون، بو آرادا م. ائینالی ایمضاسی ایله گؤروشلرینی توپلوم و اجتماعیته سرگیلمیش ذاتین عالی نین گؤروشلری ده دیققت چکیجیدیر، بو ذات بوگونکو آذربایجان میللی حرکتی نین "یاشیل حرکت" قارشیسینداکی توتومونو بیر قلعه ساواشینا بنزه ده رک یازیر:

"... سنگر گرفتن در قلعه به عنوان شیوۀ اصلی مبارزه را می توان در واقع محصول یک پروسۀ عقب نشینی و عدم استفاده از امکانات موجود در صحنۀ مبارزه دانست. اما از آنجا که "جنگ ادامۀ سیاست با  ابزاری دیگر است" این عقب نشینی در وحلۀ اول باید نتیجۀ خطا در محاسبات سیاسی قبل و بعد از آغاز پروسۀ جنگ به حساب آید"[6] .

اوسته کی گؤروش ایله موللیف آذربایجان میللی حرکتی نین ساواش حالیندا اولدوغونو، آنجاق یاشیل حرکت دئیه فارسچی تمامیتچیلرین آذربایجانا آخین ائتمکلری و اورادا آذربایجانلیلار ایله یاشیللار آراسینداکی قارشی دورما یاراناجاغینی ترسیم ائتمگه چالیشمیش. آذربایجان میللی حرکتی گنج اولدوغو اوچون سفربرلیک آچیسیندان هله لیک تورک خالق کیتله سینی میللی بیلینج آچیسیندان حاضیر دوروما چاتدیرمامیش. باشقا یاندان اؤزونو ایران ممالیکی محروسه سینه تحمیل ائتمگه چالیشان یاشیل حرکت، فارس بؤلگه لریندن ائشیکده و باشقا ائتنیکلر آراسیندا اؤزونه یئر آچابیلمیش دئییل. بئله لیکله ده موللیفین بو توتومو اؤزونو دوغروتموش دئییل. گئنه ده اوخویوروق:

"... روشن است که یک نیروی متخاصم و هژمونی طلب معمولاً دارای یک دشمن واحد در میدان مبارزۀ سیاسی ـ نظامی نبوده و حضور دشمنان مخالف نیزبه نوبۀ خود دال بروجود متحدین و مؤتلفین بالفعل و بالقوّه است. بنابراین در فقدان توانائی انفرادی برای غلبه بر دشمن، هرآکتورصحنه، ضروتاً باید به ائتلاف ها و اتحادها تن در دهد. در اینجا قانون جنگ "دشمن دشمن من دوست من است" مصداق مییابد که کاربردی اساسی و نقشی تعیین کننده در مبارزه وغلبه بر دشمن اصلی ایفا میکند.  پس بطور خلاصه می توان  محصور شدن و یا سنگرگیری تدریجی آکتور داخل قلعه را عمدتاً نتیجۀ عدم یارگیری و تن ندادن به ائتلاف ها و وحدت ها و عدم استفاده از امکانات موجود و اتکای صرف به نیروی خود در پروسۀ مبارزۀ سیاسی ـ نظامی دانست"[7].

بو اوسته کی گؤروشلر گئنیش بیچیمده کئچرلی ساییلدیقلارینا باخمایاراق بو گؤروشلری بیر نوسخه اولاراق هر هانکی بیر حرکت اوچون یئرسیز مصلحت گؤرمک و قوللانماق دا عاغیلسیزلیق اولار. بوگون حاکیمیت و اونا مخالیفت ساییلان یاشیل حرکت "جنبش سبز" بیربیرلرینه قارشین بعضاً دوشمنجه یاناشمالارینا باخمایاراق اونلارین عضولری نین بعضاً رسمی دانیشما[8] و یازیشما ایچینده اولدوقلارینی دا گؤرمه مک آذربایجان میللی حرکتینی یوخلوغا اوغرادار مقوله ساییلار. سیدعلی خامنه ای سید محمد خاتمی نین متکوبونا داییر دئمیش:

"نامه خاتمی را دو بار خواندم، نامه نجیبانه نوشته شده بود؛ اما آقای خاتمی ناآگاهی دارد که باید به وی اططالاعات صحیح داده شود"[9].

بو دئدیکلریمیز بیر یانا دورسون، 6.10.1388 تاریخینده عاشورا گونونده تهراندا اَن آزی 15 نفرین اؤلومونه، سایسیز انسانین یارالانماسینا، جان ومال خسارات گؤرمه سینه باخمایاراق حاکیمیت و اونا مخالفت ساییلان قانات آراسیندا گیزلی گؤروشمه لر و آنلاشمالار گئنه ده دوراقلامیش دئییل. بوگون علی مطهری "شفاف" سیته سینده "طرح آشتی" دئیه هر ایکی قاناتا آدرئسلمیش یئددی مادده لی بیر چیخیش یولو سرگیلمگه چالیشمیش، اوخویوروق:

"1) رهبران جنبش سبز به قانونی بودن رئیس جمهور اعتراف نموده دست از ادعای تقلب در انتخابات بردارند . همچنین به صراحت راه خود و اهداف و شعارهای خود را از گروه غربگرای مخالف اسلام که در این جنبش نفوذ کرده و در صدد رهبری و هدایت آن است جدا سازند. اين دو موضوع مانع رسيدگي دادگاه صالح به تخلفات احتمالي آن ها نيست.

2) رئیس جمهور به اشتباه خود در مناظرات انتخاباتی که تحت تاثیر هیجان موجود در آن دوره انجام شد اعتراف نموده از طرف های مورد اتهام عذرخواهی نماید . البته این امر منافاتی با بررسی اتهامات وارده در یک دادگاه صالح ندارد .
بديهي است كه مواد 1 و 2 بايد به طور همزمان تحت نظارت مرجع صالح انجام و اعلام گردد.
3) فضای آزادی بیان در رسانه ها اعم از صدا و سیما و مطبوعات برقرار شود و مطبوعات توقیف شده رفع توقیف شوند .
4) فضای امنیتی در کشور از بین برود و مسئولان امنیتی و اطلاعاتی از ادعای واهی انقلاب مخملی و براندازی نرم و تدارک براندازی نظام از چند ماه قبل از انتخابات با همکاری خارجیها دست بردارند و حوادث پس از انتخابات را ناشی از جاه طلبی ها و هواهای نفسانی و توهمها و بی انصافی های خودمان و نه دخالت خارجی ، و ناشی از سوء مدیریت بحران بدانند و از خشونتی که بعد از انتخابات در حق مردم روا داشته شد عذر خواهی نمایند .
5) همه بازداشت شدگان که معمولاً با دلایل واهی بازداشت شده اند در اسرع وقت از زندان آزاد شوند مگر کسانی که به اموال عمومی آسیب رسانده و دست به تخریب اماکن عمومی زده اند ، خصوصاً افرادی که در آشوب عاشورای تهران شرکت داشته اند.
6) مقصران حوادث کهریزک و کوی دانشگاه و مجتمع سبحان ، اعم از مباشر ، سبب و فرد یا افرادی که بازداشت شدگان را به بازداشتگاه کهریزک ارسال نموده اند در اسرع وقت به اسم و رسم و عکس معرفی و مجازات آنها اعلام و ترتیبی اتخاذ گردد که مردم از مجازات شدن آنها مطمئن شوند.
7) مسئولان قضایی در مقابل اقدامات تفرقه افکنانه و تمام خواهانه حامیان متعصب دولت که خود را پشت لوای ولایت فقیه پنهان کرده اند و در صدد حذف همه شخصیتها و گروههای اصلاح طلب و اصول گرا جز خودشان هستند و دستور برهم زدن جلسات سخنرانی و غیره را صادر می کنند بی تفاوت نباشند و به وظیفه قانونی و الهی خود عمل نمایند"[10].

مسئله اوسته کی مقاملار ایله ده نطقالاناجاق دئییل، آیت الله مکارم شیرازی دا بوگون 8.10.1388 تاریخینده "مجازات حرمت شکنی عاشورای حسینی" آدلی بیر مکتوبلا حاکیمیت و یاشیلچیلارا سسله نه رک یازمیش:

" ... گروهی از مغرضان به بعضی از خیابانهای تهران ریختند و قداست مراسم حسینی را که عامل وحدت صفوف همه ملت است شکستند، نخست به شعارهای سیاسی ساختار شکن پرداختند و سپس اقدام به تخریب اموال مردم و آتش زدن آنها نمودند. ما بارها گفته ایم غیر از جناح های سیاسی وفادار به نظام جمهوری اسلامی و قانون اساسی گروهی خرابکار و مزدور بیگانه در میان صفوف مردم رخنه کرده اند که هدف آنها فقط ویران کردن کشور و تجزیه آن و سپردن به دست بیگانگان است که قطعاً با هوشیاری وفاداران به اسلام و نظام هرگز به اهداف شوم خود نخواهند رسید. اطلاعات موثق و دقیقی به ما رسیده که آنها، جدایی حکومت را از اسلام تبلیغ می کنند و حتی بعضاً نسبت به مقام شامخ سالار شهیدان و عزادارانش اهانت کرده اند.

انتظار ما این است که اولاً: تمام جناح های سیاسی معتقد به نظام اسلامی این ساختار شکنی و هتک احترام را تقبیح و محکوم کنند"[11].

مکارم شیرازی نین یدی بیضاسی داها اوزاق نوقطالارا واراراق آذربایجان میللی فعاللاری نین بابک قالاسینا چیخیشینا دا اؤز دوشمنلیگینی بیلدیرمگه چالیشمیش:

"شک نیست که شخص مزبور (بابک خرمدین) دارای انحرافات روشن دینی و اخلاقی بوده است و برادران و خواهران عزیز نباید به خاطر قوم گرایی چنین شخص فاسد و مفسدی را ترویج کنند که مصداق مسلم ترویج باطل است. مسئولین محترم نیز باید آگاهی های لازم را در این زمینه از طریق رسانه ها به مردم بدهند و از صرف بیت المال در این راه جلوگیری نمایند"[12].

اوسته کی مقاملاری گؤتور قوی ائتدیکده هر ایکی قانادین دین آدینا فارسلیق ایستعمارچیلیغینی قوروماغا دوشوندوکلری اورتایا چیخماقدادیر. بوگون ایلانی میرحسین موسوی الی ایله اؤلدورمگه دوشونن سئکولار فارس راسیست و فاشیستلری ابراهیم یزدی واسیطه سی ایله سیدمحمد خاتمی نین عباسی نین آلتینا سوخولاراق یئری گلدیکده "جمهوری ایرانی" شعاری وئرمکله خاریجده کی فارس اوپوزیسیونو، آشیری ساغدان و آشیری سولا دک  حاکیمیتی اله کئچیرمک اوچون سفربر ائتمگه چالیشار. بو گؤتوروشمکلری و حاکیمیت و اونون رسمی مخالفیتی آراسیندا قاش گؤز آتما اویونلارینی و آرادا واسیطه چیلیک ائتمگه چالیشان ذاتلاری نظره آلارساق، دولاییلی اولاراق بو آدی چکیلن شخص و قوروملار هر بیریسی تکلیکده اتنیک آچیدان فارس اولمایان ائتنوسلاری بیر میللی وارلیق اولاراق اؤزلرینه دوست یوخسا دوشمن دئییل، لازیملی صورتده بیر یاماق کیمی اؤزلرینه یاپیشدیرماق دوشونجه و فیکیرینی قبول ائتمیش ساییلارلار. بئله بیر دورومدا ائینالی ایمضاسی ایله یازمیش موللیفین  "دشمن دشمن من دوست من است"  مقوله سی ده بو قونودا فارسچا دئمک جاییزسه، "قیاس مع الفارق" ساییلار. دئمک، اونلار اؤز ایچلرینده بیر بیرلرینه قارشین دوشمن اولابیلدیکلرینه باخمایاراق ائتنیک مسئله و میللیتلر مسئله سی سؤز قونوسو اولدوقدا اونلار هامیسی بیر بیرلیک اولوشدورماغا چالیشاجاق گؤرونرلر. دئمک، بوگون فارس حاکیمیتینه قارشین مصلحت اوزوندن متحد آراییشینا قاپیلان ذاتلار، یئری گلدیکده ایران ممالیکی محروسه سینده کی اؤزلرینه قونشو، یوخسا همدرد فارس اولمایان ائتنیکلری نظره آلابیلرلر. م. ائینالی ایمضاسی ایله یازیلمیش یازیدان گئنه ده اوخویوروق:

"... اما انزواگرائی و یا امتناع از نزدیکی های تاکتیکی معمولاً یا در نتیجۀ سیاستهای خطا آمیز و داوطلبانه آن نیرو با تکیه بر تحلیل های غیرواقعی و اخلاقی شکل می گیرد و یا محصول تلاشهای موفق دشمن برای ایجاد تشتت و پراکنده گی در اردوی مخالف به وقوع می پیوندد"[13].

بیر اوسته کی مقامدا ایشاره اولوندوغو کیمی میللی مسئله آچیسیندان فارس حاکیمیتی و میللی مسئله آچیسیندان اونا قارشین پوزیسیون اولوشدوران شخص و تشکیلاتلاردان پای اومماق یانلیش و خطا اولدوغو دورومدا آذربایجان میللی حرکتی اؤزونه مصحلتی بیرلشیک و متحد گوج آختارارکن بیر داها فارس قوماشلارینا دئییل، فارس اولمایان ائتنوسلار ایله اورتاق دوشمنی ییخماق اوچون گیریشیمه کئچمه لی و فارس اوپوزیسیونو ایران ممالیکی محروسه سینده میللیتلرین حقوق برابرلیگینی و میللی دؤلت قورما حاقلارینی قبول ائتدیکلری دوروم و تقدیر ده اونلارا دا خوش گؤرو ایله یاناشابیلر دئیه دوشونمه لی ییک. خاریجده کی آذربایجان میللی فعاللاری و تشکیلاتلاری نین یئریتدیکلری سیاست ایله تانیش اولانلار بو شخص و  تشکیلاتلار اؤز دوشونجه لرینه اویقون فارس اولمایان ائتنیکلرین شخص و تشکیلاتلاری ایله اورتاق اَیلمه وفعالیته قاتیلدیقلارینی آز دا اولسا، اؤیرنمیش اولار. بو گیریشیملرین یئترلی اولوب اولمادیقلاری اوزره دوشونجه و فیکیر یئریتمک ده اولار. آنجاق آذربایجان میللی شخص و تشکیلاتلارینی چکینگنلیک "انزواگرئی" اتهامی ایله فارس آخینلارینا یاخینلاشدیرماغا دوشونن ذاتلار ایران ممالیکی محروسه سینده نئجه بیر حاکیمیت سیستیمی نین حؤکوم سورمه سی نی و فارس اولمایان ائتنیکلر میللی مسئله آچیسیندان هانکی معامیله یه تابع توتولدوقلارینی درک ائتمیش ساییلمازلار. ائله اوندان یانا دا موللیف یازدیغی بو سیاست نوسخه لری ابطال اولونموش ساییقلامالار (پریشانگوئی) ساییلار.  ائینالی ایمضاسی ایله یازیلمیش یازیدا گئنه ده اوخویوروق:

"... به جرأت می توان ادعا کرد که شیوۀ مبارزۀ قلعه ای شرح حال و تاکتیک غالب تاریخ جنبشهای ملی (از جمله آذربایجان) در ایران و یکی از اساسی ترین علل شکستهای پی در پی آن بوده است که متأسفانه امروز نیز گروهی برادامۀ آن اصرار دارند. آذربایجان چه در دورۀ مشروطیت و جمهوری آزادیستان و چه در دورۀ حکومت ملی و جنبش خلق مسلمان همواره تمایل به محدود کردن عرصۀ فعالیت سیاسی ـ مبارزاتی خود به خطۀ آذربایجان داشته و بصورت عمده از وحدت ها، ائتلاف ها و نزدیکی های تاکتیکی سراسری گریزان بوده و یا در بهترین حالت پی گیر مصمّم آن نبوده است. هر چند تمایلاتی مبنی بر فاصله گیری از این شیوۀ مبارزاتی در دوره های مختلفی به چشم می خورد، اما ستون اساسی مبارزه همچنان حول محور مبارزۀ قلعه ای چرخیده است (قابل ذکر است که رهبر بزرگ  آذربایجان "میر جعفر پیشه وری" بعد از شکست حکومت ملی اعترافی آشکار به این مسئله داشت)"[14].

کئچمیش یازیلاردا اورزینده دورولدوغو و اوسته ده دولاییلی ایشاره اولوندوغو کیمی ایران ممالیکی محروسه سینده کی فارس اولمایان میللیتلرین اوولادلاری زامانیندا اؤز میللی کیملیکلرینی اؤنمسه مه دیکلری، اوخوما و یازما چاغیندا میللتلرینی هانکی معامیله ایله اوزلشه جگینی درک ائده بیلمدیکلری اوچون باشدا آذربایجان مشروطه چیلری اولاراق تورک انسانی نینا میللی بیلینج و شعور وئریلمدن ایستیبداد علیهینه ووروشاق دئیه تورک توپلومونو تورک قاجار شاهلیغی علیهینه سفربر ائتمگه چالیشاراق بوتون اجرائییه، مقننه و قضائییه اورقانلارینی فارسلیق اساسیندا قورولاجاق بیر مرکزیتچی سیستیمه اودوزموشلار.  آذربایجان میللی حکومتی نی 1947 اینجی ایل یئنیلگه یه اوغراتماق اوچون پلانلار تؤکموش فارس حاکیمیتی نظامی باخیمدان آذربایجانا یئریده جک قوشونلاری نین باشیندا آذربایجانلی سرهنگ هاشمی نی اوتوردارکن دیپلوماتیک آچیدان دا آذربایجان میللی حکومتینی فارس حاکیمیتینه تابع توتدورماق و سونرا آذربایجانی ایشغال ائتمک اوچون آذربایجان مشروطه چیلریندن اولان و او زامان لندن ده ایران سفیرلیگینده بیر سفیر کیمی خوش خیدمتلیک ائدن سید حسن تقی زاده نی بیر یوکسک وظیفه لی هئیئتله بیرلشمیش دؤلتلر تشکیلاتینا گؤندرمیش. فارس ایشغالینا مشروعیت وئرمک اوچون سید حسن تقی زاده بیر آذربایجانلی اولاراق روسیه قوشونلاری نین آذربایجانی ترک ائتمه سینه و ایران (اوخو: فارس) حاکیمیتی نین تورپاق بوتونلوگونون قورونماسینا چالیشمیش. دئمک، ایران ممالیکی محروسه سینده خالق کیتله سی ساوادسیزلیق عجوباتیندان و اوخوموشلار دا پست و مقامی دوشونه رک خالقی زامانیندا اؤز میللی کیملیک و منلیکلرینه باشا سالمادیقلاری، خالق ایچینده اؤز دیلینده معاریفیلیک ایشی آپاریلمادیغی اوچون شئیخ محمد خیابانی و سید جعفر پیشه وری حوکومتلری ده باشاریسیزلیقلا سونوجلانمیش.  ایران ممالیکی محروسه سینده فارسلیق ایستعمار سیستیمی یئرلشدیکدن سونرا بو ممالیکی محروسه ده میللیتلر مسئله سی نین حللینه گئدیلمه سی هر هانکی بیر فارس ایستعمار تشکیلاتی ایله دئییل، فارس اولمایان میللتلرین میللی تشکیلاتلاری نین ایش بیرلیگی ایله حیاتا کئچه بیلرمیش. فارسلیق ایستعمار حاکیمیت سیستیمی فارس اولمایان میللیتلرین اوولادلارینا اؤز دوشونجه لرینه اویقون میللی تشکیلاتلار یاراتماغا ایجازه وئرمه دیگی و فارس اولمایان میللت اوولادلاری دا فارس ایستعمار مقوله سینی زامانیدا آنلاییب قاورامادیقلاری اوچون دولاییلی یوللار ایله اؤز خالقلارینا میللی تشکیلاتلار یاراتماغی درک ائتمه یه رک فارس حاکیمیتلری ظعیف اولدوقلاری زامان بیله بو میللیتلر بیر بیرلری ایله اورتاق دیل تاپمانی بیله باشارمامیشلار. دئمک، قلعه ساواشی "مبارزه قلعه ای" دئیه ایران ممالیکی محروسه سینده میللیتلر مسئله سی اوزره کؤلگه دوشورمگه چالیشماق اؤزو ده میللی مسئله نی درک ائتمدیکدن ایلری گلن بیر مقوله ساییلار. ائینالی ایمضاسی ایله یازیلمیش یازیدان گئنه ده اوخویوروق:

".... رنگ سبز ..... این رنگ هم اکنون نه تنها همچنان نقش نمادین خود را در جنبش اعتراضی حفظ کرده بلکه به سمبل همبستگی نیز تبدیل شده است. گذشته از سیر تکاملی رنگ سبز، این در واقع حضور مردم در صحنه و اعتراضات علنی  آنان بود که به سمبل سبز معنی و مفهوم بخشیده و دوام کاربردی آنرا میسّرساخت. بنابراین جنبش اخیر رابطه ای لاینفک با به میدان آمدن مردم و نقش مستقل آنان دارد"[15].  

موللیفین اوسته کی گؤروشلری تهران حاکیمیتینه مخالیف ساییلان بوتون فارس شخص و تشکیلاتلاری اوچون کئچرلی ساییلدیغینا و اصلینده فرصتچیلیک اوزوندن حتی سلطنتچیلر و فارس نئونازیستلری بیله بو بویاق و رنگی اوزلرینه توتاراق حاکیمیتی تسلیم آلما چابالارینا قاپیلدیقلارینا باخمایاراق ایصطلاحاً 10-اونجو جمهور رئیسی سئچگیلری زامانیندا تبریزده بیر سیرا آذربایجان میللی فعاللارینی او جومله حسن ارک و دوستلاری تمناسیز میللی حرکت آدینا موسوی نی تبلیغ ائتمک ایستدیکلرینه موسوی یانچیلاری طرفیندن اجازه وئریلمه دیگینی نظره آلارساق، بوگون اؤزلرینی یاشیل حرکت "جنبش سبز" آدلاندیران دئموکرات مئابلارین موللیف ایددعا ائتدیگی دایانیشما "همبستگی" سمبولو نه قدر آلدادیجی و گؤز بویاجی بیر بویاق اولدوغو دا آرتیق آچیقلیغا قاویشمیش ساییلار. آنلاشیلدیغینا گؤره، ایصطلاحاً 10-اونجو جمهور رئیسی سئچیملرینه گئدیلمدن اؤنجه پرده آرخاسیندا بعضی فارس محفللری فارسلیغی توتولدوغو مهلکه دن قورتاراق دئیه میرحسین موسوینی کاندید ائتمکله آذربایجانلیلاری دا آلداتماق گیریشیمینده بولونموشلار. بو آرادا حزب توده یانچی سی ساییلان آذربایجان دمکرات فرقه سی ده پیک نت سیته سی واسیطه سی ایله آذربایجان توپلوم و اجتماعیتینه باش ووراراق مراجعت ائتمگه چالیمیش[16]. بوتون بو چابالارا باخمایاراق تهراندا حاکیمیت اوغروندا پارتلاغین اورتایا چیخماسی ایله شفاعتچی قلمه آلدیقلاری امامزاده جمهور باشقانی اولابیلمه میش. ائینالی ایمضاسی ایله یازیلمیش یازیدان گئنه ده اوخویوروق:

"حرکت ملی آذربایجان و جنبش سبز ....

 در شرایط نارضایتی کنونی هر کسی که دل خوشی از رژیم سرکوبگر نداشته و یا درعرض این سی سال از حاکمیت خبیث جمهوری اسلامی متضرٌر شده و یا صدمه دیده است پشت سر موسوی و جنبش سبز سنگر گرفته است. این طیف نژاد پرستان آریا پرست شروع و تا مجاهدین خلق، سازمانهای چپ و کمونیست، فمینیستها، اصلاح طلبان و مخالفین ولایت فقیه ..... در بر میگیرد. این امر به مصداق "هر کس از ظن خود شد یار من" عمل می کند...... از سوی دیگر سنگر گیری پشت چهرهای جناحی از حکومت (اصلاح طلبان) به مردم این امکان را می دهد تا از مزایای یک سپر قانونی و مجاز استفاده کرده و هزینه دهی را به حداقل برسانند"[17].

اوسته موللیف اؤزو ده ایشاره ائتدیگی کیمی ایلانی میر حسین موسوی الی ایله اؤلدورمک بوتون فارسچی ایستعمارچی شخص وتشکیلاتلاری نین ایچ ایستگی ساییلار. گؤروندوگو کیمی بو دوشونجه نین داشیجیلاری 1357 اینجی ایلده کی "همه با هم باشیم" و "بر من همه امورات و شئونات شخصی و مملکتی حکومت کنم" شعاریندان بیر شئی اؤیرنمیش دئییللر. اوسته لیک، یالنیز ایلان (اوخو: استبداد) اؤلدورولسون دئیه، بیر داها آذربایجان خالقینی فارس ایستعمارچیلارینا یئم ائتمگی اؤزلرینه وظیفه حئساب ائدرلر. سونرا اؤز قوروپلاری تضییقه معروض قالدیقدا "به گفته امام امت، اینکار کار آمریکاست[18]" شعارینی دیللر ازبری ائتمگه چالیشاراق حکومته گتیردیکلری شخص آرزو ائتدیکلری اولمازسا، بیزه خیانت ائتدی دئیه جک گؤرونرلر. ائینالی ایمضاسی ایله یازیلمیش یازیدان گئنه ده اوخویوروق:

" .... ادامۀ مبارزۀ قلعه ای و عدم یارگیری در سطح سراسری تنها به ایزوله کردن آذربایجان انجامیده و مبارزۀ سراسری را لنگ می کند"[19].

آذربایجان میللی مسئله سی ایله تانیش اولان ذاتلار، آذربایجانلیلار بیر میللی وارلیق اولاراق اؤزلرینی ایفاده ائتمگه چالیشدیقلاریندا هر زامان فارس شخص و تشکیلاتلاری طرفیندن تحریمه اوغرادیقلارینا تانیق اولموشلار. دئمک، فارس ایستعمارچیلیغینا اساساً آذربایجانلی آذربایجانین آدی نی چکمک ایسترسه، اؤز میللی منلیگی و کیملیگیندن واز کئچمه لی و آریا راسیستلریندن داها دا آریاچی و تمامیتچی اولمالیدیر. بو یاناشمالار کئچمیش یوز ایلده آذربایجانی و اونون باش شهری تبریزی ولیعهدنشینلیکدن بیر "بؤیوک کند" حالینا گتیرمیش بیر مقوله ساییلار[20].

دئمک، آذربایجان میللی مقوله سی موللیف خیال ائتدیگی کیمی بیر ایکی ویلایت (آذربایجان شرقی، غربی و اردبیل) چاپیندا قلمه آلیناراق "قلعه ساواشی" دئیه دوشونولمه میش. بوگون آذربایجانلی حتی تهرانداکی سویداشلاری نین گلجه گینه بیله قئیدسیز دئییل، یئری گلدیکده تهرانی دا بیر آذربایجان شهری گؤرمک ایستر. دئمک، فارس ایستعمار تشکیلاتلاری نین داغیلماسی و ائتنیک دابان اساسیندا هر شخص اؤز دوشونجه سی و میللی منسوبیتینه اویقون بیر تشکیلاتا قوشولماسی ایله تهرانین دا بؤیوک بیر حیصصه سی آذربایجان میللی سرحدلری ایچریسینده یئر آلاجاق اومودونو بیر چوخ آذربایجان میللی فعاللاری یاشاتماق اوزره دیر.  ائینالی ایمضاسی ایله یازیلمیش یازیدان گئنه اوخویوروق:

"...  مردم آذربایجان بدرستی از تز "دشمن دشمن من دوست من است" تبعیت کرده و جناحی را هدف قرار دادند که سرنیزه دست اوست. این گزینه درعین حال نشاندهندۀ تلاش ملت ما در فاصله گیری از شیوۀ مبارزاتی قلعه ای و تمایل به ایفای نقش و دخالت سیاسی درسطح کشوری بود"[21].

اوسته کی ایفاده دن بللی اولدوغو کیمی موللیف "من" و "منیم" مقوله لری نین نه اولدوقلارینی اؤنمسه مک و بو موضوعلارا اهمیت وئرمک ایستمز. "من" مقوله سی اؤزو ایله "منیم" مقوله سینی ده داشیمالیدیر. مسئله بئله اولدوقدا سوروشولمالیدیر:

-          فارس ایستعمار حاکیمیتی و تشکیلاتلاری و بو حاکیمیت و تشکیلاتلاردا مقام و منصب صاحابی اولان ذاتلار، آذربایجان تورپاقلاری نین آذربایجانلیلارا عایید اولدوغونو قبول ائتمیشسه لر، نه اوچون ایران ممالیکی محروسه سینده رسمی و قانونی دئیه آذربایجانلی نین میللی سیاسی و اجتماعی تشکیلاتلاری یوخدور؟

-          نه اوچون آذربایجانین یئر آلتی و یئر اوستو قایناقلاری یوک ماشینلاری ایله کرمان چؤللرینه داشیناراق ایش اوچون چالیشماغا گلین دئیه آذربایجانین انسانی گوجو ده فارس ولایتلرینده ایستیثمار (سومورما) حاکیمیتی طرفیندن ساغیلماق و انسانلاری اریتمه (آسیمیلاسیون) سیاستینه تابع توتولماق اوزره دیر؟

-          نه اوچون آذربایجاندا آذربایجان دیل و مدنیتی اساسیندا ایداره چیلیک سیستیمی دئییل، فارس ایداره چیلیک سیستیمی و فارس ایداره لری حؤکوم سورمکده دیرلر؟

دئمک، فارس ایستعمار مقوله سی نین ایران ممالیکی محروسه سینده حؤکوم سوردوگونو قبول ائتمگن بوتون فارس شخص و تشکیلاتلار آذربایجان میللتی نین دوشمنی ساییلار. بئله لیکله ده هر هانسی ایچ ایستعمارا تابع توتولموش میللیتلر مسئله سی آچیسیندان "دوشمن دوشمن من، دوست من است" دئییل، "منیم دوشمنلریم، منیم دوشمنیم ساییلار" مقوله سی سرگیلنمیش اولار. بوگون فارس ایستعمارحاکیمیتی  بالفعل و  اونا پوزیسیون ساییلان مخالفت شخص و تشکیلاتلاری ایسه ایران ممالیکی محروسه سینده کی میللی ظولومه معروض قالان میللیتلرین بالقوه دوشمنی ساییلارلار.

قایناقلار: