آذربایجانین غدار دوشمنلریندن بیری ده اؤلدو

محمود افشار یزدی نین خلفی، کئچمیشده "تهران بیلیکیوردو"نون باشقانی، "بنیاد موقوفات  محمود افشار یزدی"نین مسئولو، آذربایجان علیهینه یازیلمیش کیتابلاری "بنیاد موقوفات افشار" آدی ایله مجانی چاپ ائدن و آذربایجان میللی کیملیگی و منلیگینی یوخ ائتمکده قرارلی اولان "ایرج افشار یزدی" اؤلوم قیلینجینا توش گلدی.  ایرج افشار "نگاهی به آذربایجان شرقی" آدلی کیتابیندا آذربایجانلیلارین تورک اولمادیقلارینی ایددعا ائده رک فارس ایستعمارچیلیغیندان آلمیش بیلیکیوردو باشقانلیغینی فارس ایستعمارچیلیق و راسیستلیگی خیدمتینه آلاراق دورمادان یالانلاری بیلگی آدینا ایستر ایران ممالیکی محروسه سینده کی توپلوملار، ایسترسه ده بیلیم دونیاسینا یئدیرمگه چالیشیردی، آذربایجانلیلارین کیم اولدوقلاری اوزره یازدیغی ایفاده لردن اوخویوروق:

"آذربایجانلیلار اصیل و آریا نژادیندان اولان ایرانلیدیرلار. بو نژاد اسکی آریا عیرقینداندیر. اونلار اشکانیلر و ساسانیلر زامانیندان آریا عیرقی نین دیلی و اؤزللیکلرینی ده ساخلامیشلار"[i]. بونا بنز ایفاده نی، شیعه لیگی فارس ایستعمارچیلیغینا اویونجاق ائدن کیهان هوائی قازئتی ده یازمیش، اوخویوروق: "آذربایجانلیلار تورک اولمادیقلارینی قبول ائتمه لیدیر. اونلار دیل و نژاد باخیمیندان فارسلیغین آیریلماز بیر بؤلومو ساییلار"[ii].

ایرح افشار یزدی، 1304 (1925) ایجی ایل، فارس ایستعماری ایران ممالیکی محروسه سینه حاکیم کسیلن ایل، او زامانا دک آذربایجان تورکلری حاکیم اولان تهران شهرینده دونیایا گؤز آچمیش، رضاخان حاکیمیت چئوریلیشی ائتدیکدن سونرا محمود افشار یزدی نین اوزونگیسینده فارسلیغی ایران ممالیکی محروسه سینه حاکیم کسدیرمک اوچون بیلیم اوجاقلاریندا دری قابیق قویماغا و اجتماعیتی آلداتماغا چالیشمیش.

گؤروندوگو کیمی آذربایجان میللی کیملیگی و منلیگینی یوخ ائتمک فارس بیلیم اوجاقلارینا دا داریشمیش بیر خسته لیک ساییلار. بو خسته لیکله بو موجودلار تألیف ائتمیش کیتابلار واسیطه سی ایله ایران ممالیکی محروسه سینده کی فارس دیلینی اوخویوب یازمانی بیلن بوتون انسانلارین مغزلرینی زهرلمگه چالیشمیشلار. یاشامین دادلی و شیرین اولدوغونا ایناناراق، هئچ بیر وارلیغین دونیایا گؤز یومماسینا راضی اولمادیغیمیزا باخمایاراق بئلنچی فاشیست، راسیست و ایستعمار قوه لری نین ایرج افشار یزدی اولاراق ایسفند آیی نین اون ایکیسینده، 1389 (2011) اونجو ایل  خستلیگه توتولوب اؤلمه سینی انسانلیق عالمینه باشدا آذربایجان تورکلری اولاراق تبریک دئمک ایستردیک.