ایرانیت مورگوسونه غرق اولماق می، یوخسا فارس ایستعمارچیلاری طرفیندن کؤکلنیب فارس مدنیت راسیستلیک گؤروشونه قاپیلماق؟

 

آذربایجان میللی مسئله سی گوجلندیکجه فارس مدنیت راسیستلیگینه قاپیلمیشلار دا "ایرانیت" مقوله سینده اریییب یوخلوغا دوغرو یؤلندیکلری و زامان زامان ایران دئیه مورگولمگه قاپیلدیقلاری اوچون آذربایجان میللی مسئله سینه انسانجیل گؤزو ایله دئییل، بیر دوشمن گؤزو ایله یاناشاراق اؤز گؤروشلرینی گئرچکلیک و حقیقتین بیر بؤلومو اولابیلجک دئییل، بوتون بیر گئرچکلیک کیمی گؤرمگه قاپیلاراق فارس مدنیت راسیستلیگینه قوللوق ائتمکده باشی گؤوده-دن آییرت ائتمک قابیلیتینی ده الدن وئرمیش اولارلار، بو دوغرولتودا کاظم رنجبر آدلی فارس مدنیت راسیستیندن اوخویوروق: 

"... ،تقاضا دارم ، در پخش این مقاله ، که در رابطه با مفهوم وحدت ملی ،و افشاء سیاست های بیگانگان ، و عاملان تجزیه طلب آنان ، که ملت ایران را آگاهانه و یا نا آگاهانه ، به جنگ خانمان سوز داخلی ، چون: یوگسلاوی سابق ، می کشند ، ، در پخش این مقاله در ابعاد گسترده ، به اینجانب ،کمک بکنند. باز هم تکرار میکنم ،هموطنان می توانند با تمام رضایت من، صاحب این قلم ، اسم و مشخصات مرا با تمام راحتی وجدان ،از مقاله حذف بکنند .هدف کسب اسم وشهرت نیست بلکه حفظ تمامیت ارضی و وحدت ملی ،وجلوگیری از احتمال یک جنگ داخلی است ،که بیگانگان وعاملان آنان در شکل گیری آن ، با مسائلی که در خاورمیانه و شمال آفریقا می گذرد ، بیش از پیش فعال شده اند"[1].

اوسته گؤروندوگو کیمی کاظم رنجبر انسانلاری حمیق اولموش و اؤز گؤروشونو گئرچکلیک و حقیقتین ایچ اوزو کیمی نظره آلاراق اؤز دوشونجه و فیکیرلرینی باشقالاری نین آدی ایله یایدیرماغا جواز وئرمگه چالیشار. بو ذاتلارین گؤروشونه اساسن گئرچکلیک ساییلاجاق مقوله ده فارس دیل و مدنیتی اساسیندا ایداره اولونان ایران ممالیکی محروسه سی ساییلار. دئمک، مسئله انسانجیل بیر داورانیشلا سورونلاری حل ائتمک دئییل، تورپاق بوتونلوگو و تمامیت ارضی آدینا فارس اولمایان ائتنوسلاری فارسلاشدیراراق ایچ ساواشین قاباغینی آلماق منظور اولونار. یئری گلمیشکن سوروشولار: ایچ ساواش (جنگ داخیلی) نه دئمکدیر؟

ییرمی بیرینجی یوز ایلده انسانلارین دیل و مدنیتلرینی یوخ ائتمکده قرارلی اولان فارس ایستعمارچیلیق حاکیمیت سیستیمی نین بیر بیریمی (عضوی) اولاراق فارس اولمایان دیل و مدنیتلری یوخ ائتمکده فارس ایستعمارچیلاری نین یانیندا یئر آلماق و "تمامیت ارضی" مقوله سی آرخاسیندا گیزلنه رک اوراداکی دیل و مدنیتلری یاساق اولموش میللیتلره سسسیزجه ایرانیت آدینا ساواش آچماق ایچ ساواشین باشلانماسینا یول آچماق دئییل می؟ دئمک، ایچ ساواشدان قورخویا دوشموش ذاتلار ایلک اولاراق فارس مدنیت راسیستلیگیندن ال چکه رک فارس راسیستلیگی یانیندا یئر آلماق یئرینه اؤز دیل و مدنیتلرینی قاباریق بیچیمده گونون موضوعسو ائده رک ایران ممالیکی محروسه سینده کی ائتنیک مسئله لره انسانجیل بیر حل یولو تکلیف ائتمه لیدیرلر. ترس دورومدا سسسیزجه باشلانمیش ایچ ساواشدا فارس ایستعمارچیلیغینا قوللوق ائتمکله ایچ ساواشین قارشینی آلماق دئییل، فارس ایستعمارچیلیق و راسیستلیگینه ماشا و وسیله اولمانی گؤزدن قاچیرمیش اولارلار. کاظم رنجبر گئنه ده یازار:

"... ایران زمین وطن ما ایرانیان ، در طول تاریخ ، بکرات مورد تهاجمات واشغال بیگانگان گشته است ، وهر ایرانی آشنا به تاریخ وطن اش ،عمق صدمات انسانی ، معنوی و مادی و فرهنگی این تهاجمات را می داند"[2] .

ایرانیت مقوله سی سیاسی آنلامدا فارسلیق اساسیندا ایضاح اولونماسینا باخمایاراق اوردا یاشایان انسانلارین ائتنیک توخوش و ترکیبی نی نظره آلدیقدا سیاست دونیاسیندا قبول اولونموش "ایرانیت" مقوله سی فارس ایستعمارچیلیغینا اساسلانمیش بیر راسیستلیک دوشونجه و مفکوره سی ساییلار. بو راسیستلیک مفکوره سینه اساسن هر بیر اؤزونو ایرانلی قلمه آلان ذات فارس دیل و مدنیتینی سسسیز و سمیرسیز قبول ائتمه لی و فارس حاکیمیت سیستیمی اساسیندا قبول اولونموش فارسلیق باتلاغیندا بیر میللی وارلیق اولاراق اریییب یوخ اولمالیدیر. کئچمیشده ایرانیت مقوله سی شاهلیق حاکیمیتلری نین سیاسی سرحدلری اساسیندا اؤزونه آنلام و اهمیت قازاناردیرسا، بوگون ایرانیت مقوله سی حاکیم اولموش فارس ایستعمارچیلیق سیستیمینه اساسن فارس دیل و مدنیتی اساس گؤتورموش بیر ایستعمارچی و سیاسی گؤروش ساییلار. دئمک، ایرانیت آرشین و پارامئتیرلری ده زامان کئچیدینده بیر چوخلاری خیال ائتدیکلری کیمی دگیشیلمز بیر دین اینانجی دئییل. بو گئرچکلیکلری نظره آلاراق دینلرده اولان دوگم اینانج ایله توپلوم تانیما (جامعه شناسلیق) گؤروشلرینی بیربیرلری ایله دگیشیک سالاراق اؤزلرینی "جامعه شناس سیاسی" کیمی تقدیم ائتمگه چالیشان ذاتلار بو بیلیم ساحه سینده چالیشمیش انسانلاری چیکیمسه میش (تحقیر ائتمیش) اولارلار. کاظم رنجبردن گئنه ده اوخویوروق:

" از آنجائیکه امروز در وطن بلاکشیده ما ایرانیان ، هرکس که از ننه اش قهر می کند ، به پشتبانی همه جانبه قدرت های خارجی ذینفع ، پرچم تجزیه طلبی را با عنوان پرطمطراق : حق تعین سرنوشت !!! را به اهتزاز درمی آورد .... پشت این :حرکت های تجزیه طلبی ، قدرت های بیگانه در راستای منافع ژئوپولتیک و ژئواستراتژیک ، همراه با یک مشت خائنین وطن فروش ، فعال هستند . چه بسا ، شاید آن بخش از ایرانیان ایکه عشق و علاقه به ملت و وطن تاریخی خود ایران دارند ، هشیار و بیدار باشند برای اینکه فرصت کوتاه و :فردا خیلی دیر است !!!"[3].

اوسته گؤروندوگو کیمی بو ذات وطن مقوله سی اوزره ده سفسطه ائتمگه چالیشار. دئمک، "ایران" آدلانمیش "وطن" بلایا توش و دوچار اولموشسا، بو بلادان قاچینماق اوچون حاکیم دیل و مدنیتین آلتیندا انسانلاری یوخویا وئرمک، فارس اولمایان انسانلاری انسانلیقدان اوزاق ایفاده لر و ایتیهاملار ایله قارالاییب سوسدورماغا چالیشماق، اونلاری خاریجی گوجلره نیسبت وئرمک ده انسان سئورلیک، توپلوم تانیما (جامعه شناسلیق) بیلیمی ایله باغلاشماز مقاملار ساییلاراق فارس ایستعمارچیلیق مقوله سینه اساسلانمیش بیر شیادلیق مقوله سی ساییلار. کاظم زنجبر گئنه یازیر:

" آرازی آیردیلار قومنان دویوردولار . من سنن ایرلمازدیم ، ظلمونن اییردلار ارس را جدا کردند و با شن پرکردند. من از تو جدا نمی شدم ،با ظلم مارا ازهم جدا کردند. (یک بیاتی در زبان آذری ، در رابطه با تجزیه آذربایجان شمالی (اران ) از مام وطن ،که هر آذربایجانی ایران دوست آنرا از درون روح واحساس خود هنوز هم بعد از گذشت 2 قرن ، آنرا می خواند)"[4].

اوسته گؤروندوگو کیمی اؤزونو جامعه شناس کیمی تقدیم ائتمیش کاظم رنجبر، بوگونکو توپلوملارا حاکیم اولموش دیل و مدنیتلرین ده اؤنم و اهمیتینی باشا دوشموش دئییل. دئمک، مؤللیف قاجار شاهلیغی و روسیه چارلیغی آراسیندا بؤلونموش آذربایجان میللت اوولادلاری نین آغری و دردلرینی ایران سئورلیک (ایران دوست) و فارسلیق اساسیندا یوروملاماقلا آذربایجان اوولادلاری نین میللی دوشونجه و مفکوره لرینی تحقیر ائتمیش، بئله لیکله ده فارس ایستعمارچیلاری یانیندا اؤزونه لاییق یئری کسب ائتمیش ساییلار. کاظم رنجبردن گئنه ده اوخویوروق:

"... در بین ایرانیان متشکل از اقوام مختلف ، با تاریخ مدون بیش 2500 سال ،امروز در هزاره سوم ، یک عده عوامل بیگانه ،پرچم تجزیه طلبی را به اهتزاز در آوردند"[5].

اوسته گؤروندوگو کیمی خاریجده میلیونلار پول واسیطه سی ایله فارسلیق اساسیندا یالان ماهیتلی یازیلمیش ناغیللاری تاریخ دئیه  مؤللیف ایران ممالیکی محروسه سینده کی میللیتلرین یازیلمیش تاریخی دئیه فارس اولمایان میللی دوشونجه لی انسانلاری اؤزگه ماشاسی (عوامل بیگانه) کیمی تانیتماغا چالیشار. بو یاناشمالار مؤللیفین فارس ایستعمارچیلیق ماشاسینا دؤنمه سیندن و فارس ایستعمارچیلیغینا قوللوقچو اولماسیندان حئکایت ائدر. کاظم رنجبرین فارس ایستعمار قوللوقچوسو اولماسی آشاغیداکی ایفاده لر ایله سرگیلنمیش اولار، اوخویوروق:

"تحلیلگران مسائل سیاسی ایران امروز ، حرکت های مرموز پان ترکیسم ، پان تورانیزم تجزیه طلبان آذری تبار را باید در راستای این سیاست های ارزیابی بکنند .موضوع به ظاهر موضوع دفاع از زبان آذری نیست ، بلکه الحاق آذربایجان ایران ، واران ، به ترکیه است که حتی بعضی از بی وطنان پرچم آنرا بالازده اند !!!"[6].

اوسته گؤروندوگو کیمی فارس مدنیت راسیستلری آذربایجان میللی مسئله سینی بیر ایستعمارچی گؤروش کیمی قلمه آلاراق فارس ایستعمارچیلیغینی اجتماعیتین گؤزوندن یاییندیرماغا چالیشارلار. بیلیندیگی کیمی ایران ممالیکی محروسه سینده آخین ائدن آذربایجان میللی مسئله سی، ائتنیک گؤنئی آذربایجان تانینان تورپاقلاردا تورک ائتنوسونون میللیلیک و انسانلیق ساواشی ساییلار. بو مسئله نی قونشو قارداش دؤلتلره نیسبت وئرمک یالنیز فارس ایستعمارچیلیغینا ماشا اولموش آزقینلارین فارس ایستعمارچیلیق گؤروشو و وظیفه سی ساییلار. کاظم رنجبر فارس ایستعمارچیلیق گؤروشلرینه برائت قازاندیرماق اوچون یازیر:

"... بریتانیای کبیر ،که اسم دیگر آن به انگلیسی :United Kingdom - و به اختصار با دو حروف :U .K ،نوشته می شود ،به عنوان هویت رسمی وسیاسی این کشور ،در سال 1707 بنیانگذاری شده است واین کشور، اولین دموکراسی پارلمانی دنیا است . این کشور متشکل از :اقوام انگلیسی تبار ولز تبار - اسکاتلندی تبار ایرلندی تبار می باشد. زبان رسمی این کشور و این امپراطوری ،چه در گذشته و چه امروز ، زبان انگلیسی است ، زبان اسکاتلندی ، زبان ولزی ، زبان ایرلندی نیست. این ملت ، مرکب از نژاد ، زبان ، مذ اهب گوناگون هستند. خوانندگان فکر نکنند که این واقعیت سیاسی فرهنگی ، اقتصادی ، بخاطر چشم و ابروی وزبان انگلیسی با هم متحد شده اند !!! نه هرگز چنین نیست . اتحاد این اقوام برای حفظ جان و مال و منافع دور مدت خود ، در مقابل قدرت های متجاوز بوده و این سیاست یک پارچگی واتحاد ، این کشور را در طول 3 قرن ، نه تنها از گزند متجاوزین در امان نگاه داشته است ، بلکه این ملت متحد را تبدیل به بزرگترین امپراطوری سه قرن گذشته کرد. بدون چنین اتحاد عاقلانه و منطقی ، نه بریتانیای کبیری و جود داشت ونه امپراطوری بریتانیا می توانست وجود داشته باشد"[7].

اوسته گؤروندوگو کیمی ایستعمارچیلیق باخیمیندان مؤللیف میللی کیملیک و منلیک ساواشی وئرن اسکاتلند و ایرلند خالقینی میللی مفکوره لی دئییل، انگلیس ایستعمارچیلیغی نین یانیندا یئر آلمیش کؤنوللو (داوطلب) خالقلار کیمی قلمه آلماغا چالیشار. بو دا بو ذاتلارین انگلیس یانلیسی اولماسیندان دئییل، فارس مدنیت راسیستلیگینی بیر میللی مفکوره دئیه قبول ائتدیکلریندن و نئهیلیست اولدوقلاریندان ایلری گلن بیر گؤروش ساییلار. کاظم رنجبر انگلیس ایستعمارچیلیغینی توجیه ائتمک اوچون یازیر:

"... قبل از اتحاد عاقلانه و منطقی اقوام بریتانیائی ، بین کشور فرانسه ،و انگلستان ، مدت یک قرن تمام ، جنگهای خونینی معروف به :جنگهای صد ساله (1337 -1453) روی داده بود ،که در نهایت دوپادشاه انگلیس ، ادوارد چهارم ، از انگلستان ، ولوئی یازدهم ، معاهده صلح بین دو ملت را بستند. همین انگلستان ، از سال 793 مدت دوقرن ، مورد تهاجم و دراشغال اقوام شمالی اروپا ، معروف به :Vikings بودند . فرانسه نیز در روند شکل گیری ملت فرانسه و وحدت بین اقوام :نرمان ها ، فرانک ها ، برتانی ها ،آلزاسی ها ، باسک ها ، بورگنی ها ، نرمان ها ،کرس ها ، تاریخ مشابه ای چون تاریخ بریتانیای کبیر دارند . قبل از انقلاب کبیر فرانسه ، این اقوام ، در ایالات مختلف متعلق بصورت سیستم فئودالیسم ، زندگی می کردند ،و هر از چند مدتی ، رئیس هرقومی ، به تحریک پاپ ها ، ویا دخالت قدرت های خارجی ، علیه حکومت مرکزی ، دست به شورش و نافرمانی می زدند. انقلاب کبیر فرانسه ،با ایدئولوژی خود ، بعد از جنگهای خونین ، توانست ،ملت واحدی را ، با زبان اداری واحد ، در سرزمین فرانسه با نظام جمهوری لائیک (جدائی دین از سیاست ) را در این کشور حاکم بکند . با وجود این ، جنگهای خونینی بین آلمان ، و فرانسه ، در رابطه با آیالات آلزاس و لورن ، ایالت های با زبان مشترک ژرمن وهم مرز آلمان ، در قرن نوزدهم و بیستم رخ داده اند . امروز ملت فرانسه با وحدت ملی ،و زبان رسمی فرانسه ، به حیات سیاسی و اقتصادی ، و اعتبار بین المللی خود ادامه می دهد"[8] .

اوسته گؤروندوگو کیمی آذربایجان میللی حرکتینی خاریجی اؤلکه لره و امپیریالیست گوجلره نسبت وئرن ذاتلار فارس ایستعمارچیلیغینی قوروماق اوچون انگلیس و فرانسه مدنیت راسیستلری نین یانیندا یئر آلاراق فارس مدنیت راسیستلیگینی گؤزدن یاییندیرماغا چالیشارلار. بودور فارس مدنیت راسیستلری نین انسانلیق و جامعه شناسلیق مقوله لری!!! بیلیندیگی کیمی باسکلار و کورسلار بوگون ده اؤز میللی منلیک و کیملیکلرینی یاشاتماق آرزوسو ایله یاشارلار. کاظم رنجبر روسیه کمونیستلیگی داغیلدیقدان کئچمیشده کی یوگوسلاویده کمونیستلیک آدینا اعمال اولموش صیرب ایستعمارچیلیغی علیهینه اوراداکی ائتنیکلرین قارشی قویمالارینی بیر میللتین اؤلومو (مرک یک ملت) دئیه یازیر:

"مرگ یک ملت . تراژدی انسانی، در یوگسلاوی سابق وتجزیه آن کشور . .... بیان مرگ تراژیک یک ملت و یک هویت ملی ملی است ، که چگونه قدرت های استعماری ، چون گرگ های لاشخور ،بعداز تجربه تلخ جنگ دوم جهانی ،که بشریت با 60 ملیون قربانی بلاخره توانست در اروپا ، به صلح نسبی برسد ، شاهد یک نسل کشی تمام عیار در قلب اروپای متمدن شد ، و این تنگ نظری صدها هزار کشته و زخمی و آواره بجای گذاشت"[9] .  

اوسته کی مقامدا دا کاظم رنجبر حضرتلری فارس مدنیت راسیستلیگینی قوروماق آدینا صیرب فاشیستلری کیمی تانینان سلوبودان میلاشوویچ و رادان کاراجیج حضرتلری نین یانیندا اؤزونه لاییقی یئری آلمیش گؤرونر. دئمک، بو ذاتلار فارس مدنیت راسیستی اولدوقلاری اوچون آذربایجان خالقی نین ده فارس مدنیت راسیستلیگینده اریییب یوخ اولماسینی اؤزلری اوچون انسانلیق بورجو حئساب ائدرلر. بو ذاتلار یئری گلمیشکن تورکلوگه نیفرت ائتدیکلرینی ده دولاییلی بیچیمده اؤزگه لرین دیلی ایله ایفاده ائتمگه چالیشارلار، اوخویوروق:

"... در صحبت تلفنی که با آقای دکتر حسین لاجوردی ، رئیس انجمن پژوهشگران ایرانی داشتم ، خود ایشان سخنی را در رابطه با :تجزیه طلبان پیش کشید ،که خود شاهد و ناظر این مطلب بود . آقای دکتر لاجوردی فرمودند : در کنفرانسی که ایرانیان مقیم سوئد در رابطه با هویت ملی برگزار کرده بودند ، شرکت داشت ، و یکی از هموطنان ایرانی آذری تبار در رابطه به آموختن زبان های اروپائی و فلسفه تسلط کامل به این زبانها توسط فرزندان ایرانیان آذری تبار،به فارسی با لهجه آذری چنین گفت :مگر من احمق هستم که بگذارم فرزندم ترکی یاد بگیرد و فردا حد اکثر برود در دانشگا ه های ترکیه درس بخواند؟ من سعی میکنم که فرزندم زبان انگلیسی بیاموزد و خوب به این زبان مسلط بشود ، تا بتواند به بهترین دانشگاه های دنیا در آمریکاو کانادا و انگلستان وارد بشود .(نقل از آقای دکتر حسین لاجوردی )"[10].  

بئله بیر دورومدا آذربایجان خالقی نین اؤیرنیله جک یاخشی بیر مثلی وار، او دا بو: "بوگونکو قوشلار، دوننکی قوشلارا جیو جیو اؤیرتمگه چالیشار". دئمک، ایرانلی آدینا الکن فارس دیلی اوچون دری قابیقدان چیخماغا چالیشان ذاتلار، تورک دیلی سؤز قونوسو اولارکن، بو دیلین پیس اولماسینی و بئله لیکله ده آذربایجانلیلاری اؤز میللی منلیک و کیملیکلرینه اؤزگه یاشاتمالارینی آرزو ائدرلر.

 

قایناقلار:



    [1]   کاظم رنجبر، جامعه شناس سیاسی، تولد ملت: http://www.iranglobal.info/I-G.php?mid=2-66382

[2]      کاظم رنجبر، باخ اورادا.

[3]      کاظم رنجبر، اورادا.

   [4]   کاظم رنجبر، باخ اورادا.

[5]      کاظم رنجبر، باخ اورادا.

[6]      کاظم رنجبر، باخ اورادا.

[7]      کاظم رنجبر، باخ اورادا.

[8]      کاظم رنجبر، باخ اورادا.

[9]      کاظم رنجبر، باخ اورادا.

[10]     کاظم رنجبر، باخ اورادا.

 

 

 

ایشیق سؤنمز، 22.04.2011