آذربایجان میللی حرکتی و بوش بوغازلیقلار!
بیلیندیگی کیمی ایکی و اوچ ایل بوندان اؤنجه آنا وطندن اوزاق آذربایجان میللی فعاللاری دئیه بیر-بیرلرینه چامور آتمالار، بیر- بیرلرینی هارانین جاسوسو و هانکی میللیتدن آسیلی اولما ایتتیهاملاری گونی آذربایجاندا میللی مسئله دیرچلمه گه باشلادیقدان سونرا گئنیشلنمه گه باشلامیش ایدی. خاریجده کی میللی فعاللارین درایتی ایله بو مسئله یه سون قویولدو. بونلارا باخمایاراق کئچمیشده بو مسئله ایچریده (آذربایجاندا) توطئه ایتتیمامی ایله ایجتماعیته یانسیردیسا (1)، بوگون سولچولوق، ساتقین و ساییره ایتتیهاملار ایله آذربایجان ایجتماعیتینه مجعول و یالانچی آدلار ایله یانسیماقدادیر. بیلیندیگی کیمی توطئه یازیسی شمس سایتی طرفیندن حسن ارک و جمشید نیازی جنابلاری نین خارابا دگیرمانا گئتمه تکلیفی ایله اورتایا آتیلمیشدی. او داورانیشلارا داییر بیز اؤز موناسیبتیمیزی بیلدیرمیش ایدیک (2). بیلیندیگی کیمی او زامانکی قارشی دورمانی حامد ایمان جنابلاری و فیکیرداشلاری حسن ارک، جمشید نیازی و فیکیرداشلاری نین ائده جکلری داورانیشلاری اوزره بیر فیکیر چیخیشی اولاراق اورتایا قویموشدولار. او یازیدا اوخویوردوق:
» ... از اين رو تجمع افرادي وابسته، بدون شناسنامه، مجعول و مجهول كه شايع است به نام اين حركت و گويا در مهرماه وبه مناسبت جدايي دو ملت آذربايجان انجام خواهد گرفت، را محكوم كرده و اعتقاد راسخ دارند، اعمالي از اين دست ساخته و پرداختهي ذهنهايي است كه همواره سعي در بياعتبار كردن و سركوب «حركت ملي آذربايجان» را دارند (1) و گئنه باخینیز (2).
سونرالار حسن ارک جنابلاری نین بو مسئله نی یئلله مک ایسته مه دیگی و حامد ایمان جنابلاری دولاییلی اولاراق بیزیم یازیمیزدا ایشاره ائتدیگیمیز تنقیدلری یئرلی حئساب ائتدیکلری اوچون آرا یوموشانماغا باشلامیش ایدی.
بو ایل تیر آیی نین 14 اونده (1384 ده) باقرخان مزاری یانیندا باش وئرن اولایلار اوزره گئنه بیز اؤز موقعیتیمیزی بیلدیره رک عباس لیسانی جنابلارینی دگیل، پولیس، نیظام و اینتیظام قووه لرین دینج اینسانلاری باتوملادیغینی محکوم ائتمک گرکدیگینی اورتایا قویموش و بو حرکتلر قارشیسیندا عباس لیسانی ذات عالینی محکوم ائتمه گه چالیشانلاری داورانیش باخیمیندان تنقید ائتمیش ایدیک (3). بونلارا باخمایاراق حسن ارک جنابلاری نین مزار یانینداکی داورانیشلاریندان بعضیلری خوشلانمایاراق اونون فیکیرلرینی تنقید دگیل، اونون هانکی دونیا گؤروشونده اولدوغونو و او ایتتیهاملار اوزره حسن ارک جنابلارینا یئنی ایتتیهام دونو گئیدیرمه گه چالیشدیقلارینین شاهیدی اولدوق. او ایتتیهاملارا کئچمه دن حسن ارک و جمشید نیازی جنابلاری نین خارابا دگیرمانا گئتمه لرینی و آذربایجان میللتی نین بؤلونمه سینه داییر اعتیراض میتینگی کئچیرمه تکلیفلرینی و او عمللریندن یانا، حسن ارک، جمشید نیازی و امیر علی آدلی باشقا بیر وطنداشیمیز بیرلیکده توتولاراق حبس اولدوقلارینی خاطیرلاتماق پیس اولمازدی. بونلارا باخمایاراق مصطفی عیوض اوغلو ایمضاسی ایله، حسن ارک جنابلاری نین باقرخان مزاری اوسته فاتحه اوخودوقدان سونرا "سس سیز- کویسوز بو محللی ترک ائدک، ...." مسئله سینه علمی آنالیز ائتمک یئرینه ایتتیهاملارینی اوخویوروق "...حسن ارکين بو سؤزلري حامينئ شاشيردئ داها مراسيم اونودولموشدو و حامئ کومونيست جينابلارينا حئيرتله باخيردئ...(مراسيمي معنوي تخريب ايله پوزماق، اؤزوده خشونت سؤزونون بهانه سيله!!!!!) حسنک ين سؤزلري، اطلاعات مامورلارئ نين سؤزلري نين تکرارئ ايدي. بو دورومو گؤره ن حسن ارک رواني تاثيرين چوخالتماق اوچون، اوتانمادان بير داها دا بئله باشلادئ: قورتار، دانيشما، بسدي... ايسته ميريک خشونته چکسين. آمما بو دؤنه آرتيق، حسن ارکين خيانت يولوندا يارديمچئ سئ دا وارايدي؛ حامد ايمان و کوچوک ريضا سّياح ( سون زامانلار ميللت چي آديله تاپيلان بير گنج اوغلان، چوخ لارئ اونو اطلاعات ايشچي سي بيلير؛ کومونيست لرين ايختياريندا) . بو ساتقين کومونيست لرين سؤزلري نين رواني ائتگي سي جماعاتين اوستونده او قده ر چوخ اولدو کي...."(4).
اوسته گؤروندوگو کیمی بورادا حسن ارک جنابلاری نین تکلیفی اوزره فیکیر یئریتمک یئرینه فارس حاکیمیتی طرفیندن آذربایجان میللی فعاللارینا وورولان ایتتیهاملار و تحقیر ائدیجی سؤزلر (باخ اوسته: حامی کمونیست، حسنک، حسن ارکین خیانت یولوندا یاردیمچی سی وار ایدی؛ حامد ایمان و ریضا سیاح....اطلاعات ایشچی سی؛ کمونیستلرین ایختیاریندا؛ ساتقین کمونیستلر....) اؤز عکسینی تاپماقدادیر. بو داورانیشلار ایله آذربایجانلیلاری بیر-بیرینه قارشی قویاراق آذربایجانلیلارین میللی ایستکلرینی بایکوت ایله جاوابلاماق فارس حاکیمیتی اوچون او قدر ده چتین اولمامالادیر. بو مسئله نی آذربایجان میللی فعالی دئیه هر کس کئچمیش تاریخیمیزدن درس آلاراق بیلمه لیدیر. بیلیندیگی کیمی کئچمیش 80 ایلده آذربایجان آیدینلاری هر زامان بو ایتتیهاملار ایله قارالانمیش و ایجتماعیت ایچرسینده تجرید وضعیته دوشموشلر. میللی حوکومت زامانی 1945-1946 ایللرینده آذربایجان میللی فعاللارینی الله سیز، اجنبی عامیلی و فارس حاکیمیت یانچیلارینی الله آتلی سی و خالق منافعینی دوشونن دئیه عوام جاماعات ایچره آذربایجان میللی فعاللارینین ناموسونا تجاووز ائتمه گه ایجازه وئریلمه سینه زمینه یاراتما چابالاری او زامانکی ادبیات صحیفه لریندن سیلینمه یه جک بیر تاریخی نمونه لردیر. بوندان یانا دا بیر مسئله اوزره فیکیر یئریدرکن اوبیئکتیو اولمانی ایستر اؤزوموز و ایسترسه ده موخالیف فیکیر صاحابلاری اوزره گؤزدن قاچیرمامالی ییق. بونلار بیر یانا دورسون، ایمیل گوروپلاری و کوچه بازار سؤزلری و گؤبه لک کیمی اورتایا چیخمیش سایتلار واسیطه سی ایله حسن ارک جنابلارینی تحقیر و شخصیتینی تئرور ائتمه چابالاری دا یانسیماق بیلمه میشدیر. گرکدیگی گون جاوابلاماق اوچون بیز آرشیوله دیگیمیز یازینین (4) یانی سیرا حامد ایمان جنابلاری بو دئدی قودولاردان بیرینی تبریز اؤیرنجیلری آدینا شمس تبریزین آنا صحیفه سینده عکس ائتمیشدیر، اوخویوروق:
" سولچودان میللتچی چیخماز. اؤلوم اولسون ساتقینا. اؤلوم اولسون سیاسی تاجیرلره!
نگرشهای استبدادی علیه نسل جدید
حاج ابولحسن ابولویی کرد (کورد حاج حسن)
معروف به حسن ارک
تبریز اؤیرنجی لر طرفیندن" (5)
بیلیندیگی کیمی آذربایجان میللی حرکتی و فعاللاری آدینا مجعول بیانیه وئرمه لر و ایجتماعیته اؤز اوجوز و دگرسیز کالالارینی ساتما چابالاری دورمادان داوام ائتمکده دیر. بو اوسته کی ایفاده لرده ماهیت اعتیباری ایله تبریز اؤیرنجیلری طرفیندن دگیل، تبریز اؤیرنجیلرینی اؤز ماطاحلارینی ساتماق اوچون وسیله ائتمه نیتی داشیماقدادیر. بو باخیمدان حامد ایمان جنابلاری نین تبریز اؤیرنجیلری دئیه بو ایفاده لری ایجتماعیتین قارشیسینا قویماسی دا دوزگون گؤرولمور دئیه فیکیریمیزی یکونلاماق ایستردیک.
قایناق:
1 http://www.shamsnews.com/toteh.htm
2 http://www.azadtribun.com/894.htm
3 http://www.azadtribun.com/x61.htm
4 مصطفي عيوض اوغلو: تبريز شهرينده مشروطه مراسيمي و کومونيست لرين خيانتي: http://www.azsav.com/index/search/?psearch=%CD%D3%E4+%C7%D1%98&Submit=ARAMA&psearchtype=
ایشیق سؤنمز 25.08.225