فارس ایستعمارچیلاری و مدنیت راسیستلری نین قوزئی آذربایجان جمهوریتی علیهینه شیادلیغی

کئچمیش یازیلاردا ایشاره اولوندوغو کیمی فارس مدنیت راسیستلری فارس دیل و مدنیتینی منیمسه دیکلری اوچون اونلار فارس دیل و مدنیتینی ایران ممالیکی محروسه سینده کی فارس اولمایان ائتنوسلار علیهینه یوکلنمیش بیر ایستعمار ملزمه سی دئییل، فارس اولمایان ائتنوسلارین تاریخی توپراقلارینی فارسلیغین آیریلماز ترکیب حیصصه سی دئیه قلمه آلماغا چالیشارلار[i].  بونلاردان بیری ده

میرمهرداد میرسنجری آدی ایله فارس ایستعمارچیلیغی اوغروندا دری قابیقدان چیخماغا چالیشان ذات ساییلار. یئری گلمیشکن آدی چکیلن فارس مدنیت راسیستی نین ایستعمارچیلیق گؤروشلری ایله تانیش اولاق، اوخویوروق:

" بر پایه گزارش های رسیده، در آستانه انتخابات ریاست جمهوری ایران، امریکا  اخیرا فعالیت های دفتر ویژه ضد ایرانی خود در باکو را به شدت افزایش داده که برگزاری اجلاس اخیر گروهک های تجزیه طلب «پان ترکیست» در باکو نیز در همین راستا به انجام رسیده است. این دفتر که با اعلام آشکار مقامات امریکایی و اسراییلی و موافقت رژیم حاکم بر جمهوری آذربایجان دایر شده وظیفه دارد در مناطق شمال غرب ایران ناامنی و اغتشاش به وجود آورد. طبق اطلاعات فاش شده، ایستگاه ویژه ضد ایرانی آمریکا در باکو، یک مرکز اطلاعاتی و کانون جنگ روانی و رسانه‏ای علیه  هویت ملی و تمامیت ارضی ایران است که هدف اصلی آن ایجاد ناامنی و آشوب  به ویژه در میان آذری های ایران و لطمه‏زدن به امنیت ملی ایران از طریق راه اندازی فتنه‏های سیاسی ـ قومی در آستانه برگزاری انتخابات ریاست جمهوری ایران است"[ii].

اوسته کی یاناشمانی گؤزدن کئچیردیکده بو یاناشما بیر مقاله یازماق یؤنتمی (اوسولوبو) دئییل، اویدوروق (شایعه) اساسلی فارس خفیه اورگانلارینا گونئی آذربایجان میللی حرکتینی باسدیرماق دوغرولتوسوندا اجتماعیتده سس اولوشدورماغا خیدمت ائده جک شانتاژ ماهیتلی کاغیذ قارالاماق ساییلار.  دئمک، بو یاناشما آمریکا بیرلشمیش دؤولتلری نین  هر هانکی بیر مملکتده و اؤزللیکله ده قوزئی آذربایجان جمهوریتینده ائلچیلیک و خبرلشمک دفتری آچماق مسئله سینی آچیقلیغا فاویشدیرماق دئییل، فارس ایستعمارچیلیغینا توتولموش گونئی آذربایجان تورکلری نین اؤز  میللی منلیک و کیملیکلرینی درک ائتمکلری و بئله لیکله ده فارس ایستعمارچیلیق سیاستی نین یئنیلگه یه اوغراماسیندان فارس مدنیت راسیستلری نین ده راحاتسیز اولدوقلاری نین ایضاحی ساییلار. میرمهرداد میرسنجری فارس ایستعمارچیلیق مفکوره سینه برائت قازاندیرماق اوچون روسیه سؤیئتلیگی نین داغیلماسیندا لیتوانیده یئرلشمیش"ریگا" شهری نین ده پایی اولدوغونو وورقولایاراق یازار، اوخویوروق اوخویوروق:

"طرح آمریکایی،اسراییلی ریگا از نام ریگا پایتخت توریستی کشور لتونی با سابقه و شهرت امنیتی و سیاسی، اقتباس شده است. مجاورت ریگا با دریای بالتیک و مرکز شوروی سابق، از گذشته‏های دور این مکان را به نقطه مورد توجه دستگاه های جاسوسی و نظامی غرب تبدیل کرده بود. در هنگام جنگ سرد، آمریکایی‌ها «ریگا» را به عنوان مرکزی برای جاسوسی، انجام عملیات‏های روانی و امنیتی و اقدامات نظامی علیه شوروی انتخاب کردند. بدین ترتیب ریگا یکی از اصلی‏ترین پایگاه های آمریکا و غرب، برای کسب اطلاعات و جاسوسی از شوروی و مرکزی برای اپوزوسیون سازی و عملیات براندازی علیه شوروی بوده که نقشی کلیدی در بستر سازی برای فروپاشی شوروی پیشین و تجزیه آن به 15 کشور مستقل داشته است"[iii].

اوسته گؤروندوگو کیمی روسیه ایستعمارچیلیغی نین نسبی ده اولسا، داغیلماسینی "ریگا" شهرینده خیالی آمریکابیرلشمیش دؤولتلری نین کشفیات و جاسوسلوق اورگانلاری ایله دویونلمگه چالیشان ذات بالتیک جمهوریتلری نین باشقا سؤیئت جموریتلری کیمی روس ایشغالچیلیغینا معروض قالدیقلارینی و یئرلی خالقلارین روسیه ایستعمارچیلیغینا قارشین دیرندیکلرینی گؤز آردی ائتمیش اولار. بالتیک جمهوریتلری او جومله دن لیتوانی 1939 اینجی ایل هیتلر و ایستالین آراسیندا اولان آنلاشماغا اساسن روسیه سؤیئتلیگی نین ایشغال داییره سینه داخیل اولموش و 1940 اینجی ایلدن روسیه قوشونلاری بالتیک جمهوریتلرینی ایشغال ائده رک یئرلی خالقلار بولشویکلر و ایستالینچیلر طرفیندن قیرقینلارا معروض قالمیشلار[iv]. میرمهرداد میرسنجری بیر فارس مدنیت راسیستی اولاراق پان ایرانیست محفلی توپوردوگو آزدیریجی و اورکودوجو ماتئریاللاری جمهوری ایسلامی ایران- فارس مطبوعاتی واسیطه سی ایله اجتماعیته آشیلاماقلا ایران ممالیکی محروسه سینده کی میللیتلر مسئله سینی آمریکابیرلشمیش دؤولتلری نین اویونو کیمی خالق کیتله سینه آشیلاماغا چالیشار:

میرمهرداد میرسنجری نین برنهارد لئوی آدینا یایینلادیغی خریطه و اونون اطرافینداکی یئریدیلمیش آزدیریجی دوشونجه و فیکیرلر پان ایرانیست محفلی طرفیندن موختلیف دیللرده  گونئی آذربایجان میللی حرکتی علیهینه دوزنلمیش و حاضیرلانمیش مقاله لره اساسلانار. بو دئدیکلریمیز بوش ایددعا اولماسین دئیه پان ایرانیست محفلی 2012-اینجی ایل یانوار آیی نینی ییرمی اوچونده یایینلادیغی خریطه نی ده سرگیلمک یئرسیز اولماز دئیه دوشونوروک (و اوراداکی مقاله لرین اوخونماسینی ایسه اوخوجولارا بوراخیریق)[v].:

مسئله بونلا دا یکونلاشمایاراق اوسته کی خریطه لره نیسبت وئریلمیش یازی ماتئریاللاری باشقا خاریجی سیته لرده ده خریطه نین بیچیمی دگیشدیریله رک پول باهاسینا بیله ایستر اولسون، گونئی آذربایجان میللی حرکتی علیهینه یاییلماقدادیر[vi]. بو یازیلمیش بؤهتانلارا اساسن فارس مدنیت راسیستلری و ایستعمارچیلاری گونئی آذربایجان میللی حرکتی علیهینه قارا یاخارکن انسانلیق دئیه بیر آنلاییش تانیمازلار. میرمهرداد میرسنجری گئنه ده یازار:

"پیامدهای جداسازی قفقاز از ایران: ... * قرار گرفتن مسلمانان جمهوري آذربايجان و مسلمانان ساکن در ساير مناطق قفقاز زير سلطه دولت و فرهنگ مسيحي تا پايان حکومت تزاري. * گرفتار شدن مسلمانان قفقاز در چنگال آهنين کمونيسم به مدت هفتاد سال. *محروميت مسلمانان از علوم اسلامي و تعطيلي مساجد و حوزه هاي علميه علمي- ديني در دوره کمونيسم و تعطيلي مجدد حوزه هاي علميه در شهرهاي مختلف به دستور حيدر علي اف(پدر الهام علی‌اف رییس جمهوری مادام العمر فعلی) بعد از فروپاشي شوروي. *کشته شدن صدها هزار مسلمان قفقازي در جنگ دوم جهاني در نبرد ميان دو کشور مسيحي آلمان و روسيه. * قتل و تبعيد هزاران تن از دانشمندان، علما، روشنفکران، شاعران و نويسندگان ایران دوست شهرهاي مختلف گنجه، باکو، نخجوان، لنکران و ... در دوره حکومت استالين

*تغيير الفباي عمومي از الفباي اسلامي (الفباي عربي و فارسي) به الفباي روسي و لاتين و قطع ارتباط نسل هاي جديد با تاريخ و ميراث فرهنگي گذشته ایران زمین"[vii].

اوسته گؤروندوگو کیمی فارس مدنیت راسیستی و پان ایرانیست میرمهرداد میرسنجری پان ایرانیست محفللر ایله دوشونجه و قلم باخیمدان اورتاق چالیشدیغینا باخمایاراق اؤز مدنیت راسیستلیگی گؤروشلرینی حیاتا کئچیرمک اوچون فارس ایستعمار حاکیمیتی تریبونلاریندان دا فایدالانماغا چالیشار. بئله لیکله قاجار ممالیکی محروسه سی و روسیه چارلیغی آراسینداکی حاکیمیت ساواشلارینی مؤللیف سیاسی آلاندان (زمینه دن) دین آلانینا سوروکله یه رک پئتئر کبیر وصیتینه اساسن روسیه ایستعمارچیلیغی نین ایسسی سولارا، گونئی دوغرو ایلرمه سینی بیر دین ساواشی دئیه قلمه آلماغا چالیشار. اوسته لیک قاجار ممالیکی محروسه سینده کی دیوان دیلی ساییلان فارسچانی باشقا ائتنوسلار اوچون ده بیر میللی دیل دئیه قلمه آلاراق قافقازداکی خالقلارین دیل و  مدنیتلرینی دانماغا چالیشار. مؤللیف بو تحریف ائدیجی ایددعالاری اؤنه سوررکن قافقازدا روسیه چارلیغی و روسلارا اویونجاق اولموش ائرمنیلر طرفیندن حیاتا کئچمیش جنایتلری ایرانیت مقوله سی ایله دوگونلمگه چالیشار. مؤللیف اوسته لیک، 1875 اینجی ایل حسن بگ زردابی باشچیلیغی ایله آذربایجان تورکچه سینده یایینا باشلامیش اکینچی قازئتی و اونو ایزلمیش باشقا درگیلر و 1918-1920 اینج ایللردن باشلامیش قوزئی آذربایجان مطبوعات اورگانلاریندا اؤزونه یئر آچان آذربایجان دیلینه اویقون الیفبا دوشونجه سی نین 1922 اینجی ایل حیاتا کئچمه سینه باشلانماسینی و 1929 اونجو ایل لاتین الیفباسینا کئچیش دؤنمی نین بیتمه سینی بیر ایسلامیت و ایرانیت فاجعه سی کیمی قلمه آلار. دئمک، فارس مدنیت راسیستلری نین گؤروشونه اساسن میلاک انسانلارین میللی ایراده لری دئییل، راسیستلیک میلاک گؤتورولمه لی ایمیش. مؤللیف اوسته ایرانیت مقوله سینی اساسلاندیرماق اوچون دوزیازییا (متن) آرتیردیغی کاریکاتور دا ایلگی چکیجی ساییلار. بو کاریکاتوردا خولیائی بؤیوک ایران بیر آصلان دئیه اویموش، قارقا-قوزقون (آذربایجان تورکلری) اونو دیتمگه، چاققاللار (آمریکابیرلشمیش دؤلتلری، ایسراعیل، انگلیستان و روسیه) دا بو دیدیشدیرمکدن فایدالانماغا چالیشدیغی سرگیلنمیش مقام ساییلار. دئمک، انسانلارین بیر میللی وارلیق اولاراق اؤز دیل و مدنیتلری اساسیندا یاشاییشلارینا و میللی توپراقلارینا حاکیم اولماسی دا فارس مدنیت راسیستلری طرفیندن قارقا-قوزقون اولماق ساییلارمیش. ایکینجی کاریکاتوردا آصلان یئریندن قالخارکن قارقا-قوزقون (آذربایجان تورکلری)، چاققاللار (آمریکابیرلشمیش دؤلتلری، ایسراعیل، انگلیستان و روسیه دؤولتلری) یوخاچیخار.

یئری گلمیشکن بو "اصلان" اوزره دئیینمک لازیم. کئچمیش یازیلاردا ایشاره اولدوغو کیمی فارسلیقدا تابولاشان و مقدس ساییلان توتام (Totem) آصلان دئییل، "ایت" ساییلار[viii]. آصلان (شیر) آدی فارس ادبیاتیندا غزنه لی شاهلاری زامانیندان هر هانکی بیر شخصه نسبت وئریلمه سینه باخمایاراق بو آد بیر گؤسترگه و نشانه بیچیمینده یالنیز آنادولوداکی سلجوق شاهی غیاث الدین کیخسرو، باباسی آلپ آرصلان نی مالازگیرد ساواشیندا، یونانلیلار قارشیسیندا گؤستردیگی باشاریلارا داییر آغیرلادیغی (عزیزلدیگی) و اونون آدینا سیککه ووردوغوندان سونرا آصلان (شیر) بیر گؤسترگه و سیمگه بیچیمینده جانلانمیش آد ساییلار. دئمک، تورک قهرمانلیقلاری نین تاریخی سیمگه لرینی فارسلیغین دئیه تورکلری داها آرتیق تحقیر ائتمک، ایستر فارس ایستعمارچیلاری و ایسترسه ده فارس مدنیت راسیستلری اوچون یاخشیلیق باغیشلامایاجاق بیر مقام ساییلار. فارس مدنیت راسیستی ساییلان میرمهرداد میرسنجر یازمیش:

"... امروز نيز همانند دوره کمونيسم، تربيت شدگان «مکتب تاريخ نگاري استالين» در باکو به تحريف تاريخ ادامه مي دهند و با ستایش از چنگیز و تیمور و حتی با تطهیر آذری کشی های عثمانی ها چنین تبلیغ می کنند که مردم آذری از نژاد مغول و ترک تبار هستند، هیچ قرابتی با ایرانیان ندارند، فارس ها بزرگترین دشمنان آذری ها هستند و عهدنامه هاي ننگين گلستان و ترکمانچاي را که منجر به اشغال سرزمين هاي قفقازي ايران توسط روسيه شد به عنوان عهدنامه هايي معرفي مي کنند که «کشور خيالي آذربايجان!» را دو قسمت کرد و بین ایران و روسیه تقسیم نمود! این در حالی است که مطالعه متن این قرارداد های ننگین به سادگی روشن می نماید که هیچ نامی از آذربایجان برای مناطق اشغال شده روسیه برده نشده و نام آذربایجان با تحریف تاریخ در سال 1918میلادی برای اران و شروان تاریخی گذاشته شد تا بعدها بتوانند با آن ابزار، آذربایجان تاریخی با مرکزیت تبریز را از ایران تجزیه نمایند"[ix].

 اوسته گؤروندوگو کیمی فارس مدنیت راسیستی میرمهرداد میرسنجری میللی کیملیک و یوردسئورلیک ایله دونیا وطنلیک (جهان وطنی)  مفکوره لرینی بیر بیری ایله قارشدیراراق ترس باشا دوشموش کیمی اؤزونو ایفاده ائتمگه چالیشار. بو یاناشما فارس مدنیت راسیستلیری و ایستعمارچیلاری نین تمامیتچی گؤروشلریندن ایلری گلن بیر داورانیش ساییلار. ترس دورومدا قوزئی آذربایجان مستقیل جمهوریتی نی کمونیستلیک آدینا روسیه فدراسیونونون ترکیب حیصصه سی ائتمگه و سونرا اونا باشقا قوبئرنیاتلار (استانلار) دک ظاهیری جمهوریت ساییمی وئرن بولشویکلر ایله آذربایجان میللی مفکوره لی و یوردسئور انسانلاری آراسیندا آیریم یاپابیلمه سی سئویندیریجی اولاردی. دئمک، روسیه بولشویکلری ایلک اولاراق 1917 اینجی ایلین نوامبئر آیی نین یئددی سینده حاکیمیت چئوریلیشی واسیطه سی ایله حاکیمیته گلدیکدن و "روسیه سوسیالیست فئدراتیو جمهوریتی"  Росси́йская Сове́тская Федерати́вная Социалисти́ческая Респу́блика" قوردوقدان سونرا  918-1920 اینجی ایللر مستقیل اولموش قوزئی آذربایجان جمهوریتینی ده بیر روسیه قوبئرنیاتی (اوستانی) دئیه روسیه دؤولتی نین ترکیب حیصصه سی ائتمیشلر. بیر نئچه ایل قیزیللار (بولشویکلر) و آغلار (مخالیف پارتیلر) آراسیندا وطنداش ساواشی داوام ائتدیکدن سونرا 1922 اینجی ایل "شوروی جمهوریتلری بیرلیگی" Союз Советских Социалистических Республик (СССР)" بیر "مملکت بیرلیگی" آدی دئیه رسمی اولاراق قبول ائدیلمیش[x]. تاریخده کی آذربایجانلی و عثمانلی قارشی دورما مسئله سی گئنه ده فارس ایستعمارچیلاری و مدنیت راسیستلری ایددعا ائتدیکلری نین ترسینه ائتنیک بیر مسئله دئییل، دین چاتیسی آلتیندا شیعه و سنی چاتیشماسی اولموش. جلولوق مسئله سینده عثمانلی قوشونلاری نین اورمیه اهاسی نین کؤمگینه گلمه سی و آذربایجان تورکلرینی قیرقیندان قورتاردیقلاری بو دئدیکلریمیزه تانیقلیق ائدر[xi]. بوگون چاغیمیزین دیل و مدنیت چاغی اولدوغونو نظره آلاراق فارس ایستعمارچیلاری و مدنیت راسیستلری نین دوشوندوکلری نین ترسیه اولاراق آذربایجان تورکلری باشقا تورک قارداش توپلوملاری ایله اینانج و دین آیریمی یاپمادان اورتاق دیل و مدنیت باغلارینی گلیشدیرمه لی و بیربیرلری ایله قارشیلیقلی دایانیشما و مشورت ایچینده اولمالیدیر دئیه دوشونمه لی ییک. دئمک، آذربایجان تورکلری دیل و مدنیت باخیمیندان هر هانکی بیر عیرق و نژادا دایالی دئییل، اؤز میللی منلیک و کیملیکلرینی اولوشدوران دیل، مدنیت، گلنک و گؤره نکلرینه دایالی بیر میللی توپلوم ساییلار. بو باخیمدان آذربایجان تورکلری نین مغوللار ایله هر هانکی بیر ایلگی و ایلیشکیسی یوخ ساییلار. آذربایجان آدی مسئله سینه گلدیکده آذربایجان آدینا دؤولت و میللت مقوله سی یوکلنمدن اؤنجه ده تاریخی آذربایجان تورپاقلاری وار. ابو علیمحمد ابن محمد بلعمی[xii] نین تاریخنامه طبری کتابیندا آذربایجان سرحدلرینی همداندان دربند شهرینه دک آدلاندیرار، اوخویوروق:

"اوّل حد از همدان در گیرند تا به ابهر و زنگان بیرون شوند و آخرش به دربند خزران و بدین میانه اندر هرچه شهرها است، همه را آذربایگان خوانند، و به تازی باب گویند و آن همه راهها ابواب گویند. و راهها است به آخر آذربایگان که از آنجا به بلاد خزر شوند، گروهی بر خشک و گروهی از دریا، که از هر راهی در بند خوانند و به تازی باب گویند. و دیگر راهی است بدان میان اندر و شهری هست بزرگ خزر خوانند و آنجا بازرگانیها کنند...."[xiii].

دئمک، آذربایجان تورپاقلاری مسئله سی بیر چوخلاری اجتماعیتی آزدیرماغا چالیشدیقلارینا باخمایاراق خیالی و یالنیز بوگونکو دئییل، تاریخی بیر مسئله ساییلار. زامان آخاریندا آذربایجان آدی یانلیز تورپاق اساسلی دئییل، ائتنیک کیملیک و دؤلتچیلیک ماهیتینی ده اؤزونده باریندیرمیش بیر سیاسی قاورام ساییلار. فارس مدنیت راسیستی میرمهرداد میرسنجری گئنه یازیر:

"ماه 1368،مصادف با 31 دسامبر 1989 میلادی مردم نواحي مرزي منطقه نخجوان در پي سست شدن حاکميت استبدادي کمونيست‌ها به ساحل ارس ريختند و سيم‌هاي خارداري را که حکومت مسکو براي قطع ارتباط اهالي آن سوي ارس با ايران در طول نوار مرزي کشيده بود پاره پاره کردند. آنان با شعارهاي «لا اله الا ا...» و «ا... اکبر»، «اتحاد، اتحاد» عقيده مقدسي را که سال هاي طولاني در سينه پنهان نگه داشته بودند را آشکار ساخته و خواستار الحاق به ايران شدند[xiv].

روسیه سؤیئتلیگینده کی میللیتلر مسئله سی، عوامفریبلیک عجوباتیندان فارس ادبیاتیندا اؤرت باسیر ائتمگه چالیشدیقلاری زوراکیلیق (دیکتاتورلوق) مسئله سی دئییل، کمونیستلیک آدینا روسیه سؤمورگه چیلیگی و ایستعمارچیلیغی مسئله ایدی. دئمک، آراز قیراغینداکی دمیر تیکن تئللرینی قیرماغا چالیشان قوزئی آذربایجان تورکلری یالنیز روسیه کمونیست پارتیسی نین عدالتسیزیلیگیندن دئییل، بیر میللی وارلیق اولاراق روسیه سؤمورگه چیلیگیندن قورتارماغا چالیشیردیلار. اونلارین بیرلشمک شعارلاری دا فارس ایستعمارچیلاری و مدنیت راسیستلری نین ایددعا ائتدیکلری نین ترسینه فارس ایستعمارچیلیغی و فارسلیق بویوندوغو آلتینا کئچمک دئییل، گونئی آذربایجان تورکلری ایله بیرلشمک آرزولارینی گونئی آذربایجان تورکلرینه یانسیتماق مقصدی داشییار. دئمک، آراز قیراغیندا گونئی آذربایجانا اوز توتاراق "آذربایجان بیر اولسون، مرکزی تبریز اولسون" دئیه وئریلمیش شعار دا آیریلمیش و بؤلونموش بیر خالق اؤولادلاری نین بیرلشمک نغمه سی ساییلار. فارس مدنیت راسیستی میرمهرداد میرسنجری یازمیش:

".. آذري ها مردمي شيعه هستند که ايران  وطن اصلي و کانون فرهنگي و معنوي آنهاست. اما حکومت باکو به نام آذري ها با رژيم صهيونيستي متحد شده و حتي تشکل هاي مشترکي با دولت صهيونيستي مانند «انجمن بين المللي آذربايجان ـ اسرائيل» و «کنگره يهوديان آذري» تشکيل داده است"[xv].

اوسته گؤروندوگو کیمی فارس مدنیت راسیستی میرمهرداد میرسنجری، دین ایله دیل مقوله سینی قاریشدیرمیش مقامدان چیخیش ائدر. بو گؤروش یالنیز اؤزلرینی جمهوری ایسلامی حاکیمیتیمینه مخالیف (اوپوزیسیون) قلمه آلان پان ایرانیست و راسیست قوروپ و تشکیلاتلارا عایید دئییل، جمهوری ایسلامی حاکیمیتی نین سیاسی و دیپلوماتیک مقاملاری دا فارس ایستعمارچیلیغینی نماینده لیک ائتدیکلری اوچون بو گؤروشو نماینده لیک ائدرلر. دئمک، بوگون ایران ممالیکی محروسه سینده فارس دیل و مدنیتی حاکیم اولدوغو و فارس ایستعمارچیلیغی حیاتا کئچدیگی اوچون دیل و مدنیتلری دانیلاجاق هئچ بیر میللی توپلوما فارس دؤولتچیلیگی مدنی و معنوی مرکز دئیه قلمه آلینابیلمز. آذربایجان و اسراعیل دؤلتلری آراسیندا مدنی و سیاسی ایلیشگی و موناسبتلر سؤز قونوسو اولدوقدا آذربایجان جمهوریتیندن ایسراعیله کؤچموش یهودی وطنداشلارین، آذربایجانداکی قوهوملاری ایله قوهوملوق و میللی باغلاری اولدوغو اوچون آذربایجان و اسراعیل ایلیشگیلری طبیعی قلمه آلینمالیدیر. بونون ترسینه یوزده قیرخ اهالیسی شیعه و ایران وطنداشی ساییلان آذربایجان تورکلری نین میللی تورپاقلارینی فارسلیق نامینه ائرمنی ایشغالچیلیغینا معروض قویان، اونلارین میللی وارلیقلاری ساییلان تورک دیل و مدنیتینی فارس ایستعمارچیلیغینا تابع توتان فارس حاکیمیتی و مدنیت راسیستلری آذربایجانلیلارا وطنداش دئمک بیله حاققینا مالیک دئییللر. فارس مدنیت راسیستی میرمهرداد میرسنجری یازمیش:

"...  بررسی فعالیت‏های پایگاه ضد ایرانی آمریکایی ریگا در باکو نشان می‏دهد که سازمان سیا ،  با پوشش عناوین و اصطلاحات حقوق بشری مانند نشست اخیر هم اندیشی تجزیه طلبان، دفتر مخالفان غیر خشونت طلب  و  دایر کردن کارگاه های آموزشی (جاسوسی) به جمع‏آوری، آموزش و تقویت مزدوران تجزیه طلب به اصطلاح هویت طلب پرداخته و می‏کوشد تا با ایجاد سرپل هایی در اطراف ایران، با داخل ارتباط برقرار  و جریان هایی را ایجاد نمایند. این جریان ها می‏توانند اهداف و افکار متفاوتی داشته باشند، که  طیف گسترده ای از جریان های فرقه‏ای  به اصطلاح هویت طلب  تا حتی سوء استفاده از احساسات طرفداران تیم فوتبال محبوب آذربایجان را  نیزدر بر می گیرد. نقطة ‌مشترک این جریان ها، دامن زدن به تمایز قومی-زبانی، نفرت پراکنی قومی-زبانی، نژاد پرستی و ترک گرایی در قالب"پان ترکیسم" است که در فرایندی  چند ساله  باید ضمن درگیر کردن دستگاه های نظام با مسایل عدیده و تغییر فضا به ایجاد آشوب ها، ناامنی‏ها و خشونت‏های فزاینده در مناطقی چون آذربایجان و کردستان و خوزستان و بلوچستان، امنیت ملی ایران  را تهدید نمایدو  در پایان به هدف نهایی یعنی تجزیة ایران منجر شود"[xvi].

اوسته کی ایتتیهاملارین هامیسی پان ایرانیست و راسیست محفللری طرفیندن برنارد لئوی عنوانی باشلیغی آلتیندا خاریجی دیللره ترجمه اولموش[xvii]. دئمک، ایستر فارس حاکیمیت داییره لرینه سوخولموش فارس مدنیت راسیستلری و ایستعمارچیلاری، ایسترسه ده ایدئولوژی باخیمیندان شیعه لیک ایله راضیلاشمایان فارس مدنیت راسیستلری و ایستعمارچیلاری نین خاریجده کی قوللاری فارس ایستعمارچیلیغینی قوروماق و فارس اولمایان ائتنیکلری ایران ممالیکی محروسه سینده فارسلاتماق و بیر میللی وارلیق اولاراق اونلاری یوخ ائتمک اوچون سیخ امکداشلیق ائتدیکلری آپ - آچیق اورتادادیر. بو مسئله یه قوشقو و شک گؤزو ایله یاناشانلار و بوگونکو فارس حاکیمیتی و اونون باشچیلارینی عربچیلیک ایله سوچلایانلار عوام اولمادیقلاری دورومدا فارس تبهکارلاری و فارس مدنیت راسیستلری ساییلارلار. فارس مدنیت راسیستی میرمهرداد میرسنجری سؤزونون سونونچ و نتیجه سینی بیر سیرا معده گوجو ایتهاملارلا آذربایجان جمهوریتی علیهینه سیرالامیش. بو ایتیهاملاری دا یازی نین سونونا آلماق فارس مدنیت راسیستلری و ایستعمار یانچیلارینی، داها آرتیق تانیماغا اویقون گؤرونر، اوخویوروق:

"1-... دشمنان ایران زمین بر این اندیشه اند که با توجه به منابع عظیم نفت و گاز باکو، بازگشت سرزمین های از دست رفته قفقاز به ایران می تواند قدرتمندتر شدن بیش از پیش ایران را به دنبال داشته باشد. بر این پایه،  به کار گیری  و تامین مالی و تشکیلاتی مزدوران تجزیه طلب قومی در رسانه های فارسی زبان  و آذری زبان ماهواره ای و  فعالیت های  پرشتاب  تبلیغاتی حتی در عرصه های فرهنگی و ورزشی داخل ایران در همین راستا قابل ارزیابی است."[xviii]

اوسته گؤروندوگو کیمی ایستک و آماللاری فارسلیق ساییلان فارس مدنیت راسیستلری ایران ممالیکی محروسه سینده فارسلیق چنبره سینه آلینان فارس اولمایان ائتنیک تورپاقلارین یئر آلتی، یئر اوستو، فیزیکی و معنوی گوجلری نین فارس ایسارتینه آلیندیغینا یئتینمگه رک قوزئی آذربایجان تورپاقلارینی دا فارس ایستعمارچیلیغی نین ایسارتینه آلماق ایسترلر. گئنه ده اوخویوروق:

 " 2- سیاست فرافکنانه خواست های قومی یکی از مهم ترین اهداف دولت باکو محسوب می شود. ....لذا دشمنان ضد ایرانی مستقر در باکو تلاش دارند  در هماهنگی با اهداف ضد ایرانی دولت آمریکا،پتانسیل تحریکات قومی خود را از شمال ارس به آذربایجان تاریخی به مرکزیت تبریز منتقل نمایند."[xix]

ایران ممالیکی محروسه سینده کی گونئی آذربایجان میللی حرکتی نین ایستکلرینه جاواب تاپماق باکیدا، تئلاویوده، امریکابیرلشمیش دؤلتلرینده دئییل، فارسلیق توتساغینا توتولموش گونئی آذربایجانین شهر و کندلیلری نین دیلیندن ائشیتمک و اونلارین ایستلری نی قارشیسیندا بویون اگمک لازیم گؤرونر. دئمک، آذربایجان جمهوریتینه شیعه لیک چاتیسی آلتیندا فارسلیق یئریتمگه چالیشان پان ایرانیست و راسیست قووه لر اؤز شییادلیق آدرئسلرینی باشقالارینا آدرئسلمگه چالیشماسینلار. اونلار ایلک اولاراق فارس مدنیت راسیستلیگی و ایستعمارچیلیغی نیتلریندن ال گؤتورمه لی، سونرا قونشولاری ایله انسانجاسینا دیل تاپمانی اؤگرنمگه چالیشمالیدیرلار. گئنه ده اوخویوروق:

" 3- دولتمردان باکو به خوبی می دانند که اکثريت مسلمانان آذري جهان در ایران زندگی می کنند و اگر هر نوع اتحادی بخواهد اتفاق بیفتد این کشور کوچک آذری نشین جمهوری آذربایجان با جمعیت  کوچک آذری است که باید به مام میهن یعنی ایران با جمعیت عظیم آذری های ایران دوست ملحق می شود و برعکس آن اتفاق نمی افتد. پس دامنه تلاش های دولت باکو با همراهی آمریکا و اسراییل بر این هدف متمرکز است که سناریوی طبیعی و تاریخی  بازگشت جمهوری آذربایجان به ایران را با  اتحاد  جعلی به اصطلاح (آذربایجان جعلی) با آذربایجان واقعی (که با نام جعلی جنوبی می نامند) تغییر دهد"[xx].

فارس مدنیت راسیستلری نین گلدیکلری قناعته اساسن ده، دونیا آذربایجان تورکلری نین چوخونلوغو ایران ممالیکی محروسه سینده یاشارلار. دئمک، ایران ممالیکی محروسه سینده آذربایجان تورکلری بیر میللی چوخلوق اولاراق یاشادیقلارینا باخمایاراق فارس ایستعمارچیلاری و مدنیت راسیستلری نین لطف و مرحمتلری عجوباتیندان بو چوخونلوغون آنادیلینده بیر مدرسه سی، درسلیک کتابی، ایداره چیلیک سیستیمی، اؤز یئر آلتی و یئر اوستو قایناقلارینا حاکیم اولماق حق و اختیاری دا یوخدور. گئنه ده اوخویوروق:

" 4- سرقت فرهنگ و هنر ایرانی و تصاحب و ثبت آن به نام دولت باکو در میراث معنوی جهانی یونسکو، به عنوان هویت سازی جعلی فرهنگی، اقدام ضد ایرانی دیگری است که در راستای  سرقت میراث  فرهنگی و تاریخی سرزمین کهن ایران صورت می گیرد که به عنوان  بخشی از بستر سازی برای ادعاهای ارضی آینده قابل ارزیابی است. مشارکت در مالکیت آیین ایرانی نوروز، تصاحب نظامی گنجوی( که به گفته خود در اسرارنامه، زاده روستای "تا" در تفرش است)، تصاحب موسیقی عاشیقلار(که یادگار شاه اسماعیل صفوی است)، تصاحب هنر فرشبافی ایرانی و اخیرا تصاحب ساز "تار ایرانی" همگی گواهی هستند بر این مدعا"[xxi].

اوسته فارس مدنیت راسیستی، میرمهرداد میرسنجری نین ایددعالارینا باخمایاراق دونیا توپلوملاری فارس ایستعمار قووه لری خیال ائتدیکلری قدر ده گؤرمزلر و کؤرلر ولایتینده یاشامازلار. دئمک، حاکیم دیل و مدنیت صاحابلاری محکوم توپلوملارین دیل و مدنیت لرینی سؤمورمگه و اؤزلرینکی کیمی گؤسترمگه چالیشدیقلارینا باخمایاراق کئچمیشده دیل و مدنیتی تالانمیش و دیرچلمکده اولان بیر ملت، او جومله دن قوزئی آذربایجان جمهوریتی کئچمیشده کی فارس، روس ایستعمارچیلاری تاپداغی آلتیندان مدنیت و اینجه صنعت (موسیقیچیلیک، قالیچیلیق، معمارلیق ...) قالیقلارینی چیخاراراق بشر مدنیتی نین مدنی ارثی دئیه دونیا اجتماعیتینه تانیتماسی و ثبته یئتیرمه سی بو اؤلچوده فارس مدنیت راسیستلری و ایستعمارچیلارینی ناراحات ائتمه سی ده طبیعی گؤرونر. فارس مدنیت راسیستلری یاخین کئچمیشده نظامی نین فارسچا یازیلمیش دیوانیندان یولا چیخاراق آذربایجانلیلارین فارس اولدوغونو ایددعا ائتدیکلرینه باخمایاراق اوسته گؤروندوگو کیمی حاق یئرینی تاپدیقدا داها فارس مدنیت راسیستلری و ایستعمارچیلاری آذربایجانلیلارین میللی کیملیکلرینی دئییل، اونلارین داهی شخصیتلرینی اؤزلرینه چیخماغا چالیشاجاقلار. اونلارین بو ساییقلامالارینا (هذیان دئمکلرینه) باخمایاراق نیظامی گنجویلر، فضولیلر، نباتیلر و مینلرجه داها آذربایجان داهیلری آذربایجان تاریخیندن آیریلمازدیر. فارس مدنیت راسیستی میرمهرداد میرسنجری سون ایتتیهامینی آذربایجان جمهوریتی علیهینه نوقطالادیقدان سونرا باشقا فارس مدنیت راسیستلری[xxii] کیمی آذربایجان جمهوریتینی تضییق آلتینا آلماق مئتودونو تهران حاکیمیتینه سفاریش ائتمیش مقامدا یئر آلار، اوخویوروق:

" اگر حاکمیت باکو و دستگاه های دولتی این حکومت با دشمنان تمامیت ارضی ایران روابط نزدیکی برقرار کرده و آنها را تحت حمایت سیاسی، تبلیغاتی و مالی قرار داده است، ایران نیز از این حق  طبیعی برخوردار است که  مقابله به مثل کرده و از «حکومت مستقل قره‌‏باغ» و سایر اقلیت های قومی جمهوری باکو مانند هواداران تشکیل «جمهوری تالش ـ مغان در سالیان و لنکران» یا فعالان تشکیل «جمهوری لزگستان در  بخش هاي زاگاتالا و بالاكن »  حمایت کند، یا اگر دولت باکو به فعالیت های ضد ایرانی  مرکز ریگای آمریکا در باکو پایان ندهد، ایران نیز می‏تواند بدون صرف هزینه‏ای، امکان فعالیت ایستگاه مشابهی علیه دولت باکو را به ارمنستان بدهد"[xxiii].

اوسته گؤروندوگو کیمی فارس مدنیت راسیستلری ایران ممالیکی محروسه سینده کی میللیتلر مسئله سینی "تمامیت ارضی ایران" دئیه "فارسلیق و فارس مدنیت راسیستلیگی" مقوله سی ایله دویونلمگه چالیشارلار. بئله لیکله گونئی آذربایجانلیلارین هر هانکی بیر میللی و مدنی حرکتلری کئچمیشده "پان تورکیست" دئیه "تورکیه و عثمانلی ایمپئراتورلوغو" و "کمونیست" دئیه "روسیه کمونیستلیگینه" نسبت وئریلیردیسه، بوگون گونئی آذربایجان تورکلری نین میللی و مدنی ایستکلری "قوزئی آذربایجان جموریتی" و اونلا سیاسی ایلگی و ایلیشگیسی اولان "آمریکابیرلشمیش دؤولتلری"، "اسراعیل" دؤولتلرینه نسبت وئریلمیش مقامدا یئر آلاراق بو ایتتیهاملار گونئی آذربایجان تورکلرینی فارسلیق باتلاغیندا یوق اولماغا محکوم ائتمیش ایستعمارچی بیر گؤروش ساییلار.

قایناقلار: