من ائله مست اولموشام، هئچ بیلمزم  اغوا ندیر!

اوسته کی ایفاده فارسلیقدا مست اولموش و اؤز میللی منلیگی و کیملیکلرینی اودوزموشلارین حئکایه سی ساییلار. اونلاردان بیری ده پیمان عارف ساییلار.  پیمان عارف جبهه میللی ایران-  فارس محفلینه باغلی بیریسی ساییلار.  بئله لیکله او فارسلیق اساسیندا حسن شمخانی نین فارس حاکیمیت باشچیسی، حسن روحانی طرفیندن یوکسک پوستا آلینماسینی ضد تبعیض دئیه قلمه آلاراق یوسف عزیزی بنی طرفه آغیز بوزمگه چالیشار، اوخویوروق:

" Peyman Aref: حسن تدبیر دکتر روحانی در انتخاب دریادار حسن شمخانی به ریاست شورای عالی امنیت ملی ، امثال یوسف عزیزی بنی طرف را در برابر این پرسش جدی قرار میدهد که "اگر در کشور ایران به قول شما فرهنگ غالب عرب ستیزی و تبعیض علیه اعراب وجود دارد؛ چگونه یک عرب خوزستان (جایی که شما سنگ دفاع از آن را به سینه خود و دیگران میکوبید) میتواند بالاترین سمت امنیتی این کشور را در اختیار گیرد؟!"[i]

اوسته گؤروندوگو کیمی اؤزلرینی اوزدن ایراق آیدین قلمه آلان، اؤز آنا دیلی و مدنیتلریندن آرینمیش آزقینلار دیل و مدنیتلرین نه اولدوغونو بیله درک ائتمیش دئییللر. بئلنچی ذاتلار یئری گلرکن جمهوری ایسلامی فارس حاکیمیتینی بیله تئوکراتی Theokratie (yunanca: θεοκρατία, <  θεός, theós – Allah və κρατεiν, Krat(e)ía- Hakimiyət) دئیه، عوامفریبلیک ائدرکن عرب خلافتی و حاکیمیتی دئیه قلمه آلماغا چالیشارلار.

دئمک، حسن شمخانی عرب دیلی و مدنیتی اساسیندا ایران ممالیکی محروسه سی حاکیمیتینده پوست آلمیش بیر مقام ساییلماز. او یالنیز فارس ایستعمارچیلیغینا، فارس دیل و مدنیتینه اجیر اولموش بیر قول ساییلار. قولون دا ایشی قوللوق ائتمک ساییلار. اوندان یانا دا بوگون فارس حاکیمیتی سیرالارینداکی میللی منسوبیتی فارس اولمایان کیمسه لرین پوست آلمالاری، فارس حاکیمیتی نین ایستعمارچی اولدوغونو سورقو و سوآل آلتینا آلابیلمز. ایران ممالیکی محروسه سینده فارس نژادپرستلیک مقوله سی ایسه فارس ایستعمارچیلیغی ماهیتینده اعمال اولموش فارس حاکیمیت سیستیمی ساییلار.

داها آرتیق بیلگی اوچون: ایشیق سؤنمز، گونئی آذربایجانلیلار اوزره فارس ایستثمارلیغی و ایستعمارچیلیغی آغیرلیق باسیرمی، یوخسایا راسیستلیگی؟: http://www.isiqsonmaz.com/Seite%20288.htm

ایشیق سؤنمز، 11.09.2013