|
|
فارس اینجه صنعت قورومو باشقانی،علی معلم دامغانی نین راسیستلیک گؤروشلرینه باخیش
دیل و مدنیتلر مسئله سی ذاتی بیر مسئله دئییل، اؤیرنیله جک (اکتسابی) ملزمه ساییلار. بو باخیمدان هر کس هر هانکی بیر دیل و مدنیته اویقون یازیب یارادارسا، اؤزونو او دیل و مدنیته تقدیم ائتمیش شخص ساییلار. بئله لیکه حاکیم دیل و مدنیت صاحابلاری او شخصه و اونو تقدیم ائتمیش توپلوما تشکور ائتمه لیدیر. کئچمیشده فارس اینجه صنعت قورومو باشقانی (رئیس فرهنگستان هنر فارس) علی معلم دامغانی آدلی بیر شخص آذربایجان تورکلری نین میللی کیملیک و منلیکلرینه دولاییلی اولاراق توهین ائده رک اونلاری میللی تئرورا معروض قویموش[i]. بو دا گونئی آذربایجان یایین و باسین اورقانلاریندا یانقیلارا (عکس صدا) یول آچمیش. بو یانقیلارا یانقی (عکس العمل) اولاراق علی معلم دامغانی دا عوامفریبلیک ائتمگه چالیشمیش. بو ذات اقدسین دوشونجه لری نین باشقا ساحه لرینی ده اله آلماق پیس اولماز دئیه دوشونورک، اوخویوروق:
|
|
"همه سخن من این است که تُرک تبار بودن و تُرک زبان بودن دو مقوله‌اند چرا بایست سخن کسی را تحریف کرد و حمل بر نژاد پرستی نمود حال آنکه در تاریخ اساطیری خدای نامک‌ها و تاریخ رسمی و نیز در نزد زبان شناسان و نژاد شناسان، ایرانیان و تُرکان همه آریایی‌اند. افراسیاب پورپشن و کیکاووس و کی‌قباد و گرشاسب و فرزندان سکایی او تا رستم تهمتن، همه ایرانی و آریایی‌اند"[ii].
اوسته گؤروندوگو کیمی فارس ایستعمارچیلیق و عوامفریبلیک مسئوللاریندان اولان علی معلم دامغانی باشقا پان ایرانیستلر و فارس مدنیت راسیستلری کیمی آذربایجانلیلاری تورک دیل و مدنیتلی دئییل، "تورک زبان (سونرادان تورک اؤیرنمیش)" قلمه آلار. علی معلم دامغانی فارس ایستعمارچیلیق و عوامفریبلیک مسئله سینه ایضاح گتیرمک اوچون اؤز خیالاتیندا ناغیللار (افسانه لر) توخویاراق "ایران دیل قوروپو"[iii] و "تورک دیل قوروپو" آد وئریلمیش، ایکی بیربیرلریندن فرقلی دیل و مدنیت صاحابلاری نین خیالی "آریا" عیرقیندان اولدوقلارینی ایددعا ائتمیش مقامدا یئر آلار. دئمک، ایسلامیت ایله باریشماز پان ایرانیستلر عربلیگی و تورکلوگو فارسلیغین دوشمنی قلمه آلارکن[iv]، ایسلام عباسی نین آلتینا سیغینمیش پان ایرانیستلر و فارس مدنیت راسیستلری مصلحتی اولاراق ائتنیک آچیدان ایران دیل قوروپو و تورک دیل قورپونا عایید اولان میللی توپلوملاری خیالی "آریا" چاتیسی آلتینا آلاراق ایران ممالیکی محروسه سینده فارس ایستعمارچیلیغی نین داها دا راحات حیاتا کئچمه سینی منظور ائدرلر. گئنه ده اوخویوروق:
"به کسی که سخن مرا در نیافته است و خیر خواهیم را حمل بر شر کرده است، نخست توضیح می‌دهم که اگر آذربایجان و آتورپایگان را تمام مردمان جنوب و شمال ارس می‌دانید آریاییان نگاهبان آتش مقدس در شیز باستانی و بادکوبه به جمله آریایی‌اند، چنانکه کُرد و گیل و طپوری و پارت و ماد و پارس و سایر اقوام متمرکز از سیحون تا هالیس در آسیای صغیر"[v].
اوسته گؤروندوگو کیمی علی معلم دامغانی بعضی ائتنیکلرین آدلارینی سیرالاماقلا ایستر ایران دیل قوروپونا عایید اولموش ایصطلاحن سرحدلری (باصطلاح فرهنگ ایران زمین)، ایسترسه ده آذربایجان ایله هر هانکی بیر ایلگی و ایلیشکیسی اولمایان زرتشت و زردوشتلوک مقوله سینی آذربایجانا یوکلمک ایله قاپیدان قاویلمیش باجان سوخولموش اوورو کیمی فارس ایستعمارچیلیق مفکوره سینی بیر داها آذربایجان اجتماعیتینه آشیلاماغا چالیشار[vi]. فارس ایستعمار یانچیلاری کئچمیشده "ابراهیم" پیغمبرین اصلی آدی نین "زرتشت" اولدوغونو و حضرت محمد منصوب اولان "قریش" طایفاسی نین "کوروش" اولدوغونو ایددعا ائتمیشلر[vii]. دئمک، فارس ایستعمارچیلاری ایستعمار آتلارینی میندیکلری اوچون اونلارا یالان اساسیندا مقاله یازماق مسئله دئییل، اونلار لازیم گلرسه، دره نین ایستر ائنینه، ایسترسه ده بویونا یالان آتلارینی چاپدیرمانی اؤزلری اوچون بیر سیاست قهرمانلیغی قلمه آلارلار. گئنه ده اوخویوروق:
"عزیز من! نژاد پرست و فاشیست کیست؟ اندکی در آثاری که پدران شما نگاشته‌اند تأمل فرمایید. ادبا و شعراء مقیم در شروان و گنجه و منطقه باب الابواب، خاقانی و مجیر و فلکی و نظامی مقیمان آن سرزمین نبوده‌اند؟ این یک پرسش است، آیا اینها ترک زبان و ترک تبارند؟ پدران آریایی و مسلمان شما بر این عقیدة افراطی تازه آموخته مردم آذری بوده‌اند یا نه"[viii].
اوسته گؤروندوگو کیمی فارس ایستعمارچی سی، علی دامغانی هر هانکی بیر میللته منصوب اولموش شخصلرین فارسچا یازیب یاراتمالاریندان یولا چیخاراق او توپلومون ایستر کئچمیشینی، ایسترسه ده بوگونکو میللی کیملیگی نین فارس اساسلی اولدوغونو ایددعا ائدر. خاریجی عامیللر واسیطه سی ایله قاجار ممالیکی محروسه سی فارسلیق مفکوره سینه مالیک اولموش گوجلرین الینه کئچدیکدن سونرا، فارس میللیتچی سی محمدتقی بهار (مشهدلی) واسیطه سی ایله اورتایا آتیلمیش اویدوروق "آذری" دئییمی[ix]، فارسلیق تئوریسینه قاپیلمیش احمد کسروی واسیطه سی ایله تالیش و تات لهجه لری اساسیندا بیر کتابچا بیچیمینده فرموله اولدوقدان سونرا فارس ایستعمارچیلاری اؤزلرینی مقصودلارینا یئتیشمیش قلمه آلمیشلار[x]. علی معلم دامغانی اوسته ایسلامیتی وورقولادیقدان و عوامفریبلیک ائتدیکدن سونرا بیر داها راسیستلیک گؤروشلرینه گئری دؤنه رک یازار:
"... من می‌گویم زبان ترکی در ولایت آذری‌ها وارداتی است شما مدعی می‌شوید که عقاید شما نیز از نژاد پرستان افراطی وام می‌شود به اعتبار آذری بودن، شما و اقوام دیگر مشرق زمین متمدنید اما زبان شما واراداتی است، چنانکه زبان مردم مصر و ملل شمال آفریقا که به حسب نژاد عرب نیستند"[xi].
اوسته گؤروندوگو کیمی فرهنگیستان هنر قورومونون باشچی سیندان آذربایجان تورکچه سی اوزرره بئلنچی فاشیستلیک حؤکمونو ائشیتمک (به اعتبار آذری بودن، شما ... متمدنید، اما زبان شما وارداتی است)، میللی کیملیک و منلیک باخیمیندان فارس ایستعمارچیلیق تئرورونا اوغرامیش آذربایجان تورکلرینی داها دا میللی تئرورا اوغراتمیش اولار. فارس ایستعمارچیلاری نین ایستعمارچیلیق تئوریلرینه اساسن آذربایجان تورکلری تورک دیل و مدنیتلریندن اوزاقلاشدیقجا مدنیلشمیش اولارلار. بو چیرکین ایفاده لر، فارس ایمپریاسی نین تورپاق بوتونلوگو قورونماسی اوچون لازیم گؤروله رک فورموله ائدیلر. گئنه ده اوخویوروق:
"چه نیکوست که در عصر ارتباطات و رسانه‌های همگانی یعنی دوران قرب صناعی، اصل خود را بجوییم و با تشخیص دخیل از اصیل اندیشه‌های کودکانه پان فلان و پان بهمان را به ... صهیونیستها و آنها که آپارتاید را تبلیغ می‌کنند واگذاریم نجابت آریائی و سلم مسلمان که اصالت و اعتقاد مشترک ماست بر همة این پرگویی‌ها ترجیح دارد..."[xii].
بیلیندیگی کیمی هر هانکی بیر ائتنیگی و خالقی نجیب، اصیل و باشقالارینی نانجیب، ... قلمه آلماق راسیستلیک و فاشیستلیگین اۆزه گی (جوهره سی) ساییلار. بو باخیمدان علی معلم دامغانی نین گؤروشلری عربلیک و تورکلوگو فارسلیغا دوشمن قلمه آلان پان ایرانیست و فاشیست قوروپلاشمالارین گؤروشلری ایله اوست اوسته دوشه رک گیزلتمگه چالیشدیغی راسیستلیک دوشونجه لری بلکه ده اؤزو بو مسئله نی درک ائتمدن اورتایا چیخمیش مقامدا یئر آلار[xiii].
قایناقلار:
[i] ایشیق سؤنمز، الله و پیغمبری فارسلیغا چیخماغا چالیشان فارس ایستعمارچیلاری و مدنیت راسیستلری: http://www.isiqsonmaz.com/Seite%20324.htm
[ii] علی معلم دامغانی، بقول خواجه شیراز ما نگوییم بد و میل به ناحق نکنیم: http://www.farsnews.com/newstext.php?nn=13920721000153
[iii] ایشیق سؤنمز، ایران دؤلتی و ایران دیل قوروپو آدی نین اورتایا آتیلماسی: http://www.isiqsonmaz.com/Seite269.htm
[iv] ایشیق سؤنمز، فارس مدنیت راسیستلری نین "خطر زرد" حئکایه لری!: http://www.isiqsonmaz.com/Seite146.htm
[v] علی معلم دامغانی، بقول خواجه شیراز ما نگوییم بد و میل به ناحق نکنیم، باخ اورادا.
[vi] Biographisch-Biographisches Kirchenlexikon, Band XIV, 1998;Verlag Traugott Bautz Spalten 344-355
[vii] ایشیق سؤنمز، پان ایرانیستلرین دیل و مدنیت تحریف ائتمه مسئله لری!: http://www.isiqsonmaz.com/Seite184.htm
[viii] علی معلم دامغانی، بقول خواجه شیراز ما نگوییم بد و میل به ناحق نکنیم، باخ اورادا.
[ix] محمد تقی بهار، دیوان خطابه دوم به رضا شاه.
[x] احمد کسروی، آذری یا زبان باستان آذربایجان، تهران 1304 (1925)، صحیفه 23: http://www.kasravi.info/ketabs/azari-zabane-bastan.pdf
[xi] علی معلم دامغانی، بقول خواجه شیراز ما نگوییم بد و میل به ناحق نکنیم، باخ اورادا.
[xii] علی معلم دامغانی، بقول خواجه شیراز ما نگوییم بد و میل به ناحق نکنیم، باخ اورادا.
[xiii] ایشیق سؤنمز، آلمان نازیستلری و پان ایرانیست فاشیستلر: http://www.isiqsonmaz.com/Seite108.htm
ایشیق سؤنمز، 14.10.2013
