فارس ایستعمار قوروملاریندان ساییلان "فرهنگیستان زبان و ادب فارس" قوروم باشقانی غلامعلی حداد عادلین ایستعمارچی گؤروشلرینه باخیش

میللی مسئله و سیاستده دیل و مدنیتلرین آپاریجی و دانیلماز رولو اولدوغونا باخمایاراق فارس ایستعمار سول مئاب تشکیلاتلاری و بو تشکیلاتلارا اویونجاق اولموش  فارس اولمایان نئهیلیست شخصلر ایران ممالیکی محروسه سینده کی فارس اولمایان ائتنوسلارین اؤز وارلیقلارینی یاشاتمالاری اوچون دیل و مدنیت اوغروندا وئردیکلری اوغراش و مجادیله لرینی فارس ایستعمار دیلی ایله دئسک، "ناسیونالیست کور، حرکت ارتجاعی، قوم پرستی" دئیه آدلاندیردیقلارینا تانیق اولاریق[i]. بو یاناشمالارا باخمایاراق ایستعمار حاکیمیت داییره لری مستعمره آلتیندا توتدوقلاری دیل و مدنیت صاحابلارینی حاکیم ائتدیکلری دیل و مدنیت واسیطه سی ایله یوخ ائتمک اوچون اونلاری حاکیم دیل و مدنیت صاحابلاری ایله عئینیلشدیرمک و اونلارین میللی منلیک و کیملیکلرینه دولاییلی یول ایله دیوان توتماق ایسترلر. بو ذاتلارین آپاریجیلاریندان بیری ده فارس دیل و ادبیات قورومو باشقانی غلامعلی حداد ساییلار. یئری گلمیشکن فارس "باشگاه خبرنگاران" قورومونون غلامعلی طرفیندن قلمه آلدیغی یازیسی نین بعضی مقاملارینا گؤز گزدیرک، اوخویوروق:

"رئیس فرهنگستان زبان و ادب فارسی با اشاره به

 اینکه باید همه ملت نسبت به زبان و ادب فارسی تعصب و غیرت ملی داشته باشند گفت:‌ طبق قانون ممنوعیت به کارگیری اسامی، عناوین و اصطلاحات بیگانه، همه دستگاه‌های اجرایی، قضایی، سازمان‌ها و شرکت‌ها و سایر نهادهای دولتی موظف هستند که در گزارش‌ها، سخنرانی‌ها و مصاحبه‌های رسمی از به کار بردن چنین لغاتی خودداری کنند"[ii].

اوسته فارس ایستعمارچی شخص و تشکیلاتلاری نین فارس دیل و مدنیتی اوزره "تعصب و غیرت ملی" و موظف دئیه وظیفه یوکوملدیکلری و ایران ممالیکی محروسه سینده کی باشقا دیل و مدنیتلر اوزره "ممنوعیت به کارگیری اسامی، عناوین و اصطلاحات بیگانه" دئیه قلمه آلدیغی مقاملار فارس ایستعمارچیلیغی نین حاکیملیگینی تضمین آلتینا آلمیش مقاملار ساییلار. دئمک، دانیشیقلاردا، چیخیشلاردا فارس اولمایان دیللر و او دیللره (تورک، عرب، لور، بلوچ، تورکمن و کورد دیللرینه) منصوب اولموش "آد و کلمه" لرین ایشلنمه سینه یول وئرمک (اجازه وئرمک) فارس ایستعمارچیلیغی و حاکیمیت تمامیتچیلیگی اوچون باغیشلانماز گوناه ساییلارمیش. گئنه ده اوخویوروق:

"وی (غلامعلی حداد) در ابتدا در پاسخ به سوال اول مجری برنامه در خصوص جایگاه زبان و ادب فارسی گفت: مقام معظم رهبری همواره پشتیبان زبان فارسی بوده‌اند به طوری که از زبان و خط فارسی همواره حمایت‌های لازم را به عمل می‌آورند"[iii]. 

اوسته گؤروندوگو کیمی دین آدینا فارسلیق اوغروندا سیدعلی حسینی خامنه ای ده بیر دگرسیز اسکی (کهنه) کیمی ایستفاده اولونار. سیدعلی حسینی خامنه ای نین فارس ایستعمارچیلیغینا خوش خدمتلیگی ایله تانیش اولمایانلار بلکه ده غلامعلی حدادین بو ایفاده لرینی دوغرو و دوزگون دئییل دئیه قبول ائتمگه لر. بئله لیکله سیدعلی حسینی خامنه ای نین همشهری گونده لیگینده یاییلمیش گؤروشلری دیققت چکیجی ساییلار، اوخویوروق:

"اگر یک ملت را از تاریخش، از گذشته اش، از فرهنگ، از شخصیتش، از مفخر علمی و دینی و سیاسی و فرهنگی اش جدا کردن و از یادش بردند- زبانش را از او گرفتند، الفبایش را از او گرفتند، کتابش را از او گرقتند، سابقه فرهنگی اش را از او گرفتند- این ملت آماده خواهد شد که هر چه می خواهند بر سرش بیاورند. این ملت دیگر جان پیدا نمکند؛ مگر اینکه شخصیتهای برجسته ای در آن ظهور کنند. این بلا را بر سر بسیاری از کشورها آورده اند".[iv]

بیر چوخ فارس ایستعمار یانلیسی اولان دین خادیملری ایسلامیتدن عبا و عمامه اوغورلادیقلاری کیمی سیدعلی حسینی ده ایسلامیتدن عبا و عمامه اوغورلامانین یانی سیرا آذربایجاندان منسوبیت دئیه "خامنه" ائتیکیتی نی اوغورلایاراق تاریخ، دیل، مدنیت و میللی منلیک و کیملیک باخیمیندان منسوبیتینی فارس ایستعمارچیلیغینا اوغورلاتمیش و تاراج ائتدیرمیش مقامدا یئر آلارکن بیر فارس ایستعمار عامیلی دوروموندا چیخیش ائدر. غلامعلی حداد طرفیندن گئنه ده اوخویوروق:

".. حداد عادل با اشاره به اهمیت زبان فارسی، افزود: زبان فارسی رکنی از ارکان هویت ملی ایرانیان به شمار می‌آید. رئیس فرهنگستان زبان و ادب فارسی با اشاره به تمایز هویت فکری ایران با سایر اقوام تصریح کرد: هر ملتی برای خود خصوصیاتی دارد که آنرا با سایر اقوام دیگر متمایز می‌کند. وی با بیان اینکه اسلام دین مقدس ایرانیان است که این موضوع خود می‌تواند به عنوان یک هویت با ارزش ملی به حساب آید، ادامه داد: به غیر از اسلام رکن دیگری وجود دارد که نشاندهنده هویت و فرهنگ ایرانیان است که از آن می‌توان به زبان فارسی یاد کرد"[v].

اوسته گؤروندوگو کیمی دین مقوله سینی ده فارس ایستعمارچیلاری بیر میللی فاکت دئیه قلمه آلارکن اوندان فارسلیق چیخارلاری دوغرولتوسوندا فایدالانماغا چالیشارلار. ترس دورومدا ایسلامیتی فارسلیغا اویونجاق ائتمیش رئیس مصلحت نظام آد وئردیکلری علی اکبر هاشمی رفسنجانی ده ایسلامیتین دیلی ساییلان عربجه نی هئچ ده خوشلوقلا قارشیلاماز. علی اکبر هاشمی رفسنجانی گؤروشلرینی "رازی"-دن کؤمک آلاراق ایفاده ائدر، اوخویوروق:

" در مسیر اسلام به نقطه‌ای رسیده‌ایم که ایران به پایگاه مهمی برای اشاعه مکتب اهل‌بیت تبدیل شده و در این زمینه باید به کار رازی و ایرانی‌ها و فارسی‌زبان‌هایی که این کار را انجام داده‌اند نگاه کنیم. ….. وی ادامه داد: از رازی می‌پرسند چرا تفسیر را فارسی نوشته‌اید می گوید من فارسی را مقدم بر عربی می دانم ، یکی از نکات مهم همین فارسی نویسی بود چرا که اعراب می‌گفتند غیر متن عربی نباید متن دیگری از قرآن باشد. هاشمی رفسنجانی گفت: قرآن، زبان فارسی و تشیع در ایران سه محور اصلی کار رازی است"[vi].

اوسته گؤروندوگو کیمی ایسلام و ایسلامیتدن منظور فارسلیق خدمتینه آلینمیش، فارس دیل و مدنیتی ایله ایفاده اولونموش ایران ممالیکی محروسه سینده کی شیعه لیک منظور اولونار، غلامعلی حدادین دا ایسلامیتدن منظورو فارسلیق خدمتینه آلینمیش شیعه لیک ساییلار. فارس دیل و مدنیتینی اساس گؤتورولموش شیعه لیگه اساسن ایران ممالیکی محروسه سینده کی فارس، گیلک، مازنی، لور و عربلر دئییل، آذربایجان تورکلری ده شیعه اولدوقلاری اوچون فارس ایستعمارچیلیغی نین آیریلماز بیر بؤلومو ساییلار. گئنه ده اوخویوروق:

"حداد عادل با بیان اینکه زبان جلوه‌گاه فرهنگ است، تصریح کرد: سنت‌ها، آداب و ارزش‌ها در زبان فارسی تجلی پیدا می‌کند به گونه‌ای که زبان جزئی از هویت ما به حساب می‌آید"[vii].

غلامعلی حدادین فارس ایستعمارچیلیق گؤروشلری قیراغا قویولارسا، دیل اوزره گلدیگی قناعت دوغرو و دوزگون ساییلار. دئمک، دیل بیر چوخ عوامفریبلر و شیادلار ایفاده ائتدیکلری ساده وسیله دئییل، دیل انسان توپلومونون بیر مدنی وارلیق اولاراق مدنیت چاغیندا یاشایابیلمه سینده و قالارقیلاشماسیندا (ابدیلشمه سینده) دانیلماز رولو اولاجاق بیر سیستیم عامیلی ساییلار. دئمک، انسانین دانیشماسی ایله دوشونجه سی بیربیرلریندن آیریلماز بیر دوشونمه سیستیمی اساسیندا حیاتا کئچدیگی اوچون انسانلارین یاراتدیقلاری دا دیل و مدنیت اساسیندا گلجک نسیللره اوتورولر (تقدیم اولونار). دئمک، میللی کیملیک منظور اولوندوقدا بوتون گلنک (عنعنه)، گؤرنکلری (عادتلری) اؤزونده باریندیرمیش و ایفاده ائده بیلن دیل منظور اولونار. دین ایسه، مدنی توپلوملار اوچون اؤنملی اولماسینا باخمایاراق میللی کیملیک ساییلماز. دین یالنیز دونیا گؤروشو آچیسیندان انسان توپلولوقلاری نین بیربیرلرینه رغبت یوخسا نفرت بسلمه لرینه یول آچمیش و آچاجاق اینانج ساییلار. جلال‌الدین محمد مولانا رومی نین ده "همزبان" دئیه قلمه آلدیغی مقاملار دیلداشلیق (همزبانی) دئییل، دینداشلیق (هم دلی، هم مسکلی) آنلاییشی نی اؤزونده باریندیرار، اوخویوروق:

"ای بسا هندو و ترک همزبان                       ای بسا دو ترک چون بیگانگان

پس زبان محرمی خود دیگرست                   همدلی از همزبانی بهترست"[viii].

بیلیندیگی کیمی جلال الدین محمد مولانا رومی ایسلام عالمینده صوفیلیک طریقه تینه باغلی اولموش. صوفیلیک دونیاسی دا معنویات اساسیندا یوروملاندیغی (تعبیر و تفسیر اولدوقلاری) اوچون دینی باغلیلیق داها قابارتیلمیش مقام ساییلار. اوسته کی عبارتده "هندو" دئییمیندن "فارس"، "همزبان" دئییمیندن "هم دلی و هم مسلکی" منظور اولموش. ایکی تورکون بیربیرلرینه اؤزگه قلمه آلینماسی دا دیلداشلیق اساسیندا دئییل، دینداشلیق اساسیندا قلمه آلینمیش مقام ساییلمیش. ترس دورومدا مولانا جلال الدین محمد رومی هئچ ده تورکو تورکه و تورکلوگه اؤزگه سایمامیش، اوخویوروق:

"ترکـی همه ترکـی کند  تاجیـک تاجیـکی کـند 

                                   من ساعتی ترکی کنم یک لحظه تاجیکی کنم".

دئمک، بوگون فارس ایستعمار یانچیلاری و فارس مدنیت راسیستلری نین مولانانین اوسته کی شعریندن آلماغا چالیشدیقلاری سونوچ و نتیجه لر گئرچکلیک و واقعیتلر ایله اؤتوشه جک دئییل. دئمک، فارس ایستعمار محفیللری تاریخده دینچیلیگه اساسلانمیش ادبیاتی بیله فارس ایستعمارچیلیغی خدمتینه آلماغا چالیشارلار[ix]. غلامعلی حداد طرفیندن اوخویوروق:

".. زبان فارسی همچون سایر منابع طبیعی به صورت خدادادی بوجود نیامده بلکه این زبان از پدران، اجداد و نیاکان‌مان به جا مانده است"[x].

مقاله نین اوسته بؤلومونده گؤروندوگو کیمی فارسلیغی ایسلامیته دوگونلمگه چالیشان ذات یئری گلدیکده "ایسلام" دینی دئیه تانینمیش ایسلامیته بیر تپیک ووراراق فارسچانی آتا و بابالاری نین یاراتدیغی بیر مدنیت نشانه سی قلمه آلار.  بئله لیکله ده فارس ایستعمارچیلاری نین ایسلامیتی و شیعه لیگی فارس ایستعمارچیلیغینا اویونجاق ائتدیکلری اورتایا چیخار. غلامعلی حداد انگلیس دیلینی اوزونه بیر اؤرتوک دئیه توتاراق ساتیش یئرلری و دکانلارین باشلیغیندا لاتین گرافیکاسی ایله یازیلمیش تابلولارا قارشین دئمیش:

"... این اقدام مغازه‌داران بی‌مهری به زبان فارسی به حساب می‌آید و از هموطنان انتظار داریم از اشخاصی که سردرمغازه‌شان به زبان انگلیسی است خرید نکنند بلکه به سراغ فروشنده‌هایی بروند که به زبان فارسی علاقمند هستند. حداد عادل با اشاره به اینکه هر کسی خط و زبان فارسی را کنار بگذارد به ملت اهانت کرده است، اظهارداشت: از صاحبان مغازه می‌خواهیم که الفاظ نامفهوم را بر سر در اماکن‌شان نصب نکنند. رئیس فرهنگستان زبان و ادب فارسی با اشاره به اینکه طبق قانون نباید بر روی کالایی به زبان لاتین تبلیغ کنیم مگر آنکه برای صادرات باشد .. حداد عادل تصریح کرد: طبق قانون ممنوعیت به کارگیری عناوین و اصطلاحات بیگانه، کارخانه‌ها، کارگاه‌ها و اماکن تولیداتی، خدماتی و تجاری موظف هستند ظرف مدت دو سال از تاریخ ابلاغ این قانون و ظرف مدت یک‌سال نام اماکن خود را از واژه‌های بیگانه به فارسی برگردانند.... رئیس فرهنگستان زبان و ادب فارسی با اشاره به اینکه چاپخانه‌ها، مراکز نشر و سایر مطبوعات مکلف به رعایت این قانون هستند، ادامه داد: اگر وزارت ارشاد با تخلفی در این رابطه مواجه شد باید اقدامات لازم را به عمل آورد... حداد عادل افزود: برای متخلفین مجازات‌هایی در نظر گرفته شده که این مجازات‌ها می‌تواند شامل تعطیلی موقت محل کار و لغو پروانه کسب و کار باشد. .. رئیس فرهنگستان زبان و ادب فارسی با بیان اینکه باید قدر زبان مادری را بدانیم، اظهار داشت: هر کسی که از لغات بیگانه استفاده می‌کند باید مطمئن باشیم که زبان خارجی بلد نیست. .. حداد عادل ...خاطرنشان کرد: همه دستگا‌ه‌های مختلف از نیروی انتظامی گرفته تا وزارت ارشاد باید نسبت به زبان و ادب فارسی عزم و اراده بیشتری را برای اجرای قانون مرتبط با زبان و ادب فارسی داشته باشند.  "[xi]. 

اوسته گؤروندوگو کیمی انگیلیس دیلی بیر سوژه اولاراق غلامعلی حداد لاتین الیفباسی ایله یازیلمیش ساتیش یئرلری نین تخته لنمه سینه حؤکوم وئرمگه چالیشار. بئله لیکله ایلک آشامادا فارس دیل و ادبیات قورومو باشقانی غلامعلی حداد یایین و باسین اورقانلاری واسیطه سی ایله باشقا دیل و مدنیتلره نفرت تؤره درکن ایکینجی آشامادا میللته توهین اولونموش دئیه او تابلولارین قالدیریلماسی اوچون دوشونجه و فیکیر اولوشماسینا و باسقی اورقانلارینا ساریلماغا (متوسل اولماغا) چالیشار. فارس دیل و ادبیات قورومو طرفیندن اویدورولموش کلمه لرین خالق طرفیندن قبوللوق گؤرمدیکلرینه قارشین غلامعلی حدادین گؤروشلریندن اوخویوروق:

" آقای حداد عادل تمسخر برخی از معادل‌های واژه‌های بیگانه از سوی مردم را عادتی به‌جامانده از دوره فرهنگستان زمان حکومت رضاشاه دانست و مسخره کردن معادل "درازآویز زینتی" به جای "کراوات" را از جمله این موارد دانست"[xii].

فارس دیل و ادبیات قورومونون اوسته کی عاجیزلیگی نی خالق کیتله سی نظره آلاراق بئلنچی سؤز اویدورمالارینی نقد ائتدیکده غلامعلی حداد بو یاناشمالاری خالقا توهین ائدیلمیش دئیه قلمه آلمیش، اوخویوروق:

"در یکی از برنامه‌های صبحگاهی تلویزیون، مجری برنامه واژه‌های مصوب فرهنگستان را مسخره می‌کرد، که این مسخره کردن زبان یک ملت است"[xiii].

غلامعلی حدادین بئلنچی چیخیشلاری قاریشقانی خاطیرلادار. بیلیندیگی کیمی گونلرین بیرینده بیر قاریشقا سویا دوشموش، الینی کؤله و کؤسه آتمیش، باشاریقسیز اولارکن باغیراراق "دونیانی سو آپاریر" دئیه اؤزونو ایفاده ائتمیش. قاریشقانین بو چابالارینا باخمایاراق چئوره و اطرافیندا اولان هئچ نه یئریندن ترپنمه میش. سیاستده ایسه مسئله تام ترسینه ایشله یه بیلر. فارس ایستعمار حاکیمیتی قوروملارینا و عامیللرینه آغیز بوزمک خالق دوشمنی و میللته خائن قلمه آلینارسا، اؤلوم جزاسی، سورگون و داها نه لر انسانلارین هدلنمه سینه و سوسدورولماسینا یول آچار. فارس دیل و ادبیات قورومونا خوش خدمتلیک ائدیلدیگینه، رادیو و تلویزیون مأمورلاری نین ایشدن قاویلماسینا داییر اؤز غلامعلی حداد تشکورلرینی ده بیلدیرمیش، اوخویوروق:

"من از آقای ضرغامی تشکر می‌کنم که یکی از کارکنان را که به جای پیامک از اس ام اس در تلویزیون استفاده می‌کرد و به رغم تذکر همچنان اصرار به تکرار داشت او را برکنار کرد."[xiv]

قایناقلار و اتک یازیلار