محمد مصدق السلطنۃ نین بوگون فارس ایستعمارچیلاری و مدنیت راسیستلری اوچون اولگو اولماسی
بیلیندیگی کیمی فارس دیلی ایلک اولاراق غزنه لیلر و سونرا سلجوق تورکلری آتلاری نین اوزنگیسینده دیوان و شعر دیلی دئیه بوگونکو ایران ممالیکی محروسه سینه گتیریلمیش بیر دیل ساییلار[i]. تورک شاهلاری دوققوز یوز ایله یاخین بو دیله رغبت ایله یاناشمالارینا و فارس مداح و شاعیرلرینه مرحمت الرینی اسیرگمه مدیکلرینه باخمایاراق خاریجی عامیللر واسیطه سی ایله ایش اوستونه گلمیش فارس میللیتچیلیگی و مدنیت راسیستلیگی بو ممالیکی محروسه ده فارس ایستعمارچیلیغینی فارس دیل و مدنیتی اساسیندا حاکیم ائتمیش. تورک میللی کیملیگی و منلیگیندن یوخسول اولموش آذربایجان تورکلریندن اولان بیر سیراسی او جومله دن، احمد کسروی، تقی ارانی، سیدحسن تقی زاده، حسین کاظمزاده (ایرانشهر)، محمود غنی زاده سلماسی، محمد مصدق السلطنۃ قاجار، ابولحسن صدر ثقۃ الاسلاملار دا فارس دیل و مدنیتینی بیر ایستعمار دیلی اولماقدا قوللایاراق (دستکله یه رک) فارس میللیتچیلرینه اولمازین کؤمگینی ائتمیشلر. فارس میللیتچیلری و فارس مدنیت راسیستلری ایش اوسته گلدیگی گوندن باشلایاراق اله کئچیردیکلری ممالیکی محروسه نی ایران دؤلتی (بیر دؤلت، بیر ملت، بیر بایراق) و اورادا یاشایان میللی توپلوملاری ایران ملتی نین آیریلماز ترکیب حیسسه سی آدلاندیرمانین یانی سیرا اونلارین دیل و مدنیتلرینی دیلده محلی آدلاندیرمالارینا باخمایاراق عملده بو توپلوملارین میللی و مدنی ایستکلرینی بیر تهلوکه و خطر کیمی قلمه آلماغا چالیشمیشلار.
خاریجی عامیللر واسیطه سی ایله ایش اوستونه گلمیش رضا خان و اونون آذربایجانا گؤندردیگی ایالت باشچیلاری (عبدالله مستوفیلر) و معارف (آموزش و پرورش) باشقانلاری نین (محسنی لرین) آذربایجاندا اویقولادیقلاری فاشیستلیک و راسیستلیگه اساسلانمیس ایستعمارچی سیاستلری نسبی ده اولسا، گونئی آذربایجان تورکلوگونون اوخوموش کسیمینده فارس حاکیمیتینه قارشین بیر قارشی دورما دویقوسو یاراتمیش ایمیش. بئله لیکله ایکینجی دونیا ساواشی زامانی، روسیه بؤلشویکلری گونئی آذربایجان تورپاقلارینی ایشغال ائتدیکلری زامان، یارانمیش فرصتی غنیمت حئساب ائدن آذربایجان دئموکرات فرقه سی گونئی آذربایجان تورپاقلاریندا "آذربایجان میللی مختار دؤلتی"نی قورماغا چالیشمیش. ایکینجی دونیا ساواشی سونا اردیکدن و آمریکا بیرلشمیش دؤلتی نین روسیه کمونیست حاکیمیتینه اویقولادیغی باسقیلار نتیجه سینده گونئی آذربایجان حؤکومتی و تهران آراسیندا (مظفر فیروز) 10 مادده لی آنلاشما اوزرینده راضیلاشیلدیقدان سونرا سیدجعفر پیشه وری آذربایجاندا محللی دؤلت مسئولیتلرینی والی (استاندار) آد وئریلمیش سلام الله جاویده تحویل وئرمه لی اولموش. روسیه گوجلری گونئی آذربایجانی ترک ائتدیکدن سونرا فارس حاکیمیتی سید جعفر پیشه وری ایله راضیلاشدیغی آنلاشمانی یوخ سایاراق گونئی آذربایجانی ایشغال ائتمیش. بئله لیکه بیر ایل اؤز دیل و مدنیتی ایله ایداره اولونموش گونئی آذربایجان تورکلری نین بیر داها فارس ایستعمارچیلیغینا تابع توتولموشلار[ii]. ایکینجی دونیا ساواشیندان باشاریلی چیخان انگلیستان و آمریکا بیرلشمیش دؤلتلری نین حاکیمیت باشچیلاری (چئرچیل و روزوئلت) کمونیستلیگین ایران ممالیکی محروسه سینده قارشیسینی آلماق اوچون فارس حاکیمیتی نین ایران ممالیکی محروسه سینده محللی قلمه آلدیغی میللیتلره دیل و مدنیت موختاریتی نین وئرمه سی نین فایدالی اولاجاغینی وورقولامیشلار. انگلیستان و آمریکابیرلشمیش دؤولتلری نین تکلیفلری فارس ایستعمار یانلیلاری و فارس مدنیت راسیستلری او جومله دن فراماسون محمد مصدق السلطنۃ قاجار و ابوالحسن صدر ثقۃ الاسلامی تبریزلیلرین خوشلارینا گلمه میش.[iii] اونلار تهراندا اون دؤردونجو مجلیسین 179 اونجو اوتوروموندا ایراندا وئریلمه سی لازیم اولان دیل و مدنیت آزادلیغی ایله دوشمنلیک ائتمیشلر، بو خوش خدمتلیک و خیانتی بوگون ده فارس یایین، باسین اورقانلاری و پان ایرانیستلر بیر اؤرنک کیمی سرگیلمگه چالیشار. ثقۃ الاسلامی دئمیش:
" چنانچه کمیسیون مزبور به مسائل دیگری مانند السنه محلی ایران بخواهد توجه کند کاملاً بی‌مورد است زیرا در ایران اختلافات نژادی وجود نداشته، زبان تمام اهالی ایران زبان فارسی است و هیچ مقام خارجی حق ندارد در ایران فرض بودن چندین زبان را بکند و هر تصمیمی برخلاف اصول حاکمیت و وحدت ملی ایران گرفته شود قابل قبول نیست"[iv].
اوسته گؤروندوگو کیمی دیل و مدنیت باخیمیندان آزقینلاشمیش و تهرانداکی فارس حاکیمیتینه قوللوقچولوغو اؤز میللی منلیگی و کیملیگینه اوستون توتموشلار فارس ایستعمار قووه لرینه نئجه خوش خدمتلیک ائتمیشلر. ایکینجی دانیشان گئنه ده فارس مدنیت راسیستلیگی و فراماسونلوغو ایله تانینمیش حزب نژادپرست جبهه میللی ایران- فارس باشچیسی محمد مصدق السلطنۃ اولموش[v]. مصدق ده دانیشیغینی ابوالحسن صدر ثقۃ الاسلامی دئدیکلرینه اساسلاندیراراق حکیمی دؤلت کابینه سینه خیطاب اولاراق دئمیش: "هر دولت وطن‌پرستی باید بدون مطالعه، این قبیل پیشنهادها را رد نماید"[vi].
اوسته گؤروندوگو کیمی راسیستلیک و فاشیستلیک مقوله لرینده داها هر هانکی بیر مسئله نی گؤتور و قوی یوخسا "مطالعه ائله" دئیه ده بیر آنلاییش اولماز. بئله لیکله آمریکا بیرلشمیش دؤولتلری ایرانداکی نفت چیخارلاری باخیمیندان انگلیس دؤلتی ایله ترس دوشمک ایستمدیگی و کمونیستلیگین قارشیسیندا فارس حاکیمیتینی باشقا دیل و مدنیتلره ده یاشاما حاققی تانیماسینا یؤنتمک اوچون امکلی اولموش، سونرا بیر داها حاکیمیت داییره لرینده خدمت ایله مشغول اولان سپهبد علی رزم آرا آدلینی فارس حاکیمیت باشچیلیغینا تداروک گؤرموش. بئله لیکله رزم آرا 1949 (1328) اینجی ایل فارس حاکیمیتی نین بیرینجی وزیری اولاراق مجلیس سئچیملری نین اون آلتینیجی دؤنمینده دخالت ائده رک اؤزونو محمدرضا شاها تحمیل ائتمیش. رزم آرانین کئچمیش رقیبی ژئنرال زاهدی تهران شهربانی سی نین باشچیسی اولدوغو اوچون رزم آرا یالنیز تهران سئچیملرینده مداخیله ائده بیلمه یه رک تهران سئچیمینده جبهه میللی آد وئریلمیش فارسچی رادیکال قوروپو (محمد مصدق یانچیلاری) سئچیملری قازانمیش[vii]. بئله لیکله تهران میللی مجلیسینده محمد مصدق و باشقا سکیز جبهه میللی یولداشلاری رزم آرانین باریشماز رقیبی اولموشلار[viii]. ارزم آرا شاها وفادار اولدوغونا آند ایچدیگینه باخمایاراق آمریکا مقاملارینا آرخالاندیغی اوچون مجلیسده تریبون آرخاسینا کئچه رک دئمیش:
" ملت ایران عرضة ساختن لولهنگ را هم ندارند، آن وقت چطور می‌خواهند دستگاه عظیم نفت را اداره کنند"[ix].
رزم آرانین اوسته کی سؤزلری محمدرضا شاهین خوشونا گلمه یه رک بو ایکی مقام آراسیندا بیر بیرلرینه قارشی آچیق دوشمنلیک باشلامیش. بئله لیکله شاهین سازمان امنیت مأمورلاری رزم آرانی اؤلدوره رک بو مسئله نی فدائییان اسلام یانچیسی اولان خلیل طهماسب نین بوینونا باغلامیشلار[x].
1953 (1332) اینجی ایل 28 مورداد اولایلاریندا، اوچ بؤیوک دؤلتین منافعی اوغرونداکی قارشی دورمادا- محمد مصدق آمریکا بیرلشمیش دؤولتلری یانلیسی، آیت الله کاشانی، انگلیس یانلیسی، حزب توده ایران، روسیه کومونیستلیگی یانلیسی- محمد مصدق آمریکا مقاملارینا اؤز لیاقتسیزلیگینی ثابیت ائتدیکدن سونرا آمریکالیلار بیر داها محمدرضا شاهی کومونیستلیک قارشیسیندا اؤز منافعلرینه اویقون حئساب ائده رک مصدقی حاکیمیتدن اوزاقلاتمیش.[xi] بو آجی گلیشمه لره باخمایاراق محمد مصدق اؤزونو فارسلیغا شیرین ساتماق اوچون 1324-1325 اینجی ایل حکیمی حؤکومتی نین آمریکا مقاملاری نین تکلیفینه مناسبت بیلدیرمه سینی داها گئنیش بیچیمده ایفاده ائتمگه چالیشمیش، اوخویوروق:
"علت مخالفت من با اختیاراتی که (حکیمی) می‌خواست به استان‌ها بدهد این بود که در دوره چهاردهم دولتین امریکا و انگلیس به عنوان کمیسیون سه جانبه می‌خواستند،اختیاراتی به بعضی از استان‌ها داده شود که از آن سوءاستفاده نمایند و من در مجلس چهاردهم با تشکیل کمیسیون سه جانبه آنقدر مخالفت کردم تا هژیر (وزیر مالیه دولت حکیمی) به مجلس آمد و انصراف دولت را از تشکیل کمیسیون سه جانبه به مجلس اظهار نمود"[xii].
اوسته کی محمد مصدغین ایشاره ائتدیگی مقاملار آذربایجان دموکرات فرقه سی نین یئنیلمه سیندن (شکست یئمه سیندن) سونرا آمریکا و انگلیس گوجلری نین کمونیستلیگین قارشیسینی آلماق اوچون فارس اولمایان ائتنیکلره فارسلیق حؤکومتی آلتیندا دیل و مدنیت آزادلیغی وئریلمه سی قونو و موضوعسونا اساسلانار. گؤروندوگو کیمی فارس مدنیت راسیستلیگینده غرق اولموش محمد مصدق گئنه ده کئچمیش یانلیش داورانیشلاریندان عبرت درسی آلمایاراق او یانلیش داورانیشلاری بیر داها وورقولامیش. بو دا محمد مصدق و بیر چوخ اؤز میللی منلیک و کیملیکلرینه خیانت ائتمیشلرده میللی کیملیک آچیسیندان دیل و مدنیت بیلینجی اولمادیغینا اساسلانار. محمد مصدق آمریکا بیرلشمیش دؤلتلری نین رزم آرا واسیطه سی ایله حیاتا کئچیرمک ایستدیگی مسئله یه آچیقلیق گتیرمک ایسترکن دئمیش:
" اگر فراموش نکرده باشم،در تابستان 1329 مرحوم رزم آرا به خانه من آمد و گفت: - می‌خواهم نخست‌وزیر بشوم و آمده‌ام با شما مشورت بکنم ببینم به مصلحت می‌دانید یا نه... گفت: برنامه من دادن اختیارات بیشتر به استان‌ها است. گفتم: -دادن اختیارات به استان هامخصوصاً به بعضی از استان‌ها که ساکنین آن از نظر‌نژاد،زبان و مذهب با ما اختلاف دارند صلاح نیست. به جهت این که دول بزرگ از اختیاراتی که به آن‌ها داده باشید، سوءاستفاده می‌کنند و دولت ایران را در بن‌بست عظیمی قرار می‌دهند. اکنون اختیاراتی که می‌توان به محل‌ها داد این است که می‌توانیم پیش‌بینی کنیم اختیارات داده شود که اعضای شورای بلدیه خود را انتخاب کنند،نمایندگان خود را به مجلس شورای ملی بفرستند. به من جواب داد که برنامه بیش از این‌ها است که شما در نظر گرفته اید. من،به او گفتم چنانچه شما دولتی تشکیل بدهید که برنامه آن از آنچه من عرض کردم تجاوز کند،من شدیداً با شما مخالفت خواهم کرد"[xiii].
اوسته گؤروندوگو کیمی فارس ایستعمارچیلاری و مدنیت راسیستلری دوشونجه لرینه اساسن وطنداش قلمه آلدیقلاری فارس اولمایان میللی توپلوملارا دیل و مدنیت آزادلیغی نین وئریلمه سی بیله نظرده آلینمادیغی نین یانی سیرا اونلارین دیل و مدنیتلرینی داناراق فارسلیقدا یوخ ائتمک ایسترلر. خاریجی گوجلر هر هانکی باخیمدان بو انسانلارا دیل و مدنیت آزادلیغی وئرین دئیه طلب ائتدیکده بیله بئلنچی ایستگی یئرینه یئتیرمکده مأموریت آلمیش کیمسه نی سپهبد علی رزم آرا نی تئرور ائتدیکلری کیمی یوخ ائتمک ایسترلر. بودور فارس ایستعمارچیلیغی نین اصل ماهیتی!
اتک یازی و قایناقلار
[i] ایشیق سؤنمز، ایران دؤلتی و ایران دیل قوروپو آدی نین اورتایا آتیلماسی: http://www.isiqsonmaz.com/Seite269.htm
[ii] آذربایجان میللی حؤکومتی بوتون ائتنیک آذربایجان تورپاقلارینی ایچرمیش (ایچینه آلمیش) دئییلمیش.
[iii] ابوالحسن صدر ثقۃ الاسلامی تبریزی 1269 اونجو ایل تبریزده دونیایا گلمیش. او روسلار طرفیندن آسیلمیش و تانینمیش روحانی میرزا علی آقا ثقۃ الاسلامی نین قارداشی اولموش. احتیمالن قارداشی نی روسلار اؤلدوردوکلری و آذربایجان دمکرات فرقه سی نین روسیه کمونیستلرینه نسبت وئریلدیگی اوچون ابوالحسن صدر ثقه الاسلامی آذربایجان دمکرات فرقه سی و حزب توده علیهینه دؤنه دؤنه چیخیش ائتمیش. مسئله بونلا دا سونا چاتمایاراق آذربایجان تورکلری نین دیل و مدنیتلرینی دانماغا چالیشمیش.
[iv] سالار سیف الدینی، روزنامه ايران، شماره 5568 به تاريخ 7/11/92، صفحه 10: http://www.iran-newspaper.com/newspaper/page/5568/10/2692/0
[v] جبهه ملی ایران آدی بیرینجی یول تهرانداکی اون آلتینجی مجلیس سئچکیلری عرفه سینده محمدرضا شاه درباریندا تحصن ائتمیش بیر قوروپا آد وئریلمیش. محمد مصدق ده بو قوروه عضولریندن بیری اولموش.
[vi] سالار سیف الدینی، باخ اورادا.
[vii] محمد مهاجری، حسن لاسجردی، مریم صدرالادبایی، علی رزم آرا چگونه و چرا به گلوله بسته شد؟، پنجشنبه 26 اسفند: http://www.khabaronline.ir/detail/135535/root/history
[viii] محمد مهاجری، حسن لاسجردی، مریم صدرالادبایی، باخ اوسته.
[ix] محمد مهاجری، حسن لاسجردی، مریم صدرالادبایی، باخ اوسته.
[x] صدرالدین الهی، خاطرات سیدضیاء در باره کودتای رضا خان، پیک نت، اگر آن دیگری این یکی را کشته بود!، 24 فروردین 1391: http://pyknet.net/1391/12farvardin/24/page/31Razmara.php : "... در این اثنا در باز شد. کسی شتاب زده بر آستانه در ظاهر گردید و بدون این که مرا دیده باشد و یا شاید بر اثر هیجان، با صدای بلند گفت: - تمام شد قربان. شاه مثل کسی که خبر آرام بخشی را شنیده باشد راحت توی صندلی افتاد. چشم ها را بست و پس از لحظه ای چشم گشود و به من گفت: - آقا، فردا، پس فردا بیائید که حرفمان را تمام کنیم. من که برخاسته بودم، سر برگرداندم و آقای اسدالله علم وزیر کشور را بر آستانه در دیدم. در سراسری کاخ شنیدم که سپهبد رزم آرا را درحالی که برای برچیدن ختم ایت الله فیض همراه علم به مسجد شاه رفته بود با تیر زده اند و نخست وزیر در جا جان سپرده است. افسر برجسته ای بود. ولی خیلی خطرناک. خیلی خطرناک. خلیل طهماسبی از فدائیان اسلام اعتراف کرد که او ترور را انجام داده است."
[xi] ایشیق سؤنمز، فارس جبهه میللیچیلری نین تاپیندیقلاری محمد مصدق السلطنه اینگیلیس و آمریکا منافعینه خیدمت ائتمیش فراماسون مو، یوخسا بیر چوخلاری نین خیال ائتدیکلری میللی شخصیت؟: http://www.isiqsonmaz.com/Seite63.htm
[xii] سالار سیف الدینی، باخ اورادا.
[xiii] وزارت جنگ، اداره دادرسی ارتش، محمد مصدق، پروتکل بازجویی 28 مرداد 1332، سند بازجویی صحیفه 1 و 2، تاریخ بازجویی:16- 10- 1332.
ایشیق سؤنمز، 29.01.2014