سید جواد میری نین ملی مسئله-دن آ

سید جواد میری ملی مسئله باخیمیندان سید جواد طباطبایی نین ترس کوپی سی ساییلار. دئمک، سیدجواد طباطبایی "ایرانیت" آنلاییشی نی فارس ملیتچیلیگی "باستانگرایلیق و فارس راسیستلیگی" آچی و زاویه سینده آله آلیرسا، سیدجواد میری سید جواد میری سیدجواد طباطبایی نین ترس کوپی سی اولاراق علی شریعتی دک "ایرانیت" آنلاییشینی "ایران فرهنگی و فارس مدنیت راسیستلیگی" اساسیندا قبول ائدر. بئله لیکله ظاهیرده اؤزونو آیدین قلم آلارسا دا، دیل و مدنیت بیلینجی و شعورو باخیمیندان فارس مدنیت راسیستلیگی نین کؤلگه-سیندن اؤزونو اوزاغا چکه بیلمز. کئچمیش بیر نئچه یازیدا "ایرانیت" آنلاییشی نی اورتایا قویدوغو اوچون اونون بعضی گؤروشلری ایله تانیش اولماق و اونو نقد ائتمک شانسیمیز اولدو[1]. یئری گلمیشکن بیر داها قیسا پایلاشیمی ایله تانیش اولاق، اوخویوروق:

"سخن اصلی من این است که مسئله قومیت را باید به مثابه یکی از مولفه های هویت در کنار دین و مذهب و منزلت و درآمد و جنسیت و ملیت و زبان و شهرنشینی/روستانشینی/عشایری مورد مطالعه قرار داد"[2].

اوسته گؤروندوگو و بیلیندیگی کیمی فارس دیلینده بلکه ده بیلینجلی اولاراق "ملیت و ملیتلر" آنلاییشی یئرینه "قومیت" دئییمی نی ایشلتمگی فارسلیق اوچون داها دا اویقون حئساب ائدرلر. بو اساسدا تاریخی ایران ممالیکی محروسه سینده، تحصیل سیستیمی اورتایا چیخدیقدان، رضاخان خاریجی گوجلر واسیطه سی ایله ایش اوستونه گلدیکدن و حاکیمیتچیلیک فارسلیق (فارس دیلی و مدنیتی) اساسیندا محمود افشار یزدی نین ایران دؤلتچیلیگی تئزینه اساسا "بیر مملکت، بیر دیل و بیر بایراق" دئیه فورموله اولموش. بئله لیکله فارس دیلی ایله تربیت اولموش، آنجاق فارسلیغا منسوب اولمایان بیر چوخ انسانلار دا احمد کسروی، حسین کاظمزاده (ایرانشهر)، تقی ارانی، سیدحسن تقی زاده، یحیی ذکاء،.... اؤزلرینی ملی منسوبیت دئیه فارسلیق ایله یورماغا و تعبیر و تفسیر ائتمگه چالیشمیش و چالیشارلار. بو باخیمدان بو ذاتلار "ایرانیت" کلمه سی نین اطرافیندا مانور وئرمگه و بیر بیرلرینی سوللاماغا (بیر بیرلریندن سبقت آلماغا) چالیشارلار. بئله لیکله مختلیف اَسنَکلیک و ایلاستیک حالتلر اورتایا چیخار. محمد مصدق اؤزونو ایران ملتینه منسوب دئیه فارس دیلی و مدنیتی اساسیندا جبهه ملی ایران محفلی واسیطه سی ایله فارس اولمایان دیل و مدنیتلری نماینده لیک ائتمگه چالیشارکن، سیدجواد طباطبایی آخینی فارس آرخائیکلیگی و باستانگرایلیغی و راسیستلیگینی دیفاع ائتمگه و سیدجواد میری آخینی ایسه اوستادی علی شریعتی دک "ایران فرهنگی" دئیه فارس دیلی و مدنیتی نی ایرانیت اوچون ملی دئیه قلمه آلماغا چالیشار. بئله جه ملیتلر مسئله سینی "قومیت مسئله سی" دئیه ملیتلر مسئله سی نی ایران وطنداشلیغی مقوله سی ایله یوزماغا، یورماغا، تعبیر و تفسیر چالیشارلار. سید جواد میریدن گئنه ده اوخویوروق:

"در نگاه من، یکی از مطالبات مسئله تدریس زبانهای غیر فارسی (و از همه پر رنگتر زبان ترکی و و عربی و بلوچی ..) در ایران است که تبدیل به یک مطالبه اجتماعی گردیده است ولی بحث این است که این مطالبه را چگونه باید مطرح کرد و چگونه باید مدیریت کرد. اگر مطرح نمودنش در قالب سیاسی یا امنیتی و یا اسطوره ای باشد، آنگاه دچار خطای استراتژیک شده ایم ولی اگر در چارچوب حقوق شهروندی مطرح گردد آنوقت هم مدیریت آن معین میگردد و هم طرح آن قابلیت عملیاتی شدن پیدا میکند و این بحثی است که نه ربطی به نفوذ دارد و نه پای عاملان بیگانه بل نشان از بی تدبیری ما دارد که فهمی از امر متکثر اجتماعی و قاعده مند کردن این امر متکثر به سیاستگذاری امر متنوع نداریم"[3].

اوسته گؤروندوگو کیمی سید جواد میری ایران ممالیکی محروسه سینده کی ملیتلر مسئله سینی یالنیز "اجتماعی" مسئله دئیه بو مسئله نی حل ائتمک دئییل، اونون نئجه طرح اولونماسی، اوسته لیک فارس حاکیمیتی طرفیندن نئجه مدیریت اولماسی اوزره گؤروشلرینی اورتایا قویماغا چالیشار.

ملیتلر و اونلارین اوزلشدیگی چتینلیکلر ایسه بیر چوخلاری خیال ائتدیکلری هر هانکی تک ائتنیکلی ملی توپلومون اورتاق یاشادیقلاری چتینلیکلر دئییل، هر ملی توپلومون اؤزونه خاص بیر ملی مسئله ساییلار. دئمک، ملی مسئله دیل و مدنیت اساسلی و تاریخا دایالی اوخونوش و قرائت ایله اورتایا قویولموش بیر ملی وارلیق مسئله سی ساییلار. ملی وارلیقلاری هر هانکی حاکیم دیل و مدنیتین پالازی آلتیندا باسیرماغا و گیزلی توتماغا چالیشماق ایسه هر هانکی ائتنیگی و خالقی دیل و مدنیت باخیمیندان سوی قیریما (نسل کشی) تابع توتماق ساییلار.

[1] ایشیق سؤنمز، وطنپرستلیک دئیه فارس مدنیت راسیستلیگی ایران ممالیکی محروسه سینده کی انسانلاری تورآتان دک سارمیش: http://www.isiqsonmaz.com/Seite378.pdf

1.1 ایشیق سؤنمز، تبریزده مشروطیت ائوی آد وئردیکلری تیکینتیده سید جواد طباطبایی نین دانیشیغی! https://t.me/dilimdilimdilimdir/1590

1.2 ایشیق سؤنمز، آذربایجان ملی مسئله سی، آذربایجان تورکلوگونون اؤلوم یوخسا قالیم مسئله سی: www.isiqsonmaz.com/Seite%20381.htm

[2] سیدجواد میری مینق، نگاهی نو به مسئله قومیت و تیم تراختور https://t.me/irproleague/81536

[3] سیدجواد میری مینق، نگاهی نو به مسئله قومیت و تیم تراختور، باخ اورادا.