فارس میللی-مذهبیلری نین تمامیتچیلیگی!

 

بیلیندیگی کیمی میللت مسئله سی دیل و مدنیت اوزرینده قورولموش بیر مقوله دیر. دئمک، ایران ممالیکی محروسه سینده کی تحمیلی فارس دیل و مدنیتی اساسیندا بیری اؤز میللی کیملیگینی تعریفله مه گه قالخارسا، او میللیت باخیمیندان کیم اولدوغونو دئییل، بیرلشمیش دؤولتلر تشکیلاتینداکی (ب.م.ت. ده کی)  نماینده لیک ائدیلن رسمی دؤولتین کیملیگینی اؤزو اوچون دونیا ایجتماعیتینه گؤستره بیلر. بو کیملیک علمی و مدنی باخیمدان دئییل، بللی داییره لرده بللی سیاست اوزره اورتایا قویولموش سیاسی بیر کیملیک ساییلار. آنجاق بو کیملیگین نه اولدوغونو بیلمک ایسترسک، ایشله دیلن دیل و اساسلانان مدنیتین نه اولدوغونو بیلمه لی ییک. بو جهتدن ایران ممالیکی محروسه سینده فارس دیلی و فارس مدنیتی حؤکم ائتمکده دیر. بیلیندیگی کیمی فارس تشکیلاتلاری، بعضی فارس میللیتیندن اولمایان اینسانلاری اؤز تشکیلاتلاریندا بیر آیاقچی (پادو) کیمی وظیفه یه تعیین ائتمیش گؤرونرلر. بئله لیکله، اونلار آیاقچی شخصلره دئدیکلرینی اساسلاندیراراق فارس تشکیلاتلارینی "ایران سراسری تشکیلاتی" دئیه دونیا ایجتماعیتی نین گؤزونه سوخماغا چالیشارلار. فارس تشکیلاتلاریندا آیاقچیلیق ائدن اینسانلارین بیر چوخو تحمیق اولدوقلاری اوچون اؤزلری فارس اولمادیقلارینا باخمایاراق بو مسئله یه اینانمیش آشامایا (مرحله یه) گلمیش دورومدادیرلار. بئله لیکله، فارس دیل و مدنیتی تحمیلی حددینی آشیب کئچه رک ایستعماری دورومدا یئر آلمیش مقامدا یئر آلار. آشاغیدا بعضی بؤلوملرینی اوخویاجاغیمیز یازی فارس میللی- مذهبیلریندن اولان عزت لله سحابی ذاتی عالیه عاییددیر. او ایرانیت دالیندا گیزله نه رک ایران ممالیکی محروسه سی نین %67 سی نین دیل و مدنیتینی گؤز آردی ائده رک بو کثیر المیلله ممالیکی محروسه نی فارس دیللی و فارس مدنیتلی گؤسترمه گه چالیشار. اونون "نژادپرستي ايراني يا بازشناسي هويت ملي؟!" آدلی یازیسیندان بعضی بؤلوملری بیرلیکده اوخویوروق:

" ما ايراني‌ها همچون هر ملت و كشور ديگري كه آهنگي براي پايان‌دادن به عقب‌ماندگي‌هاي تاريخي و آغاز روند ترقي و تعالي خود دارند، تا به آن درجه از خودشناسي ملي يا آشنايي به ضعف‌ها و قوت‌هاي تاريخي و طولاني‌مدت خود دست نيابيم، نمي‌توانيم در وضع و حال اجتماعي، اقتصادي و سياسي كنوني خود تحولي اساسي ايجاد كنيم. با وجود آثار مخرب و پردامنه‌اي كه نظام‌هاي استبدادي داخلي و استعمار خارجي در وضع و حال كنوني ما داشته و دارند، ما اگر تا قيامت هم از ستم و جفا و تخريب اين عوامل بناليم، راه نجات و توسعه و تعالي پايدار به روي ما باز نمي‌شود. راه رهايي عمومي و ملي از تغيير در خود و بينش‌ها و رفتارهاي خود آغاز مي‌شود".[i]

اوسته گؤروندگو کیمی، عزت لله سحابی میللی کیملیگینی تانیما "خود شناسی ملی" دئدیکده ایران ممالیکی محروسه سینی فارس دیل و مدنیتی اساسیندا گؤرمک ایسته گنلری داها آرتیق فارسچیلیق سیاستینه شیرنیکدیرمیش اولار. بو یاناشمالارا باخمایاراق ایران ممالیکی محروسه سی نین ائتنیک توخوشونو نظره آلانلار بو دئماگوگلارین (آزدیریجی باشچیلارین) فارسچیلیق سیاستلرینی و و چیرکین نیتینلرینی باشا دوشمکده او قدر ده چتینلیک چکمزلر. "ایستیبداد" مسئله سینه گلدیکده ایران ممالیکی محروسه سینده صنعت باخیمیندان مصرفی و خاریجی دؤولتلره آسیلی اولدوغو، نفتی مالی چتینلیکلرینی چؤزه جک بیر وسیله کیمی باشا دوشولدوگو، فارس اولمایان دیل و مدنیتلری فارسلاشدیرماغا چالیشیلدیغی اوچون حاکیم سیستیم باشچیلاری اؤزلری نین عئییبلری دونیا ایجتیماعیتی نین گؤزو اؤنونده سرگیلنمه سین دئیه دئموکراسی و اینسان حاقلاری باخیمیندان توپلوما آزاد حرکت ائتمه ایمکانی یارادا بیلمزلر. دئمک، بو اوسته کی مسئله لر حلل اولونمادان تهرانداکی حاکیم سیستیم بیر مدنی حاکیمیت کیمی ایستر اؤز توپلومو ایله اولسون، قارشیلیقلی و اینسانجیل آنلاییش ایچینده اولا بیلمز، ایسترسه ده اورتادا اولان میللتلر مسئله سی و آزاد توپلوم اوچون بیر دنگه یارادا بیلمز. بئله لیکله ایش باشیندان اوزاقلاشان مسئول سالام و صلوات ایله وظیفه سیندن اوزاقلاشار، و تازا ایش باشینا گلن گوناهی اونون بوینونا آتماغا و خالقا یاخشی وعده لر وئرمه گه چالیشار. او دا زامانی سونا چاتدیقدا یئنه الینده کی پوستو تازا نفسلی گوجلره بویورتموش (تقدیم ائتمیش) اولار.

اوسته عزت لله سحابی نین ایددعا ائتدیگی اؤزونده دگیشیکلیک ائتمه " از تغيير در خود و بينش‌ها و رفتارهاي خود" مسئله سی، حاکیمیته گله جک تازا نفس گوجلرین میللته اؤزونو یانسیتماق ایسته دیگی ایزله نیملره بنزر. بیلیندیگی کیمی عزت لله سحابی دا ایران ممالیکی محروسه سینده ایسلام اینقلابیندان سونرا فارس موقت جمهوری ایسلامی حاکیمتی زامانی "سرپرست سازمان تأمین برنامه و بودجه" مسئولو اولموش.[ii] دئمک، بو ایصطلاحاً جبهه میللیچیلر، نهضت آزادیچیلر و  ایندیکی دؤنمده میللی- مذهبیلر فارس حاکیمیتی اوچون گوونلیک سوپاپی (سوپاپ اطمینان) رولو اویناماغا چالیشارلار. مرکزیتده بیر دگیشیکلیک اولاجاق دورومدا دلی دانالار کیمی میدانا دوشرلر. آرا ساکیتلشدیکدن سونرا فارس حاکیمیتینی ایداره ائده جک گوجلره باغیشلایاراق موخالیفت پوزیسیونوندا اؤزلرینی گؤسترمه گه چالیشارلار. گئنه ده اوخویوروق:

" بنابراين به اين نتيجه رسيدم كه آن عامل غايب كه از يك‌ونيم‌قرن پيش تاكنون (از زمان قائم‌مقام تا امروز) موجب تضعيف نهضت بيداري ملت ايران براي نوشدن و احقاق حقوق خود در برابر حاكميت استبداد و سلطه و اعمال نفوذ بيگانگان قدرتمند گرديده است، همانا فقدان احساس ملي يا دلبستگي‌ها و اعتماد به نفس وطني يا تقدم منافع و مصالح ملي بر منافع و عقايد گروهي بوده است".[iii]

اوسته گؤروندوگو کیمی عزت لله سحابی بیر تمامیتچی اولاراق فارس دیل و مدنیت حاکیمیتی آلتیندا باشقا دیل و مدنیتلری دانماق و فارس اریتمه سیاستینه معروض قویماقلا ایران ممالیکی محروسه سینده، ایران میللتی دئیه مشروطه حرکاتیندا و شاهین ایراندان قاچدیغی زاماندا اولدوغو کیمی اوچونجو بیر اویانیشی اؤز ایرانچیلیق (اوخو: فارسلیق و پان ایرانیستلیک) خیالیندا یاشاتماق ایستر. اورتایا قویدوغو فیکیرلریندن گؤروندوگو کیمی، اؤزونو موباریز آدلاندیرماغینا باخمایاراق یالنیز فارس میللیتچیلیگینی درک ائتمیش دورومدا یئر آلمیش ذات ساییلار. حاکیم نیظام و اینتیظام اوچون بیر موبازیر گره کمزلیگینی نظره آلارساق، بونلار، بو موختلیف قوماشلار فارس اوپوزیسیون ائلئمانی دئییل، فارس ایستعمارچیلیغی نین قوروجوسو ساییلارلار. اونلار فارس تمامیتچیلیگی اساسیندا "ملت ایران" دئیه فارس اولمایان میللتلری و ایجتیماعیتلری آلداتماق اوچون حق و حقوقدان صؤحبت ائتمه گه چالیشارلار. بیلیندیگی کیمی 21 اینجی عصیرده ایران ممالیکی محروسه سینده فارس اولمایان میللتلرین دیل و مدنیتلری یوخ اولماق تهلوکه سی ایله اوز اوزه دیر. – دئمک، بو میللتلرین اؤولادلاری اؤز دیل و مدنیتلرینده یازیب اوخوماقلاری بشر حقوقو ساییلماز می؟ نه اوچون تمامیتچی فارس تشکیلاتلاری ایران ممالیکی محروسه سینده کی میللیتلر مسئله سینه گلدیکده "صوغرا و کوبرا" ائتمه گه، حله ایندی واقتی دئییل، تهراندا حاکیمیت زامانی گؤروشه ریک دئیه ایجتیماعیتی آلداتماغا چالیشارلار؟ گئنه ده اوخویوروق:

" واقعي‌ترين و ترديدناپذيرترين عامل مشترك بين همه گروه‌ها، طبقات، مناطق و مذاهب و مكاتب فكري و جريان‌هاي اجتماعي، كليت "ملت ايران" يا وطن ايراني به‌عنوان ظرف زماني و مكاني آن واقعيت مشترك، قابل تشخيص و شناسايي است. امورعقيدتي، ايدئولوژيك يا مذهبي كه اختصاص به مومنان و پيروان همان عقيده يا مسلك و مذهب دارند، تنها در ميان همان پيروان و معتقدان است كه مي‌توانند تعهد و پاي‌بندي مشترك ايجاد نمايند، بنابراين نمي‌توانند مبناي مشتركي براي همزيستي همه گروه‌هاي اجتماعي قرار گيرند".[iv]

اوسته گؤروندوگو کیمی بو ذات عالیلرین دوشونجه سینه گؤره ایران ممالیکی محروسه سی نین دوشدوگو چتینلیک فارس تشکیلاتلارینین بیر آرادا حرکت ائده بیلمه دیگیندن ایلری گلن بیر مسئله کیمی ایضاح ائدیلر. بونلارا گؤره ایران ممالیکی محروسه سینده فارس دیل و مدنیتیندن باشقا دیل و مدنیتلر یوخ ایمیش کیمی فیکیر یئریدیلمه گه چالیشیلار. بئله لیکله ایران ممالیکی محروسه سینده کی میللتلر مسئله سینی فارس گوروپلاری "گروههای اجتماعی" دئیه قلمه آلماغا چالیشیلار و بو گروپلارین موشتریک میللی منافعی و میللی وطنی اولدوغو اورتایا قویولار. گئنه ده اوخویوروق:

" بدين‌ترتيب اگرچه ممكن است از ادعا و علاقه ما نسبت به ايران و ايرانيت، بوي ناسيوناليستي استشمام شود، ولي درحقيقت جنبه ايدئولوژيك و ارزش‌مدارانه ندارد، بلكه از منظر نگاه و بررسي واقعيات اجتماعي كشورمان و جست‌وجوي عقلاني و كارشناسي راه‌هاي درمان اين بيماري است. وقتي احساس مي‌كنيم كه بخش يا وجهي از وجوه اجتماعي و ملي‌مان دچار ضعف و سستي شده است، عقلانيت ايجاب مي‌كند كه به‌طور خاص، مدتي به تقويت و ترميم آن وجه پرداخته شود. به تعبير ديگر اين گرايش ملي يك گرايش نظري مابعد تجربه است، نه ماقبل تجربه يا اعتقادي و ايدئولوژيك".[v]

دئمک، عزت لله سحابیلرین عوامفریبلیک ائتمکلرینه باخمایاراق اونلارین "ایران و ایرانیت" مقوله سی نین آرخاسیندا فارس دیلی، تاریخی و مدنیتیندن باشقا آیری بیر میللتین دیلی، تاریخی و مدنیتی منظور اولونماز. فارس تمامیتچیلری نین ایرانیتی اؤزلرینه قالخان ائتمه سی، ایران ممالیکی محروسه سینده کی فارس اولمایان اینسانلارا اورک یاندیرما مسئله سی دئییل، فارس اولمایان میللتلری، فارس دیل ومدنیتینده یوخ ائتمه گه دوشوندوکلری اوچون بو ایرانیت کلمه سینی فارس اولمایان میللتلره حاقلارینی ایستدیکلری زامان بیر قاخینج ائتمه گه چالیشارلار. عزت لله سحابیلرین "گرايش ملي ... مابعد تجربه است" مسئله سینه گلدیکده ایران ممالیکی محروسه سینده کی فارس اولمایان میللتلرین اؤولادلاری بو مسئله نی فارس ایستعمارچیلاریندان عملده تجروبه ائتمیشلر. ایرانیت آدی آلتیندا فارس دیلی، فارس تاریخی، فارس موسیقیسی و ساییره سی فارس اولمایان میللتلره ایران کیملیگی دئیه بوگونه دک سیرینمیشدیر. ایرانیت آدی آلتیندا مکتبلرده، ایداره لرده دیلیمزه قاداغا قویولموش، تاریخیمیز دانیلمیش، میللی کیملیگیمیز کیچیمسنمیش (تحقیر اولموش) و تئرورا معروض قالمیش و ساییره. بونلار هامیسی ایرانیت آدی آلتیندا فارس ایستعمارچی و تمامیتچیلری طرفیندن حیاتا کئچمیش. گئنه ده اوخویوروق:

"... اما شاهان هخامنشي ويژگي‌هاي برجسته‌اي نسبت به ديگر سلسله‌هاي پادشاهان ايراني يا سلاطين ديگر ملت‌ها داشتند كه در ادامه مقاله به آن اشاره مي‌كنم. منشور يا عهدنامه‌هايي كه به صورت سنگ نبشته‌ها از آنان بر جاي مانده است حكايت از مطالب پرمحتوا و عالي و از بينش و معرفت و حكمت مملكت‌داري آنان مي‌نمايد. اين خصلت دو علت يا ريشه مي‌تواند داشته باشد؛ نخست آن‌كه اين پادشاهان نزديك‌ترين سلسله حكومتي به عصر زرتشت بوده‌اند و طبعاً آثاري از تعاليم او را كسب كرده، در رفتار خويش با ملل مغلوب منعكس مي‌كردند. .... باز هم بايد اعتراف كنيم كه مطالب و محتواي منشور كورش يا كتيبه داريوش اول، حتماً مورد علاقه و دلخواه مردم بوده است. در اين صورت بايد پذيرفت كه مردم ايران در آن روزگار، در عصر كورش و داريوش چه ويژگي‌ها و ارزش‌هاي عاليه‌اي را مي‌‌پسنديدند. .... از همان زمان هخامنشيان و مادها پس از درگذشت كورش، مذهب مردمي از ظاهر تاريخ و تاريخ‌نويسي ايرانيان "غايب" شد و فقط وجه عرفاني آن مذهب مردمي در مقاطعي از تاريخ قبل از اسلام ظاهر گرديد، .... بنابراين رفتار و سلوك شاهان را نمي‌توانيم نماد خصوصيات همه ايرانيان بدانيم".[vi]

اوسته گؤروندوگو کیمی، فارس تشکیلاتلاری نین ایستر میللی- مذهبی سی، جبهه میللی سی، ایسترسه ده سلطنت طلب و مشروطه خواهلاری و ساییره لری اولسون، بیر باشلاری زردوشت و اونون آللهی اهورا مزدا، بیر باشلاری ایسه کوروش داریوشون سالاخ ائویندن اؤزلرینی اوزاقلاتما قابیلیتینده دئییللر. بو خیالاتلارین هئچ بیریسی ایران ممالیکی محروسه سینده کی فارس اولمایان دیل و مدنیت صاحابلاری نین تاریخ و مدنیتلری ایله ایلگیلی گؤرونمز. اوندان یانا دا بو فارس عوامفویبلری میللی و مذهبی دئییل، فارس ایستعمارچیلیغی نین موتورو ساییلمالیدیرلار. گئنه ده اوخویوروق:

"... در ايران عهد هخامنشي برخلاف ادعاي دياكونوف، ايران‌شناس شوروي، به هيچ‌وجه نظام برده‌داري حاكم نبوده، ساختن كاخ تخت‌جمشيد به دست كارگراني با مليت‌هاي گوناگون با پرداخت دستمزد، انجام شده است .......مقررات و روابط كار بسيار مترقي و مانند قوانين كار و كارگر امروزين دنيا بوده است! ... در مقرراتي كه در سنگ‌نبشته‌هاي داريوش يادآوري شده، محدوديت ساعات كار و حقوق مساوي كارگران زن و مرد و مرخصي زنان در ايام بارداري و وضع حمل و... آمده است".[vii]

اوسته گؤروندوگو کیمی فارس باستانگرایلاری اؤزلرینی بوگون ایرانلی (ایران ممالیکی محروسه سینده ساکین میللتلرین نماینده سی) آدلاندیرمالارینا باخمایاراق اونلار کئچمیش فارس مفکوره لرینده یاشاماغا چالیشارلار. بو مسئله فارسلیق آدینا اولارسا، بلکه ده اؤز کئچمیشلرینه دوشگون دئیه بو ذات عالیلر اؤزلرینی برائت ائده بیله لر. آنجاق ایران ممالیکی محروسه سینده کی میللیتلر مسئله سینی فارسلیق پاکئتینه سوخما چابالارینی گؤررکن، بو تمامیتچی فیکیر صاحابلارینا باشقا دیل ومدنیتلری فارسلچیلیق و فارس ایستعمارچیلیغی ایچریسینده اریتمه گه چالیشدیقلارینا داییر اینسان اؤولادی مجبورن دور دئمه لی اولار. دئمک، ساواشلاردا باشقا میللیتلردن اجیر اولموش اینسانلارا کوروش کبیر دئیه قلمه آلدیقلاری جانی هانکی اساسدا موزد اؤده ییرمیش؟ بین النهرین مدنیتلری کوروش الی ایله یوخ اولورکن اجیر ایله ظالیم آراسیندا هانکی اینسانی و مترقی قانون و رابیطه حؤکوم سورورموش؟ عزت لله سحابی اؤز میللی مذهبی (فارس عوامفریبلیگی) ملغمه سینه برائت قازاندیرماق اوچون یازمیش:

"...نمي‌توان منبع سنگ‌نوشته‌ها را منحصراً به تراوش‌هاي فكري داريوش نسبت داد و نه اين‌كه شيوه حكومتي داريوش چندان با پادشاهان بزرگ ديگر در تاريخ متفاوت بوده است. مي‌توان تصور كرد كه اين جملات و مطالب زيبا و مترقي را داريوش براي عوام‌فريبي يا جذب مردم يا نخبگان جامعه به‌سوي خود و براي واداركردن آنان به اطاعت از خود تحرير نموده است! از آنجا كه روابط اجتماعي در جوامع هم‌عصر ايرانيان باستان به اين درجه از تكامل  نرسيده بود و در روم و يونان و هند نيز مناسبات و قوانين اجتماعي بسيار ظالمانه بود، چاره‌اي جز اين نيست كه دست‌يافتن و اعتقاد به چنين ارزش‌هاي والايي را در جامعه ايراني ناشي از تأثير منابع وحياني و تعليمات زرتشت بدانيم كه براي كارگران و زحمتكشان خود چنين ارزش‌هاي مستقل از موقعيت اجتماعي او قائل مي‌شدند. سخناني كه در تاريخ جوامع مدعي تمدن در آن روز، مثل روم و يونان، بي‌سابقه بوده است".[viii]

اوسته گؤروندوگو کیمی پان ایرانیستلرین حمیق ائدیجی فیکیرلری سرحد تانیماز دورومدا یئر آلار. اونلار یئری گلدیکده مذهبی آتاراق کوروش و داریوشو توتار، بعضن ده میللی مذهبی دئیه زرتشت و اهورامزدانی اؤزلری اوچون بیر آلت ائتمه گه چالیشارلار. بو حوققالارین هامیسی عوافریبلیک و ایران ممالیکی محروسه سینده کی فارس اولمایان میللتلرین دیل و مدنیتلرینی فارسلیق مفکوره سینده چوروتمه دن عیبارتدیر. بیلیندیگی کیمی بوگونکو آوروپا مدنیتلری کئچمیش یونان مدنیتیندن الهام آلمیش مدنیتلردیر. یازیب اوخومانی بیلمه گن کوروش و داریوشلاردان بوگونه بیر مدنیت قالسایدی، او زامان فارسلار دا دونیا ایجتیماعیتی اوچون اؤرنک اولا بیلردی. بیلیندیگی و ناصیر پورپیرار دا ثابیت ائتمه گه چالیشدیغی کیمی کوروش و داریوشلارین عایید اولدوقلاری توپلوم کؤچری وضعیتده یاشامیشلار. کؤچری توپلوملارین اؤزونه گؤره کولتورو اولماسینا باخمایاراق قالیجی مدنی عابیده لر یارادا بیلمدیکلری باخیمیندان بو مسئله پان ایرانیستلرین ایددعالارینی یالانلاتمیش اولار. دئمک، یئرلی و مسکونلاشمیش توپلوملار، "یونان توپلومو" کیمی اؤز مدنیتلرینی گلیشدیرمه شانسینا داها آرتیق مالیک اولارلار. قاپدی قاچدی وضعیتینده یاشاماغا چالیشماق مدنیت گتیرمز. دئمک، کوروش و داریوش او زامانکی ایران ممالیکی محروسه سینده کی حاکیم مدنیتلرین حاضیرینا گلمیش،  سئومه دیکلرینی (بین النهرینده ائتدیکلری کیمی) یاندیریب یاخماغا چالیشمیشلار، و باشسیز قالانلاری دا قونشو مدنیتلره قارشین اؤرنک اولاراق یونان و چین مدنیتلرینه قارشین قوللانماغا چالیشمیشلار. گئنه ده اوخویوروق:

"..همچنان كه سطح فكري و فرهنگ در صدر اسلام، در زمان دو خليفه  نخست ـ ابوبكر و عمرـ و ارزش‌هاي يادشده در نهج‌البلاغه نيز با فرهنگ رايج در جوامع هم‌عصر خود و حتي با فرهنگ قرن هفتم ميلادي در جهان قابل قياس نيست. همين امر كه ارزش‌هايي والا و مترقي در زماني‌كه هيچ‌يك از مناسبات و روابط جوامع پيراموني نمي‌تواند آنها را تغذيه كند، مطرح شده و تبليغ مي‌شود، مي‌تواند ما را به منابع متعالي و وحياني اين سخنان رهنمون شود".[ix]

او زامانکی ایسلام مدنیتی نین دورمادان ایلری گئتمه سی ایسلام دونیا گؤروشونونه ایجتیماعیتین راغیب اولماسی و اونو دیرچلدیب گلیشدیرمه چابالاری بیر یاندان، باشقا یاندان یونان منبعلی کیتابلاردان عرب دیلینه چئوریلمه واسیطه سی ایله ایسلام مدنیتی نین گلیشمه سینه تکان وئریلمیش. بو گلیشمه لر مسلمانلارا ایسپانیانی تسخیر ائتمه گه ایمکان یاراتمیش. آنجاق سونرالار دورقونلوق حاکیم اولماغا باشلارکن، مسلمانلار ایسپانیادان گئری اوتورمالی اولموشلار. عزت لله سحابی نین وای ایرانا فیکیرلریندن اوخویوروق:

".. مظلوميت ملت ايران در تاريخ:  در يونان صاحب "مدنيت"، شهروندان يوناني كه عده بسيار كمي بودند، متمدن و ديگران يعني شهروندان غيريوناني، "بربر" ناميده مي‌شدند. كلمه "بربر" كلمه‌اي بسيار معمولي است براي معرفي كساني‌كه از سرزمين‌ها و شهرهاي ديگرند و اخلاق و عادات ديگري دارند، اما به‌دليل تعصب و ناداني در ميان كساني‌كه خود را داراي فرهنگ يوناني مي‌شناسند، "بربر" ديگر به معناي مردمي نيست كه جز فرهنگ آتني داشته باشند. بلكه "بربر"ها كساني‌اند كه فاقد هرگونه فرهنگ و تمدن مي‌باشند. يعني هر كه يوناني نيست، وحشي است و هيچ تمدني ندارد! درواقع يونانيان اين كلمه را بهترين توصيف براي جهانـي مي‌دانستند كه پيشرفته‌ترين تمدن بشري را در خود جاي مي‌داد و آن جهان "ايران‌ باستان" است".[x]

بیلیندیگی کیمی یونانلیلارین هخامنشلر و ساییره لره "بربر" دئمکلری دیل مسئله سی و داورانیش باخیمیندان بو توپلوملاری باشا دوشمه دیکلریندن ایلری گلن بیر مسئله ایمیش. او زامان عربلر ده باشا دوشمه دیکلری توپلوما "اعجم"(لال، دیلی باغلی، آنلاشیلماز، دلی، دیلسیز) دئمیشلر. سونرا "اعجم" کلمه سی "عجم" (عرب اولمایان) دئیه یوروملانمیش. فارسلارین عربلره قارشین نیفرتلریندن بیری ده "اعجم" کلمه سی نین اونلارا نیسبت وئریلمه سی ایله ایضاح ائدیلمه لیدیر. یوخسا، بوگون فارس دیلیندن عرب گرامئرینین "مضاف و مضاف الیه" و سؤز قالیبلرینی "فاعل، مفعول، مفاعل، مفاعله و ساییره" و شعریندن "عروض" چکیمی و وزنی یوخ ائدیلرسه، فارسین ایستر دیلی و ایسترسه ده ادبیاتی بیر ایشه یاراماز مقامدا یئر آلار. کئچمیشده میللتلرین بیربیرینه منفی یاناشما مسئله سی یالنیز عرب و یونانلیلارا عایید دئییل، باشقا دیل و مدنیتلرده ده بو مسئله اؤزونو گؤسترمیش: آلمانلارین روسلارا سلاو (برده) دئمه سی، روسلارین آلمانلارا "نیمئت" دئمه سی و ساییره. تمامیتچی قووه لرین (فارس میللی مذهبیلری، جبهه میللیچیلری و ساییره) بو ایفاده لر ایله"آنا من غریبم" دئمه لری، اونلارین مظلوم اولمالارینی دئییل، اونلارین عوامفریب اولدوقلارینی اورتایا قویار! بو ایفاده لر 1500- 2000 ایل اؤنجه کی آنلاشیلمازلیقلارا اساسلانار. بو دگرلندیرمه لردن یولا چیخیلارسا، بوگون تورکلره "خر" دئیه اونلاری آدام حئساب قویماق ایستمه گن فارس ایستعمارچیلاری هانکی مقامدا یئر آلا بیلر؟ بیلیندیگی کیمی تورکلر ایله فارسلارین موناسیبتی تازا قونشولوق ایلیشگیلری دئییل، تورکلر 1000 دن آرتیق فارسلارا حاکیمیت ائتمیشلر، اونلارین دیلینی دیوان دیلی دئیه گؤز به به گی کیمی قوروموشلار!

2600 ایل کوروش و داریوشدان اوزاق تاریخی بیر دؤنمده، بونجا ایللرین کئچمه سینی نظره آلاراق فارس ایستعمارچیلاری کئچمیش اسلافلاریندان ایلری گئتمه گه باشارمیشلار می یوخسا لوس آنجلئسدن یاییلان فارس تلویزیونلاری و حضراتلارین یازیلاریندان گؤروندوگو کیمی کئچمیشین دره سینده بیر داش کیمی ایلیشیب قالمیشلار می؟ عزت لله سحابی فاکت گؤسترمه دن نقل قول ائتمه گه چالیشار، اوخویوروق:

"...وي در سميناري كه يك سال پس از تصويب عملياتي‌شدن اين طرح برگزار شد اظهارداشت كه اجراي اين سياست در عراق همراه با توفيقاتي بوده است، ولي در ايران وضع و شرايط پيچيده‌تري حاكم است، انتظار پيشرفت نداريم، اما نقطه مثبتي وجود دارد و آن اين است كه ايراني‌ها در مديريت كلان اقتصاد كشورشان بسيار عقب‌مانده هستند. اگر ما مختصر فشاري بر آنها بياوريم، آنان خود واكنش‌هايي نشان مي‌دهند كه كارشان بسيار خراب‌تر مي‌شود و همين، سبب مي‌شود كه نظام به سمت انحطاط ايران و فروپاشي پيش برود. نظير همين سخن را خانم رايس در انتخابات تابستان سال 1379 (2000 ميلادي) اظهار داشت. پس امريكاي امروز تنها درصدد براندازي نظام حكومتي موجود نيست بلكه قصد دارد تمدن ايراني را دچار انحطاط و فروپاشي نمايد".[xi]

بیلیندیگی کیمی ایران مدنیتی دئدیکده، او ممالیکی محروسه ده کی 1000 تورکلرین، 300 ایلدن آرتیق عربلرین حکومت ائتدیکلری و مدنیت یاراتدیقلاری زامانلاری گؤز آردی ائدرسک (ایسلامیتین ایران ممالیکی محروسه سینه گلدیگی گوندن 1925 اینجی ایله دک)، ایران ممالیکی محروسه سینده فارس تمامیتچیلری ایددعا ائتدیکلری مدنیت اثرلری، سونرادان قوراشدیلیرمیش تخت جمشید دئیه خرابه لر قلمه آلینابیلر. بئله لیکله تورک و ایسلام مدنیتلرینی ایران مدنیتی دئیه فارسلیغا باغلاماغا چالیشماق اؤزو ده جاهیللیک ساییلار. دئمک، نهضت آزادی نین قوروجوسو مهدی بازرگان دئدیگی کیمی "امریکا شاه گؤتوروب یئرینه فارس میللیتچیلرینی قویسایمیش، چوخ یاخشی اولارمیش (مهدی بازرگان: باران میخواستیم، سیل آمد)!!

 

 

قایناق:

 


 

[i]           عزت الله سحابی، نژادپرستي ايراني يا بازشناسي هويت ملي؟!: http://www.mellimazhabi.org/news/072005news/2507sehabi.htm

[ii]           عزت الله سحابی، نگاهی به زندگی عزت الله سحابی: http://www.mellimazhabi.org/biography/sahabi/sahabi.htm

[iii]          عزت الله سحابی، نژادپرستي ايراني يا بازشناسي هويت ملي؟!، باخ اورادا.

[iv]          عزت الله سحابی، نژادپرستي ايراني يا بازشناسي هويت ملي؟!، باخ اورادا.

[v]           عزت الله سحابی، نژادپرستي ايراني يا بازشناسي هويت ملي؟!، باخ اورادا.

[vi]          عزت الله سحابی، نژادپرستي ايراني يا بازشناسي هويت ملي؟!، باخ اورادا.

[vii]          عزت الله سحابی، نژادپرستي ايراني يا بازشناسي هويت ملي؟!، باخ اورادا.

[viii]         عزت الله سحابی، نژادپرستي ايراني يا بازشناسي هويت ملي؟!، باخ اورادا.

[ix]          عزت الله سحابی، نژادپرستي ايراني يا بازشناسي هويت ملي؟!، باخ اورادا.

[x]           عزت الله سحابی، نژادپرستي ايراني يا بازشناسي هويت ملي؟!، باخ اورادا.

[xi]          عزت الله سحابی، نژادپرستي ايراني يا بازشناسي هويت ملي؟!، باخ اورادا.

 

ایشیق سؤنمز 05.08.2005