??? ???????? ?????? ??? ??? ????????? ???? ???????????? ????? ?????? ??? ????

بوش بوغازلیق ایفاده لری نین یاییلماسی خالق ایجتماعیتینی تحمیق ائتمگه یول آچار

بیلیندیگی کیمی زردوشت دئیه بیر پیغمبرین کئچمیشده یاشاییب یاشامادیغی داستان اولدوغونا باخمایاراق ایستعمارچیلیق مفکوره سینه اساسلانمیش فارسلیق مفکوره سینی "زردوشت" آدینا ایران ممالیکی محروسه سینده کی فارسلیق اوچون پئیغمبر یونتاماغا چالیشارلار. اوسته لیک بو ذاتلار بوگونکو فارس مدنیتی نی زردوشتلوک ایله اساسلاندیرماغا و اونا 13 اونجو یوز ایلده خیالی داستانلار اساسیندا دین تعلیماتی دئیه یازیلمیش "اویستا" کیتابی نی عنوانلاماقدان دا چکینمزلز. اونلار آدیملارینی داها ایرلری گؤتوره رک زردوشتون دوغولوش یئرینی آذربایجانا نیسبت وئره رک ایستر آذربایجانین اوخوموش کسیمی، ایسترسه ده خالق ایجتماعیتی نی تحمیق ائتمگه چالیشارلار.[i] بو تحمیق ائتمه لر تاریخین بلیرلی بیر سورجینده (پروسه سینده) نقطالانارسا، بوگون او موضوعلار اوزره دانیشماق بلکه ده یاخشی اولماز دئیه دوشونولسون. آنجاق بو موضوعلار کئچمیشده بیر سیرا آذربایجانین اوخوموش کسیمی نین ذهنیتینده ملکه اولدوغو اوچون، اونلار بیلمدن بو موضوعلار اوزره ایفاده ائتدیکلرینی پان ایرانیست قووه لر اؤز چیرکین هدفلری اوچون بیر واسیطه ائتمگه چالیشاراق آذربایجان خالق ایجتماعیتی نی فارسلیق مفکوره سی نین تحمیق دوستاغیندا ساخلاماق ایسترلر. بو باخیمدان سید محمد حسین بهجت تبریزی طرفیندن فارس دیوانیندا نظمه چکیلمیش ایفاده لری گؤزدن کئچیرمک فارس راسیستلری نین دگیرمنلرینی دؤردن سالار دئیه دوشونوروک، فارس مدنیت نژادپرستلری نین سیته لریندن اوخویوروق:

"استاد شهریار ( سید محمد حسین بهجت تبریزی ) در دیوان سه جلدی خود با اشاره به اينكه آذربايجان خاستگاه زرتشت پيامبر است، مردم اين ديار را از نژاد آريامي‌داند و نسبت به اشاعة سخنان تفرقه انگيز كه بوي تهديد و تجزيه از آنها به مشام مي‌آيد، هشدار مي‌دهد و خطاب به آذربايجان مي‌گويد:

صبح را خواندند شام و آسمان را ريسمان ( ديوان ـ ج 1 ـ ص 352) ".[ii]

بیلیندیگی کیمی زردوشت دئیه آد وئریلمیش بیر پیغمبر آذربایجاندا دئییل، غرب عالیملری نین آراشدیرمالارینا گؤره بوگونکو تورکمنستانین مرو و افغانستانین باختر و بعضی عالیملرین گؤروشلرینه اساساً افغانیستانین بلخ ولایتینده دونیایا گؤز آچمیش.[iii] فیریدریش نیچه نین دوشونجه سینه اساساً زردوشتلوگه باغلی اولانلار بیر دین ایجماعسی کیمی تانینان و اکثریتی هیندوستاندا یاشایان فارسلار اولموشلار. فیریدریش نیچه نین یازدیغینا و دئییلن افسانه لره گؤره فارسلار کئچمیشده خوراساندا (کئچمیشده خوراسان آدی تورکمنیستان و بلخ بؤلگه لرینی ده ایچریرمیش) اولموشلار. ایسلامیتین گلمه سی ایله اونلار قاچماغی دورماغا (فرار بر قرار) اوستون توتاراق هیندوستانا قاچمیشلار[iv]. هیندوستانداکی زردوشتچو کیمی تانینان فارسلارین سایی 90000 نفردیر. زردوشتچو فارسلار یالنیز فارس دوغولوب فارس قالماق ایستدیکلرینه و باشقا دینه یاخینلاشانلاری اؤزلریندن اوزاق ائتدیکلرینه اساساً اونلارین سایلاری آرتیر دئییل، گونو گوندن آزالماقدادیر. هیندوستانداکی تانینمیش فارسلاردان آشاغیداکیلاری طایفالارین آدلارینی چکمک اولار: تاتا، فریددی مئرکوری، زوبین، مهتی.

فیروزه قاندی، ایندیرا قاندی نین اری و راجیو قاندی نین آتاسی دا زردوشتچو فارس ایمیش. آشاغیدا هیندوستانداکی زردوشتچو فارس عائیله لریندن بیر توی شکیلی دیققت چکیجیدیر:

اوسته ده ایشاره اولوندوغو کیمی هیندوستانداکی فارس زردوشتچولر یالنیز اؤزلرینی "تمیز" (فارس باستانگرایلاری نین ایفاده لری ایله دئمک جاییز ایسه آریالی) بیلیم آچیسیندان ایسه، بیر دینچی (سئکت) نظره آلدیقلاری اوچون باشقا توپلوملار ایله ایلیشگی قورماق ایستمگه رک یوخلوغا سوروکلنمک اوزره دیرلر. دئمک، ایران ممالیکی محروسه سینده کی "آریا" آنلاییشی دا هیندوستانداکی فارس زردوشتچولوک قوروهونون گؤروشلرینه اساسلانمیش بیر گؤرونوم (فئنومئن) ساییلمالیدیر. بونلارا باخمایاراق ایران ممالیکی محروسه سینده کی مدنیتلر زردوشتچولوک ایله باغلاشمایاجاغی اوچون فارس ایستعمارچیلاری و مدنی نژادپرستلری زردوشتچولوک مقوله سینه راسیستلیک (نژادپرستلیک) دونو گئدیره رک بو مسئله نی "آریا" ایفاده سی ایله اورتایا قویموشلار دئیه دوشونمه لی ییک.

اوسته شهریارین آدی نین دالیندا گیزلنمگه چالیشان فارس مدنیت نژادپرستلری گؤروندوگو کیمی بیر ایستعمار قوللوقچوسو اولاراق یئرینه گؤره ایران ممالیکی محروسه سینده کی دیل و مدنیتلری ده بعضی فارس اولایان شخصلرین ایفاده لریندن یانلیش فایدالانماغا چالیشاراق یوخ ائتمگه چالیشارلار. دیل و مدنیته اساسلانمیش "میللت" آنلاییشینی بیر دیل و بیر مدنیتی اولوشدوران توپلوملاری ایچرمه لیدیر (شامیل اولمالیدیر). ائله اوندان یانا دا بیر دیلین موختلیف آغیز و لهجه لریندن فاکتور توتماغا گئدیله رک ادبی دیللرین یارانماسی 19 اونجو یوز ایلین سونلاریندان باشلایاراق گونون موضوعسونا چئوریلمیش. بو مسئله 19 اونجو یوز ایلین سونلاریندا قوزئی آذربایجاندا آذربایجان دیلی نین موختلیف لهجه لری نین اولدوغونو نظره آلاراق آذربایجان ادبی دیلی یارانماسینا یول آچمیش. بو مسئله تورکیه تورکچه سی و باشقا تورک دیللری اوچون دن کئچرلی اولموش. پان ایرانیستلرین سیته لریندن گئنه ده اوخویوروق:

" شهريار در قطعه شعر بلند «فردوسي» كه در بخش «مكتب شهريار» ديوانش درج شده، با بيان اينكه ايران «كشور يادهاي يك قوم اصيل» [آريايي] مي‌باشد، عظمت تاريخي سرزمين‌مان را ياد آور شده مي‌گويد:

شهريار، فردوسي را پيكرة غرور مليت ايراني و خلاق غرور قوميت‌ ما مي‌داند و او را فرمانده جنگهاي فرهنگي ايران زمين معرفي مي‌كند:

او شاعر ايده آل ما فردوسي است (ديوان ـ‌ج 2 ـ‌1116)

قلم فردوسي در نظر شهريار، كار هزاران جنگجو مي‌كند و بدين سان از كاخ بلند زبان فارسي مراقبت مي‌نمايد:

اوسته ایشاره ائتدیگیمیز دک فارس ایستعمار یؤنلولوک ایله زردوشت و زردوشتچولوگو آذربایجانان نیسبت وئرمه لر، مؤبدلر طرفیندن بعضی افسانه و حئکایه لرین فیرودوسیه آشیلاناراق شاهنامه کیتابینا یول آچماسی[vi] و پهلوی شاهلاری دؤنمینده بو مسئله نین اوزرینده حددن آرتیق ایش قویولماسی محمد حسین شهریاری دا دوغما وطنی، آذربایجاندان یولا چیخاراق اؤز اتکی و تأثیری آلتینا آلمیش گؤرونر. بئله لیک "قوم اصیل"، "ایران قدیم"، و "شاعر ایده آل ما فردوسی" و "شاعر قهرمان" کیمی ایفاده لر قلمه آلینار. دئمک، آدرئسی یانلیش وئرمه لر (زردوشتو آذربایجانلی گؤرستمک و...) و ایجتماعیتی یانلیش بیلگیلندیرمه لر آذربایحان شاعیری نی ده اؤز ماراق داییره سینه آلاراق اونو فارس ایستعمارچیلیق تورونا دوشموش گؤرسه در. فارس مدنیت نژادپرستلری نین بو ایددعالارینا باخمایاراق سید محمد حسین شهریار دیل و مدنیت آچیسیندان اؤزونو آشاغیدا آنا دیلینده یازمیش قوشمالارلار ایفاده ائدر:

"تهرانین غیرتی یوخ شهریاری ساخلاماغا قاچمیشام تبریزه قوی یاخشی یامان بللنسین

باغچامیز فاسید اولوب، هر نه اکرسن آچماز یئری داشلیقدی گرک تورپاغی غربیللنسین

مدعاسی چوخ اولان طبل تهی پر بادیق نئیله یک زورناچی نین بورنو گرک یئللن سین.

بو گیجللنمه دن آی چرخ فلک سن ده یورول بو حیاسیز گونه گؤزلر نه قدر زیللن سین؟

لعنت اول باد خزانه کی نظامی باغی نین بیر یاوا گولبه سری قویمادی کاکیللن سین[vii]

آرزو جلگه لرینده بیز اکن مزرعه لر دئیه سن ساقه له نیب قوی هله گوللن سین".[viii]

[i] ایشیق سؤنمز، پان ایرانیستلرین دیل و مدنیت تحریف ائتمه مسئله لری(2): http://www.azadtribun.net/x242.htm

[ii] پان ایرانیست، حق و صبر (تقلبی) پاسخ به پورپیرار:

http://www.naria2.blogfa.com/post-92.aspx

[iii] Wolfdietrich von Kloeden; Biographisch-Biographisches Kirchenlexikon, Band XIV, 1998;Verlag Traugott Bautz Spalten 344-355.

[iv] Friedich Nitsche: Also sprach Zaratustra, ein Buch für Alle und Keinen, Chemnitz, 1883

[v] پان ایرانیست، حق و صبر (تقلبی) پاسخ به پورپیرار، باخ اورادا.

[vi] ناصر پورپیرار، ردیّه ای بر شاهنامه ابولقاسم فردوسی: http://www.azerses.org/775.htm

[vii] اوستاد شهریار بورادا آذربایجان دیلینین وضعیتینی اله آلیر. نظامی نی فارس دیلینه خیدمت ائتدیگی اوچون آذربایجاندان بیر اؤرنک اولاراق قلمه آلیر.

[viii] محمد حسین شهریار، کلیات ترکی شهریار، شاطر اوغلان. چاپ 1371 تهران

ایشیق سؤنمز، 13.10.2007