آوروپادا مسیحیت آدینا اولموش وحشیلیکلر و پان ایرانیستلرین ایسلام  آدینا فاشیستلیک گؤروشلری

سؤز شرق و غرب دونیا گؤروشلری و کولتورلریندن اولدوقدا هانکیسی نین دوشوک و هانکیسی نین یوکسک اولدوغو دئییل، گونوموزون مسئله لرینه یاناشما یؤنتملری نین فرقلی اولدوغو گونون سؤز قونوسو اولمالیدیر. بو باخیمدان بیر دوشونجه و گؤروش اورتایا آتیلارکن، دوشونجه و گؤروش صاحابینی اؤلوم ایله هده لمک آوروپانین اورتا چاغیندا هر شئیی بیلیم آچیسیندان دئییل، دین آچیسیندان (زاویه سیندن) آچیقلاماغا چالیشدیغی زامانلاری خاطیرلاتمیش اولار.

روما کیلیساسی و حاکیمیت اورقانلاری نین داغیلماسی ایله آنتیک دؤنمدن اورتا چاغا (قرون وسطایا) کئچیت دؤنمده سیاست، قوشونچولوق، ایقتیصاد ساحه لری نین یانی سیرا ائگیتیم، بیلیم و کیلیسا ساحه لرینده ده بؤیوک دگیشیکلیک اوز وئردی. یئنی قورولموش کئشیش ائولرینده کیلیسا یالنیز آنتیک دؤنمه عایید ائگیتیملرین (تربیه لرین) سوروملوسو (مسئولو) دئییل، اؤزو اوچون ایدئال توپلوم (ایجتماع) اولوشدورماغا چالیشمیش. اینسان بو ایددعانی ائشیدرکن، ایستر ایسته مز ایران ممالیکی محروسه سینده کی فارسلیق دونو آلتیندا ایسلام جومهوریسی نی خاطیرلامیش اولار. کیلیسا عملده وقف اولموش یئرلری اؤزو اوچون قوروماغا چالیشدیغی نین یانی سیرا عیسی مسیح دؤنمینه عایید اورشلیمده کی عیسی مسیح یانچیلاری (حواریون) نین یاشادیقلاری توپلومون داورانیشینی دا اؤزونده عکس ائدیرن بیر توپلوم اولوشدورماغا چالیشیرمیش. بئله لیکده کئشیش ائولری (Kloster) شهرلرین یانی سیرا اونیوئرسیته لرده ده اؤز اورکلرینه یاتان فیکیر آپاریجیلاریندان اولماق مسئولیتی نی اوستلنمگه چالیشیرمیشلار. بو آرادا مسیحیتین گئنیشلنمه سی و مسیحیت اوجاقلاری نین آرتماسی یئنی اؤرگوتلشمه (تشکیلاتلانما) بیچیمی نی گرکدیریرمیش: بو چابا و داورانیش روحانیت باشچیلیغی ایله کیلیسالارین آنایاساسی نین یازیلماسینا و اونلاری مرکزیتدن ایداره ائتمه سیستیمینه یول آچمیش ایمیش. سئچیملرین آزاد اولمادیغی و روشوتچیلیک خالقین پیسقوپوسلاری (یونانجا: روحانی عالیم) آزاد سئچمه لرینه مانع اولورموش. بو دا مرکزلشمیش بیر اوممتچیلیگین اولوشونا یول آچیرمیش. وقف ملک و ماللاری نین کیلیسالار الینده اولدوغوندان یانا کیلیسالیق (روحانی) و دونیالیق (جهانی) اوصوللاری ایچ ایچه کئچمک اوزره ایمیش.  

بئله لیکله کیلیسا قانونلاری روحانیته یارقی (قضاوت) و قوشون ایشلرینی منع ائتمه سینه باخمایاراق روحانیتین قورونماسینا توخونولمادان دونیالیق مسئله لری، اؤرنک اولاراق قضاوت و قوشون سفربرلیگی روحانی حاکیملرین الینده یئر آلیرمیش. اوسته لیک دونیامالی هوسکارلاری روحانی ایداره لری اله کئچیرمگه چالیشیرمیش. بئله لیکله کیلیسالار اؤزللشه رک حاکیملر طرفیندن دگیرمن و چؤرکچی ائولری کیمی طالیب اولان فورصت طلب شخصلره، روحانی دئیه ساتیلیر و ایجاره وئریلیرمیش. اؤزونو اللهین نماینده سی کیمی باشا دوشن کیلیسا مسئوللاری دوغال اولاراق حاکیملرین و کیلیسا صاحیبلری نین بو ایدعالارینا قارشی چیخیر و امت طرفیندن کیلیسالار اوزرینده سرمایا یاتیریمینا قارشی چیخیرمیش. بو دا دؤولت و کیلیسا آراسیندا بؤیوک آنلاشمازلیغا یول آچیرمیش. بو دوروم 11 اینجی یوز ایله دک حؤکوم سورموش. 11 اینجی عصیرده دوقوزونجو پاپ لئو، روحانیت اوچون یئنی اوصول اورتایا قویموش. بو اوصولا اساسن، روحانیلر راهیبه یاشاییشی یولو ایله ائگیتیم (تربیه) گؤرمه لی اولدولار. زامان گئدیشی ایله یئدینجی پونتیفیکات گئ روگور باشچیلیغی ایله قایسئر (شاه) و پاپ آراسیندا آچیق ساواش اورتایا چیخمیش.

اورتا چاغین باشلانقیجلاریندا گؤزباغجیلیق (جادوگری) مجازاتی اولمادیغی اوچون کلیسا اؤزلریندن بیر شئیلر اوخویان (Freisinger) اوچ قادی نین اعدام اولمالارینا قارشی چیخمیش. 11 اینجی یوز ایله دک گؤزباغجیلیق (جادوگری) و دینسیزلیگه قارشی کیلیسا مجازاتی دئیه موباریزه آپاریلیرمیش.

بو آرادا کیلیسا شئیطانلیق و گؤزباغجیلیغین اتکیسی (تأثیری) نین آلتینا دوشوب، دوشمه دیگی دوغرولتوسوندا حدس و گومانی ایله ده اوغراشیلیرمیش. بیر چوخلاری اؤرگوتلنمیش دینسیزلیگی تعقیب ائتمک، اینگیزیسیون (کاتولیک کیلیسالارینین 12-18 اینجی یوز ایللرده تفتیش عقاید محکمه لری، Inquisition) ادبیاتیندا گؤزباغجی(جادو)-اوچوشو دئییلنلره بیر گئرچک وارلیق اولای کیمی اینانماغا باشلامیش ایمیشلر. گؤزباغجی-اوچوش باشلیغی آلتیندا بیر چوخلاری سوپورگه نی مینه رک هاوادا گزه بیلمه نی باشا دوشورموش. آیدینلانما چاغیندا بو آنلاییش تانریلیق (الهیات) ادبیاتیندان داستان ادبیاتینا داشینمیش. بو آنلاییش بوگون ده اؤز گونجللیگینی قورویار.

اینگیزیسیون ادبیاتی گؤزباغجیلاری (جادوچولاری) تعقیب ائتمک اوچون بیر قانونیت وئرمه وسیله سی کیمی ایستیفاده اولونورموش، او جومله دن تانینمیش و یایقین اولان گؤزباغجیلیق چکیجی (Hexenhammer) آدی آلتیندا 1487 اینجی ایل کیلیسا یارقیجیسی (قاضی سی) اولان هاینریش کرامئر (Heinrich Cramer) یازدیغی کیتابدا بو قونو اوزره مطلبلر وار. گؤزباغجیلیغا (جادوگری) قارشی 13 اونجو یوز ایلدن باشلایاراق کاتولیک کیلیساسی نین تفتیش محکمه سورجلری (پروسه لری) بیر یاراق (اسلحه) ماهیتینده گلیشمه گه و گئنیشلنمه گه باشلامیش ایمیش. اینگیزیسیوننا (تفتیش عقایید محکمه سینه) شیکایت ائدن مقام اؤزو بو محکمه نی گئرچکلشدیره رک حؤکوم چیخاریرمیش. بوگون بیر چوخ حقوق مملکتلرینده بو دوروم اینسان عاغلینا سیغماز گؤرونر. بو محکمه لر واسیطه سی ایله ایصطلاحن گؤزباغجی و دینسیزلرین اعدام حؤکوملری اوست اوسته ییغیلارمیش. او زامانلار ایسپانیا و فرانسه ده اوغورلوق ایتتیهامی ایله توتولانلار  دا ایشکنجه اولونارمیش. آلمانیادا 14 اونجو یوز ایلدن باشلایاراق یالنیز دینی دئییل، دونیالیق مجازات سورجلرینده (پروسه لرینده) ده ایشکنجه اویقولانماغا باشلانمیش.

کیلیسا طرفیندن حیاتا کئچیریلن گؤزباغجیلیق مجازاتی اوزره کئچمیشلردن بیر چوخلاری نین بیلگی صاحابی اولدوقلارینا باخمایاراق دنیالیق دؤلتلری (دؤولت غیر دینی) طرفیندن 15 اینجی یوز ایله دک هئچ بیر گؤزباغجیلیق سوچو (گوناهی) قبوللوق گؤرمه میش. گؤزباغجیلیق دئییمی بیرینجی یول (دفعه) 1419 ایلینده، یوز ایل تنظیمات دؤنمیندن اؤنجه لوچئرون (Luzern) شهرینده دونیالیق محکمه سینده بیر گوناه کیمی اورتایا آتیلمیش. بعضی اوزمانلارا (متخصصلره) گؤره بیرینجی گؤزباغجیلیق گوناهی بازئلین کونچیل (Konzil von Basel) ییغینجاغیندا اورتایا آتیلمیش. بئله لیکله ییرمی ایل لوچئرن محکمه سیندن سونرا اورتایا چیخمیش. بو گؤروشه اساسن گؤزباغجی (جادوچو) دئییمی کونچیل (کیلیسا توپلانتیسی) طرفیندن بیر داها اله آلیناراق کئچمیش اسکی و قورخونج ایچریگی ایله دولدورولموش.

او زامانکی دورومو آچیقلایانلارا گؤره گئرچکلیکده گؤزباغجیلار هئچ زامان اولمامیش و یالنیز اونلار کیلیسا محکمه یارقیچیلاری اوچون خیالی ایدئولوژی ماهیتی داشیمیشلار. کیلیسا محکمه یارقیچیلاری اوخوموش کسیمدن اولدوقلاری اوچون دیل ایله ایسته دیکلری کیمی مانور وئرمه قودرتینه مالیک ایمیشلر. تنظیمات دؤنمینده کیلیسا بؤلوندوکدن سونرا کیلیسالارین اینگیزیسیون محکمه لری آرادان گئتمیش، بئله لیکله گؤزباغجیلیق دعوالارینا دونیالیق محکمه لری یئتیشمگه باشلامیش. اینگیزیسیون محکمه لری طرفیندن ایچریگی دولدورولموش "گؤزباغجیلیق" دئییمی نین بیر یالنیش گؤروش اولاراق یایقینلاشاجاغی، خیاللارا سیغمادیغی اوچون اؤنجه لر بو مسئله دونیالیق محکمه لرینده قبوللوق گؤرمورموش.   

 زامان گئدیشی ایله دونیالیق محکمه لرینده موجازات تنظیمله مه سورجی

 ایشکنجه نی قوروملاشدیرمیش (مؤسیسه حالینا گتیرمیش). بو عمل ایلک اولاراق سوئ قصد و شاه اؤلدورنلر اوچون اؤن گؤرولموش. بونا باخمایاراق دونیالیق محکمه لرینده کی ایشکنجه  عملی کیلیسالارین الینی داها دا آچیق قویموش. ائله بیل کیلیسا محکمه لری تک باشینا بو دورومو یاراتمیشلار. بونلارا باخمایاراق کیلیسا محکمه لری ده متهمین بوینونا گوناهی قویدورماق (اقرار ائتدیرمک) اوچون ایشکنجه ائتمه دن چکینمه میشلر. بیر کسین گوناهینی بوینونا قویدوقدان سونرا کیلیسانین اینگیزیسیون محکمه لری اونو دونیالیق محکمه لرینه تسلیم ائتمه لی ایمیشلر. گوناه قبول ائدیلدیکدن سونرا شخصه اؤلوم حؤکمو چیخاریلارمیش. بوندان یانا ایشکنجه گوناهین قبوللوق گؤردوگونه دک داوام ائدرمیش. بو آرادا بیر چوخ گوناهسیز دا ایشکنجه اولوب اعدام اولونارمیشلار.

اؤن یارقیلی (پیش داورلیک) ایفتیرالارا، اؤرنک اولاراق هانکی داورانیش خرافات، گؤزباغجیلیق ساییلابیلر دئیه ایداره چیلیک تعلیماتی کؤمک ائدرمیش. مسیحیت اینانجی نین قارشیسیندا گئرچک گوناهلارا موجازات، آشاغیداکی کیمی بلیرلنمیش ایمیش:

- کیمسه شئیطانی آشکارا سسله سه و اونا عیبادت ائتسه، دیری دیری یاندیریلمالی.

- کیمسه شئیطانی دولاییلی یوللار ایله سسله سه، یاندیریلمادان اؤنجه دریسی سویولمالی.

- کیمسه شئیطان ایله ایش بیرلیک ائدرسه، اود تونقالی اوستونه آتیلاراق واری الیندن آلینمالی.

- گؤزباغجیلیق خسارتی وئرمکله ایله محکوم اولان یاندیریلمادان اوددا قیزارمیش دمیر توتاجاق (انبور، کفلتین) ایله ایشکنجه اولونمالی.[i]

بیرینجی ماکسمیلیام حاکیمیت قورولوشلاری و خیدمتچیلرینه هر بیر گؤزباغجیلیق ایله متهم اولان شخصلرین بیلدیریلمه سینی اونلارا وظیفه ائتمیش ایمیش. [ii]

بو بویورق گؤزباغجیلیغا اینانما تاریخینده ان فلاکتلی ساییلارمیش. دئمک،

بو بویورقلا چوخلاری مجبور اولموشلار بیرینه شک ائتدیکلری حالدا، اونو ایداره اورقانلارینا شیکایت ائتسینلر. بیر چوخ حاللاردا متهم ایشکنجه آلتیندان اؤزونو آغریدان قورتارماق اوچون باشقالارینی گؤزباغجیلیغا متهم ائتمک تشبوثونه ال آتمیش. تعقیبلرین آرتماسی ایله حاکیمیت داییره لریندن اولان بؤیوک شخصیتلر ده اود تونقالی اوستونه آتیلمالی اولموشلار. ماکسیمیلیامین بویوروغو مسیحیتین عزیز Weihnachten und Fingst گونلرینده صدارت اوتوراغیندان اوخونارمیش. بئله لیکله اویدورما و یالان گؤزباغجیلیغا دوشمنلیک داها دا آرتارمیش. یاخالانما، سورقو، ایشکنجه، خبرچیلیک و باشقالاری  راحاتجا اینسان اوغلوندان اوزاقلاشاجاق دئییلمیش. بیر چوخ حاللاردا یارقیچیلار (قاضیلر) متهم لر ایله اؤزلری گؤزباغجیلیغا متهم اولماسینلار دئیه قورخودان قونوشماق، یوخسا اونلارین گوناهلارینی بللی ائتمک اوچون متهم اولان مکان دا یاشاماق دا ایسته مزمیشلر.

اوسته سیرالادیغیمیز دین آدینا آوروپادا اورتاچاغدا اینسانلیق علیهینه باش وئرمیش اولایلاردیر.

بو آرادا، ایران ممالیکی محروسه سینده ایسلام اینقلابی یولوندا عزت شاهی، تهران کومیته لری نین رئیسی نین خاطیرلرینه گؤز گزدیرمک پیس اولماز دئه دوشوندوک، اوخویوروق:

" آيت الله منتظری: "... در اوائل سازمان مورد حمايت روحانيون بود. وقتی آن موقع حنيف نژاد را می خواستند اعدام کنند روحانيون رفتند به منزل آقای شريعتمداری که اعتراض کنند، حتی زن ما هم رفته بود که در آنجا بازداشت شد. در اوائل حتی به اينها کمک هم می شد. بعد اين جور رفتار کردند که روحانيون حاضر نبودند از اينها دفاع بکنند. من بارها گفته ام مجاهدين خلق بدتر از ايدئولوژی، جنبه اخلاقی شان است. گاهی کسی را متهم می کنند، انواع و اقسام اتهامات را بی جا به او می زدند و تصميم می گيرند خرابش کنند.( مصاحبه با آيت الله منتظری 23ر9ر82)".[iii]

اوسته گؤروندوگو کیمی ایسلام اینقلابی اوغرونداکی آخینلار زامان گئدیشی ایله بیربیرلریندن اوزاقلاشارکن، بیربیرلرینی بیر فیکیر قارشیتی (موخالیفی) دئییل، بوهتان و شر یاخانلار دئیه قلمه آلاراق زامان گئدیشی ایله اونلاری مئیدان چیخارماق ایسته میشلر. گئنه ده اوخویوروق:

" خاطرات بادامچيان عضو رهبری موتلفه: .... ما با استفاده از اصل شرعی اسلام توانستيم به بهترين نحو اولا انگيزه دينی را در افراد تقويت کنيم، پس دين اصل شد و اصل می گويد مسلمان و مارکسيست بايد جدا از هم باشند. در پی آن خالص ترين وجه دينی برای ما مطرح شد و آن اينکه نجاست و پاکی مسلم و غير مسلم رعايت شود. آقای منتظری حتی گفت که مارکسيست ها نجس هستند. چند روز بعد من و کچوئی (... ) و طالبيان(عضو يک گروه مذهبی بنام "ابوذر" که بعد از انقلاب در جنگ با عراق مفقود شد.) متنی نوشتيم و رفتيم نزد آقای منتظری. آقای ربانی شيرازی هم آنجا نشسته بود. من گفتم که نظرما اينست که شما آن نظر چند روز پيش خودتان در باره نجس بودن مارکسيست ها را بصورت عبارتی تنظيم کنيد و بدهيد ما حفظ کنيم تا عين آن را همه جا بگوئيم. هر دو ايشان گفتند فکر خوبی است. آقای ربانی گفت من می نويسم. ايشان متن را نوشت و کاغذ را هم به من سپردند.... البته ذکر کنم که آن آقايان کاغذ را امضاء نکردند فقط متن را نوشتند."[iv]

اوسته گؤروندوگو کیمی اینانج آچیسیندان بیر بیرلرینه دوشمنلیک ائدنلر الله و اینسانیت اوچون دئییل، اؤز ذهنیتلرینه حاکیم ائتدیکلری دوشونجه یه تاپیناراق (اطاعت ائده رک) و دوشونجه آیریلیغیندان یولا چیخاراق باشقا تورلو اینانج صاحابلارینی نجیس و اؤزلرینی تمیز قلمه آلماغا چالیشمیشلار. دئمک، آوروپادا هیتلرین (کئچمیشدن مسیح اینانجینا باغلی اولماسی) یهودلاری نجیس سایماسی و "اونلارین تمیز یئرلری، یالنیز آغیزلاریدیر" دئمه سی[v] یالنیز آلمان فاشیستلری اوچون دئییل، بو مسئله هر بیر آخین اوچون کئچرلی اولابیلر دئیه دوشونمه لی ییک. دین اینانج مسئله سینی قیراغا قویار و پسیکولوژیک باخیمدان بو مسئله یه یاناشارساق، اینسانلاری نجیس، موردار شئیلره و حئیوانلارا بنزه درکن آرخا نیت اولاراق اونلاری لازیم گؤرولدوگو زامان آرادان گؤتوروب یوخ ائتمک نیتی نین اولدوغو قبوللوق گؤرر. بیلیندیگی کیمی آلمان فاشیستلری ده یهودلاری گاز اوتاقلاریندا بوغوب یاخمادان اؤنجه اونلاری بیولوژیک متافئرلر ایله خالق گؤزوندن سالماغا چالیشمیشدیلار. دئمک، آلمان فاشیستلری نین یهودلاری گاز اوتاقلاریندا بوغاراق کوره لرده یاخماسی،- آلمان فاشیستلری نین دوشونجه لرینه گؤره- بیر اینسانلیق علیهینه ایشله دیلمیش جینایت دئییل، بنزتدیکلری حئیوانلارین (گر کئچی لر، قورتلار، بالیقلار و باشقا حئیوانلارین) شرریندن راحات اولماق اینانجی ایله بیر چوخلاری آدولف هیتلرین فاشیستلیک گؤروشلرینه لبیک دئمیشدیلر. گئنه ده اوخویوروق:

" خاطرات آيت الله منتظري(23ر9ر83): "... درباره آن فتوا، تصميم من فط جنبه فقهی داشت و سياسی نبود. ما قرار گذاشتيم که با آنها معاشرت نکنيم چرا که مثلا يک روز آب قطع شد، يکی از کمونيست ها را ديدم آفتابه ای را که در مستراح بود کرد توی ظرف آب، يا مثلا روزی من شهردار بودم وقتی رفتم غذا را که پلو و خورشت بادنجان بود گرفتم و آوردم، يکی از همين کمونيست ها قاشق اش را کرد داخل ظرف خورش. من گفتم: خورش نمی خورم. بعد عباس مدرسی فر مرا استيضاح کرد که چرا سر سفره غذا تندی کردی و از بشقاب که پر از خورش بود نخوردی؟ گفتم آن برای من نجس شد و نخوردمش. ما ديديم اين مجاهدين خلق واقعا با کمونيست ها با هم شده اند در نتيجه آنها هم مشمول فتوای ما شده بودند."[vi]

اوسته گؤروندوگو کیمی منتظری ذات عالی کئچمیشده کی خطا و ایرادی نین قاشینی دوزتمگه چالیشارکن گؤزونو ده گؤرمز ائده رک چیخارماغا چالیشمیش. دئمک، پیس پیس ساییلمالیدیر. پیس داورانیش ایچینده فقه و سیاست آیریمی ائتمک اولماز. یئری گلمیشکن پان ایرانیستلرین ایسلام آدی آلتیندا آذربایجان دؤولتچیلیگی علیهینه یئریتمگه چالیشدیقلاری سیاستین اوزانتیلارینا گؤز گزدیرک، پان ایرانیستلرین "ایران شمالی" آدلی انتئرنئت سیته لرینده آذربایجان جومهوریتی نین دؤولتچیلیگی علیهینه دوزنله دیکلری تبلیغات کامپانیاسیندان اوخویوروق:

" تجمع اعتراضي طلاب و روحانيون تبريز:  در پي اهانت يكي از نشريات باكو به ساحت مقدس رسول اكرم (ص) و سكوت ننگين رژيم حاكم بر ايران شمالي (جمهوري آذربايجان) در مقابل اين ماجرا، روز دوشنبه 29/8/85 . حوزه‏ي  علميه تبريز تعطيل شد و روحانيون و طلاب در مقابل نمايندة محترم ولي فقيه در آذربايجان شرقي تجمع كردند. در اين تجمع حضرت آيت الله شبستري گفت: حكم سابّ‏النبي (كسي كه به پيغمبر اهانت كند) اعدام است و اين از احكام قطعي فقه اسلامي است. حضرت آيت الله شبستري افزود: رژيم ايران شمالي، باكو را پايگاه آمريكا، صهيونيسم و لائيك‏هاي تركيه تبديل كرده است. وي با اشاره به اخراج دانشجويان محجبه از دانشگاه باكو گفت: معناي اين اقدام اين است كه دولت باكو تحت فرمان آمريكا و صهيونيسم مزدور دولتهاي بيگانه است. نماينده ولي فقيه با اشاره به تجمع اعتراض آميز دانشجويان در مقابل كنسولگري رژيم باكو در تبريز گفت: اعتراضها ادامه دارد و امروز هم طلاب و روحانيون تجمع كرده‏اند و تا زماني كه دولت حاكم بر ايران شمالي عذرخواهي نكند، اعتراض‏هاي ملت ادامه خواهد داشت. آيت الله شبستري به رژيم باكو هشدار داد و گفت: اگر دولت حاكم بر ايران شمالي مايل به تداوم روابط حسنه با جمهوري اسلامي است، بايستي نشريه‎اي را كه به رسول اكرم (ص) اهانت كرده، تعطيل كند و كساني را كه آن مقالة توهين آميز را نوشته و منتشر كرده‏اند، به مجازات برساند".[vii]

اوسته گؤروندوگو کیمی بوتون دیپلوماتیک قوراللار گؤز آردی ائدیله رک حاکیمیت تریبونو (نماینده ولیه فقیه!!) آدینا دونیا بیرلشمیش دؤولتلر تشکیلاتی، ائله جه ده ایران ایسلام جومهوریتی طرفیندن قبول ائدیلمیش آذربایجان جومهوریتی آدینی "ایران شمالی" دئیه قلمه آلارلار. اوسته لیک مطبوعاتدا یازیلان بیر شخصین گؤروشلرینی عوامفریبلیک عجوباتیندان بیر حاکیمیت مسئله سی کیمی گؤسترمگه چالیشاراق عوامفریبلیک ائتمگه چالیشیرلار. گئنه ده اوخویوروق:

" تجمع اعتراض آميز دانشجويان در مقابل سفارت رژيم باكو در تهران: صدها تن از دانشجويان دانشگاههاي مختلف تهران با حضور در مقابل سفارت رژيم باكو و سردادن شعارهاي مختلف خواستار عذرخواهي رسمي مقامات باكو از مسلمانان شدند. در اين تجمع دانشجويي كه از ساعت 9 شب 28/8/85 آغاز شد، دانشجويان با فريادهاي: دولت مزدور باكو، ننگت باد، ننگت باد. ... در اين تجمع دانشجويي، علاوه بر سخنراني دانشجويان و قرائت بيانيه‏هاي تشكلهاي دانشجويي، آقاي بيت الله جعفري (از اعضاي حركت آزاديبخش ايران شمالي) سخنراني كرد. بيت الله جعفري كه هشت سال نيز نمايندة‌ مردم اروميه در مجلس شوراي اسلامي بود در سخنراني خود گفت: « امروز مي‏بينيم كه پس از خيزش دانشجويان تبريز، دانشجويان تهران نيز بپاخاسته و اعتراض خود را نشان مي‏دهند... اهانت به ساحت مقدس پيامبر اسلام و يك كشور مسلمان نشين به هيچ وجه قابل گذشت نيست. و سكوت ننگين دولت باكو حاكي از آن است كه اين دولت نيز از دشمنان اسلام حمايت مي‏كند.» جعفري گفت: تا زماني كه يك وجب از خاك فلسطين در دست صهيونيست‏هاست و تا زماني كه يك وجب از خاك ايران شمالي در سلطه حكومت ضد ديني است، مبارزه‏ها ادامه خواهد داشت. بيت الله جعفري در گفتگو با خبرنگاران اظهار داشت: سرزميني كه امروز ايران شمالي (جمهوري آذربايجان) ناميده مي‏شود، بخشي از خاك مقدس ايران است كه در پي انعقاد عهدنامه‏هاي سياه گلستان و تركمانچاي از خاك ايران جدا و تحت اشغال روسيه قرار گرفت، اگر چه همواره ملت ايران ، آرزومند الحاق مجدد اين سرزمين به خاك وطن بوده‏اند، اما اخيراً احساس مي‏شود كه ملت ايران و بخصوص آذريهاي كشورمان حركتي را براي بازگرداندن سرزمين‏هايمان آغاز كرده‏اند.» جعفري افزود: ترديدي نيست كه ايران شمالي بايد در قلمرو حاكميت و درون مرزهاي ايران قرار گيرد و اين نتيجة طبيعي يك حركت تاريخي است. وي گفت: حركت آزاديبخش ايران شمالي، يك حزب و تشكيلات نيست، اين حركت ، يك حركت مردمي است و همة كساني كه  براي آزادي ايران شمالي از اسارت بيگانگان تلاش مي‏كنند، اعضاي حركت آزاديبخش ايران شمالي هستند".[viii]

اوسته کی بؤلومده تهران دانشکاهلاری آدیندان پان ایرانیستلیک فیکیرلرینی خالق ایجتماعیتینه دیکته ائتمگه چالیشانلار، تهراندا چاپ اولان بو ییغینجاق اوزره بیلگی و معلومات وئرن درگی و قازئتلری نه اوچون گؤرمزدن حرکت ائتمک ایسته یه رک اؤز یوخ عابیرلارینی داها دا تؤکمگه چالیشیرلار؟  تهراندا چاپ اولموش آفتاب یزد قازئتی بو ییغینغاجی دانشجویان بسیجی دئیه قلمه آلمیش.[ix] دئمک، بو گؤستری و تظاهرات ایران ممالیکی محروسه سینده کی فارس حاکیمیت نین سپاه و بسیجلرینه باغلی اولان قوروپ طرفیندن آذربایجان جومهوریتی علیهینه بیر باسقی متودو کیمی قلمه آلینمالیدیر. اوسته لیک هر بیر قورتولوش حرکتی، مملکتین ایچیندن باشلامالیدیر. ائشیکدن بیر عمال کیمی باشقا بیر میللت و مملکتین (بورادا آذربایجان جومهوریتی نین) تورپاق بوتونلوگونو تهدید ائله مک دونیاداکی دؤولتلر آراسی نورمالار ایله ضیدیت تشکیل ائدر. بیت الله جعفری آدیندان دینچیلیک آدینا یازیلمیش ایفاده لر نه اوچون آذربایجان جومهوریتی نین ائرمنستان جومهوریتی و ائرمنی داشناقلاری طرفیندن ایشغال اولونموش توپراقلار اوچون ایفاده اولونمور؟، دئیه هر بیر آذربایجانلی بو مسئله اوزره دورمادان داها دا دوشونمه لیدیر. بو آرادا آذربایجان جومهوریتی وطنداشی اولان رافیق تقی علیهینه فارس محفللریندن اؤلوم فتواسی یازیلدیغی دا پان ایرانیست سیته سی طرفیندن اورتایا آتیلمیشدیر، اوخویوروق:

"صدور حكم اعدام « رافق تقي » و تعيين جايزه براي اجراي حكم

حضرت آيت الله بني فضل، از مجتهدان حوزة علميه قم،  در نشستي با خبرنگاران كه در بيت ايشان در تاريخ 29/8/85 برگزار شد، اعلام كرد: «حكم مرتد در اسلام وجوب قتل است و به اين علت قتل او (رافق تقي، نويسندة مقالة موهن) واجب مي‏باشد. آيت الله بني فضل در جمع خبرنگاران مطبوعات و رسانه‏ها، براي هر شخصي كه رافق تقي را به هلاكت برساند، جايزه تعيين كرد. گفتني است جايزة تعيين شده، منزل مسكوني معظم له مي‏باشد كه از پدر بزرگوار ايشان به ارث مانده است".[x]

گؤروندوگو کیمی فارس محفللری آدام اؤلدورمک و جنایت ائتدیرمک اوچون ده ایسلام آدینا فتوا وئردیررلر. بیلیندیگی کیمی حضرت محمد اؤزو اونا پیسلیک ائدن هئچ بیر شخصی اؤلوم ایله حده له مه میش. حدیثلره گؤره یولدان کئچرکن باشینا کول تؤکنلری بیله خوش دیللیک و محبت ایله یاخشی یولا و اینسان کیمی داورانماغا چاغیرارمیش. بو داورانیشلاری بیر عؤمور اینسانلارا روایت ائدن ذات عالیلر نه اوچون ایندی بیر سایدا عوامفریبلیک ائدنلرین فعلینه اویاراق آدام اؤلدورمک و جینایت ائتمک اوچون جاییزه تعیین ائدرلر؟، مسئله سی اؤزو ده دوشوندوروجودور!

قایناقلار: