پان ایرانیستلرین "پان ایرانیستها چه میگویند؟" آدلی فاشیستلیک، ایستعمارچی و فارس تمامیتچیلیگی گؤروشلری اوزره باخیش

کئچمیش یازیلاردا "ایران دیل قروپو" دئییمی نی دیل بیلیمی اوچون بیرینجی یول خیریستیان لاسسین Christian lassen و آوقوست فیریدریش August Friedrich Pott طرفیندن کئچمیش متینلرده کی ٳئران Ērān کلمه سیندن یولا چیخاراق اورتایا قویولدوغونو آچیقلاماغا چالیشمیشیق. او گؤروشه اساساً ۱- فارسچا (دری، تاجیک)، ۲- اوردو، ۳- کوردچه، ۴- نوریستانچا، ۵- بنگلادیشچه، ۶- نئپالچا، ۷- سئری لانکاچا، 8- پشتونجا، 9- بلوچجا و ساییره … ایران دیل قوروپونا باغلی دیللردیر. ایران دیل قوروپو دئییمی آدی چکیلن دیل و مدنیتلره وئریلمیش سیمگه (علامت و نشان) ماهیتی داشییاراق هئچ بیر سیاسی آماج گودمز. آنجاق 1918 اینجی ایل قوزئی آذربایجاندا آذربایجان جمهوریتی یارانان چاغلاری ایران ممالیکی محروسه سینده قاجار شاهلیغی علیهینه یئریکلمکده اولان فارس میللتچیلیگی و فارس مدنیت راسیستلری آوروپادا او زامان گوندمده (گونون موضوعسو) اولان راسیستلیک (نژادپرستلیک) تئوریسینی اؤزلرینه الک ائده رک بو تئوری نین یالنیز ایستعمار یؤنلو یؤنلرینی (جهتلرینی) اله آلماغا چالیشمیشلار. محمود افشار یزدی کئچمیشده قوزئی آذربایجان قاجار ممالیکی محروسه سی (ایران ممالیکی محروسه سی) نین سؤمورگه سی آلتیندا اولدوغونون آلتینی چیزماغا (وورقولاماغا) چالیشاراق گؤنئی و قوزئی آذربایجان آرالاریندا اورتاقلیق باغلاری نین وارلیغینی و بونلارین بؤلونموش میللتین قوللاریندان اولدوغونو دانماغا چالیشاراق گونئی آذربایجاندا میللی منلیک و کیملیک مسئله سی سؤز قونوسو اولارسا، گونئی آذربایجانلیلارین علیه لرینه گوج قوللانمانین دا یئرلی اولاجاغینی وورقولاماغا چالیشمیش (1 و 1.1). 1925 اینجی ایل رضا ساوادکوهی یوخسا رضا پالانی خاریجی گوجلر واسیطه سی ایله ایش اوستونه گتیریلدیکدن (2) سونرا محمود افشار یزدی "پان ایرانیست" گؤروشلری نین اساسی دئیه فارس سؤمورگه چی گوجلر اوچون فارس ایستعمارچیلیغینی تئوریزه ائتمیش (3). محمود افشار یزدی خیریستیان لاسسین Christian lassen و آوقوست فیریدریش August Friedrich Pott ذات عالیلرین دیل و مدنیتلر اوزره سؤز قونوسو ائتدیکلری عئلمی گؤروشلری آشیب گؤز آردی ائده رک یالنیز فارس ایستعمارچیلیغینا خیدمت ائده جک فیکیرلری کاغیذ اوزره گتیرمگه چالیشمیش. بئله لیکله یئنی قورولموش فارس ایمپئریاسینی (1925) قوروماق اوچون افغانیستان، تاجیکیستان و ائرمنیستانلا تاریخی باغلارین قورونماسی و فارس دیلی و مدنیتی نین خیالی هخامنیشلر حؤکوم سوردوکلری تورپاقلاردا بیر داها حؤکوم سورمه سی نین واجیبلیگی وورقولانمیش، تأکید اولونموش (3). آنجاق کئچیت اولاراق خاریج ایستعمار گوجلری تهران حاکیمیتی نی اللرینده موم کیمی اویناتدیقلاری اوچون محمود افشار یزدی نین پان ایرانیستلیک گؤروشو ده یازی اولاراق کاغیذ اوزرینده قالمیش. سونرالار متفیق گوجلر ایران ممالیکی محروسه سینی ایشغال ائتدیکلری، گونئی آذربایجاندا 1324 (1945) اونجو ایل "آذربایجان میللی حکومتی" نین یارانماسی و خاریج ایستعمار گوجلر طرفیندن فارس میللتچیلیگینه آغیز بوزولدوگو زامان فارس ایستعمارچی گوجلر "پان ایرانیست" دئیه سؤمورگه چی و ایستعمارچی بیر تئوری نین واجیب اولدوغونو بیر داها وورقولامیشلار. بئله لیکله محمود افشار یزدیلر بیر سایدا بئیینلری قورما سبزی اییی وئرن جاوانلاری او جومله دن محسن پزشکپور، داریوش همایون (4) و علی رئیس کیمی راسیست مئییللیلری اؤنه سالاراق فارس ایستعمارچیلیق مکتبینه جامعه ده زمینه یاراتماغا چالیشمیشلار. محمود افشار یزدیدن آد آپارمادان بو گؤروشلر فارس راسیستلیک محفلینه باغلی اولان علیرضا رئیس آدلی شخص طرفیندن بیر داها اؤنه سورولدوگو و بو شخص پان ایرانیست آماجی یولوندا تئرور اَیلمی اوچون بمب دوزلدرکن دونیاسینی دگیشدیگی اوچون بو گؤروش محسن پزشکپور و مسلکداشلاری طرفیندن "فرمان رئیس" آدی آلتیندا ایجتماعیته یانسیماغا باشلامیش(5). دئمک، ایستمعار عامیلی و راسیست کیمی تانینان محمود افشار یزدی نین ایستعمارچی گؤروشلری آذربایجان و تهران حکومتلری نین آرالاریندا اولان آنلاشما نین گؤز آردی ائدیلمه سی (6) ایله بیر داها بیر سایدا فارس ایستعمارچیلیغینی اساس گؤتورموش شخصلر طرفیندن "پان ایرانیست" آدی ایله اورتایا قویولموش. پان ایرانیستلر بو تئوری نین عوام خالق اوچون ایچیله جک آش اولماسی اوچون، 1828 ایجی ایل روسیه چارلیغی و قاجار شاهلیغی آراسیندا اولان ساواشلار سونوجو (نتیجه سی) اولاراق آذربایجان مملکتی و میللتی نین بؤلونمه سینی بیر سیاسی فاکت دئییل، ائله بیل قاجار شاغلیغی قوزئی آذربایجان تورپاقلارینی روس چارلیغینا باغیشلامیش کیمی قلمه آلماغا باشلاماقلا اؤز چیرکین نیتلرینه دون گئییندیرمگه چالیشمیشلار. اوسته کی شکیله باخدیقدا بو گئییم بیچیمی یالنیز پان ایرانیست تشکیلاتی اوچون دئییل، قیسسا آدی ایله سومکا (سازمان سوسیالیست ملی کارگران ایران) کیمی تانینان، فاشیست و آلمان نازیستلری ایله ایش بیرلیگی ایچریسینده اولان تشکیلات اوچون ده بو داورانیشلار کئچرلی ساییلار (داها آرتیق بیلگی اوچون باخ 4).

یئری گلمیشکن پان ایرانیستلر "پان ایرانیستها چه میخواهند؟" آدلی یازیدا قلمه آلدیقلاری و "فرمان آریا" آدلی راسیستلیک سیته لرینده یایینلادیقلاری گؤروشلری نین اوزرینه فیکیر یورماغا چالیشاق، اوخویوروق:

" پان ایرانیسم معنایی ندارد جز اتحاد سرزمین های ایرانی و مردمان ایرانی تبار (قفقازی،تاجیک،بحرینی،ارمنی،کرد،اوستی یا ایرونی،افغانی و...) به هر شکل ممکن همانند گذشته.این یکپارچگی می تواند در قالب یک فدراسیون یا کنفدراسیون باشد و یا در قالب یک اتحادیه...بی گمان همگی ما فرزندان یک سرزمین هستیم وهیچکدام تافته جدا بافته به شمار نمی رویم و فرهنگ و زبان ایرانی و فارسی از آن ِ همه ی ماست و همگی در برابر مام میهن مسئولیت داریم."(7).

بیلیندیگی کیمی جغرافی یئر و بؤلگله لره وئریلمیش آدلار دین اینانجلاریندا اولان کیمی وحی اساسلی مسئله لر ایله ایضاح ائدیله جک دئییل، هر بیر خالق کیتله سیندن آسیلی اولان بیر مسئله دیر. بو دئدیکلریمیزین داها آرتیق باشا دوشولمه سی اوچون بیر اؤرنک وئرمه لی ییک. ایران ممالیکی محروسه سی نین گونئیینده یئرلشن کؤرفزه (خلیجه) ایران حاکیمیت اورگانلاری نین "خلیج فارس" دئدیکلرینه و بو کؤرفزین گونئیینده یئرلشن عرب امیرلیکلری بو کؤرفزی "خلیج عرب" آدلاندیرماقلارینا باخمایاراق آذربایجان ادبیاتیندا ایشلنن، کئچمیشده آسورولار و فینیقیلر طرفیندن وئریلمیش آددان یولا چیخیلاراق "کنگر کؤرفزی" آدی نین اوزرینده دورولماسی مسئله نین آنلاشیلار اولماسینا راحاتلیق گتیرر دئیه دوشونمه لی ییک. دئمک، بو کؤرفزه وئریلمیش آنلام آدی (اسم معنی) – خلیج- فارسلار طرفیندن اولسایدی، بو کلمه نی جماعات گونلوک ایشلتدیکلری اوچون عربجه اولان"خلیج" کلمه سی  فارسچا بیر سؤزجوک و کلمه اولمالییدی. دئمک، یئرینه گؤره هر کیتله و حاکیمیت اؤز چیخارینا و اؤزو ایفاده سینه راحاتلیق ساغلاماق اوچون ایسته دیگی آد ایله اساس دگیشمه دن بو کؤرفزی آدلاندیرماغا چالیشمیش. ایران ممالیکی محروسه سی ایفاده سی ده کئچمیشده سلجوقلار و زامان گئدیشی ایله صفویلر و هابئله قاجارلار طرفیندن اؤز قوردوقلاری ایمپئراتورلوقلارینا وئریلمیش آد ساییلدیغی اوچون اونو "سر زمینهای ایرانی" دئیه چئویرمک / ترجومه ائتمک تاریخچیلیک باخیمیندان تحریفه یول وئرمک ساییلار. بئله لیکله تحریف اساسیندا قورولموش تیکینتیلر (بینالار) ده تحریف اساسیندا تعریفلنمیش شخص، قومیت و میللیتلری اؤزونده باریندیرمیش (یئر وئرمیش) ساییلار. بئله لیکله خیریستیان لاسسین Christian lassen و آوقوست فیریدریش August Friedrich Pott طرفیندن آدلانمیش ایران دیل قوروپو (Iranische Sprachen) دا فارس ایستعمارچیلاری و مدنیت راسیستلری طرفیندن تحریفه اوغرایاراق سئریلانکا، نئپال، بنگلادئش و ساییره دیل و مدنیت صاحابلاری گؤز آردی ائدیله رک "ایرانی تبار" دئدیکده "قافقازی، تاجیک، بحرینی، ارمنی، کرد، اوستی یا ایرونی، افغانی" دئیه قلمه آلینار. بو اوسته کی تحریف اساسلی زیرلاما ایفاده لری نین اوزرینده دوراقلادیقدا تاجیک، ائرمنی، کورد و اوسئت میللی وارلیقلاری ایفاده ائدرکن قافقازلی (قفقازی)، ایرانلی (ایرونی) و افغانلی (افغانی) میللیت دئییل، وطنداشلیق مقوله سینه اساسلانمیش قونو و مقوله لر ساییلار. دئمک، ایران ممالیکی محروسه سینده دونیایا گؤز آچان، ایستر کؤنوللو و ایسترسه ده زور ایله بو مملکتین قانونلارینا تابع توتولان هرکس ایرانلی ساییلار. ایرانلی و بحرینلی ساییلماق میللی کیملیک دئییل، وطنداشلیق قونوسو و مقوله سینی اولوشدوران بیر دئییمدیر (اصطلاحدیر). بحرین اهالیسی میللیتچه عرب، ایران ممالکی محروسه سی ایسه اوچ دیل قوروپلارینی اولوشتوران مختلیف ائتنوسلارا اساسلانمیش بیر ممالیکی محروسه دیر. بو ممالیکی محروسه نی فارس دیللی گؤسترمگه چالیشماق یالنیز فارس تمامیتچیلری، فاشیستلری و فارس مدنیت راسیستلری نین ساپیق گؤروشلری اولابیلر. قافقاز قونوسو و مقوله سینه گلدیکده مسئله داها دا چتین و مرکبدیر. بیلیندیگی کیمی قافقاز چوخ ائتنیکلی و مختلیف دیل قوروپلاریندان اولان توپلوملاری اؤزونده باریندیردیغی اوچون یئر اوزرینده قافقاز دیلی یوخسا مملکتی دئیه بیر آنلاییش اولمامیش. قافقاز بیر جوغرافی بؤلگه اولاراق بوگون قوزئی آذربایجان، ائرمنیستان، گورجوستان (گورجولر، آذربایجان تورکلری، آبخازلار و گونئی اوسئتلر) جمهوریتی لری نین یانی سیرا روسیه فئدراسیاسی نین تریکیبینده اولان اؤزرک (خود مختار) داغیستان، چئچئن، اینقوش و ساییره ائتنیکلری و جمهوریتلری ایچرمیش بؤلگه ساییلار. بیلیندیگی کیمی 1917 اینجی ایل روسیه چارلیغیندا باش وئرمیش دگیشیکلیک سونوجو قبول ائتمیش قوزئی قاقفازلیلار داغیستانلیلارین باشچیلیغی آلتیندا "داغلیق جمهوریت" دئیه بیر مملکت قورماق آرزوسوندا اولموشلار. بو جمهوریت بوتون قافقاز آدلانان تورپاقلارداکی میللیتلری، ایسویچ (سوئیس) مملکتی نی اؤزلری اوچون بیر مودئل اولاراق قبول ائتدیکلری اوچون کون فئدرال Konföderation بیچیمده اوزونده باریندیرمالی ایمیش (بوگون ده قوزئی قافقازلیلار بو حاکیمیت بیچیمی اوچون جان آتماغا چالیشارلار). بو چابالار و چالیشمالار بولشویک گوجلری (قیزیل اوردو) و روس قازاقلاری (بوتون و بؤلونمز روسیه یانچی اولانلار) باشلاریندا ژئنرال دئنیکین واسیطه سی ایله باسدیریلمیش. قافقازدا آذربایجان، ائرمنیستان و گورجوستان جمهوریتلری نین یئنیلمه لرینه باخمایاراق داغلیق داغیستان جمهوریتی 1921 اینجی ایله دک داوام ائده رک قیزیل اوردو طرفیندن قان دنیزینه اوغرارکن بو حرکتین باشچیلیغی چئچن اؤزک جمهوریتینه وئریلمیش. بوگون ده چئچئنلر قافقازلاردا روسیه ایستعمارچیلیغینا قارشی قافقاز قورتولوش حرکتینی باشچیلیق ائتمگه چالیشارلار. اوسته گؤروندوگو کیمی فارس دیل و مدنیتینی قولتوقلارینا وورموش فارس دیل و مدنیت ایستعمارچیلاری اؤز نظرلرینده خیال ائتدیکلری گؤزل ایفاده لر ایله فارس ایستعمارچیلیغینی داها دا فاشیستلیک بیچیمینده دونیا ایجتماعیتینه سرگیلمک ایسته مه لرینه باخمایاراق خالقلارین آزاد و اینسانجا یاشاماق ایستکلری زاماندان آسیلی اولمایاراق دوردورولمازدیر. اؤنملیسی اینسانیت مقوله سی نین یاشاماسیدیر. اینسانیت مقوله سی یاشادیغی دورومدا ایستعمار قووه لری و فاشیست گوجلر اوچون اؤلجک گون دورمادان یاخینلاشار. گئنه ده پان ایرانیستلرین ایستکلریندن اوخویوروق:

" تفاوت پان ایرانیسم با سایر پان ها ،همچون پان ترکیسم و پان عربیسم در چیست ؟؟

ابتدا باید گفت پان ایرانیسم دارای معنایی است که قدمت آن به فردای انعقاد قرارداد های ننگین تاریخ ایران میرسد ولیکن اقدام به انطباق این درون مایه با واگویه (لفظ) پان ایرانیسم حادثه ای است نسبتا جدید که گذشته آن به دهه ی 20 می رسد.پان ایرانیسم به معنای اتحاد و یکپارچگی ایران است و پان لفظی است جا افتاده در ادبیات سیاسی جهان که به معنای همه یا اتحاد می باشد"(7).

اوسته گؤروندوگو کیمی پان ایرانیست فیکیر صاحابلاری دوشونجه یئریدرکن سفسطه ائتمگه چالیشارلار. اونلار بیر یاندان عرب و تورک ائتنوسلاری نی اؤز آغالیقلارینی دوشونمه لرینی، اورتاق دیل و مدنیت ایچینده اولدوقلارینی پیسلرکن باشقا یاندان عرب و تورک ائتنوسلاری نین یوغورتلاری آجی، بیزیم فارس ایستعمارچیلیق نیتیمیز داها دا دادلیدیر ایزلنیمینی ایجتماعیته یانسیتماغا چالیشارلار. بو مسئله خالق عوام دیلی ایله دئییلرسه، منه یوخ اولان شئیین ایچینه نه اولسون ایزلنیمینی یاراداراق بو قوروپلارا کؤله لیک و قوللوق ائدن تورک، کورد و ساییره ائتنوسلارا باغلی اولانلارین دا نه درجه ده مایماق و مانیاقلیقلارینی دونیا ایجتماعیتینه یانسیتمیش اولار. باشقا یاندان ایسه فلاکت قارشیسیندا قارشی دوشمنله دیل تاپماغی پان ایرانیستلرین "ننگین" آدلاندیردیقلاری دا کئچمیشده خسرو پرویز ساسانلی نین ایسلام خلافتی ایله دیپلوماتیک ایلیشگی قورماق قابیلیتینده اولمادیغیندان اؤیرنمک ایستمدیکلرینی و کئچمیش 85 ایلده بگنمک ایستمدیکلری تورکلر ایران ممالیکی محروسه سی نی نه عئلم ایله عرب خلافتیندن قورتاردیقلارینی گؤرمزدن گلدیکلرینی سرگیلمیش اولارلار. دئمک، افغانیستانین ایران ممالیکی محروسه سیندن گوج واسیطه سی آیریلماسی (آقوست 1839 ایلینده) "ننگین" آنلاشما دئییل، اینگیلتره و روسیه ایمپراتورلوغو جایناغیندا قاجار شاهلیغی نین سیخیشماسیندان و یئترلی گوجه صاحیب اولمایاراق قارشی طرفله آنلاشماغا گئتمک سیاستی سؤز قونوسو اولمالیدیر. گؤروندوگو کیمی اینگیلتره و روسیه ایستعمارچیلاری نین اوینادیقلاری اویونو پان ایرانیست قووه لری نین اوخویوب قبول ائده بیلمدیکلری، تورک ایمپراتورلوقلارینی (قاجار ایمپراتورلوغو و عثمانلی ایمپراتورلوغو) آرادان قالدیرمادا زامان گئدیشی ایله اینگیلتره و روسیه گوجلری یئرینه گؤره اورتاق اَیلم و ایش بیرلیگی ایچیریسینده اولدوغونو اینادجاسینا قبول ائتمدیکلریندن ایرلی گلن مسئله دیر. بو تاریخده کی قارشی دورمالاری گؤرمه دن معده گوجو دوشونجه و فیکیر یئریتمکله پان ایرانیستلر گئنه ده خسرو پرویز کیمی هیندوستانا سوروله جک گؤرونورلر(هر بیر ائتنیکی تک باشینا نظره آلارساق، ایران ممالیکی محروسه سینده چوخلوغو اولوشدوران تورک کسیمی نین اولماسینا باخمایاراق پان ایرانیستلر بو اینسانلارین دیل، مدنیتی و کئچمیش تاریخینه آچیقجاسینا توهین ائتمکدن بیله قاچینمازلار). پان ایرانیستلرین بو اکدیکلری نیفرت و حیقارت توخوملاری بیرگون ثمر و نتیجه وئره جک گؤرونور. اؤلمز خدیجه، گؤرر نوه نتیجه!!

مسئله یالنیز قاجار تورک ایمپراتورلوغو آلتیندا قالماق ایستمگن افغان قبیله لری و خانلیقلاری دئییل، قاجار شاهلیغینا قارشی دورموش و گوج اولوشدورماغا دوشونن، باکی، شکی، گنجه، قاراباغ و ساییره خانلیقلاری دا فارس ایستعمارچی گوجلرین باشا دوشمک ایستمدیکلری و کباب شوق، ذوقوندان اوزدن ایراق داغلانماق ایستدیکلری اورتایا چیخمیش مسئله لردن بیر ایزلنیمدیر. دئمک، فارس دیلینی اؤزو اوچون دیوان دیلی ائتمیش قاجار شاهلیغی تورک اولدوقلارینا باخمایاراق آذربایجان خانلیقلاری ایله دیل و  مدنیت آچیسیندان هانکی اورتاقلیغی اولابیلردی؟ ائله اوندان یانا دا قافقازلار قاجار ممالیکی محروسه سیندن آیریلدیقلاریندان چوخ کئچمدن اورالاردا میللی روح یوکسه لرک زامان گئدیشی ایله میللی دؤولتلر اورتایا چیخماسینا شراییط یارانمیش. بونلارا باخمایاراق قاجار شاهلیغینا قارشی ووروشان گونئی آذربایجان تجددود حرکتی نین بوگونکو  نسیللری فارس راسیستلیگی نین باسقیسی آلتینا چتینلیکلر ایله اوز اوزه قالمیش گؤرونرلر. دئمک، اؤزونه اوماج اووما قابیلیتینده اولمایان اوزدن ایراق فارس آیدین و ضیالیلاری اینسانلیغین نه اولدوغونو آنلاییب باشا دوشمدیگی اوچون فارس اولمایان باشقا دیل و مدنیتلری ده گؤیه وین میلچک کیمی یوخ ائتمگه چالیشار. بو جنایتلر هئچ بیریسی فارس ایستعمارچیلیغی آدی آلتیندا دئییل، یالنیز ایران وطنداشلیغی آدی آلتیندا حیاتا کئچر. پان ایرانیستلر گئنه ده ایستعمارچی گؤروشلرینه آرخالاناراق یازیرلار:

"از دید پان ایرانست ها ایرانیان باید در سرزمین حقیقی خود که ایران زمین با ایران بزرگ نام دارد زندگی کنند در نتیجه تجزیه سرزمین های ایرانی به واحد های ساختگی توسط استعمار عملی بود بر ضد حاکمیت ملی ما"(7).

اوسته کی دوشونجه لر ده ایستعمارچیلیق آچیسیندان (زاویه سیندن) عوامفریب گؤروش ساییلمالیدیر. دئمک، قاجار ممالیکی محروسه سیندن قافقازداکی (آذربایجان، ارمنیستان و گورجوستان) جمهوریتلرین آیریلماسی هئچ ده بو مملکتلرده کی اینسانلارین اؤز مملکتلرینده یاشامادیغی دئییل، ترسینه روسیه سؤیئتلیگی نین داغیلدیغیندان سونرا بو مسئله یه یاناشیلارسا، قافقازداکی آذربایجان تورکلری، ارمنی و گورجی ائتنوسلاری نین میللی حکؤمت قورمالاری و ایستعمار زینجیریندن آزاد اولمالاریندان خبر وئرر. بحرین مسئله سینه گلدیکده گئنه ده بحرینده کی عرب ائتنوسو اؤز میللی منلیگی و کیملیگینه اساسلاناراق وارلیغینی یاشادار. افغانیستاندا بیله بیر چوخلاری ایران دیل قوروپونا عایید اولمالارینا باخمایاراق میللی منلیک و کیملیک باخیمیندان فارسلیق ایستعمارچیلیغیدان خلاص اولاراق داها دا آزاد یاشاماق اوزره دیرلر. ایستر تاجیکلر، ایسترسه ده پشتونلار اؤز دیل و  مدنیتلری نی یاشاتمالاری نین یانی سیرا اوراداکی هزاره و اؤزبک، تورکمن، قیزیلباش، آیماق، هزاره، عرب، براهوی، نوروستانلی و بلوچ و ساییره لره دیل مدنیتلرینی دئموکراسی دئیه تحمیل ائتمه شانسینا (چوخلوق اؤزونو آزلیغا قبول ائتدیرمه پرئنسیبینه) مالیک اولموشلار. آنجاق اوراداکی باشقا آزلیقلار دا ایستر اؤزبک، تورکمن، هزاره و ایسترسه ده نوروستانلیلار و ساییره لر اولسونلار، میللی آزلیق حاقلارینا صاحیب اولاجاق گؤرونورلر. بو مسئله افغانیستانین 2004 اونجو ایل مجلیس طرفیندن قبول اولموش دؤولت مارشیندا بئله اؤز عکسینی تاپمیشدیر، پشتونجا:

ایندیسه افغانیستانین دؤلت مارشی نین دریجه چئویریسینه نظر سالاق:

"

اوسته کی گؤرونوملر فارس ایستعمارچیلاری و فارس مدنیت راسیستلری نین دیل دئیه الکن فارسچانی بو دیل و مدنیت صاحابلارینا تحمیل ائتمک شانسیندان محروم اولدوقلاریندان خبر وئرر. دئمک، بوگونکو ایران ممالیکی محروسه سی نین پیشیگه بنزر خریطه سی نی نظره آلارساف، فارس ایستعمارچیلاری و مدنیت راسیستلرینی پیشیک کیمی داورانمالاری اورتایا چیخمیش اولار. پیشیک ده الی اتی یئتمزکن اونو پیسلمگه چالیشار. "آتی آتین یانیندا باغلاسان، عئینی بویاق و رنگده اولماسالار دا، عئین خصلته صاحاب اولابیلرلر". بو دا ایرانین پیشیک بیچیمینده کی خریطه سی ایله فارس ایستعمارچی قووه لری نین حئکایه سیدیر. فارس ایستعمارچیلاری دا بو آچیدان پیشیک خیصلتینی قبوللانمیش گؤرونرلر. پان ایرانیستلرین دئییشلریندن گئنه ده اوخویوروق:

"... پان ایرانیست ها معتقدند که باید با تاجیکستان که ناحیه ای ایرانی نژاد،ایرانی زبان و ایرانی فرهنگ و ایراندوست است روابطی داشت در راستای تقویت پیوندهای گذشته و مردم دوشنبه از دید ما با یک شهروند اصفهانی یا تبریزی و مشهدی تفاوتی ندارد و هر دو هم مهین ما هستند.حال برخی به خاطر داشتن چنین باورهایی انسان های تهی و بی مایه ما را فاشیست می دانند! چرا که فقط از حقوق غصب شده این ملت دفاع میکنیم!"(7).

اوسته ایشاره ائتدیگیمیز دک پان ایرانیستلرین گؤروشلری ایستعمارچیلیق ماهیتینده اولدوغو اوچون فاشیست اولمانین یانی سیرا راسیستلیک مقوله سینده بیله آدولف هیتلرین الینی دالدان باغلامیش گؤرونورلر. بو فاشیبستلیک مفکوره لری بو ذاتلارین سطیر سطیر یازیلاریندا تورک و عرب ائتنوسو علیه لرینه ایشلتدیکلری عبارتلرده اؤز عکسینی تاپماقدادیر. اؤرنک اولاراق آشاغیداکی صحنه لره نظر گزدیرک:

" 9 تورک ساکن آلمان در آتش سوزی که از سوی مردم آلمان در ساختمان مسکونی تورکها انجام شده بود زنده زنده سوزانده شدند.گفتنی است در آلمان بیش از 2 میلیون ترک زندگی می کنند که پس از جنگ جهانی دوم به عنوان عمله و بنا و گارکر از سوی به این کشور سرازیر شدند ولی هیچ گاه نتوانستند خود رابا جامعه آلمان تطبیق  دهند و اکثرا به کارهای پست و یا خلاف مشغولند.... گروه های ملی در آلمان خوهان خروج ترکها از کشور جهت برقرای امنیت و جلوگیری از ناهنجاری های اجتماعی هستند."(10)

اوسته کی یازیدا گؤروندوگو کیمی بیر کیچیک سایدا اولاجاق مارجینال و فاشیست قوروپ طرفیندن گؤرولموش اولاجاق ایشی فارس فاشیست قووه لری "مردک آلمان" دئیه قلمه آلماغا و ایران ممالیکی محروسه سینده کی میللی بیلینجی یوکسلمکده اولان آذربایجان تورکلری نین میللی بیلینجلرینی باسدیرماغا چالیشارلار. اوسته کی یازیلمیش، فارس فاشیستلری سیته لریندن آلینمیش عکس ده تورکلر علیهینه ساواش روحو دئیه آلمانیا ایله هئچ بیر باغلیغی یوخدور.  موضوعدان اوزاق دوشمک ایسته مه دیگیمیز اوچون بیر داها فارس فاشیستلری و فارس مدنیت راسیستلری نین اوسته ایشاره ائتدیکلری "تبریزی" و "دوشنبه ای" قونوسونا دؤنمگه چالیشاق. تبریزلی تورک ایله  دوشنبه لی تاجیک مسئله سینه گلدیکده بو توپلوملار هر ایکیسی اینسان توروندن ساییلار. دیل و مدنیت آچیسیندان ایسه دوشنبه لی تاجیک روسیه توتساغیندان قورتارمیش اؤز میللی بایراغی آلتیندا یاشارکن تبریزلی تورک توپلوموندان اولانلارین بیر چوخو فارس توتساغیندان "الحذر" چکر، بعضیلری ایسه فارس ایستعمارچیلیغی بویوندوروغو آلتیندا یاشاماغی، کؤله لیک و قوللوقچولوغو اؤزونه افتیخار سایار. فارسلار دئمیشکن: "فاصله میان ماه من تا ماه آسمان ---- فاصله بین زمین تا آسمان است". اصفهانلی فارس ایله اؤزونو تاجیک تانیدان دوشنبه لی نین دیل و مدنیت آچیسیندان آل وئریش ائتمکلری ایسه کیمسه نی راحاتسیز ائتمز دئیه دوشونمه لی ییک. پان ایرانیستلرین ایستعمارچی گؤروشلریندن گئنه ده اوخویوروق:

"... پان ایرانیست ها آنقدر نسبت به اندیشه های خود ایمان دارند که جرات کرده اند نام پان ایرانیسم بر آن بگذارند.در حالیکه نه در مصر نه در عراق و نه در ترکیه هیچ نهضتی یا حزبی به نام پان ترکیست یا پان عربیست وجود نداشته. اگر در ترکیه از پان ترکیسم سخن میگوییم،آنها خود هیچگاه خود را با این لفظ نمی شناسانند.بلکه خود را ترک گرا یا ملتچی می نامند و انجمنی هم در سال 1908 به نام تورک درنگی در اسلامبول تشکیل شده که فعالیت های فرهنگی داشت و در سال 1912 جای خود را به تورک اجاقی داد که در اساس نامه اش از کمک فرهنگی و زبانی به سایر ملتهای ترک سخن گفته بود"(7).

پان ایرانیستلرین فارس دیلینی باشقا دیل و مدنیت صاحبلارینا تحمیل ائتمکده ایصرارلی اولدوقلارینی، ایکی آیاقلارینی بیر باشماغا سوخاراق تویوغو بیر قیچلی گؤسترمه لرینی نظره آلارساق، پان ایرانیست دئیه هانکی فاشیست توروندن اولدوقلارینی آییرد ائتمک او قدر ده چتین اولماز. پان ایرانیستلرین گئنه ده ایستکلریندن اوخویوروق:

"ما تنها خواستار برقرای پیوندهای دوباره با سرزمین هایی هستیم که پس از قراردادهای پاریس و آخال و گلستان و ترکمنچای از ما جدا شد. در این راه حتی در صدد یکسان کردن حکومت ها که امری است غیر ضرور نمی باشیم، تنها میگوییم حکومت های تهران، دوشنبه، ایراوان، بادکوبه و... باید به همدیگر نزدیک شوند. مرزهای مصنوعی را به وسیله قراردادهای چند جانبه از میان بردارند و در قالب اتحادیه ای همچون اکو به همگرایی برسند.حال اگر در این میان حکومت باکو از امریکا و ناتو دعوت میکند تا در قفقاز و در کنار دست ما نیروگاه نظامی برپا سازد ما حق خواهیم داشت نسبت به این اقدامات مخل امنیت منطقه اعرتاض نمائیم یا نه؟آیا اگر رژیم باکو حکومتی بود همچون حکومت دوشنبه این همه کدورت میان دو دولتی که اصولا باید برادر هم باشند به وجود می آمد؟"(7).

بیلیندیگی کیمی هر شئی قارشیلیقلی اولمالیدیر. قوزئی آذربایجانلی فارس حاکیمیت سیستیمی نین نئجه بیر سیستیم اولدوغونو بیر چوخ فارس فاشیستلری و مدنیت راسیستلری خیال ائتدیکلریندن داها دا یاخشی باشا دوشموش گؤرونر. آمریکالی وئردیگی پولونون قارشیسیندا آذربایجانین نفتی آلارکن، ایران ممالیکی محروسه سینده فارس ایستعمارچی سیستیم آذربایجانلی نین یالنیز اینسانی گوجو، یئر آلیتی قایناقلارینی دئییل، دیلی و مدنیتی ده یوخ ائتمگه چالیشار. دئمک، فارس ایستعمارچیلاری نین بوگونکو داورانیشلاری 19 اونجو عصیرده فرانسه ایستعمار گوجلری طرفیندن آفریکاداکی قارالار باشینا گتیریلدیگی اویونلاری خاطیرلاتمیش اولار. فرانسه لیلر ده آفریکاداکی قارالاری آلداتماق اوچون اصیل فرانسه لی دئیه اونلاری اؤز دیل و مدنیتلرینه اؤزگه یاشاتماغا و دیل و مدنیتلرینی یوخ ائتمگه چالیشمیشلار. دئمک، فارس ایستعمارچیلاری نین بو پلانلاری بیر سیرا قوللوقچو و فارس بالتاسینا ساپ اولانلار واسیطه سی ایله ممکون اولاجاق دئیه دوشونولموش بیر مسئله دیر! پان ایرانیستلرین ایستعمارچی گؤروشلریندن گئنه ده اوخویوروق:

".. این عرب های هستند که به تحریک استعمار خلیج پارس را با نامهای خنده دار دیگری می نامند و خوزستان که دارای اقلیت کمتر از 30 درصدی عرب است عربستان میگویند. این غربی ها بودند که با استفاده از دست های پنهان ماسونی در ایران بحرین را از ایران جدا کردند و آنرا به عنوان یک کشور عربی و وهابی به جامعه جهانی عرضه کردند و از اتحاد چند دزد دریایی کشور ساختند به نام امارت متحده عربی"(7).

کنگر کؤرفزی نین خلیج عرب، خلیج فارس و ساییره آدلانماسی اوزره یازیمیزین باشلانقیجیندا فیکیر یئریتمگه چالیشدیق. ایندیسه "عربستان"ین فارس ایستعمارچی گوجلری طرفیندن "خوزستان" آدلاندیریلماسی اوزره احمد کسروی نین "تاریخ پانصد ساله خوزستان" آدلی کتابیندان اوخویوروق:

"گویا در زمان شاه اسماعیل یا در دوره پسر او شاه طهماسب بوده که بخش غربی خوزستان را که به دست مشعشعیان بود عربستان نامیدند تا از بخش شرقی که شامل شوشتر و رامهرمز و به دست گماشتگان صفوی می بود بازشناخته شود. ... ما نخست این نام "عربستان" را در کتاب قاضی نورالله می یابیم که تألیف آن را در زمان شاه طهماسب آغاز کرده و پس از مرگ او به انجام رسانیده. ولی چنان که در متن گفته ایم آن زمان این نام را جز بر بخش غربی خوزستان نمی گفته اند وتا آن جا که ما سراغ داریم تا آخر پادشاهی صفویان بلکه تا زمان تادرشاه همگی خوزستان را"عربستان" نمی خوانده اند و پس از زمان نادربود که کلمه خوزستان فراموش گردیده وسراسر آن سرزمین به نام عربستان خوانده شد واین نام معروف بود تا درسال 1302 شمسی دولت آن را برانداخته نام خوزستان را دوباره مشهور گردانید" (8).

اوسته گؤروندوگو کیمی ائتنیک عربلر یاشایان بؤلگه یه "عربستان" آدی نین وئریلمه سی فارس ایستعمارچیلاری نین "توطئعه و تحریک" تئزلرینه اساسلاناجاق دئییل، تاریخی بیر مسئله دیر. بحرین سؤز قونوسو اولدوقدا دیل و مدنیت آچیسیندان بحرین اهالی سی عرب اولدوغو اوچون فارس ایستعمارچیلیغی بویوندوغونو تحمل ائتمه میش دئیه دوشونملی ییک. اوسته گؤروندوگو کیمی فارس راسیستلری بیریاندان بحرینی اؤز تاریخی اراضیلری دئیه بو مملکلتی ایشغال ائتمگه دوشونر و بو مسئله ایله اوغراشارکن باشقا یاندان بحرینده کی اینسانلار عرب اولدوقلاری اوچون اونلاری "دزدان دریایی" دئیه قلمه آلماغا چالیشارلار. بو دا سلطانعلی نی زیرتانعلی چاغیرما حئکایه سینی اینسانا خاطیرلاتمیش اولار.

سلطانعلی کیشی نین ده بیر قونشوسو وار ایمیش. قونشو سلطانعلی کیشی یه اوز توتاراق اوتانمادان دئییر:

"زیرتانعلی قارداش! ده ده نین آدی نه دیر؟ سلطانعلی ده قونشوسونون هانکی اینسان توروندن اولدوغوندان چاشاراق اوز توتاراق اونا اوزدن ایراق دئییر: ائشک اوغلو، ائشک، اؤز آدیمی دوز سسله دین کی، ده ده مین ده آدینی اؤیرنیب سسلمک ایستر سن می؟! پان ایرانیستلرین بو فاشیستلیک داورانیشلاری بیر ده آیی داورانیشینی اینسان اوغلونا خاطیرلادار. آیی دا میلچک قاوماق ایسته ییرم دئیه دوست خیطاب ائتدیگی اینسانین باشینا داش سالیب اؤلدورموش، دئییرلر. پان ایرانیستلرین ایستکلریندن گئنه ده اوخویوروق:

".شناسایی ما از حکومت دموکراتیک و مردمی بر اساس ناسیونالیسم تاریخی و اجتماعی ملت ایران شکل گرفته است. اصولا ناسیونالیسم ایرانی پایه و اساس پان ایرانیسم است و نظریه پردازان پان ایرانیست همه ی پدیده ها را در بستر ناسیونالیسم ایرانی بررسی و ارزش گذاری می کنند.از دید آنها ناسیونالیسم تنها یک اندیشه نیست ،بلکه ناسیونالیسم یک علم است.پان ایرانیست ها اندیشه ها را در واحد ملی بررسی می کنند و دموکراسی نیز از این قاعده پیروی می کند. پس از دید ما ناسیونالیسم و سوسیالیسم بر بنیان ناسیونالیسم ارزش گذاری و اجرا می شود و از این رهگذر ناسیوکراسی (ملت سالاری) و سوسیالیسم ملی به وجود می آید. ناسیونالیسم اجتماعی تجلی عنصر سوسیالیسم است در واحد ملی"(7).

اوسته کی عیبارتده پان ایرانیستلر، فارس ایستعمارچیلاری یوخسا فارس مدنیت راسیستلری نه دئدیکلرینی اؤزلری ده باشا دوشموش گؤرونمورلر. بو ذاتلار گونون ایجتماعی مقوله لرینی تاریخی مقوله لر ایله قاریشدیرمیش مقامدا یئر آلارلار.  باشقا یاندان میللتچی ایدعاسیندا اولمالارینا باخمایاراق آلمان نازیستلری کیمی تک نژادلی بیر توپلوم دئیه سوسیالیسم مقوله سینی ده فارس میللیتچیلیک مقوله سی ایله قاریشدیرماغا چالیشاراق آلمان نازیستلرینی بیر داها یانسیلامیش اولارلار (بیلیندیگی کیمی آلمان نازیستلری ده، یهودیلری آلمان دئییللر دئیه اونلاری قاز اوتاقلاریندا بوغاراق یاندیریب یاخمیشلار). بو دا فارس فاشیست تشکیلاتی کیمی تانینان "سومکا" تشکیلاتی ایله "پان ایرانیست" تشکیلاتی نین ایداره ائدیجیلری نین کئچمیشده اولدوغو کیمی بوگون ده همفیکیر اولدوقلارینی اورتایا قویار. پان ایرانیستلرین ایستکلریندن گئنه ده اوخویوروق:

" ... بسیاری از مسئولان امروز کشور در گذشته از سمپات های پان ایرانیست بوده اند. برای نمونه نام عبدخدایی و محسن رضایی در لیست سمپات های قدیمی به چشم می خورد و البته عبدخدایی پس از مدتی به جمعیت فدائیان اسلام پیوست"(7).

پان ایرانیستلرین اوسته کی فیکیرلرینه دیرک اولاراق عبد خدایی (1) و محسن رضایی (9) نین ده فیکیرلری ایله تانیش اولماق پیس ساییلماز دئیه دوشونوروک.

قایناقلار:

1                    ایشیق سؤنمز، پان ایرانیسم، پان فارسیسم یوخسا خولیاچیلیق راسیسم؟:

http://www.achiq.org/olaylar9/pan%20iranism.htm

1.1                         ایشیق سؤنمز، فارس مدنیت راسیستلری نین "خطر زرد" حئکایه لری!:

http://www.azadtribun.net/x18566.htm

2                    ایشیق سؤنمز، فارس مدنیت راسیستلری نین "آرامگاه" حئکایه لری: http://www.azadtribun.net/x18881.htm

3                     محمود افشار یزدی، مجله آينده- نمره مسلسل 32- جلدسوم-شماره 8 –سال 1324 خورشيد، قلمرو زبان فارسی : پان ایرانیست، فرمان آریا: http://farmane-ariya.blogfa.com/post-22.aspx

4                    ایشیق سؤنمز، فارس نئوفاشیستلری و داریوش همایون:

http://www.achiq.org/yazi/sonmez%20fars.htm

5   فرمان آریا، سلسله جستارهایی پیرامون پان ایرانیسم 3، سر چشمه اندیشه پان ایرانیسم: http://www.farmane-ariya.blogfa.com/post-144.aspx

6         آذربایجان دئموکرات فیرقه سی: دولت و آذربايجان نماينده لری آراسيندا موافقت اولونموش قراردادين متنی: http://www.adf-mk.org/T/at.html

7        فرمان آریا، پان ایرانیستها چه میگویند:

http://www.farmane-ariya.blogfa.com/post-302.aspx

8        احمد کسروی، تاریخ پانصد ساله خوزستان، تهران 1362، انتشارات خواجو، فصل والیان عربستان.

9        ایشیق سؤنمز، پان ایرانیستلرین «ایسلام دینی» نی فارس میللیتچیلیگینه اویونجاق ائتمه سی!: http://www.azadtribun.net/0213.htm

10      پان ایرانیست، فرمان آریا، از نژاد پست بودن در اروپا: http://www.farmane-ariya.blogfa.com/post-296.aspx

ایشیق سؤنمز، 24.02.2008

ايستعمار