فارسیستاندان بیلیم اوچون ثرّیایا گئده جکلرمیش و شیعه اولمایانلار اؤلدوکدن سونرا فارس اولاراق جهّنمه

الده اولان قایناقلارا گؤره حضرت محمد اسلام آدینا ظهور ائتدیکدن سونرا  اینسانلار و توپلوملار آراسیندا یالنیز اینسانلارین اللها اینانمالارینی، حرام و حلال تانیدیقلارینی باشقا اینسانلاردان فرقلندیرمگه چالیشمیشدیر. دئییشلره گؤره حضرت محمد حبشین قارا قولو ایله اؤزو باغلی اولان قرئیش عشیرتی اینسانلاری آراسینداکی هئچ بیر فرق گؤرمز ایمیش. اونون نظرینده یالنیز هر بیر کس اللها اینانیرسا، عزیز ساییلارمیش. بیلیم مسئله سینه گلدیکده گئنه او هئچ بیر خالقین دیل و مدنیت باخیمیندان اوستون اولدوغونو ایفاده ائتمزمیش. او زامان یوناندا بیلیم یوکسک اولدوغونا باخمایاراق حضرت محمد یونانلاردان دا هئچ بیر آد آپارمامیش. او یالنیز علم هاردا اولارسا اونو اؤیرنمگه چالیشین دئیه باشاردیقجا علم اؤیرنمه نی اؤز امتی اوچون یاخشی دئیه ایفاده ائتمیشدیر. حضرت محمدین ایفاده لری بونلاردیر:

1-اطلبوا العلم ولو بالصین (بیلیم اؤیره نین حتی چینده ده اولسا. حضرت محمد چینی چوخ اوزاق اولدوغو اوچون بو ایفاده  ده بیان ائتمیش).
2- طلب العلم فریضه علی کل مسلم و مسلمه (بیلیم اؤیرنمک بوتون مسلمانلارا واجیبدیر)
3- اطلبوا العلم من المحد الی الحد (بئشیکدن مزارا گئدن گونه دک بیلیم اؤیره نین).

بیلیم اوزره حضرت محمدین دئدیگی بو ایفاده لره باخمایاراق فارس راسیستلیگی بوگون کئچمیشده کی فارس شعوبیه چیلری نین جعل ائتدیکلری ایفاده لری حدیث دئیه ایران ممالیکی محروسه سینده گونون سیاستینه داشیماغا چالیشدیغینا تانیق اولوروق.

شعوبیه کیملردیر؟

عربلر اورتا آسیایا دک ایسلامیتی یایدیقلاریندان و یئرلی خالقلار ایسلامیتی قبول ائتدیکلریندن سونرا زامان گئدیشی ایله امویلر عرب خلیفه لیگی نی سلطنته (موروثی) چئویره رک یئرلی اینسانلار و عربلر آراسیندا ناراضیلیغا ندن اولدولار. بئله لیکله یئنی سیاسی قوروپلاشمالار اورتایا گلدی. اونلارین ایچینده اصلیتلری عرب اولموشلار دا او جمله دن ابومسلم خراسانلی یئر آلیردی. بو قوروپلاشمانین ایچینده موختلیف ادبی و فرهنگی آخینلار دا یئر آلیردی. اونلارین بیر سیراسی عربلری سئومدیکلری اوچون هر شئیی یئنیدن قرائت ائتمگه باشلامیشدیلار. بئله لیکله زامان گئدیشی ایله عرب سلطنتچیلیگینه و ایمپراتورلوغونا اولان دوشمنلیک عربلره یؤنلمیش اولدو و بوگونکو فارس راسیستلری نین فخری ساییلان ابولقاسم فردوسی عربلره قارشین (علیهینه) اؤز اؤدونو قوسماغا باشلادی:

"ز شیر شـتر خـوردن و سـوسمـار
عرب را به جایی رسیده است کار
کــــه تــاج کــــیـانــی کــــنـد آرزو
تفــو بـر تـو ای چـرخ گـردون تـفـو"

شعوبیلرین چوخونلوق اولدوغو یئرلر کئچمیشده بؤیوک خراسان ولایتلرینی (بوگونکو ایران خراسانی، افغانستان و تورکمنیستانین بیر بؤلومونو) ایچرمکده ایدی. دئمک، فارسلارین تاپیندیقلاری فردوسی ده شعوبیه ایجماسینا باغلی ساییلیردی. بونلار ساده اینسانلار دئییل، بو گونکو باخیشلا دئییلیرسه، او زامانکی ناراضی فارس ائلیتینی ده ایچرمکده ایدی. ائلیت دئدیکده دینی مسئله ایله تانیش اولان ناراضی روحانیلر ده بو حرکت ایچینده باریندیردیلار (یئر آلیردیلار). بئله لیکله عرب عونصورونا قارشیت فارس پارامئترلری کیچیک محفللر بیچیمینده اولوشماغا باشلاییردی. او  جمله دن حدیث جعل ائدیلیردی. یئری گلمیشکن آیت الله علی اکبر هاشمی رفسنجانی نین کئچمیش تاریخی اولایلاری بیر داها فارس شعوبیه چیلرینه آشیلاماغینا دیققت ائدک، اوخویوروق:

" رئیس مجمع تشخیص مصلحت نظام ادامه داد: در مسیر اسلام به نقطه‌ای رسیده‌ایم که ایران به پایگاه مهمی برای اشاعه مکتب اهل‌بیت تبدیل شده و در این زمینه باید به کار رازی و ایرانی‌ها و فارسی‌زبان‌هایی که این کار را انجام داده‌اند نگاه کنیم. .... هاشمی رفسنجانی از دیگر اشکالات واقعی بعد از پیامبر را ظلم نسبت به موالی دانست و اظهار داشت: کسانی به خاطر اینکه قرآن به زبان عرب آمده بود خود را جریان ممتاز با حقوق اضافی می‌دانستند. رئیس مجمع تشخیص مصلحت نظام ادامه داد: آنان موالی را به عنوان شهروند درجه دو می شناختند که قرآن آن را نفی کرده است. وی ادامه داد: از رازی می‌پرسند چرا تفسیر را فارسی نوشته‌اید می گوید من فارسی را مقدم بر عربی می دانم ، یکی از نکات مهم همین فارسی نویسی بود چرا که اعراب می‌گفتند غیر متن عربی نباید متن دیگری از قرآن باشد. هاشمی رفسنجانی گفت: قرآن، زبان فارسی و تشیع در ایران سه محور اصلی کار رازی است.  "(1).

اوسته کی پاساژداکی قالین یازیلمیش کلمه لرین ایچریکلری اوزره دوراقلادیقدا "فارس شعوبیه چیلیگی" اورتایا چیخمیش گؤرونور.

حدیث جعل ائتمه لره گلدیکده بو مسئله یالنیز فارس شعوبیه چیلری اوچون دئییل، عرب قایناقلاریندا دا فارسلار علیهینه حدیث دئه عیبارتلر وار. بو مسئله یه ده ایشاره اولوناجاقدیر.

بیلیندیگی کیمی جمهوری ایسلامی حکومتی نین مرکز بانکی (بانگ مرکزی جمهوری اسلامی ایران) محمد پیغمبرین آدیندان فارسلارین ذکاوتینه داییر بیر جعلیاتی حدیث دئیه 5 مین تومنلیک (50000 ریالی) پوللارین آرخاسینا نووه سیاستی (سیاست انرژی هسته ای) شعارلاری چاپ ائتمه گه باشلامیشدیر. یئری گلمیشکن ایران مرکز بانکی نین بو مسئله یه داییر شکیل ایله وئردیگی معلوماتی نین بیر بؤلومونه گؤز گزدیرمک پیس اولمز دئیه دوشونوروک:"

"" مشخصات پشت اسکناس :  -نقشه کشور جمهوری اسلامی ایران که درآن یکی از سخنان گهربار پیامبر اعظم (ص) بدین مضمون چاپ گردیده است:

> دانش اگر در ثریا هم باشد مردانی از سرزمین پارس بر آن دست خواهند یافت<.

روابط عمومی بانک مرکزی جمهوری اسلامی ایران"(2).

اوسته حضرت محمده آدرئسلنمیش ایفاده فارس شعوبیه چیلری و راسیستلری طرفیندن دوزلدیلمیش بیر جعل حدیث اولمالیدیر.

بو دئدیکلریمیزه داییر محمدبن اسماعیل البخاری "امام المحدثین" لقبی ایله ایسلام عالمینده تانینمیش و 600،000 حدیثدن 9999 حدیثی سئچه رک اونلاری"الصحیح" آدلی کیتابیندا 7397 حدیثی تیکرارلی، 2602 حدیثی تیکرارسیز اولاراق کیتاب حالینا گتیرمیشدیر(3). "الصحیح" آدلی اثرده حضرت محمده نیسبت وئریلمیش بوتون حدیثلر کامیل بیچیمده اورتایا قویولموشلار. دئمک، حضرت محمده فارسلیق اوزره حدیث نیسبت وئرن ذات عالیلر بو ایددعا ائتدیکلری حدیثین "الصحیح" آدلی کیتابدا اولدوغونو ثابت ائتمه لیدیرلر. عکس حالدا حضرت محمده نیسبت وئردیکلری یالان ایجتماعیتین گؤزونو بویاماز گؤرونور. بو کیتاب بوتون مسلمان عالیملری طرفیندن قبوللوق گؤرموش بیر کیتابدیر. سنی عالیملرینه گؤره حضرت محمدین دئدیکلری اوزره "قرآن مجید"دن سونرا "الصحیح" ایکینجی اهمیتلی و اینانیلاجاق کیتابدیر. البخاری نین یازدیغینا گؤره او بو کیتابی مسجد الحرامدا (مککه ده) کیتاب حالینا گتیرمیش و هر حدیثی اوچون ده 2 ریکعت نماز قیلمیش و اللها حدیثین دوغرو اولدوغونا داییر ایستیخاره ائده رک یقینی اولدوقدان سونرا حدیثی کیتابیندا ثبت ائتمیشدیر. صحبت فارس شعوبیه چیلری نین حدیثلردن گئدرکن قایناغی بللی و ایکی کیتابدا چاپ اولموش بیر حدیثی "فارس دیلی" اوزره اوخویاجاییق. ایلک اولاراق بو حدیثین بیرینجی مؤالیفی الحسین بن حمدان الخصیبی (334 ه. ق. لبناندا اؤلموش) و ایکینجی ابو جعفر، محمد بن یعقوب بن اسحاق کلینی (اوصول کافی کیتابیندا)  اولدوقلارینی بیلدیرمک ایستردیک(4). ایندیسه حدیثین ایلک اولاراق اورجینالینی و سونرا راحات خالق ایجتماعیتی و فارس شعوبیه چیلری ده باشا دوشمکلری اوچون فارسچاسینی سرگیله مک ایستردیک:

عربچه:         "عن أبي الحواري عن عبد الله بن محمد بن فارس بن ماهويه عن اسماعيل بن علي النهرواني ، عن ماهان الأبلي ، عن المفضل بن عمر الجعفي عن الصادق ( عليه السلام ) ان أمير المؤمنين كان حوله من جهة الأنبار في بني مخزوم ، وان انسانا منهم أتاه فقال له يا خالي ان صاحبي وتربي مات ضالا وأني عليه لحزين ، قال أمير المؤمنين ( عليه السلام ) : اتحب أن تراه ؟ قال : نعم ، قال : فلبس بردة رسول الله ( صلى الله عليه وآله ) وخرج معه الى أن اتى الى قبر ، فركض برجله القبر فخرج الرجل من قبره وهو يقول : ويله وبيه سلان ، فقال له اخوه المخزومي : أولم تمت وانت رجل من العرب ؟ قال كنا على سنة ابي بكر وعمر في العربية ، ونحن اليوم على سنة الفرس فليست ألسنتنا على دين الله بالعربية فقال له أمير المؤمنين ( عليه السلام ) : ارجع الى مضجعك وانصرف المخزومي معه فكان هذا من دلائله ( عليه السلام )"(5).

فارسچا ترجومه سی:                

-    ".... شخصی از طایفه بنی محزوم نزد امام علی آمد و گفت:

-          یکی از بستگان من به جهالت زیست و مرد، از حال او نگرانم.

-           حضرت پرسید آیا دوست داری او را ببینی؟

-          گفت : بلی.

-         آن مرد با حضرت علی بر سر مزار آمدند حضرت علی پایش را بر قبر زد و مرد از مزار خود خارج شد و شروع کرد به زبان فارسی سخن گفتن.

-           حضرت پرسید: - مگر تو هنگام مرگ یک مرد عرب نبودی؟

-          گفت چرا؟ لیکن من از ابوبکر و عمر تبعیت کردم به همین جهت بعد از مرگ زبانم تغییر یافت".

اوسته کی حدیثه (شیعه لیک آدینا حضرت علی نیسبت وئریلن حدیثه) گؤره شیعه اولمایان مسلمانلار دا شیعه اولمادیقلاری اوچون جهّنمه گئتمه لیدیرلر. دئمک، آچیق سؤزله دئییلیرسه، عرب دیللی شیعه اولمایانلار دا اؤلدوکلریندن سونرا فارس دیللی و جهّنم اهلی ساییلمالیدیرلار (اسلامی روایتلره گؤره قیامتده هامی عرب دیلینده مأمورلارا حئسابات وئرمه لیدیر. بئله لیکله اؤلندن سونرا بیری نین دیلی نین عربچه دن فارسچایا دگیشیلمه سی اونون جهّنم اهلی اولماسی دئمکدیر). بو حدیثه گؤره فارسچا جهّنم دیلی ساییلمالی ایمیش!!

فارس شعوبیه چیلری و شیعه لیک آدینا ایسلامیتی سیاسته قوربان وئرمک ایسته گنلرین کسیشدیگی (اورتاق اولدوقلاری) نوقطالار مارکسیستلرین تئوریلرینه اساسن "هدف وسیله نی توجیه ائدر" تئزینی وورقولاماقدان عیبارتدیر. بو تئوریه اساسن هر شئی هدف اوچون اولمالیدیر.

دئمک، فارس شعوبیه چیلری عربلری سلطنتدن ایندیرمک اوچون دینی سیاسته قوربان ائدیردیلرسه، شیعه لیک آدینا بعضی سئکتاریستلر ده ایسلامیتی قوربان وئرمک ایسته میش مقامدا یئر آلمیشلار. بو مسئله نی آیت الله هاشمی رفسنجانی دا یوموشاق بیچیمده وورقولامیش. او شعوبیه یئرینه موالی ایفاده سیندن فایدالانماغا چالیشمیشدیر (1). فارس شعوبیه چیلیگی و شیعه لیک آدینا سئکتاریستلیک گؤروشلرین بوگون ایران ممالیکی محروسه سینده بیرلشدیگینی نظره آلارساق، بعضی لرین ایفاده ائتدیکلری "شیعه و فارس زبان بودن نشان بارز ایرانی بودن" مسئله سی اورتایا قویولموش اولار. بوگون "فارس شعوبیه چیلیگی" آشاغیداکی قوللارا بؤلونور

1-      جبهه ملی، حزب پرگهر، حزب ملت ایران (فارس)

2-      نهضت آزادی، ملی و مذهبیها و مجاهدین خلق

3-      انجمن حجتیه.

بیلیندیگی کیمی اوسته کی قوروپلارین فیکیر نماینده لری موختلیف آدلار آلتیندا فارس ایداره اورگانلاریندا و حاکیمیت داییره لرینده ایشه مشغولدورلار. بئله لیکله فارس اولمایان ائتنوسلار (تورک، عرب، کورد، بلوچ، تورکمن، لور، گیلک، تالیش و ساییره لرین) اؤزلرینی درک ائتمه دیکلری تقدیرده اؤزلرینی بو راسیستلر و سئکتاریستلرین قارشیسیندا قوروماقلاری گئرچکدن ده اولدوقجا چتیندیر. یئری گلمیشکن دئییلمه لیدیر: ایران ممالیکی محروسه سی نین اکثریتی شیعه اولدوقلارینا باخمایاراق فارسلار بو ممالیکی محروسه ده آزلیق تشکیل ائدرلر (6). بونلارا باخمایاراق ایران ممالیکی محروسه سینده 1925 اینجی ایلدن بری فارسلیق سیاستی یئریدیلمکده دیر. بو فارس دا ایجتماعیتی نین اوز قاراسیدیر.

قایناقلار:

1                    علی اکبر هاشمی رفسنجانی: صفویه معلول حضور شیعه در ایران بود، نه علت آن:

http://www.inet.ir/?lang=fa&page=showbody_news&row_id=745 و یا: http://www.zoom.ir/?lang=fa&page=showbody_news&row_id=745

2      بانک مرکزی جمهوری اسلامی ایران، انتشار اسکناس پنجاه هزار ریالی:

http://www.cbi.ir/showitem/3540.aspx

3        ابو عبدالله محمد بن اسماعیل بخاری 194 ایلینده بخارا شهرینده (اورتا آسیادا) دونیایا گؤز آچدی، اوشاقلیقدا آتاسینی الدن وئره رک آناسی کؤمگی ایله بؤیودو. 10 یاشیندا حدیث ازبرلمگه باشلایاراق 16 یاشیندا آناسی و قارداشی ایله مککه یه مهاجرت ائتدی. 6 ایل مککه و مدینه ده یاشادی. بو ایللرده دینی زمینه ده عئلم اؤیرنمگه چالیشدی. او حدیث توپلاماق و عئلم اؤیرنمک اوچون شام، میصیر، الجزاییر، بغداد، بصره یه و خراسانا گزیلر (سفرلر) دوزنله دی. نیشاپوردا اولارکن محمدبن یحیی دهلی ایله آرالاریندا فیکیر آیریلیغی اورتایا چیخدی. بخاری چوخلو عئلمی چالیشمالاردان و گزی (سفر) لردن سونرا دوغما شهری بخارایا گئری دؤندو. بخارانین والیسی خالد بن احمد  زمینو ایله البخاری آرالاریندا اولان اختلافلاردان یانا او سمرقند شهرینه سورگون ائدیله رک 62 یاشیندا 256 ه. ق. تاریخینده دونیاسینی دگیشدی (باخ: هدی الساری، مقدمؤ فتح الباری، ابن حجر عسقلانی، دارالمعرفة، ص 478 و 494). البخاری 18 کتابین یازاری ایدی. اونلارین داها اؤنملیسی "الجامع الصحیح البخاری" آدلی کیتابدیر. باشقا کیتابلار بونلاردیر: التاریخ الكبیر، التاریخ الأوسط، التاریخ الصغیر، خلق أفعال العباد، الضعفاء الكبیر، أسامی الصحابة، المبسوط، المسند الكبیر، الضعفاء الصغیر، و مختصر من تاریخ النبی(ص) و ساییره.

4        ابو جعفر، محمد بن یعقوب بن اسحاق کلینی رازی، شیعه عالیملری نین بؤیوگلریندن بیری 259 ه. ق. ایلینده کلین کندینده، ری شهری نین یانیندا دونیایا گؤز آچدی. آتاسی یقعوب بن اسحاق اونو ایسلام مدنیتی ایله تانیش ائتدی.  کلینی قم شهرینده احمد بن محمد بن عیسی اشعری محضرینده شاگیرلیک ائتدی. سونرا حدیث توپلاماق اوچون قم شهریندن باشقا شهر و کندلره گزییه (سفره) چیخدی. بو گزیده کلینی کوفه شهرینه ده گئتدی. بئله لیکله کلینی بو گزیلرینده 100000 حدیث توپلامیش اولدو. اؤنملی اثرلریندن بیری ده "رجال این عقیده" آدلی کیتاب ساییلیرمیش (بوگون ائتمیش دئییلیر). کلینی آشاغیداکی اثرلری یازمیش: کتاب کافی، کتاب رجال، کتاب رّد بر قرامطه، کتاب رسائل ائمه علیهم السلام، کتاب تعبیر الرؤیا، مجموعه شعر. کلینی 70 یاشیندا 329 ه. ق. ایلینده دونیاسینی دگیشدی.

5         الحسین بن حمدان الخصیبی، الهداية الكبرى (به عنوان شاخص غلات شیعه)، صحیفه 159، یازیلمیش 334 ه. ق.، چاپ بیروت (لبنان)، 1991 میلاد. و باخینیز: کلینی کتاب اوصول کافی.

6         ایرانداکی دیللر: Languages of Iran: :

ایشیق سؤنمز 20.03.2007

ايستعمار