فارس دیل و ادبیات قورومو مدنی و ادبی اینسانلارین یئری می یوخسا فارس ایستعماری خیدمتینده اولان شیّادلارین یئری؟

بیلیندیگی و آدیندان بللی اولدوغو کیمی دیل و ادبیات قورومو سیاستدن اوزاق دیلچی و ادبیاتچی اینسان و شخصیتلری اؤزونده باریندیرمالیدیر (یئر وئرمه لیدیر). بو باخیمدان فارس دیل و ادبیات فرهنگیستانینداکی شخصلری گؤزدن کئچررکن ایران ممالیکی محروسه سینده فارسچی و تمامیتچیلیک سیاستینه اویقونلانمیش بو قورومداکی بعضی ذاتی عالیلرین تانیغی (شاهیدی) اولوروق. فارس بیلیم اوجاقلاری (کانونلاری) تمامیتچی فارس شوونیست آخینلار اینحیصاریندان اؤزونو قورویا بیلمه میشدیر دئیه دوشونورسک، او زامان کئچمیش 80 ایلده ایران ممالیکی محروسه سینده فارس دیلینی ایران ممالیکی محروسه سی نین رسمی دیلی دئیه اؤزلرینه تشکیلات و مطبوعات دیلی ائتمه گه چالیشان اینسانلار آراسیندا فارس شوونیزمیندن اؤز عمل ویجدانلارینی قورویا بیلن اینسانلاری دونیا ایجتماعیتینه گؤسترمک بیر اینسانی وظیفه کیمی گونون مسئله سی اولاراق اؤز گونجللیگینی قوروموش اولار. بو باخیمدان فارس تشکیلاتلاری و ادبی شخصلری دئیه بیلیکیوردلارینداکی (اونیوئرسیته لرده کی) کادرولاری نظردن کئچیردیکده اینسانلار شوونیست سیستیم ایله تربیه اولدوقلاری فارس ایجتماعیتینده شوونیست اولمایاجاق اینسانلارا تانیق اولماق و اونلارلا اوزلشمک اولمایاسی (غیر ممکن) بیر مسئله دئیه تابلو کیمی گؤز اؤنونده سرگیلنمیش اولار. بو دئدیکلریمیزی اساسلاندیرماق اوچون فارس دیل و ادبیات فرهنگیستانینا گؤز گزدیرمک یئرسیز اولماز دئیه دوشونمه لی ییک(1). فارس فرهنگیستانینداکی اینسانلارین آد لیسته سینه، اونلارین اؤز کئچمیشلرینه و عمللرینه باخدیقدا بو قوروم فارس شوونیستلری نین آنا یووالاریندان بیری کیمی سرگیلنمیش اولور. بو لیسته ده 3 نفر تورک بیلن آنجاق دیل، مدنیت و شخصیتلری فارسچا ایله شکیللنمیش اینسانلارین تانیغی اولاریق. بو 3 نفره قارشین 2 تاجیکیستان وطنداشی (محمدجان شکوری دوغوم یئری بللی دئییل (13) و محمدحسین یمن، دوغوم یئری چاريكار ولايت پروان)14) و بیر افغانیستان وطنداشی، سید فضل الله قدسی، دوغوم یئری مزار شریف افغانیستان نین تانیغی اولاریق (15). دئمک، بو قوروم آدیندان بللی اولدوغو کیمی ایران دیل و ادبیات قورومو دئییل، فارس دیل و ادبیات قورومودور. آنجاق سؤز مملکتی ایداره ائتمه مسئله سینه گلدیکده فارسی دیلی نین آدی جیمفنگ (گؤزدن یوخ اولماق) اولاراق ایران دیلی دونونا بوروندورولموش اولور. بونلارا باخمایاراق بو قورومدا امک وئرمیش و تقدیره لاییق گؤرونموش نصرالله پورجوادی ذات عالیلرین آذربایجان میللی مسئله سینه یاناشماسینی گؤزدن کئچیرمک فارس شوونیزم اورگانلارینی تانیماق اوچون اولدوقجا فایدالی اولار دئیه دوشونمه لی ییک. بو باخیمدان نصر الله پورجوادی نین نه تیسپیر مووجود اولدوغونو دا شکیل  اولاراق گؤرمک اوخوجولار اوچون پیس اولماز نظره گلدی.بو قویون کورکونه بورونموش قورد ماهیتیلی مووجودلار اؤز حدلرینی آشاراق باشقا میللتلرین دیل و مدنیت و کیملیکلرینی یوخ ائتمک اوچون ایسلامیتدن بیر ساققال، عئلیم و بیلیم اوجاقلاریندان دا بیر عنوان اوغورلاماغا چالیشمیشلار. بو ذات عالیلرین نظرینجه بو ایکی آراچ و گه رچ اونلارین میللتلر علیهینه حیاتا کئچیردیکلری کولتور سوی قیریمی (نسل کشی فرهنگی) عمللرینه برائت قازاندیرمیش اولور. بو ذات عالیلر ایران ممالیکی محروسه سینده کیلیدی اورگانلاری الده توتماق اوچون هر بیریسی مصلحت گؤروندوگو سایدا ایداره لرده مسئول مقام کیمی گؤرونه بیلرلر، اؤرنک اولاراق حداد عادل کئچمیشده فارس دیل و ادبیات فرهنگیستانی نین رئیسی، بوگون بو قورومون رسمی عضوو (16) و ایسلام شورا مجلیسی نین رئیسی، علی اکبر هاشیمی بهرمانی رفسنجانی شورای عالی اینقلاب فرهنگی نین عوضوو، مصلحت تشخیص نیظامین رئیسی، حسن حبیبی شورای عالی اینقلاب فرهنگی نین عوضوو و فارس دیل و ادبیات فرهنگیستانی نین رئیسی(17). گؤروندوگو کیمی بونلارین بیر چوخو آیری سیاسی کورسیلرین مسئولو و میللت وکیللری ائتیکئتی داشیمالارینا باخمایاراق بیر چوخو ایستر شورای اینقلاب فرهنگی، ایسترسه ده فارس دیل و ادبیات فرهنگیستانی نین عوضوو ساییلیرلار. نصرالله پورجوادی ده بو ذات عالیلردن بیریدیر. او "ختنه آذربایجان" آدلی مقاله سینده آذربایجانلیلاری تورک اولدوقلاری و کیملیکلرینی فارس شوونیزمی قارشیسیندا مدافعه ائتمک آرزوسوندا اولدوقلاری اوچون اولانلاری قونشو، قارداش میللت و قارداش دؤلتلره نیسبت وئرمه گه چالیشمیشدیر (2). فورصتی الدن وئرمه دن نصرالله آغانین پورجوادی وعظلرینه گؤز گزدیرک و فارس دیل و ادبیات قورومونون هانکی آشامادا (مرحله ده) اولدوغونو اؤیرنمیش اولاق، اوخویوروق:

" آيا ديده‌ايد كه پسربچه‌ها را چگونه ختنه مي‌كنند؟ امروزه نوزادان پسر را اكثرا در همان روزهاي اول در بيمارستان ختنه مي‌كنند. ولي در قديم، همان‌طور كه بسياري از ما خوب يادمان هست، پسربچه‌ها را در سن شش ـ هفت سالگي در خانه ختنه مي‌كردند. مجري اين عمل هم دلاكان بودند. بچه‌هايي كه تا سن شش ـ هفت سالگي هنوز ختنه نشده بودند وقتي اسم ختنه مي‌آمد، پشت‌شان مي‌لرزيد. خدا نصيب نكند! از حجامت كردن بدتر بود؛ و وقتي كه روز موعود فرا مي‌رسيد، معمولا چند پسربچه را (به عدد فرد) از در و همسايه جمع مي‌كردند در يك خانه، و آن خانه مي‌شد مثل خانه حجامتي‌ها. بعضي گريه و شيون مي‌كردند، التماس مي‌كردند و بعضي فرار مي‌كردند. ولي فايده‌اي نداشت. مي‌گرفتند و مي‌بردند، و در حالي او را به رختخواب مي‌بردند، در گوشش افسون و افسانه مي‌خواندند، كه نه بابا چيزي نيست، كسي كاري با تو ندارد، بيا اين شيريني را بگيرد، ببين اين اسباب‌بازي چقدر قشنگ است، فردا هم برايت يكي ديگر مي‌آورم، آفرين پسر خوب، بخواب بابا، چه پسر خوبي، هيچ كس با تو كاري ندارد. و پس از اين‌كه بچه را مي‌خواباندند و شلوارش را پايين مي‌كشيدند، آخرين حيله را هم مي‌زدند و مي‌گفتند: نگاه كن آن بالا را، چه گنجشكي! و تا بچه بالا را نگاه مي‌كرد، استاد دلاك كه در تمام مدت كمين كرده بود در يك چشم به هم زدن پيش مي‌آمد و مي‌بريد. اين تمثل را يكي از نظريه‌پرداران پان‌تركيسم براي الحاق آذربايجان ايران، يعني شهرهاي تبريز و اردبيل و سراب و مراغه و ميانه و خوي و سلماس و اروميه و زنجان، و بعد هم قزوين و همدان تا شيراز (چون حافظ خودش گفته آن ترك شيرازي) به كشور بزرگي كه در آينده به نام نامي همه تركان عالم تاسيس خواهد شد، به كار برده است."(3)

اوسته گؤروندوگو کیمی نصرت الله پورجوادی لر فارس اولمایان دیل و مدنیتلره اؤنم وئرمک یئرینه اونلارین میللی و اینسانی ایستکلرینی لوث ائتمه گی اؤزو اوچون آماج گؤتورموش و ادبیات دیلیندن اوزاقلاشاراق کوچه بازار دیلینه یؤنتمیشدیر. بیلیندیگی کیمی "ختنه" ائتمه مسئله سی یهود و ایسلامیت ایجماعلاری اوچون قاچینماز بیر مسئله دیر. آنجاق اونو وسیله ائده رک ایران ممالیکی محروسه سینده میللتلر مسئله سینی لوث ائتمه گه چالیشماق شوونیست اولمانین قاباریق گؤرونتوسو ساییلمالیدیر. دئمک، ایران ممالیکی محروسه سینده یاشایان میللیتلره باغلی اولان اینسانلار (ائرمنی آزلیغی بو مسئله یه شامیل اولمور) ایستر ایسته مز اوغلان اوشاقلارینی ختنه ائتمه گی اؤزلری اوچون سیاسی و میللی بیر وظیفه دئییل، بیر دینی وظیفه کیمی قبول ائدر و بو دوغرولتودا آذربایجانلیلاری اؤزلریندن هئچ ده آرتیق مسلمان قبول ائتمک ایسته مزلر. دئمک، نصرالله پورجوادی لرین بئینی نی قورجالاماقدا و بوزوشمکده اولان زلیچیلیک (زالو اولماق و قان سورماق فیکیری، فارس ایستعماری) فیکیری ایران ممالیکی محروسه سینده کی آذربایجان تورکلری نین میللی بیلینجلری نین گلیشمه سی عوجوباتیندان دینی، سیاسی و مدنی موضوعلاری بیر بیرینه قاریشدیراراق آذربایجان میللی فعاللارینی بوش سؤزلر ایله قونشو، قارداش میللت و مملکتلره نیسبت وئرمه گه زورلامیش گؤرونور. اوسته گؤروندوگو کیمی بو ذات عالی نین  نه ایددعا ائتدیگی شخص، نه ده بو ایفاده لرین آلیندیغی قایناق (منبع) بللی!!!. یئری گلمیشکن ایران ممالیکی محروسه سینده کی آذربایجان تورکلری نین ائتنیک و تاریخی یاشادیغی بؤلگه لری بیر داها ایجتماعیت گؤزو قارشیسیندا سرگیله مه لی ییک.

1- دؤرت گئن (چهار ضلعی) اولوشدوران تهرانین ری – همدان- بیله سووار- قاراکیلیسا مسافه سی ایچریسینده کی و اونلارین قونشولوغونداکی تورپاقلاردا یاشایان آذربایجان تورکلری؛

2- خوراساندا کومپاکت حالیندا یاشایان آذربایجان تورکلری؛

3- فارس ویلایتینده یاشایان قاشقای - آذربایجان تورکلری.

بونلارین یانی سیرا ایران ممالیکی محروسه سینده ائتنیک و تاریخی آذربایجان تورپاقلاریندان آیری و اوزاق دوشموش آذربایجان تورکلری باشقا میللتلر (فارس، عرب، لور، کورد و ساییره) ایچره (آراسیندا) آزلیق اولاراق یاشاماقدادیرلار. بونلار او توپلوملارداکی آذربایجان میللتینه منسوب اولان میللی آزلیق ساییلمالیدیرلار (اؤرنک اولاراق کیرمان اطرافینداکی افشارلار، ایصفهان، مازندران، لوریستان و  کیرمانشان و ساییر ویلایتلرده کی  یاشایان آذربایجان تورکلری). دئمک، نصرالله پورجوادی ایددعا ائتدیگی شیراز شهری فارس دیل و مدنیتینه عایید گؤرونور. آذربایجان میللتی نین دیل و مدنیتی فارس ایستعماری آلتیندا یاساقلانمیش دورومدا قالدیغی موددتجه هئچ بیر آذربایجانلی پاسارگاد و تخت جمشید خرابه لرینی زیارت ائتمک آرزوسوندا دا اولماز دئیه دوشونمه لی ییک. اؤز گله جه گینه حاکیم اولما مسئله سینه گلدیکده میللتلر اوچون باغیمسیزلیق (ایستیقلالیت) اینسان و مووجودلارا لازیم اولان سو کیمی حیاتی بیر مسئله دیر. قونشو خالقلار ایله بیرلیکده یاشاما مسئله سی ایسه فارس شوونیستلیگی اساسیندا دئییل، آنلاییش، قارداشلیق و برابرلیک اساسیندا بیر سئچیم (اینتخاب) کیمی دوشونولمه لیدیر. اونو قبول ائتمک ده اولار، ائتمه مک ده! مسلمانلیق فیکیرینی اساس گؤتورورسک، فئدرال بیر سیستیمی ایستیقلالیتدن سونرا قبول ائتمک مستحب (واجیب اولمایان) ناماز حؤکمونده ساییلمالیدیر. مستحب نامازی قیلسان دا اولار، قیلماسان دا!  گئنه ده اوخویوروق:

" اين جناب، كه اسمش را من فراموش كرده‌ام گفته است كه كشور تركيه و پان‌تركيست‌ها نبايد اهالي آذربايجان را از جدا كردن شهرها و استان‌هاي آنان از ايران بترسانند. بايد بگويند كه چيزي نيست. كسي با شما كاري ندارد. كسي نمي‌خواهد آذربايجان را از ايران جدا كند. و بعد شيريني و اسباب‌بازي و نقل و نبات همان بورس‌هاي تحصيلي است كه بايد به جوانان ترك زبان بدهند، دكتراي افتخاري به آذربايجاني‌ها بدهند، كنفرانس برگزار كنند و آنان را با عزت و احترام به تركيه و باكو دعوت كنند، هزينه‌هاي مسافرت ايشان را به آن كشورها بپردازند، از چاپ كتاب‌هاي آنان و اشعار آنان به تركي حمايت كنند، و پس از اين‌كه اين نوع فعاليت‌هاي فرهنگي و قصه‌گويي‌ها كار خود را كرد، در يك لحظه ارتش آنان برق‌آسا وارد عمل شود و كار را تمام كند."(3).

گؤروندوگو  کیمی بورادا نصرالله پورجوادی حضرتلری ایپین اوجونو ایتیرمیش گؤرونور. دئمک، آذربایجان ایجتماعیتینی اؤز میللی منلیک و کیملیبگیندن اوزاق ساخلاماغا چالیشانلار تورکیه و اونون میللیتچی کسیمی دئییل، ایران ممالیکی محروسه سینده کی فارس اولمایان میللیتلره اؤزلرینی ولی وصی بیلن و ایرانیت آدی دالیندا گیزله نن تمامیتچی فارس شوونیست و فاشیستلریدیرلر. دئمک، شیرینی و نقل و نبات مسئله سی (باخ اوسته) آذربایجان ایجتماعیتینه عایید اولاجاق بیر مسئله دئییل، بو مسئله فارس شوونیستلرینه عایید اولاجاق بیر مسئله دیر. بیلیندیگی کیمی ایران ممالیکی محروسه سینده کی آذربایجان تورکلری نین میللی حرکتی دیل و مدنیته اساسلانمیش بیر مسئله دیر. دئمک،آذربایجانلیلارین منلیک و کیملیک مسئله لری فارس شوونیستلری نین کورکونه بیره سالمیش مقاما چاتمیش گؤرونور. بو آشامادا (مرحله ده) فارس شوونیستلری آذربایجان میللی فعاللارینی قونشو، قارداش دؤولت و میللتلره نیسبت وئرمه گه و اونلارین دیل و مدنیتلرینی یوخ ائتمه گه چالیشمالارینا باخمایاراق آذربایجان میللی فعاللاری دیل و مدنیتلری نین فارس شوونیستلری طرفیندن تاپدالانماسینا داییر ایران ممالیکی محروسه سینده کی مرکزی حاکیمیته، دونیا ایجتماعیتینه، دونیا بشر حقوقلاری تشکیلاتلارینا و بیرلشمیش دؤولتلر تشکلاتینا شیکایتلر آدرسله مه گه چالیشیرلار.

اوسته گؤروندوگو کیمی نصرالله پرجوادی ذات عالی ایران ممالیکی محروسه سینده کی تورکلرین تورک اولدوقلارینی قبول ائتمک ایسته مه یه رک اونلاری تورک دئییل، تورک دیللی (باخ: جوانان تورک زبان) قلمه آلماغا چالیشیر. دئمک، بو ذات عالیلر هر اینسان و میللتین اؤزونه عایید بیر آنا دیلی اولدوغونو دا قبول ائتمک ایسته میر. بونلارا باخمایاراق تورک دیللی بیر اینسان دیل و مدنیت باخیمیندان تورک، فارس دیللی بیر اینسان دا فارس ساییلار. آنجاق فارس ایستعمار ادبیاتیندا تورک دیللی نین تورک اولمادیغی، عرب دیللی نین عرب اولمادیغی، بلوچون بلوچ اولمادیغی مسئله سی و ساییره... فارس تمامیتچی فیکیرلرده اؤز عکسینی تاپمیشدیر. فارس ایستعمار فیکیرینه اساساً ایران ممالیکی محروسه سی تورپاقلاریندا بیر دیل، بیر میللت و بیر دؤولت حؤکم ائتمه لیدیر، او دا فارس دیل و مدنیتینه اساسلانمیش دؤولت و میللت اولمالیدیر. بو تئوریدن یولا چیخاراق فارس دیلی ایران دیلی، فارس موسیقیسی ایران موسیقیسی، فارس مدنیتی ایران مدنیتی آدلانماسینا باخمایاراق سایی فارسلاردان چوخ اولان ایران ممالیکی محروسه سینده یاشایان آذربایجان میللتی نین دیل و مدنیتی  دانیلیر و محلی آدلاندیرماغا چالیشیلیر.

ایفتیخاری دوکترا عنوانی آلماق و وئرمک مسئله سینه گلدیکده بیلیندیگی کیمی بو مسئله دونیا چاپیندا حیاتا کئچمیش بیر مسئله دیر. اؤرنک اولاراق کئچمیشده رحمتلیک پوروفسور دوکتور گئرهارد دؤرفئره تورکولوژی بیلیم آلانیندا وئردیگی امکلری نظره آلاراق بوداپئست اونیوئرسیته سی طرفیندن افتیخاری دوکترا عنوانی وئریلمیشدیر. بئله لیکله گئرهارد دؤرفئر پروفسور دوکتور دوکتور عنوانینا مالیک اولموشدور و ساییره. بو مسئله کیمسه نی قیجیقلاندیرمادیغی نین یانی سیرا، ماجارلارا بو اینسانی بورجو یئرینه یئتیردیکلری اوچون تورکولوژی بیلیم اوجاقلاری طرفیندن تشکور ده ائدیلمیشدیر. آنجاق بو مسئله (ایفتیخاری دوکتورا عونوانی کیمسه یه وئرمه) فارس شوونیستلری نی ناراحات ائدرسه، بو دونیا ایجتماعیتی نین دئییل، فارس شوونیستلری نین شوونیستلیک مسئله لری ساییلمالیدیر. ایران ممالیکی محروسه سینده تورک میللی کیملیک و منلیک حرکتی و اونلارین فارسجا - تورکجه فرهنگی چالیشمالاری مسئله سینه گلدیکده بو مسئله ایسلام جومهوریسی آنایاساسی نین 15 اینجی بندینده تانینمیش آنجاق فارس شوونیستلری طرفیندن قصب ائدیلمیش نسبی حاقلارین یوزدن بیری ده دئییلدیر. بیلیندیگی کیمی ایسلام جومهوریسی نین آنا یاساسینا اساساً اؤز دیلینده یازیب اوخوما، اؤز دیل و مدنیتی نی گلیشدیرمه ایران ممالیکی محروسه سینده یالنیز آذربایجان میللی فعاللاری اوچون دئییل، بوتون توپلوملار اوچون بو میللی و مدنی حاقلار قبول ائدیلمیشدیر. بونلارا باخمایاراق فارس دیل و ادبیات فرهنگیستانیبندا و شورای انقلاب فرهنگیده شوونیستلیک اوزره امک وئرمیش و کئچمیش ایران جومهور رئیسی سید محمد خاتمی جنابلاری طرفیدن مدالیایا لاییق گؤرونموش نصرالله پورجوادی بو مسئله نی نه اوچون بیلمک ایستمیر(4) دئیه تهران حاکیمیتی نی فارس شوونیزمی نین خیدمتینده اولدوغونو قبول ائتمک ایسته مه گنلر بو دوغرولتودا داها آرتیق دوشونمه لیدیرلر دئیه دوشوندوکده کئچمیش یازیلاردا مزدک بامدادان ایمضاسی ایله اوخودوغوموز فیکیر، فارسلارین تولکولوگو، زیرک اولما مسئله سی، اورتایا چیخمیش اولار دئیه دوشونمه لی ییک(5). گئنه ده اوخویوروق:

" . از زردشت كه در اروميه متولد شده بود و از آتشكده‌هاي زردشتيان گرفته تا مسايل جنگ هاي ايران و روس در عهد قاجار و جدا شدن هفده شهر و تقاضاي مردم اران و قفقاز در اوايل قرن بيستم براي الحاق مجدد به ايران و بالاخره نقشه‌هايي كه جمهوري آذربايجان كنوني (اران) و تركيه براي جدا كردن استان‌هاي اردبيل و آذربايجان شرقي و غربي در سر مي‌پروراندند."(3).

اوسته گؤروندوگو کیمی فارس تمامیتچیلری زردوشتو آذربایجانا نیسبت وئرمکله آذربایجانین کئچمیش تاریخینی اؤزلرینه چیخماق و آذربایجانی فارسچیلیق ایشغالیندا دئییل، فارسلارین اؤزلری نینکی کیمی گؤسترمه گه چالیشیرلار. کئچمیش یازیلاردا زردوشتون قوزئی تورکمنیستانین باکتئر و بعضی گؤروشلره اساساً افغانیستانین بلخ شهرلری اطرافیندا دوغولدوغونو و زردوشت اؤزو دین پیامبری دئییل، مزدا دینی نی یئنیله مه گه چالیشان بیر شخص اولدوغونو، آنجاق توپلوملاردا حؤکوم سورن ایقتیصادی قوشوللاری نظره آلاراق مزدا دینی نی موختلیف توپلوملارا اویقونلاتماغا چالیشدیغینی، بئله لیکله یانچیلاری طرفیندن پاداش اولاراق اونا 10 مادیان آت و بیر سایدا آیقیر (ائرکک آت و دوه) وئریلدیگینی و بو آدسیز مزدا یانچیسی اولان ذات عالیه آلدیغی پاداشلاردان یانا، چوخلو دوه لر صاحیب اولدوغو اوچون زامان گئدیشی ایله ساده اینسانلار طرفیندن زردوشت (= قیزیللی دوه صاحیبی یا دوه چی) لقبی وئریلدیگینی، بئله لیکله اونو قیزیللی دوه صاحیبی و دوه چی (="زردوشت") آدلاندیردیقلارینی اورتایا قویدوق (6).

قوزئی آذربایجانا فارس شوونیستلری نین "اران" دئمه مسئله سینه گلدیکده محمود افشار، فارس شوونیستلری نین کئچمیش تئوریسنلری، اؤز یازیلاریندا ایشاره ائتدیگی فیکیرلره اساساً قوزئی آذربایجان کئچمیشده فارس دیل و مدنیتی نین ایستعماری آلتیندا ایمیش!!!، اوخویوروق:

"آران و گنجه و باکی اهالیسی اؤزلرینی یالاندان آذربایجانلی آدلاندیریرلار. آذربایجانلی و آرانلی آراسیندا اولان فرق بو: آذربایجانلیلار اصیل ایرانلی و آذربایجان ایرانین آیریلماز ترکیب حیصصه سیدیر. بونا قارشین قافقاز بیزیم حاکیمیتیمیز و ایستعماریمیز آلتیندا ایدی. بونا باخمایاراق آذربایجانلیلار (گونی آذربایجانلیلار) طرفیندن بیر یانلیش عمل اورتایا چیخارسا ویا بیر تهلوکه باش وئررسه، اونو امانسیز تاپدالاییب، یوخ ائتمه لی ییک" (7).

اوسته گؤروندوگو کیمی قاجار آذربایجان تورکلری ایران ممالیکی محروسه سینه حاکیم اولدوقلارینا باخمایاراق دیل و مدنیت باخیمیندان محمود افشارین فیکرینجه کئچمیشده قوزئی آذربایجان قاجار ممالیکی محروسه سی نین ایستعماری آلتیندا ایمیش!!!. بیلیندیگی کیمی او زامان بوگونکو کیمی نه یایقین تحصیل و بروکراتی سیستیمی وار ایمیش، نه ده کیمسه یه حاکیم دیلی دانیشمادیغی اوچون حیقارت ائدیلرمیش. اوسته لیک ایران ممالیکی محروسه سینده فارس دیلی دیوان دیلی اولدوغونا باخمایاراق تورک دیلی قوشون دیلی اولاراق اؤز مقامینی تاریخ بویو قوروموش ایمیش. آنجاق بوگون فارس ایداره ائتمه سیستیمی نین ایران ممالیکی محروسه سی نین ائتنیک فارس اولمایان ویلایتلرینده حؤکوم سورمه سینی و  او توپلوملار فارس اولمادیقلاری اوچون ایقتیصادی و سیاسی باخیمدان ایکینجی درجه لی وطنداشلیق معامله سینه تابع توتولدوقلاری و یاراماز حالا دوشدوکلرینی و اینسانلاری فارس حاکیمیتی نین مرکز بؤلگه لرینه داشینماغا زورلاندیقلارینی و دولاییلی اولاراق اونلارین یئر آلتی قایناقلارینی ایصفهان دمیر اریتمه و کیرمانین میس کارخانالارینا داشیندیقلاری نین تانیغی اولدوقدا ایران ممالیکی محروسه سینده فارس ایستعماری حاکیم اولماسینا کیمسه نین شک و شوبهه سی قالا بیلمز دئیه دوشونمه لی ییک. بونلارین یانی سیرا قاجار ممالیکی محروسه سی و روسیه چارلیغی آراسیندا اولان ساواشلاری آذربایجان و روسیه ساواشلاری کیمی قلمه آلاراق تبریزده ولیعهد اولان عباس میرزانین روسلار قارشیسیندا یئنیلمه سینی آذربایجان میللتی نی تاریخی یئنیلمه لریندن بیری کیمی قلمه آلمالی ییق. دئمک، قاجار ممالیکی محروسه سی روسلارین قارشیسیندا ساواشی اودوزدوغو و روسلارین آذربایجان اوردو و قوشونلارینا اوستون گلمه سی ندنی ایله قوزئی آذربایجان تورپاقلاری قاجار ممالیکی محروسه سیندن زور ایله آلیناراق روس چارلیغی تورپاقلارینا قاتیلمیش اولدوغو و بو مسئله نی آذربایجان میللتی نین بؤلونمه سی کیمی باشا دوشمه لی ییک. قوزئی آذربایجانین تاریخی آدینا گلدیکده سامانلیلار درباریندا وزیر اولان محمد بلعمی نین یازدیغینا اساساً آذربایجان سرحدلری دربند شهریندن (بوگونکو داغیستاندا ولایتیندن) باشلار و همدان شهرینده سونا چاتار (8). گئنه ده اوخویوروق:

"غير از سخنان دكتر احمدي كه به آن اشاره كردم، چند سخن‌راني ديگر بود كه براي من شنيدني بود. يكي سخن‌راني كاوه بيات بود درباره تقاضاي مردم نخجوان براي پيوستن به ايران. بيات كه مدتي است مشغول بررسي اسناد وزارت خارجه ايران درباره مسايل آذربايجان است مي‌گفت كه اسناد فراواني هست كه نشان مي‌دهد مردم نخجوان پس از فروپاشي روسيه تزاري خواستار پيوستن به وطن اصلي خود ايران بودند. " (3).

پان ایرانیستلرین ایددعالارینا اساساً قوزئی آذربایجانداکی باجی قارداشلاریمیز بیر داها فارس ایستعماری آلتینا دؤنمک ایسته ییرمیشلر!! بیلیندیگی کیمی گونئی آذربایجان ایجتماعیتی فارس دوستاغیندا اولدوغو، میللی و مدنی حاکیمیت اورگانلارینا صاحیب اولمادیغی اوچون گونئی آذربایجان ایجتماعیتی آزادجاسینا نه ایسته دیگینی دیله گتیره بیلمه سه ده، قوزئی آذربایجانلیلار اله گتیرمیش ایستیقلالیت نتیجه سینده هانکی قونشو دؤولت و میللت ایله نئجه موناسیبت قورماق ایسته دیکلرینی آچیقجا ایفاده ائتمه قودرتینه مالیکدیرلر. بیلیندیگی کیمی اونلار سؤویئتلر سیستیمی داغیلما عرفه سینده "آذربایجان بیر اولسون، پایتخت تبریز اولسون" مسئله سینی مطرح ائتمه گه چالیشدیلار. بو کیمی آچیق و آیدین ایفاده لری پان ایرانیست و تمامیتچیلر نیه باشا دوشمور دئیه دوشوندوکده اونلارین گونئی آذربایجان ایجتماعیتینی یوخویا وئمک ایسته دیکلری نین تانیغی اولاریق. گئنه ده اوخویوروق:

" سخن‌راني ديگر كه باز جالب توجه بود، از دكتر هوشنگ طالع بود. طالع تاريخ كوچك شدن ايران را در قرن نوزدهم بيان مي‌كرد. نقشه‌اي كه امروز ايران دارد در طي حدود 63 سال از 1810 تا 1873 ميلادي شكل گرفته است. در اين فاصله علاوه بر هفده شهر قفقاز، هرات و بخشي از افغانستان كنوني، و بخشي از بلوچستان و همه‌ي سرزمين‌هاي خوارزم و فرارود را از ايران به زور گرفته‌اند. پس از آن، مردم اين شهرها خواسته‌اند كه مجددا به وطن اصلي خود ايران بپيوندند و نوعي حكومت فدراتيو ايجاد كنند، ولي قدرت‌هاي استعماري انگليس و روسيه و شوروي مانع شده‌اند. طالع مي‌گفت كه ما نبايد امروزه به فكر الحاق اين شهرها بيفتيم. اين نوع آرزوها در عصر حاضر اصلا عملي و حتي منطقي نيست. ما بايد با زمانه به پيش برويم و حرفي بزنيم كه امروزه در دنيا خريدار دارد. بهترين الگو، اتحاديه اروپاست كه در آن كشورهاي مختلف در عين حال كه زبان و فرهنگ و رسوم و مرزهاي خود را حفظ كرده‌اند، با هم متحد شده‌اند. چرا ما نتوانيم نظير اين كار را با همسايگان خود كه با ايشان مشتركات فرهنگي و تاريخي و ديني و مذهبي فراواني داريم انجام دهيم"

گؤروندوگو کیمی پان ایرانیست محفللری کؤهنه جوراب کیمی ایلمه دویونلری نین بیری سؤکولدوکده بیر بیرینی قویون سوروسو کیمی تعقیب ائتمه گه و بیر بیرینین دالیسیجا آذربایجان میللی منافعی علیهینه چیخیش ائتمه گه باشلاییرلار. هوشنگ طالع پان ایرانیست پارتیسینین ایجراییه کومیته سینی ایداره ائدن بیریسیدیر (9). او آذرپادگان آدلی آذربایجان میللتی نین میللی منافعینی و تاریخینی تحریف ائتمک اوچون بیر اینتئرنئت سایتی آچمیشدیر. او سایتدا پان ایرانیستلیک فیکیر و دوشونجه لری اؤز عکسینی تاپماقدادیرلار. بو آرادا بیر سیرا آلدانمیشلار (نادر پیمایی، منوچهر مرتضوی، فیروز منصوری و ساییره لر) دا بو پان ایرانیست و فارس راسیستلرینه مینیک وئرمکدن چکینمیرلر (10).

پان ایرانیستلرین اتحادیه و بیرلشمه مسئله لرینه گلدیکده بیلیندیگی کیمی آوروپا میللتلری میللی تورپاقلارینا حاکیم اولمالاری اوچون بیر بیرلرینه قارشین کئچن یوز ایللرده امانسیز ساواش آچمیشلار. اؤرنک اولاراق آلمانلار لهیستانلیلار آراسیندا 1800 اینجی ایللرده ایستیقلالیت ساواشلاری (11) ، اینگیلیستان و فرانسه آراسینداکی ایستعماری آنلاشمازلیق ساواشلاری (11.1)، ایکینجی دونیا ساواشیندا متحدلر ایله متفقلرین قارشی دورمالاری وساییره. دئمک، ایران ممالیکی محروسه سینده میللی مسئله حل اولمادان فارس شوونیستلری و تمامیتچیلری نین گؤردوکلری یوخو، آج تویوغون یوخودا داری گؤرمه حئکایه سینی خاطیرلاتمیش اولاجاقدیر. کئچمیشده محسن رضایی ده بئله بیر فیکیرلری اورتایا آتماغا چالیمیش ایدی (12). گؤروندوگو کیمی پان ایرانیستلرین معجونلاری و ضد آذربایجانلیلاری بیر بیرینی دابانلایاراق آذربایجان کیملیک و منلیک علیهینه ضربه وورماقدا جیلوو گمیرمه گه باشلامیشلار. یامان دئگن گئدیر، تهدید ائدن گلیر. تهدید ائدن گئدیر، کسک آتان و داش آتان گلیر، صاباحیسی نه گله جک، اونو دا زامان گؤستره جکدیر. گئنه اوخویوروق:

" عنايت‌الله رضا درباره زبان‌هاي محلي و زبان ملي سخن گفت. وي زبان را وسيله‌اي براي ارتباط افراد يك قوم با يكديگر معرفي كرد و گفت هيچ‌كس حق ندارد با هيچ زباني مخالفت كند. در ايران زبان‌ها و لهجه‌هاي مختلفي هست و اين تنوع زباني هم كاملا طبيعي است و چيز بدي هم نيست اما همين تنوع زباني ايجاب مي‌كند كه مردم براي ارتباط با اقوام ديگر، و با مردم شهرهاي ديگر، زبان ديگري را كه زبان ملي است بياموزند "(3).

ایران ممالیکی محروسه سینده فارس دیلیندن باشقا دیل و مدنیتلری هئچ سایماغا چالیشان پان ایرانیستلر بو اوشاق آلداتما شعارلاری ایله کیمی آلداتماق ایستیرلر دئیه هر بیر ویجدانی آییق اینسان دوشونمه لیدیر. دیللر ارتیباط عامیلیدیر دئمه گه چالیشانلار بو دیللرین یاشامالاری اوچون بو دیل صاحابلارینا اؤز دیللرینی یاشاتماق و گله جک نسیللره یئتیرمک اوچون اؤز دیللرینده اوخویوب یازماق ایمکانی تانیمیشلار می و یا تانیییرلار می؟ نه زامانا دک عوامفریبلیک ائده جکلر؟ بیلیندیگی کیمی عنایت الله رضا آذربایجان تاریخینی و میللی بیرلیگینی تحریف ائدنلردن بیریدیر. بو تحریفچی و تمامیتچیلردن فاکت گتیرمه گه چالیشانلار هانکی یووانین قوشو اولدوقلارینی اؤزلری ثابیت ائتمیش اولورلار.

میللی دیل مسئله سینه گلدیکده، فارسلارین دیل و مدنیتلری اؤزلری اوچون عزیز اولدوغو کیمی ایران ممالیکی محروسه سینده کی هر بیر میللتین دیل و مدنیتی اؤزلری اوچون عزیزدیر. نه اوچون فارس شوونیستلری و پان ایرانیستلر ایران ممالیکی محروسه سینده دیل و مدنیت آزادلیغینا مانع اولورلار؟ رضا عنایتین بو ایجاب موجابی نه اوچون اورتایا آتیلیر؟ بو ایجاب و موجابلار هانکی اساس اوزره قورولموشلار؟ بیلیندیگی کیمی رضا میرپنج اینگیلیسلر کؤمگی ایله حاکیمیت چئوریلیشینه باش ووردوغو گوندن باشلایاراق ایران ممالیکی محروسه سینده فارس دیل و ادبیاتی فارس اولمایان میللتلر اوچون تحمیل ائدیلمیشدیر. دئمک، ایران ممالیکی محروسه سینده یالنیز بیر میللی دیل و مدنیتدن سؤز صؤحبت اولابیلمز. حقوق باخیمیندان یولا چیخیلیرسا، فارس دیلی ایران ممالیکی محروسه سی اوچون میللی دیل دئییل، ارتیباط وسیله سی اولماغا دا مشروطیت قازانا بیلمز دئیه دوشونمه لی ییک.

 

قایناقلار:

 

1          فرهنگستان زبان و ادب فارسی: http://persianacademy.ir/azaa.htm

2          اعضای پیوسته فرهنگستان: http://persianacademy.ir/az_javadi.htm

3          نصرالله پور جوادی، ختنه آذربایجان:

http://www.azargoshnasp.net/~iran/recent_history/atoor/khetneyehazarbaijanjavadi.htm

4          فرهنگستان زبان و ادب فارسی، گزارش: http://persianacademy.ir/Khabarnameh/102.pdf

5          http://www.azadtribun.com/x123.htm

6          زردوشت و اویستا: http://www.azadtribun.com/x140.htm

7          محمود افشار، آینده، جیلد دوم، تهران، چاپ دوم 1351، صحیفه 562

8          ابو محمد ابن محمد بلعمی، تاریخنامه طبری، جلد 1، تهران 1366، خبر گشادن آذربایگان و دربند خزران، ص. 534- 529.

9          اختلاف در كادر رهبري حزب پان ايرانيست بر سر رابطه با حزب دمكرات كردستان:مصاحبه راديو فردا با محسن پزشكپور وهوشنگ طالع: http://www.radiofarda.org/iran_article/2005/1/3bf70519-f259-450e-90ec-5707551f2e00.html

10        هوشنگ طالع، http://www.azarpadgan.com/

11        Die Polendebatte in Frankfurt:

http://www.ml-werke.de/marxengels/me05_319.htm

11.1.                                                         Robert Schröder; Kolonialpolitik in Europa von 1871 bis 1906 und ihre Auswirkungen auf die deutsche Innen- und Außenpolitik.

http://www.hausarbeiten.de/faecher/hausarbeit/gev/6227.html

12        پان ایرانیستلرین «ایسلام دینی» نی فارس میللیتچیلیگینه اویونجاق ائتمه سی!: http://www.azadtribun.com/0213.htm

13        فرهنگستان زبان و ادب فارسی، اعضای پیوسته: http://persianacademy.ir/az_shakouri.htm

14        آدی کئچن سیته، http://persianacademy.ir/az_yamin.htm

15        آدی کئچن سیته: http://persianacademy.ir/az_ghodsi.ht

16        آدی کئچن سیته: http://persianacademy.ir/az_haddad.htm

17        آدی کئچن سیته: http://persianacademy.ir/az_Habibi.htm

 

ایشیق سؤنمز  09.102005

 

 

ايستعمار