آذربایجانداکی فارس ایداره اورگانلاری و فارس حاکیمیتی طرفیندن آذربایجانا اینتیصاب اولونان اوزدن ایراق میللت وکیللری!

کئچمیش 85 ایللری نظره آلدیقدا آذربایجان میللی مسئله سی ایران ممالیکی محروسه سینده دیرچلیش گونلرینی یاشاماقدادیر. آذربایجان میللی حوکومتی نین بیر ایل ائتدیگی (1324-1325) حوکومتی نی بو مسئله دن کناردا توتارساق، آذربایجان تورکلری آذربایجان میللی حرکتی و تاریخی نین ان اؤنملی گونلرینی یاشاماقدادیرلار. میللتلرین تاریخینده بعضی گونلر ایللرجه اؤنملی و اهمیتلی ساییلارلار. بو ساعاتلار و گونلر تاریخین میللتلره نسیب ائتدیگی شانسلاردیر. بو گونلری اولدوقدا دوغرو و دوزگون دگرلندیرمک هر میللتین یاشایابیلمه سی اوچون گرکلی ساییلار. بیلیندیگی کیمی شرق آلمانیا توپلومو 1989 اونجو ایلی دعوا و شاواسیز دینج یول ایله روسیه کمونیست پارتیسینا ال آلتی اولموش حاکیمیت اورگانلارینا مدنی یوللار ایله یوخ دئیه رک ایکینجی دوینا ساواشی نتیجه سینده بؤلونموش آلمان توپلومونون بیرلشمه سینه یول آچدیلار. او زامان غرب آلمانیایا صدر اعظم اولان هئلموت کولن بو مسئله نی بئله دگرلندیریردی:

"من لهیستاندا سفرده ایدیم، بون شهرینه (او زامانکی غرب آلمانیانین پایتختینه) گئری دؤنمه می ایسته دیلر. من نه اوچون گئری دؤنمه لی یم؟ بورادا لهیستان مقاملاری ایله سیاسی گؤروشلریم وار دئدیکده، ایکی آلمان (شرق و غرب) تاریخین حؤکمو ایله بیرلشیر دئیه منه جاواب وئردیلر. بو مسئله نی من ائشیتدیکده سئوینجیمدن منه شوک ال وئردی. آرتیق هئچ نه یه اینانمیردیم. ایستالین نین بویوروغو ایله چکیلمیش و کئچیلمز بئرلین دوواری ییخیلماغا باشلامیشدی. بیر چوخلاری بیر عؤمور بیر میللت اوولادلاری نین گؤروشلرینه مانع اولان بئرلین دووراری نین ملزمه لرینی (داش، بوتون و ساییره ملزمه لری) سمبولیک اولاراق پول وئره رک آلماغا باشلامیشدی."

آذربایجان میللی مسئله سینه گلدیکده بوگون ایران ممالیکی محروسه سینده کی گونئی آذربایجانلیلار اوسته ایشاره ائتدیگیمیز دک تاریخلری نین ان اؤنملی گونلرینی یاشاماقدادیرلار. اونلار کئچمیش 80 ایلده اولونموش فارس راسیستلری و شوونیستلری طرفیندن اولونان باسقی و فاشیستلیکلره یوخ دئمگی آرتیق شخصلر بیچیم و قالیبینده دئییل، خالق کیتله سی اولاراق یوخ دئمگه قرار آلمیش گؤرونورلر. آذربایجان میللی حرکتی بیر یانا دورسون گؤرک آذربایجانداکی فارس ایداره اورگان مسئوللاری و میللت وکیللری دئیه کئچمیش 80 ایلده بو ایجتماعیتی آلداتماق اوچون اورتا قویولموش اویوقلار (شبح لر) هانکی یولون قولودورلار. شرق آذربایجانین والیسی آدلانان محمد معمارزاده فاشیستلیک اورگانی اولان "ایران" قازئتی نین مسئوللاری ایله دانیشیقدا دئمیش:

"محمد معمارزاده استاندار آذربايجان شرقى در ديدار با رئيس و مسؤولان خبرگزارى جمهورى اسلامى آذربايجان شرقى گفت: مديريت استان از روزنامه هاى حرفه اى حمايت مى كند و در اين ارتباط راهكارهاى مناسب را براى تقويت آنها مورد بررسى قرار خواهند داد. معمارزاده از روزنامه «ايران» به عنوان روزنامه ملى ياد كرد و گفت: اين روزنامه به عنوان نماد ملى و همبستگى ايرانى نبايد به هيچ وجه تضعيف شود. وى با اشاره به حوادث حاشيه اين روزنامه درپى چاپ مطلبى در ويژه نامه جمعه بيست ودوم ماه جارى يادآور شد: نبايد اجازه داد افرادى به دليل خطاى يك نويسنده ازآب گل آلود ماهى بگيرند و آب به آسياب دشمن بريزند. .... درشرايط حساس كنونى كشور نيازى به جوسازى وهاى و هوى نيست، "(1)

اوسته گؤروندوگو کیمی تهراندان اینتیصاب اولموش والی، محمد معمارزاده حرفه ای "روزنامه لر" دن حیمایت ائدیر و فاشیستلیک اورگانی کیمی تانینمیش "ایران" قزئتینی بیر میللی "روزنامه" کیمی قلمه آلمیش و اونو ایران ممالیکی محروسه سینده کی میللیتلرین بیرلیک سبمولی کیمی قلمه آلاراق اونون تضعیف اولونماسی یول وئریلمزدیر قلمه آلیر و آذربایجانلیلاری اؤز کیملیک و منلیکلریندن دیفاع ائتدیکلری و بو فاشیستی داورانیشلارا اعتیراض ائتدیکلری اوچون اونلاری لیللی سولاردان بالیق توتانلار و دوشمن دگیرمه نینه سو تؤکنلر آدلاندیریر.

اوسته کی ایفاده لرین بیر آز اوزرینده دوراقلادیقدا اؤزونو شرق آذربایجانین والیسی قلمه آلان ذات عالی محمد معمارزاده اصلینده مدنی قازئتلردن دئییل، حاکیمیت اورگانلارینا منسوب اولان قازئته و ژورنالارا اؤز پوستوندا قالماسی اوچون آذربایجان میللتیندن آلینمیش وئرگی پوللاریندان باج وئرمک وعده سی وئریر. آنجاق فارس شوونیست اورگانی بو پول ایله هانکی مصلحتی یوخسا جینایتی ائدر مسئله سی اونو شخص اولاراق ایلگیلندیرمز. بیلیندیگی کیمی میللی سبمول و نیشان دئدیکده بیر میللتین دیل و مدنیتی، گله نک و گؤره نکلری گؤز اؤنونده سرگیلنمیش اولار. ایندیسه گؤرک بو "ایران" آدلاندیریلان قازئت ایران ممالیکی محروسه سینده کی میللتلرین او جومله دن آذربایجانلیلارین میللی دیللرینده آذربایجاندا چاپ اولورمو؟ جاواب: - خئییر! بو گونده لیک آذربایجانلیلارین میللی کیملیک و منلیکلرینه سایقی و حؤرمت ایله یاناشیر می؟ بو گونده لیگین ویژه نامه هفتگی دئیه جمعه گونو 22 ارديبهشت ۱۳۸۵ - ۸ ربيع الثانى ۱۴۲۷" تاریخینده چاپ ائتدیگی " چه کنیم که سوسکها سوسکمان نکنند" مقاله سی صحیفه 15 و نمره سایی ۳۴۶۹ نظره آلیندیقدا گئنه ده جاواب منفی دیر. بیلیندیگی کیمی او مقاله ده آذربایجان تورکلری اینسان دئییل، "سوسک" قلمه آلینمیش و فارس ایجماعسی گرکیرسه آذربایجانلیلاری تنبیه ائتمک اوچون اؤز مدفوعونو آذربایجانلیلاردان اسیرگه مه لی ایمیش(2). گؤروندوگو کیمی بو مقاله ده آذربایجانلیلارین اینسان اولماق مسئله لری سورقو و سؤآل آلتینا آلینمیش. بو مسئله ایتتیفاقی دئییل، بو ایفاده لر کئچمیش 80 ایلده "ترک خر" دئدیکلری ایفاده لرین داوامیدیر. محمد معمارزاده نین "نبايد اجازه داد افرادى ... ازآب گل آلود ماهى بگيرند و آب به آسياب دشمن بريزند" مقوله سینه گلدیکده گؤروندوگو کیمی اؤزونو شرق آذربایجان والیسی قلمه آلماسینا باخمایاراق بو ایفاده لر ایله محمد معمارزاده جنابلاری فارس راسیستلری و تمامیتچی پان ایرانیست قووه لری نین سیرالاریندا یئر آلمیش گؤرونور. والی، محمد معمارزاده ذات عالی نین ائتدیگی ایفاده لرین عئینی سینی مزدک بامدادان آدلی فارس راسیستلیگنه آلت اولموش شخصدن اوخویوروق:

" نژادپرستانی که چهره زشت خود را پشت واژه "هویت طلب" پنهان می‌کنند با همه نیرو به میدان آمده‌اند تا از این آب گل آلود ماهی خود را بگیرند.... لختی نیز به این نیندیشد که آوردن تنها یک واژه در روزگاری که دشمن گرداگرد خانه را گرفته است، بهانه بدست نژادپرستان جدائی خواه می‌دهد تا دست در دست دینفروشان رقص مرگ را بر سر پیکر نیمه جان ایرانزمین آغاز کنند. "(3). گئنه ده محمد معمارزاده آدینا اوخویوروق:

"معمارزاده در بخش ديگرى از اظهاراتش گفت: براى بنده به عنوان خدمتگزار مردم اين پرسش مطرح است كه چرا به رغم پيشينه درخشان و غناى فرهنگى، خطه آذربايجان و تبريز ميل و گرايش مردم و اهل فرهنگ به روزنامه خوانى حتى روزنامه هاى ملى كم است. رئيس دفتر ايرنا در اين ديدار براى آسيب شناسى وضعيت مطبوعات استان و پژوهش درباره علل پايين بودن گرايش مردم به روزنامه خوانى در منطقه را اعلام كرد." (1).

اوسته گؤروندوگو کیمی محمد معمارزاده آذربایجانلیلارین مدنیتلری نین گوجلو اولماسیندان سؤز صؤحبت ائدرکن، فارس مدنیتی نی آذربایجانلیلار اوچون بیر میللی مدنیت دئیه قلمه آلیر، عکس حالدا فارس شوونیستلری نین "ایران" قازئتینی آذربایجانلیلار اوچون بیر میللی قازئته دئیه قلمه آلینمازدی (باخ: معمارزاده از روزنامه «ايران» به عنوان روزنامه ملى ياد كرد 1).  محمد معمارزاده نین تورک اولوب اولمادیغینی بیلمه دیگیمیز اوچون اونون فارس راسیستلری نین دئییشی ایله "سوسک" یوخسا راسیست "آدم!!" سیراسیندا یئر آلدیغینی بلیرله مک بیزه مومکون اولمادی. ایران ممالیکی محروسه سی نین اوستانلار اساسیندا بؤلونموش ویلایت والیلری نین امنیت رئیسی کیمی تانینان وزیر کشور جومهوری اسلامیدن تبریز تظاهراتی علیهینه اوخویوروق:

"مدير كل امنيتي وزارت كشور درباره تظاهرات تبریزگفت: نوع حركتهايي كه در تبريز شكل گرفت فراتر از اعتراض به اهانت صورت گرفته از سوي يك روزنامه، تصور مي شود. اين تجمع بدون مجوز و به صورت غير قانوني برگزار شده است. درگيريها به سمت اوباشگري سوق داده شد.  اجازه نخواهيم داد عده‌‏اي با كارهاي غير قانوني حقوق مردم را تضييع كنند" (5).

بیلیندیگی کیمی بیر مسئله اوزره بیر دؤولتین شهروندلری گؤستری کئچیرمک اوچون مسئول مقاملارا باش ووردوقدا مسئول مقاملار بو مسئله نین نه اولدوغونا باخمایاراق شهروندلرین وطنداشلیق حاقلارینی نظره آلاراق بو مسئله یه  آنلاییش گؤسترمه لی و ایجازه وئرمه لیدیرلر. وزیر کشور بو مسئله نی حاکیمیت اورگانی علیهینه کئچیریله جک بیر گؤستری دئیه شهروندلرینه گؤستری حاققینی قاییل اولماق ایسته مزسه، هر بیر مملکتین شهروندلری اؤز شهروندلیک حاقلاریندان فایدالانماغا چالیشاراق راسیستلیک اورگانلاری طرفیندن حیاتا کئچیریلمکده اولان ایفاده لره اعتیراض ائتمه نی اؤز میللی و مدنی حاققی بیلمه لیدیرلر. دئمک، میللی و مدنی گؤستریلری پولیس گوجلریندن فایدالانماغا چالیشاراق انگللمک داورانیشلاری باش وئره جک حادیثه لره شراییط یاراتمانین بیرینجی عامیلی ساییلمالیدیر. اوسته لیک ایستعماری گوجلر کیمی ایران ممالیکی محروسه سینده کی فارس اولمایان میللتلرین میللی و مدنی ایستک و اعتیراضلارینی پولیس ایجازه سی یوخ دئیه قاباقلارینی آلماق، یازیلمیش آنایاسالارینداکی 15 و 19 اونجو بندلرین ایجرا ائدیلمه سینه داییر 27 ایل بو مسئله دن زامان کئچمه سینه باخمایاراق عمل ائتمه مک و گؤندریلمیش اعتیراض طومارلارینی جاوابسیز قویماق بو ممالیکی محروسه ده کی شهروندلر اوچون مدنی اعتیراض ائتمکدن باشقا هئچ بیر یول قویمامیشدیر. گؤروندوگو کیمی اوباشلیق سؤز قونوسو اولدوقدا بو مسئله شهروندلره عایید دئییل، بیرینجی اوباشلار بیر نیظام و ایتیظام اوچون قبول اولموش آنایاسا کیتابینداکی قانونلاری ایجرا ائتمک ایسته مگنلر ساییلمالیدیرلار.

گؤروندوگو کیمی بو اؤزلرینی آذربایجان والیلری آدلاندیران ذاتلار آذربایجان میللتی اوچون والی دئییل، فارس حاکیمیتی اوچون بیر موزدور و عمال دئیه قلمه آلینمالیدیرلار. بئله لیکله آذربایجانین باشقا ایداره لرینده فارسلیق سیاستینی یئریتمه گه چالیشان باشقا ذاتلار دا محمد معمارزاده لر کیمی موزدورلار سیرالاریندا قلمه آلینمالیدیرلار. دئمک، آذربایجانلیلار اؤز کیملیک و منلیکلرینی یاشاتماق اوچون ایلک نوبه ده فارس راسیستلیک عامیللرینی آذربایجاندا یئرلشمیش ایداره اورگانلاریندان اوزاقلاتمالی، آذربایجان دیلینی بیر حاکیمیت دیلی اولاراق آذربایجان ایداره لرینده و یایین باسین اورگانلاریندا (مطبوعات، رادیو تئلویزیون و ساییره) مدرسه و اونیوئرسیته لرینده ایشه باشلاتمالیدیرلار. عکس حالدا  تهراندا هر حاکیمیتین ایش باشینا گلمه سینه باخمایاراق فارس راسیستلیگی ایستر آذربایجان و ایسترسه ده ایران ممالیکی محروسه سی نین باشقا یئرلرینده حؤکومت ائده جک گؤرونور. آذربایجانلیلار آدینا تهران حاکیمیتی طرفیندن اینتیصاب اولموش میللت وکیللری نین بعضی لری نین فیکیرلری نین بعضی پاساژلارینی نظردن کئچیرمک پیس اولماز دئیه دوشونوروک. اورمیه نماینده سی محمد عباسپورون فیکیرلریندن بعضی پاساژلار اوخویوروق:

"خبرگزاری فارس: محمد عباسپور در گقتگو با خبرنگار فارس گفت: چاپ کاریکاتور و استفاده از کلمات و ادبیات خارج از شئون انسانی، عمدی و سازمان یافته نیست، ..... در شرایطی که آمریکا 75 میلیون دلار برای ایجاد اختلاف بین قومیتها تصویب کرده و اختلافاتی از آن سوی مرزها توسط افراد و نظام های سلطه طلب طراحی شده، نباید هزینه های اینکار در یک روزنامه نمودار شود."(4)

بیلیندیگی کیمی بیر مسئله نین عمدی و غیر عمدی، سازمانی و غیر سازمانی اولماسی باشقا بیر کسین طرفیندن دئییل، سؤز ایفاده اولونموش منبع (سازمان خبرگزاری جمهوری اسلامی) طرفیندن تأیید و تکذیب ائدیلمه لیدیر. آدی کئچن اورگاندا آذربایجانلیلار علیهینه توهین اولوندوغو اوچون اؤزونو آذربایجان نماینده سی کیمی تقدیم ائدن ذات توهین ائدیجی اورگان طرفینده دئییل، آذربایجانلیلار طرفینده یئر آلمالی ایدی. اوسته گؤروندوگو کیمی آذربایجانلیلارین میللی و مدنی اعتیراضلاری محمد عباسپور ذات عالی طرفیندن خاریجی عامیللره نیسبت وئریلمیش اولور. محمد عباسپوردان گئنه ده اوخوروق:

"عباسپور اضافه کرد: مردم آذربايجان از نژادها و قوميت‌هاي اصيل ايراني هستند و زبان تركي با 13 عروض و قافيه، يكي از برترين زبان‌هاي ايراني است. وي افزود: هدف دولت و نظام جمهوري اسلامي ايران، ايجاد وفاق و همكاري، برادري و تعاون بين تمام قوميت‌ها است" (4)

اوسته گؤروندوگو کیم فارس راسیستلیک فرهنگی نین تأثیر داییره سینده اولانلار "نژاد اصیل و قومیت اصیل" مقوله سینی دورمادان تیکرارلامیش اولارلار. بو دئییملر فارس راسیستلیگی نین بو ذاتلارا وئردیگی سوغاتلار ساییلمالیدیر. بیلیندیگی کیمی اینسان اتی یئییله جک و سوتو ایچیله جک حئیوان اولمادیغی و بوتون اینسانلاری باشقا مووجودلارلا قارشیلاشدیردیقدا فیزیولوژیک گؤرونتولریندن علاوه بونلار بیربیرلرینه بنزر اولدوقلاری اوچون اصیل و غیر اصیل دئیه بیر ائتنیک علمی اولاراق قلمه آلینمامیشدیر. اصیل کلمه سیندن منظور آرخائیک (نژادی) اینسان تیپیدیرسه، او زامان فارس راسیستلری ذهنیتلریبنده یاراتدیقلاری اصیللیک دئییل، آفریکاداکی اینسانلار داها دا اصیل ساییلمالیدیرلار! بیلیندیگی کیمی عئلمی تحقیاتلارا اساساً بیرینجی اینسان تیپی آفریقادا قلمه آلینمیشدیر. بو آرادا کیهان قازئتی نین مسئولو کیمی تانینان حسین شریعتمداری آذربایجانلیلارین اعتراضلاری نین علیهینه یازیر:

"در ايران امروز- و ديروز هم- مسئله و معضلي بنام ترك و فارس وجود خارجي نداشته و ندارد. و صاحبان اين دو زبان به اندازه اي درهم آميخته اند كه تفكيك آنها از يكديگر نه فقط غيرممكن بلكه مضحك به نظر مي رسد. امروزه در نظام اسلامي، بسياري از مقامات بلندپايه آذري زبان هستند و تمامي آنها قبل از آن كه فارس يا آذري باشند، خود را مسلمان ايراني مي دانند....  چه كسي مي تواند و يا حق دارد كه في المثل، شهيد باكري، شهيد شفيعي، و هزاران شهيد آذري زبان ديگر را منحصر به هموطنان آذري بداند و به همان اندازه، چقدر مضحك و كودكانه است كه كساني، شهيد همت، شهيد بروجردي و هزاران شهيد فارس زبان را، در انحصار فارس زبان ها تلقي كنند؟ آنان همه فرزندان اسلام و ايران هستند."(6)

اوسته حسین شریعتمداری نین "صاحبان این دو زبان" دئدیگیندن گؤروندوگو کیمی "تورک و فارس" دیللری منظور اولونور. ندنسه حسین شریعتمداری تورک دیلینه تهران حاکیمیتی نین هانکی موناسیبتده اولدوغوندان دانیشماق ایسته میر. فارس حاکیمیتی و ایران ممالیکی محروسه سینده کی میللیتلر آراسی آنلاشمازلیقلار دا ائله بو عوامفریب یاناشمالاردان اورتایا گلیر. دئمک، بو دیللرین (تورکچه و فارسچا دیللری نین) صاحیبلری وارسا، تورک دیلینه نه اوچون اؤنم و اهمیت وئریلمیر؟ تورک دیل و مدنیتی علیهینه فارس راسیستلری طرفیندن توهین ائدیلیر، فارس راسیستلری و فارس حاکیمیتی طرفیندن تورک مسئله سی نه اوچون گؤزدن یاییندیریلماغا چالیشیلیر؟ دئمک، بللی اولدوغو کیمی ایران و ایسلام آدی آلتیندا فارس دیل و مدنیتی قورونور و باشقا دیل و مدنیتلر فارس اریتمه سیاستینه تابع توتولاراق یوخا چکیلیرلر! حسین شریعتمداری گئنه ده یازیر:

"به يقين، اعتراضات اخير نمي تواند از سوي توده هاي شريف آذري زبان باشد و ريشه را بايد در نقطه ديگري جستجو كرده و آن را توطئه اي دانست كه كاريكاتور اهانت آميز- و درخور اعتراض و عتاب- فقط بهانه آن است." (6)

اوسته کی ایفاده لر محمدرضاشاه زامانی و 29 بهمن زامانی آذربایجانلیلار علیهینه آتدیغی ایفتیرالاری خاطیرلاتمیش اولور. دئمک، محمدرضا شاه آذربایجانلیلاری روسیه کمونیستلرینه نیسبت وئریردیسه، جومهوری ایسلامی آدینا دا فارس راسیستلری آذربایجان میللی و مدنی فعاللارینی خاریجی عامیللره نیسبت وئرمه چابالاری داوام ائدیر. اؤزونو فارس حاکیمیتینه اوپوزیسیون کیمی فلمه آلان فارس پوزیسیون تشکیلاتلارینا گلدیکده 9 گون بو مسئله دن کئچمه سینه باخمایاراق بو تشکیلاتلار دا آذربایجانلیلارین حاق سسینی تحریم بلوکاسیندا ساخلاماغا چالیشمیشلار. یالنیز تبریز جماعتی نین فارس شوونیستی علیهینه بئل سیندیران حرکتی بو پوزیسیون تشکلاتلارین تحریمینه سون قویماغا مجبور ائتمیشدیر. بو تشکیلات سیته لریندن بیری ده حزب توده پارتیسینه باغلی اولان "پیک نت" سیته سیدیر، اوخویروق:

"متن مطلب و اساسا خود کاریکاتوری که به آن اعتراض شده را ما چندین بار خواندیم و خود شما هم بارها بخوانید. احتمالا شما هم به همان نتیجه ای خواهید رسید که ما رسیده ایم، یعنی نویسنده بخت برگشته روزنامه ایران، خواسته به زبان کلیله و دمنه در باره مذاکره با امریکا و نامه احمدی نژاد و یا چیزهائی در همین ارتباط ها بنویسد، اما سانسوری که به مطبوعات تحمیل شده، زبانی را در مطبوعات رایج کرده که از این دسته گل ها زیاد در آن به آب داده خواهد شد. اما، این هنوز اصل ماجرا نیست. اصل ماجرا اینست که مردم دلشان از حاکمیت خون است و هر جرقه ای، در هر نقطه ایران می تواند به حریق تبدیل می شود. حتی به بهانه یک کلمه آذری و آن هم به لاتین. همه فهمیده اند، اما حاکمیت یکدست هنوز نفهمیده که ایران به بشکه باروت تبدیل شده است و می رود تا بر سر اولین پیچ و یا با اولین تند باد طعمه جنگ خانگی شود." (6)

گؤروندوگو کیمی موخالیفت پوزو توتان فارس شوونیستلری آذربایجان میللی مسئله سینه گلدیکده تهران حاکیمیتینه پوزیسیون مقامیندا یئر آلمیش گؤرونورلر. دئمک، فارس حاکیمیتیندن ایران ممالیکی محروسه سینده کی میللیتلرین جانا گلمه لری اونلاری فارس پوزیسیون تشکیلاتلارینا یؤنلده جک دئییل. بو مسئله نی فارس شوونیست تشکیلاتلاری اؤزو ده یاخشی بیلیرلر. فارس پوزیسیون تشکیلاتلاری میلیتلر مسئله سی نی بیلمه سه ایدیلر، کئچمیش 9 گون ایچریسینده آذربایجان ایجتماعیتینی تحریم بولوکو آلتیندا ساخلامازدیلار. پیک نت سیته سی نین بو  بوش یوروملارینا جاواب اولاراق آدی چکیلن حیقارت متیندن آلینتیلار وئرمه لی اولوروق:

" اما مشكل اينجاست كه سوسك، زبون آدم حاليش نمى شه. دستور زبان سوسكى هم آنقدر سخته (هنوز هيچ كى درست نفهميده كدوم فعل هاشون ing مى گيره) كه هشتاد درصد خود سوسك هام بلد نيستن و ترجيح مى دن به زبون هاى ديگه حرف بزنن. وقتى سوسكا زبون خودشونو نمى فهمن، شما چه جورى مى خواين بفهمين؟!"(2)

گؤروندوگو کیمی دیل مسئله سینه گلدیکده کلیله و دمنه ده اولان سیچان پیشیک، آصلان و شاغال مقوله لری دئییل، ایکی اینسان توپلوملاری نظرده توتولور. بو قارشی دورمادا کیچیمسه مک آمریکا و فارس تولوملاری آراسیندا اولان ایلیشگیلر دئییل، ایران ممالیکی محروسه سینده یازیب اوخوماقدان محروم اولان تورک توپلومو نظرده توتولور. دئمک "ایران" قازئتی علیهینه داوام ائدن اعتیراضلار آذربایجان میللی مسئله سی نی ایران ممالیکی محروسه سی نین ایستر حاکیمیت، ایسترسه ده پوزیسیون (موخالیف گؤرونمگه چالیشان) فارس تشکیلاتلاری نین ائشیتمز قولاقلارینا چاتدیرمیش اولور.

قایناقلار:

1        محمد معمارزاده: استاندار آذربايجان شرقى: روزنامه ايران به عنوان نماد ملى و همبستگى ايرانى نبايد تضعيف شود

http://www.iran-newspaper.com/1385/850301/html/politic.htm#s620001

2                 سهیل (مانا نیستانی) تقدیم میکند:چه کنیم که سوسکها سوسکمان نکنند:

http://www.iran-newspaper.com/1385/850222/html/children1.htm#s614994

3        مزدک بامدادان: آدمها و سوسکها:

 http://politic.iran-emrooz.net/index.php?/politic/more/8485/

 4       محمد عباسپور: اجازه نمي‌دهيم دشمن بهره‌اي از اشتباهات غيرعمدي مطبوعات ببرد:

http://www.farsnews.net/newstext.php?nn=8502310373

5          پیک نت، صحیفه 1(23.05.2006):

http://www.peiknet.com/1385/10khordad/02/index02.htm

6   حسین شریعتمداری، طبل بد صدا: http://www.kayhannews.ir/850302/2.htm#other203

ایشیق سؤنمز 24.05.2006

استعمار