فارس ایستعمارچی قووه لری نین شیعه لیک و سیاسی ایران دیللری مقوله سینی فارس ایستعمار مفکوره سینه اویونجاق ائتمک مسئله لری
دلی بیر قوزا اریشمک اوچون مین بیر اویوندان چیخدیغی کیمی فارس ایستعمارچیلاری و مدنیت راسیستلری ده فارس ایستعمارینی ایران ممالیکی محروسه سینه حاکیم ساخلاتماق اوچون یئرینه گؤره ایران ممالیکی محروسه سینده کی میللیتلری "اقوام ایرانی" دئیه قلمه آلمالارینا باخمایاراق بعضن ده شیعه لیگی اؤز ایستعمارچی مفکوره لری نین خیدمتینه آلماغا چالیشارلار. بو ذاتلاردان بیری ده فارس ایستعمار تشکیلاتی ساییلان جبهه ملی ایران آدینی یئدک چکن تشکیلاتین عضو اولان علیرضا افشاری ساییلار (آرتیق بیلگی و معلومات اوچون باخ. 1). اؤز قلملری ایله ایفاده ائتدیکلرینه اساسن بو ذاتلار ایستر شیعه لیک، ایسترسه ده دونیادا تانینمیش دینلره اینانج باخیمیندان باغلی اولمادیقلارینا باخمایاراق یئرینه گؤره هر هانکی بیر اینانجی اوزلرینه الک ائده رک اونون آلتیندا فارس مدنیت راسیستلیگینی باریندیرماق ایسترلر. بو دوغرولتودا علیرضا افشاری ذات عالی نین قلمیندن اوخویوروق:
"این نقد بر دست دیگر دوست ایران‌پرستم، ابراهیم عبدالله‌زاده برایم فرستاده شد. پس از خواندن، چون احساس کردم در برخی دیدگاه‌ها با آقای ابریشمی هم‌سو هستم از دوست گران‌مایه و سردبیر تارنوشت «روزنامک»، مسعود لقمان، خواستم تا اجازه دهد هم اصل نقد و هم توضیحی از سوی من در آن نشریه کار شود. هر چند خطاب نوشته‌ی دکتر ابریشمی ماهنامه‌ی گزارش است ولی چون یکی از هدف‌های ما نزدیکی دیدگاه‌های ایران‌پرستان است، مسعود لقمان با بزرگواری درخواست مرا پذیرفت"(2).
اوسته کی گؤروشلره اساسن و آشاغیدا دا گؤره جگیمیز دک شیعه لیگی فارس مدنیت راسیستلیگینه اویونجاق ائتمیش بو ذاتلار مسلمانلارین ایناندیقلاری الله مسئله سینی ده گؤزدن یاییندیراراق فارس فاشیستلری و مدنیت راسیستلری نین پان ایرانیست آدلاندیردیقلاری "خاک و خون" مقوله سینی قابارتماقلا فارس ایستعمارچیلیغی نی ایران ممالیکی محروسه سینده کی توپلوملارین دیققتیندن یاییندیرماغا چالیشارلار. بو دوغرولتودا گئنه ده اوخویوروق:
"... هر چند نمونه‌هایی درخشان از مشارکت نخبگان قومی غیرشیعه را می‌توان در تاریخ یافت اما به‌گمانم همه‌ی دوستان آشنا به این موضوع‌ها با من هم‌سخن باشند که آن نمونه‌ها عمومیت نداشته‌اند و نهادینه نشده‌اند. حتا آوردن برهانی هم‌چون عشیره‌ای و قبیله‌ای بودن نظام در برخی از جوامع یادشده و پایین بودن سطح مشارکت در روند آموزشی و سازندگی نیز، به گمان من نمی‌تواند برهانی رسا باشد چرا که همین ضعف‌ها نیز به کم‌کاری فرمان‌روایی‌های مسلط بر جامعه‌ی بزرگ ایرانی بازمی‌گردد. شاید از همین زاویه بتوان ارزش تلاشهای رضاشاه برای یکجانشین کردن عشایر و برپایی نظام نوین آموزشی و اجباری کردن آن را – ولو به شکلی که شاید امروزه بتوان به آن نقدهایی وارد کرد – قدر نهاد"(2).
اوسته علیرضا افشاری نین "نخبگان قومی غیر شیعه" مقوله سی دولاییلی اولاراق "کورد، بلوچ و تورکمن" ائتنوسلارینی ایران ممالیکی محروسه سینده ایچرمیش ساییلار. علیرضا افشاری نین بو مقوله اوزره ده صادیق اولمادیغی و یالنیز فارس راسیستلیگی آچیسیندان مسئله یه یاناشدیغینا آشاغیدا تانیق اولاجاییق. علی افشاری نین "تلاشهای رضا شاه برای یکجانشین کردن عشایر ... را ... قدر نهاد" مقوله سی محمود افشار یزدی نین پهلوی سیلسیله سینه اؤنردیگی فارس اولمایان ائتنوسلاری ایران ممالیکی محروسه سی نین سرحدلریندن بو ممالیکی محروسه سی نین ایچری توپراقلارینا یئرلشمگه زورلاما تئزلرینه اساسلانار. فارس ایستعمار گوجلری فارس اولمایان ائتنوسلاری فارسلاتماق اوچون اونلاری اؤز دوغما آتا و آنا یوردلاریندان سورگون ائتمه لرینی و اونلاری فارسلاتماقلا ایران ممالیکی محروسه سینده اوزدن ایراق "فارس میللی دؤلتی" یاراداجاقلارینی بیر هدف دئیه نظره آلمیشلار. گئنه ده اوخویوروق:
"... ابریشمی به بی‌تفاوتی دولت‌مردان ایرانی و نادیده انگاشتن واقعیت مسأله‌ی کرد از سوی آنان در کشورهای تازه‌بنیاد و یا تحریف آن موضوع و در مواقعی، تأیید ضمنی اقدام‌های جنایت‌کارانه‌ی همسایگان نسبت به کردها و محرومیت آنان از حق تعیین سرنوشت و حتا حق حضور در سامانه‌ی حکومتی اشاره کردند. من، نه تنها این نقد را می‌پذیرم بلکه می‌خواهم آن را تعمیم بدهم به کل بخش‌های جداشده از ایران"(2).
اوسته گؤروندوگو کیمی فارس ایستعمار گوجلری ایران ممالیکی محروسه سینده کی فارس اولمایان ائتنوسلارا انسان گؤزو ایله یاناشمادیقلارینا باخمایاراق یئری گلدیکده خیالی فارس ائتنوسو ایله هئچ بیر ایلگیسی اولمایان ایمپیریانی یاراتماق، یوخسا فارس دؤلتچیلیگینی قوروماقدا فارس اولمایان ائتنوسلاری بیر دایاق کیمی قوللانماغا دوشوندوکلری اوچون اونلار اوزره تیمساح کیمی یالاندان گؤز یاشی تؤکموش گؤرونرلر. فارس ایستعمارچیسی گئنه ده آرتیرار، اوخویوروق:
"... این‌گونه است که می‌بینیم کردها و شیعیان در زیر حکومت اقلیتی عرب در عراق؛ کردها و آذریان زیر حکومت ترک‌ها در ترکیه؛ تالشی‌ها و اکثریت مردمان شیعی اران زیر حکومت اقلیتی کمونیست در جمهوری آذربایجان؛ بلوچ‌ها زیر حکومت اقلیتی انگلوفیل در پاکستان؛ هم‌چنین شیعیان و ایرانی‌تباران در جنوب خلیج فارس؛ و فارسی‌زبانان و زبان فارسی در ازبکستان، تاجیکستان و افغانستان، همواره تحت ستم بوده‌اند و حکومت ایران کم‌ترین یاری را به آنان داشته است"(2).
موللیف دوشونجه و فیکیر یئریتمک آچیسیندان ایکی سره بیر دره آراسیندا نه دئمک ایسته دیگی آچیقلیغا قاویشدیرابیلمز مقامدا یئر آلار. علیرضا افشاری یازی نین باشیندا "کورد و بلوچ" ائتنوسونو نظره آلاراق "نخبگان غیر شیعه" دئیه کورد، بلوچ و تورکمن ائتنوسلارینی اؤنمسه مه دیگینی قلمه آلارکن اوسته کی بؤلومده سیاسیلشمیش "ایران دیللری" نی فارسلیق، فارس تمامیتچیلیگی و پان ایرانیستلیک آچیسیندان قابارداراق آذربایجانلیلارین تورک کیملیکلرینی و آذربایجان تورپاق بوتونلوگونو دانماغا چالیشار. بئله لیکله تالیشلارا، بلوچلارا و کوردلره، پشتونلارا و تاجیکلره "ایران دیللی و فارس"، تورکیه ده کی آذربایجان تورکلری، عرب امیرلیکلرینده کی عربلری "شیعه" دئیه تیمساح بیچیمینده یالاندان اونلارا گؤز یاشی تؤکر کیمی چیخیش ائتمگه، اوسته لیک آذربایجان دؤلتچیلیگینی کومونیستلیگه نیسبت وئرمگه چالیشار. علیرضا افشاریدن گئنه ده اوخویوروق:
" من هم با آقای ابریشمی موافقم که: «حداقل می‌توان از پژوهش‌گران و آزادی‌خواهان ایرانی پرسید: آنان در برابر محروم کردن کردها [و به باور من، همه‌ی ایرانیان و ایرانی‌تباران خارج از مرزهای استعمارساخته] از حق تعیین سرنوشت و این جنایات چه موضعی اتخاذ کرده و چه واکنشی از خود نشان داده‌اند؟» البته به واکنش‌هایی انفرادی و پراکنده، هم‌چون چندین مقاله در مجله‌ی آینده می‌توان اشاره کرد(3)، ولی جامعه‌ی روشن‌فکری ایران نسبت به این روند بی‌تفاوت است، مگر حزب پان‌ایرانیست که دقیقاً با همین شعار و برنامه‌ی «دفاع از ایرانی‌تباران» شکل گرفت و خوش‌بختانه تلاش کرد تا این جای خالی و خلاء دردآور در تاریخ ما را پر کند و به‌ویژه برای پشتیبانی از کردهای بیرون از ایران تلاشهای بسیاری کرد و به حق از منتقدان رژیم شاهنشاهی در بستن قرارداد الجزیره بود"(2).
اوسته کی مقاملاردا گؤروندوگو کیمی اؤزلرینی جبهه ملی ایران آدلاندیران محفل، پان ایرانیست و فارس مدنیت راسیستلیگی نین ظاهیرده باشقا قوروپلاشماسی گؤرونمه سینه باخمایاراق باطینده "پان ایرانیست" و راسیست محفلی نین اؤزو ساییلار. اونلار ایران ممالیکی محروسه سینده کی فارس اولمایان ائتنوسلاری آلداتماق اوچون مختلیف قوروپلاشدیقلارینا باخمایاراق فارسچیلیق و فارس تمامیتچیلیک بولاغیندان سو ایچن فارس مدنیت راسیستلری و فاشیستلری ساییلمالیدیرلار.
1 ایشیق سؤنمز، فارس مدنیت راسیستلری نین آذربایجان میللی مسئله سی قارشیسیندا چتینلیک چکمه مسئله لری: http://www.azadtribun.net/x19170.htm
2 علیرضا افشاری،پاسخی از دکتر ابریشمی به یکی از نوشتارهای روزنامک و توضیحی از یک هم‌اندیش : http://rouznamak.blogfa.com/post-437.aspx
3 ایران ممالیکی محروسه سینده خاریجی گوجلر واسیطه سی ایله حاکیمیت چئویریلیشی ائدیله رک رضا خان 1925-اینجی ایل ایش اوستونه گلدیکدن سونرا محمود افشار یزدی بیر دولت، بیر دیل و بیر بایراق شعاری ایله "آینده" مجله سینی یایاراق تئوریک باخیمدان رضا شاه حاکیمیتینی قوللاماغا (دستکلمگه) چالیشمیش.
ایشیق سؤنمز، 25.01.2009