فارس ایستعمارینا دایالی دوشونجه لر1-10
بیلیندیگی کیمی میللی مسئله فرانسه نین بؤیوک بورژوالیق اینقلابیندان سونرا گونون مسئله سینه دؤنوشدو (تبدیل اولدو). دئمک، بوگون میللی مسئله دن دانیشدیقدا بیر چوخلاری کیمی ایرقچیلیق گؤروشلرینه قاپیلماغا و میللت آتریبوتلارینی (مشخصه لرینی) اولوشدوران توپلوملار اوچون فارس راسیستلری کیمی یالاندان تاریخ یونتاماغا ائحتیاج گؤرونمور. بوگون دیل، مدنیت، گله نک و گؤره نک بیرلیگینه دایالی، بللی بیر جوغرافیا بؤلگه سینده اؤزونو باشقا توپلوملاردان بلیرله گن توپلوما میللت دئییلمه لیدیر. بو باخیمدان گؤرک م.م. تقی زاده جنابلاری نین گؤروشلری هانکی بویوتلاردا سئیر ائتمکده دیر(1)، اوخویوروق:
"مؤلف طرفدار حکومت ملی ویا فدرالیسم در چهار چوب تمامیت ارضی ایران هستم. میدانم که این امر خود نیز دفعتاًُ شدنی نیست.باید تحمل داشت و راه درازی پیمود، تا این راه از خود مختاری فرهنگی شروع شده به خود مختاری سیاسی – اقتصادی بیانجامد."(1)
دئمک، بیر مسئله نین اولاجاغینا اینانمایان ذات عالیلر آذربایجان ایجتماعیتی اوچون نه دن خرمن وعده سی وئرمه گه و اونلاری یوخلاتماغا چالیشیرلار؟ بونلارین گؤروشونه اساساً آشاغیدا گؤره جه گیمیز کیمی بیر داها بهمن اینقلابیندا اولدوغو کیمی »همه با هم« دئمه لی، میللی و مدنی حرکتی فارس شوونیسمینه قاپدیردیقدان سونرا الی آیاغیندان اوزون فارس نوکرچیلیگینه بویون بوکمه لی اولمالی ییق. بونلار اوچون اینسانلیق دگیل، خیاللاریندا چیزدیقلاری پیشیک (ایران خریطه سی) داها اؤنملی گؤرونور. بو باخیمدان یولا چیخاراق ایران ممالیکی محروسه سینین ائتنیک توخوشونا دئیینمه دن اؤنجه »تمامیت ارضی« مقوله سی سرگیلنمیش اولور. بو تمامیتچی گؤروشدن یولا چیخاراق کیمین داها ایرانلی، کیمین اؤگی و کیمین دوغما اولدوغو توجیه ائدیلمیش اولور. بو گؤروشه اساساً اینسانلیق مقوله سی بوگونکو فارس دیل و مدنیتی حؤکم ائتدیگی مقوله لر اساسی ایله ایضاح ائدیلمه لیدیر. بو گؤروشون باشقا بویوتلارینا موألیفدن آشاغیدا اوخویاجاغیمیز فیکیرلرینده دئیینیرسک، داها اولوملو اولار دئیه دوشونوروک، اوخویوروق:
"... اما مؤلف چرا با هرگونه جدائی مخالف هستم؟ 1-ملت آذربایجان با سایر ملل ایران از زمانهای خیلی قدیم با همدیگر فرهنگ و مدنیت و تاریخ مشترک دارند. دولتهائیکه در دوران قبل از میلاد در این آب و خاک تشکیل یافته و تمدن های تاریخی و نازدودنی بوجود آورده است با تلاش توام آنها بوده است و در ترکیب دولت ماد و مانا خلقها ی آذربایجانی و غیر آذربایجانی اشتراک داشتند.آتشکده های معروف آذربایجان چندین صده زیارتگاه سایر اقوام و ملل ایرانی نیز بوده است. بعد از اسلام نیز هزار سال حکومت هائیکه در ایران تشکیل یافته همه از سامانیان، غزنویان، سلجوقیان...وتا قاجار از طوایق ترک بودند.ترکان ازنظر شاه نامه از نسل تورج پسر فریدون و از نظر اسلام و قران از نسل یافث پسر نوح هستند که این خود خواستگاه مشترک ترکان یا سایر خلقهای ایران است"(1).
اوسته گؤروندوگو کیمی م.م. تقی زاده ذات عالیلرین گؤروشلری بیر چوخ فارس میللیتچیلری، راسیستلری و باستانگرایلار کیمی یالان دوغرو کئچمیشلره اساسلانیر. بئله لیکله بوگون ایران ممالیکی محروسه سینده کی میللی و مدنی حقوق برابرسیزلیگیندن و میللی تبعیضدن سؤز و صؤحبت اولدوقدا فارس دیل و مدنیتینی اساس گؤتورموش تهران حاکیمیت داییره لرینده - کئچمیشده بو توپلوملارین اورتاق باغلاری وار ایدی دئیه – بو مسئله حلل اولونار دئیه گؤروشلرینی اؤزلری بیلمه سه لر ده ایجتماعیته یانسیتماق ایله ایجتماعیتی آلداتمیش اولورلار. دئمک، بوگون میللی و مدنی حقوق برابرلیگینی ساغلاماق اوچون نه کوروش و داریوشون قبیر توزلارینی فارس اولمایان توپلوملار یالامالی دئمه گه ائحتیاج وار، نه ده تاریخی آذربایجان تورپاقلاریندا یارانمیش دؤولتلری و شاهنامه ده کی عوامفریب یالان روایتلری (باخ: .ترکان ازنظر شاه نامه از نسل تورج پسر فریدون) دئیه فارس شوونیسمینین گؤزونه سوخماق گره کلی گؤرونور. بو خیالی فیکیرلر ایله اوغراشماق (مشغول اولماق) کئچمیش 100 ایلده اولدوغو کیمی ایران ممالیکی محروسه سینده کی فارس اولمایان توپلوملاری فارس سؤمورگه سی آلتیندا ساخلامیش و بو میللتلرین دیل و مدنیت وارلیقلاری نین فاتحه سینی اوخوتموش اولور. گئنه ده اوخویوروق:
".. . 2- در ایران امروزی مردم آذربایجان یا به تعبیری ترکان ایرانی فقط در سر زمین آذربایجان زندگی نمی کنند. به روایتهای مختلف در ایران بیش از سی میلیون ترک زندگی می کند که بیشتر از نصف این جمعیت در خارج جغرافیای آذربایجان اقامت دارند. چنانکه امروز در دورافتاده ترین نقاط ایران هر کجا که حیات می جوشد و زندگی اقتصادی فعالی در جریان است با زبان آذربایجان همه امورات زندگی را بدون کوچکترین ناهنجاری می توان راه انداخت. در مناطق مرکزی ایران در اطراف شهرهای مرکزی از زمانهای قدیم ترکان ایرانی مسکن گزیده اند، در تمام شهرهای بزرگ و کوچک صاحب جاه و جلال و حشمت اچتماعی و معنوی شده اند. با تمام ملل دیگر ساکن سرزمین ایران خویشاوندی سببی و نسبی پیدا کرده اند"(1).
ایران ممالیکی محروسه سینده آذربایجان تورکلری مسئله سینه گلدیکده 3 نوکته نی نظره آلمالی ییق:
1- ائتنیک و تاریخی آذربایجان تورپاقلاری( شرق-غرب آذربایجان: مینهای سردشت و ماهاباد، اردبیل، زنجان، همدان، قزوین ولایتلری، تهران و مرکزی ولایتلره دوغرو(ایلری) گئدن و آرا کسیلمه دن داوام ائدن بیتیشیک تورکلر یاشایان شهر و کندلر، گیلان ویلایتی نین بیر بؤلومو: آستارا و ساییره، کوردوستان ولایتی نین شرق بؤلگه لری : بیجار و قروه و ساییره).
بو میللی اراضیلرده باشقا ائتنیک آزلیقلار: کورد، تالیش و ساییره لر ده... یاشاماقدادیرلار. آذربایجان میللتی اؤز ایراده سینه حاکیم اولدوغو حالدا بو ائتنیک آزلیقلارا مدنی و سیاسی حاقلار اؤزلرینی آذربایجان ایجتماعیتینده تمثیل ائتمک و اؤز گله نک و گؤرنکلرینی یاشاتماق اوچون تانیمالی و آذربایجان توپلومو ایله بو ائتنیکلر آراسیندا قونشولوق و وطنداشلیق باغلاری نین گلیشمه سی اوچون شراییط یاراتمالیدیر.
2- ائتنیک قاشقای و خوراسان تورکلری یاشایان تورپاقلار.
3- ایران ممالیکی محروسه سی نین باشقا میللیتلری حاکیمیتینه کئچه جک ویلایتلرینده کی یاشایان تورکلر.
کئچمیش یازیلاردا ایشاره اولدوغو کیمی بوگون دیل و مدنیت باخیمیندان ایران ممالیکی محروسه سی نین فارس اولمایان ویلایتلرینده فارس ایستعماری حؤکوم سورمکده دیر. بو ایستعمارچیلیق سیاستینه سون قویماق اوچون ایران ممالیکی محروسه سینده نئجه بیر حاکیمیت و یا حاکیمیتلر سیستیمی یاراناجاغیندان آسیلی اولمایاراق ائتنیک سرحدلرین بلیرلنمه سی، بیرلشمیش دؤولتلر تشکیلاتی نین مرامنامه سی اساسیندا خوراسان و قاشقای تورکلرینین موختاریت حاقلاری، باشقا ویلایتلرده اولان تورک آزلیقلارینین دیل و مدنیتلری گئنه بیرلشمیش دؤولتلر تشکیلاتلاری بیاننامه سینده ذیکر اولموش اساسلاردا آزلیق حاقلاری تأمین اولونمالیدیر. بئله لیکله بوگون فئدرال، کون فئدرال و باغیمسیزلیق اینانجینا صاحیب اولان اینسان و تشکیلاتلار ایستر ایچریده، ایسترسه ده ایران ممالیکی محروسه سیندن اوزاقدا اولمالارینا باخمایاراق دیل و مدنیت باخیمیندان فارس ایستعمارینا قارشین موشتریک جیبهه نین یارانماسی اوچون فیکیر یئریتمه لیدیرلر. گئنه ده اوخویوروق:
".. 3- ملتهائیکه در سرزمین ایران امروزی زندگی می کنند دارای نقاط اشتراک فرهنگی جدی هستند. اگر زبان آنها از یکدیگر جاست، ازنقطه نظر سایر وجوهات فرهنگی باهم مشترک هستند. این خلقها علاوه بر آداب و رسوم ملی آداب ورسوم مشترک نیز دارند. همه آنها از دین اسلام تبعیت دارند"(1).
اوسته گؤروندوگو کیمی فیکیر باخیمیندان م.م. تقی زاده حضرتلری نئجه قاریشیق دورومدادیر. دئمک، بیر یاندان ایران ممالیکی محروسه سینده موختلیف میللتلردن سؤز و صؤحبت ائدیر، باشقا یاندان بو میللتلری اورتاق کولتور (فرهنگ) اساسیندا یوروملاماغا چالیشیر. بیلیندیگی کیمی ایران ممالیکی محروسه سینده حاکیم کولتور (فرهنگ) فارس کولتورو، محکوم کولتورلار ایسه تورک، کورد، لور، عرب، بلوچ، گیلک و ساییره لردیر. دئمک، دیل و مدنیت باخیمیندان فارس ایستعمار کولتورونو قبول ائتمیش تورک، کورد، عرب، بلوچ، لور، گیلک و ساییره لردن اؤز خالقلاری اوچون یاشاییب ومیللتلرینی یاشاتماق اومود و آرزو ائتمک اؤزو ده یانلیش اولاردی. بو جهتدن یانا فارس تشکیلاتلاریندا مجاهدین خلق، راه کارگر، فداییان خلق اکثریت، نهضت میللی، حزب نژادپرست جبهه میللی، و ساییره دئیه فارسلارا پادوچولوق ائدن تورک، کورد، عرب، بلوچ، تورکمن، لور، گیلک و ساییر میلت اوولادلاریندان اؤز منلیک و کیملیکلرینی یاشاتماق(اوشاقلارینا اؤز دیللرینی اؤیرتمک واسیطه سی ایله) و اؤز میللتلرینی یاشاتما عملی اومماق اؤزو ده یانلیش اولاردی. گئنه ده اوخویوروق:
"... در زیارت اماکن مقدس اسلام مشترک هستند. در تمام مراسم دینی و ایام مذهبی در یک وحدت اصولی قرار دارند. در لباس پوشیدن و غذا خوردن و آئین خانوادگی اختلافات چندانی باهم ندارند.غذای مردم عادی در تمام نقاط آذربایجان با غذای سایر خلقها در بندر عباس و چاه بهار چندان فرقی باهمدیگر ندارد"(1).
اینانج مسئله سینه گلدیکده بیلیندیگی کیمی دینین توپلوملاردا اؤنملی رولو اولماسینا باخمایاراق دین ایکتیسابی بیر مسئله دیر. بوگون آمریکا و چین مملکتلرینده ایسلام دینینی قبول ائدنلر، بو مسئله یه قول چکرکن اؤز دیل و مدنیتلرینی اونوداراق میللیت لرینی اینکار ائتمک زوروندا اولمورلار. آنجاق فارس تشکیلاتلاریندا پادوچولوق میللتلرین اوولادلاری او جومله دن آذربایجانلیلارین %99 و باغلی اولدوقلاری تشکیلات منسوبیتیندن آسیلی اولاراق زامان گئدیشی ایله اؤز منلیک و کیملیکلریندن اوزاقلاشمیش اولورلار. گئییم و لباس مسئله سینه گلدیکده بوگون ایران توپلوموندا مودا باخیمیندان رسمی قبول اولموش گئییملر، بو ممالیکی محروسه یه عایید دگیل، آوروپا مدنیتیندن قبول اولموش گئییملردیر. بیلیندیگی کیمی بو ممالیکی محروسه ده تورکلرین میللی گئییملری رضا میرپنجین اویونلاری ایله یوخ ائدیلمیش اولدو. یالنیز بلوچ، کورد، عربلر بیر اؤلچوده اؤز میللی گئییملرینی قورویا بیلدیلر. یئمک (غذا) مسئله سی گئنه ده دؤنر کبابیندان توت، ایتالیا ماکارونیسی، کالباس، مارتادئللا، چینی یئمکلر و ساییره ایران ممالیکی محروسه سینه آیاق آچماقدادیر. بو حالدا فارسلارین تورکلردن قئیمه(قییما)، قورما، بولغور و ساییره یئمکلری اؤیرنمه لری هئچ ده تورکلری میللیت و کیملیک باخیمیندان فارسلارا باغلایا بیلمز. گئنه ده اوخویوروق:
".. فرزندان آذربایجان حتی در نشر و توسعه زبان و ادبیات فارسی بیشتر از خود فارسها پیگیری نشان دادهاند. در مراکز دینی که منشاً آذربایجانی دارند. از احترامات خاصی بر خوردارند. تجربه نشان داده است اغلب این آقایان و حتی مساًله آذربایجان پیش می آید بی تفاوت نمی مانند. نمونه آن آیت الله ملکوتی است که در اعتراض به آن پرسشنامه کذای صدا و سیما از تمام مقام امامت در تبریز خلع شد. در نهایت این آذربایجانیان هستند که در پر کردن بودجه کل کشور سهم عمده دارند. بنا برین در تمام طرحهائیکه از بودجه کل کشور تاًمین می گردد سهم آنها قابل چشمگیر است. تمام صنایع سنگین و استراتژیک بدون آنها عملی و امکان پذیر نیست و جدائی از آن طرهای اقتصادی یعنی واگذاری زحمات چندین صد ساله مردم آذربایجان به دیگران و دست کشیدن از هرگونه صنایع کلیدی ایران"(1).
ذهینیت باخیمیندان م.م. تقی زاده بواوسته کی پاراقرافی کیمه آدرسله دیگینی ده اونوتموش دورومدادیر. دئمک، بو عیبارتلر فارس سیته لرینه و فارس توپلومونا شوونیستلیک ائتمک یاخشی اولماز دئیه یازیلسایدی، بلکه ده پیس اولمازدی. دئمک، آذربایجان آیدینلاری بوگون دیل و مدنیت باخیمیندان ایران ممالیکی محروسه سینده فارس شوونیسمی و ایستمعاری حاکیم اولدوغونو قاورامیش و هذم ائتمیش دورومدادیرلار. اوسته لیک اونلار بو مسئله دن چیخیش یولو تاپماق اوچون آختاریشا باشلامیشلار. گئنه ده اوخویوروق:
"... 5-جدائی از ایران یعنی جدائی آذربایجان از تمام آبراههای بین المللی. در صورتیکه همه ما میدانیم خلیج فارس از عمده نقاط استراتژیک جهانی می باشد. تمام ملتهای ایرانی از جمله خلق آذربایجان با استفاده از این آبراه با آبهای آزاد جهان ارتباط دارد و در ساختن تجهیزات این مکان خود نیز شرکت داشته است . ولی با جدائی خود ازسایر نقاط ایران از آن آبراه نیز باید چشم بپوشد که امری لامحال می باشد"(1).
اوسته گؤروندوگو کیمی فیکیر باخیمیندان اینسان قارما قاریشیق ذئهنیتلره صاحیب اولدوقدا، روانی آشچیلار کیمی هر نه یی بیر آرایا توپلایاراق نه پیشیرمک ایسته دیگینی اؤزو ده باشا دوشمز گؤرونور. دئمک، آذربایجان میللت مسئله سی ایله »خلیج فارس و یا خلیج عرب« ین هئچ بیر رابیطه سی یوخدور. دئمک، فارس شوونیستلری بو ممالیکی محروسه ده فارس اولمایان میللتلره اؤز کیملیک و منلیکلرینی یاشاتماق اوچون حاق تانیمازسالار، اونلارا آزاد دنیزلره آچیلان یول »خلیج فارس« دئیه خوخو گلمه گه و اونلاری قورخوتماغا چالیشسالار، هانکی مسئله نی حلل ائتمیش اولا بیلرلر؟ بیلیندیگی کیمی بو مسئله کئچمیشده پان ایرانیستلر طرفیندن سؤویئتلر بیرلیگی علیهینه آمریکا بیرلشمیش شتاتلاری و آوروپا مقاملاری قولاغینا اوخوناراق ایران ممالیکی محروسه سینده میللی و مدنی حاقلارین وئریلمه سینه موخالیفت ائدیلیردی. بو حضراتلارین میللی مسئله اوزره فارس کؤرفزی (خلیج فارس، خلیج عرب) خوخوسو : هدف شوروی از مداخله بر امور ایران اشغال ایران و راه یابی به آبهای گرم خلیج فارس میباشد!!! دئیه آمریکا بیرلشمیش شتاتلاری و آوروپا دؤولتلرینی فارس ایستعمارینی یاشاتماق اوچون ایستیبدادچی حاکیمتلرین الینی آچیق قویماق ایستمه لرینی و فارس شوونیسمینه گؤز یومما چاغیریشلارینی خاطیرلاتمیش اولور.
قایناق:
1- م. م. تقی زاده: حل مساًله ملی آذربایجان در چهارچوب تمامیت ارضی ایران:
http://www.azadtribun.com/Fa85.htm
ایشیق سؤنمز 26.05.2005