فارس ایستعمارینا دایاقلی دوشونجه لر 10

بیلیندیگی کیمی پان ایرانیستلر باشلاریندا پهلوی سلاله سی اولاراق ایران ممالیکی محروسه سینده کی فارس اولمایان دیل و مدنیتلری یوخ ائتمه گه چالیشارکن یالنیز نیظامی گوج دگیل، میللی کیملیک و منلیک باخیمیندان بیلینجلری دوشوک اولان ایران ممالیکی محروسه ده کی فارس اولمایان اینسانلاردان دا کؤمک آلمانی اؤز مقصدلرینه اویقون حئساب ائتمیشلر. بو آرادا بعضیلرینه مقام وئره رک اونلاری اؤز دیل ومدنیتلری علیهینه شیرنیکدیرمه گه چالیشمیشلار. اؤز میللی منلیک و کیملیگیندن اوزاق دوشموش فارس ایستعمار اسارتینی قبول ائتمیش قوللار کیملیک و منلیک باخیمیندان بوشالدیقدان سونرا اؤزلرینی بیز ضددیتلی مقامدا یئر آلمیش گؤره رک بو یول ایران ممالیکی محروسه سینده کی فارس اولمایان میللتلری او جومله دن آذربایجان میللتینین دیل و مدنیتینی بیر دللال کیمی حرراجا قویماغا باشلامیشلار. بیلیندیگی کیمی پهلویلر زامانی آذربایجاندا پوست و مقام صاحیبی اولان ذات عالیلر آذربایجانین نفوس ساییمینی فارس دیلینده »سر شماری« یئرینه »خر شماری« (محسنی وزیر آموزش و پرورش)، آذربایجانلیلارین دانیشدیغی دیللرینی ایفاده ائدرکن »ترکی صحبت میکنند« یئرینه »ترکی بلغور میکنند (عبدالله مستوفی، رضا شاهین آذربایجانا منصوب ائتدیگی اوستانداری)« ایفاده لرینی ایجتماعیته تحویل وئره رک آذربایجان توپلومونو کیملیک و منلیک باخیمیندان لفظی اولاراق ترور ائتمه گه جان آتمیشلار. بو ذات عالیلردن بیری ده اؤز کیملیک و منلیگینه کوره ک چئویرمیش کئچمیشده گون چیخان آذربایجانین  اوستاندارلیق پوست و منصبینه صاحیب اولان، آذربایجانین اوستانداری آدلانان، تهرانین امیر قولو ساییلان »نورالدین غروی (نجفی مرعشی)« حضرتلریدیر. او ذاتی عالی نین انصاف علی هدایته آدرسلنمیش یازیسینین بعضی پاساژلارینی بیرلیکده اوخومانی فارس ایستعمارینا دایاقلی فیکیرلر ایله تانیش اولماق اوچون مقصده اویقون حئساب ائدیریک، اوخویوروق:

».نورالدین غروی استاندار پیشین آذربایجان شرقی

سه‌شنبه ٢١ تير ١٣٨٤

.. همشهری عزیزم آقای انصافعلی هدایت: خبر خروجت از ایران را در روزنامه‌ها خواندم و سخت در اندیشه فرو رفتم. این دومین بار است که در باره و برای تو دست به قلم میشوم‌. بار نخست وقتیکه پس از بازگشت از اروپا به زندان افتادی ضمن اینکه مثل همیشه و در رابطه با دیگر زندانیان اندیشه دست بکار جلب حمایت از تو شدم نامه سرگشاده‌ای به دست اندرکاران در باره تو نوشتم که تیتر آن این بود که شما را بخدا از آقای هدایت یک چهرگانی دیگری نسازید  اما پیش از ارسال آن برای چاپ از خودم پرسیدم که آیا این حرف زیر سیوال بردن تمامیت ملی آقای هدایت نیست آیا این اهانت به عرق ایرانیگری او و دست آخر اهانت به او نیست که در پاسخ به خودم از فرستادن نامه خودداری کردم‌. رویدادهای بعدی درستی تردیدهای مرا هویدا کرد که درآن روزهای سخت و زجرآلود تو که دهان از خوردن بسته بودی و من سخت نگران حال تو بودم ، وقتی به مصاحبه‌های فاطمه عزیز دختر جوانت گوش کردم یا آنها را خواندم با خود گفتم باید که شالوده تنومندی از ایمان و تعهد در چارچوب این خانواده بوده باشد که چنین بار و بری داده است که باز دیدم کار درستی کردم که آن نامه را نفرستادم.«(1)

اوسته گؤروندوگو کیمی نورالدین غروی (نجفی مرعشی) آذربایجانلی اولدوغونو ایددعا ائتمه گینه باخمایاراق آشاغیدا گؤره جه گیمیز دک میللی مسئله و فارس شوونیستلیگی باخیمندان تهرانداکی حاکیمیت مقامیندا اولان شوونیست ذات عالیلردن اؤزونو آییرما فراصتینه صاحیب دگیلدیر. دئمک، بیر یاندان انصافعلی هدایتی شهرداش، همشهرلی »همشهری« دئیه قلمه آلیر، باشقا یاندان انصافعلی منیم کیمی فیکیرلشمز دئیه پان ایرانیستی فیکیرلرینی اونا و بیر چوخلارینا آشیلاماق اوچون آچیق مکتوب بیچیمینده اورتایا قویور. او کئچمیش ایللرده انصافعلی هدایت علیهینه تهران حاکیمیتینه آچیق مکتوب یازما فیکیرینده اولدوغونو دااورتایا قویور. سونرا کئچمیشده کی خیاللاری اؤزونو دوغروتمادیغی اوچون انصافعلی هدایت ذاتلارینا آچیق مکتوب یازاراق ایران میللیتی نین بیر عوضوو دئیه  میننت قویماغا چالیشیر. گئنه ده اوخویوروق:

»....و بر تو همان خواهد رفت که بر چهرگانی رفت‌. او یک معلم ساده و یک ایرانی وطن دوست بود که زجر زندان و فریب بیگانه از او یک میرفتاح (١) دیگر ساخت. شاید اگر چهرگانی را نمی‌آزردند و می‌گذاشتند که در انتخابات شرکت کند و به مجلس برود امروز بر سر سفره جیره خواری افراطی‌ترین جناحهای مسیحی‌های صهیونیست و صهیونیست‌های یهودی نمی‌نشست‌. همانطور که اگر رجوی را به مجلس راه می‌دادند و قاسملو را ، ما امروز اینهمه خونٍ نبایست به زمین نریخته بودیم و کردستان ما اینهمه خونین و رنجور نمی‌بود.«(1)

اوسته گؤروندوگو کیمی فارس دیل و مدنیتی حئیرانی اولان نورالدین غروی (نجفی مرعشی)، محمد رضا شاهین آذربایجاندا ال آلتیسی اولماغینا باخمایاراق 1925 اینجی ایلدن باشلایاراق تهراندا حاکیم اولان سیستیمین نه اولدوغونو دا بیلمک ایسته مه میشدیر. بیلیندیگی کیمی 1925 اینجی ایلدن باشلایاراق تهرانداکی حاکیمتلر فارس دیل و مدنیتینی اساس گؤتورموشلر.  آنلاشیلدیغی کیمی نورالدین غروی (نجفی مرعشی) طوطی دک یالنیز »بلی قوربان« و »چشم قوربان« دئمه نی اؤز کیملیک و منلیک منافعینه اوستون حئساب ائتمیشدیر. .بیلیندیگی کیمی محمود علی چهرگانی نین کاندیدلیگینه مانع اولان دیل و مدنیت باخیمیندان فارس ایستعمارینی اساس گؤتورن تهران حاکیمیتی اولموشدور. تبریز شهرداشلاری نین آذربایجان میللت مسئله سینه ماراق گؤسترمه سی و چهرگانی نین بو مسئله نی تهران مجلیسینده مطرح ائده جک دئیه چیخیش ائتمه سی تهران حاکیمیتی نین بو مسئله اوزره اندیشه ائتمه سینه یول آچمیشدیر. نورالدین غروی(نجفی مرعشی) نین فیکیرلرینه اساساً فارس بویوندوروغو آلتینا گئتمه گنلر وطن خایینی اولورموشلار. بو مفکوره محمدرضا شاه زامانی دا حؤکوم سورمکده ایدی. شاهلیق سیستیمینه موخالیف اولانلار »اجنبی عامیلی، آرازین او تاییندان گلمیشلر و ساییره..« آدلانیردی. دئمک، محمد رضا شاهین 27 ایل حاکیمیتدن اوزاقلاشیب اؤلمه سینه باخمایاراق پان ایرانیست و تمامیتچی شخصلر آلدیقلاری تعلیماتی اولدوغو کیمی یئرینه یئتیرمه گه چالیشیرلار. گئنه ده اوخویوروق:

»... سید جعفر پیشه‌وری عضو هیات تحریریه روزنامه "آذربایجان جزء لایتجزای ایران" در باکو در سال ١٩١٨ بود که بعدها حلقه ارادت مسکو و باقراف را به گردن افکند و آذربایجان را تا لبه جدایی برد.«(1)

اوسته گؤروندوگو کیمی امیر قولو، قوربان قولو ساییلان نورالدین غروی(نجفی مرعشی) حضرتلری تهران نماینده سی مظفر فیروز و  آذربایجان نماینده سی سید جعفر پیشه وری آراسیندا ایمضالانمیش  و آذربایجان میللی منافعینه اساساً تحمیلی قراردادنامه نی ده گؤرمزدن حرکت ائدیر. او تحمیلی قراردادنامه نی بیر داها گؤزدن کئچیرمکده فایدا وار(2). گؤروندوگو کیمی اورادا ائتنیک آذربایجان تورپاقلاری دگیل، رضاشاه زامانی آذربایجان تورپاقلاری بؤلونه رک 3 اونجو و 4 اونجو  ایران اوستانلاری دئیه آذربایجان ایالتی آدی آلتیندا سید جعفر پیشه وری یه ایمضالانماسی اوچون تحمیل اولونموش بو بیر قراردادنامه دیر. بو تحمیلاتا باخمایاراق تهران حاکیمیتی اؤزو آلتینا ایمضا آتدیغی   قراردادی بیله عملده قبول ائتمه میشدیر. گئنه ده اوخویوروق:

»...ترکان عثمانی در تبریز از سرهای جوانان مناره ساخته‌اند اما تبریزی‌ها اگر هم شاه اسماعیل یا شاه عباس فرار کرده و آنان را تنها در برابر دشمن رها کرده‌اند با همه هستی شان از شرف ایرانی‌شان دفاع کرده‌اند و متجاوزان را وادار به ترک ایران کرده‌اند. گمان نکن که این تصادفی بوده است که هم شاه اسماعیل بعد از شکست در چالدران در سال ٨٩٣ شمسی از سلطان سلیم و تسلیم تبریز به دشمن وهم شاه عباس پس از شکست سال ٩٨٧ شم در برابر مرادپاشا صدراعظم سلطان احمد و باز تسلیم تبریز به ترکان عثمانی و هم محمدرضاپهلوی بعد از وقایع فرقه دمکرات و نغمه‌های جدایی طلبی در سالهای ٢٥-١٣٢٤ برای بازپس گرفتن تبریز نجنگیده‌اند چرا که در آنجا دشمن از پیش اخراج شده بود.«(1)

اوسته گؤروندوگو کیمی تورک کیملیک و منلیگینه دوشمنلیک و هیستیری نورالدین غروی (نجفی مرعشی) ذات عالیلرین ذهنیتینده حد تانیماز مقامدادیر. بو ذات عالی نین نئجه فیکیرلشمه سینه باخمایاراق ایستر صفویلر، ایسترسه ده عثمانلیلار هر ایکیسی ائتنیک باخیمدان اوغوز تورکلری اولموش. اونلاردان اؤنجه سلجوقلولار دئگیلن اوغوز تورکلری 1034 ایللرینده نیشابور ری و قزوین تورپاقلارینی اله کئچیره رک همدانا دوغرو حرکت ائتمیشلر. 1040 ایللرینده سلجوقلولار دانداناغان ساواشیندا قزنه سلاله سینی حاکیمتدن سالاراق او بؤلگه لرده اؤز حاکیمیتلرینی موحکملتمیشلر. سلجوقلولار 1049 ایللرینده ارضروم، قارص، طرابوزان و قارا دنیزه دک تورپاقلاری و 1054 ایللرینده آذربایجان تورپاقلارینی اله کئچیرمیشلر. اونلار 1055 ایللرینده بغدادی اله کئچیره رک آل بویه حوکومتینه سون قویموشلار. اونلار بغدادین اله کئچیرمه سینی خلیفه نی شیعه حاکیمیتی نین الیندن قورتارما کیمی قلمه آلمیشلار. بونون نتیجه سینده بغداد خلیفه سی توغرول بگه سلطان لقبی وئره رک اونو بیر ایسلام مملکتی نین سلطانی کیمی رسمیته تانیمیشدیر. بئله لیکله ایران ممالیکی محروسه سینده بؤیوک سلجوقلولار و آنادولودا کیچیک سلجوقلولار دؤلتللری حاکیمیته باشلامیشلار. دئمک آنادولوداکی سلجوقلولارین دؤلت واریثی عثمانلیلار اولارکن آذربایجان و ایران ممالیکی محروسه سینده کی بؤیوک سلجوقلولارین واریثی ترتیب ایله خوارزمشاهلیلار، ایلخانلار، قارا قویونلو، آق قویونلولار و سونرا صفویلر اولموشلار. دئمک پان ایرانیستلرین ایدعاسی نین ترسینه بوگونکو آذربایجان و تورکیه تورکلری نین کئچمیش قارداشلیق باغلاری تاریخده کی سورتوشمه لرینی نظره آلمازساق اوغوز تورکلری ساییلان سلجوقلولارا دایانماقدادیر.

آق قویونلولاری حاکیمیتدن سالان شاه اسماعیل صفوی نورالدین غروی ذات عالی ایددعا ائتدیگی کیمی آذربایجان دوشمنی دگیل، آذربایجاندا صفویلر سیلسیله سینین قوروجوسو اولاراق آذربایجانی مملکت آدلاندیرمیش تاریخی آذربایجان شخصیتلریندن بیریدیر. شاه اسماعیلین آذربایجانی مملکت آدلاندیرماسی عثمانلی تاریخی  متینلرینده اؤز عکسینی تاپماقدادیر. دئمک، دینی اینانجلارا اساسلانان حاکیمیت اوغرونداکی سورتوشمه لر پان ایرانیستلره خیدمت ائده جک بیر ملزمه دگیل، تاریخی مسئله اولاراق تاریخ سئمینارلاریندا  دارتیشیلمالی و اؤیره نیلمه لی مقاملاردیر. بونلارا باخمایاراق نورالدین غروی (نجفی مرعشی) نین شاه اسماعیل و شاه عباس علیهینه یازدیغی ایفاده لری کئچمیش ایران ممالیکی محروسه سینین تاریخینی بیلمز بیریسی اوخورسا، او صفوی سلاله سی نین ایران ممالیکی محروسه سی اوزره اوینادیقلاری روللاریندان اندیشه ائدر دئیه بو مسئله اوزره قیسا ایضاحات وئرمک مقصده اویقون گؤرونور. بیلیندیگی کیمی 1500 اینجی ایلده خالق قیامی نتیجه سینده صفویلردن اولان اسماعیل آق قویونلو حاکیمیتینه سون قویاراق 1501 اینجی ایلینده اؤزونو صفویلر حاکیمیتینین باشچیسی و شاه تانیتدیردی. شاه اسماعیل آذربایجاندان یولا چیخاراق گله جک 10 ایلده بوگونکو ایران ممالیکی محروسه سی و گونچیخان آنادولو و عراق تورپاقلارینی حاکیمیتی آلتینا گتیره رک شیعه لیگی مملکت دینی اولاراق عثمانلیلارا قارشین رسمی ائتدی. شاه اسماعیلین اؤلوموندن (1523) سونرا عثمانلی باسقیسی صفوی حاکیمت تورپاقلارینا آرتماغا باشلادی. شاه طهماسب 1555 اینجی ایلینده پایتختی قزوین شهرینه و شاه عباس ایسه ایصفهانا کؤچورمه لی اولدولار. بئله لیکله آذربایجان دؤولتچیلیگی فارسلارین نفعینه ظعیفله مه گه باشلادی. بونون آردینجا دینی اینانجدان یولا چیخاراق سونراکی صفوی حاکیمیتلری، افشارلار و قاجارلار اؤز حاکیمت داییره لرینه فارسلاری دا شریک ائده رک حاکیمیتده قالماغا چالیشدیلار. بونلارا باخمایاراق آذربایجان مشروطه تجددودلیک حرکاتینین یئنیلمه سی (شیکست یئمه سی) و اینگیلیسلر واسیطه سی ایله فارس میللتچیلری و رضا میرپنجین حاکیمیته گلمه سی نتیجه سینده قاجارلار علیهینه اولان دوشمنلیک تورک دیل و مدنیتی علیهینه ایران ممالیکی محروسه سی حاکیمیت داییره لرینده آرتماغا باشلادی. گئنه ده اوخویوروق:

»...انصافعلی گرامی: ..... اگر ترا به پان تورکیسم فرا خواندند هویت و آرمانهای بزرگ ایرانی‌ات را در مزبله قومیت گرایی که مدتها است آفتاب عمرش به لب بام رسیده است نیفکن. این نوع شوونیسم قومی اگر در پایان جنگ جهانی اول بکار ترکهای جوان آمد که سخت از بحران هویت رنج میبردند امروزه و در این دنیای بشدت جهانی شده سکه دقیانوس است که هیچ خردمند حسابگری خریدار آن نمیتواند باشد. «(1)

اوسته گؤروندوگو کیمی اؤزونو آرمانچیل قلمه آلان نورالدین غروی (نجفی مرعشی) ذات عالی اینسان و اینسانلیغا اویقون اولان دگرلری (اینسانلارین کیملیک و منلیکلرینی) تپیک آلتینا آتماغا آذربایجان میللی فعاللارینی »پان تورکیست« ایتتیهامی ایله دامغالاماغا چالیشیر. دئمک، بو ذات عالیلرین آرمانی محمد رضا آری از مهر کیمی فارس نژادپرست و راسیستلیگینی ایران ممالیکی محروسه سینده کی فارس اولمایان اینسانلارا تحمیل ائتمکدن عیبارتدیر. نورالدین غروی (نجفی مرعشی) ذات عالی »آرمانهای بزرگ ایرانی« دئدیکده پان ایرانیستلرین ایرنج، وحشیانه و کثیف صیفتلری نظرده توتولور دئیه دوشونمه لی ییک. بیلیندیگی کیمی شوونیسم مسئله سی بیر دیل و مدنیتی باشقا دیل و مدنیتلره اوستون توتما مسئله سیدیر. 21 اینجی عصیرده اؤز دیلینده یازیب اوخوما حاققیندان محروم اینسانلارا »شونیسمی قومی« دئیه آذربایجان میللی فعاللارینا بو ایتتیهامی نیسبت وئرنلر بیر قاشیق یوغورت ایله خزر دنیزینی »آب دوغ« دئیه آیران دوزتمک خیالیندا اولدوقلارینی اورتایا قویموش گؤرونورلر.  بو ایتتیهاملار ایله فارس شوونیستلری بیر میللی آزلیق اولمالارینا باخمایاراق ایران ممالیکی محروسه سینی فارس گؤرمک ایسته ییرلر. گئنه ده نورالدین غروی (نجفی مرعشی) ذات عالیدن اوخویوروق:

»..اگر اختلاف زبان را به رخت کشیدند که تو با فارسها ملیت جداگانه‌ای داری از شهریار خودمان مدد بگیر که می‌گوید:

تو همایون مهد زرتشتی و ، فرزندان تو پورایرانند و پاک آیین نژاد ، آریان
اختلاف لهجه ، ملیت نزاید بهرکس ملتی با یک زبان ، کمتر به یاد آرد زمان
گر بدین منطق تورا گفتند ، ایرانی نه ای صبح را خوانند شام و ، آسمان را ریسمان
هویت چیزی نیست که آنرا از کسی قرض کنیم یا بگیریم یا اگر خشمگین شدیم آنرا پس بدهیم و یا معاوضه کنیم‌. هویت در طول نسلها و قرنها ساخته می‌شود و همزاد ماست و پیوسته هم زی ما خواهد بود. هیچ بیماری به مهلکی هویت باختگی نیست.«(1)

بیلیندیگی کیمی پهلویلر زامانی نژادپرستلیک مفکوره سی نین ایران ممالیکی محروسه سینده حاکیمیت ائتمه سی بیر چوخ اینسانلاری میللی کیملیک و منلیک باخیمیندان گیجتمیش ایدی. بو مسئله اؤزونو قوچاق بیلن احمد کسروینی ده اؤز توزاغینا سالمیش ایدی. کسروی آذربایجانین تجددودلوک زامانی اولایلارینی بیر جانلی شاهید کیمی قلمه آلماسینا باخمایاراق آذری یا زبان باستان آذربایجان و زبان پاک آدلی کیتابلاری یازماق ایله فارس شوونیسمینه اولمازین خیدمتینی ائتدی. کسروی اؤز خطاسینی بیروتدا چاپ ائتدیگی عرب دیلینده کی مقاله لری ایله دوزتمه گه چالیشارکن اوستاد محمد حسین شهریار  آذربایجان دیل و مدنیتینه فارس راسیستلری طرفیندن دیوان توتولدوغو زامان »حیدر بابایا سلام« آدلی کیتابی ایله آذربایجان خالق ایجتماعیتینین ماراغینی قازاندی. او سونرالار بولوت قاراچورلو و قوزی آذربایجاندان اولان شاعیرلر ایله علاقه یاراداراق داها دا آرتیق تورک دیل و ادبیاتیندا یازیب یاراتماغا چالیشدی. او شاه زامانی فارس شوونیستلری الیندن بئزه رک تهراندان تبریزه قاچاراق تهران حاکیمیتی و فارس شوونیستلری نین مدنیتسیز داورانیشلارینی تنقید آتیشینا توتدو، اوخویوروق:

»تهرانین غیرتی یوخ شهریاری ساخلاماغا                قاچمیشام تبریزه قوی یاخشی یامان بللنسین

باغچامیز فاسید اولوب، هر نه اکرسن آچماز              یئری داشلیقدی گرک تورپاغی غربیللنسین

مدعاسی چوخ اولان طبل تهی پر بادیق                  نئیله یک زورناچی نین بورنو گرک یئللن سین.

بو گیجللنمه دن آی چرخ فلک سن ده یورول             بو حیاسیز گونه گؤزلر نه قدر زیللن سین؟

.......

لعنت اول باد خزانه کی نظامی باغی نین                بیر یاوا گولبه سری قویمادی کاکیللن سین(3).

آرزو جلگه لرینده بیز اکن مزرعه لر                دئیه سن ساقه له نیب قوی هله گوللن سین.(4)

شهریار »تورکون دیلی« آدلی شعرینده فارس شوونیستلری و  اونون اویونجاقلارینی اؤز ادبی قلمه ایله شاللاقلاماغا و قامچیلاماغا باشلادی، اوخویوروق:

»تورکون دیلی تک سئوگیلی ایستکلی دیل اولماز      اؤزگه دیله قاتسان بو اصیل دیل اصیل اولماز

اؤز شعرینی فارسا عربه قاتماسا شاعر                   شعری اوخویانلار ائشیدنلر کسیل اولماز

فارس شاعری چوخ سؤزلرینی بیزدن آپارمیش  صابر کیمی بیر سفره لی شاعر پخیل اولماز

تورکون مثلی فولکلورو دونیادا تکدیر               خان یورقانی کند ایچره مثلدیر میتیل اولماز

آذر قوشونو قیصر رومی اسیر ائتمیش           کسری سؤزودور بیر بئله تاریخ ناغیل اولماز...(4).

بونلارا باخمایاراق نورالدین غروی (نجفی مرعشی) ذات عالی نین اوستاندارانه فیکیرلریندن اوخویوروق:

» ...آنها که در جمهوری آذربایجانند بخاطر ١٧٠ سال هجوم بی امان فرهنگی از طرف تزار و بدتر استالین ، امروزه دچار بحران پیشرفته هویت هستند و غمگنانه باید گفت که سالیانی و نسلهایی طول خواهد کشید که خویشتن خویش را بازیابند.«(1)

اوسته گؤروندوگو کیمی پان ایرانیستلرین پهلویلر زامانی 18 قفقاز شهرلری نین(باکی، گنجه و.....) ایرانا عایید اولدوغونو ایددعا ائتدیکلری سؤویئتلر ترکیبینده آذربایجان جومهوریتینین وار اولما فیکیرلرینی پان ایرانیسلیک اوچون بیر تهلوکه کیمی اساس گؤتورولموش ایمیش. آذربایجان مسئله سی بوگون پان ایرانیستلرین قیرتلاقلاریندان یاپیشاراق اونلاری بوغما حالینا چاتارکن پان ایرانیستلر آذربایجان ایجتماعیتینه یأس آیه سی اوخوماغا باشلامیشلار. دئمک، بوگون آذربایجان جومهوریتینده دیل و مدنیت باخیمیندان بحران دئیه بیر مسئله یوخدور. اونلارین مستقیل اولماسی و آذربایجان جومهوریتی نین یارانماسی پان ایرانیستلری بحرانا سوخموش دئسک، یانیلمامیشیق. گئنه ده نورالدین غروی (نجفی مرعشی) ذات عالی نین قلمیندن اوخویوروق:

»...ترکیه راهم گواهیم که سالیانی است آویزان ، بین شرقی بودن و غربی بودن سرگردان است و این زمان در راهروهای اتحادیه اروپایی و در پایتختهای اعضای آن بدنبال احراز هویت خود است.....ولی توی ایرانی از معدود ملتهایی هستی که در درازنای هزاره‌ها هویتت در کوره داغ و سوزان رویدادهای تلخ و شیرین و فراز و فرودهای دورانساز آبدیده شده است‌. من به آنان ، ترکها ، احترام می‌گذارم همچنانکه به عربها ، به چینی‌ها ، به افریقاییها و همه ملتهای دیگر اما دست کم برای نگهداری سلامت روان و شخصیتم چهارچشمی هویت خودم را می‌پایم.«(1)

بیلیندیگی کیمی میللی وارلیق دیل، مدنیت، گله نک (عنعنه)، گؤره نکلر (آداب و رسوم) و بللی بیر جغرافی بؤلگه اوزرینده آنلام تاپا بیلر. بو باخیمدان بیر آذربایجانلی ایله بیر بلوچیستانلی نین هانکی اورتاق باغلاری وار دئیه دوشونورسک، بو پان ایرانیست فیکیرلره صاحیب اولان راسیستلرین نه دئمک ایسته دیکلرینی باشا دوشمکده چتینلیک چکمه مه لی ییک. بونلار ایران ممالیکی محروسه سینده میللتلر مسئله سینی داناراق فارس دیل و مدنیتی اساسیندا بیر چوخ باخیمدان بیر بیرلرینی باشا دوشمه یه جک بیر خیالی میللت یاراتماغا چالیشیرلار. نورالدین غروی (نجفی مرعشی) آمریکا مقاملارینا دئگینه رک انصافعلی هدایت ه خیطاب اولاراق یازیر:

».. همشهری گرامی‌ام

تو از تبار مادانی ، تو از خویشان بابکی ، تو فرزند ستارخانی مادان الفبای ٢٦ تایی را ساختند و آنرا به همگان از هر قبیله‌ای و قومی و نیز به پارسها آموختند. بابک دل در گرو عشق همه ایرانزمین داشت از خراسان بزرگ تا طبرستان و ری و اصفهان و همدان همه را سرزمین مادری خود می‌دانست و کمر بر پاسداری از آن سرزمین گرامی بسته بود چنین بود که خواسته اورا در همه ایران از خراسان تا اصفهان پذیرا شدند و در رکاب او جنگیدند. و ستارخان وقی کنسول روس پرچم کشورش را به او پیشکش کرد تا بر بالای بامش بنهد که در امان باشد میدانم که میدانی به او گفت : جناب کنسول من میخواهم که هفت دولت زیر بیرق ایران باشد و تو از من میخواهی که زیر بیرق روس بروم. وقتی محمد علیشاه مجلس را به توپ بست همه ایران خاموش شد ولی تبریز بپا خواست‌.انجمن تبریز محمد علی را از سلطنت خلع کرد. انجمن تبریز پارلمان ایران شد و همه ایران را رهبری کرد. تبریزیها محمد علیشاه را به زانو درآوردند و عین الدوله را سکه یک پول کردند. زن و مرد تبریزی سرها دادند ولی سر خم نکردند چرا که مثل همیشه تاریخ پیشتاز رهایی بودند و در آزادیخواهی سروری میکردند که دغدغه همه ایران را داشتند که سهمگین ترین محاصره که در تاریخ کم شمار است را تحمل کردند برگ درخت و علف خوردند ولی در برابر دیکتاتور خم نشدند اما تا شنیدند متجاوزان روس از مرز جلفا رد شده و به پشت دروازه‌های تبریز نزدیک میشوند به شاه تلگراف زدند که " شاه بجای پدر و توده فرزند است‌. بیگانه نباید از رنجش بین آن دو سو ء استفاده کند‌. ما از خواست خود می‌گذریم‌...... "من می‌دانم که تو حال مردان انجمن را و ستارخان را در آن لحظات می‌فهمی. آنان خار در چشم و استخوان در گلو از خونهای به زمین ریخته ، از زجرهای کشیده شان گذشتند که بیگانه سرزمینشان را نیالاید. «(1)

بو اوسته کی عیبارتلری فارس شوونیستلیگینین نه اولدوغونو بیلمه گن، آنجاق اؤزونو »هامینی بزر، اؤزو لوت گزر« بیر ایگنه کیمی اولمالی دئیه دوشونن بیر کس بلکه ده بو مداحلیقلاری ائشیدرکن یئر و گؤگده دورا بیلمه سین. آنجاق دیل و مدنیت باخیمیندان فارس شوونیستلری و پان ایرانیستلر طرفیندن بیر دوشمن کیمی معامیله اولوندوقلارینی باشا دوشنلر نورالدین غروی کیمی اوستاندارلارین(!!!) آغیللارینا حئیران قالماسین، نه ائتسین؟؟ بونلار فارس شوونیستلری نین یالنیز بالتا ساپی دگیل، بونلار اینسانلیغین اوز قاراسیدیرلار. گئنه ده اوخویوروق:

»...تو روزنامه نگاری و بیگمان بهتر از من میدانی که چند ماهی پیش از تغییر نام اران به جمهوری آذربایجان بدست دولت مساواتچی‌ها ، وقتی گروهی از همگنان تو ، روزنامه نگاران ایرانی که زبانشان هم ترکی بود و در باکو زندگی می‌کردند ، از ترفندهایی که می‌گذشت و نیرنگهایی که برای دیگر کردن نام اران به آذربایجان آگاه شدند روزنامه‌ای بنام "آذربایجان جزء لاینفک ایران" در باکو چاپ کردند که در آن به آن تمهیدها می‌تاختند و از تمامیت ارضی ایران دفاع می‌کردند‌. «(1)

اوسته گؤروندوگو کیمی نورالدین غروی (نجفی مرعشی) نین یازدیغی انصافعلی هدایته عنوانلانمیش آچیق مکتوب دگیل، پان ایرانیستلرین وا ویلا سسیدیر. پان ایرانیستلر باشلاریندا محمود افشار اولاراق تاریخی آذربایجان اراضیلری اوزریندن آذربایجان کلمه سینین سیلینمه سی اوچون اللریندن گلن شرارتی ائتمه گه چالیشمیشلار. محمود افشار 1918 اینجی ایلده آذربایجان جومهوریتی یاراندیقدا رضا شاهین ساغ الی کیمی تانینان آینده مجله سینده یازیردی، ترجومه:

»1- بیز اؤز مئدیالاریمیزا »باکی جومهوریتی« یئرینه »آذربایجان جومهوریتی« ایستیفاده اولونماسین دئیه توصیه ائدیریک. 2- بیز حاکیمیتی عموم ایلیشگیلرینده »آذربایجان« یئرینه »اران« و یا »باکی« کلمه سینی ایستیفاده ائتمه سینی ایسته ریک. 3- باشقا قونشولاریمیزین ترسینه روس ائلچیلیگی نین بیزیم سؤزلری ائشیده جک قولاقلاری وار . بوندان یانا بیز اونلاردان اؤز حکومتلرینه »آذربایجان« یئرینه »اران« کلمه سینین ایشلتمه لرینی خاهیش ائده ریک.«(5). بو ویلایت (آذربایجان جومهوریتی) هئچ بیر زامان آذربایجان دئگیلمه میش و تاریخی کئچمیشی ده یوخ. من بو سطیرلرین یازاری آلمانیانین بئرلین شهرینده ایکن مارکوآرت (Marquart)ین دئدیکلریندن بو قناعته گلدیم.(6). محمود افشارین یالانچی ایفاده لریندن یولا چیخاراق عنایت الله رضا »آذربایجان« و »اران« آدلی کیتابی آذربایجانین تاریخی تورپاقلارینی دانماق اوچون چاپا حاضیرلادی. دئمک، بیریاندان رسمی تهران حاکیمیتی یئنی ایداره ائتمک سیستیمی آدی آلتیندا تاریخی آذربایجان اراضیلری اوزریندن آذربایجان آدینی گؤتوره رک محلده کی شهر و ولایتلرین آدینی بیر جوغرافی آدی اولاراق آذربایجان آدی یئرینه قابارتماغا چالیشدی. باشقا یاندان پان ایرانیستلر تحریفلی یازیلاری ایله آذربایجانلیلارین تاریخی یئر آدلارینی، دیل و مدنیتلرینی، منلیک و کیملیکلرینی تحریف ائتمه گه چالیشدیلار. بو شوونیستی و پان ایرانیستی داورانیشلارا باخمایاراق سامانیلر درباریندا وزیر اولان محمد بلعمی یه گؤره »آذربایجان تورپاقلاری همداندان باشلار، ابهر و زنگان شهرلرینی کئچه رک دربند شهرینده سونا چاتار«(7). گئنه ده نورالدین غروی (نجفی مرعشی) ذات عالیدن انصافعلی هدایت ه خیطاب اوخویوروق:

»...تو فرزند خلف ستارخانی‌. که وقتی محمد علیشاه را بر انداخت و همه جا سکه بنام او میزدند‌. او که فارسی هم نمیدانست بجای اینکه رو بسوی همزبانانش در شمال ارس بیاورد ، که اگر چنان میکرد تزار روس خلعت الماس نشان به او می‌پوشاند و هزار تمکین و تامین از او می‌کرد ، رو به تهران برد‌. چرا که عشق ایرانزمین در سر داشت ولو اینکه در باغ اتابک تیر بپایش بزنند و از سر بی مروتی آن بر سرش آورند که همه میدانیم‌. و بر این باور نبود که اختلاف زبان اختلاف در ملیت را سبب میشود.

بورادا نورالدین غروی (نجفی مرعشی) نین نه دئدیگی بللی، آنجاق تهرانین ستارخان ایله نئجه معامیله ائتدیگینی بیر سیاسی مصلحت اولاراق اؤز پان ایرانیستی دوشونجه لرینین دوغرولتوسوندا آچیقلاماق ایسته مه یه رک عوامفریبلیک ائتمه گه چالیشیر. تهرانین ستارخان و آذربایجان مجاهیدلری ایله نئجه رفتار اولوندوغو تمجید السلطان ایمضاسی ایله ایران داخیلی ایشلر وزیرینه یازیلان مکتوبدان اوخوماق بیر چوخلاری اوچون، او جومله دن پان ایرانیستی فیکیرلره آلدانانلار اوچون بو مکتوبون اوخونماسی یاخشی اولاردی، نورالدین غروی ذات عالی گئنه ده یازیر:

».... تو خویشاوند بابکی‌. من از تو می‌خواهم که بابک باشی. چنان که گنجی هست. این آذربایجانی این شیر ژیان که غم همه ایران دارد. که آرش‌وار همه هستی‌اش را بر کمان آرمانهای آزادیخواهانه اش نهاده تا که مرز آزادی ایرانی را تا دورترین فراخنای زمان و مکان جلوتر ببرد.«(1)

اوسته گؤروندوگو کیمی یالانچی ایصلاح طلبلرین تورونا دوشموش اکبر گنجینی ایران آدینا پان ایرانیستلر بیر بابک دئیه گؤسترمه گه چالیشیرلار. دئمک، اکبر گنجی کیملیک و منلیک باخیمیندان آذربایجانلی، اؤز آنا دیل و مدنیتی فارس شوونیستلری طرفیندن یوخلوق ایله اوزلشدیگینی دیله گتیرمه دیگی اوچون خاریجده کی فارس موخالیف تشکیلاتلار و لوس آنجلسده کی تلویزیونلار دا ایچریده کی حزب نژادپرست جبهه میللی، حزب نهضت آزادی، جبهه مشارکت ایران ایسلامی تشکیلاتلاری کیمی اکبر گنجینی اؤز پان ایرانیستی گؤروشلرینه اویقون حئساب ائدیرلر. آنجاق اکبر گنجی اؤز تورک اولدوغونو، اؤز کیملیک و منلیگینی دیفاع ائتمه گه قالخارسا، فارس شوونیستلری و شوونیستی فارس تشکیلاتلاری اونو آذربایجان میللی فعاللاری دک خبر بایکوتو ایله ایجتماعیت دیققت مرکزیندن یاییندیرماغا چالیشاجاق گؤرونورلر. بو باخیمدان فارس شوونیستلرینین اویونجاغی اولان نورالدین غروی (نجفی مرعشی) ذات عالی اینصافعلی هدایتی اکبر گنجی اولماغا چاغیردیغینین شاهیدی اولوروق، گئنه ده اوخویوروق:

»....بر من زیاده خرده مگیر‌. نزدیک به سه هزاره است که دلواپس یکپارچگی ایران هستم و درد عشق آن مادرشهر دوست داشتنی بیقرارم کرده است‌.
سخت بر این باورم که تو هم دغدغه ایران داری‌. پس بیا باهم همصدا شویم و با همه زور و توان فریاد زنیم: یاشاسین ایران ، یاشاسین آزادلیق. همشهری تو نورالدین غروی استاندار پیشین آذربایجان شرقی nurgharavi@yahoo.com«(1)

گؤرندوگو کیمی باستانگرایلیق و مقاله سینین اوسته کی بؤلوملرینه باخدیقدا آریاپرستلیک نورالدین غروی حضرتلرینین جانینی اوخوموش و اوندان اینسان دگیل، ایراده سیز بیر قول یاراتمیش دوروما گتیریب چیخارتمیشدیر. نورالدین غروی (نجفی مرعشی) ذات عالی کیمی قوللار، قوربان قولولار اؤزلرینین کیم اولدوقلارینی و چؤره گی هانکی قیمته یئدیکلرینی بیله بیلمک ایسته میرلر. بونلار اوچون آقالارین بویوروقلارینی یئرینه یئتیرمک بونلارین کؤنلونجه اولورموش. بو باخیمدان ایران ممالیکی محروسه سی اوزره کئچمیش تاریخه نظر سالدیقدا هخامنشلر، کوروشلارین بین النهرین مدنیتلری علیهینه یئریتدیکلری جنایتلر باستانگرایلارین روحلارینی اوخشامیش (نوازیش ائتمیش) گؤرونور. اوندان یانا قدیم آذربایجانداکی یارانمیش مدنیتلر، ایلام مدنیتلری و ساییره لر... آریایی ساییلمادیقلاری اوچون پان ایرانیستلرین گؤزلرینی کور اولموش دوروما گتیریر چیخاریر.

قایناقلار:

1- نورالدین غروی استاندار پیشین آذربایجان شرقی

سه‌شنبه ٢١ تير ١٣٨٤: http://www.iran-emrooz.net/index.php?/politic/more/2736/

2        http://www.adf-mk.org/F/af.html

3) اوستاد شهریار بورادا آذربایجان دیلینین وضعیتینی اله آلیر. نظامی نی فارس دیلینه خیدمت ائتدیگی اوچون آذربایجاندان بیر اؤرنک اولاراق قلمه آلیر.

4) محمد حسین شهریار، کلیات ترکی شهریار، شاطر اوغلان. چاپ 1371 تهران.

5) محمود افشار، آینده، 1352، صحیفه 924.

6) آدی کئچن اثر، صحیفه 922.

7) ابو علیمحمد ابن محمد بلعمی: تاریخنامه طبری، جلد 1، تهران 1366، خبر گشادن آذربایجگان و دربند خزران صحیفه 534-529.

ایشیق سؤنمز 12.07.2005

استعمار