فارس ایستعمارینا دایالی دوشونجه لر-8

ایران ممالیکی محروسه سینده جومهوریتچیلیک عنوانیندا اولان تمامیتچی گوجلری ایکی بؤلومه آییرماق اولار:

1) سئکولار جومهوریتچیلر. بونلار ایسلام جومهور حاکیمیتی قورولدوقدان سونرا زامان گئدیشی ایله ایسلام جومهوریسینه اوپوزیسیون دورومونا دوشه رک دینی حاکیمته قاتماق ایسته گینده دگیل لر. بو کسیمی آغیرلیقلی اولاراق فارس سول تشکیلاتلاری اولوشدورماسینا باخمایاراق حزب نژادپرست جبهه میللی عوضوولری باشلاریندا علی راسخ افشار جنابلاری اولاراق بو حرکتی اله کئچیرمک اوچون بو توپلوما قاتیلمیشلار.

سئکولار جومهوریتچیلر اؤزلرینی ایسلام جومهوریتینه بیر آلتئرناتیو دوشونه رک حاکیمتی اله آلماق اوچون ایسلام حاکیمیتینه سون قویماغی مقصده اویقون حئساب ائدیرلر. سئکولار جومهوریتچیلر ترکیب باخیمیندان اولدوقجا قاریشیق بیر توپلوم ساییلمالیدیر. بونلارین ایچریسینده ایسترفارس نژادپرست جبهه میللی چیلر اولسون، ایسترسه ده ایران ممالیکی محروسه سینده کی میللتلر طرفدارلاری اولانلار اولسون یئر آلیرلار. بو باخیمدان حزب نژادپرست جبهه میللی عوضوو اولان علی راسخ افشار بو توپلومو بیر ساعاتلی بومبایا اوخشاتمیش. اونون گؤروشونه گؤره فارس اولمایان میللتلر طرفدارلاری فیکیر باخیمیندان اولقونلاشسالار، ایران ممالیکی محروسه سی داغیلماق خطری ایله اوزله شه بیلر(2).

2) جومهوریتچیلر:

الیف) اتحاد جومهوریخواهان میللی (فارس دیل و مدنیتینی اساس گؤتورنلر): بوسیرادا یئر آلان فارس تشکیلاتی جومهوریخواهان میللی، سازمان فداییان خلق اکثریت و بیر چوخ فردلراو جومله دن آذربایجان منلیک و کیملیگینه دوشمن کسیلن بابک امیر خسروی لر یئرلشیرلر.

اتحاد جومهوریهان میللی حاکیمیتی فارس کیراواتچیلارینا بویورتماق (تقدیم ائتدیرمک) اوچون اولدوقجا ائحتیاط ایله حرکت ائتمه نی مقصده اویقون حئساب ائدیر، یئری گلدیکده ایچریده کی ایسلام جومهوریسی نین ایصلاحاتچی آدلانان حاکیمیت قانادینا یاشیل ایشیق توتاراق اونلاری یؤنلندیرمه گه چالیشیرلار. بونلار ایران ممالیکی محروسه سینده کی میللتلر مسئله سینی ایران طایفالاری (اقوام ایران) ساحه سینه دوشوره رک ایراندا میللتلر مسئله سینین اولمادیغینی یئدک چکیرلر. بوگؤروشون باشچیلاری بابک امیر خسروی و حسن نزیه جنابلاریدیرلار.

ب) جمهوریخواهان اسلامی(شیعه لیک و فارس دیلینی اساس گؤتورنلر): بو سیردا یئر آلان جبهه مشارکت ایسلامی، سازمان مجاهیدین اینقلاب ایسلامی و بونلارین قالیق وتؤکونتولری یئر آلیرلار.

ایسلام جومهوریتچیلری صاحیب اولدوقلاری نیظام و اینتظامی الدن وئرمه مک اوچون شیعه لیک و فارس دیل و مدنیتی  اساسیندا وطنداشلیق (شهروندلیک) مقوله سی اؤزره موخالیفلره تعویض وئرمک واسیطه سی ایله اوزلشدیکلری چیخماز دورومو آشماغا چالیشیرلار. ایسلام جومهوریتچیلری میللی مسئله یه توخونمادان شیعه لیک و فارس دیل مدنیتی نی اؤزلری اوچون اساس گؤتورور و فارس اولمایان میللتلر مسئله سینی ده وطنداشلیق ساحه سینه  دوشوره رک فارس ایستعماری اساسیندا حاکیمت ائتمه گی مقصده اویقون حئساب ائدیر. بو گؤروشون باشچیلاریندان اولان سیدمصطفی تاج زاده جنابلاری نین یازیسی نین بعضی پاساژلارینی بیرلیکده اوخویوروق:

"...۱- با وجود سپرى شدن بيست و پنج سال از پيروزى مردمى ترين انقلاب بشر دراين گذرگاه تاريخى لازم است بار ديگر درباره نظريه «جمهورى اسلامى» به بحث بنشينيم چرا كه عملكرد مخالفان مفهوم جمهورى اسلامى در هر دو جريان فكرى جمهوريخواهان منهاى اسلام و اسلام خواهان منهاى جمهورى به مرز ساختارشكنى در دولت و جامعه مدنى رسيده است و نظام سياسى ايران را در معرض چالش تغيير از «جمهورى» اسلامى به «حكومت» اسلامى يا حكومت سكولار قرار داده است"(1).

اوسته گؤروندوگو کیمی سید مصطفی تاج زاده جنابلاری بو ایکی گؤروش آراسیندا(جمهوریخواهان منهای اسلام و اسلام خواهان منهای جمهوری) اولان قوپوقلوغو دولدورماغ اوچون آشاغیدا گؤره جگیمیز دکی باشقا بیر مودئل تئوریزه ائتمه گه چالیشیر. بئله لیکله ایسلامچی و سئکولار باشلیغی آلتیندا اولان قارشی دورمالاری آرادان قالدیرماغا چالیشیر. اوخویوروق:

"..روشن است كه لبه تيز اين شعار در سال ۱۳۵۷ متوجه استبداد مطلقه شاه بود، اما رهبر فقيد انقلاب براى تثبيت روحيه دموكراتيك نظام جديد «جمهورى اسلامى»را جايگزين كرد تا نه فقط با ديكتاتورى مطلقه پهلوى، بلكه با هرگونه ديكتاتورى نيز مخالفت كرده باشد. به همين دليل «جمهورى اسلامى» از لحظه طرح شدن در دو جبهه با مخالفان مردم سالارى روبه رو شد، اول با ناقضان بالفعل دموكراسى كه مى كوشيدند مانع «پيروزى» اين گفتمان نونهال، اما رو به آينده شوند. دوم با دموكراسى ستيزان كه از همان ابتدا مخالف استقرار اسلام در قالب «جمهورى» بودند"(1).

آذربایجان میللت مسئله سی دیل و مدنیت اساسیندا اولدوغو اوچون کئچمیش 26 ایل ایچریسینده ایسلام جومهوریسی نین آنایاساسیندا فارس اولمایان دیللرین مکتبلرده اوخونماسینا حق وئریلمه سی و میللتلرین حقوق برابرلیگیندن سؤز ائدیلمه سینه باخمایاراق بوگونه دک فارس و ائرمنی دیللریندن باشقا دیللرین مکتبلرده اوخونماسینا ایمکان وئریلمه میش. آذربایجان میللتی نین دیل و مدنیتینه اویقون سیاسی و مدنی تشکیلاتلارین یارانماسینا ایمکان یارادیلمامیش. آذربایجان ولایتلرینده تورک دیللی تئلویزیون کاناللاری دگیل، فارس دیل و مدنیتی نی اساس گؤتورن فارس تئلویزیون کاناللاری فارس اولمایان توپلوملاری فارسلاتماق اوچون دورمادان پروقراملار یایینلاماغا باشلامیش و بوگونده آیت الله خمینی زامانینداکی سیاست داوام ائدیر. گئنه ده اوخویوروق:

"..۲- مدافعان نظريه «جمهورى اسلامى» مى توانند بر مبناى اشتراك در زمينه لزوم استقرار دموكراسى و جمهورى در ايران با روشنفكران واقع بين و آزاديخواه در مورد سربلندى اسلام در منطقه و جهان با محافظه كاران غيربنيادگرا و غيرتماميت خواه همزبانى كنند.براساس اشتراك در تعلقات «اسلامى» به گروه اخير مى گوئيم چنانچه بخواهيم «نظام اسلامى» حفظ شود و تداوم يابد، اين امر در عصر جهانى شدن، به خصوص پس از حادثه تروريستى ۱۱ سپتامبر، منوط به رعايت كامل حقوق شهروندان و استمرار حضور و مشاركت «جمهور» در عرصه سياست و تصميم گيرى است تا چهره انسانى و دموكرات آن مهم ترين سد را در برابر زياده طلبى بيگانگان ايجاد كند"(1).

بورادا تاج زاده جنابلاری اؤز فیکیرلرینی آچیقجا اورتایا قویمادیغینا باخمایاراق کسینلیک ایله فارس دیلینی اساس گؤتوره رک پاکیستان کیمی بیر ایسلام جومهوریسی حکومتی نظرده توتولور. بیلیندیگی کیمی پاکیستاندا دا حاکیمتین آدی »ایسلام جومهوریسی«دیر. تمامیتچی اولماماق باخیمیندان اینگیلیس دیلی ایداره دیلیدیر. حاکیمت اوردو دیللی لرین اللرینده اولماسینا باخمایاراق پشتون، بلوچ و باشقا خالقلارا  دیل و مدنیت باخیمیندان بیر اؤلچوده آزادلیق وئریلمیشدیر. گئنه ده اوخویوروق:

" پس بار ديگر توجه آن دسته از پيروان تز «حكومت اسلامى» را كه هنوز اسلام خواهى خود را تابع منافع فردى و گروهى خود نكرده اند، ولى تصور مى كنند ساخت حقيقى نظام اسلامى، يعنى جمهورى اسلامى را به نفع حكومت بدون جمهور مطلوب خود تغيير دهند، به اين نكته جلب مى كنم كه مقابله با جمهوريت نظام و استراتژى «ايران براى همه ايرانيان» و دلسرد كردن «جمهور»، نه فقط «جمهورى اسلامى»، بلكه خود نظام را با تهديد مواجه خواهد كرد"(1).

بو اوسته کی ایفاده لرده » نه فقط جمهوری اسلامی بلکه خود نظام را با تهدید مواجه خواهد کرد« ایفاده سی اولدوقجا دوشوندوروجودور. دئمک، بورادا آدرسلنمیش ایفاده لر ایسلام آدینا حکومت ائدن مسئول مقاملاری آشیب کئچه رک حاکیمت داییره لرینده کی فارس شوونیستلرینه یؤنلمیش گؤرونور. بورادا فارس دیل و مدنیتی نی اساس گؤتورن حاکیمیت سیستیمینه ایشاره اولونور. گئنه ده اوخویوروق:

"پيام طرفداران جمهورى اسلامى به عرفى گراهايى كه پيرو استبداد سكولار نيستند و قصد ندارند از «لائيسيته» يك عقيده توتاليتر و يك ايدئولوژى ضداسلام بسازند، اين است كه دموكراسى طلبى و جمهوريخواهى به مثابه نقطه اشتراك بنيادى و به عنوان موثرترين ملاط همبستگى ملى در شرايط كنونى، مى تواند متفاوت ترين قشرهاى اجتماعى را به صورت مسالمت آميز گرد آورد و حقوق همگان را پاس دارد. آنان بايد توجه كنند كه مخالفت با اسلام ضربه اى كارى به جمهوريت، همبستگى دموكراتيك و يكپارچگى ملى است"(1).

بورادا اوستو اؤرتولو بیچیمده حاکمیتین آدی جومهوری ایسلامی قالسین دئیه رک کئچمیش موخالیفلری بیر ماسا اطرافینا چاغیرماسی مشارکت ایسلامی جبهه سی نین »ایران برای همه ایرانیان« مقوله سینین تیکرارلانماسیندان باشقا بیر موضوع دگیل. بیلیندیگی کیمی کثیرالملله توپلومو دئموکراتیک پرینسیبلری اساس توتاراق ایداره ائتمه گه دوشوننلر بو میللتلرین دیل و مدنیتلری و حقوق برابرلیکلرینی تانیمالیدیرلار. دئمک فارس دیل و مدنیتی اساسیندا کثیرالملله بیر توپلومو شهروندلیک حددینه دوشوره رک ایداره ائتمک دئموکراتچیلیق دگیل، تمامیتچیلیک ساییلمالیدیر. گئنه ده اوخویوروق:

" ۳- به نظر مى رسد دو جريان «اسلام ستيز» به اسم جمهوريت و «جمهورى ستيز» به نام اسلاميت به رغم آنكه دو منشا و دو آرمان متفاوت دارند و دو جماعت كاملاً ناهمسان را تشكيل مى دهند، آگاهانه يا ناآگاهانه ولى در هر حال همسو با يكديگر در جهت تضعيف «جمهورى اسلامى» عمل مى كنند كه البته نتيجه واحدى دارد، جمهوريت دموكراسى و اسلام صلح طلب با هم در معرض تهديد و انزوا قرار مى گيرند"(1).

گؤروندوگو کیمی بورادا مصلحت باخیمیندان ایکی موختلیف گؤروشو تاج زاده جنابلاری باریشدیرماغا چالیشیر. بو دا »لائیک« بیر سیستیمده » دین« سیاسته قاریشدیریلماز مسئله سینه تاج زاده جنابلارینین واقیف اولمادیغینی اورتایا قویموش اولور.  دئمک، لائیک بیر سیستیمده دینین سیاسته قاتیلمادیغی و هر کسین دونیا گؤروشونه ائحترام قویولدوغو نظره آلینار. قیسا سؤز ایله دئسک،لائیک حکومت دینه اساسلانان حکومت دگیل. گئنه ده اوخویوروق:

"روشن است كه اين دو گروه از قدرت همسانى برخوردار نيستند و نگرش عميقا دينى ايرانيان سد بزرگى برابر «اسلام ستيزان» ايجاد كرده است. به همين دليل «جمهورى ستيزان» از قدرت به مراتب بيشترى در مقايسه با رقيب ساختار شكن خود برخوردارند. همين امر باعث مى شود كه اين مقاله را عمدتاً به جماعت اخير اختصاص دهم و آنان را به بازگشت به پروژه كلى انقلاب اسلامى فرا خوانم. در فرصتى ديگر با عرفى گراها سخن خواهم گفت.درباره قدرت اين عده ذكر يك خاطره مفيد است. چند روز پس از ورود امام به ايران هنگامى كه تعدادى از سنت گرايان تراز اول به ديدار ايشان آمده بودند، رهبر فقيد انقلاب آقاى دكتر حسن حبيبى را صدا مى زند و به ايشان مى گويد هر چه سريع تر پيش نويس قانون اساسى را تهيه كنند، زيرا اين آقايان آمده اند كه بگويند كشور اسلامى احتياج به قانون اساسى ندارد. شريعت كفايت مى كند"(1)

اوسته گؤروندوگو کیمی بورادا تاج زاده جنابلاری جومهوریتچیلری تظاهور ائتمکدن یاییندیرماغا چالیشالاراق اونلارا ایسلام جومهوریسی آدی آلتیندا بیر ملغمه یاراتمانی تکلیف ائدیر. بو مسئله ده فارس شوونیستلرینه گؤز یومولماسی دا تاج زاده جنابلاری نین دئدیکلرینه بیر برائت حوکمو کیمی گؤرونه بیلر. دئمک، ایسلام آدی آلتیندا فارس شوونیستلیگینه گؤز یومانلار، یالنیزایسلام حاکیمیتی نین عابریسینی آپارماق دگیل، ایران ممالیکی محروسه سینده کی مسلمان اینسانلارین اینانجینا دا سایقیسیزلیق ائدیرلر. گئنه ده اوخویوروق:

"سوم- ۱- مدتى است بعضى ادعا مى كنند كه مواضع اعلامى امام در پاريس نه استراتژيك و از روى اعتقاد بلكه «تاكتيكى» و «براى اسكات خصم» يعنى ساكت كردن غربى ها بود. صرف نظر از توهين آميز بودن اين ادعا و در واقع اين اتهام كه از رهبرى فقيد انقلاب چهره اى دوگانه ترسيم مى كند كه به قدرت اصالت مى داد، چون سخن و فعل او قبل و بعد از دستيابى به حكومت متفاوت مى شود. فرض كنيم حق با مدعيان باشد. با وجود اين مى پرسم چه چيز تغيير كرده كه لازم شده است «جمهورى اسلامى» به «حكومت اسلامى» تبديل شود؟ آيا مردم مخالفت دخالت و مشاركت خود در عرصه تعيين سرنوشت شده اند؟ آيا گفتمان بين المللى در آن زمان دموكراتيك بود و اكنون ضد «جمهورى» و «دموكراسى» است؟ آيا جمهورى اسلامى ديگر به حمايت بالفعل ملت نياز ندارد و تهديدات داخلى و خارجى عليه آن برطرف شده است؟ به نظر من و با هر تحليلى امروز بيش از سال ۵۷ بايد بر عناصرى از قبيل «دموكراسى»، «حقوق بشر»، «جمهوريت» و «انتخاب آزاد» تكيه كنيم تا بتوانيم ضمن رعايت حقوق شهروندان با كمترين هزينه، تهديدهاى ملى و بين المللى را پشت سر بگذاريم و يكپارچگى ملى را نيز حفظ كنيم"(1).

اوسته گؤروندوگو کیمی تهران حاکیم داییره لرینده حاکیمیتلرینی تثبیت ائتمک اوچون کیمی سی »جومهوری ایسلامی« کلمه سی نین یئرینه »حاکیمیت ایسلامی«، کیمی سی ایسه »جومهوریت اسلامی« دئییمینی حاکیمیت آدی اوچون اویقون گؤرور. بو ظاهیرده آد دعواسی کیمی گؤرونن ایکی موختلیف حاکیمیت گؤروشونو اورتایا قویور:

1- ایسلام حاکیمیتی و اومتچیلیک. بو گؤروشه اساساً بوتون ایسلام توپلوملاری اونلارین میللی منسوبیتیندن آسیلی اولمایاراق محمد اومتی ساییلیر و ایسلام دا میللتچیلیک یوخ. بو گؤروشدن یولا چیخیلیرسا، ایسلام حاکیمیتی آلتیندا اولان تورپاقلاردا دیل و مدنیت اساسیندا میللت آنلاییشی اولمامالیدیر. دئمک، گورولتو یولا سالمادان هر توپلومون آیدینلاری اؤز دیللرینده بیر توپلوم اساسیندا دگیل، شخص اولاراق مطلب یازما و کیتاب چاپ ائتمه حاققینا مالیکدیر. آنجاق دیل و مدنیت اساسیندا میللی مسئله دوغرولتوسوندا چالیشماق نژادپرستلیک دامغاسی ایله ازیلمه گه محکومدور. بو مسئله سوسیالیستلیک ادعاسیندا اولان فارس سول تشکیلاتلاری گؤروشو او جومله دن سازمان فداییان خلق (اکثریت)اوچون ده کئچرلیدیر.باخ: . ما خواهان حل دموکراتيک مسئله ملی در کشورمان ايران هستيم، اما دامن زننده مسئله ملی و احساسات ملی نيستيم (4). دئمک میللی مسئله اؤزونو بو دئموکرات مئآبلارا تحمیل تئدیر. بونون ترسینه بونلار میللی مسئله نین حل اولماسی طرفداری دگیللر.

2- ایسلام جومهوریتچیلیگی، بو گؤروشدن یولا چیخیلیرسا، شیعه لیک و فارس دیل و مدنتینه اساسیندا ایران ممالیکی محروسه سینده میللیتلر مسئله سی وطنداشلیق(شهروندی) مقامینا دوشوروله رک ایران میللتی آدی آلتیندا فارس ایستعماری سوردوروله رک فارس اولمایان ایران ممالیکی محروسه سینده کی تورپاقلاردا بو توپلوملاری فارسلاتماق اؤز گونجللیگینی قورومالی اولاجاقدیر. بو باخیمدان »جمهوریخواهان اسلامی« باشقا ساغ فارس تشکیلاتلاری کیمی فارس اولمایان دیل و مدنیتلرین یاشاماسینا هئچ بیر حاق تانیماق ایسته مزلر دئسک، یانیلمامیشیق.

دئمک، ایستر»جومهوری اسلامی«، ایستر سه ده »حکومت اسلامی« عنوانی آلتیندا اولسون، ایران ممالیکی محروسه سینده کی فارس اولمایان توپلوملار اوچون فارس ایستعماری بیر بؤیوک دگیشیمه گه اوغرامادایاجاقدیر. بو ایکی کسیمین بیر-بیرلرینی »انترنالیستهای وطن« و »ناسیونالیت« اولماغا متهیم ائتمکلری فارس اولمایان ازیلمیش میللتلر اوچون بیر شئ گتیرمه یه جک گؤرونور(3).

 دئمک، ایسلامچیلار میللت مقوله سینی اومت اولماق ایله یوروملادیقلاری اوچون ایران ممالیکی محروسه سینده کی دیل و مدنیتلری »ایسلامیت« قالیبینده ایضاح ائتمه گه چالیشیرلار. بو مسئله ایدئولوژیک سول تشکیلاتلاردا او جومله دن فارس سول تشکیلاتلاریندا »ایشچیلر صینیفی (طبقه کارگر)« دابانیندا یوروملانماسی هامییا آیدیندیر. دئمک، میللتلرین وارلیغینی بیر ایدئولوژی اساسیندا یوروملاماغا چالیشانلار دئموکراسی مقوله سیندن اولدوقجا اوزاق گؤرونورلر.

قایناق:

1) سید مصطفی تاج زاده: جمهورى اسلامى و حكومت اسلامى،

http://mag.gooya.com/politics/archives/023464.php

2) علی راسخ افشار: با کمونیستها هم نمیتوانیم:

http://www.iran-chabar.de/1383/09/16/arash17.htm

3) سید مصطفی تاج زاده: ايران براي بعضي ايرانيان

http://mag.gooya.com/politics/archives/023082.php

4) هیئت سیاسی- اجرایی فداییان خلق ایران (اکثریت)، برخی ارزیابی های عمومی، پاره ای استنتاجات مشخص و بخشی از تأکیدات ما: در عرصه مسئله ملی در کشور! http://www.tribun.com/2300/2366.htm

ایشیق سؤنمز 10.02.2005

استعمار