فارس ایستعمارینا دایالی دوشونجه لر-6

بیلیندیگی کیمی ایران ممالیکی محروسه سینده کی فارس اولمایان میللتلر آراسی مییلی بیلینجین گلیشمه سی فارس سول تشکلاتلاریندا اولان آذربایجانلیلارا دا تکان وئره جک گؤرونور. بو تشکیلاتلاردا کئچمیشده داها فارسجا تمیز دانیشا بیلسک، تشکیلاتدا یوکسک وظیفه لره نائیل اولا بیله ریک دئینلر بوگون میللی مسئله باخیمیندان فارس تشکیلاتلاری اوچون چتینلیک تؤره تمیش اولاجاق گؤرونورلر. فارس ایستعمارینی ایران ممالیکی محروسه سینده فارس اولمایان میللتلره یوکله مه گه چالیشان تمامیتچیلرکئچمیشده تشکیلاتلاریندا بیر آیاقچی رولوندا گؤرونن عضولره قانع ائدیجی جاواب وئره جک قابیلیتینده گؤرونمورلر. اونلار بو دفعه آشاغیدا گؤره جه گیمیز کیمی علی کشتگر دک میللی مسئله نی شهروندلیق ساحه سینه دوشوره رک ایرانچیلیق دئیه فارسچیلیق قارشیسیندا بیز فارس دگیلیک دئینلره ایرانلی دگیلسینیز ایرانی ترک ائدین دئیه قالخماغا چالیشیرلار. بیلیندیگی کیمی بیر آز سیخیشدیقدا کاسا کوزه لرینی گؤتوره رک  هانکی سیچان دلیگینه گیره جکلری ده بللی دگیل. ایندی ایسه »دارا گلستان« آدلی فارس تمامیتچیسی نین فیکیرلرینی فارس سول تشکیلاتلارینا توهمی اولانلار اوچون »حق تعیین سرنوشت ملل« موضوعسوندا بعضی پاساژلارینی بیرلیکده گؤزدن کئچیرمه گه چالیشاق، اوخویوروق:

" ....اين موضوع که آيا امکان گذار يک پارچهء ايران از حکومت مذهبی حاکم وجود دارد يا خير ذهن بسياری از وطن دوستان را بخود مشغول کرده است. اهميت اين موضوع وقتی بيشتر ميشود که آدم ميبيند برخی از صاحبان نظر بخاطر ترس از تجزيهء ايران آگاهانه خواستهای خود را به اصلاح رژيم از درون محدود ميکنند"(1).

اوسته گؤروندوگو کیمی فارس ایستعمارچی قووه لرین دئموکرات مئابلیق ایددعاسیندا گؤرونمه گه چالیشمالارینا باخمایاراق ایران ممالیکی محروسه سینده کی تئوکراتیک حاکیمتی اولدوقجا تمکین ایله فارس اولمایان میللتلره حق وئرمه دن و ایران ممالییکی محروسه سینده کی میللی ظولمو حلل ائتمه دن فارس کیرواتچیلارینا تحویل وئریلمه سینین طرفداریدیرلار. فارس تشکیلاتلارینین رئفراندوم آدینا یولا سالدیقلاری توز دا بو دوغرولتودا دگرلندیرمه لیدیر. گئنه ده اوخویوروق:

"...  البته اشکال کار اين دسته اين نيست که در مواجه شدن با چنين خطری اگر جدی باشد دست به تعديل مبارزه ميزنند، بلکه در اين است که برای رفع اين خطر بر عليه کسانی که بنادرست مقولهء "حق تعيين سرنوشت ملل" را طرح ميکنند به مبارزه ای همه جانبه دست نمی زنند. اين برخورد پاسيو از جانب روشنفکران متعهد اين اجازه را به افراد و عناصر مغرض ميدهد که در اين مورد، بخصوص مرز ندانستن يا بد فهمی با مرز مرض و غرض رامخدوش کنند"(1).

اوسته گؤروندوگو بو دئموکرات مئابلار تهراندا حاکیم اولان نیظام و اینتیظاما موخالیفت ایددعاسیندا گؤرونمکلرینه باخمایاراق یئری گلرسه یوگسلاویداکی میلوسوویچ و ژنراللاری دک تانکلار آرخاسیندا اوتوراراق فارس اولمایان ایران ممالیکی محروسه سینده کی توپلوملارا دیوان توتماغا چالیشاجاق گؤرونورلر. دئمک بونلارین دئموکرات مئآب و یالانچی پوزلارینا آلدانان فارس اولمایان آیدینلار زامانی الدن وئرمه دن اؤز میللی ریسالتلرینی درک ائدرک فارس تشکیلاتلارینا آیاقچیلیق ائتدیکلری ایشلریندن ال گؤتورمه لیدیرلر. گئنه ده اوخویوروق:

".... مارکسيست لنينست ها به اصل حق تعيين سرنوشت به مثابه يک اصل بنيادی باور دارند و آنرا همواره تا زمانی که لنينيست کور کورانه اطاعت ميشد ترويج ميکردند. بدون توجه به اينکه ما امروز مارکسيسم لنينيست را قبول داشته باشيم يا نه، لازم است روشن شود که اساسا چنين اصلی وجود دارد يا خير؟ "(1).

بورادا کئچن 80 ایل ایچریسینده فارس اولمایان میللت اوولادلارینی مارکسیست و لئنینیست آدینا اؤز میللی فیکیرلریندن یاییندیرماق آچیقجا اورتادا گؤرونور. دئمک فارس دیل و مدنیت هئگمونیسینه توخونولمورسا (باخ اوسته: تا زمانی که لنینیست کورکورانه اطاعت میشد ترویج میکردند.) یئری گلدیکده » حق تعیین سرنوشت ملتها« مقوله سینی بیر آلداتما (اوغلوم قیزیم صاباح سنه قاقا وئره جه گم) کیمی ایران ممالیکی محروسه سینده کی فارس اولمایان میللت اوولادلاری اؤز میللی سیاسی، مدنی و ایجتماعی تشکیلاتلارینی قورماسین و دووشانلیق یوخوسوندان آییلماسینلار دئیه اویقون گؤرونورموش.  گئنه ده اوخویوروق:

" .... و اگر وجود دارد همانی است که چپ های ايرانی به تبعييت از سياست های عملی شوروی سابق درک ميکردند؟ به اعتقاد نگارنده آنچه که در ميان چپ مرسوم بوده و افراد مغرض يا نادان با سوء استفاده از آن امروز داعيهء تجزيهء ايران را مستند به آن ميکنند، هرگز در آثار مارکس، انگلس و لنين وجود نداشته و ندارد."(1).

دئمک، بورادا کئچمیش 80 ایلده کی بوش شعارلارین ماهیتی اورتایا چیخیر. میللتلر مقوله سینده میللتلرین اؤز گله جگینی قبول ائتمه گن ایدئولوژو قوللاری نه اوچون اینسانلیقدان و حقوق برابرلیگیندن دم وورماغا چالیشیرلار؟ بونلار شعار وئردیکلری نیظام و اینتیظام  میللیت مسئله سی حل اولموش توپلوملار ایچریسینده سوسیالیسم دئدیکلری دوزنده  ده اؤز عکسینی تاپمایاجاقدیر. دئمک، ساده ایشچی ایله متخصص و متفکیر برابر اولمایاجاق گؤرونور. مسئله برابرلیک اساسیندا دگیلسه، بو حضراتلار ایجتماعیتی نه اوچون آلداتماغا چالیشیرلار؟ گئنه ده اوخویوروق:

"... آنچه که امروز دستمايه اندک شيخ خزعلی ها، آذريهای خواهان تجزيه و يا ديگر تجزيه طلبان وطنی است، اصلی من در آوردی است که با تمام قوا بايد درمقابلش ايستاد. هر گونه عقب نشينی در مقابل تجزيه طلبان نتنها خطرناک است بلکه با ايجاد امکان برای نظام حاکم بر ايران، بر عمر آن می افزايد."(1).

اوسته گؤروندوگو کیمی بونلار ایران ممالیکی محروسه سینده کی فرهنگی و مدنی حرکتلری تحمل ائده جک گؤرونمورلر. بونلار اوچون فارس مقوله سی اینسانلیق مقوله سی ساییلیر. هرکس فارس اولمانی و فارس ایستعمارینی قبول ائدرسه، نفس چکمه گه حقی وار. فارس شوونیسم و ایستعمار مقوله سینه تسلیم اولمایانلار فارس شوونیسیتلری و اونلارین آلداتیلمیش قوللاری نین غضبینه دوچار اولاجاق گؤرونورموش.  گئنه ده اوخویوروق:

"....  نگاهی به "برنامه" برخی نيروهای "چپ" کافی است که اين احساس را در آدمی بوجود بياورد که بد فهمی تا کجاها رسوبات خود را باقی گذارده است. جنگ جهانی اول و پيامد های آن قبل از آنکه جنگ پايان يابد، بحث اينکه با مللی (کشورهائي) که زير سلطه امپرياليستها بوده اند چه بايد کرد، از جمله در آمريکا با دکترين مدون ويلسون وجود داشت و دنبال ميشد. بنا به اين دکترين ملل دربند نه تنها می بايست آزاد ميشدند بلکه کشوری که آن ملت يا کشور را بخود الحاق کرده و به بند کشيده بود موظف ميشد که کمک های معينی را نيز به ملت يا کشور آزاد شده در اين راه برساند. اينگونه است که آنچه که لنين و قبل از آن انگلس بعنوان "ملل" از آن نام ميبرند معنای تاريخی روشنی داشته و به هيچ روی نبايد و نمی تواند دست مايهء تجزيه طلبان در ايران باشد"(1).

اوسته کی ایفاده لری اوخودوقدا فارس ایستعمارینین فیکیر ملغمه سی ایله داها یاخشی تانیش اولوروق. دئمک، فارس سول تشکیلاتلارنین پروقرام و اساسنامه لری 1990 اینجی ایلدن دگیل، بو تشکیلاتلار فارس دیل و مدنیتی اساسیندا قورولدوغو گوندن اونلارین پروقرام و اساسنامه لری اؤز گونده لیگینی قوروموش گؤرونوردو. ندن فارس ایستعمارچی قووه لری و اونلارین یانچیلاری بوگون فارس سولچولارینی آنلاماز (باخ اوسته: بد فهمی تا کجاها ...) دئیه قلمه آلیر دئدیکده بو مسئله نین جاوابی فارس سولچولارینین آنلاماز اولدوغوندا دگیل، ایران ممالیکی محروسه سینده کی فارس اولمایان دیل و مدنیت نماینده لری نین فارس بویوندوروغو بیزیم وارلیغیمیزا سون قویور مقوله لرینده آختاریلمالیدیر.  گئنه ده اوخویوروق:

".... مقولهء ملل تحت ستم که بايد حق تعيين سرنوشت را به آنها داد اصولا مقوله ای است که به اعتقاد لنين از عوارض جانبی ظهور امپرياليسم است که در سوسياليسم بايد حل شود و اين امپرياليست ها هستند که مورد خطاب قرار دارند. نتنها ملل مورد نظر او شامل حال اقوام ساکن ايران نميشود بلکه اصولا مربوط به سرزمين هائی است که کشور های امپرياليستی با زور به خود الحاق کرده و يا بشکل مستعمره در آورده اند. لنين با استناد به انگلس معتقد است که تا پيش از ظهور امپرياليسم مرزها مرزهای طبيعی بوده اند و اين مرزهای طببيعی به هيچ روی منظور لنين و انگلس نبوده است"(1).

دئمک عوامفریبلیگین ده حددی و حئسابی وار. اوسته گؤروندوگو کیمی بیر یاندان لنین، مارکس اثرلرینده میللتلرین اؤز مقدراتینی بلیرله مک مووضوسوندن بیر سؤز یازیلمادیغینی (باخ :مارکسيست لنينست ها به اصل حق تعيين سرنوشت به مثابه يک اصل بنيادی باور دارند .... ، هرگز در آثار مارکس، انگلس و لنين وجود نداشته و ندارد. باخ (1) باشقا یاندان بو مسئله دن فقط امپریالیستی مملکتلر علیهینه بیر چوماق کیمی ایستیفاده ائدیلمه سی لازیم اولان مقوله دیر دییلمه سی ده کئچمیش 80 ایلده ایران ممالیکی محروسه سینده آمریکا کاپیتولاسیونو علیهینه آخان قانلارا سایقیسیزلیق ائتمک دئمکدیر. دئمک، آچیقجا دییلیرسه، لنین اؤزو ده 1918 ده چار حاکیمیتی علیهینه قوزی آذربایجان جومهوریتی نین موستقیللیگینی تبریک دئمه سی و 1920 ده قیزیل اوردو طرفیندن بو جومهوریتی ایشغال اولماسینی بیر ایشغالچی گوج کیمی قیزیل اوردویا تبریک دئمه سی لنین ده ماهیتینی اورتایا قویور. بئله لیکله سولچولوق آدی آلتیندا فارس تشکیلاتلاریندان فارس اولمایان ایسنانلارین ترخیص اولونمالاری گونون مسئله سینه چئویرمیش اولور. گئنه ده اوخویوروق:

"....لنين در مقابل اين سياست امپرياليستي، سياستی سوسياليستی را قرار ميدهد و ميگويد: "جامعه سوسياليستی هرگز قادر نخواهد شد با توسل بزور ملت هائی را دربست به خود ملحق کند.... در چنين شرايطی هرگونه امکان سلطه ملی توسط قدرت خارجی از بين می رود." مثال های متعددی که لنين می آورد جای هيچ ترديدی نميگذارد که سلطه خارجی به چه معناست؛ مانند سلطه آلمان ها بر بلژيک، سلطه انگليس بر هندوستان، مصر، ايرلند، آفريقا، مسائل مربوط به ترکستان، فنلاند، اوکرائين، جدائی نروژ از سوئد و...لنين حق تعيين سرنوشت را برای "الحاق" شده ها برسميت ميشمارد و الحاق را تعريف ميکند. "چنانچه، هرچند به ميزان اندک، دلواپس تعميق اصولمان از نظر تئوريک هستيم و ميخواهيم فرمولبندی روشن و دقيقی برای آن پيدا کنيم نمی توانيم از زير اين مسئله که الحاق چيست طفره برويم."(1).

اوسته گؤروندوگو کیمی بورادا فارس ماددیگرایلاری (فارس سولچولاری و یانچیلاری) ایستمار مقوله سینی یالنیز کلاسه ائدیلمیش بیچیمده ایضاح ائتمه گه چالیشیرلار. آنجاق دیل و مدنیت اساسیندا فارس ایداری اورگان و تشکیلاتلارینی ایران ممالیکی محروسه سینده کی فارس اولمایان میللتلرین نظریندن یاییندیرماغا چالیشیرلار. دئمک، اینگیلیس ایستعماری هیندوستاندا رسمی ائتمیش اینگیلیس دیلی واسیطه سی هیندوستانداکی اداره اورگانلاری طرفیندن هیندوستانین وار دوولتینی،  یئر آلتی قایناقلارینی سؤمورور، حاکیمت داییره لرینی معیین ائدیردی ایسه، کئچمیش 80 ایلده ایران ممالیکی محروسه سینده کی رسمی اولموش فارس دیل و مدنیتی اساسیندا ایران ممالیکی محروسه سینده کی فارس اولمایان دیل و مدنیتلر یوخ ائدیلمیر می؟ فارس دیل و مدنیتینه اساسلانان فارس ایستعماری ایرانلی اولمانی فارس اولماق ایله ایضاح ائتمه گه چالیشمیرمی؟ ایلحاق مقوله سیندن دانیشیلدیقدا دیل و مدنیت باخیمیندان فارس اولمایان ایران ممالیکی محروسه سینده کی تورپاقلار(ائتنیک آذربایجان، کوردوستان، عربیستان، تورکمنیستان، بلوچیستان و ساییره)  نه اوچون فارس دیل و مدنیتی ایله عینیلشمیش گؤستریلیر؟ فارس مارکسیستلری باخیمیندان دیل و مدنیتلری قدغن ائده رک، فارس دیل و مدنیتینی ائتنیک آذربایجان، کوردوستان، عربیستان، تورکمنیستان، بلوچیستان و ساییره ده رسمیلشدیرمک ایران ممالیکی محروسه سینده کی فارس اولمایان بؤلگه لری ایلحاق ائتمک دگیل می؟ گئنه ده اوخویوروق:

".... . مفهوم الحاق معمولا مستلزم: 1- مفهوم قهر (اتصال قهر آميز). 2- مفهوم يوغ خارجی (اتصال منطقه بيگانه و غيره...) و گاهی نيز: 3- مفهوم تجاوز به وضع موجود... الحاق يعنی تجاوز به حقوق خود مختاری يک ملت و تعيين مرزهای يک دولت عليرغم اراده مردم. مخالف الحاق بودن، يعنی طرفداری از حق خودمختاری کردن. مخالف حفظ قهری هر ملتی در چارچوب مرز های يک دولت مشخص بودن. مخالف حفظ قهری ملل ستمديده در چارچوب مرزهای دولتی که آنها را الحاق کرده و اين همان طرفداری از حق ملل در تعيين سرنوشت خويش است"(1).

دئمک، اوسته گؤروندوگو کیمی دولاییلی اولاراق » حق ملل در تعیین سرنوشت خویش« مقوله سی فارس تشکیلاتلارینداکی فارس اولمایان قوللوقچولاری آلداتماق اوچون وورقولانمیش اولور. ایندی گؤرک، بو اوسته کی مقوله لرین هانکیسی فارس ایستعمار قووه لری طرفیندن رعایت ائدیلیر:

 1925 میلاد ایلینده قاجار امپراتورلوغو علیهینه ووروشان آذربایجان مجاهیدلری تهرانین »اتابگ« باغیندا فارس ایستعمارچیلیغینا یئریکله گن فارس میللتچیلری طرفیندن گولللنیرلر. مشروطیت قانون اساسی سیندا نظرده توتولموش انجمن ایالتی و ولایتی رضا میرپنج واسیطه سی ایله آرادان قالدیریلیر. کئچمیشده دیوان دیلی اولان فارسجا زوراکیلیقلا فارس اولمایان میللتلر اوچون رسمی ائدیلیر. آذربایجاندا شیخ محمد خیابانی باشلیغی آلتیندا »آزادیستان« و سید جعفر پیشه وری باشلیغیندا »آذربایجان میللی حکومتی« تضییقلره اوغرادیقدان سونرا تهران و تبریز آراسیندا ایمضالانان موختاریت مقاوله نامه سی گؤز آردی ائدیله رک مینلر گوناهسیز اینسان قان دنیزینده بوغولمالی اولور. داها نه لر، داها نه لر؟؟

گئنه ده اوخویوروق:

"..... ايران نه تنها بزور کشورها (ملل، خلق های) ديگری را بخود الحاق نکرده است بلکه در اثر هجوم دولت ها و ملل بيگانه بطور مدام بخشهای قابل توجه ای از خود را نيز از دست داده است. آيا همانگونه که آلمانيها و سوئدی ها ميبايست استقلال بلژيک و نروژ را برسميت می شناختند و آن سرزمين ها را ترک ميکردند ما حق نداريم از بقايای ملل متجاوز که خواهان تجزيه ايران هستند بخواهيم که اگر خود را ايرانی نميدانند سرزمين ايران را ترک کنند؟"(1).

دئمک بورادا مولیفین منظورو بیر چوخ پان ایرانیستلر دک قافقازلارداکی یارانمیش (قوزی آذربایجان، گورجوستان و ساییره ) جومهوریتلرمنظور اولور. بیلیندیگی کیمی بو تورپاقلارا صاحیب اولماق ایددعاسی دا قاجارلار منسوب اولدوغو میللته عایید اولمالیدیر، نه اینگیلیستان واسیطه سی ایله قاجار امپراتورلوغونو اله کئچیرمیش یئنی ایستعمارچیلیق ایددعاسیندا اولان فارس شوونیستلرینه.

ایران ممالیکی محروسه سینه قیومچولوق ایددعاسینا گلدیکده معین سرحدلر ایچریسینده دوولتلر یارانمادان قاباق (فرانسه اینقلابیندان اؤنجه) بوتون توپلوملار اؤز یاشاییشلارینی نظره آلاراق و یا هوجوملاردان اؤزلرینی قوروماق اوچون یئر کوره سی اوزره مهاجیرت ائتمه لی اولموشلار. دئمک، بوگونکو ایران ممالیکی محروسه سی ابدی اولاراق کیمسه نین ده ده مالی دگیل، مین ایل حاکیمیت ائتمیش تورک شاهلاریندان قالمیش تورپاقلاردیر. تورک اولان سلطان محمود قزنوی (قزنلی) فارس دیلینی ده بوگونکو ایران تورپاقلارینا گتیرمیش دئسک، یانیلمامیشیق. دئمک، گئتمه لی ده اولسا، بو دیلی گتیرن توپلومون قالیقلاری دگیل، بیر کالا صورتینده گلن بو دیلین قالیقلاری اولمالیدیر. انجاق اینسانلیق مقوله سیندن حرکت ائدرسک، فارسلاریندا اؤز یاشاییش محیطلری وار، باشقا خالقلارین دا. بیز بوگون اینسانلیق پرینسیبینی نظره آلاراق بیر کالا کیمی گلن دیلین قالیقلاری اولان فارسلارا دا فارس ولایتلرینده یاشاما حقی تانیماق و باشقالارینا بو حقی تانیتماق ایسته ییریک.

قایناق:

1                      دارا گلستان، حق تعیین سرنوشت ملل،

http://www.mediya.net/siyaset/Federalism-iran/taine-sarnewesht-310105.htm

ایشیق سؤنمز 26.01.2005

استعمار